mitã ojokóvo kutiañe’ẽ ryru

34.

Finánsa ha Auditoría

34.0

Ñepyrũmby

Umi diésmo ha ofrenda oheja Tupao tojapo Ñandejára salvasiõ ha exaltasiõ rembiapo (tojehecha 1.2). Ko’ã fóndo isagrádo. Umíva orrepresenta Tupaogua miembro-kuéra sacrificio ha jerovia (tojehecha Marcos 12:41–44).

34.2

Liderkuéra Oñangarekóva Barrio-gua Finanánsare

34.2.1

Obispado

Obispo oreko ko’ã rresponsabilida barrio-gua finánsare. Ha’e odelega oimeraẽ umi tembiapógui ikonsehéro ha secretario-kuérape.

Pe obispo:

• Ombo’e ha oinspira miembro-kuérape ohepyme’ẽ hag̃ua peteĩ diésmo oĩmbáva ha tome’ẽ umi ofrenda pojerápe (tojehecha 34.3).

• Ohecha barrio-gua fondokuéra tojeiporu porã ha toñemohenda porã (tojehecha 34.5).

• Orrevisa umi estado financiero káda mes ha ohecha tojerresolve pya’e oimeraẽ mba’e noĩporãiva.

• Ohecha umi organización-gua líder ha secretario-kuéra toikuaa irresponsabilida umi Tupaogua fóndo sagrádo rehe.

• Oprepara ha oadminstra barrio-gua presupuesto anual (tojehecha 34.6).

• Oñembyaty barrio-gua miembro-kuéra ndive anualmente orresivi hag̃ua idiésmo ñemomarandu.

34.2.2

Barrio-gua Secretario-kuéra

Pe obispo oasigna barrio-gua secretario térã peteĩ barrio-gua secretario auxiliar oipytyvõ hag̃ua oguerahávo barrio-gua finánsa registro. Umi secretario osegi jesarekópe umi norma oĩva vihénte omo’ã hag̃ua Tupaogua fondokuéra ha ohecha hag̃ua umi Tupao registro toĩ porã.

Pe secretario oreko ko’ã rresponsabilida:

• Orregistra ha odeposita oimeraẽ fóndo ojehupytýva peteĩ obispado miembro ndive.

• Orrevisa umi estado financiero káda mes ha ohecha tojerresolve pya’e oimeraẽ mba’e noĩporãiva.

• Oipytyvõ obispado-pe oprepara hag̃ua barrio-gua presupuesto anual (tojehecha 34.6.1 ha 34.6.2).

• Ohecha miembro-kuéra toreko acceso umi ideclaración de contribución-pe ha oipytyvõ oñeikotevẽháicha.

Secretario-kuéra orekova’erã Melquisedec Sacerdocio ha peteĩ templo recomendación vihénte.

34.3

Umi Donasiõ

34.3.1

Diésmo

Diésmo ha’e pe donasiõ désima parte peteĩ tapicha ingreso-gui Tupã Tupaópe (tojehecha Doctrina ha Konveniokuéra 119:3–4; pe ñe’ẽ interés ko’ápe oñentendeva’erã ingreso-ramo). Opavave miembro orekóva ingreso ohepyme’ẽva’erã diésmo.

34.3.1.2

Diésmo Ahúste

Pe obispo oñembyaty peteĩteĩ miembro-kuéra ndive umi mes pahápe káda ary orresivi hag̃ua idiésmo ñemomarandu.

Opaite miembro-kuéra oñeinvita oñembyaty hag̃ua obispo ndive:

• Omomarandu hag̃ua obispo-pe ha’eha diésmo ohepyme’ẽva.

• Ohecha hag̃ua idonasiõ registro oĩporãha.

Ikatúramo, opavave familiapegua, mitãnguéra jepe, ohova’erã oñondive diésmo ahústepe.

34.3.2

Umi Ayuno Ofrenda

Tupaogua liderkuéra omokyreỹ miembro-kuérape ovivi hag̃ua pe ayuno léi. Upévape oike oñeme’ẽ peteĩ ofrenda de ayuno pojerápe (tojehecha 22.2.2).

Umi páuta ojeiporu hag̃ua ofrenda de ayuno fondokuéra oñeme’ẽ 22.5.2-pe.

34.3.3

Umi Fondo Misional

Umi donasiõ oñeme’ẽva barrio-gua fondo misional-pe ojeiporu peteĩrã oñeipytyvõ hag̃ua umi barrio-gua misionero de tiempo completo tokumpli ikompromíso donasiõ rehegua.

Tupao oiporu umi donasiõ oñeme’ẽva fondo general misional-pe umi iñeha’ã misional general-pe.

34.3.7

Umi Donasiõ Noñemyengoviái

Umi diezmo ha ambue ofrenda oñeme’ẽva Tupaópe, umíva ha’e Ñandejára mba’e. Umíva oñekonsagra Chupe.

Estakagua presidente ha obispo-kuéra omombe’u umi ome’ẽvape diezmo ha ofrenda umi donasiõ ndaikatuiha oñemyengovia.

34.4

Diésmo ha Ambue Ofrendakuéra Oñeñongatuva’erã Ñeñongatupýpe

Mboýpa peteĩ donador ohepyme’ẽ diésmo ha ambue ofrenda ramo iñeñongatupy. Obispo añónte ha umi oĩva autorisádo opoko térã ohecha hag̃ua ko’ã donasiõ orekova’erã acceso ko marandúpe.

34.5

Tupaogua Fondokuéra Ñeisãmbyhy

Estakagua presidente ha obispo ohecha opa Tupaogua fondo toñemaneha hekopete. Oñemokyre’ỹ obispo ha secretario-kuérape tomaña pe video “Fondo Sagrado, Responsabilida Sagrada” jepe peteĩ jave káda arýpe.

34.5.1

Ñemoirũ Principio

Pe ñemoirũ principio oikotevẽ mokõi tapicha—peteĩ obispado-gua miembro ha peteĩ secretario, térã mokõi obispado-gua miembro—tomba’apo meme orrehistrávo ha odesembolsávo umi Tupao fondo.

Liderkuéra omo’ãva’erã ha araka’eve nokompartíriva’erã ikontraséña (tojehecha 33.9.1.1).

34.5.2

Ojerresivívo umi Diésmo ha Ambue Ofrenda-kuéra

Ñandejára ome’ẽ obispo-kuérape sagrádo jerovia orresivi ha o-contabiliza Santo-kuéra diezmo ha ambue ofrenda (tojehecha Doctrina ha Konveniokuéra 42:30–33; 119). Obispo ha ikonseherokuéra añónte ikatu orresivi diezmo ha ambue ofrenda. Ni mba’evéicharamo hembireko, ambue ifamiliagua, secretario, térã ambue barrio-gua miembro orresiviva’erã umi donasiõ.

34.5.3

Ojeverifika ha Ojerrehistrávo Diésmo ha Ambue Ofrenda-kuéra

Umi donasiõ ojeverifika ha ojerrehistrava’erã upe Domingo ojerresivihápe. Peteĩ obispado-gua miembro ha peteĩ secretario, térã mokõi obispado-gua miembro, oipe’a peteĩteĩ umi sobre oñondive. Ha’ekuéra overifika pirapire oĩva ipype ha’eha papapyichaite ojehaíva pe Diésmo ha Ambue Ofrenda-kuéra recibo-pe. Ha’ekuéra orrehistra peteĩteĩ donasiõ hekopete. Pe pirapire ha pe papapy ojehaíva ndojojáirõ, ha’ekuéra oñe’ẽ pe odonava’ekue ndive pya’ete ikatuháicha omoĩporã hag̃ua pe joja’ỹ.

34.5.4

Ojedepositávo Diésmo ha Ambue Ofrenda-kuéra

Peteĩ depósito ojepreparava’erã ojeverifika rire papapy ojerrehistráva ojojaha pirapire ojerresivívare.

Oĩháme peteĩ banco orekóva 24-hora depósito, pe obispado-gua miembro ha ambue orekóva Melquisedec Sacerdocio odeposita pirapire banco-pe upe araitépe umi fóndo ojeipe’a ha ojeverifika haguépe.

Noĩrihápe banco orekóva 24-hora depósito ha pe banco oñemboty domingo-kue, obispo oasigna peteĩ orekóva Melquisedec Sacerdocio ojapo hag̃ua upe depósito pe día hábil oúvape. Ha’e:

• Ohecha umi fóndo toñemo’ã porã ojedeposita peve umíva.

• Ohupyty peteĩ depósito recibo ohechaukáva fécha ha mboýpa ojedepositava’ekue.

34.5.5

Oñemo’ãvo Tupaogua Fondokuéra

Miembro-kuéra oĩva responsable umi Tupaogua fóndore araka’eve ndohejaiva’erã umíva pyharekue umi centro de reunión-pe ni ndohejaiva’erã oñeñatende’ỹre mba’eve árape, ni umi reunión ha activida aja.

34.5.7

Oñemanehávo Estáka ha Barrio-gua Jehepyme’ẽnguéra

Ndaikatúi ojejapo ni peteĩ estáka ni barrio-gua gásto ni jehepyme’ẽ pe oficial opresidíva oautorisa’ỹre.

Mokõi líder oĩva autorisádo omoneĩva’erã káda jehepyme’ẽ. Peteĩ umívagui ha’eva’erã peteĩ estáka presidencia térã obispado-gua miembro. Ikatúrõ jepe ojeautorisa konseherokuérape omoneĩ hag̃ua umi jehepyme’ẽ, estakagua presidente térã obispo orrevisava’erã káda jehepyme’ẽ. Liderkuéra nomoneĩriva’erã peteĩ jehepyme’ẽ ijupe g̃uarã.

Obispo ikatu mboyve oiporu ayuno-gua ofrenda térã omoneĩ peteĩ obispo pedido ijupe térã ifamiliape g̃uarã, oñeikotevẽ estakagua presidente moneĩ ojehaíva. Oñeikotevẽ peteĩ Área Presidencia-gua miembro moneĩ ojehaíva peteĩ obispo ikatu mboyve oiporu ayuno-gua ofrenda térã omoneĩ peteĩ obispo pedido estakagua presidente térã ifamíliape g̃uarã. Tojehecha 22.5.1.2 pauta-kuerarã.

Peteĩ miembro ojerurérõ reembolso ohechauka peteĩ recibo térã factura kópia físico térã electrónico. Ha’e omoĩ avei mba’erãpa, mboýpa ha mba’e fécha ojejapohague pe jejogua.

Oñeme’ẽrõ tenonderã umi fóndo, pe miembro omondo peteĩ solicitud de pago formulario, oanotávo mba’erãpa, mboýpa ha mba’e fécha. Ojehepyme’ẽ rire umi gásto, pe miembro upérõ (1) ome’ẽ recibo térã factura-kuéra umi fóndo ojeipuruva’ekuére ha (2) ome’ẽ jey oimeraẽ fondo ndojeipuruiva’ekue. Umi fondo oñeme’ẽ jeýva ojedepositava’erã.

34.5.9

Ojeguerahávo Registro Financiero

Peteĩteĩ estáka ha barrio oguerahava’erã registro financiero ag̃agua ha hekopetéva.

Ojehupyty hag̃ua marandu mba’éichapa ojeiporu ha oñeñongatuva’erã umi registro ha informe, secretario-kuéra ohechava’erã umi tekombo’e ome’ẽva Tupaogua Oficinas Generales térã Areagua oficina. Umi Registro financiero oñeñogatuva’erã mbohapy áño aja jepe ha avei pe áño ko’ag̃agua.

34.6

Presupuesto ha Gasto-kuéra

Pe presupuesto asignasiõ programa ome’ẽ umi Tupaogua fondo general ojehepyme’ẽ hag̃ua estáka ha barrio-gua activida ha programa-kuérare.

Hetave umi activida ha’eva’erã sensíllo ha orekova’erã pokã térã mba’eve gasto.

34.6.1

Estáka ha Barrio-gua Presupuesto

Peteĩteĩ estáka ha barrio oprepara ha ogueraha peteĩ presupuesto anual. Pe estakagua presidente omaneha pe estáka presupuesto, ha obispo omaneha pe barrio-gua presupuesto.

Umi páuta oñemombe’u ko’ápe:

• Tojerrevisa mboýpa ojeiporu upe ary mboyveguápe ojehecha hag̃ua oñekonsiderápa umi gasto oiko jeyjeýva.

• Tojejerure umi organización-pe tohesa’ỹijo presupuesto oikotevẽvagui detalladamente.

• Toñemombyky pe presupuesto ojeiporúvo umi presupuesto práctica oñemoneĩva.

34.6.2

Presupuesto Asignasiõ

34.6.2.1

Presupuesto Jedistrivui

Umi presupuesto fondo oñeasigna káda trimestre ojevasávo asistencia-pe ko’ã categoría-pe:

• Reunión Sacramental

• Hombres Jóvenes

• Mujeres Jóvenes

• Primaria-gua mitãnguéra orekóva 7–10 áño

• Jóvenes Adultos Solteros

Imba’eguasu toñemombe’u porã ha araitépe pe asistencia (tojehecha 33.5.1.1).

34.6.2.2

Presupuesto Jeiporu Porã

Estákagua presidente ha umi obispo ohecha tojeiporu porã umi presupuesto asignasiõ fondo-kuéra.

Estáka ha barrio-gua presupuesto fondo-kuéra ojeiporuva’erã ojehepyme’ẽ hag̃ua opaite activida, programa, manual ha material rehe.

34.6.2.3

Hembýva Presupuesto-gui

Presupuesto asignasiõ fondo-kuéragui hembýva ndojeiporuiva’erã. Barrio-gua fondo hembýva oñeme’ẽ jey estákape.

34.7

Auditoría

34.7.1

Estakagua Auditoría Comite

Estakagua presidente ohenói peteĩ estakagua auditoria comite. Upe comite ohecha estáka ha barrio-gua finánsa ojeguerahaha Tupao norma-kúerape he’iháicha.

34.7.3

Auditoría Financiera

Estakagua auditor-kuéra oaudita umi estáka, barrio ha historia familiar centro-gua registro financiero mokõi jave káda ary.

Pe unidad-gua oficial opresidíva ha pe secretario oñeasignáva finánsape oĩva’erã disponible ombohovái hag̃ua umi porandu auditoria aja.

34.7.5

Tupaogua Fondo-kuéra Ñekañy, Ñemonda, Jeiporuvai, térã Jejavyky

Estakagua presidente térã estakagua auditoria comite presidente onotifikava’erã pya’eterei:

• Tupaogua fondo-kuéra okañy térã oñemondárõ.

• Peteĩ líder oiporuvai térã ojavykýrõ Tupaogua fondo-kuéra.