34.

Ekkewe Pekin Moni me Katonochun

34.0

Nepoputan

Ekkewe osoren ew ne engon me osoren echikefen ra mut ngeni ewe Mwichefen an epwe apiru an ewe Samon ewe angangen amanaua me manau mi tekia (nengeni 1.2). Ekkei pekin moni ir mi pin. Ra pwarano ewe asor me nuku an ekkewe chon ewe Mwichefen (nengeni Mark 12:41–44).

34.2

Sou Emwenin Pekin Moni non Wart

34.2.1

Pisoprik

A wor ren ewe pisoprik ekkewe wis mi tetenitiw ren pekin monien wart. I a okunou ngeni noun kewe chon aninis me sou mak ekkoch ekkei angang.

Ewe pisop:

• Aiti me amwasanga ekkewe memper ar repwe monatiw unusen ar asoren ew ne engon me awora ew fangafangochun asoren echikipin (nengeni 34.3).

• Nenengeniochu pwe ekkewe monien wart repwe tumun me fatafatoch porousan (nengeni 34.5).

• Nenengeni ekkewe taropwen nounoun moni ew me ew maram me nengeniochu pwe ekkewe osukosuk repwe mwitir ataweno.

• Nenengenochu pwe ekkewe sou emwenin me sou maken ewe mwichen aramas repwe kaeo wiser ren ekkewe monien Mwichefen mi pin.

• Amonata me anganga ewe pwachetin wart iteiten ier. (nengeni 34.6).

• Churi ekkewe memper non ewe wart iteiten ier an epwe angei nour kewe taropwen asoren ew ne engon.

34.2.2

Ekkewe Sou Makken Wart

Ewe pisop epwe fini ngeni ewe sou makken wart ika emon chon anisi ewe sou makken wart an epwe anisi ren an ewe wart rekotun me iseisen pekin moni. Ekkewe sou mak repwe tumunochu ne opuru ekkewe annuk ar repwe tumunu ekkewe monien Mwichefen me nenengenochu pwe ekkewe rekotun Mwichefen repwe wesewesen pung.

A wor wisen ewe sou mak mi tetenitiw:

• Rekot me wanong non pank ese nifinifin moni a angei fiti emon chon ewe pisoprik.

• Nenengeni ewe taropwen pekin moni ew me ew maram me nenengenochu pwe ekkewe osukosuk repwe mwitir taweno.

• Anisi ewe pisoprik ne amonata ewe pwachetin wart iteiten ier (nengeni 34.6.1 me 34.6.2).

• Nenengenochu pwe ekkewe memper ra tongeni katon nour taropwen met kewe ra awora me ani aninis ussun mi auchea.

Ekkewe sou mak epwe wor rer ewe Melkisetek Pristut me epwe wor nour minefon taropwen mumutan tonong non tempel.

34.3

Ekkewe moni ra monatiw ika aninis

34.3.1

Asorun Ew na Engon

Asoren Ew na Engon ina ewe a tou seni an emon moni tonong ngeni an Kot Mwichefen (nengeni Doctrine and Covenants 119:3–4; interest mi wewe ngeni moni tonong). Meinisin memper mi wor ar anen moni tonong repwe moni asoren ew ne engon.

34.3.1.2

Affaten Porousen Asoren Ew Na Engon

Ewe pisop epwe churi emon me emon memper non fansoun ekkewe omuchunon fite maram ren ew me ew ier an epwe angei an neminewe ika atewe affaten porousen an asoren ew na engon.

Meinisin memper ra kokoto ar repwe churi ewe pisop ar repwe:

• Affata ngeni ewe pisop nonnomun ar monatiw ar asoren ew na engon.

• Nengeniochu rekotun moni ra wattiw repwe wesewesen pung.

Nupwen mi tufich, meinisin memperin ewe famini, achenong ekkewe semirit, repwe fitir non ewe chufengen.

34.3.2

Ekkewe Asoren Echikipin

Ekkewe sou emwenin Mwichefen repwe pesei ekkewe memper ar repwe manaueni ewe annukun echikipin. Ei a pachenong awora ew fangafangochun asoren echikefen (nengeni 22.2.2).

Ekkewe emwenin nounoun ekkewe monien osoren echikipin a kawor non 22.5.2.

34.3.3

Ekkewe Monien Misineri

Ekkewe moni ra kawor ngeni monien misineri non ewe wart ra akaewin nounou an epwe tikerei ewe ukukun pwonen kawor moni an ekkewe misineri seni ewe wart ra angang unusen ekkewe ier.

Ekkewe moni mi kawor ngeni ewe Unusenapen Mwonien Misineri ewe Mwichefen a nounou non unusen angangen misineri.

34.3.7

Ekkewe Aninis mi Kawor ren Moni Rese Tongeni Repwe Moni Sefani

Nupwe ekkewe asoren ew na engon me ekkoch asor ra kawor ngeni ewe Mwichefen, ra noun ewe Samon. Ra unusen pin ngeni I.

Ekkewe presetenin steik me pisop ra esinei ngeni ekkana ra awora ekkewe asoren ew na angon me ekkewe asor pwe ekkei moni rese tongeni niwin sefan.

34.4

Mwonomwonen Asoren Ew Na Engon me Ekkoch Asor

Ewe ukukun monien asoren ew na engon me ekkoch asor a kamo seni ewe chon awora, mi monomon. Ewe chok pisop me ekkana a wor ar mumuta ar repwe anganga ika nenengeni ekkei aninisin kaworen moni repwe tongeni kanengeni ei porous.

34.5

Omokutu Ekkewe Monien Mwichefen

Ewe presetenin steik me pisop repwe nenengenochu pwe meinisin monien Mwichefen repwe omokut non ururun ar repwe omokut. Pisoprik me sou mak ra pesepes ar repwe katon ewe vidio “Ekkewe Moni mi pin, Ekkewe Wis mi Pin” esap kukkun seni fan ew non ew ier.

34.5.1

Nongonongun Chiechi Fengen

Ewe nongonongun chiechi fengen a murinno epwe wor ruemon aramas—emon memper non ewe pisoprik me emon sou mak, ika ruemon chon ewe pisoprik—an epwe wesewesen nom atun rekotun me katoun ekkewe monien Mwichefen.

Ekkewe sou emwen repwe tumunu me resap tongeni ngeni emon ar kewe password (nengeni 33.9.1.1).

34.5.2

Angei Asoren Ew Na Engon me Ekkoch Asor

Ewe Samon a fen ngeni ekkewe pisop ewe nukunuk mi pin ar repwe angei me rekotuni ekkewe taropwen ekkewe asoren ew na engon me ekkoch asor an ekkewe Souneng (nengeni Doctrine and Covenants 42:30–33; 119). Ewe chok pisop me noun kewe chon aninis ra tongeni angei ekkewe osoren ew na engon me ekkoch osor. Esap tongeni epwe or fansoun epwe mut ngeni punuwer kewe, me ekkoch chon ar kewe famini, ekkewe sou mak ika ekkoch chon ewe wart repwe angei ekkewe asor.

34.5.3

Apungano me Rekotini Asoren Ew Na Engon me Ekkoch Asor

Ewe kaworen aninisin moni repwe kapunguno me rekotuno non ewe Raninifen ra angei. Emon chon ewe pisoprik me emon sou mak, ika ruemon chon ewe pisoprik, ra chufengen ne suku echo me echo kewe futo. Ra apungano pwe ekkewe moni ra nom non ekkewe futo a nonno ngeni ukukun ekkewe mi mak won ewe toropwen Asoren Ew Na Engon me Ekkoch Asor. Ra forochu ar makkei ew me ew asor. Ika ekkewe moni me ewe ukukun mi mak a sokono, repwe mwitir kori ewe chon awora ewe asor ar repwe atawei ewe met mi sokofesen.

34.5.4

Tiposetini Asorun Ew Na Engon me Ekkoch Asor

Ew tiposet epwe moneta mwirin a fatafatoch ekkewe ukukun ra rekotutiw a nenno ngeni ekkewe moni ra angei.

Ikewe a wor ew 24-awa an bank nenien tiposet, ewe chon pisoprik me pwan emon mi wor an Melkisetek Pristut a tiposetini ekkewe moni non ewe bank non chok ewe ran ekkewe moni ra suk me kapunguno.

Ikewe a wor ew pangk 24-awa an bank nenien tiposit ese wor me ewe bank a kesip non Raninifen, ewe pisop epwe finata emon mi wor ren ewe Melkisedek Pristut an epwe fori ewe tiposet non ewe sorotan ranin angang. I epwe:

• Tumunochu pwe ekkewe moni ra iseis non ew neni mi tumun tori repwe tiposet.

• Angei echo resiten tiposit epwe pwa ewe ran me ukukun ewe tiposet.

34.5.5

Tumunuochun Ekkewe Monien Mwichefen

Ekkewe memper ra wisen tumunu ekkewe monien Mwichefen resap tongeni nikitireno non ewe nenien chufengenin mwich nepwin ika nikitireno nge esap wor chon tumunur non fansoun meinisin, usun ren fansoun mwichfengen me mokutukutun urumot.

34.5.7

Angangen Omokutun Momon Steik me Wart

Ese wor onounoun moni non steik ika wart epwe for ika kamou nge ese wor mumuta seni ewe chon emweni nouwis.

Ruemon sou emwen ra angei ar mumuta repwe mutata kamoun ew me ew kewe momon. Emon me neir epwe chon ewe presetensin steik ika pisoprik. Ina mo ika ekkewe chon aninis mei angei ar mumuta ar repwe mutata ekkewe momon, ewe presetenin steik ika pisop repwe nenengeni ew me ew kewe momon. Ekkewe sou emwen resap mutata ew momon ngenir.

Noun ewe presetenin steik ewe taropwen mumuta a murinno epwe nom me mwen emon pisop epwe nounou monien osoren echikipin ika mutata an emon pisop tingor fan itan ika an famini. A murinno epwe wor taropwen mumuta seni emon chon ewe Presetensin Area me mwen emon pisop epwe nounou osoren echikipin ika mutata an emon pisop tingor fan iten ewe presetenin steik ika an famini. Nengeni 22.5.1.2 ren ekkewe nongonongen emwen.

An emon memper tingor siwinin ewe moni a kamo won a awora kapin ewe risit ika infois. Neminewe ika atewe a pwan apachanong popun, ukukun, me ranin ewe a kamo.

Ika ekkewe moni a fen kamou chok me mwen ewe fansoun, ewe memper epwe awora echo toropwen tingorun mon, afatatiw ewe popun, ukukun, me ranin. Mwirin an a kamou siwinin ewe a kamono won, ewe memper epwe 1) awora resit ika infois ren ewe ekkewe moni e kamono won me (2) eniwini nussun moni ese kamo won. Ekkewe moni mi niwinsefan epwe pwan tiposet sefan.

34.5.9

Iseni Ekkewe Rekotun Pekin Moni

Ew me ew steik me wart repwe iseni ekkewe rekotun pekin moni mi wesewesen pung me minen chok iei.

Ren porousen ewe soposoponon nounoun ekkewe rekot me repot, ekkewe sou mak repwe no ngeni ekkewe kapasen emwen seni ofesinapen Mwichefen ika ewe ofesin area. Rekotun pekin moni repwe chok nom epwe ukukun unungat ier kapach ewe ier iei.

34.6

Kokkotun Onounou Moni me Nounoun

Ewe prokramin kokotun onounoun moni mi mumuta a awora unusenapen ekkewe monien Mwichefen an epwe moni ekkewe mokutukutun Mwichefen me prokram ren ekkewe steik me wart.

Napengeni ekkewe mokutukut urumot epwe chok mecheres me epwe chok kukun ika esap fen wor niwinin.

34.6.1

Kokkotun Onounoun Moni ren Steik me Wart

Meinisin steik me wart ra amonata me anganga ew kokkotun onounoun moni iteiten ier. Ewe presetenin steik a wisen omokutu kokotun onounoun monien steik, me ewe pisop a omokutu kokotun onounoun moni non ewe wart.

Ekkewe nongonongen emwen ra tettenitiw fan:

• Nenengeni ewe ukukun moni tou non fansoun ewe ier a no ar repwe tumunochu ne ekieki usun kamon mettoch ren moni tou mi fifis.

• Tingorei ekkewe mwicheich repwe areere ika epwe ifa ukukun moni repwe nounou epwe tichik.

• Ochufengeni ewe kokkotun nounoun moni mi aea fofforun nounoun moni mi mumuta.

34.6.2

Nounoun Moni mi Kawor

34.6.2.1

Anounoun ewe Moni

Kokkotun nounoun ekkewe moni ra katou iteiten mwirin unungat maram anongonong won iteiten chon fiti non ekkewe tetenin mi mak fan:

• Mwichen Sakrament

• Mwichen Onuon

• Mwichen Fopun

• Kinter ier 7–10

• Sarafo ierir a nuseni ierin sarafo nge rese mo pupunu

Mei auchea epwe repotei wesewesen iteiten chon fiti ekkewe mwicheich me epwe mwitir (nengeni 33.5.1.1).

34.6.2.2

Murinon Kokkotun Onounoun Moni

Ekkewe presetenin steik me pisop repwe nengeniochu kokotun onounoun moni mi mumuta repwe nounouochu.

Kokkotun onounoun monien steik me wart repwe nounou ngeni kamon meinisin mokutukutun Mwichefen, prokram, puk me pisek.

34.6.2.3

Kokotun Onounoun Moni mi Nuno seni Ukukun mi Affat

Moni mi nuno seni ukukun mi affat esap wor nounoun. Monien wart mi nuno seni ukukun mi affat, epwe niwin ngeni ewe steik.

34.7

Chekin nounoun moni

34.7.1

Mwichen Cheki Nounoun Moni non Steik

Ewe presetenin steik a fini ew mwichen cheki nounoun moni. Ei mwich a nenengeniochu pwe ekkewe monien steik me wart ra anganga anongonong ngeni annukun Mwichefen.

34.7.3

Ewe Chekin Nounoun Moni

Ekkewe chon fori ewe chekin nounoun moni non steik ra cheki rekotun monien ewe steik, wart, me uruon famini fan ruu non ew me ew ier.

Ewe chon emweni nouwis non ewe kinikin me ewe sou mak ekkewe ra fin ngeni angangen moni repwe mwoneta ar repwe ponueni ekkewe kapas eis nupwen ewe chekin moni.

34.7.5

Poutuno, Angangen Sona, Noun Mwani Mwoni, ika Nounou Ngawei Ekkewe Monien Mwichefen.

Ewe presetenin steik ika chon emweni ewe mwichen cheki nounoun moni repwe mwitir angei esinesin ika:

• Ekkewe monien Mwichefen ra poutuno ika emon a sonanir.

• Emon sou emwen a angeimwani ika nounoungawei ekkewe monien Mwichefen.