hénte ojohéivo ventána ha oaspirávo

35.

Umi Centro de Reunión Ñeñangareko ha Jeiporu

35.1

Propósito

Tupao ome’ẽ umi centro de reunión opavave oikéva ikatu hag̃uáicha:

• Ojapo ha ombopyahu konveniokuéra umi ordenánsa sagráda rupive (tojehecha Doctrina ha Konveniokuéra 20:75; 59:9–12).

• Oñerreuni (tojehecha 3 Nefi 18:22–23).

• Otupãitũ ha oñembo’e oñondive (tojehecha Mosíah 18:25; Moroni 6:9).

• Ombo’e ha oministra ojupe (tojehecha Moroni 6:4–5).

• Opartisipa ambue jeiporu oje’aprovávape oñemombe’úva ko capítulo-pe.

35.2

Umi Funsiõ ha Rresponsabilida

35.2.2

Tupaogua Gerente de Propiedades

Peteĩ Gerente de Propiedades omba’apóva Tupaópe g̃uarã oipytyvõ peteĩteĩ estákape ofunsionauka hag̃ua umi centro de reunión. Ha’e ojapouka umi rreparasiõ tuicháva, ñemopotĩ pypuku, ha pe edificio mantenimiento jepiguáva.

Oñeikotevẽháicha, pe gerente de propiedades oipytyvõ ohekombo’évo estáka ha barrio-gua edificio representante-pe mba’éichapa oñemopotĩva’erã pe edificio ha ojapo hag̃ua ambue tembiaporã upepegua. Ha’e ome’ẽ umi tekombo’e, material ha ekípo.

Avei oanalisakuaa umi edificio gásto obispado-kuéra ndive.

35.2.7

Obispado

Pe obispado (térã barrio-gua edificio representante) ombo’e miembro-kuérape mba’éicha ojeiporu, oñeñangareko ha oñemo’ã pe edificio. Pe obispado avei ome’ẽ edificio llavekuéra umi barrio-gua líder-pe.

Ha’ekuéra ohecha umi activida pe edificio ha ikorapýpe tojejapo segurida reheve (tojehecha 20.7).

Ha’ekuéra oñemongeta Tupaogua gerente de propiedades ndive, mantenimiento ha operasiõ rehegua remikotevẽ rehe. Avei oanalisakuaa hikuái umi gásto pe gerente de propiedades ndive.

35.2.9

Barrio-gua Edificio Representante

Pe obispado odetermina oñehenoiva’erãpa peteĩ barrio-gua edificio representante. Odesidirõ hikuái oipysotaha ko llamamiento, pe obispado ohenoikuaa peteĩ miembro kakuaávape kuña térã kuimba’e. Noñehenóirõ peteĩ barrio-gua edificio representante, pe obispo oasignakuaa ko rresponsabilida peteĩ ikonsehérope, pe barrio-gua secretario térã pe barrio-gua secretario asistente, térã pe secretario ejecutivo.

Pe barrio-gua edificio representante omohenda miembro ha voluntariokuéra omopotĩ ha omantene hag̃ua pe edificio. Ha’e ombo’e chupekuéra mba’éicha ojapova’erã káda tembiapo umi suministro ha ekípo oĩva disponible reheve.

35.3

Ojeproveévo umi Centro de Reunión

Umi centro de reunión ovaria tuichakue ha típope odependévo umi upepegua situasiõ ha temikotevẽgui. Peteĩ centro de reunión ikatu ha’e peteĩ espacio Tupao omopu’ãva térã ojoguáva, peteĩ miembro róga, peteĩ escuela térã centro comunitario uperupigua, peteĩ espacio ojealkiláva, térã ambue opción oje’aprováva.

Área ha upepegua liderkuéra oñeha’ãmbaite oiporu porã hag̃ua umi centro de reunión oĩmava ha iñarandu orrekomendávo oñemoĩve hag̃ua espacio pyahu.

35.4

Umi Centro de Reunión Mantenimiento

35.4.1

Oñemopotĩ ha Oñemantenévo umi Centro de Reunión

Umi líder ha miembro local, ijapytépe umi imitãva, oreko rresponsabilida oipytyvõvo oñeñongatu hag̃ua káda edificio potĩ ha estado porãme.

Pe ñemopotĩ horario ndaha’éiva’erã mba’e pohýi miembro-kuérape g̃uarã. Ehémploramo, hasýrõ oñeg̃uahẽ hag̃ua pe edificio-pe, miembro-kuéra omopotĩkuaa oĩ jave upe edificio-pe umi activida semanal aja.

35.4.2

Ojejerurévo Rreparasiõnguéra

Barrio ha estakagua konsého miembro-kuéra omombe’ukuaa oñeikotevẽrõ edificio mantenimiento. Kóva ojejapokuaa ojeiporúvo Informes de problemas de propiedades (FIR) tembiporu.

35.4.5

Prevensiõ ha Segurida

Líder ha miembro-kuéra ojapova’erã:

• Ohejava’erã nandi umi pasíllo, eskaléra, ñesẽha ha servicio koty pe jeike ha ñesẽ isegúro hag̃ua.

• Ndoiporúi ni noñongatuiva’erã edificio-pe umi material ipeligróso ha hendykuaáva.

• Omoĩ ha osegiva’erã procedimiento ollavea hag̃ua pe edificio.

• Omo’ãva’erã ani oñemonda Tupaogua ekipokuéra.

• Oikuaava’erã mba’éichapa oñemboty umi servicio público, y, electricida ha gas térã combustible.

Oñeikotevẽháicha, pe gerente de propiedades ome’ẽkuaa peteĩ mápa ohechaukávo moõpa oĩ umi tata mbogueha, primeros auxilios botikín ha oñembotyhápe umi servicio público. Ojehupytyve hag̃ua marandu segurida rehegua tojehecha “Segurida ha Ñemboty Procedimiento-kuéra” “Umi Centro de Reunión Mantenimiento”-pe (Umi Centro de Reunión Instalasiõ gía). Tojehecha avei 20.7.

35.5

Umi Norma Ojeiporúvo Tupaogua Propieda

35.5.1

Arte’apo

Umi centro de reunión ohechaukava’erã peteĩ reverencia remiandu Jesucristo-re ha otestifika miembro-kuéra ojeroviaha Hese. Arte orrepresentáva Jesucristo-pe oñemoĩva’erã umi centro de reunión vestíbulo-pe ohechauka hag̃ua ko jeguerovia fundamental.

35.5.2

Edificio Jeiporu Noĩriva Permitído

35.5.2.1

Comercio-rã Jeiporu

Tupaogua propieda ndojeiporuiva’erã comercio propositorã. Ehémploramo, ndojeiporuiva’erã oñeipytyvõ hag̃ua oimeháichagua negocio. Upéichagua jeiporu ndohói Tupao propieda propósito reheve. Ikatu avei ojoavy umi ley local térã nacional reheve opermitíva impuesto jehepyme’ẽ’ỹ Tupao propiedápe.

Noĩri autorisádo oñeinvita umi orador térã instructor ombyatýva participante, ohekáva cliente, térã ojehepyme’ẽvape ome’ẽ hag̃ua seminario, mbo’epy (ỹrõ piano térã órgano clase privádo; tojehecha 19.7.2), ejercicio físico clase, ha ambue activida noĩriva aprovádo.

35.5.2.2

Umi Política Propósito

Tupaogua propieda ndojeiporuiva’erã política propositorã. Upévape oike ojejapo rreuniõ térã kampáña política. Tupao oguereko peteĩ postura neutral política témape (tojehecha 38.8.30).

35.5.2.3

Ambue Jeiporukuéra

Ambue Tupaogua propieda jeiporu noĩriva permitído ha’e:

• Ojejapo entrenamiento térã ambue evénto deportívo noĩriva patrocinado Tupaóre. Umi coro comunitario ha ñemenda civil ikatu peteĩ excepción (tojehecha 38.3.4 ñemenda civil rehegua).

• Ojeheja hentekuérape topyta pyharekue oke hag̃ua (ỹrõ emergencia-pe; tojehecha 35.5.4).

• Oñeakampa térã ambue activida oikehápe ojehasa pyhare ojeke hag̃ua.

Ko’ã jeiporu noĩri jepi aprovádo. Umi líder local oñemongeta gerente de propiedades ndive oñandúrõ oñeikotevẽha peteĩ excepción.

• Tupaogua edificio ha propiedakuéra jealkila térã ñearrenda.

• Ojeiporu umi Tupao propieda ojejapo hag̃ua censo térã votante político registro, térã votasiõ electoral; ikatu ojejapo peteĩ excepción oĩramo peteĩ goviernogua pedído oficial, ndaipórirõ ambue alternativa porã ha pe evénto nombyaimo’ãi Tupao posisiõ neutral ra’anga (tojehecha 38.8.30)

35.5.4

Emerhensiakuéra

Peteĩ emerhénsia aja, pe estakagua presidente odesidi oikova’erãpa barrio ha estakagua rreuniõnguéra. Ikatu avei oheja tojeiporu Tupao edificio ha propiedakuéra umi organización de Socorro en caso de desastre rupive ha ambue actividarã ohóva umíva rehe.

35.5.10

Fotografía ha Video Jegrava Reunión Sacramental Aja

Umi reunión sacramental isagrádo. Upévare, noñepermitíri umi reunión sacramental jefotografía térã jegrava.

Ojehupytyve hag̃ua marandu reunión sacramental ha ambue rreuniõ ñetransmiti rehegua, tojehecha 29.7.