Masungula Mangatshibua mu Mukanda Munena wa Maludiki

Contents
Dibeji dia Dîna
Dienzela Masungula Mangatshibua mu Mukanda Munena wa Maludiki
Malongesha a Nshindamenu
- 0. Tshikepeshelu tshia Tshibangilu
- 1. Dilongolola dia Nzambi ne Bujitu Bueba mu Mudimu wa Lupandu ne Dizanjikibua
- 2. Kuambuluisha Bantu ne Mêku mu Mudimu wa Lupandu ne Dizanjikibua
- 3. Nshindamenu ya Buakuidi
- 4. Bulombodi ne Bipangu mu Ekelezia wa Yezu Kilisto
Ndongoluelu wa Ekelezia
- 5. Bulombodi Bunena ne bua Ntenji
- Bulombodi bua Dikunji
- 7. Buepiskopo
- 8. Mpuilu wa Bakulu
- 9.Nsangilu wa Diambuluisha
- Mpuilu ya Buakuidi bua Alona
- Bansongakaji
- Tshilongelu tshia Mbedi
- 13. Tshilongelu tshia Dialumingu
- 14. Bidimba Bidi Nkaya
- 15. Seminaire ne Institut ya Tshitendelelu
Mudimu wa Lupandu ne Dizanjikibua
- Kuteka Lumu Luimpa lua Yezu Kilisto mu Tshienzedi
  - 16. Kuteka Lumu Luimpa lua Yezu Kilisto mu Tshienzedi
  - 17. Kulongesha Lumu Luimpa
  - 18. Kukumbaja Milulu ne Mabenesha bia Buakuidi
  - 19. Misambu
  - 20. Bibilu
- Kuambuluisha Bantu Badi mu Majinga
  - 21. Dikuba
  - 22. Kuandamuna ku Majinga a mu Mubidi ne Kuibaka Budikadidi
- Kubikila Bantu Bonsu bua Kupeta Lumu Luimpa
  - 23. Kutangalaja Lumu Luimpa ne Kukankamika Bidimba Bipia-bipia ne Bidi Bipingana
  - 24. Manyisha ne Kusadila kua Muena Bukenji
- Kukunguija Mêku bua Tshiendelela
  - 25. Mudimu wa Ntempelo ne wa Muyuki wa Dîku mu Tshikongu ne mu Dikunji
  - 26. Manyisha a Kubuela mu Ntempelo
  - 27. Milulu ya Ntempelo bua Bantu Badi ne Moyo
  - 28. Milulu ya Ntempelo bua Bafua
Bulongolodi Bua Ekelezia
- 29. Bisangilu mu Ekelezia
- 30. Mabikila mu Ekelezia
- 31. Miyuki ya Nkaya ne Bisangilu Bikuabu ne Bidimba
- 32. Bipangu bia Dikudimuna dia Mutshima ne Buikadi bua Tshidimba mu Ekelezia
- 33. Miandiku ne Milubu
- 34. Mpetu ne Dilondolola
- 35. Kulama ne Kuenza Mudimu ne Nzubu ya Bisangilu
  - 35.1. Kipatshila
  - 35.2. Majitu ne Midimu
  - 35.3. Kufila kua Nzubu ya Bisangilu
  - 35.4. Kulama kua Nzubu ya Bisangilu
  - 35.5. Ngenzelu pa Kuenza kua Mudimu ne Bintu bia Ekelezia
- 36. Kufuka, Kukudimuna, ne Kufila Mena kua Bitupa Bipia-bipia
  - 36.0. Tshibangilu
- 37. Makunji, Bikongu, ne Matamba Bisunguluka
- 38. Ngenzelu ne Maludiki Makuabu a Ekelezia

35. Kulama ne Kuenza Mudimu ne Nzubu ya Bisangilu

“35. Kulama ne Kuenza Mudimu ne Nzubu ya Bisangilu,” Masungula Mangatshibua mu Mukanda Munena wa Maludiki (2023).

“35. Kulama ne Kuenza Mudimu ne Nzubu ya Bisangilu,” Masungula Mangatshibua mu Mukanda Munena wa Maludiki

35.

Kulama ne Kuenza Mudimu ne Nzubu ya Bisangilu

35.1

Kipatshila

Ekelezia udi ufila nzubu ya bisangilu bua ne bonsu badi babuela:

Benza ne bamuenununa bipungidi kupitshila ku milulu ya tshijila (tangila Dilongesha ne Bipungidi 20:75; 59:9–12).
Basangila pamua (tangila 3 Nefi 18:22–23).
Batendelela ne basambila pamua (tangila Mosiya 18:25; Moloni 6:9).
Balongeshangana ne basadilangana (tangila Moloni 6:4–5).
Badibuinka mu malu makuabu onsu adi mitabibua bu mudibi biumvuija mu shapita ewu:

35.2

Majitu ne Midimu

35.2.2

Mutangidi wa Malu a Bintu bia Ekelezia

Muena mudimu wa Ekelezia udi utangila malu abintu, udi wambuluisha dikunji dionsu bua dienza mudimu ne nzubu ya bisangilu. Udi ulongoluesha bintu bidi binyanguka bikola, usukuisha nzubu mujima, ne dilongolola pa tshibidilu dia bibakilu.

Pikalabi bikengedibua, mutangidi wa malu a bintu udi wambuluisha bua kulongesha bimanyinyi ba bintu ne bibakilu bia bikongu mushindu wa kusukula bibambalu ne kukumpaja imua midimu mikesa. Udi ufila malongesha, biamua, ne bintu bia kuenza nabi mudimu.

Udi kabidi mua kutangilula dilongoluesha dia bintu bia mu bibakilu ne bepiskopo.

35.2.7

Buepiskopo

Buepiskopo (anyi muimanyinyi wa bintu ne bibakilu) udi ulongesha bidimba mushindu wa kulama, ne kukuba bintu ne bibakilu. Buepiskopo budi kabidi bufila nsapi ya bibambalu kudi balombodi ba tshikongu.

Badi bajadika ne, bibilu bidi bienzeka mu bibambalu ne mu bula bidi bilombodibua bimpa (tangila 20.7).

Badi bayukila ne mutangidi wa malu a bintu bia Ekelezia bua majinga a kulongolola tshintu. Badi kabidi mua kuakula ne mutangidi wa malu a bintu bua makuta adi matuka ku bintu ebi.

35.2.9

Muimanyinyi wa Bintu ne Bibakilu wa Tshikongu

Buepiskopo budi bupangadika bua kubikila muimanyinyi wa bintu ne bibakilu wa tshikongu. Padibu bapangadika bua kufila dibikila edi, buepiskopo budi mua kubikila tshidimba tshikulumpa tshia baluma anyi tshia bakaji. Padiku muimanyinyi wa bintu ne bibakilu wa tshikongu kayi mubikidibua, muepiskopo udi mua kufila bujitu ebu kudi umua wa ku babedi benda, kaleleki wa tshikongu anyi kaleleki muambuluishi, anyi mufundi mutumiki.

Muimanyinyi wa bintu ne bibakilu udi wenza bulongolodi pamua ne bidimba ne badifidi bua kusukula ne kulama bibakilu. Udi ubalongesha mushindu wa kuenza mudimu yonsu ne biamua bia mudimu ne bintu bidikoku.

35.3

Kufila kua Nzubu ya Bisangilu

Nzubu ya bisangilu idi mishilangana ku bunena ne ku ngikadilu bilondeshila majinga ne mikenji ya pa muaba. Nzumbu wa tshisangilu udi mua kuikala muaba muibaka anyi musumba wa Ekelezia, nzubu wa tshidimba, tshilongelu anyi tshibambalu tshia mu tshimenga, muaba wa difutshila, anyi mukuabu mushindu.

Balombodi ba ntenji ne ba pabuipi badi badienzeja bua kuenza mudimu ne nzubu ya bisangilu idiku mu bujima buayi, ne kuikala ne meji mu kulomba kua miaba mikuabu.

35.4

Kulama kua Nzubu ya Bisangilu

35.4.1

Kusukula ne Kulama kua Nzubu ya Bisangilu

Balombodi ba pabuipi ne bidimba, pamua ne bansonga, badi ne bujitu bua kuambuluisha bua kulama tshibakilu tshionsu tshisukula ne mankenda.

Mudimu wa kusukula kawena ne bua kuikala bujitu pa mutu pa bidimba to. Tshilejilu, pikala luendu lua kufika ku nzubu wa tshisangilu luikala lula, bidimba bidi mua kusukula bu tshitupa tshia bibilu bia lumingu pakadibu ku nzubu wa tshisangilu.

35.4.2

Kulomba Dilongoluesha

Bidimba bia bipangu bia tshikongu ne bia dikunji bidi mua kuenza mulubu wa majinga a dilongoluesha bibakilu. Badi mua kenza mulubu ewu mu nshinga kupitshila ku Facility Issue Reporting (FIR).

35.4.5

Bukubi ne Bulami

Balombodi ne bidimba badi ne bua:

Kulama mu butoka bipitshilu, bibandilu, bilopokedi, ne bibambalu bia mushinga bua dibuela ne dilopoka mu bukubi.
Kubenga kuenza mudimu anyi kuteka bintu bia njiwu anyi bidi bikuata kapia mu nzubu ya bisangilu.
Kuteka ne kulonda ngenzelu ya nkangilu wa bîbi bia nzubu ya bisangilu.
Kulama bintu bia Ekelezia bua kabijiminyi to.
Kumanya mushindu wa kujima ne kukanga bintu, bu mudi, mâyi, nzembua, ne gaze anyi kasolonyi.

Badibi bikengedibua, mutangidi wa malu a bintu udi mua kufila kalata ka buludiki kadi kaleja miaba idi extincteur, biamua bia bukubi bua kumpala, ne miaba ya kukosa nzembua ya biamua. Mamanyisha a bungi a bukubi, adi mu “Security and Lockup Procedures” mu “Maintaining Meetinghouses” (Meetinghouse Facilities Guide). Tangila kabidi 20.7.

35.5

Ngenzelu pa Kuenza kua Mudimu ne Bintu bia Ekelezia

35.5.1

Midimu Mizola

Nzumbu ya bisangilu idi ne bua kuleja ngikadilu wa kanemu bua Yezu Kilisto ne kujadika ditabuija dia bidimba mu yeya. Mudimu muzola wa tshimfuanyi tshia Yezu Kilisto udi ne bua kutekibua mu nzubu ya bisangilu bia mu miaba idi Ekelezia bua kuleja ditabuija edi dinena.

35.5.2

Nkuatshilu wa Mudimu ne Nzubu ya Bisangilu udi Kayi Muanyishibua to

35.5.2.1

Dienda dia Mushinga

Tshintu tshia Ekelezia katshiena ne bua kuangatshibua mu tuipatshila tua kupana to. Tshilejilu, katshiena mua kuangatshibua bua kutua mpanda ku tshisalu tshionsu to. Nkuatshilu wa mudimu wa nanku kena ululamangana ne tuipatshila tua bintu bia Ekelezia to. Udi kabidi mua kufila bilumbu ne mikenji ya musoku anyi ditunga idi mua kufutshisha bitadi ku tshintu tshia Ekelezia.

Bayishi anyi balongeshi badi bangata ku mudimu bantu, bakeba basumbi anyi bakombodi, anyi bafutshibua difutu padibu balongesha mu seminaire, malongesha (Pa kumbusha dilongesha dia piano dia nkaya anyi organ; tangila 19.7.2), balongesha mu tulasa, ne mu bibilu bikuabu, kabena banyishibua bua kuenza nanku to.

35.5.2.2

Tuipatshila tua Malu a Tshididi

Tshintu tshia Ekelezia katshiena ne bua kuangatshibua bua tuipatshila tua malu a tshididi to. Ebi bidi bu mudi, kuenza kua bisangilu anyi madisuisha a malu a tshididi. Ekelezia kena ubuela mu malu a tshididi to (tangila 38.8.30).

35.5.2.3

Ngenzelu ya Mudimu Mikuabu

Ngenzelu ya mudimu mikuabu ne bintu bia Ekelezia idi kayiyi mianyishibua idi:

Kuenza ndongoluelu ya malu a manaya anyi bibilu bidi kabiyi bitua mpanda kudi Ekelezia to. Nkuaya ya mu nsangilu wa bantu ne mabaka a mbulamatadi bidi mua kumbushibua (tangila 38.3.4 bua mabaka a mbulamatadi).
Kuitaba dipitshisha dia butuku (pa kumbusha mu malu makola; tangila 35.5.4).
Tshitangu anyi bibilu bikuabu bidi bilomba kulala butuku.

Ngikadilu idi ilonda eyi kayena mianyishibua to. Balombodi ba pabuipi badi mua kuyukila ne mutangidi wa malu a bintu padiku bualu budi bulomba dilekela.

Bintu bia Ekelezia bisomba anyi bidi mu difutshila
Kuenza mudimu ne nzubu ya bisangilu bua masungula a bena tshididi anyi difundisha dia bantu; dilekela didi mua kuenzeka ku dilomba dia balombodi ba ditunga padiku kakuyi mushindu mukuabu ne padi ngenzelu ewu kayi utatshisha muenenu anyi buikadi bua Ekelezia pambelu pa malu a tshididi (tangila 38.8.30)

35.5.4

Malu a Tshimpitshimpi

Mu malu a tshimpitshimpi, mulombodi mukulu wa dikunji udi upangadika bua kuenza bisangilu bia tshikongu ne dikunji. Udi kabidi mua kuitaba bua nzubu ya bisangilu ne bintu bia Ekelezia biangatshibua kudi malongolodi a disungidila bantu mu ntatu ne bua midimu ya momumua.

35.5.10

Dikuata dia Foto ne Video mu Tshisangilu tshia Biakudia bia Tshijila

Bisangilu bia biakudia bia tshijila bidi bia tshijila. Bua kabingila aka, dikuata dia foto anyi video mu bisangilu bia biakudia bia tshijila kadiena dianyishibua to.

Bua mamanyisha a bungi bitangila dituma mu nshinga anyi dileja video ya bisangilu bia biakudia bia tshijila ne bisangilu bikuabu, tangila 29.7.