35.

Tumunun me Aean ekkewe Imwen Mwich

35.1

Popun

Ewe Mwichefen a awora imwen mwich pwe meinisin ion mi tonong ra tongeni:

• Fori me asofosefani ekkewe pwon mi pin me non ekkewe angangepin (nengeni Doctrine and Covenants 20:75; 59:9–12).

• Mwichfengen (nengeni 3 Nifai 18:22–23).

• Fen ngeni ewe Samon me iotek fengen (nengeni Mosaia 18:25; Moronai 6:9).

• Osukun me iamwir fengen (nengeni Moronai 6:4–5).

• Fifiti ekkoch aean mi mumuta ussun mi affatetiw non ei sopun.

35.2

Ekkewe Angang me Wis

35.2.2

Mei Napen Chon Tumunu ekkewe Imwen Mwichefen

Emon mi kamo Chon-Angangen tumunu ekkewe imwen Mwichefen a anisi ew me ew steik ren angangen ekkewe imwen mwich. Atewe ika neminewe a wisen ota ne fori waten met mi taa, watten enimenim, me tumunun murinon ewe imw ren met mi fifis iteitan.

Nupwen mi namot, ewe chon angang meinap a anisi ne aiti ekkewe chon tupuni steik me wart won ifa ussun ar repwe nimeti ewe imw me fori ekkoch angang. Atewe ika neminewe epwe awora emwen, pisekin angang me ekkewe pisek mi auchea ngeni ewe angang.

Atewe ika neminewe meni epwe pwan nenengeni monien pisekin ewe imw fengen me ewe pisoprik.

35.2.7

Pisoprik

Ewe pisoprik (ika ewe chon tupuni ewe imwen wart) a osukuna kewe memper won ifa ussun repwe aea, tumunu, me pekin anukunuku ewe imw. Ewe pisoprik epwe pwan einetau ekkewe kien ewe imw ngeni ekkewe sou emwenin wart.

Repwe tumunuochu pwe urumot mi fis non ewe imw me nukun ewe neni epwe fis non tumunoch. (nengeni 20.7).

Repwe kapas fengen me ewe meinapen chon tumunu an Mwichefen kewe imw fan asengesin tumunun me mokutukutun ren met mi auchea. Repwe pwan nenengeni monien pisek mi akoko ngeni me ewe meinapen chon tumunu ekkewe imw.

35.2.9

Chon Tupuni Imw ren Wart

Ewe mwichen pisoprik repwe fini ika repwe kori emon chon tupuni imw ren wart. Ika re ekieki pwe repwe kokori emon non ei wis, ewe mwichen pisoprik repwe kori emon mwan mi mukono ika fefin ir memper. Ika emon chon tupun imw ren ewe wart ese koko, ewe pisop epwe fini ei wis ngeni emon nein noun kewe chon aninis, ewe sou makken wart ika emon chon aninisin sou makken ewe wart, ika ewe seketeri mi nap.

Ewe chon tupun imw ren wart a etetteni ekkewe memper me ekkewe ir mi mochen ar repwe enimenima me tumunuochu ewe imw. Neminewe ika atewe a aitir ifa ussun ar repwe fori ew me ew kewe angang fiti ekkewe pisekin enimenim mi wor.

35.3

Awora Ekkewe Imwen Mwich

Ekkewe imwen mwich mi sokofesen non ukukun watter me met sokkun anongonong won ekkewe osupwang non ewe neni me nonomur. Ew imwen mwich meni epwe ew an Mwichefen imwen fan, ika ew neni mi kamono, ew imwen emon memper, ew nenien sukun non ewe neni ika nenien emwicheich non ewe neni, ew neni mi nom won etipeew ren momon, ika pwan ew sokkun mi mumuta.

Ekkewe sou emwen non ewe area me non ewe neni ra achocho ngeni ar repwe aea unusun ekkewe nenien mwich mi wor me ekiek och non finitan pwan ekkoch neni.

35.4

Tumunun ekkewe Imwen Mwich

35.4.1

Enimenimen me Tumunun ekkewe Imwen Mwich

Ekkewe sou emwen me memper non ewe neni, pachenong sarafo, wiser ar repwe tumunu ew me ew ekkewe imw an epwe nimoch me murinno nonomun.

Ewe fansoun enimenim mi foruno esap ew angangochou won ekkewe memper. Awewe ren, ika sai ngeni ewe imw mi ew sosotun tufich, ekkewe memper meni repwe enimenim ussun ew kinikinin masowen ewe wik nupwen rafen nom ren ewe imw.

35.4.2

Tingorun Forun met mi Ta

Ekkewe memperin ewe mwichen opungupung ren wart me steik ra tongeni repotei met ekkewe ra auchea ngeni forun ewe imw. Ei a tongeni fis ren ach aea ewe Facility Issue Reporting (FIR).

35.4.5

Tumunun me Enukunukun

Sou emwen me memper repwe:

• Tumunu ekkewe nenien fetan, natota, nenien tou, me rumwen mettochun enimenim esap or met epwe epeti ren nenien tonong me tou.

• Esap wor aean ika isosien ekkewe pisek mi efeiengaw ika mwittir an epwe nget non kewe imw.

• Forata me aponueta annukun nokun kewe imw.

• Tumunochu masen pisekin Mwichefen seni chon sona.

• Sineochu ifa ussun om kopwe offeno ekkewe mettoch ussun konik, fifi, me kas ika mettoch mi nono mi tongeni epwe ku me nget.

Nupwen mi auchea, ewe chon angang meinapen chon tumunu kewe imw a tongeni awora echo map epwe pwari ewe minen kunu ekkei, pisekin feiengaw, me nenien an epwe kunuono fifi me konik. Ren pwan ekkoch porous ussun pekin tumun a wor non “Security and Lockup Procedures” non “Maintaining Meetinghouses” (Meetinghouse Facilities Guide). Pwan nengeni 20.7.

35.5

Annukun Aean Pisekin Mwichefen

35.5.1

Chunga me sasing

Ekkewe Imwen Mwich repwe pwarano napanapen osufonochu ren Jises Kraist me pwarata ussun an memper nuku non I. Chunga a niosu Jises Kraist epwe nom non imwen mwich non ewe nenien tonong ika neni mi pwapwano an epwe pwano ei nukanap chochon nuku.

35.5.2

Aean Imw Rese Mumuta

35.5.2.1

Aean Ren Pekin Pisnis

Pisekin Mwichefen resap aea ren angangen pisnis. Awewe, esap wor aean an epwe anisi ese nifinifin sokkun pisnis. Ei sokkun aean esap wenengeni ekkewe popun ren pisekiin Mwichefen. A tongeni pwan osukosuka non pekin annukun ewe neni ika annukun non Merika ena a tongeni mutata an esap wor takisesin pisekin Mwichefen.

Awora chon afanafan me osukun kewe ra kokorato chon repwe fiti, tingor kostomer ika emon aramas ika mwicheichen aramas ra aea ewe aninis, ika ra moni ew momon nupwen ra awora kewe sukun, nesen (tiwenon chok ren an pusin emon ika ekkoch sukunen oroken ika piano; nengeni 19.7.2), sukunen taiso, me ekkoch sokkun mokutukut ese mumuta.

35.5.2.2

Ekkewe Popun Angangen Government

Nenien Mwichefen resap aea ren angangen government. Ekkei a pachenong efisi mwichen government ika kampein. Ewe Mwichefen ese pachenong non angangen government (nengeni 38.8.30).

35.5.2.3

Pwan Ekkoch Aean

Pwan ekkoch aean Nenien Mwichefen ese mumuta a pachenong:

• Efisi mwichen kaeo sensu ika pwan ekkoch mokutukut Mwichefen ese amesemes won. Mwichen kon non pekin muun me apupunu non muun rese pwan pachenong (nengeni 38.3.4 ussun apupunu non muun).

• Mutata imw ren pwiniepwin (tiwenon chok non fansoun weiweitan osukosuk; nengeni 35.5.4).

• Kamp ika pwan ekkoch mokutukut ena a pachenong mouruno ren ew pwin.

Ekkewe aean mi tetenitiw unusan rese mumuta. Ekkewe sou emwenin non ewe neni repwe kori ewe chon angang meinapen tumunu ewe neni ika ir mi mefi mi auchea ew esap kapachenong.

• Rentini ika amomou ekkewe imw an Mwichefen me pisekin.

• Aea ekkewe neni ika pisek ren pekin nenien richisterin chon fout ika nenien uttut; ew ketiweun epwe for ren ewe tingor an chon angangen muun nupwen ese wor och popun me met ewe mi fis esap awosukosuka iten ika nonomun ewe Mwichefen (nengeni 38.8.30

35.5.4

Osukosuk mi Weiweita

Non fansoun weiweitan osukosuk, ewe presetenin steik epwe ekieki ika epwe efisi mwichen wart ika steik. Epwe pwan mutata an Mwichefen kewe imw me pisek an ewe pekin anisi osukosuk me angangen aninis mi akoko ngeni.

35.5.10

Fich Sasing me Rekotuni Video Atun Mwichen Sakramen

Mwichen sakramen mi pin. Ren ei wewe, fich sasing me fich video non mwichen sakramen ese mumuta.

Ren porous ussun fich sasing ika fich video ren mwichen sakramen won radio me tv, ika fori won computer nengeni 29.7.