Hénte okarúvo okápe

37.

Estaka, Barrio ha Rramakuéra Especialisádova

37.0

Ñepyrũmby

Peteĩ estakagua presidente ikatu opropone ojejapo hag̃ua estáka, barrio, ha rramakuéra especialisádova ojeservi hag̃ua miembro-kuérape oñemohesãkaháicha ko capítulo-pe.

37.1

Umi Barrio ha Rráma Ambue Ñe’ẽme

Peteĩ estakagua presidente ikatu opropone tojejeapo peteĩ barrio térã rráma ambue ñe’ẽme estakagua miembro-kuérape g̃uarã (1) noñe’ẽiva pe ñe’ẽ upepegua térã (2) oñe’ẽ séña ñe’ẽme.

37.7

Umi Aty Estáka, Misiõ ha Área-kuérape

Umi aty ha’e miembro-kuéra congregación michĩva ojeautorisa ha ojesupervisáva peteĩ obispo, rramagua presidente térã misiõ presidente rupi. Pe estáka térã misiõgua presidente ikatu orrekomenda toñeforma peteĩ aty ko’ã situasiõme:

• Umi miembro potencial-pe g̃uarã hasýramo oviaha oñembyaty hag̃ua peteĩ barrio térã rráma ndive.

• Peteĩ pokã miembro-kuéra aty oñe’ẽrõ peteĩ ñe’ẽ ojoavýva umi oñeñe’ẽvagui upe barrio térã rrámape.

• Miembro-kuéra militárva oĩporãvéta oĩramo peteĩ atýpe.

Peteĩ aty orekova’erã mokõi miembro-kuéra jepe. Ha peteĩ ha’eva’erã peteĩ presbítero Sacerdocio Aarónico-pe hekopotĩva, térã peteĩ hekopotĩva orekóva Melquisedec Sacerdocio.

Umi estákape, estakagua presidente oasigna peteĩ obispo térã rramagua presidente-pe omohenda ha osupervisa hag̃ua pe aty. Umi misiõme, misiõgua presidente oasigna peteĩ rramagua presidente-pe omohenda ha osupervisa hag̃ua pe aty.

Estakagua presidente, misiõgua presidente, obispo térã rramagua presidente ohenói peteĩ pe aty líder ha oaparta chupe. Pe aty líder omohenda ha omboguata umi aty reunión, oikévape Santa Cena ñeadministra.

Peteĩ aty líder ndorekói sacerdocio llavekuéra, ha noĩri autorisádo ko’ãvape g̃uarã:

• Orresivi umi diésmo ha ofrenda.

• Oakonseha miembro-kuérape angaipa isériova rehe.

• Omoĩ membresía restricción formal térã informal.

• Ojapo ambue tembiaporã oikotevẽva sacerdocio llavekuéra.

Jepive, umi aty oiporu pe unida básica programa.

Pe aty miembro-kuéra cédula de miembro opyta pe barrio térã rrámape osupervisáva upe aty.

Tupaogua oficinas generales noasignái peteĩ unida número upe atýpe.