0.

Taraakin te Kabwarabwara

0.0

Moantaeka

E reirei te Uea bwa, “A riai aomata nako n reiakina tabeia, ao ni mwakuri n te nakoa are e rineaki nako iai, ma te nanomatoa ni kabane” (Reirei ao Berita aika Tabu 107:99). Ngkai te tia kairiiri n Ana Ekaretia Iesu Kristo ibukiia Aika Itiaki ni Boong aika Kaitira, ko riai n ukoukori kaotioti aika onoti nakoim ae a na buokiko bwa ko na atai ao ni kakoroi nanon tabem.

Kamatebwaian booki aika tabu ao aia reirei burabeti ni boong aika kaitira a na buokiko n atai ao ni kakoroi nanon tabem. Ngkana ko kamatebwaia ana taeka te Atua, ko na rangin ni kai rotaki riki n ana kairoro te Tamnei (taraa Reirei ao Berita aika Tabu 84:85).

Ko reiakin naba tabem man kamatebwaiakan kaetieti inanon te aeniboki aei. A kona kaetieti aikai ni kabebetea reken te kaotioti ngkana a kabonganaki ni karekei ataakin reirei, tuua, ao kawai ake a na iraki ngkana ko ukoukora ana kairiiri te Tamnei.

0.1

Te Aeniboki Aei

Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira a katauraoi kairi ibukiia taan kairiiri ni kabuta ao n ana tabo nako te Ekaretia. E kamaenakoaki inanon taian mwakoro:

• Boton Taian Reirei: Mwakoro aikai a kaotii reirei ao moan tua aika kakawaki nakon te beku n te Ekaretia. A kabwarabwara:

  • Ana baire ni kakukurei te Atua, Ana mwakuri ibukin te kamaiuaki ao te karietataaki, ao te kantaninga ibukin te Ekaretia.

  • Taben te utu n ana babaire te Atua, Ana mwakuri ibukin te kamaiuaki ao te karietataaki i nanon te mweenga, ao te reitaki i marenan te mweenga ao te Ekaretia.

  • Tuan te nakoanibonga.

  • Tuua ibukin te kairiiri n ana Ekaretia te Tia Kamaiu.

• Botakin te Ekaretia: Mwakoro aikai a katauraoi kaetieti ibukiia beretitentii ao bitiobiriki n titeiki, taan kairiiri n te kooram n te nakoanibonga, taan kairiiri n te titeiki ao bootakin te uoote, ao tabeman ake a beku n te Ekaretia.

• Ana Mwakuri te Atua ibukin te Kamaiuaki ao te Karietataaki: Mwakoro aikai a anga kaetieti i aon ana mwakuri te Ekaretia aika kakawaki:

  • Maiuakinan ana euangkerio Iesu Kristo

  • Tararuakiia naake iai kainnanoia

  • Kaoakiia ni kabane bwa ana karekea te euangkerio

  • Katiteuanakiia utu n te maiu ae akea tokina

• Babairean Aron te Ekaretia: Mwakoro aikai a kawenei kainibaire riki tabeua ibukin kabutan te Ekaretia. Marooro n aron bowi, wewete, rekooti, taekan te mwane, ao kaetieti.

Atuun ao atun mwakorokoro inanon te aeniboki aei a nambwanaki bwa aonga ni bebete aron kakaean atuun reirei ma wareware riki ake a kaineti ma te kakaae. N aron te katooto, kaetieti ibukin temanna are e na kabaeaki n te tembora a katauraoaki n 27.3.1. Te nambwa ae 27 e kaineti nakon te mwakoro, te nambwa 3 e kaineti nakon te tiekitin n te mwakoro anne, ao te nambwa 1 e kaineti nakon te tiekitin are imwiina n te mwakoro anne.

0.2

Buoka Aika a Kona ni Kataaki ao ni Kabonganaaki

Titeiki ao uoote ni kabane a aki titebo kainanoia. Iai inanon te aeniboki aei kairi iaon bwaai ni buoka ibukin kataan karaoakiia n raonaki ma kabonganaakiia:

• Kairi ibukin katakiia () a katauraoi kaetieti n aron karaoan bootakin te Ekaretia ao burokuraem n iunite ake a kaokoro kainanoia ao bwaai n ibuobuoki.

• Buoka aika a kona ni kabonganaaki () iai inanona rongorongo riki tabeua ao kaetieti aika a na ibuobuoki nakoia taan kairiiri n te titeiki ao te uoote.

A ukori kairi mai ieta taan kairiiri bwa teraa te kaetieti iaon bwaai n ibuobuoki n te kairi ao aika katauaki ni kabonganaki ni kaitarai kainnanoia membwa.

0.3

Taian Bitaki

E na karaoaki bitaki nakon te aeniboki aei ni katoa tai. Karinanin bitaki aika ngkai naba a tauraoi inanon te “Tiamwari ni Bitaki Aika Tibwa Riki.”

0.4

Titiraki ibukin Kaetieti

Ngkana a roko titiraki ake akea kaekaia inanon koroboki aika tabu, aia taeka burabeti aika maiu, ke n te aeniboki aei, a riai membwa n te Ekaretia n onimakin aia berita aika tabu ma te Atua, aia reirei aia taan kairiiri n aia tabo, ao ana kairi te Tamnei ibukin kairakiia.

Ngkana iai aia titiraki taan kairiiri iaon te rongorongo n te aeniboki aei ke iaon taekan bwaai aika aki taekinaki, a na marooro ma te tia tararua ae kariaiakaki.

0.5

Taeka aika kabonganaaki

Ti ngkana e taekinaki nanoia riki teuana:

• Te taeka ae bitiobi ao bitiobiriki inanon te aeniboki aei a kaineti naba nakoia beretitenti n te mwaanga ao beretitentii n te mwaanga. Te taeka ae beretitenti n te titeiki ao Beretitentii n te titeiki a kaineti naba nakoia beretitenti n te mwakoro ao beretitentii n te mwakoro. Ibukin te rongorongo ae uarereke ni kaokoron te kariaia are iroun te beretitenti n te mwakoro ma are irouia beretitenti n te titeiki, taraa 6.3.

• Bwaai ake a kaineti ma uoote ao titeiki a bon kaineti naba nakon taian mwaanga, mwakoro, ao mition.

• Bwaai ake a kaineti nakon te Tabati a kaineti naba nakon te bong are e karineaki iai te Tabati n te tabo.

• Te taeka iunite e kaineti nakon uoote ao mwaanga.

• Bwaai ake a kaineti nakoia kaaro a kaineti naba nakoia taan kawakiniia ataei iaan te tua.

Te wewete n te nakoa ae te bitiobi ao te beretienti n te mwaanga aki ti tebo ni kariaiakaia ao n tabeia, ao aki naba titebo nakon weteakin te beretitenti n te titeiki ao te beretitenti n te mwakoro. Te bitiobi bon te nakoa inanon te nakoanibonga, ao te katabuaki e kariaiakaki ti mairoun te Moan Beretitentii. A weteaki beretitenti n te Titeiki iroun te Mataniwi ni Kabuta ao te Itingaun n te Aono.

0.6

Te Reitaki ma Ana Etekuata te Ekaretia ke Aobitin te Aono

Tabeua mwakoro n te aeniboki aei iai inanona kaetieti n aron te reitaki ma ana etekuata te Ekaretia ke te aobiti n aono. Te kaetieti ibukin te reitaki ma ana etekuata te Ekaretia e kaineti nakoia naake a maeka n te United States ao Canada. Te kaetieti ibukin te reitaki ma te aobiti n te aono e kaineti nakoia ake itinanikun te United States ao Canada.