Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata

Men Ko Kobban
Taitōļ Peij eo
Tukadu in Oktak ko Rekāāl
0. Kadkadin ilo Tukaduin
Pedped in Katak eo
- 1. Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Eutiej Tataata
  - 1.0. Kadkad in
  - 1.1. Karōk in M̧ōņōņō eo an Anij
  - 1.2. Jerbal in Lo̧mo̧o̧r eo an Anij im Mour Ijo Eutiej Tata
  - 1.3. Kōttōpar eo an Kabun̄ in
  - 1.4. Jerbal eo Am̧ ilo Jerbal eo an Anij
- 2. Jipan̄ Kajjojo Armej im Baam̧le ko ilo Jerbal in Lo̧mo̧o̧r eo an Anij im Mour Ijo Eutiej Tata
- 2. Pedped in Katak ko an Priesthood
- 4. Ritōl im Ko̧o̧njeļ ko ilo Kabun̄ eo an Jisōs Kraist
Doulul an Kabun̄ in
- 5. Ritōl Utiej im Eria
- 5. Ritōl ro ilo Stake eo
- 7. Bisoprik ro
- Doulul eo an Elder ro
- 9. Doulul eo an Kōrā ro
- Doulul ko an Priesthood eo an Aron
- 11. Doulul eo an Jiron̄ ro
- 12. Būraimere
- 13. Jabōt Jikuuļ
- 14. Membōr ro Ejjeļo̧k Pāleer
- 2 Jemenere ko im Institute ko an Kabun̄ in
Jerbal in Lo̧mo̧o̧r eo an Anij im Mour Ijo Eutiej Tata
- Mour kōn Gospel eo an Jisōs Kraist
  - 16. Mour kōn Gospel eo an Jisōs Kraist
  - 17. Katakin kōn Gospel eo
  - 18. Kōm̧m̧ani Kain̄i ko im Kōjeraam̧m̧an ko an Priesthood
  - 19. Al ko
  - 20. M̧akūtkūt ko
- Kea kōn Ro Riaikuj
  - 21. Jerbal in karejar
  - 22. Leļo̧k Menin Jipan̄ ko an Kanniōk im Kalōk Un̄n̄are Peid Make
- Karuwaineneik Aolep n̄an Bōk Gospel eo
  - 23. Kwaļo̧k gospel eo im Kōkajoorļo̧k Membōr ro Rekāāl im ro Rej Ro̧o̧ltok.
  - 24. Elmakot ko n̄an Mijenede im Jerbal in Jipan̄
- Kobaik Baam̧le ko n̄an Indeeo
  - 25. Tampeļ im Jerbal in Menmenbwij an Baam̧le ilo Ward im Stake eo
  - 26. Peba in Mālim ko N̄an Deļo̧n̄e Tampeļ
  - 27. Kain̄i ko an Tampeļ n̄an eo Emour
  - 28. Kain̄i ko an Tampeļ n̄an eo Emej
Opiij eo an Kabun̄ in
- 29. Kweilo̧k ko ilo Kabun̄ in
- 30. Kūr ko ilo Kabun̄ in
- 31. Intōrpiu ko im Kweilo̧k ko Jet ippān Membōr ro
- 32. Ukweļo̧k im Ko̧o̧njel in Kajim̧we an ro Uwaan Kabun̄ in
- 33. Rekoot ko im Riboot ko
- 34. Jāān ko im Bōnbōn in Etale Jāān ko
- 35. Kea im Kōjerbal Im̧ōnjar ko
- 9. Ejaake, Ukōte, im Leļo̧k Etan Iunit ko Rekāāl
- 37. Stake ko, Ward ko, im Branch ko Rein Juon
- 38. Kakien ko im Unin Tōl ko an Kabun̄ in

1. Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Eutiej Tata

“1. Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Eutiej Tata,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwōjarjar ilo Raan-ko Āliktata (2024).

“1. Jerbal in Lo̧mo̧o̧r eo an Anij im Mour Ijo Ilōn̄tata,” Bok in Bōk Meļeļe Eļap.

Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Ilōn̄tata

1.0

Kadkad In

Em̧ōj kar kūr eok n̄an jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata. Kom̧m̧ool kōn jerbal in jipan̄ eo am̧. Kwonaaj jeraam̧m̧an im en̄jake lan̄lōn̄ ilo am̧ jerbal ilo tiljek.

Bok in bōk meļeļe enaaj jipan̄ eok ekkatak pedped in katak ko an jerbal in jipan̄ āinwōt eo an Kraist im meļeļe eddo ko am̧. Eļaptata am̧ naaj wejāpedik n̄e kwoj kajjokun wōt juon jerbal in jipan̄ eo am̧ ilo Kabun̄ in ippān jerbal eo an Anij Jemān im Nejin, Jisōs Kraist. Jebta in enaaj jipan̄ eok bōk juon meļeļe kōn:

Karōk in m̧ōņōņō eo an Anij.
Jerbal in lo̧mo̧o̧r eo an Anij im mour ijo eutiej tata.
Jibadbad eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata.

1.1

Karōk in m̧ōņōņō eo an Anij

Jemedwōj Ilan̄ ekar kōpooj karōk in m̧ōņōņō eo n̄an kōmaron̄ kōj n̄an m̧ōņōņō kōn aolep kōjeraam̧m̧an ko An. Jerbal im aiboojoj eo An rej “n̄an kakūrm̧ool jab wabanban im mour indeeo an armej” (Moses 1:39). Jab wabanban ej n̄an mour indeeo kōn juon ānbwin kanniōk ekar jerkakpeje. Mour indeeo, ak mour ilo aiboojoj eo eutiejtata, ej n̄an erom āinwōt Anij im mour im̧aan Mejān indeeo āinwōt baam̧le ko.

Jisōs Kraist ej dilepān karōk eo an Anij. Kōnke kōn iakwe eo ejjeļo̧k jem̧lo̧kin an Jemedwōj Ilan̄ n̄an kōj, Ekar jilkintok Nejin n̄an lo̧mo̧o̧ren kōj jān jerawiwi im mej kōn pinmuur in en̄taan eo An (lale Jon 3:16). Kōn Pinmuur eo An, Jisōs Kraist ej kam̧ool bwe kajjojo iaad ej ļotak ioon laļ in naaj jerkakpeje im bōk jab wabanban.

N̄an bōk mour indeeo, jej aikuj “itok n̄an Kraist” (Moronai 10:32). Pinmuur eo an Rilo̧mo̧o̧r ej kōm̧m̧an bwe en pidodo n̄an kōj n̄an erreo jān jerawiwi im kar kōm̧m̧an bwe būruōd en oktak bwe jen maron̄ bōk mour indeeo im tarlep in lan̄lōn̄. Jemedwōj Ilan̄ ekōņaan bwe aolep ajri ro Nejin ren kāālet n̄an bar ro̧o̧l n̄an E.

1.2

Jerbal in Lo̧mo̧o̧r eo an Anij im Mour Ijo Eutiej Tata

Ilo ad itok n̄an Kraist im jipan̄ ro jet kōm̧m̧ane ejja āinwōt, jej bōk koņaad ilo jerbal in lo̧mo̧o̧r im mour ilo aiboojoj eo eutiejtata eo an Anij. Jerbal in ej tōl jān ruo kien ko reļļap n̄an iakwe Anij im n̄an iakwe ro rūturiir (lale Matu 22:37–39).

Jerbal in lo̧mo̧o̧r eo an Anij im mour ijo eutiej tata ej pedped ioon eddo ko emen rekwojarjar kar kappeik. Itulaļ rej Ellaajrak eo.

Bok in bōk meļeļe in enaaj jipan̄ eok meļeļe jekjek kein emān kōn jerbal eo an Anij.

1.2.1

Mour kōn gospel eo an Jisōs Kraist

Mour kōn gospel eo an Jisōs Kraist ekūtbuuj:

Kōjerbal tōmak ilo Kraist, ukweļo̧k raan otemjeļo̧k, kōm̧m̧ani bujen ko ippān Anij ilo ad bōk kain̄i ko an lo̧mo̧o̧r im mour ilo aiboojoj eo eutiejtata, im niknik n̄an jem̧lo̧kin kōn kōjparok bujen kein (lale 3.5.1).
Ekkatak im katakin gospel eo an Jisōs Kraist ilo m̧weo im ilo m̧ōn jar eo.
Un̄n̄are peid make n̄an kakke aikuj ko ad make im baam̧le ko ad, jim̧or ilo jetōb im kanniōk.

1.2.2

Kea kōn Riaikuj ro.

Kea kōn ro rej pād ilo aikuj ekūtbuuj:

Jerbal im jerbal in karejar n̄an kajjojo armej, baam̧le ko, im jukjuk in pād ko.
Kwaļo̧k kein jipan̄ ko, ekoba jipan̄ eo an Kabun̄ in, ippān ro rej pād ilo aikuj.
Jipan̄ ro jet maron̄ un̄n̄are peid make.

1.2.3

Karuwaineneik Aolep n̄an Bōk Gospel eo

Karuwaineneik aolep n̄an bōk gospel eo ekūtbuuj:

Bōk koņaan ilo jerbal in mijenede im jerbal āinwōt mijenede ro.
Jipan̄ membōr in Kabun̄ in rekāāl im rej ro̧o̧ltok im eddōkļo̧k ilo iaļ in bujen eo.

1.2.4

Kobaik Baam̧le ko n̄an Indeeo

Kobaik baam̧le ko indeeo ekūtbuuj:

Kōm̧m̧ani bujen ko ilo ad bōk kain̄i in tampeļ ko ad make.
Pukot ro jibūd im jim̧aad raar mej im kōm̧m̧ane kain̄i ko n̄an er ilo tampeļ eo bwe ren maron̄ kōm̧m̧ane bujen ko ippān Anij.
Etal n̄an tampeļ emakijkij, eļan̄n̄e emaron̄, n̄an kabun̄jar n̄an Anij im kōm̧m̧ani kain̄i ko n̄an ajri ro Nejin.

1.3

Jibadbad eo an Kabun̄ in

Jisōs Kraist ekar kajutak Kabun̄ eo An n̄an kōmaron̄ an kajjojo armej im baam̧le ko jipan̄ Anij ilo kakūrm̧ool jerbal in lo̧mo̧o̧r eo an An im mour ijo eutiej tata (lale Epesōs 4:11–13; bar lale 2.2 ilo bok in bōk meļeļe in). N̄an jipan̄ kōttōbrak jibadbad in ekwojarjar, Kabun̄ in im ritōl ro an kar litok:

Mālim im ki ko an priesthood.
Bujen ko im kain̄i ko.
Tōl an rikanaan.
Jeje ko rekwojarjar.
Ekkatak gospel eo im katakin ej jipan̄.
Iien ko rem̧m̧an an jerbal in jipan̄ im tōl.
Juon jukjuk in pād an Armej ro Rekwojarjar.

1.3.1

Mālim im Ki ko an Priesthood

Kōn priesthood eo, Anij ej kōtōprak jerbal in lo̧mo̧o̧r eo An im mour ijo eutieji tata. Mālim eo an priesthood im ki ko kar aikuji n̄an tōl jerbal eo an Anij ioon laļ in kar kōjepļaaktok n̄an Rikanaan Josep Smith (lale Katak im Bujen Ko 110:11–16; 112:30; bar lale 3.1 ilo bok in bōk meļeļe in). Ki kein rej kabwijeri jān ritōl ro an Kabun̄ in rainin. Ritōl rein rej kūr im kōmālim ro jet n̄an jipan̄ ilo jerbal eo an Anij (lale Katak im Bujen Ko 107:8, 65–67).

1.3.2

Bujen ko im Kain̄i ko

Ilo karōk eo an Jemedwōj Ilan̄, jej kōm̧m̧ani bujen ko ilo ad bōk kain̄i ko an lo̧mo̧o̧r im mour ilo aiboojoj eo eutiejtata, eo āinwōt peptaij (lale Jon 3:5; lale barāinwōt jepta 18 ilo bok in bōk meļeļe in). Bujen kein im kain̄i kein rej menin aikuj n̄an kōj n̄an erom̧ļo̧k āinwōt Anij im bar ro̧o̧lļo̧k n̄an jokwe ilo im̧aan Mejān (lale Katak im Bujen Ko 84:19–22).

1.3.3

Tōl an Rikanaan

Kōn rikanaan ro An kar kāāleti, Anij ej kwaļo̧k m̧ool eo im letok tōl in im̧we im kakkōl ko (lale Amos 3:7; Katak im Bujen Ko 1:4). Tōl in ej jipan̄ kōj deļo̧n̄e im pād wōt ioon iaļ eo ej tōlļo̧k n̄an mour indeeo.

1.3.4

Jeje Ko Rekwojarjar

Ium̧win tōl eo an rikanaan ro im rijilōk ro an Irooj, Kabun̄ in ej letok im kōjparok naan in Anij āinwōt loi ilo jeje ko rekwojarjar. Jeje ko rekwojarjar rej kam̧ool kōn Kraist, katakin gospel eo An, im jipan̄ kōj kōjerbal tōmak ilo E (lale Jekab 7:10–11; Hilamōn 15:7).

1.3.5

Ekkatak Gospel eo im Katakin ej Jipan̄

Kabun̄ in ej rejtake kajjojo armej im baam̧le ko ilo eddo eo aer n̄an ekkatak m̧ool ko an gospel eo im katakin m̧ool kein n̄an ro uwaan baam̧le eo im ro jet (lale Katak im Bujen Ko 88:77–78, 118; lale barāinwōt 2.2.3 ilo bok in bōk meļeļe in).

1.3.6

Iien ko Rem̧m̧an an Jerbal in Jipan̄ im Tōl

Kōn kūr ko im ijjitōn̄ ko ilo Kabun̄ in, Anij ej leļo̧k n̄an ro uwaan iien ko rem̧m̧an n̄an jerbal im tōl. Kabun̄ in ej im̧ōn kakoņkoņ ko jipan̄ kea kōn ro uwaan rej pād ilo aikuj im leļo̧k jipan̄ ko an humanitarian n̄an ro jet (lale Mosaia 18:27–29).

1.3.7

Juon Jukjuk in Pād an Armej ro Rekwojarjar

Āinwōt juon jukjuk in pād an Armej ro Rekwojarjar, membōr in Kabun̄ in rej ain doon iien otemjeļo̧k n̄an kabun̄jar n̄an Anij im n̄an keememej Rilo̧mo̧o̧r eo jān bōk m̧ōttan kwojkwoj eo (lale Moronai 6:4–6; Katak im Bujen Ko 20:77). Ro uwaan rej barāinwōt kea kōn im jerbal in karejar n̄an doon (lale Epesōs 2:19).

1.4

Jerbal eo Am̧ ilo Jerbal in an Anij

Āinwōt juon ritōl ilo Kabun̄ in, kar kūr eok n̄an katakin im rie ro kwoj jerbal n̄an er ilo aer jipan̄ jAnij ilo jerbal in lo̧mo̧o̧r eo An im mour ijo eutiej tata (lale 1.2). Wōr juon meļeļe ealikkar kōn jerbal eo an Anij, kōn ta Ej kūr kōj n̄an kōm̧m̧ane, im kōn jibadbad eo an Kabun̄ eo An enaaj jipan̄ eok kalimjōk wōt kijejeto ko am̧ ilo bōktok jetōb ko n̄an Kraist.

Jar ilo kappukōt n̄an jeļā ekōjkan am̧ maron̄ jipan̄ bōktok jibadbad ko an Anij ilo mour ko an ro kwoj jerbal n̄an er. Anij enaaj tōl eok jān im̧we ko an Jetōb Kwojarjar (lale 2 Nipai 32:5). Jerbal ippān Irooj ilo jikin kallib eo An enaaj bōktok n̄an eok lan̄lōn̄ eļap (lale Jekab 5:70–72).