11.

Doulul eo an Jiron̄ ro

11.1

Un eo im Doulul eo

Doulul eo an Jiron̄ ro ej jipan̄ kōpooj ajri ro nejin Anij n̄an jepļaakļo̧k n̄an Ippān. Ilo aer kajjieon̄ erom̧ leddik in bujen ro nejin Anij, leddik ro renaaj “pojak kōn jim̧we im kōn kajoor in Anij ilo aiboojoj eļap” (1 Nipai 14:14).

11.1.1

Un eo

Doulul eo an Jiron̄ ro ej jipan̄ jiron̄ ro kōm̧m̧an im kōjparok bujen ko rekwojarjar im kam̧wūlaļļo̧k oktak tok eo aer n̄an Jisōs Kraist im gospel eo An.

Jibadbad eo an kūlaaj eo an Doulul eo an Jiron̄ ro ej n̄an jipan̄ jiron̄ ro jerbal ippān doon n̄an bōk koņaaer ilo jerbal in lo̧mo̧o̧r eo an Anij im mour ijo eutiej tata. Ilo kūlaaj ko aer, jiron̄ ro rej jipan̄ doon, kakūrm̧ool eddo ko an bujen eo, kalōk bōro kuk, im ekkatak im mour kōn katak eo.

11.1.2

Unin Tōl eo an Doulul eo an Jiron̄ ro

Unin Tōl eo an Doulul eo an Jiron̄ ro emaron̄ jipan̄ kajjojo jiron̄ meļeļe kadkad in ekwojarjar aer im oktak tok n̄an Jisōs Kraist. Doulul eo an Jiron̄ ro im ritōl ro aer rej āliji unin kōnono eo ilo jinoin kweilo̧k ko ilo Jabōt im ilo iien koba ippān doon ko jet an Doulul eo an Jiron̄ ro. Unin Tōl eo ej riit āinwōt in:

“N̄aij juon leddik ejitōn bōro nejin Jined im Jemedwōj Ilan̄, kōn juon piktok ekwojarjar im mejān kajjūk indeeo.

“Āinwōt juon rikaļoor an Jisōs Kraist, Ij kajjieon̄ n̄an eromļo̧k āinwōt E. Ij kappukōt im jerbale kean̄ ko im kwaļo̧k n̄an ro jet ilo āt eo ekwojarjar Etan.

“Inaaj jutak āinwōt juon rikam̧ool an Anij ilo aolep iien im ilo aolep men otemjeļo̧k im ilo aolep jikin.

“Ilo aō kajjieon̄ n̄an karbōb n̄an mour ilo aiboojoj eo eutiejtata, Ij kaorōk menin letok eo an ukweļo̧k im kappukōt n̄an em̧m̧anļo̧k kajjojo raan. Kōn tōmak, Inaaj kōkajoorļo̧k m̧weo im̧ō im baam̧le eo aō, kōm̧m̧an im kōjparok bujen ko rekwojarjar, im bōk kain̄i ko im kōjeraam̧m̧an ko an tampeļ eo ekwojarjar.”

11.1.3

Kūlaaj ko

Jiron̄ ro rej erom̧ membōr in juon kūlaaj ilo Doulul eo an Jiron̄ ro jino ilo Jānwōde ilo iiō eo rej 12 aer iiō.

Kūlaaj ko an Doulul eo an Jiron̄ ro kar karōk jān iiō in kurup ko. Juon kurup in iiō ej aolep jiron̄ ro me renaaj jon̄an wōt juon aer iiō ilo juon kaļanta ilo iiō eo. Juon kūlaaj maron̄ koba eļapļo̧k jān juon kurup in iiō ko me rej jon̄an wōt juon. Jiron̄ ro rej eddōkļo̧k n̄an juon kūlaaj ilo Jānwōde ilo iiō eo me rej pojen tin tōpar iiō an jiron̄ ro ilo kūlaaj eo ekāāl.

Bisoprik ro im ritōl ro rerūtto ilo Doulul eo an Jiron̄ ro rej lukkuun jar im kāālet wāween n̄an karōk kūlaaj ko ekkar n̄an iiō ko. Rej ļōmņak kōn iien ko rem̧m̧an an ritōl n̄an jiron̄ ro. Kajjojo kūlaaj, jekdo̧o̧n joo̧n̄an, ej aikuj wōr juon an būreejtōn im, ijo ekkar, juon ak ruo rikakpilōklōk im juon rijeje. Ilo iunit ko me ebwe oran jiron̄ ro ie, kūlaaj ko rej aikuj bwe an lōn̄ oraer bwe kūlaaj būreejtōnji ro ren maron̄ kōtļo̧k bwe membōr in kūlaaj eo ren jipan̄.

Kūlaaj ko aikuj kōnono kaki kōn taitōl in ippān doon eo “Doulul eo an Jiron̄ ro.” Eļan̄n̄e juon ward elōn̄ļo̧k jān juon kūlaaj ie, kurup in iiō ko rej jerbal n̄an kōjenoļo̧ki kūlaaj ko.

11.2

Bōk koņaad ilo Jerbal in Lo̧mo̧o̧r eo an Anij im Mour Ijo Eutiej Tata

Anij ej karuwaineneik aolep n̄an itok n̄an Kraist im jipan̄ ilo jerbal in An ilo ad:

• Mour kōn gospel eo an Jisōs Kraist.

• Kea kōn ro rej aikuj.

• Karuwaineneik aolep n̄an bōk gospel eo.

• Kakobaik baam̧le ko n̄an mour indeeo.

Būreejtōnji ro an kūlaaj, jipan̄ jān ritōl ro rōrūtto, kapilōk doon kōn N̄an meļeļe ko reļļapļo̧k ikkijeen jerbal in lo̧mo̧o̧r eo an Anij im mour ijo eutiej tata, ekkatak jepta 1.

11.2.1

Mour kōn Gospel eo an Jisōs Kraist

11.2.1.1

Jerbal ko an Jinen im Jemān Ajri ro im Ritōl ro

Jinen im jemān ajri ro rej eddoik katakin ajri ro nejier gospel eo im jipan̄ er mour kake (lale Katak im Bujen Ko 68:25–28). Bisoprik eo, ritōl ro an Doulul eo an Jiron̄ ro, im būreejtōn eo an kūlaaj eo rej jipan̄ pāāren ro ilo eddo in āinwōt an ellaajrak:

• Kapilōk ekōnono ko ikōtaan jiron̄ ro im baam̧le ko aer.

• Lukkuun lale bwe m̧akūtkūt ko an jodikdik ro rej jipan̄ im kōjeraam̧m̧an baam̧le ko.

• Jipan̄ jinen im jemān ajri ro kōpooj jiron̄ ro nejier n̄an bōk menin letok kwojarjar, jerbal in mijenede aolep raan (eļan̄n̄e jiron̄ ro rej kōņaan), m̧are ilo tampeļ, im jerbal an juon m̧am̧a.

Ritōl ro rej aikuj jouj im em̧m̧an n̄an jodikdik ro me ejabwe jipan̄ jān baam̧le ko aer n̄an mour kōn gospel eo.

Jinen im jemān ajri ro im ritōl ro rej kajjieon̄ erom̧ jet waanjon̄ok ko rem̧m̧an n̄an jodikdik ro. Rej jipan̄ jodikdik ro ilo kijejeto ko aer n̄an erom̧ āinwōt Jisōs Kraist. Būrookraam̧ eo an Ajri ro im Jodikdik ro emaron̄ jipan̄ ilo kijejeto kein (lale ChildrenandYouth.ChurchofJesusChrist.org).

11.2.1.2

Ekkatak Gospel eo

Ritōl ro an Doulul eo an Jiron̄ ro im būreejtōn eo an kūlaaj eo rej rōjan̄ jiron̄ ro im baam̧le ko aer n̄an ekkatak gospel eo ilo m̧ōko. Ritōl ro rej ekkatak gospel eo im kwaļo̧k n̄an jiron̄ ro ta eo rekar ekkatak. Rej karuwaineneik ro uwaan kūlaaj eo n̄an kwaļo̧k ilo m̧ōnjar eo ta eo rekar ekkatak ilo m̧ōko.

Kūlaaj ko an Doulul eo an Jiron̄ ro rej kweilo̧k ilo Jabōt ko n̄an kōkajoorļo̧k tōmak, kalōk bōro kuk, kōkajoorļo̧k baam̧le ko im im̧ōko, im kōm̧m̧ani karōk ko n̄an bōk koņaan ilo jeral in lo̧mo̧o̧r eo an Anij im mour ijo eutiej tata. Būreejtōnji eo an kūlaaj eo, kōn jipan̄ jān ritōl ro rūtto, rej karōk kweilo̧k ko an Jabōt.

Kweilo̧k ko kūlaaj eo rej kōm̧m̧an ilo Jabōt ruo im emān ilo kajjojo allōn̄. 50 minit aeitokan. Kweilo̧k ko rej ijjino kōn juon jar. Juon uwaan būreejtōnji eo an kūlaaj eo ej kōjeikiki. Ej tōl kūlaaj eo ilo aer riit unin kōnono eo im ko̧o̧njeļ ippān doon kōn ijjitōn̄ ko im men ko jet raorōk.

Juon uwaan kūlaaj eo ak juon ritōl erūtto ej tōl kōmeļeļe ko an gospel. Būreejtōn eo an kūlaaj eo ej kapilōk ritōl ro rerūtto kōn wōn eo ej aikuj katakin. Laajrak in kweilo̧k ko rej waļo̧k ilo Itok, Ļoor Eō. Kweilo̧k ko rej aikuj jem̧ļo̧k kōn jar.

Eļan̄n̄e juon ward elōn̄ļo̧k jān juon an kūlaaj ilo Doulul eo an Jiron̄ ro, rej aikuj jepelļo̧k. Ijoke, remaron̄ koba ippān doon n̄e ej menin aikuj. Jiron̄ ro im likao ro remaron̄ kweilo̧k ippān doon jet iien n̄an juon katak an Jabōt, āinwōt kappe jān bisoprik eo im būreejtōnji eo an Doulul eo an Jiron̄ Ro.

Jiron̄ ro kar kapilōk er n̄an bōk koņaer ilo jemenere (lale 15.1).

11.2.1.3

Jerbal in jipan̄ im M̧akūtkūt ko

Kūlaaj būreejtōnji eo, kōn jipan̄ jān ritōl ro rūtto, rej karōk kweilo̧k ko an Jabōt. Rej jipan̄kōtōprak jerbal in lo̧mo̧o̧r eo an Anij im mour ijo eutiej tata. Jerbal in jipan̄ im m̧akūtkūt ko rej aikuj kalōk naan in kam̧ool ko, kōkajoorļo̧k baam̧le ko, kōkajoorļo̧k bōro kuk an kūlaaj eo, im leļo̧k iien ko rem̧m̧an n̄an kōjeraam̧m̧an ro jet. Rej aikuj jon̄an wōt juon ilubwiljin eria ko emān ikkijeen eddōkļo̧k an juon make: ilo jetōb, iiaio, kanniōk, im jeļāļo̧kjeņ.

Eiten aolep m̧akūtkūt ko an jodikdik ro rej kōm̧m̧an ilo iien ko ijjeļo̧kin ilo Jabōt ko im ilo joteenin Mande otemjej. Ekkā aer kōm̧m̧an ilo kajjojo wiik. Ilo jet eria ko, jon̄an ettoļo̧kin jikin ko, jokne, im men ko jet me rej kōm̧m̧an bwe m̧akūtkūt ko ren jab bōk jikier. Ilo eria kein, m̧akūtkūt kein emaron̄ jeja aer kōm̧m̧an, ak rej aikuj kōm̧m̧an diktata juon kōttan ilo juon allōn̄. M̧akūtkūt kein maron̄ karōki ilo Sample Service and Activity Planner, me epād ilo ChurchofJesusChrist.org.

Jet jerbal in jipan̄ im m̧akūtkūt ko rej aikuj koba jim̧or jiron̄ im likao ro, eļaptata jodikdik ro rerūtto.

Jodikdik ro remaron̄ jeraam̧m̧an jān aer iiaio ilo kurup ko elōn̄ uwaer. Jodikdik ro ilo juon ak elōn̄ļo̧k ward ko remaron̄ emakijkij aer koba ippān doon n̄an jerbal in jipan̄ im m̧akūtkūt ko. Stake ko ak district ko remaron̄ jān iien n̄an iien karōk iien im m̧akūtkūt ko n̄an jodikdik ro (lale 20.3.2).

Ritōl ro rerūtto rej jipan̄ lukkuun lale bwe m̧akūtkūt ko en ejjeļo̧k jorrāān ie (lale safety.ChurchofJesusChrist.org; bar lale 20.7 ilo bok in bōk meļeļe in). Diktata ruo ritōl ro rerūtto ro lōke er rej aikuj pād ilo aolep m̧akūtkūt ko (lale 11.6.1

N̄an elōn̄ļo̧k meļeļe ko, lale YoungWomen.ChurchofJesusChrist.org. Barāinwōt lale JustServe.org ijo epād ie. Kein jipan̄ kein rej letok aitia ko ikkijeen jerbal in jipan̄ im m̧akūtkūt ko.

M̧akūtkūt ko lo Juon Iiō. Ilo kakobaba n̄an m̧akūtkūt ko an jodikdik ro aolep iien, jiron̄ ro remaron̄ barāinwōt bōk koņaer āinwōt kein rej ellaajrak ilo kajjojo iiō:

• Juon kweilo̧k n̄an jodikdik ro im jineer im jemāer m̧okta jan ijjino in juon iiō. Emaron̄ bar kōm̧m̧an n̄an likao im jiron̄ ro ilo aer jepelļo̧k ilo kūlaaj ak koba ippān doon ilo kūlaaj ko. Emaron̄ barāinwōt kōm̧m̧an ilo ward ak stake ļābōļ. Ej karōk im tōl jān rijipan̄ ro n̄an bisop eo ilo doulul eo an pris im būreejtōnji eo an kūlaaj eo erūtto ilo Doulul eo an Jiron̄ ro. Jiron̄ ro me ejejjet 12 aer iiō ilo iiō eo remaron̄ bōk kōkaļļe (emblems) ko aer n̄an kwaļo̧k karuwainene eo n̄an doulul eo an jiron̄ ro ilo kweilo̧k in (lale 11.6.3). N̄an elōn̄ļo̧k meļeļe ko, lale ChildrenandYouth.ChurchofJesusChrist.org.

• Juon kāām an Doulul eo an Jiron̄ ro (lale Young Women Camp Guide). Doulul eo an Jiron̄ ro emaron̄ bōk koņaan ilo kāām ko jet me ebōk juon bon̄ likio, iien ko raorōk, im m̧akūtkūt ilo aolepān iiō eo, ijo epidodo kōm̧m̧ane.

• Juon kweilo̧k eļap an jodikdik ro ilo stake ak juon ward ak N̄an Kōkajoorļo̧k Jodikdik ro (N̄KJ). N̄an eļōn̄ļo̧k meļeļe kōn N̄KJ kweilo̧k ko reļļap, lale FSY.ChurchofJesusChrist.org N̄an elōn̄ļo̧k meļeļe ko kōn kūr ko im eddo ko an N̄KJ ilo ward im stake, lale FSYLeader.ChurchofJesusChrist.org (n̄an U.S. im Canada) ak ilo FSY.Planning Guide (n̄an eria ko jet).

• Dik tata juon m̧akūtkūt ej kobaik pedped in katak ko ilo N̄an Kōkajoorļo̧k Jodikdik ro: Juon Unin Tōl n̄an Kōm̧m̧ani Kāālet ko. Iien in eaorōk emaron̄ koba jim̧or likao im jiron̄ ro. Jinen im jemān ajri ro remaron̄ bar kobatok.

Menin Aikuj ko n̄an Iiō ko. Kōn mālim eo an jinen im jemān ajri ro, jiron̄ ro remaron̄ bar pād ilo kāām ko an Doulul eo an Jiron̄ ro me ebōk juon bon̄ likio ilo Jānwōde ilo iiō eo me ej jejjet 12 aer iiō. Remaron̄ pād ilo iien dance ko, kweilo̧k ko an jodikdik ro, im kweilo̧k ko an N̄KJ (FSY) jino ilo Jānwōde ilo iiō eo me rej jejjet 14 aer iiō.

Kōļļā n̄an M̧akūtkūt ko. M̧akūtkūt ko, ekoba kein jerbal ko jet, rej kōļļāiki jān ward bajōt eo. Em̧akūtkūt im jon̄an jāān joļo̧k rejjab aikuj eļļā jān jon̄an aikuji.

Ijeļo̧kin wōt, eļan̄n̄e bajet eo an ward eo ejjabwe n̄an jejjōt in jāān ko n̄an kōllāik m̧akūtkūt kein, ritōl ro remaron̄ kajjitōk ippān ro rej bōk koņaer n̄an jipan̄ kōllāik er: Ijoke, juon jiron̄ aikuj jab bōbrare e jān an bōk koņaan eļan̄n̄e ejjab maron̄ jipan̄ kōļļā wōnāān. Eļan̄n̄e eļapļo̧k jāān ej menin aikuj wōt, bisop eo emaron̄ kōmālim juon m̧akūtkūt in kabajet kajjojo iiō (lale 20.6.5).

Bisoprik eo ej lukkuun lale bwe bajōt eo im m̧akūtkūt ko n̄an jiron̄ ro im likao ro ren bwe im jejjet. Bajet n̄an jiron̄ ro ej pedped wōt ioon oran jiron̄ ro ilo ward eo. Bajet eo n̄an doulul eo anvPriesthood eo an Aron ej pedped wōt ioon oran likao ro ilo ward eo.

Lale FSY.ChurchofJesusChrist.org n̄an eļōn̄ļo̧k meļeļe ko kōn kōļļāik kweilo̧k ko reļļap an N̄KJ.

11.2.1.4

Eddōkļo̧k An Juon Make

Ilo kijejeto ko aer n̄an erom̧ āinwōt Rilo̧mo̧o̧r, jodikdik ro kar karuwaineneik er n̄an kōm̧m̧ani kōttōpar ko aer n̄an eddōkļo̧k ilo mour in jetōb, iiaio, ānbwin, im jeļāļo̧kjeņ (lale Luk 2:52). Jodikdik ro rej kappukot im̧we n̄an jeļā ta eo rej aikuj jerbale. Kōn jipan̄ eo jān jinen im jemān ajri ro, rej kōm̧m̧an karōk ko, jerbale karōk eo aer, im kejōkļo̧kjeņ kōn ta eo rekar ekkatak. Ritōl ro rej leļo̧k jipan̄ n̄e emenin aikuj. Ijoke, rej aikuj jab etale kōttōpar ko ak eddōkļo̧k eo an jiron̄ ro. Jinen im jemān ajri ro im ritōl ro remaron̄ letok ļōmņak ko ikkijeen kōttōpar ko, ak rej kōtļo̧k an jodikdik ro kappukot im̧we ko aer make kōn ta kōttōpar ko n̄an kōttōpari.

Jodikdik ro kar kōketak er n̄an kadedeikļo̧k diktata ruo kōttōpar ilo kajjojo eria ko emān ilo kajjojo iiō. Remaron̄ kōjerbal Eddōkļo̧k An Juon Make: Bok In Unin Tōl an Jodikdik ak Gospel Living app eo n̄an kōm̧m̧ani im rekooti kōttōpar ko.

N̄an elōn̄ļo̧k meļeļe ko, lale ChildrenandYouth.ChurchofJesusChrist.org.

11.2.2

Kea kōn ro Riaikuj

Jiron̄ ro rej aikuj wōr aer iien ko rem̧m̧an aolep iien n̄an jipan̄ ro jet ilo im ippān baam̧le ko aer, ilo iien m̧akūtkūt ko an jodikdik ro, im m̧akūtkūt ko aer make. Ļōmņak ko n̄an jerbal in jipan̄ repād ilo ChildrenandYouth.ChurchofJesusChrist.org. Ijo ewōr ie, JustServe.org ej elmakote iien ko rem̧m̧an n̄an jerbal in jipan̄ ilo jukjuk in pād eo.

11.2.2.1

Jerbal in Karejar

Jerbal in karejar ej kea kōn ro jet āinwōt an nej kar Rilo̧mo̧o̧r kea. Jiron̄ ro remaron̄ bōk ijjitōn̄ in jerbal in karejar ko jino ilo Jānwōde ilo iiō eo me ej jejjet 14 aer iiō. N̄an meļeļe ko reļļapļo̧k, lale jebta 21.

11.2.3

Karuwaineneik Aolep n̄an Bōk Gospel eo

Jiron̄ ro rej karuwaineneik aolep n̄an bōk gospel eo ilo aer “jutak āinwōt rikam̧ool ro an Anij ilo aolep iien ko im ilo aolep men otemjeļo̧k, im ilo aolep jikin ko” (Mosaia 18:9). Jet wāween ko remaron̄ kōm̧m̧ane menin rej ellaajrak ijin ilaļ:

• Kōm̧m̧ane juon waanjon̄ok em̧m̧an āinwōt rikaļoor ro an Jisōs Kraist.

• Kwaļo̧k naan in kam̧ool ko aer ippān ro m̧ōttaer im ro uwaan baam̧le eo.

• Jerbal in karejar n̄an ro uwaan kūlaaj eo aer rejjab niknik ilo jar.

• Karuwaineneik ro m̧ōttami n̄an itok im jar ak pād m̧akūtkūt ko an jodikdik ro.

• Karuwaineneik ro m̧ōttad n̄an bōk koņaer ilo būrokūraam̧ eo an Ajri ro im Jodikdik ro. Ritōl ro rej jerbal ippān pāāren ro an jodikdik rein n̄an jipan̄ meļeļe kōn būrokūraam̧ eo im karōk wāween aer im ajri ro nejier naaj kōņaan bōk koņaer.

• Karuwaineneik ro m̧ōttad bwe ren ekkatak ippān mijenede ro.

Jinen im jemān ajri ro im ritōl ro remaron̄ jipan̄ jiron̄ ro kōppopo n̄an kwaļo̧k gospel eo ilo aolepān mour ko aer. Jet wāween ko remaron̄ kōm̧m̧ane menin rej ellaajrak ijin ilaļ:

• Rōjan̄ jiron̄ ro n̄an bōk juon aer naan in kam̧ool kōn karōk eo an Jemedwōj Ilan̄ me ekam̧ōņōņō, Pinmuur eo an Jisōs Kraist, im jepļaaktok eo an gospel eo An.

• Leļo̧k iien ko rem̧m̧an n̄an jerbal im jipan̄ ilo Kabun̄ in.

• Leļo̧k iien ko rem̧m̧an n̄an katakin gospel eo ilo kweilo̧k ko an kūlaaj im jekjek ko jet.

Jiron̄ ro rej ikdeleel n̄an jerbale juon mijen eo elikio, jinen im jemān ajri ro im ritōl ro rej jipan̄ er kōppopo. Menin ekoba katakin er kōn kōjeraam̧m̧an ko im kōtmene ko ilo jerbal in mijenede ro rej jerbal aolep raan.

Āinwōt m̧ōttanļo̧k kōppopo in, bisoprik eo ak stake būreejtōnji eo emaron̄ ejaake juon kūlaaj in kōppopo n̄an ro rej kōppopo n̄an erom̧ mijenede. Kein jipan̄ ko reļļap n̄an kūlaaj in rej jeje ko rekwojarjar, Missionary Standards for Disciples of Jesus Christ, im Kwaļo̧k Gospel eo Aō: Juon Unin Tōl n̄an Jaketo Jaketak Gospel eo an Jisōs Kraist. Kūlaaj in ejjab kōm̧man aolep iien ilo kweilo̧k ko an Jabōt.

Missionary.ChurchofJesusChrist.org ej leļo̧k kein jipan̄ ko jet me remaron̄ jipan̄ jiron̄ ro me rej ikdeleel n̄an kōppopo n̄an jerbal in mijen. Lale jebta 23 im 24 n̄an meļeļe ko reļļapļo̧k.

11.2.4

Kakobaik Baam̧le ko n̄an Mour Indeeo

Jiron̄ ro remaron̄ jipan̄ kakobaik baam̧le ko n̄an mour indeeo ilo elōn̄ wāween ko. Jet wāween ko rej ellaajrak ijin ilaļ:

• Kautiej ro jineer im jemāer im kwaļo̧k juon waanjon̄ok in mour āinwōt Kraist ilo m̧ōko m̧ōer.

• Kōppopo n̄an wōr aer make baam̧le n̄an indeeo.

• Wōr juon peba in mālim an tampeļ ekāāl.

• Kōppopo n̄an bōk im kejparok bujen ko im kain̄i ko an tampeļ, ekoba m̧are n̄an indeeo.

• Katak kōn baam̧le ko aer im rūtto ro (lale My Family: Stories That Bring Us Together).

• Kile ro jibūn im jim̧m̧an me rej aikuji kain̄i ko an tampeļ (lale FamilySearch.org).

• Bōk koņaer ilo peptaij im kapen ilo etan ro remej en ekutkut pedped wōt ioon jekjek ko.

• Bōk koņaer ilo indexing (lale FamilySearch.org/indexing).

• Jerbal āinwōt rijipan̄ ro ilo tampeļ im menmenbwij ko an baam̧le, āinwōt kar kūr er jān bisoprik ro (lale 25.2.4).

11.3

Ritōl ro an Doulul eo an Jiron̄ ro ilo Ward

11.3.1

Bisorpik

Eddo eo eaorōktata an bisop eo ej kea kake diktak in epepen eo ilo ward eo an. E im rikakpilōklōk ro an rej ekkatak etaer im meļeļe kōn jekjek ko rej pād ie ilo m̧ōko m̧ōer. Rej intōrpiuik kajjojo jiron̄ diktata ruo kōttan ilo juon iiō (lale 31.3.1).

Bisop eo ewōr juon an eddo ilo Doulul eo an Jiron̄ ro. Ej kweilo̧k emakijkij ippān būreejtōn eo an Doulul eo an Jiron̄ ro. Ej riboote men ko remenin aikuj ilo Doulul eo an Jiron̄ ro ilo iien kweilo̧k ko an bisoprik.

Bisop eo im rikakpilōklōk ro an emakijkij aer bōk koņaer ilo kweilo̧k ko an Doulul eo an Jiron̄ ro, im m̧akūtkūt ko. Eļan̄n̄e elōn̄ļo̧k jān juon kūlaaj ko ilo Doulul eo an Jiron̄ ro, bisop eo emaron̄ bar jitōn̄ e make im rikakpilōklōk ro an n̄an jerbal ippān kūlaaj ko rej kāāleti n̄an jerbal ippāer.

11.3.2

Būreejtōnji eo an Doulul eo an Jiron̄ ro Rerūtto

Bisop eo ej kūr im kōjeno̧lo̧k juon kōrā eo erūtto n̄an jerbal āinwōt juon būreejtōn an Doulul eo an Jiron̄ ro. Eļan̄n̄e doulu eo ebwe an ļap uwaan, ej kōtļo̧k juon ak ruo kōrā ro rerūtto n̄an bōk kūr āinwōt rikakpilōklōk ro an (lale jebta 30 Bisoprik eo ej kile ļōmņak im kajjitōk in n̄an leļo̧k kūr ko.

Ilo juon doulul eo edik, būreejtōn eo an Doulul eo an Jiron̄ ro remaron̄ wōt ritōl erūtto kar kūri n̄an Doulul eo an Jiron̄ ro. Ilo jekjek in, ej jerbal ippān jinen im jemān ajri ro n̄an karōk katak ak kōmeļeļe ko im m̧akūtkūt ko n̄an jiron̄ ro. Ej barāinwōt lale bwe diktata ruo rūtto ro rej lōke er bwe ren pād ilo aolep iien kweilo̧k im m̧akūtkūt ko. N̄e emaron̄, rikakpilōklōk ro im juon rijeje ej aikuj kūr.

Eļan̄n̄e juon branch ejjeļo̧k an būreejtōn n̄an Doulul eo an Jiron̄ ro, būreejtōn eo an Doulul eo an Kōrā ro emaron̄ jipan̄ jinen im jemān ajri ro ejaak katak ak kōmeļeļe n̄an jiron̄ ro m̧ae juon būreejtōn an Doulul eo an Jiron̄ ro ej bōk kūr in.

Būreejtōn eo an doulul eo an Jiron̄ ro ewōr aer eddo kein rej ellaajrak. Rikakpilōklōk ro an rej jipan̄ e.

• Jerbal ilo ward ko̧o̧njeļ eo. Ej jerbal āinwōt (1) juon membōr in ko̧o̧njeļ eo ej jipan̄ kwaļo̧k aikuj im wāween n̄an ņa mejļaer im (2) juon eo ej jutak ilo etan Doulul eo an Kōrā ro (lale 29.2.5).

• Jerbal āinwōt juon membōr in ward ko̧o̧njeļ eo (lale 29.2.6).

• Jerbal in karejar n̄an kajjojo jiron̄ ro.

• Leļo̧k ļōmņak ko n̄an bisoprik ro n̄an sister ro n̄an jerbal ilo Doulul eo an Jiron̄ ro.

• Katakin ritōl ro jet an Doulul eo an Jiron̄ ro im būreejtōn eo an kūlaaj eo kōn eddo ko aer.

• Kapilōk jiron̄ ro kōn apan̄ ko im rejjab menin aikuj n̄an an bisop eo pād ak rejelet kakkure ko (lale 32.3, 31.1, 31.3.1, im 38.6.2).

• Jipan̄ būreejtōnji ro an kūlaaj eo ilo eddo in tōl ko aer. Kajjojo kūlaaj ej bōk jipan̄ im etale ak lale jān juon membōr eo em̧ōj kōjeņoļo̧k ilo būreejtōnji an Doulul eo an Jiron̄ ro.

• Jipan̄ jiron̄ ro rej jerbal āinwōt kōmpānien ro n̄an sister ro rerūtto ilo jerbal in karejar (lale 21.2.2).

• Kōm̧m̧ani kweilo̧k ko an būreejtōnji eo an Doulul eo an Jiron̄ ro aolep iien im kweilo̧k ippān bisop eo.

• E ej lale rekoot ko, riboot ko, bajet ko, im jāān ko an Doulul eo an Jiron̄ ro.

11.3.3

Rijeje

Eļan̄n̄e doulul eo elōn̄ uwaan, būreejtōn eo an Doulul an Jiron̄ ro ej leļo̧k etan sister eo erūtto n̄an bisop n̄an jerbal āinwōt juon rijeje ilo Doulul eo an Jiron̄ ro. Liin emaron̄ wōr eddo kein:

• Jipan̄ būreejtōnji eo an Doulul eo an Jiron̄ ro kōpooj laajrak in būrokūraam̧ n̄an kweilo̧k ko an būreejtōnji eo. Liin ej pād ilo kweilo̧k kein, je kein kakeememej ko, im rekooti ijjtōn̄ ko.

• Katakin rijeje ro an kūlaaj eo im jipan̄ er rekooti etan ro rej pād ilo kūlaaj.

• Kōjerbal LCR, ej jerbal ippān rijeje eo an Doulul eo an Kōrā ro n̄an kōm̧mnae rekoot in pād ko n̄an sister rūtto ro rej jerbal ilo Doulul eo an Jiron̄ ro.

• Jipan̄ būreejtōnji eo an Doulul eo an Jiron̄ ro kōpooj juon bajet im jon̄an jāān maron̄ kōjerbali.

11.3.4

Būreejtōnji eo an Kūlaaj eo im Rijeje eo

11.3.4.1

Kūr, Ekkapit, im Kōjenolo̧k

Kajjojo kūlaaj eo an Doulul eo an Jiron̄ ro ej aikuj wōr juon aer kūlaaj būreejtōnji. Būreejtōnji eo an Doulul eo an Jiron̄ ro emaron̄ leļo̧k etan jiron̄ ro n̄an jerbal āinwōt būreejtōn ro an kūlaaj. Membōr ro an bisoprik eo rej jar im kapilōk ippān doon n̄an ļōmņak wōn eo n̄an kūri n̄an jerbal kein.

Juon membōr in bisoprik eo ej kūr juon jiron̄ n̄an jerbal āinwōt juon kūlaaj būreejtōn. N̄e ebwe oran jiron̄ ro n̄an jipan̄, ej jar im errā kōn ro uwaan kūlaaj eo n̄an leļo̧k etaer bwe ren jerbal āinwōt rikakpilōklōk im juon rijeje. Bisoprik eo ej kile ļōmņak im kajjitōk in n̄an leļo̧k kūr ko.

Mokta jān an jiron̄ eo jerbal ilo jabdewōt kūr kein, membōr in bisoprikeo ej kajjitōk mālim jān jinen im jemān jiron̄ eo.

Ālkin leļo̧k kūr kein, juon membōr in bisoprik eo ej kwaļo̧k etan jiron̄ ro n̄an kūlaaj eo aer n̄an rejetak. Bisop eo ak rikakpilōklōk eo kar jitōn̄e ej kōjeno̧lo̧k jiron̄ ro.

Juon membōr ilo bisoprik eo ej kwaļo̧k kūr kein ilo kweilo̧k in kwojkwoj eo. Ak ejjab kwaļo̧k etaer n̄an rejetak.

Ālkin wōt aer kōjenolo̧k būreejtōnji eo an kūlaaj, juon membōr in bisoprik ej aikuj katakin er kōn eddo ko aer. Lale “Aaronic Priesthood Quorum and Young Women Class Presidency Orientation” ilo YoungWomen.ChurchofJesusChrist.org; bar lale jebta 4 ilo bōk in bōk meļeļe in.

11.3.4.2

Eddo ko

Būreejtōn ro an kūlaaj eo rej jerbal ilo ko̧o̧njeļ an jodikdik (lale 11.3.4.4). Būreejtōnji ko an kūlaaj ebarāinwōt wōr ippāer eddo kein:

• Tōl kijejeto ko an kūlaaj eo n̄an bōk koņaad ilo jerbal in lo̧mo̧or eo an Anij im mour ijo eutiej tata (lale jebta 1).

• Jeļā kajjien im jebral n̄an kajjojo jiron̄ ro, ekoba ro rejjab pād ilo kweilo̧k ko an kūlaaj eo. Jeļā kōn aikuj ko aer im jekjek ko.

• Bōk koņaad ilo kijejeto ko an ward eo n̄an kwaļo̧k gospel eo im kōkajoorļo̧k membōr ro rekāāl im ro rej kab bar ro̧o̧ltok. Juon membōr in būreejtōnji eo an kūlaaj eo erūtto tata an Doulul eo an Jiron̄ ro ej pād ilo kweilo̧k in kōtōbalbal eo (lale 23.4).

• Bōk koņaad ilo jerbal in tampeļ im menmenbwij an ward eo. Juon membōr in būreejtōnji eo erūtto tata an kūlaaj eo an Doulul eo an Jiron̄ ro ej pād ilo kweilo̧k in kōtōbalbal ko (lale 25.2.7).

• Karōk jodikdik ro n̄an jerbal in karejar ilo aer karuwaineneik rilotok ro im membōr ro ilo aer deļo̧n̄tok im̧ōn jar eo (lale 29.2.1.3).

• Karōk im tōl kweilo̧k ko an kūlaaj eo (lale 11.2.1.2).

• Karōk im loloorjake jerbal in jipan̄ im m̧akūtkūt ko an kūlaaj eo (lale 11.2.1.3).

• Emakijkij kōm̧m̧ani kweilo̧k ko an būreejtōnji ro an kūlaaj eo (lale 11.3.4.3).

N̄e rijeje ro ilo kūlaaj eo rej kūr er, rej kōpooj laajrak in būrokūraam̧ eo n̄an kweilo̧k ko, je kein kakeememej ko, im rekoot etan ro rej pād ilo kūlaaj eo.

Membōr ro an būreejtōnji eo an Doulul eo an Jiron̄ ro rej katakin būreejtōnji eo an kūlaaj eo kōn eddo ko aer (lale 11.3.2). Rikapilōk ro an kūlaaj eo im ro retijem̧ļo̧k rej aikuj lukkuun jipan̄ (lale 11.3.5 im 11.3.6).

11.3.4.3

Kweilo̧k eo an Būreejtōnji eo an Kūlaaj

Būreejtōnji ro an kūlaaj ko ilo Doulul eo an Jiron̄ ro rej kweilo̧k aolep iien. Būreejtōn eo an kūlaaj eo ej kōjeikik kweilo̧k eo. Ritōl ro rerūtto an Doulul eo an Jiron̄ ro kar jitōn̄ er n̄an jipan̄ būreejtōnji eo an kūlaaj eo rej barāinwōt aikuj pād. Ilo iien kweilo̧k ko, ritōl ro rej ko̧o̧njeļ ippān doon im kappukot revelesōn kōn akilaan Irooj n̄an kūlaaj ko aer. Laajrak in būrookūraam̧ emaron̄ koba ekkōnono kōn aitōm̧ kein rej ellaajrak:

• Jipan̄ kōtōprak jerbal in lo̧mo̧o̧r eo an Anij im mour ijo eutiej tata

• Jipan̄ ro uwaan kūlaaj eo, kōn jipan̄ eo ejenoļo̧k n̄an jipan̄ membōr ro rekāāl im pukotļo̧k membōr ro me rejāniknik ilo jar.

• Loļo̧k ro jet rej uwaan tōmak ko jet ak kabun̄ ko jet

• Karōk kweilo̧k ko an kūlaaj eo, jerbal in jipan̄, im m̧akūtkūt ko

• Kōmeļeļe kōn wāween tōl jān ritōl ro rerūtto ilo Doulul eo an Jiron̄ ro ak juon membōr in būreejtōnji an kūlaaj eo

Juon Sample Presidency Meeting Agenda epād ilo ChurchofJesusChrist.org.

11.3.4.4

Ko̧o̧njeļ an Jodikdik ilo Ward eo

Jibadbad eo an ko̧o̧njeļ eo an jodikdik ro ilo ward ej n̄an jipan̄ jodikdik ro boktok ro jet n̄an Jisōs Kraist im n̄an jipan̄ kōtōprak jerbal in lo̧mo̧o̧r eo an Anij im mour ijo eutiej tata.

Bisop eo ej tōl ilo ko̧o̧njeļ an jodikdik ilo ward eo. Membōr ro ilo doulul in ekoba:

• Bisoprik eo.

• Juon iaan rijipan̄ ro an bisop eo ilo doulul eo an priest ro im rūkaki ro im būreejtōn ro an doulul eo an tikōn ro.

• Būreejtōn ro an kūlaaj eo ilo Doulul eo an Jiron̄ ro (ak aolepān būreejtōnji eo an kūlaaj eo eļan̄n̄e ward eo ewōr wōt juon kūlaaj ilo Doulul eo an Jiron̄ ro).

• Būreejtōnji eo an Doulul eo an Jiron̄ ro

Ko̧o̧njeļ eo an jodikdik ilo ward eo ej kōmeļeļeik wāween ko n̄an jipan̄ ro jet ejaaki naan in kam̧ool ko, bōk kain̄i in lo̧mo̧o̧r ko, kōm̧m̧an im kōjparok bujen ko, im erom̧ rikaļoor ro rekwojarjar an Jisōs Kraist (lale Moronai 6:4–5). Rej kapilōk doon kōn aikuj ko an jiron̄ ro im likao ro ilo ward eo. Remaron̄ ekōnono kōn m̧akūtkūt ko n̄an kakke aikuj ko. Ijoke, karōk in m̧akūtkūt ko ralikkar rej aikuj bōk jikier ilo kweilo̧k ko an būreejtōnji eo an kūlaaj eo.

Lale 29.2.6 n̄an meļeļe ko reļļap kōn ko̧o̧njeļ an jodikdik an ward.

11.3.5

Rikapilōk ro

Būreejtōnji eo an Doulul eo an Likao ro maron̄ leļo̧k ļōmņak in bwe bisoprik eo en kūr rikapilōk ro an Doulul eo an Jiron̄ ro. Kajjojo rikapilōk ro rej jerbal ippān juon kurup in iiō in jiron̄ ro.

Rikapilōk ro ewōr ippāer jerbal kein:

• Jipan̄ būreejtōnji an Doulul eo an Jiron̄ ro kōn eddo ko aer.

• Jipan̄ im tōl būreejtōn eo an kūlaaj eo ilo aer ekkatak im kōm̧m̧ani eddo ko aer.

• Katakin katak ko an Jabōt āinwōt an menin aikuj. Jipan̄ jiron̄ ro me kar karuwaineneik er n̄an katakin juon katak n̄an wejāpdik ilo aer kōpooj im katakin.

• Pād ilo m̧akūtkūt ko an kūlaaj eo.

• Pād ilo kweilo̧k ko an būreejtōnji eo an Doulul eo an Jiron̄ ro an ward n̄e kar kūr tok.

Diktata ruo kōrā ro rerūtto me rej lōke er rej aikuj pād ilo kajjojo kweilo̧k in kūlaaj eo im m̧akūtkūt eo. Rikapilōk ro rej aikuj kadedeikļo̧k kaminene ko ilo ProtectingChildren.ChurchofJesusChrist.org (lale 11.6.1).

11.3.6

Ritijem̧ļo̧k ro

N̄e aikuji, būreejtōnji eo an Doulul eo an Jiron̄ ro remaron̄ kōmālim bisoprik eo n̄an kūr rijipan̄ ro n̄an jipan̄ ilo iien ko rekkar, āinwōt juon kāām, juon kweilo̧k an jodikdik ro, ak ikkure ko.

Aolep ro retijem̧ļo̧k rej jerbal ium̧win tōl eo an būreejtōnji eo an Doulul eo an Jiron̄ ro.

Ro ritijem̧ļo̧k rej aikuj kadedeikļo̧k kaminene eo ilo ProtectingChildren.ChurchofJesusChrist.org (see 11.6.1).

11.4

Jipan̄ Kōpooj Jiron̄ ro n̄an Kobaļo̧k n̄an Doulul eo an Jiron̄ ro

Juon jiron̄ emaron̄ kobaļo̧k ilo Doulul eo an Kōrā ro n̄e ej 18 an iiō N̄e etōpar 19 an iiō, kajjojo jiron̄ rej aikuj lukkuun bōk koņaer ilo Doulul eo an Kōrā ro. Ilo jet jekjek, juon jiron̄ emaron̄ deļo̧n̄e tok Doulul eo an Kōrā ro m̧oktaļo̧k jidik jān an 18 an iiō. Kajjojo jiron̄ ej ko̧o̧njeļ ippān ro jinen im jemān im bisop eo n̄an kāālet ta eo em̧m̧antata enaaj jipan̄ e wōnm̧aanļo̧k wōt n̄an kōkajoorļo̧k tōmak eo an ilo Jisōs Kraist.

Jinen im jemān im ritōl ro an Doulul eo an Jiron̄ ro im Doulul eo an Kōrā ro rej jerbal ippān doon n̄an jipan̄ kajjojo jiron̄ n̄an eddōkļo̧k ilo Doulul eo an Kōrā ro. Ritōl rein rej leļo̧ iien ko rem̧m̧an rejjab bōjrak n̄an jiron̄ ro im sister ro ilo Doulul eo an Kōrā ro n̄an kōm̧m̧ane ekkeijel ko im jem̧jerā ko rej eddōkļo̧k.

11.5

Ritōl ro an Doulul eo an Jiron̄ ro ilo Stake

Juon membōr in stake būreejtōnji ej kūr juon kōrā erūtto n̄an jerbal āinwōt juon būreejtōn an Doulul eo an Jiron̄ ro. Eļan̄n̄e juon stake eļap uwaan, ej leļo̧k etan juon ak ruo etan kōrā rerūtto n̄an jerbal āinwōt rikakpilōklōk im bar juon n̄an jerbal āinwōt juon rijeje. Kōrā rein rej kūr im kōjenolo̧k er jān juon membōr in stake būreejtōnji ak juon riko̧o̧njel eutiej kar jitōn̄e. N̄an eļapļo̧k meļeļe kōn eddo ko an būreejtōnji eo an Doulul eo an Jiron̄ ro im rijeje eo, lale 6.7.1, 6.7.1.2, im 6.7.3.

Juon rikakpilōklōk ilo būreejtōnji eo an stake ewōr an eddo n̄an doulul eo an Jiron̄ ro ilo stake eo. Ej barāinwōt wōr an eddo n̄an jerbal eo an būreejtōnji eo an Doulul eo an Jiron̄ ro ilo stake. Ej barāinwōt kōmeļeļeik bisop ro ilo eddo ko aer n̄an jiron̄ ro.

Stake būreejtōn eo ej jitōn̄ juon high ko̧o̧njel n̄an jerbal ippān būreejtōnji eo an Doulul eo an Jiron̄ ro ilo stake (lale 6.5).

Būreejtōnji eo an Doulul eo an Jiron̄ ro an stake im rijeje ro rej jerbal ilo kamiti eo an ritōl an jodikdik ro ilo stake (lale 29.3.9).

11.6

Kakobaba ko Jet kōn Laajrak in Unin tōl im Kakien ko

11.6.1

Kōjparok Jodikdik ro

N̄e rūtto ro rej em̧m̧akūtkūt ippān jodikdik ro ilo karōk ko an Kabun̄ in, ej aikuj wōr ruo rūtto ro rej pād. Emaron̄ menin aikuj n̄an kobaik kūlaaj ko n̄an kakūrm̧ool menin.

Aolep rūtto ro rej jerbal ippān jodikdik ro rej aikuj kadedeikļo̧k kaminene eo n̄an kōjparok ajri ro im jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org). Rej āliji kaminene eo ļo̧kin jilu iiō tokālik.

N̄an meļeļe ko reļļapļo̧k kōn wāween an laajrak in tōl kein iookļo̧k kampānien ro an jerbal in karejar, lale 21.2.2.

11.6.2

Doulul eo an Jiron̄ ro Elōn̄ Jiron̄ ro Ewōr Wūtam̧we ko ilo Ānbwinnier

Būreejtōnji ro an kūlaaj eo rej leļo̧k juon kea ejeņoļo̧k n̄an jiron̄ ro me ewōr wutam̧we ko ilo ānbwinnier. N̄an elōn̄ļo̧k meļeļe ko kōn jipan̄ jiron̄ rein, lale disability.ChurchofJesusChrist.org; bar lale 38.8.27 ilo bok in bōk meļeļe in.

11.6.3

Emblem (Nōbar in Kōkkaļļe) an Ajri im Jodikdik ro

Jiron̄ ro rej bōk juon emblem in nōbar āinwōt m̧ōttan būrookraam̧ eo an Ajri ro im Jodikdik ro. Kajjojo jiron̄ rej aikuj bōk juon emblem in nōbar jān būreejtōn eo an kūlaaj eo n̄e ej erom̧ juon membōr in Doulul eo an Jiron̄ ro. Ej barāinwōt bōk juon kape in Eddōkļo̧k An Juon Make: Bok In Unin Tōl an Jodikdik ro.. Menin emaron̄ kōm̧m̧an n̄e būreejtōn eo an kūlaaj eo im ritōl ro rerūtto ilo Doulul eo an Jiron̄ ro rej kweilo̧k ippān n̄an karuwaineneik tok e n̄an Doulul eo an Jiron̄ ro. Emaron̄ bar kōm̧m̧an ilo juon iien kweilo̧k ilo juon iiō n̄an jodikdik ro im jineer im jemāer (lale 11.2.1.3).

Ilo Jānwōde ilo iiō eo juon jiron̄ ejejjet 18 an iiō, ej bōk emblem ko jet in karuwainenei.

Jiron̄ ro me remaron̄ bōk kōkaļļe eo (emblem) in tōprak ilo an kajjieon̄ erom̧ āinwōt Rilo̧mo̧o̧r.

N̄an elōn̄ļo̧k meļeļe ko kōn kōkaļļe ko (emblem), lale ChildrenandYouth.ChurchofJesusChrist.org.