11.

Young Women

11.1

Layunin at Organisasyon

Ang organisasyon ng Young Women ay tumutulong sa mga anak ng Diyos na maghandang bumalik sa Kanyang piling. Habang sinisikap nilang tuparin ang kanilang mga tipan sa Diyos, ang mga kabataang babae ay “[masasandatahan] ng kabutihan at kapangyarihan ng Diyos sa dakilang kaluwalhatian” (1 Nephi 14:14).

11.1.1

Layunin

Tinutulungan ng organisasyon ng Young Women ang mga kabataang babae na gumawa at tumupad ng mga sagradong tipan at palalimin ang pagbabalik-loob nila kay Jesucristo at sa Kanyang ebanghelyo.

Ang layunin ng isang Young Women class ay tulungan ang mga kabataang babae na magkakasamang makibahagi sa gawain ng kaligtasan at kadakilaan ng Diyos. Sa kanilang mga class, pinaglilingkuran ng mga kabataang babae ang iba, tinutupad ang responsibilidad sa tipan, bumubuo ng pagkakaisa, at natututuhan at ipinapamuhay ang doktrina.

11.1.2

Tema ng Young Women

Ang tema ng Young Women ay makatutulong sa bawat kabataang babae na maunawaan ang kanyang banal na pagkatao at magbalik-loob kay Jesucristo. Binibigkas ng mga kabataang babae at ng kanilang mga lider ang tema sa pagsisimula ng mga miting sa araw ng Linggo at sa iba pang mga pagtitipon ng Young Women. Ang tema ay mababasa nang ganito:

“Ako ay minamahal na anak na babae ng mga magulang sa langit, na may banal na katangian at walang hanggang tadhana.

“Bilang disipulo ni Jesucristo, sinisikap ko na maging katulad Niya. Ako ay humihingi ng personal na paghahayag at kumikilos ayon dito at naglilingkod sa iba sa Kanyang banal na pangalan.

“Ako ay tatayong saksi ng Diyos sa lahat ng panahon at sa lahat ng bagay at sa lahat ng lugar.

“Habang sinisikap ko na maging karapat-dapat para sa kadakilaan, aking pinahahalagahan ang kaloob na pagsisisi at sinisikap na magpakabuti sa bawat araw. Nang may pananampalataya, patatatagin ko ang aking tahanan at pamilya, gagawa ng mga sagradong tipan at tutuparin ang mga ito, at tatanggap ng mga ordenansa at pagpapala ng banal na templo.”

11.1.3

Mga Young Women Class

Ang mga kabataang babae ay nagiging miyembro ng isang Young Women class simula sa Enero ng taong magiging 12 taong gulang sila.

Inoorganisa ang mga Young women class ayon sa edad o age-group. Ang isang age-group ay lahat ng kabataang babae na magiging magkakapareho ang edad sa loob ng isang taon. Maaaring kabilang sa isang class ang higit pa sa isang age-group. Lumilipat ang mga kabataang babae sa bagong class sa Enero ng taong magiging kaedad nila ang mga kabataang babae sa bagong class na iyon.

Ang bishopric at mga adult Young Women leader ay mapanalanging nagpapasiya kung paano isasaayos ang mga class ayon sa edad. Isinasaalang-alang nila ang mga pagkakataong mamuno para sa mga kabataang babae. Ang bawat class, anuman ang laki nito, ay dapat magkaroon ng isang president at, kung maaari, isa o dalawang counselor at isang secretary. Sa mga unit na may sapat na bilang ng mga kabataang babae, ang mga class ay dapat sapat ang laki para magkaroon ng mga miyembrong paglilingkuran ang mga class presidency.

Ang mga class ay tinutukoy sa ilalim ng isang pinag-isang titulo na “Young Women.” Kung ang isang ward ay may mahigit sa isang class, mga age-group ang gagamitin upang tukuyin ang mga class na ito.

11.2

Pakikibahagi sa Gawain ng Kaligtasan at Kadakilaan ng Diyos

Inaanyayahan ng Diyos ang lahat na lumapit kay Cristo at tumulong sa Kanyang gawain sa pamamagitan ng:

• Pagsasabuhay ng ebanghelyo ni Jesucristo.

• Pangangalaga sa mga nangangailangan.

• Pag-anyaya sa lahat na tanggapin ang ebanghelyo.

• Pagbubuklod ng mga pamilya sa walang-hanggan.

Ang mga class presidency, na sinusuportahan ng mga adult leader, ay magkakasamang nagsasanggunian kung paano tutulong sa pagsasakatuparan ng gawaing ito. Para sa karagdagang impormasyon tungkol sa gawain ng kaligtasan at kadakilaan ng Diyos, pag-aralan ang kabanata 1.

11.2.1

Pagsasabuhay ng Ebanghelyo ni Jesucristo

11.2.1.1

Mga Papel na Ginagampanan ng mga Magulang at Lider

Ang mga magulang ay may responsibilidad na ituro sa kanilang mga anak ang ebanghelyo at tulungan silang ipamuhay ito (tingnan sa Doktrina at mga Tipan 68:25–28). Ang bishopric, mga Young Women leader, at mga class presidency ay sinusuportahan ang mga magulang sa responsibilidad na ito sa paraang tulad ng mga sumusunod:

• Hikayatin ang pag-uusap sa pagitan ng mga kabataang babae at kanilang mga pamilya.

• Tiyakin na sinusuportahan at pinagpapala ng mga aktibidad ng mga kabataan ang mga pamilya.

• Tulungan ang mga magulang na ihanda ang kanilang mga anak na babae para sa endowment sa templo, paglilingkod bilang full-time missionary (kung nais ng mga kabataang babae), kasal sa templo, at pagiging ina.

Ang mga lider ay dapat maging sensitibo sa mga kabataan na kulang sa suporta ng pamilya sa pagsasabuhay ng ebanghelyo.

Ang mga magulang at lider ay nagsisikap na maging mabubuting halimbawa sa mga kabataan. Ginagabayan nila ang mga kabataan sa kanilang mga pagsisikap na maging higit na katulad ni Jesucristo. Ang programang Mga Bata at Kabataan ay makatutulong sa mga pagsisikap na ito (tingnan sa ChildrenandYouth.ChurchofJesusChrist.org).

11.2.1.2

Pag-aaral ng Ebanghelyo

Hinihikayat ng mga Young Women leader at mga class presidency ang mga kabataang babae at kanilang mga pamilya na pag-aralan ang ebanghelyo sa tahanan. Pinag-aaralan ng mga lider ang ebanghelyo at ibinabahagi sa mga kabataang babae ang natututuhan nila. Inaanyayahan nila ang mga miyembro ng class na ibahagi sa simbahan ang mga natututuhan nila sa tahanan.

Ang mga Young Women class ay nagtitipon sa mga araw ng Linggo upang magpalakas ng pananampalataya, bumuo ng pagkakaisa, patatagin ang mga pamilya at tahanan, at gumawa ng mga plano na makibahagi sa pagsasakatuparan ng gawain ng kaligtasan at kadakilaan ng Diyos. Ang mga class presidency, na sinusuportahan ng mga adult leader, ang nagpaplano ng mga miting sa araw ng Linggo.

Ang mga class meeting ay ginaganap sa ikalawa at ikaapat na Linggo ng buwan. Ang mga ito ay tumatagal nang 50 minuto. Ang mga miting ay nagsisimula sa isang panalangin. Isang miyembro ng class presidency ang nangangasiwa. Pinangungunahan niya ang class sa pagbigkas ng tema at pagpapayuhan tungkol sa mga takdang-gawain at iba pang mga bagay.

Pagkatapos ay isang miyembro ng class o adult leader ang nangunguna sa pagtuturo ng ebanghelyo. Sumasangguni ang mga class presidency sa mga adult leader kung sino ang dapat na magturo. Ang mga outline ng miting ay matatagpuan sa Pumarito Ka, Sumunod Ka sa Akin. Ang mga miting ay dapat na magtapos sa isang panalangin.

Kung ang isang ward ay may mahigit na isang Young Women class, nagpupulong sila nang magkakahiwalay. Gayunman, sila ay maaaring sama-samang magpulong kapag mayroong isang espesyal na pangangailangan. Sa pamumuno ng bishopric at Young Women presidency, ang mga kabataang babae at kabataang lalaki ay maaaring paminsan-minsang pagsamahin para sa isang aralin sa araw ng Linggo.

Ang mga kabataang babae ay hinihikayat na makibahagi sa seminary (tingnan sa 15.1).

11.2.1.3

Paglilingkod at mga Aktibidad

Ang mga class presidency, na sinusuportahan ng mga adult leader, ay nagpaplano ng mga gawaing-paglilingkod at mga aktibidad. Ang mga ito ay dapat makatulong na maisakatuparan ang gawain ng kaligtasan at kadakilaan ng Diyos. Ang mga gawaing-paglilingkod at mga aktibidad ay dapat magpalakas ng patotoo, patatagin ang mga pamilya, pag-ibayuhin ang pagkakaisa ng class, at maglaan ng mga pagkakataon na pagpalain ang iba. Dapat maging balanse ang mga ito sa apat na aspekto ng personal na pag-unlad: espirituwal, pakikipagkapwa, pisikal, at intelektuwal.

Karamihan sa mga aktibidad ng kabataan ay ginaganap sa mga araw na bukod sa Linggo o Lunes ng gabi. Karaniwang ginaganap ang mga ito linggu-linggo. Sa ilang lugar, ang layo, kaligtasan, o iba pang mga kadahilanan ay ginagawang hindi praktikal ang mga lingguhang aktibidad. Sa mga lugar na ito, ang mga aktibidad ay maaaring gawin nang hindi kasindalas, ngunit ang mga ito ay karaniwang dapat ganapin kahit minsan lamang sa isang buwan. Ang mga aktibidad ay maaaring planuhin gamit ang Sample Service and Activity Planner, na makukuha sa ChurchofJesusChrist.org.

Ang ilang mga gawaing-paglilingkod at mga aktibidad ay dapat kabilangan ng kapwa mga kabataang lalaki at kabataang babae, lalo na para sa mga nakatatandang kabataan.

Makikinabang ang mga kabataan sa pakikisalamuha sa mas malalaking grupo. Ang mga kabataan sa dalawa o higit pang ward ay maaaring paminsan-minsang magkakasamang magtipun-tipon para sa mga gawaing-paglilingkod at mga aktibidad. Ang mga stake o district ay maaaring paminsan-minsang magplano ng mga gawaing-paglilingkod at mga aktibidad para sa mga kabataan (tingnan sa 20.3.2).

Tumutulong ang mga adult leader na masigurong ligtas ang mga aktibidad (tingnan sa safety.ChurchofJesusChrist.org; tingnan din sa 20.7 ng hanbuk na ito). Dapat ay mayroong hindi bababa sa dalawang responsableng adult na lider sa lahat ng aktibidad (tingnan sa 11.6.1).

Para sa karagdagang impormasyon, tingnan ang YoungWomen.ChurchofJesusChrist.org. Tingnan din ang JustServe.org kung saan ito ay magagamit. Ang mga resource na ito ay nagbibigay ng mga ideya para sa mga gawaing-paglilingkod at mga aktibidad.

Mga Taunang Aktibidad. Bukod pa sa mga regular na mga aktibidad ng mga kabataan, maaari ding sumali ang mga kabataang babae sa mga sumusunod taun-taon:

• Isang miting para sa mga kabataan at kanilang mga magulang sa simula ng taon. Maaari itong ganapin para sa mga kabataang lalaki at mga kabataang babae nang magkahiwalay o magkasama. Maaari din itong idaos sa ward o stake level. Ito ay pinaplano at pinangungunahan ng mga assistant ng bishop sa priests quorum at presidency ng pinakamatandang Young Women class. Ang mga kabataang babae na magiging 12 taong gulang sa taong iyon ay matatanggap ang kanilang sagisag ng pagiging kabilang sa miting na ito (tingnan sa 11.6.3). Para sa karagdagang impormasyon, tingnan ang ChildrenandYouth.ChurchofJesusChrist.org.

• Isang Young Women camp (tingnan sa Young Women Camp Guide). Ang mga kabataang babae ay maaaring makibahagi sa karagdagang mga magdamagang camp, event, at aktibidad sa buong taon, kung saan maaari itong idaos.

• Isang ward o stake youth conference o isang For the Strength of Youth (FSY) conference. Para sa impormasyon tungkol sa mga FSY conference, tingnan ang FSY.ChurchofJesusChrist.org. Para sa impormasyon tungkol sa mga calling at responsibilidad sa FSY sa ward at stake, tingnan ang FSYLeader.ChurchofJesusChrist.org (para sa Estados Unidos at Canada) o ang FSY Planning Guide (para sa lahat ng iba pang lugar).

• Kahit isang aktibidad na nagbibigay-diin sa mga alituntunin sa Para sa Lakas ng mga Kabataan: Isang Gabay sa Pagpili. Ito ay maaaring kabilangan ng kapwa mga kabataang lalaki at mga kabataang babae. Maaari ding anyayahan ang mga magulang.

Mga Requirement sa Edad. Sa pagsang-ayon ng kanilang mga magulang, maaaring dumalo ang mga kabataang babae sa magdamagang Young Women camp simula sa Enero ng taong magiging 12 taong gulang sila. Maaari silang dumalo sa mga sayawan, youth conference, at FSY conference simula sa Enero ng taong magiging 14 na taong gulang sila.

Pagbabayad para sa mga Aktibidad. Ang mga aktibidad, kabilang na ang mga kagamitang gagamitin, ay binabayaran sa pamamagitan ng budget ng ward. Hindi dapat labis ang paglalakbay o paggastos.

Bilang eksepsyon, kung walang sapat na pera ang budget ng ward para tustusan ang aktibidad na tatagal ng ilang araw, tulad ng mga camp, maaaring hilingin ng mga lider sa mga kalahok na magbayad para sa mga ito. Gayunman, ang isang kabataang babae ay hindi dapat pigilang makilahok kung hindi niya kayang magbayad. Kung kailangan pa rin ng pera, maaaring pahintulutan ng bishop ang isang fundraising activity bawat taon (tingnan sa 20.6.5).

Sinisiguro ng bishopric na ang budget at mga aktibidad para sa mga kabataang babae at mga kabataang lalaki ay sapat at makatarungan. Ang budget para sa young women ay nakabatay sa bilang ng mga kabataang babae sa ward. Ang budget para sa mga Aaronic priesthood quorum ay nakabatay sa bilang ng mga kabataang lalaki sa ward.

Tingnan ang FSY.ChurchofJesusChrist.org para sa impormasyon tungkol sa pagpopondo para sa mga FSY conference.

11.2.1.4

Personal na Pag-unlad

Sa kanilang pagsisikap na maging higit na katulad ng Tagapagligtas, ang mga kabataan ay inaanyayahang magtakda ng mga mithiin na umunlad sa espirituwal, pakikipagkapwa, pisikal, at intelektuwal (tingnan sa Lucas 2:52). Ang mga kabataan ay naghahangad ng inspirasyon upang matuklasan ang kailangan nilang gawin. Sa tulong ng mga magulang, sila ay nagpaplano, kumikilos ayon sa kanilang mga plano, at pinag-iisipan ang natutuhan nila. Ang mga lider ay nagbibigay din ng suporta kapag kinakailangan. Gayunman, hindi nila dapat subaybayan ang mga mithiin o progreso ng mga kabataang babae. Maaaring magmungkahi ang mga magulang at lider ng mga mithiin, ngunit hinahayaan nila ang mga kabataan na maghangad ng sarili nilang inspirasyon ukol sa mga mithiin na gagawin nila.

Ang mga kabataan ay hinihikayat na kumpletuhin ang kahit dalawang mithiin para sa bawat isa sa apat na aspekto bawat taon. Maaari nilang gamitin ang Pansariling Pag-unlad: Gabay na Aklat para sa mga Kabataan o ang Gospel Living app upang magtakda at magtala ng mga mithiin.

Para sa karagdagang impormasyon, tingnan ang ChildrenandYouth.ChurchofJesusChrist.org.

11.2.2

Pangangalaga sa mga Nangangailangan

Ang mga kabataang babae ay dapat magkaroon ng regular na mga pagkakataon na maglingkod sa kanilang pamilya at kasama ang kanilang pamilya, sa mga aktibidad ng kabataan, at sa sarili nila. Ang mga ideya para sa mga gawaing-paglilingkod ay makukuha sa ChildrenandYouth.ChurchofJesusChrist.org. Sa mga lugar kung saan ito magagamit, ang JustServe.org ay nagmumungkahi ng mga pagkakataong maglingkod sa komunidad.

11.2.2.1

Ministering

Ang ministering ay pangangalaga sa iba na tulad ng gagawin ng Tagapagligtas kung narito Siya. Ang mga kabataang babae ay maaaring tumanggap ng ministering assignment simula sa Enero ng taong magiging 14 na taong gulang sila. Para sa karagdagang impormasyon, tingnan ang kabanata 21.

11.2.3

Pag-anyaya sa Lahat na Tanggapin ang Ebanghelyo

Inaanyayahan ng mga kabataang babae ang lahat na tanggapin ang ebanghelyo habang sila ay “tuma[ta]yo bilang mga saksi ng Diyos sa lahat ng panahon at sa lahat ng bagay, at sa lahat ng lugar” (Mosias 18:9). Ang ilang mga paraan na magagawa nila ito ay nakalista sa ibaba:

• Magpakita ng mabuting halimbawa bilang mga disipulo ni Jesucristo.

• Magbahagi ng kanilang patotoo sa mga kaibigan at kapamilya.

• Magminister sa mga di-gaanong aktibong miyembro ng kanilang mga class.

• Anyayahan ang mga kaibigan na dumalo sa simbahan o sa mga aktibidad ng kabataan.

• Anyayahan ang mga kaibigan na makibahagi sa programang Mga Bata at Kabataan. Nakikipagtulungan nang mabuti ang mga lider sa mga magulang ng mga kabataang ito para matulungan silang maunawaan ang programa at malaman kung paano sila at ang kanilang mga anak ay makababahagi.

• Anyayahan ang mga kaibigan na maturuan ng mga missionary.

Matutulungan ng mga magulang at lider ang mga kabataang babae na maghandang ibahagi ang ebanghelyo sa buong buhay nila. Ang ilang mga paraan na magagawa nila ito ay nakalista sa ibaba:

• Hikayatin ang mga kabataang babae na magkaroon ng sariling patotoo sa plano ng kaligayahan ng Ama sa Langit, sa Pagbabayad-sala ni Jesucristo, at sa panunumbalik ng Kanyang ebanghelyo.

• Magbigay ng mga pagkakataong maglingkod sa Simbahan.

• Magbigay ng mga pagkakataong maituro ang ebanghelyo sa mga class meeting at iba pang kaganapan.

Kung nanaisin ng mga kabataang babae na maglingkod sa full-time mission, ang mga magulang at lider ay tinutulungan silang maghanda. Kabilang dito ang pagtuturo sa kanila tungkol sa mga pagpapala ng paglilingkod sa misyon at kung ano ang aasahan sa kanila.

Bilang bahagi ng paghahandang ito, ang bishopric o stake presidency ay maaaring mag-organisa ng missionary preparation class. Ang mga pangunahing sanggunian para sa klaseng ito ay ang mga banal na kasulatan, Mga Pamantayan ng Missionary para sa mga Disipulo ni Jesucristo, at Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo. Ang klaseng ito ay hindi ginaganap na kasabay ng regular na mga miting sa araw ng Linggo.

Ang Missionary.ChurchofJesusChrist.org ay nagbibigay ng karagdagang resources na makatutulong sa mga kabataang babaeng hangad na maghandang maglingkod sa misyon. Tingnan ang kabanata 23 at 24 para sa karagdagang impormasyon.

11.2.4

Pagbubuklod ng mga Pamilya sa Walang-Hanggan

Ang mga kabataang babae ay makatutulong sa pagbubuklod ng mga pamilya sa walang-hanggan sa maraming paraan. Ang ilan sa mga paraang ito ay nakalista sa ibaba:

• Igalang ang kanilang mga magulang at magpakita ng halimbawa ng pamumuhay na katulad ng kay Cristo sa kanilang tahanan.

• Maghandang magkaroon ng sarili nilang walang-hanggang pamilya.

• Magkaroon ng current temple recommend.

• Maghandang gumawa at tumupad ng mga tipan at tumanggap ng mga ordenansa sa templo, kabilang na ang kasal na walang hanggan.

• Alamin ang tungkol sa kanilang mga kamag-anak at mga ninuno (tingnan sa Ang Aking Pamilya: Mga Kuwentong Nagbibigkis sa Atin).

• Tukuyin ang mga ninuno na nangangailangan ng mga ordenansa sa templo (tingnan sa FamilySearch.org).

• Makibahagi nang madalas sa mga binyag at kumpirmasyon para sa mga patay kung may pagkakataon.

• Makibahagi sa indexing (tingnan sa FamilySearch.org/indexing).

• Maglingkod bilang mga temple and family history consultant, kapag tinawag ng bishopric (tingnan sa 25.2.4).

11.3

Pamunuan ng Young Women sa Ward

11.3.1

Bishopric

Ang pangunahing responsibilidad ng bishop ay ang pangalagaan ang bagong henerasyon sa kanyang ward. Inaalam niya at ng kanyang mga counselor ang kanilang mga pangalan at inuunawa ang kanilang situwasyon sa tahanan. Kinakausap nila nang personal ang bawat kabataang babae nang hindi bababa sa dalawang beses sa isang taon (tingnan sa 31.3.1).

Ang bishop ang may responsibilidad para sa organisasyon ng Young Women sa ward. Regular siyang nakikipagpulong sa Young Women president. Siya ang nag-uulat tungkol sa mga usapin sa Young Women sa mga bishopric meeting.

Regular na nakikibahagi ang bishop at ang kanyang mga counselor sa mga miting, gawaing-paglilingkod, at aktibidad ng Young Women. Kung may iba’t ibang Young Women class, maaaring atasan ng bishop ang kanyang sarili at kanyang mga counselor na makipagtulungan sa mga partikular na class.

11.3.2

Adult Young Women Presidency

Ang bishop ang tumatawag at nagse-set apart ng isang adult na babae na maglilingkod bilang ward Young Women president. Kung sapat ang laki ng unit, magrerekomenda ang ward Young Women president ng isa o dalawang adult na kababaihan na maaaring tawagin bilang kanyang mga counselor (tingnan sa kabanata 30). Isinasaalang-alang ng bishopric ang kanyang rekomendasyon at ibinibigay ang mga calling.

Sa isang maliit na unit, maaaring ang Young Women president lamang ang tinawag na adult leader sa organisasyon ng Young Women. Sa ganitong pagkakataon, siya ay nakikipagtulungan sa mga magulang upang iorganisa ang pagtuturo at aktibidad para sa mga kabataang babae. Tinitiyak din niya na mayroong hindi bababa sa dalawang responsableng adult sa lahat ng mga miting at aktibidad. Kapag posible, dapat na tumawag ng mga counselor at isang secretary.

Kung ang isang branch ay walang Young Women president, ang Relief Society president ay maaaring mag-organisa ng pagtuturo para sa mga kabataang babae hanggang sa makatawag ng Young Women president.

Ang Young Women president ay may sumusunod na mga responsibilidad. Tinutulungan siya ng kanyang mga counselor.

• Maglingkod sa ward council. Naglilingkod siya bilang (1) miyembro ng ward council na tumutulong na matugunan ang mga pangangailangan sa ward at makahanap ng mga solusyon at (2) isang kinatawan ng Young Women (tingnan sa 29.2.5).

• Maglingkod bilang miyembro ng ward youth council (tingnan sa 29.2.6).

• Magminister sa bawat kabataang babae.

• Magsumite ng rekomendasyon sa bishopric para sa mga kababaihan na maglilingkod sa Young Women.

• Ituro sa iba pang mga Young Women leader at mga class presidency ang kanilang mga responsibilidad.

• Makipagpayuhan sa mga kabataang babae tungkol sa mga hamon na hindi kinakailangan ang bishop o hindi kinasasangkutan ng pang-aabuso (tingnan sa 32.3, 31.1, 31.3.1, at 38.6.2).

• Turuan ang mga class presidency sa kanilang mga responsibilidad sa pamumuno. Ang bawat class ay sinusuportahan at pinamamahalaan ng isang partikular na miyembro ng Young Women presidency.

• Suportahan ang mga kabataang babae na naglilingkod bilang mga companion ng mga adult na kababaihan sa ministering (tingnan sa 21.2.2).

• Regular na magdaos ng mga Young Women presidency meeting at makipagpulong sa bishop.

• Pamahalaan ang mga talaan, ulat, budget, at pananalapi ng organisasyon ng Young Women.

11.3.3

Secretary

Kung sapat ang laki ng unit, ang Young Women president ay magrerekomenda sa bishop ng isang adult na babae na maglilingkod bilang Young Women secretary. Siya ay maaaring magkaroon ng mga sumusunod na responsibilidad:

• Tulungan ang Young Women presidency sa paghahanda ng mga agenda o talaan ng pag-uusapan para sa mga presidency meeting. Dumadalo siya sa mga miting na ito, isinusulat ang mga pinag-uusapan, at sinusubaybayan ang mga takdang-gawain.

• Turuan ang mga class secretary at tulungan silang magtabi ng mga attendance record.

• Gamit ang LCR, makipagtulungan sa Relief Society secretary upang mag-ingat ng mga attendance record para sa mga adult na kababaihan na naglilingkod sa Young Women.

• Tulungan ang Young Women presidency sa paghahanda ng budget at pagtatala ng mga gastusin.

11.3.4

Class Presidency at Secretary

11.3.4.1

Pagtawag, Pagsang-ayon, at Pag-set Apart

Dapat magkaroon ng class presidency ang bawat Young Women class. Ang Young Women presidency ay maaaring magrekomenda ng mga kabataang babae na maglilingkod bilang mga class president. Ang mga miyembro ng bishopric ay mapanalanging nagpapayuhan para malaman kung sino ang tatawagin.

Isang miyembro ng bishopric ang tumatawag sa isang kabataang babae na maglilingkod bilang class president. Kapag mayroong sapat na bilang ng mga young women na makapaglilingkod, mapanalanging pinag-iisipan ng kabataang babaeng ito kung sinong mga miyembro ng class ang irerekomenda niya bilang mga counselor at secretary. Isinasaalang-alang ng bishopric ang kanyang rekomendasyon at ibinibigay ang mga calling.

Bago hilingin sa isang kabataang babae na maglingkod sa alinman sa mga calling na ito, humihingi ng pahintulot ang miyembro ng bishopric mula sa mga magulang ng kabataang babae.

Matapos na ibigay ang mga calling na ito, ipinakikilala ng isang miyembro ng bishopric ang mga kabataang babae sa kanilang class para sa pagsang-ayon. Sine-set apart ng bishop o ng isang naatasang counselor ang mga kabataang babae.

Inaanunsiyo ng isang miyembro ng bishopric ang mga calling na ito sa sacrament meeting. Hindi niya sila ipinakikita para sang-ayunan.

Pagkatapos ma-set apart ang mga class presidency, isang miyembro ng bishopric ang dapat magturo sa kanila ng kanilang mga responsibilidad. Tingnan ang “Oryentasyon ng Aaronic Priesthood Quorum at Young Women Class Presidency” sa YoungWomen.ChurchofJesusChrist.org; tingnan din ang kabanata 4 ng hanbuk na ito.

11.3.4.2

Mga Responsibilidad

Naglilingkod ang mga class president sa ward youth council (tingnan sa 11.3.4.4). Ang mga class presidency ay may sumusunod din na mga responsibilidad:

• Pamunuan ang mga pagsisikap ng class na makibahagi sa gawain ng kaligtasan at kadakilaan ng Diyos (tingnan sa kabanata 1).

• Kilalanin at paglingkuran ang bawat kabataang babae, kabilang na ang mga hindi dumadalo sa mga class meeting. Maging maalam sa kanilang mga pangangailangan at kalagayan.

• Makibahagi sa mga pagsisikap ng ward na ibahagi ang ebanghelyo at palakasin ang bago at nagbabalik na mga miyembro. Isang miyembro ng presidency ng pinakamatandang Young Women class ang dumadalo sa mga coordination meeting (tingnan sa 23.4).

• Makibahagi sa mga pagsisikap ng ward para sa gawain sa templo at family history. Isang miyembro ng presidency ng pinakamatandang Young Women class ang dumadalo sa mga coordination meeting (tingnan sa 25.2.7).

• I-organisa ang mga kabataan na magminister sa pamamagitan ng pagbati sa mga bisita at miyembro habang sila ay pumapasok sa sacrament hall (tingnan sa 29.2.1.3).

• Planuhin at pangasiwaan ang mga class meeting sa araw ng Linggo (tingnan sa 11.2.1.2).

• Magplano at magsagawa ng mga gawaing-paglilingkod at mga aktibidad ng class (tingnan ang 11.2.1.3).

• Regular na magdaos ng mga class presidency meeting (tingnan sa 11.3.4.3).

Kapag may tinawag na mga class secretary, sila ang naghahanda ng mga agenda o talaan ng mga pag-uusapan para sa mga pulong, nagsusulat ng mga pinag-uusapan, at sumusubaybay sa attendance.

Regular na itinuturo ng mga miyembro ng Young Women presidency sa mga class presidency ang tungkol sa kanilang mga responsibilidad (tingnan sa 11.3.2). Ang mga class adviser at mga specialist ay dapat aktibong tumulong (tingnan sa 11.3.5 at 11.3.6).

11.3.4.3

Class Presidency Meeting

Nagpupulong nang regular ang mga Young Women class presidency. Ang class president ang nangangasiwa sa mga miting na ito. Dumadalo rin ang mga adult Young Women leader na naatasang suportahan ang mga class presidency. Sa mga miting na ito, ang mga lider ay magkakasamang nagpapayuhan at naghahangad ng paghahayag tungkol sa kalooban ng Panginoon para sa kanilang class. Maisasama sa agenda o talaan ng pag-uusapan ang pagtalakay sa mga sumusunod:

• Pagtulong sa pagsasakatuparan ng gawain ng kaligtasan at kadakilaan ng Diyos

• Paglilingkod sa mga miyembro ng class, na binibigyan ng espesyal na pansin ang pagsuporta sa mga bagong miyembro at pakikipagkaibigan at pagtulong sa mga di-gaanong aktibong miyembro

• Pakikipagkaibigan sa mga iba ang relihiyon at paniniwala

• Pagpaplano ng mga miting, mga gawaing-paglilingkod, at mga aktibidad ng class

• Mga tagubilin ukol sa pamumuno mula sa mga adult Young Women leader o isang miyembro ng class presidency

Ang isang Halimbawa ng Presidency Meeting Agenda ay makukuha sa ChurchofJesusChrist.org.

11.3.4.4

Ward Youth Council

Ang layunin ng ward youth council ay tulungan ang mga kabataan na maakay ang iba patungo kay Jesucristo at tumulong sa pagsasakatuparan ng gawain ng kaligtasan at kadakilaan ng Diyos.

Ang bishop ang namumuno sa ward youth council. Ang mga miyembro ng council na ito ay kinabibilangan ng:

• Bishopric.

• Isa sa mga assistant ng bishop sa priests quorum, ang teachers quorum president, at ang deacons quorum president.

• Mga Young Women class president (o ang buong class presidency kapag isa lamang ang Young Women class sa ward).

• Ang Young Women president.

Pinag-uusapan ng mga miyembro ng ward youth council ang mga paraan na matutulungan ang ibang tao na magkaroon ng patotoo, tumanggap ng mga nakapagliligtas na ordenansa, gumawa at tumupad ng mga tipan, at maging mga tapat na tagasunod ni Jesucristo (tingnan sa Moroni 6:4–5). Nagpapayuhan sila ukol sa mga pangangailangan ng mga kabataang babae at kabataang lalaki sa ward. Maaari nilang talakayin ang mga aktibidad upang mapunan ang mga pangangailangang ito. Gayunman, ang detalyadong pagpaplano ng mga aktibidad ay dapat gawin sa mga quorum o class presidency meeting.

Tingnan ang 29.2.6 para sa karagdagang impormasyon tungkol sa ward youth council.

11.3.5

Mga Adviser

Ang Young Women presidency ay maaaring magrekomenda sa bishopric na tumawag ng mga Young Women adviser. Ang bawat adviser ay nakikipagtulungan sa isang partikular na age-group ng mga kabataang babae.

Ang mga adviser ay may mga sumusunod na responsibilidad:

• Tulungan ang Young Women presidency sa kanilang mga responsibilidad.

• Suportahan at gabayan ang mga class presidency habang inaaral at isinasagawa nila ang kanilang mga responsibilidad.

• Magturo ng mga aralin tuwing Linggo kung kinakailangan. Tulungan ang mga young women na inanyayahang magturo ng isang aralin na epektibong maghanda at magturo.

• Dumalo sa mga aktibidad ng class.

• Dumalo sa mga ward Young Women presidency meeting kapag inanyayahan.

Dapat ay mayroong hindi bababa sa dalawang responsableng adult na babae sa bawat miting at aktibidad ng class. Dapat kumpletuhin ng mga adviser ang training sa ProtectingChildren.ChurchofJesusChrist.org (tingnan sa 11.6.1).

11.3.6

Mga Specialist

Kung kailangan, ang Young Women presidency ay maaaring magrekomenda sa bishopric na tumawag ng mga specialist para tumulong sa isang partikular na event, tulad ng isang camp, youth conference, o sports.

Ang mga specialist na ito ay naglilingkod sa ilalim ng pamamahala ng ward Young Women presidency.

Dapat kumpletuhin ng mga specialist ang training sa ProtectingChildren.ChurchofJesusChrist.org (tingnan sa 11.6.1).

11.4

Pagtulong sa mga Kabataang Babae na Maghandang Maging Bahagi ng Relief Society

Ang isang kabataang babae ay maaaring makibahagi sa Relief Society kapag siya ay naging 18 taong gulang. Sa edad na 19, dapat ay ganap nang nakikibahagi ang bawat kabataang babae sa Relief Society. Sa ilang pagkakataon, ang isang kabataang babae ay maaaring makibahagi sa Relief Society nang mas maaga kaysa sa kanyang ika-18 kaarawan. Nakikipagpayuhan ang bawat kabataang babae sa kanyang mga magulang at sa bishop upang makapagpasiya kung ano ang pinakamainam na makatutulong sa kanya na mapalakas ang kanyang pananampalataya kay Jesucristo.

Ang mga magulang at mga Young Women at Relief Society leader ay magkakasamang kumikilos para tulungan ang bawat kabataang babae na matagumpay na lumipat sa Relief Society. Ang mga lider na ito ay nagbibigay ng nagpapatuloy na mga oportunidad para sa mga kabataang babae at kababaihan ng Relief Society na lumikha ng mga koneksyon at magkaroon ng mga ugnayan.

11.5

Mga Stake Young Women Leader

Tumatawag ang isang miyembro ng stake presidency ng isang adult na babae para maglingkod bilang stake Young Women president. Kung sapat ang laki ng stake, ang stake Young Women president ay maaaring magrekomenda ng isa o dalawang adult na babae para maglingkod bilang mga counselor at isa pa upang maglingkod bilang secretary. Ang mga kababaihang ito ay tinatawag at sine-set apart ng isang miyembro ng stake presidency o ng isang inatasang high councilor. Para sa impormasyon tungkol sa mga responsibilidad ng stake Young Women presidency at secretary, tingnan ang 6.7.1, 6.7.1.2, at 6.7.3.

Isang counselor sa stake presidency ang may responsibilidad sa organisasyon ng Young Women sa stake. Siya rin ang may responsibilidad para sa gawain ng stake Young Women presidency. Itinuturo din niya sa mga bishop ang kanilang mga responsibilidad para sa mga kabataang babae.

Inaatasan ng stake presidency ang isang high councilor na makipagtulungan sa stake Young Women presidency (tingnan sa 6.5).

Ang stake Young Women presidency at secretary ay naglilingkod sa stake youth leadership committee (tingnan sa 29.3.9).

11.6

Mga Karagdagang Tuntunin at Patakaran

11.6.1

Pangangalaga sa mga Kabataan

Kapag nakikipag-ugnayan ang mga adult sa mga kabataan sa Simbahan, dapat ay may naroong dalawang responsableng adult. Maaaring kailanganing pagsamahin ang mga klase para maging posible ito.

Lahat ng adult na may mga calling na may kinalaman sa mga kabataan ay dapat kumpletuhin ang children and youth protection training sa loob ng isang buwan mula nang sila ay sang-ayunan (ProtectingChildren.ChurchofJesusChrist.org). Inuulit nila ang training kada tatlong taon mula noon.

Para sa impormasyon tungkol sa kung paano naaangkop ang mga tuntuning ito sa mga ministering companion, tingnan ang 21.2.2.

11.6.2

Mga Kabataang Babae na may mga Kapansanan

Ang mga class presidency ay nagbibigay ng espesyal na pangangalaga sa mga kabataang babae na may kapansanan. Para sa impormasyon tungkol sa pagtulong sa mga kabataang babaeng ito, tingnan ang disability.ChurchofJesusChrist.org; tingnan din ang 38.8.27 sa hanbuk na ito.

11.6.3

Mga Sagisag ng Mga Bata at Kabataan

Ang mga kabataang babae ay tatanggap ng mga sagisag bilang bahagi ng programang Mga Bata at Kabataan. Ang bawat kabataang babae ay dapat tumanggap ng sagisag ng pagiging kabilang mula sa kanyang class presidency kapag siya ay naging miyembro ng Young Women. Tatanggap din siya ng kopya ng Pansariling Pag-unlad: Gabay na Aklat para sa mga Kabataan. Maaari itong gawin kapag nakipagkita ang kanyang class presidency at mga adult Young Women leader sa kanya at malugod siyang tinanggap sa Young Women. Maaari din itong gawin sa isang taunang miting para sa mga kabataan at kanilang mga magulang (tingnan sa 11.2.1.3).

Sa Enero ng taon na ang isang kabataang babae ay magiging 18 taong gulang, tatanggap siya ng isa pang sagisag ng pagiging kabilang.

Maaaring makakuha ang mga kabataang babae ng sagisag ng tagumpay sa pamamagitan ng pagsisikap na maging higit na katulad ng Tagapagligtas.

Para sa karagdagang impormasyon tungkol sa mga sagisag, tingnan ang ChildrenandYouth.ChurchofJesusChrist.org.