19.

Al ko

19.1

Unin Al ko ilo Kabun̄ in

Ilo juon revelesōn n̄an Rikanaan Josep Smith, Irooj eaar ba, “Aō ej lan̄lōn̄ ilo al ko an bōro; aaet, al eo an ro rejim̧we ej juon jar n̄an Eō, im enaaj uwaak kōn juon kōjeraam̧m̧an ioon bōraer” (Katak im Bujen Ko 25:12). E ekar barāinwōt ba, “Ro rewānōk … naaj itok n̄an Zaion, im al kōn al ko in lan̄lōn̄ ejjeļo̧k jem̧ļo̧kin” (Katak im Bujen Ko 45:71).

Al kwojarjar ko rej kōļapļo̧k tōmak ilo Jisōs Kraist. Ej karuwaineneiktok Jetōb eo im ej katakin katak eo. Ej barāinwōt ejaake juon en̄jake in kautiej, ej kobaik membōr ro, im ej letok juon wāween n̄an kabun̄ jar n̄an Jemedwōj Ilan̄ im Jisōs Kraist.

19.2

Al ko ilo M̧weo

Kōn rikanaan ro An, Irooj ekar kōketak kajjojo armej ro im baam̧le ko n̄an kōjerbal al ko rem̧m̧an ilo mour ko aer kajjojo raan. Al im ron̄jake al ko rekwojarjar emaron̄ karuwaineniktok juon jetōb in aiboojoj im aenōm̧m̧an, Emaron̄ barāinwōt kōļapļo̧k iakwe im bōro kuk eo ilubwilijin ro uwaan baam̧le eo. Al ko remaron̄ jipan̄ kajjojo armej ro bōk peran im jutak pen ņae kapo.

Rekooti al ko an Kabun̄ in repād ilo kein jipan̄ kein:

• Sacred Music app eo

• Gospel Library app eo

• Music.ChurchofJesusChrist.org

• CD ko ilo store.ChurchofJesusChrist.org

Kabun̄ in ej kōpooj kein jipan̄ ko n̄an jipan̄ kajjojo armej ro im baam̧le ko ekkatak kapeel ko ikkijeen al. Rej maron̄ loi ilo music.ChurchofJesusChrist.org (bar lale 19.6). Kōļapļo̧k kapeel ko ikkijeen al ej kōdepakpakļo̧k iien ko rem̧m̧an n̄an membōr ro n̄an jerbal im jipan̄ ilo m̧weo im ilo Kabun̄ in.

19.3

Al ko ilo Kweilo̧k ko an Kabun̄ in

Al kwojarjar ko ej m̧ōttan eo eaorōk ilo kweilo̧k in kwojkwoj eo im kweilo̧k ko jet an Kabun̄ in. Ewōr an kajoor n̄an karuwaineneiktok Jetōb eo, ej kepaakļo̧k kajjojo armej ro n̄an Anij. “Jet iaan kwaļo̧k ko reļļap tata rej kwaļo̧k ilo al kōn al ko.” (Lale Hymns, ix.)

19.3.1

Karōk Al ko n̄an Kweilo̧k ko an Kabun̄ in

Rikōtōbalbal ro an al an ward im stake eo rej jerbal ippān ritōl ro an priesthood n̄an karōk al ko n̄an iien kabun̄ jar ko. Rej kāālet al ko me rej kōkōm̧anm̧anļo̧k jetōb in kabun̄ jar eo ilo kweilo̧k ko.

Al ko rej kōjerbali n̄an an aolepān jarlepju eo al ilo iien kabun̄ jar ko. Al ko ak al ko rekwojarjar jet kāāleti maron̄ kōjerbali n̄an al ko ilo jinoin im jem̧ļo̧kin, al ko an kuwaer, im iien al ko an juon ļo̧k make im juon kumi jidikdik. Aolep al ko ilo kweilo̧k ko an Kabun̄ in rej aikuj in kwaļo̧k ilo jetōb in kabun̄ jar eo an Jemedwōj Ilan̄ im Jisōs Kraist, ejjab āinwōt juon iien al n̄an kwaļo̧k kapeel in al.

Al ko kāāleti rej aikuj in jokkun wōt juon ippān jetōb in kabun̄ jar eo an al ko. Rej aikuj katakin gospel eo kōn kajoor im alikkar.

Al ko rekwojarjar me kar je ak al ilo jekjek in al ko ilo m̧anit ko rooktak maron̄ jipan̄ bwe jarlepju eo en bōro kuk. Rikōtōbalbal ro al ko im ritōl ro an priesthood remaron̄ kobaik būjin in jekjek in al ko rekkar me rej waļo̧k n̄an membōr ro eoktak jekjek in mour ko aer.

19.3.2

Al ko ilo Kweilo̧k in Kwokwoj eo

Membōr ro rej aiindoon ilo kweilo̧k in kwojkwoj eo n̄an keememej Jisōs Kraist kōn bōk m̧ōttan kwojkwoj eo. Rej aiindoon n̄an kalōk tōmak im naan in kam̧ool im n̄an kabun̄ jar n̄an Jemedwōj Ilan̄ im Jisōs Kraist. Al ko rej aikuj kar kāāleti n̄an jipan̄ tōpar jibadbad kein.

Al ko ilo kweilo̧k in kwojkwoj eo ekoba an jarlepju eo al al in kōppeļļo̧k im ikkilōk an kweilo̧k eo im m̧okta jān leto letak kwojkwoj eo. Al ko an jarlepju eo rej letok juon iien em̧m̧an n̄an membōr ro n̄an bōro kuk ilo aer niknik bōk koņaer ilo kabun̄ jar ippān doon. Al ko an kwojkwoj eo aikuj iookļo̧k kwojkwoj eo make ak n̄an en̄taan eo an Rilo̧mo̧o̧r eo. Kōn elōn̄ļo̧k meļeļe, lale “Hymns for Congregations,” Hymns, 380–81.

Al eo kōjan̄e ilo jinoin ilo an membōr ro aiintok doon m̧okta jān kweilo̧k eo. Jibadbad eo an ej n̄an ejaake juon mejatoto in kabun̄ jar eo me ej karuwaineneiktok Jetōb eo. Ālkin jar in ikkilōk eo, juon kōjan̄jan̄ ilo jem̧ļo̧kin ej kōjan̄e ilo an membōr ro diwōjļo̧k jān kweilo̧k eo. Al in jar ko im al ko jet rekwojarjar maron̄ kāāleti n̄an al ko ilo jinoin im ilo jem̧ļo̧kin.

Juon kweilo̧k in kwojkwoj maron̄ barāinwōt kobaiktok juon al in jar an jarlepju eo al kake ilo ioļapen kweilo̧k eo—n̄an waanjon̄ak, ikōtaan ekōnono ko. Ak emaron̄ koba in juon ak lōn̄ļo̧k jān al ko kar kāāleti. Men kein maron̄ kwaļo̧ki jān kuwaer ko (lale 19.3.7), ainikien al (vocal) ak kōjan̄jan̄ jān juon make, ak kumi jiddik ko. Kweilo̧k in kwojkwoj ko rejjab aikuj in etal n̄an doulul in al ko jān likin.

Piano eo, o̧kwōn eo, ak kein kōjan̄jan̄ ko et kar kōmālim jān bisoprik eo maron̄ kōjerbali ippān al ko al kaki ilo kweilo̧k in kwojkwoj eo (lale 19.3.6.

Rikōtōbalbal ro an al im bisoprik ko rej kajjieon̄ in pukōt jokkun wōt juon eo ikōtaan al ko jeļā kaki im al ko jab kanooj jeļā kaki. Al ko kāāleti kar kwaļo̧k jān ward kuwaer eo ak ro jet maron̄ jipan̄ membōr eo ļapļo̧k aer jeļā kōn al ko me jab kanooj jeļā kaki.

19.3.3

Al ko ilo Kūlaaj im Kweilo̧k ko Jet an Ward eo

Al al ko maron̄ in juon wāween ewejepedik n̄an kwaļo̧k kadkad ak bar kakijin̄en̄eikļo̧k pedped in katak ko an gospel eo. Ritōl ro rej kōketak rūkaki ro n̄an kōjerbal al ko im al ko jet rekwojarjar n̄an kōkōm̧anm̧anļo̧k katakin eo aer.

Kweilo̧k ko an doulul ilo Jabōt im kūlaaj ko rejjab aolep iien ijjino kōn juon al in kōppeļo̧k.

19.3.4

Al ko ilo Kweilo̧k an Stake

Al ko n̄an kweilo̧k an stake aikuj in karōki n̄an kōkajoorļo̧k tōmak im naan in kam̧ool. Ej aikuj ļoor pedped in katak ko ilo 19.3.1. Ritōl eo ej tōl ej etale aolep al ko kwaļo̧ki kar kāāleti ilo jinoin ilo karōk eo.

Al ko n̄an kweilo̧k an stake ekkā aer kitbuuj al eo jarlepju eo ej al im al ko jet kāāleti jān juon kuwaer, rial ro rej make iaer, ak kumi jiddik ko. Ekkā an jarlepju eo al juon al ilo ioļapān kweilo̧k eo. Stake būreejtōnji ro remaron̄ kōmālim rial eo ej make iaan im kein kōjan̄jan̄ eo kōjerbal ijello̧kin piano eo ak o̧kwōn eo (lale 19.3.6).

19.3.5

Al ko Jet ilo Jikin Jar eo

Jikin jar eo maron̄ kōjerbale jān iien n̄an iien n̄an m̧akūtkūt ko ikkijeen manit me ekoba al in jar ko, āinwōt iien al ko, ak kaloojoj an juon make ak kumi ko, ak presentation ak m̧akūtkūt ko jet. Ilo an mo̧ kabbobok ilo iien kabun̄ jar ko, emaron̄ ekkar ilo m̧akūtkūe kein.

Ritōl ro an priesthood ijo kwoj jokwe ie rej uwaaki kajjitōk ko kōn m̧akūtkūt ko ikkijeen manit me ej bōk jikin ilo m̧ōn jar eo. Lale 35.5 kōn meļeļe ko kōn jetjet in kōjerbale im̧ōn kweilo̧k eo.

19.3.6

Kein Kōjan̄jan̄ Al ko

Kein kōjan̄jan̄ ko ekkā aer kōjerbal ilo al ko jinoin im jem̧ļo̧kin im n̄an al ko kōjan̄in ilo kweilo̧k ko an Kabun̄ in. Ijo ewōr men kein ie im ijo membōr ro maron̄ kōjan̄i, o̧kwōn ko im piano ko rej kein kōjan̄jan̄ jej kōjerbali. Bisoprik eo emaron̄ kōmālim kōjerbal kein kōjan̄jan̄ ko jet n̄an kōjan̄i ippān al eo an jarlepju eo, n̄an al ko ilo jinoin im jem̧ļo̧kin, im ilo al ko jet kāāleti.

Kein kōjan̄jan̄ ko rej aikuj kwaļo̧k juon en̄jake in kabun̄ jar im kōjan̄i n̄an dāpij wōt jetōb eo an iien jar eo.

Eļān̄n̄e juon piano, o̧kwōn, ak rikōjan̄jan̄ eo ejjab pād, al ko rekooti maron̄ kōjerbali (lale 19.2).

19.3.6.1

Bōk Kein Kōjan̄jan̄ Al ko

Im̧ōn jar ko an Kabun̄ in ekkā aer leļo̧k juon o̧kwōn, piano ko, ak electronic keyboard ko. Ritōl ro remaron̄ kepaak menija eo an faclility ijo rej jokwe ie kōn meļeļe ko ikkijeen kajjitok n̄an bōk kein kōjan̄jan̄ ko rekāāl ak joļo̧k kein im bar kōkāāl kein kōjan̄jan̄ ko remo̧r.

19.3.6.2

Kōjparok Kein Kōjan̄jan̄ Al ko

Piano ko rej kajim̧we ainikien im o̧kwōn ko rej kōm̧m̧ani iien otemjej. Bisop eo ak eo ej bōk eddo in im̧ōko an stake emaron̄ kepaak menija eo an facility kōn kajjitōk ko. N̄e emenin aikuj, e emaron̄ barāinwōt jilkinļo̧k juon kajjitōk ilo Facility Issue Reporting eo (FIR) n̄an kōjparok im kōm̧m̧ani piano ko im o̧kwōn ko (lale 35.4.2).

19.3.7

Kuwaer ko

Jān tōre ko an Kallim̧ur M̧okta, ajri ro nejin Anij raar al ilo kuwaer ko n̄an leļo̧k nōbar n̄an E. Kuwaer ko an Kabun̄ in rej bōktok aiboojoj n̄an Anij, kobaik im katakin ro uwaan Kabun̄ in, im bōktok lan̄lōn̄ n̄an ro rej bōk koņaer im jarlepju ko.

19.3.7.1

Kuwaer ko an Ward

Ijoko ebwe membōr ro ie, ward ko remaron̄ kajutak kuwaer ko me rej al ilo kweilo̧k in kwojkwoj eo iien otemjej. Bisoprik eo emaron̄ kūr juon tōrāāktōr an kuwaer im rikōjan̄jan̄ an kuwaer eo (lale 19.4.3.3).

Ward membōr ro remaron̄ baļintier n̄an al ilo kuwaer eo. Membōr ro im ro jet remaron̄ barāinwōt kajjitōk ippāer n̄an bōk koņaer. Iien intōrpiu ko n̄an kappok rial ejjab kōm̧man.

Kuwaer ko rej kōketa er n̄an kōjerbal al ko an Kabun̄ in. Al al ko ej karuwaineneiktok Jetōb eo im ej jipan̄ ro rej bōk koņaer ilo kuwaer eo im jarlepju ko ekkatak gospel eo (lale Hymns, 381–83). Eļan̄n̄e kōjerbal al rekwojarjar kar kāāleti, unin tōl ko ilo 19.3.1 aikuj ļoore.

Iien kōmālmel ko an kuwaer eo ekkā an jab ļapļo̧k jān juon awa.

Eļan̄n̄e ward kuwaer eo ej aikuji peba in al ko, maron̄ wiaiki kōn jāān in bajet ko an ward eo (lale 19.7.1). Ward kuwaer ko rej kōketak er n̄an ajiji al ko kar wiaiki ippān kuwaer ko jet ilo stake eo. Kōm̧man kape in peba in al ko ilo ejjeļo̧k mālim jān eo an copyright eo ej jum̧ae kakien eo an Kabun̄ in (lale 38.8.11).

N̄an kakkobaba ikkijeen ward kuwaer eo, baam̧le ko im kumi ko an kōra ro, em̧m̧aan ro, jodikdik ro, ak ajri ro maron̄ kajjitōk ippāer n̄an al ilo kweilo̧k ko an Kabun̄ in.

19.3.7.2

Kuwaer ko an juon Stake im Stake ko Rellōn̄ļo̧k jān Juon

Kōn mālim eo an ritōl ro an stake ak eria, kuwaer ko an stake im koba in stake remaron̄ in ejaak n̄an kweilo̧k ko an stake im iien ko jet, ko āinwōt iien ko an jukjuk in pād eo. Ālkin kweilo̧k eo ak m̧akūtkūt eo, kuwaer eo ej jepeepļo̧k m̧ae iien eo bar juon m̧akūtkūt ej kōm̧m̧an.

19.4

Ritōl Al eo ilo Ward

19.4.1

Bisoprik

Bisop eo ej eddoik al ko n̄an ward eo. Emaron̄ kappeik eddo in n̄an juon iaan rikakpilōklōk ro an. Bisoprik ko ewōr ippāer eddo kein:

• Kūr im kōjenolo̧k membōr ro n̄an jerbal ilo kūr ko an al kar kōmeļeļeik ilo 19.4.2 im 19.4.3 āinwōt aikuji.

• Jerbal ippān im rikōtōbalbal al an ward eo n̄an karōk al ko n̄an kweilo̧k in kwojkwoj ko (lale 19.3.1).

• Katakin kōn aorōk eo an kabun̄ jar kōn al ilo kweilo̧k ko. Kōketak membōr ro n̄an bōk koņaer ilo al eo an jarlepju. Kōketak membōr ro, eļap tata jodikdik ro, n̄an kōjerbal al ko rōkōbakakkak raan otemjej ilo mour ko aer make (lale 19.2).

• Kāālet n̄aat eo kein kōjan̄jan̄ ko ijello̧kin piano ko ak o̧kwōn ko maron̄ kōjerbal ilo kweilo̧k ko an Kabun̄ in (lale 19.3.6).

• Rejtake ward kuwaer eo n̄an kōketak membōr ro n̄an bōk koņaer.

19.4.2

Rikōtōbalbal Al an Ward

Rikōtōbalbal al an ward eo ej jerbal ium̧win tōl eo an bisoprik eo. E (ļeo) ak (lio) ewōr ippān eddo kein:

• Erom̧ juon kein jipan̄ n̄an bisoprik eo im ritōl ro jet an ward eo kōn jerbal ko an al. Pād ilo kweilo̧k eo an ward ko̧o̧njeļ n̄e kajjitōk ippān jān bisop eo n̄an kōtōbalbal al ko ilo ward eo.

• Jerbal ippān bisoprik eo n̄an karōk al ko n̄an kweilo̧k in kwojkwoj eo (lale 19.3.1 im 19.3.2).

• Kōmālim im bōk eddo in kaminene al ilo ward eo (lale 19.6). Jipan̄ membōr ro pukōt iien ko rem̧m̧an n̄an kōļapļo̧k im kōjerbal tōļan in al ko er ilo ward eo.

• N̄e kajjitōk jān bisoprik eo, membōr ro kar leļo̧k etaer n̄an jerbal ilo kūr ko an al ilo ward eo. Kajineet ro me rej jerbal ilo kūr kein, leļo̧k rejtak, naan in kōmeļeļe, im kaminene āinwōt aikuji.

• Jerbal ilo kūr ko jet an al ilo ward eo eļan̄n̄e ejjan̄in kar kūr.

• Kapilōk ippān rikōtōbalbal al ko an stake n̄an kaminene im rejtak āinwōt aikuji.

19.4.3

Kūr ko Jet

Ilo ward ko me ebwe aer eļļap, bisoprik eo emaron̄ kūr membōr ro n̄an jerbal ilo kūr kein. Jodikdik ro im ro jet jān kabun̄ ko jet maron̄ kūr n̄an jerbal. Bisoprik ro remaron̄ ukukōt kūr kein n̄e emenin aikuj n̄an tōpar aikuj ko an ward eo aer.

19.4.3.1

Ritōl Al an Ward eo

Ritōl al eo ej tōl al ko an jarlepju eo n̄an kweilo̧k in kwojkwoj eo im n̄an kweilo̧k ko jet an ward eo n̄e kajjitōk.

19.4.3.2

Rikōjan̄jan̄ an Ward eo

Rikōjan̄jan̄ eo an ward eo ej kōjan̄ al ko ilo jinoin im jem̧ļo̧kin im kōjan̄jan̄ n̄an al ko ilo iien kweilo̧k in kwojkwoj eo im kweilo̧k ko jet an ward eo n̄e kajjitōk. N̄e aikuji, rikōjan̄jan̄ eo emaron̄ barāinwōt kōjan̄jan̄ ippān kuwaer eo ak jerbal āinwōt rikōjan̄jan̄ piano an Būraimere.

N̄e ejjeļo̧k juon ilo ward eo emaron̄ kōjan̄jan̄ piano ak o̧kwōn, ewōr ļōmņak kein:

• Juon membōr emaron̄ kōjan̄jan̄ kein kōjan̄jan̄ ko jet kar kōmālim jān bisop eo (lale 19.3.6).

• Digital piano ko im o̧kwōn ko me rej kōjan̄ al ko kar būrookraam̧e rej pād ilo jet im̧ōņ jar ko (lale 19.3.6.1)

• Membōr ro remaron̄ kōjerbal al ko rekooti jān kein jipan̄ kein rej ellaajrak:

  • Sacred Music app eo

  • Gospel Library app eo

  • Music.ChurchofJesusChrist.org

  • CD ko ilo store.ChurchofJesusChrist.org

19.4.3.3

Kuwaer Tōrāāktōr eo im Rikōjan̄jan̄ eo

Kuwaer tōrāāktōr eo ej kwaļo̧k al ko n̄an al kaki jān kuwaer eo, ej tōl iien kōmālmel ko an kuwaer eo, im tōl kuwaer eo ilo jar kwojkwoj eo (lale 19.3.7),

Rikōjan̄jan̄ eo an ward kuwaer eo ej kōjan̄jan̄ n̄an iien kōmālmel ko an kuwaer eo im n̄an iien al an kuwaer eo ilo kweilo̧k in kwojkwoj ko.

Kōn elōn̄ļo̧k meļeļe kōn tōl kuwaer ko, lale Conducting Course bok in katak eo, peij 73–83

19.4.3.4

Ritōl Al an Būraimere im Ripiano eo an Būraimere

Lale 12.3.4.

19.4.3.5

Ritijem̧ļo̧k ro ilo Al

Bisoprik eo emaron̄ kūr ritijem̧ļo̧k ro n̄an jipan̄ kōn kaminene al ilo ward eo (lale 19.6).

19.5

Ritōl All ilo Stake eo

19.5.1

Stake Būreejtōnji eo

Stake būreejtōn eo ej bōk eddo in al ilo stake eo. E (stake būreejtōn) eo emaron̄ kappeik eddo kein n̄an juon iaan rikakpilōklōk ro an ak juon membōr in high ko̧o̧njeļ eo:

• Kūr im kōjenolo̧k membōr ro n̄an jerbal ilo kūr ko an al kar kōmeļeļeik ilo 19.5.2 im 19.5.3 āinwōt aikuji.

• Kapilōk ippān rikōtōbalbal al an stake n̄an karōk al ko n̄an kweilo̧k eo an stake im m̧akūtkūt ko jet an stake (lale 19.3.1, 19.3.4, im 19.3.7.2).

• Katakin kōn aorōk eo an kabun̄ jar kōn al ilo kweilo̧k ko. Kōketak membōr ro n̄an bōk koņaer ilo al eo an jarlepju. Kōketak membōr ro n̄an kōjerbal al ko rōkkōbōkakkak raan otemjej ilo mour ko aer make (lale 19.2).

• Kāālet n̄āāt kein kōjan̄jan̄ ko ijello̧kin piano ko ak o̧kwōn ko maron̄ kōjerbali ilo kweilo̧k ko an stake (lale 19.3.6).

19.5.2

Rikōtōbalbal Al eo an Stake

Ium̧win tōl eo an stake būreejtōnji eo, rikōtōbalbal al eo an stake ewōr ippān eddo kein:

• Jerbal āinwōt juon kein jipan̄ n̄an stake būreejtōnji im ritōl ro jet an stake kōn jerbal ko an al.

• Kapilōk ippān stake būreejtōnji eo n̄an karōk al ko n̄an kweilo̧k eo an stake im m̧akūtkūt ko jet an stake (lale 19.3.1, 19.3.4, im 19.3.7.2).

• Elmakot im bōk eddo in kaminene al ilo stake eo (lale 19.6).

• N̄e kajjitōk jān stake būreejtōnji eo, elmakoti membōr ro n̄an kanne kūr ko an al ilo stake eo. Kajineet ro me rej jerbal ilo kūr kein. Leļo̧k jipan̄, naan in kōmeļeļe, im kaminene āinwōt aikuji.

• Leļo̧k kaminene im jipan̄ n̄an rikōtōbalbal al ro an ward āinwōt aikuj.

• Jerbal āinwōt ritōl al eo im tōrāāktōr an kuwaer eo ilo kweilo̧k ko an stake eļan̄n̄e ro jet jan̄in kar kūr er.

19.5.3

Specialist ro ikkijeen Al ko ilo Stake

Ritijem̧ļo̧k al ro an stake maron̄ kūr āinwōt aikuji. Er ekoba juon kuwaer tōrāāktōr an stake, ritōl al an stake, im rikōjan̄jan̄ an stake. Ritijem̧ļo̧k al ko an stake remaron̄ barāinwōt kappeik er n̄an kōm̧m̧an kaminene in al (lale 19.6).

19.6

Kaminene Al im Kein Jipan̄ ko

Ekkatak pedped in kapeel ko an al ej kōpooj membōr ro n̄an kōjerbal tōļan ko aer n̄an jerbal ilo Kabun̄ in. Kein jipan̄ kein remaron̄ jipan̄ ro ewōr aer kūr ko ilo al. Remaron̄ barāinwōt jipan̄ aolep membōr ro me rej itok limo ilo kōļapļo̧k maron̄ ko ilo al.

Bok in katak ko an pedped ko im̧aan an kaminene al rej pād ilo “Using the Hymnbook” jekjōk eo ilo Hymns im “Using the Songbook” jekjōn eo ilo Children’s Songbook.

Kein jipan̄ kein remaron̄ barāinwōt jipan̄:

• Juon ļaiprāre in peba in al ko im rekoot ko an al n̄an kōjerbali ilo m̧weo im ilo m̧ōn jar eo ej pād ilo Sacred Music app eo im online ilo music.ChurchofJesusChrist.org. Ron̄jake rekoot ko maron̄ jipan̄ membōr ro jeļāļo̧k kōn al ko.

• Interactive music player eo ilo ChurchofJesusChrist.org emaron̄ jipan̄ ro rej kappukōt n̄an ekkatak al ko rekāāl ak kōļapļo̧k kapeel ko an al.

• Basic Music Courrse eo emaron̄ jipan̄ membōr ro ekkatak ekōjkan riit im kōjan̄ al ko. Menin ekoba Conducting Course Kit im Keyboard Course Kit eo. Kein jipan̄ kein maron̄ wiaiki ilo store.ChurchofJesusChrist.org.

• Juon Jāān in Jipan̄ an Music Education em̧ōj kar ejaake ilo headquarter ko an Kabun̄ in n̄an leļo̧k keyboard ko, bok in kaminene ko, im naan in kōmeļeļe ko n̄an membōr ro rej kappukōt n̄an kōļapļo̧k kapeel in al ko. N̄an meļeļe ko kōn jāān in jipan̄ in, lale musicfund.ChurchofJesusChrist.org.

Rikōtōbalbal ro an al an stake eo im ward eo maron̄ ejaaki kūlaaj in kaminene ko an pedped in al ko n̄an ritōl al ro, tōrāāktōr ro an kuwaer, ak rikōjan̄jan̄ ro. Ribōk koņaer ro emaron̄ koba ro me rej kiiō jerbal ilo kūr ko an al im rūtto ro eitok limoier, jodikdik ro, im ajri ro. Rikōtōbalbal ro an al ak ritijem̧ļo̧k ro maron̄ katakin kūlaaj ko. Rikōtōbalbal ro an al remaron̄ barāinwōt elmakote rūkaki ro rekkar n̄an leļo̧k kaminene.

Ijoko ebwe an lōn̄ membōr ro ie, rikōtōbalbal ro an al remaron̄ kapilōk ippān ritōl ro an priesthood im elmakot n̄an karōk iien kaminene ko an stake ak elōn̄ļo̧k jān juon stake. Ejjeļo̧k wōņāān iien kaminene eo bōk eddo in jān Kabun̄ in.

19.7

Kakien ko Jet im Unin Tōl ko

19.7.1

Bōk im Kōjerbal Al ko

Juon jabbūļae in bok in al ko leļo̧k n̄an im̧ōn kweilo̧k ko rekāāl. Kakobain bok in al ko, kuwaer in al, im al ko jet maron̄ in wiaik jen bajet in jāān ko an stake ak ward.

19.7.2

Kōjerbal Kein Kōjan̄jan̄ ko an Im̧ōn Kweilo̧k eo n̄an Kōmālmel, Katakin An Juon Make, im Kōmālmel ko

N̄e ejjeļo̧k juon un n̄an ukōte, ritōl ro an priesthood remaron̄ kōmālim n̄an kōjerbal piano ko im okwōn ko an im̧ōnjar eo n̄an kōkōmmālmel, ejjeļo̧k wōņāān rikatakin, im kumi in kaminene in membōr ro rej bōk koņaer eo an iunit ko me rej kōjerbal im̧ōnjar eo. Mālim in ej juon men kōtļo̧k āinwōt kar kōmeļeļeik ilo 35.5.6.1. Ejjeļo̧k wōņāān deļo̧n̄ aikuj in lelo̧k n̄an iien kōmālmel ko.

19.7.3

Kuwaer ko an Jukjuk In Pād

Kuwaer ko an jukjuk in pād aitok kitien tōl jān im jipan̄ eļap tata an membōr ro an Kabun̄ in rejjab ejaak in Kabun̄ in. Kuwaer kein rej aikuj jab ba an Kabun̄ in ilo etaer.

Eļan̄n̄e stake būreejtōnji eo ej kōmālim, kuwaer ko an jukjuk in pād emaron̄ kōjerbal im̧ōn Kabun̄ in n̄an iien kōmālmel ko im iien al ko. Rej aikuj ļoor jon̄ak ko im kakien ko an Kabun̄ in me rej iookļo̧k im̧ōn kweilo̧k ko (lale 35.5).