20.

M̧akūtkūt ko

20.1

Un ko

M̧akūtkūt ko an Kabun̄ in rej kobaiktok membōr ro ippān doon āinwōt “citizen ro rem̧m̧an” (Epesōs 2:19). Jibadbad ko n̄an m̧akūtkūt ko remaron̄ in koba men kein:

• Kalōk tōmak ilo Jisōs Kraist.

• Kōm̧m̧an limo im kōketak bōro kuk.

• Leļo̧k iien ko rem̧m̧an n̄an eddōkļo̧k eo an juon make.

• Kōkajoorļo̧k kajjojo armej im baam̧le ko.

• Jipan̄ membōr ro bōk koņaer ilo jerbal in lo̧mo̧o̧r eo an Anij im mour ijo eutiej tata (lale 1.2).

Jet waanjon̄ak ko kōn m̧akūtkūt ko an Kabun̄ in ekoba:

• Jerbal in jipan̄ eo me ej kōjeraam̧m̧an ro jet im ej kalōk kadkad ko an jukjuk in pād eo.

• Jerbal in mijenede, jerbal an tampeļ, im jerbal in menmenbwij an baam̧le.

• Iien ko rem̧m̧an n̄an kōļapļo̧k un̄are peid-make im kapeel in tōl ko.

• Jeļāļo̧kjeņ im kaminene in jerbal in kapeel in pā (vocational).

• M̧akūtkūt ko rej kōm̧m̧an nam̧ōj.

• Iien ko rem̧m̧an n̄an kōļapļo̧k tōļan ko im kam̧m̧oolol eo kōn pija ko kōn m̧anit.

• Ikkure ko im kāājimourur.

• Iien keememej ko an iien ko raorōk, ko āinwōt iien kakkije ko ak iien ko ilo bwebwenato an Kabun̄ in ak an ijo jokwe ie.

Āinwōt kar kōjerbal ilo bok in bōk meļeļe in, naan eo m̧akūtkūt an Kabun̄ in ej kōnono kōn juon m̧akūtkūt kar bōk eddo in juon iunit an Kabun̄ in, korom̧, ak doulul.

20.2

Karōk M̧akūtkūt ko

M̧okta jān karōk juon m̧akūtkūt, ritōl ro rej ļōmņake aikuj ko ilo jetōb im kanniōk an membōr ro. Ritōl ro rej pukōt tōl eo an Jetōb eo n̄an ļame ta kain m̧akūtkūt eo enaaj jipan̄ tōpar aikuj ko.

20.2.1

Bōk Eddo in Karōk M̧akūtkut ko

Kōn meļeļe ko kōn karōk m̧akūtkūt ko an juon stake ak elōn̄ļo̧k stake, lale 20.3.

M̧akūtkūt ko an ward remaron̄ in karōki ilo jabdewōt wāween kein rej ellaajrak, pedped ioon aikuj ko ijo jokwe ie:

• Ward ko̧o̧njeļ eo emaron̄ bōk eddo in karōke.

• Ward ko̧o̧njeļ eo emaron̄ kappeik doulul ko rejenolo̧k n̄an karōk juon ak elōn̄ļo̧k m̧akūtkūt ko.

• N̄e emenin aikuj im ebwe an lōn̄ membōr ro, bisoprik eo emaron̄ ejake juon ward kamiti in m̧akūtkūt. Jodikdik ro maron̄ kūr er āinwōt ro uwaan kamiti eo. Kamiti in ej jerbal ium̧win tōl eo an ward ko̧o̧njeļ eo. Ward ko̧o̧njeļ eo ej jitōn̄ juon iaan membōr ro an n̄an eo rej kepaake aolep iien ippān kamiti in m̧akūtkūt ko.

Kōn meļeļe ko kōn karōk m̧akūtkūt ko an jodikdik ro an ward eo, lale 10.2.1.3 im 11.2.1.3.

20.2.2

Kūr Aolep n̄an Bōk Koņaer

Ro me rej karōk m̧akūtkūt ko rej aikuj pukōtļo̧k aolep, eļap tata membōr ro rekāāl, membōr ro rejeniknik, jodikdik ro, rūm̧m̧an ded ro, ro ewōr nan̄inmej ilo ānbwin, im armej ro jān kabun̄ ko jet. Ro rej karōk ej aikuj pidodo aer kile ban ko an ānbwin an ro rej bōk koņaer. Rej aikuj in barāinwōt pidodo aer kile oktak ko ilo m̧anit im kajin.

Ro me rej karōk m̧akūtkūt ko ren lali wāween ko n̄an ro rej bōk koņaer n̄an aer koba ie. N̄an waanjon̄ak, remaron̄ kajjitōk ippān membōr ro im ro jet n̄an kōjerbal kapeel ko aer im tōļan ko ilo m̧akūtkūt ko.

Ilo aer aiintok doon ilo m̧akūtkūt ko emaron̄ in juon kōjeraam̧m̧an, membōr ro rej aikuj jab kōm̧m̧an bwe ren en̄jake lokjak n̄an pād ilo aolep m̧akūtkūt. M̧akūtkūt ko rej aikuj jab likūt eddo ko rejjab menin aikuj ioon ritōl ro im membōr ro.

20.2.3

Jon̄ak ko

M̧akūtkūt ko reaikuj in kōbbōkak im kwaļo̧k men ko me rej “rem̧m̧an, aiboojoj, ak men ko kōmij ba rem̧m̧an ak rerreo n̄an nebar” (Laajrak in Tōmak ko). M̧akūtkūt ko remaron̄ jab koba aolep men ko me rej jum̧ae katak ko an Kabun̄ in. M̧akūtkūt ko remaron̄ jab koba media ak kein kalimomo ko jet me rej kōm̧mane bwe men ko rejjab ekkar rej āinwōt em̧m̧an.

Jōkjōk ko me rejjelōt Naan in Māletlet rejjab maron̄ in mālim ilo m̧akūtkūt ko an Kabun̄ ak meļan ko an Kabun̄. Armej ro me rej pād ilo aer kadōk ak uno ko rekkajoor remaron̄ jab bōk koņaer ilo m̧akūtkūt ko an Kabun̄ in. Eļan̄n̄e juon kain jekjek in ej waļo̧k, ritōl ro rej ņa mejļan ilo meanwōd.

20.2.4

Jon̄an Wōt Juon im Elōn̄ Kain

Ritōl ro rej karōk juon m̧akūtkūt ejokkun wōt juon, ekoba jerbal in jipan̄, pija ko kōn m̧anit im m̧akūtkūt ko ilo ānbwin (lale 20.1). Membōr ro ej aikuj wōr aer iien ko rem̧m̧an n̄an bōk kuņaer ilo m̧akūtkūt ko me n̄an itok limo ko aer. Rej aikuj barāinwōt rejtake ro jet ilo itok limo ko aer.

Jekjōn kein rej letok waanjon̄ak ko kōn m̧akūtkūt ko rem̧m̧an.

20.2.4.1

Jerbal in Jipan̄

M̧akūtkūt in jerbal in jipan̄ ko rej letok iien ko rem̧m̧an n̄an kwaļo̧k iakwe n̄an ro jet, n̄an en̄jake lan̄lōn̄ eo an jipan̄ ro jet, im n̄an kōkōm̧anm̧anļo̧k jukjuk in pād ko.

M̧akūtkūt kein remaron̄ koba loļo̧k armej ro me rej nan̄inmej ak ajimakeke, kaiboojojļo̧k m̧ōko m̧ōn Kabun̄ in im meļaaj ko, im bōk koņaan ilo būroojāāk ko an jukjuk in pād eo. Ijo ewōr ie, JustServe.org ej elmakot e iien ko rem̧m̧an n̄an jipan̄ ilo jukjukin pād ko.

M̧akūtkūt ko an jerbal in jipan̄ rej aikuj ļoor unin tōl ko an kōjparok (safety) (lale 20.7.6.1

20.2.4.2

Pija ko kōn M̧anit

M̧akūtkūt ko an pija ko kōn m̧anit rej leļo̧k iien ko rem̧m̧an n̄an membōr ro n̄an kōļapļo̧k im kwaļo̧k tōļan ko aer. M̧akūtkut kein rej barāinwōt kōketak kwaļo̧k kōl ko, lōke, im bōro kuk. Remaron̄ koba kwaļo̧ki pija ko im craft ko, iien kwaļo̧k tōļan ko (show), ak eeb, al, im tieta. Remaron̄ barāinwōt koba iien keemem ko an m̧anit, iien kakkije ko (holiday), ak bwebwenato eo ilo ijo jokwe ie ak aolepān Kabun̄ in.

20.2.4.3

Iien ikkure, Ājmour, Kāājimouru, im Ikkure ko

Āinwōt kajjojo armej, baam̧le ko, im kurub ko an Kabun̄ in, membōr ro rej rōjan̄ n̄an bōk koņaer ilo m̧akūtkūt ko me rej jipan̄ ājmour eo aer im ājimourur. Jet m̧akūtkūt in iien ikkure ko an Kabun̄ in maron̄ karōki bwe ro uwaan baam̧le ko remaron̄ bōk koņaer ippān doon.

Kōn meļeļe ko kōn m̧akūtkūt in ikkure ko, lale 20.5.9.

20.2.5

Jikejuuļi M̧akūtkut ko

M̧akūtkūt ko an Kabun̄ in ej aikuj em̧m̧ōkajļo̧k karōki jon̄an wōt eo emaron̄. Ritōl ro rej aikuj karon̄ ro jemān im jinen ajri ro kōn m̧akūtkūt ko n̄an ajri ro im jodikdik ro.

M̧akūtkūt ko rej aikuj in kōm̧m̧an ilo juon awa eo em̧m̧an. Ej aikuj m̧ōkaj aer jem̧ļo̧k bwe ro rej bōk koņaer remaron̄ jepļaak n̄an m̧weo ilo ejjeļo̧k jorrāān.

Eļan̄n̄e juon m̧akūtkūt enaaj kōm̧m̧an ilo juon m̧ōnjar ak bar juon imōn Kabun̄ in, im̧weo ej aikuj in kajjitōk im̧aanļo̧k n̄an joļo̧k idaptōk in jikejuuļ.

Joteen in M̧ande ko em̧ōj kōjenolo̧ke n̄an m̧akūtkūt ko an baam̧le (lale 20.5.3).

20.2.6

Jāān n̄an M̧akūtkūt ko

Enan̄in aolep m̧akūtkūt ko rej aikuj in ļam waan im ewōr jidik ak ejjeļo̧k wōņāān. Jabdewōt jāān ko kōjerbali rej aikuj in mālim m̧oktakļo̧k jān bisoprik eo ak stake būreejtōnji eo.

Membōr ro ejjab aikuj emakijkij aer kōļļāik n̄an bōk koņaer ilo m̧akūtkūt ko. Kōn kakien ko im unin tōl ko kōn jāān n̄an m̧akūtkūt ko, lale 20.6.

20.3

M̧akūtkūt ko an juon Stake, Lōn̄ļo̧k jān Juon Stake, im Eria

20.3.1

Tarlepin Unin Tōl ko

Enan̄in aolep m̧akūtkūt ko an Kabun̄ in rej kōm̧m̧an ilo ward lābōļ. Rej barāinwōt kōketak ritōl ro n̄an kōm̧m̧ani m̧akūtkūt ko an juon stake im lōn̄ļo̧k jān juon stake iien otemjej n̄e kain m̧akūtkūt kein renaaj jipan̄ kōtōprak jibadbad ko ilo 20.1.

M̧akūtkūt ko an juon stake im lōn̄ļo̧k jān juon stake rej eļap tata kōjeraam̧m̧an jodikdik ro, membōr ro ejjeļo̧k pāleer, im kōrā ro, eļap tata ilo eria ko ewōr membōr ro rekāāl ie. M̧akūtkūt ko rekanooj em̧m̧an karōki an juon stake im lōn̄ļo̧k jān juon stake emaron̄ leļo̧k n̄an membōr ro juon doulul eļapļo̧k kōn jemjerā ko. Ritōl ro rej kile aikuj ko an ro rej jerbal im ļōmņak eļan̄n̄e kain m̧akūtkūt kein renaaj jipan̄ tōpar aikuj ko. Innām ritōl rein rej leļo̧k ļōmņak in kōn m̧akūtkūt ko n̄an stake būreejtōnji eo.

20.3.2

M̧akūtkūt ko an Stake

Būraimere Būreejtōnji ko an Doulul eo an Likao ro, Doulul eo an Jiron̄ ro, Doulul eo an Kōrā ro, im Būraimere an stake eo rej jino jerbal in karōk m̧akūtkūt ko an stake n̄an doulul ko aer.

Kamiti eo an rūm̧m̧an ded ro ejjeļo̧k pāleer an stake ej jino jerbal in karōk eo an m̧akūtkūt ko an stake n̄an rūm̧m̧an ded ro ejjeļo̧k pāleer.

Eļan̄n̄e juon kamiti eo an rūm̧m̧an ded ro ejjeļo̧k pāleer an stake ej ejaak, ro uwaan kamiti eo rej jino jerbal in karōk m̧akūtkūt ko n̄an rūtto ro ejjeļo̧k pāleer.

Eļan̄n̄e juon kamiti an m̧akūtkūt ko an stake ej ejaak, remaron̄ karōk m̧akūtkūt ko stake eo im jerbal āinwōt juon kein jipan̄ n̄an doulul ko an stake eo ilo karōk m̧akūtkūt ko aer āinwōt kar kōllaajrake ilo 20.3.2.1.

Aolep m̧akūtkūt ko an stake rej aikuj kōmālim jān stake būreejtōnji eo. Rej pepe ilo kweilo̧k in ko̧o̧njeļ ko an stake.

Ritōl ro ilo stake rej karon̄ moktaļo̧k ritōl ro ilo ward kōn m̧akūtkūt ko. Rej barāinwōt lale bwe makūtkūt ko an stake ren rejetake m̧akūtkūt ko an ward ijjelo̧kin aer jiāe ippāer.

20.3.2.1

Kamiti in M̧akūtkūt ko an Stake

Stake būreejtōnji eo emaron̄ in ejaake juon kamiti in m̧akūtkūt ko an stake n̄an jipan̄ stake ko̧o̧njeļ eo karōk m̧akūtkūt ko an stake. Kamiti in m̧akūtkūt ko an stake ej jutak kōn juon chair (juon high ko̧o̧njeļ) im membōr in kamiti eo (lale 20.3.2.2 im 20.3.2.3). Stake būreejtōnji eo emaron̄ barāinwōt kajjitōk ippān membōr ro jet n̄an jipan̄ karōk juon ak elōn̄ļo̧k m̧akūtkūt ko.

20.3.2.2

Kamiti Chair eo an M̧akūtkūt ko an Stake eo

Eļan̄n̄e stake būreejtōnji eo ej ejaake juon kamiti in m̧akūtkūt ko an stake, rej jitōn̄ juon high ko̧o̧njeļ n̄an erom juon chair an kamiti eo. Eddo ko an emaron̄ koba:

• Kōm̧m̧ane juon kōļōnta in m̧akūtkūt ko an stake eo.

• Tōl ro uwaan kamiti eo ilo karōk m̧akūtkūt ko an stake eo.

• Leļo̧k juon ļōmņak ilo tipdik in an bajet eo an m̧akūtkūt ko an stake n̄an stake būreejtōnji m̧okta jān jino in kajjojo iiō. Bajet in ejjab kobaik m̧akūtkūt ko me rej n̄an kajjojo doulul ko an stake eo.

• Jerbal āinwōt juon kein jipan̄ n̄an ritōl ro an doulul ko an stake eo n̄e rej karōk m̧akūtkūt ko.

20.3.2.3

Membōr In Kamiti Eo An M̧akūtkūt Ko An Stake

Juon membōr in stake būreejtōnji eo ak juon jān high ko̧o̧njeļ kar kappeik emaron̄ kūr membōr ro n̄an jerbal ilo kamiti in m̧akūtkūt ko an stake. Rej jerbal ium̧win tōl eo an kamiti chair eo. Membōr ro an kamiti eo rej jipan̄ ļōmņake im karōk m̧akūtkūt ko ilo stake eo.

20.3.3

M̧akūtkūt ko an Lōn̄ļo̧k jān Juon Stake im Eria

Ilo eria ko kōn jejjo jodikdik ro, ritōl ro rej aikuj kōm̧m̧ani m̧akūtkūt ko an jodikdik an lōn̄lo̧k jān juon stake. M̧akūtkūt ko an eria n̄an jodikdik ro remaron̄ barāinwōt kōm̧m̧ani en jab aolep iien.

Emakijkij in m̧akūtkūt ko an lōn̄ļo̧k jān juon stake ej aikuj in kōm̧m̧an n̄an rūm̧m̧an ded ro ejjeļo̧k pāleer ijo koba ippān doon ejjab aikuj eļap iien im wōņāān. M̧akūtkūt ko an eria n̄an rūm̧m̧an ded ro ejjeļo̧k pāleer remaron̄ barāinwōt kōm̧m̧an ejjab aolep iien.

N̄an meļeļe ko reļļapļo̧k kōn m̧akūtkūt ko an stake elōn̄ļo̧k jen juon n̄an membōr ro ejjeļo̧k pāleer, lale 14.2.1.3.

M̧akūtkūt ko an lōn̄ļo̧k jān juon stake rej aikuj in ļam waan im ellōn̄.

Eļan̄n̄e stake būreejtōn ro rej en̄jaake bwe m̧akūtkūt eo enaaj kōjeraam̧m̧an membōr ro an stake ko aer, remaron̄ kajjitōkļo̧k mālim jān Eria Būreejtōnji eo. Mokta jen lemanļo̧k juon m̧akūtkūt an ruo ak elōn̄ļo̧k stake ko, stake būreejtōn ro rej lōmņake n̄e ej wāween eo em̧m̧an tata n̄an jeļmae aikuj ko rej kallikari. Stake būreejtōn ro rej ļōmņak kōn wōņāān eo, iien eo, im ito itak eo m̧akūtkūt eo enaaj aikuji. Rej barāinwōt ļōmņak kōn (safety) kōjparok (lale 20.7.6).

Kweilo̧k ko n̄an kōtōbalbal karōk eo an m̧akūtkūt ko an lōn̄ļo̧k jān juon stake remaron̄ kōm̧m̧an m̧okta ak ālkin kweilo̧k ko an eria ko̧o̧njeļ eo im ko̧o̧njeļ in kōtōbalbal eo (lale 5.2.3 im 5.2.4). N̄e aikuj, elōn̄ļo̧k ritōl ro—ekoba būreejtōnj ro an Doulul eo an Kōrā ro, Doulul eo an Likao ro, Doulul eo an Jiron̄ ro—maron̄ in kajjitōk n̄an pād.

Eria Būreejtōnji eo emaron̄ in jitōn̄ stake būreejtōn ro ak Eria Jiljilimjuonn̄oul ro n̄an tōl kamiti ko me rej karōk im kōm̧m̧ani m̧akūtkūt ko an lōn̄ļo̧k jān juon stake ak eria. Stake būreejtōnji ro maron̄ kūr membōr ro an stake ko aer n̄an jerbal ilo kamiti kein.

Jāān n̄an m̧akūtkūt ko ekkā an ruo ak elōn̄ļo̧k stake ko rej itok jān jāān in bajet eo an stake ko rej bōk koņaer. Kōļļāik m̧akūtkūt ko an eria remaron̄ itok jān bajet ko an headquarter ko an eria ak Kabun̄ in n̄e kōmālimi.

20.3.4

Ļoor Kakien ko an Kabun̄ in kōn Ito Itak

M̧akūtkūt ko an juon stake, lōn̄ļo̧k jān juon stake, im eria eo rej āikuj ļoor kakien ko an Kabun̄ in kōn ito itak (lale 20.7.7). Ito Itak n̄an kweilo̧k ko reļļap an N̄KJ (FSY) rej aikuj ļoor kakien ko an Kabun̄ in kōn ito itak ijello̧kin n̄e juon ribōk eddo in N̄KJ (FSY administrator) ej leļo̧k n̄an ritōl ro bar jet naan in kōmeļeļe.

20.4

Kweilo̧k eo Eļap an Jodikdik ro

Jino ilo Jānwōde in iiō eo ro rej tōpar 14, likao ro im jiron̄ ro rej ruwainene n̄an bōk koņaer ippān doon ilo juon kweilo̧k eļap an jodikdik ro. Kweilo̧k ko reļļap an jodikdik ro ekkā an kōm̧man juon kōttan ilo kajjojo iiō ilo juon ward ak stake ļābōl. Remaron̄ barāinwōt kōm̧m̧an ilo juon ak elon̄ stake ko ak eria ļābōl. Ilo iiō eo me jodikdik ro rej kappe n̄an pād ilo juon kweilo̧k an N̄KJ (FSY), stake ko im ward ko rej aikuj jab kōm̧m̧ani kweilo̧k eļļap ko an jodikdik ro.

Kōttōbar ko an kweilo̧k eļļap ko an jodikdik ro rej n̄an jipan̄ jodikdik ro:

• Kalōk tōmak ilo Jisōs Kraist.

• Kōkajoorļo̧k naan in kam̧ool ko.

• Kōļapļo̧k tōļan ko.

• Mōttāiki ro rekāāl.

• Limo ippān jodikdik ro me rej kwaļo̧k ejja tōmak ko wōt im jon̄an ko wōt.

Jodikdik ro remaron̄ barāinwōt ekkatak kapeel in tōl ko ilo aer jipan̄ karōk kweilo̧k eļļap ko an jodikdik ro.

Kweilo̧k eļļap ko an jodikdik ro an ward eo rej karōk im kōm̧m̧ane jān ko̧o̧njeļ eo an jodikdik ro an ward eo (lale 29.2.6). Bisoprik eo ej bōk mālim ko jān stake būreejtōnji eo n̄an karōk juon kweilo̧k eo eļap an jodikdik ro ilo ward eo.

Kweilo̧k ko reļļap an jodikdik ro ilo stake rej karōk im kōm̧m̧an jān kamiti eo an ritōl an jodikdik ro ilo stake eo (lale 29.3.9). Jodikdik ro aikuj in ruwaineneik er n̄an jipan̄ kamiti eo jon̄an eo emaron̄ in.

Kweilo̧k eļļap ko an jodikdik ro rej kōļļāik jān bajōt eo an stake ak ward eo. Membōr ro rejjab aikuj kajjitōk n̄an kōļļāik wōņāān kweilo̧k eļļap ko an jodikdik ro (lale 20.6).

Āinwōt ritōl ro im jodikdik ro rej karōk juon kweilo̧k eļap an jodikdik ro, rej aikuj in etale kien ko ilo jebta in im ļoor unin tōl ko ijin ilaļ:

• Kālōt juon unin tōl an gospel, āinwōt juon ilo jeje ko rekwojarjar, me enaaj im̧we jodikdik ro im jipan̄ er meļeļe kōttōbar ko an kweilo̧k eo. M̧ato eo iiō otemjej an jodikdik ro an Kabun̄ in emaron̄ in jerbal āinwōt m̧ato eo an kweilo̧k eo. Bisoprik eo ak stake Būreejtōnji eo ej aikuj kōmālim m̧ato eo.

• Karōk m̧akūtkūt ko me rej jokkun wōt juon ippān m̧ato eo.

• Bōk mālim eo an bisoprik eo ak stake būreejtōnji eo n̄an aolep rikōnono ro im m̧akūtkūt ko. Rikōnono ro reaikuj in membōr ro an Kabun̄ eo ro me rej katakin jān Jetōb eo. Lale 38.8.17 n̄an unin tōl ko jet ikkijen rikōnono ro.

• Eļan̄n̄e juon iien m̧akūtkūt ej karōk n̄an kōm̧m̧an ilo Jabōt, ej aikuj in jetjet n̄an raan in Jabōt. Kweilo̧k in kwalo̧k naan in kam̧ool ko, iien ekōnono ko ippān bisoprik eo, ak kweilo̧k ko reierļo̧k wōt rej kōtļo̧k. Ijoke, kweilo̧k in kwojkwoj ko rejjab aikuj kōm̧m̧an—im kwojkwoj eo ejjab aikuj kōm̧m̧an—itulikin m̧ōnjar ko ilo ward eo ak stake eo. Jabdewōt jekjek ko kōtļo̧k aikuj in n̄an m̧akūtkūt eo Kabun̄ in ej bōk eddo in im aikuj in mālim jān Eria Būreejtōnji eo. Kurub ko rejjab aikuj in ito itak n̄an ak jān kweilo̧k eo an jodikdik ro ilo Jabōt.

• Lukkuun lale bwe jejjōt in rūtto ro rej tōl ren pād ilo aolepān iien ko (lale 20.7.1).

• Ļoor aolep unin tōl ko an kōjparok (safety) ilo 20.7.6)

Ritōl rūtto ro rej kajjitōk ippāer n̄an pād ilo enan̄in aolepān kweilo̧k eo n̄e emaron̄. Menin ekoba membōr ro an bisporik eo ak stake būreejtōnji eo, ward ak stake būreejtōnji eo an Doulul eo an Jiron̄ ro, im stake būreejtōnji eo an Doulul eo an Likao ro. Rikapilōk ro an Ward Doulul eo an Jiron̄ ro im Doulul eo an Likao ro remaron̄ barāinwōt kajjitōk ippāer n̄an pād.

20.5

Kakien ko im Unin Tōl ko n̄an Kālet im Karōk M̧akūtkūt ko

Ritōl ro rej lukkuun in lale bwe ļoor kakien ko im unin tōl ko rej ļoori ilo kālet im karōk m̧akūtkūt ko an Kabun̄ in.

20.5.1

Karrelel ak M̧akūtkūt ko kōn Kien

M̧akūtkūt ko rej kōm̧m̧an n̄an jabdewōt kōttōpar n̄an kōm̧m̧an jāān (commerial) ak kien (politic) ejjab kōtļo̧k 35.5.6.1 im 35.5.6.3).

20.5.2

Eb ko im Al ko

Ilo aolep eeb ko, nuknuk, karbōb, meram, kilen eeb ko, naan in al ko, im al ko rej aikuj jipan̄ n̄an mejatoto eo ijo Jetōb eo an Irooj emaron̄ pād ie (lale N̄an Kōkajoorļo̧k Jodikdik Ro: Juon Unin Tōl n̄an Kōm̧m̧ani Kāālet ko).

Ritōl ro rej kōjerbal Performance Contract (Kontōrāk in Kōm̧m̧ane) boom̧ eo n̄e kōjerbal juon kumi in kōjan̄jan̄, orchestra, ak disc jockey. Koontōrāk in ej jipan̄ bwe kōjjejeki im al ko rej jetjet n̄an n̄an eb ko an Kabun̄ in. Ritōl ro rej kanooj kalikkar ilo jeje koņ ko bwe ro rej kōm̧m̧ani al ko ren ļoor jon̄ak ko an Kabun̄ in ilo m̧akūtkūt ko an Kabun̄ in.

20.5.3

Joteen in M̧ande ko

Membōr ro ej kōketak er n̄an kōm̧m̧ani m̧akūtkūt ko an baam̧le ilo M̧ande ak ilo iien ko bar jet. Ejjeļo̧k m̧akūtkūt ko, kweilo̧k ko an Kabun̄, ak iien peptaij ko rej aikuj kōm̧m̧an ālikin 6:00 jota ilo M̧ande ko.

Ritōl ro ren lukkuun lale bwe imōn Kabun̄ ko im kein jerbal ko jet ren kilōk ilo joteen in M̧ande ko. Iien kōjota ko im m̧akūtkūt ko reier wōt rejjab maron̄ kōm̧m̧ani ilo im̧ōko im̧ōn Kabun̄ in ilo joteen M̧ande ko.

Āinwōt juon men kōtļo̧ke, m̧akūtkūt ko an ward ko an rūm̧m̧an ded ro ejjeļo̧k pāleer im rūtto ro ejjeļo̧k pāleer remaron̄ kōm̧m̧ani ilo joteen M̧ande ko, ekoba ilo m̧ōko an Kabun̄ in. Āinwōt juon men eo kōtļo̧ke emaron̄ barāinwōt kōm̧m̧an n̄e Joteen Raan eo Im̧aan Iiō Kāāl ej ilo juon M̧ande (lale 205.4).

20.5.4

M̧akūtkūt ko an Joteen Raan eo Im̧aan Iiō eo Ekāāl

Eļan̄n̄e juon ward ak stake ej karōke juon m̧akūtkūt ilo Joteen Raan eo Im̧aan Iiō eo Ekāāl, im eļan̄n̄e Joteen Raan eo Im̧aan Iiō Kāāl ej ilo Jādede, Jabōt, ak M̧ande, ritōl ro rej aikuj ļoor unin tōl kein rej ellaajrak.

Jādede. Stake būreejtōn eo emaron̄ jikejuuļi juon ukoktak ilo Jabōt n̄an kautiej raan in jitlo̧k. M̧akūtkūt eo maron̄ lem̧aanļo̧k n̄an lukōn bon̄. Ijo wōt ke, ej aikuj m̧ōkaj jem̧ļo̧k ālkin wōt bwe ro rej pād ie ren maron̄ pād ilo kweilo̧k ko an Jabōt.

Jabōt. M̧akūtkūt ko an Kabun̄ in maron̄ karōki n̄an Jādede, Tijemba 30. Unin tōl ko ilo pārokūrāāp eo m̧oktaļo̧k ej jerbal. Maron̄ kōketak baam̧le ko n̄an keememej Joteen Raan eo Im̧aan Iiō eo Ekāāl ilo im̧ōko im̧wier. M̧akūtkūt ko raikuj in ekkar n̄an raan in Jabōt.

M̧ande. Stake būreejtōn eo ak bisop eo emaron̄ kōmālim kōjerbal m̧ōnjar ko an Kabun̄ in ilo joteen M̧ande.

20.5.5

M̧akūtkūt ko Kōm̧m̧an Ium̧win juon Bon̄

Kōmālim jān ro jinen im jemen ajri ro ak ribōk eddo in ro ej aikuj n̄an aolep m̧akūtkūt ko kōm̧m̧an ium̧win juon bon̄ ewōr jodikdik ro ie (lale 20.7.4).

M̧akūtkūt ko kōm̧m̧an ium̧win juon bon̄ n̄an kumi in jodikdik ro rej koba ippān doon an likao ro im jiron̄ ro ej aikuj in mālim jān bisop eo im stake būreejtōn eo. Menin em̧ool n̄an aolep m̧akūtkūt ko an membōr em̧m̧aan ro im kōrā ro ejjeļo̧k pāleer. Kain m̧akūtkūt rōt in ej aikuj in jeja. Waanjon̄ak ko ekoba kweilo̧k eļļap ko an jodikdik ro, kweilo̧k eļļap ko an N̄KJ (FSY), ak loļo̧k ko n̄an tampeļ me ej aikuji ito itak ko ilo kōtaan ko rōttoļo̧k.

Em̧m̧aan ro im kōrā ro rej bōk koņaer im ritōl ro ej aikuj jepeļļo̧k jikin kiki ko aer jān doon. Ijo wōt ke, juon rim̧are ripālele remaron̄ jokwe ilo ejja ruum̧ eo ak em̧ nuknuk eo wōt. Kajjojo jodikdik ej aikuj wōr an make jikin kiki ak pāāk in kiki.

Eļan̄n̄e ritōl ro rōrūtto im jodikdik ro rej pād wōt ilo juon em̧ ilo kōraan, ko āinwōt juon cabin ak em̧ nuknuk, ej aikuj wōt diktata ruo rūtto ilo kajjojo em̧, im rej aikuj in kōjellier wōt juon (same sex) āinwōt jodikdik ro.

Jodikdik ro remaron̄ jab pād ilo juon wōt em̧ nuknuk ak ruum̧ āinwōt juon rūtto eļan̄n̄e ewōr wōt juon rūtto ej pād. Ijowōt ke, juon jodikdik emaron̄ pād make iaan ilo juon em̧ nuknuk ak ruum̧ ippān ro jinen im jemān ak rikōjparok eo.

Aolep makūtkūt ko ilo juon bon̄ rej aikuj koba diktata ruo ritōl rūtto.

Juon oran eo ebwe an ritōl rūtto ro an priesthood eo rej aikuj in pād ilo aolep iien ilo m̧akūtkūt in kōrraan ko n̄an rie im leļo̧k kōjparok. N̄an m̧akūtkūt ko an Doulul eo an Jiron̄ ro, rikabwijer ro an priesthood eo rej aikuj jokwe ilo m̧ōko rejenolo̧k jān ko an jiron̄ ro.

Ritōl ro rej kanne juon Event and Activity Plan form [Boom̧ eo an Iien im M̧akūtkūt] n̄an m̧akūtkūt in kōrraan ko.

M̧akūtkūt in kōrraan ko ilo m̧ōnjar ko an Kabun̄ ak melan ko an m̧ōnjar ko rejjab mālim.

Kōn elōn̄ļo̧k meļeļe, lale “FAQs—Ta Eo Ij Aikuj Kōm̧m̧ane]” ilo ChurchofJesusChrist.org.

20.5.6

Annan̄e Anij

Anij Jemen im Jetōb Kwojarjar eo rejjab aikuj in annan̄e er ilo kweilo̧k ko, tieta ko, ak al ko.

Eļan̄n̄e jin̄aik Rilo̧mo̧o̧r eo, ej aikuj in kōn kautiej im utiej. Em̧m̧aan ro wōt erreo mour ko aer make aikuj in ļōmņake n̄an m̧ōttan eo. Armej eo me ej annan̄e Rilo̧mo̧o̧r eo ej aikuj in jab al ak eb. N̄e kōnono, e ej aikuj kōjerbal wōt naan ko rejjejōt ilo jeje ko rekwojarjar kōnono kōn Rilo̧mo̧o̧r eo. Ilo jem̧ļo̧kin ikkure eo, ej aikuj ekepā ilo iien eo em̧ōkaj tata an nuknuk ko an.

Rilo̧mo̧o̧r eo ejjab aikuj in annan̄an jān ajri ro ilo tieta eo ijjelokin ilo jekjek eo an Iien Ļotak eo (Nativity).

20.5.7

Jar ko im Nokon ko ilo M̧akūtkūt ko

Aolep m̧akūtkūt ko reaikuj in kōppeļo̧k im, n̄e ekkar, kilōk kōn jar. Juon al in jar, juon kōnono ilo jetōb, ak ennaan ko jān juon ritōl ak eo ej bōk koņaan maron̄ kobaiki.

20.5.8

Kōjparok Raan in Jabōt

Ejjeļo̧k kāām ko an Kabun̄ in, iien ikkure ko, ak iien m̧akūtkūt ko kom̧m̧an inam̧ōj ren jikejuuļ ilo Jabōt. Barāinwōt doulul in jodikdik ro im ro jet rejjab aikuj in ito itak n̄an ak jān kāām ko ak kweilo̧k eļļap ko an jodikdik ro ilo Jabōt.

Āinwōt juon men kōtļo̧k, n̄e ineem̧m̧an (safety) ak wōņāān ito itak ko rej lukkuun menin n̄ūrbōktak, jet m̧akūtkūt ko an jodikdik ro remaron̄ jikejuuļi ilo iien eo em̧ōkaj tata ālkin kweilo̧k ko an kabun̄ jar ilo Jabōt. M̧akūtkūt kein rej aikuj jenolo̧k jān kweilo̧k in Jabōt eo jikejuuļi. Rej aikuj in bwe ren dāpij wōt jetōb eo an Jabōt. Kōmālim jān bisop eo im stake būreejtōn eo ej menin aikuj.

20.5.9

Ikkure ko

Ikkure ko an Kabun̄ ej leļo̧k iien ko rem̧m̧an n̄an kōm̧akūtkūt ānbwin im jemjerā. Rej kōmejajaik bōk koņaan, ikkure ilo em̧m̧an, im kōļapļo̧k kapeel. N̄e m̧akūtkūt eo ej kobaiktok jiāe, aolep kijejeto rej aikuj in kōm̧m̧an bwe en ejjeļo̧k iakwelel. Aolep ro uwaan tiim ko rej aikuj wōr aer iien em̧m̧an n̄an ikkure, jekdo̧o̧n ta jon̄an kapeel eo an.

Stake būreejtōnji eo ej lale m̧akūtkūt in ikkure ko bōk eddo in ilowaan stake eo aer. Rej barāinwōt ejaaki unin tōl ko me (1) ej lukkuun kwaļo̧k dettan iiō ko me rikkure ro remaron̄ bōk koņaer ilo ikkure ko an Kabun̄ im (2) kālet n̄e rikkure eo maron̄ ikkure. Kain jokāāle rōt in aikuj kōm̧m̧an m̧okta jān jino in juon jijen (season).

Eļan̄n̄e m̧akūtkūt in ikkure an elōn̄ļo̧k jān juon stake ej kōm̧m̧an, Eria Jimjuonn̄oul eo ak Eria Jiljilimjuonn̄oul ro kar kappeik er rej lali. M̧akūtkūt kein rej kōm̧m̧an jān ritijem̧ļo̧k ro an ikkure me rej kūr jān stake būreejtōn eo agent kar kōjenolo̧k e jān Eria Būreejtōnji eo. Iien ikkure jiāe ko an eria rejjab mālim.

Ro rej bōk koņaer ilo m̧akūtkūt in ikkure ko an Kabun̄ in rejjab aikuj bwe ren membōr in Kabun̄ in. Ijo wōt ke, rej aikuj jokwe ilo lowaan tōrerein ko (boundries) an iunit eo im errā n̄an ļoor jon̄ak ko im kakien ko an Kabun̄ in ilo m̧akūtkūt ko.

Eļan̄n̄e kōjerbal iuniboom̧ an tiim, rej aikuj in ļam waan, jab ļap wōņāān, im jejet n̄an m̧akūtkūt eo. Jiln̄ij kōļar ko ak jiln̄ij ko kōņaki tok (pullover) rōbwe. Iuniboom̧ ko rej aikuj in kōllāik jān bajet eo an stake ak ward.

Pād eo an tiim ak nebar ko an ro kajjojo ak tiropi ejjab em̧m̧an.

20.5.10

Loļo̧k ko n̄an Tampeļ

Lolo̧k ko an tampeļ rej ejaak ilo ļabōl eo an ward ak stake ilo tampeļ district eo emōj kālōte.

Karōk loļo̧k ko an ward eo ak stake eo n̄an tampeļ ko itulikin tampeļ district eo kar kappeik rejjab kōketak. Kain loļo̧k kein rej aikuj mālim eo an stake būreejtōnji eo. Loļo̧k tampeļ ko ilo bon̄ aikuji barāinwōt mālim eo an stake būreejtōn̄ji eo.

Loļo̧k ko an tampeļ rej aikuj ļoore kakien ko an ito itak ilo 20.7.7. Kōrraan ko ilo Loļo̧k tampeļ ko rej aikuj barāinwōt ļoor kakien ko ilo 20.5.5.

20.5.11

M̧akūtkūt ko Rejjab Mālim

Iunit ko an Kabun̄ in remaron̄ jab bōk eddo in m̧akūtkūt ko me rejjab juon wōt ippān unin tōl ko ilo jebta in. Men kein rekoba:

• M̧akūtkūt ko me eļap wōt naaj kōm̧m̧an jorrāān (injury) ak nan̄inmej (lale 20.7.6).

• M̧akūtkūt ko me rej aikuji jon̄an wōņāān eo ejej uwaan ak ito itak (lale 20.7.7).

• Būrookraam̧ in kāājimourur ko me ewōr al, naan ko ilo al eo, nuknuk ak m̧ōttan ko jet me rejjab jon̄an wōt juon ippān jon̄ak ko an Kabun̄ in.

Eļan̄n̄e juon bisop ewōr an kajjitōk kōn eļan̄n̄e juon m̧akūtkūt jetjet, ej kajjitōk ippān stake būreejtōn eo. Stake būreejtōn ro remaron̄ in kwaļo̧k kajjitōk ko n̄an Eria Būreejtōnji eo.

20.6

Kakien ko im Unin Tōl ko n̄an Kōļļāik M̧akūtkūt ko

Ritōl ro rej lukkuun in lale bwe ļoor kien kein im unin tōl ko rej ļoori ilo kōļļāk aolep m̧akūtkūt ko an Kabun̄ in.

20.6.1

M̧akūtkūt ko Kōļļāik Wōņāān kōn Jāān in Bajet ko an Ward im Stake eo

Jāān in bajet ko an ward ak stake eo rej aikuj in jerbal n̄an kōļļāik aolep m̧akūtkūt ko—kōn bōlen emaron̄ men kein kar kōllaajraki ilo 20.6.2.

Membōr ro rejjab aikuj in būktok men ko kōbwebweien, kein jerbal ko, wōņāān kōjerbale ak wōņāān deļo̧n̄, ak iaļ in ito itak ilo kōtaan aittok ko kōn er make. Membōr ro remaron̄ bōktok m̧ōn̄ā eļan̄n̄e aindein en jab juon eddo.

20.6.2

Jāān N̄an Wōņāān Kāām ko an Jodikdik ro

Eļan̄n̄e bajet eo an ward eo ak stake eo ejjab bwe jāān n̄an kōļļāik m̧akūtkūt ko rej ellaajrak itulaļ, ritōl ro remaron̄ kajjitōk ippān ro rej bōk koņaer n̄an kōļļāik jidikin ak aolepān:

• Juon katten ilo juon iiō kāām an Priesthood eo an Aron ak juon m̧akūtkūt ainļo̧k wōt.

• Juon katten ilo juon iiō kāām an Doulul eo an Jiron̄ ro ak juon m̧akūtkūt ko ainļo̧k wōt.

Jon̄an joļo̧k jāān ak ito itak n̄an juon kāām iiō otemjej ejjab aikuj lab jān jon̄an. Jabwe jāān an juon armej make ejjab aikuj in bōbrae juon membōr jān bōk koņaan.

Eļan̄n̄e jāān ko jān bajet ko an ward eo im stake eo im jān ro bōk koņaer rejjab bwe n̄an kāām ko, bisop eo emaron̄ kōmālim juon iien kōbajet an ward eo iiō otemjej. Iien in ej aikuj ļoor kakien ko ilo 20.6.5.

N̄an meļeļe ko reļļapļo̧k kōn kōļļāiki m̧akūtkūt ko an stake ko elōn̄ļo̧k jen juon ak eria n̄an rūm̧man ded ro, lale 14.2.1.3.

20.6.3

Kōļļān Kweilo̧k Eļļap ko n̄an N̄KJ (FSY)

Maron̄ kajjitōk ippān jodikdik ro n̄an jipan̄ kōļļā juon wōņāān (fee) n̄an etal n̄an kweilo̧k eļļap ko an N̄an Kōkajoorļo̧k Jodikdik ro (N̄KJ) Eļan̄n̄e wōņāān eo enaaj bōbrae an juon jodikdik bōk koņaan, bisop eo emaron̄ kōjerbal jāān in bajet ko an ward eo n̄an kōļļāik aolepān ak jidik in wōņāān eo (fee). Lale FSY.ChurchofJesusChrist.org.

20.6.4

Jāān in Jipan̄ n̄an Kein Jerbal ko im Kōbwebwein ko

Eļan̄n̄e emaron̄, kein jerbal im kōbwebwein ko ward eo ej aikuji n̄an kāām ko an jodikdik ro aolep iiō rej wiaiki kōn jāān in bajet ko an ward eo. Eļan̄n̄e jāān kein rejjab bwe, bisop eo emaron̄ kōmālim juon iien kōbajet iiō otemjej. M̧akūtkūt in ej aikuj ļoor kakien ko ilo 20.6.5.

Kein Jerbal ko im kōbwebwein ko rej aikuj wiaiki kōn jāān in bajtō ko an ward eo ak jāān in kōbajet ko jān iien kōbajet eo rej n̄an jerbal ko wōt an Kabun̄ in. Rejjab n̄an kōjerbal n̄an juon make.

20.6.5

Iien Kōbajet ko

Jāān ko julo̧k n̄an m̧akūtkūt ko n̄an stake im ward eo ekkā aer kōļļāik kōn jāān in bajet ko. Ijo wōt ke, juon stake būreejtōn ak bisop emaron̄ kōmālim juon iien juon iien kōbajet kajjojo iiō n̄an jibadbad kein wōt:

• N̄an jipan̄ kōļļāik m̧akūtkut ko kar kōllaajraki ilo 20.6.2 im 20.6.3.

• N̄an jipan̄ wiaik kein jerbal me iunit eo ej aikuji n̄an kāām ko iiō otemjej āinwōt kar kōllaajraki ilo 20.6.4.

Eļan̄n̄e juon kōbajet eo ej kōm̧m̧an, ej aikuj letok juon meļeļe aorōk ak jerbal in jipan̄.

Ritōl ro rej kanooj lale jāān in kōbajet ko ren ajej ilo jokkuun wōt juon. Bajet eo n̄an doulul eo an Priesthood eo an Aron ej pedped wōt ioon oran likao ro ilo ward eo. Bajet eo n̄an doulul eo an jiron̄ ro ej pedped wōt ioon oran jiron̄ ro ilo ward eo.

Menin jipan̄ ko n̄an iien kōbajet eo rej baļintier. Ritōl ro rej kanooj lale bwe membōr ro ren jab en̄jake lokjak n̄an leļo̧k jipan̄.

Iunit ko me rej bōk eddo in kōbajet ko rej aikuj jab kareelel ak kajjitōk ippān juon itulikin tōrerein (boundry) ko aer. Ak rejjab aikuj in wia kake m̧weiuk ko ak jipan̄ ko jān em̧ n̄an em̧.

Waanjon̄ak ko an m̧akūtkūt in kōbajet ko me rejjab mālim ekoba:

• M̧akūtkūt ko me renaaj kōļļā eewōj.

• M̧akūtkūt ko me rej kōļļā wōn̄āān rijerbal, jim̧or jān rijerbal ro ak kōn koontōrāk.

• Kein kam̧ōņōņō ko me stake eo ak ward eo ej kōļļāik wōņāān rikkure ro kōn jerbal ko aer.

• Wia kake m̧weiuk ko ak jerbal ko jān juon pejnej in m̧ōn wia.

• Ikkure in kawiniin, āinwōt kein rābļ ko, lottry ko, im bingo.

• M̧akūtkūt ko me rejjab n̄an kōjparok ko.

Jabdewōt kōmālim ko n̄an naan in kōmeļeļe kein aikuj in mālim jān Eria Būreejtōnji eo.

20.7

Kakien ko kōn Kōjparok (Safety) im Unin Tōl ko n̄an M̧akūtkūt ko

Ritōl ro rej lukkuun lale bwe ļoor kakien ko kōn kōjparok (safety) im unin tōl ko rej ļoori ilo aolep m̧akūtkūt ko.

20.7.1

Rilale Ro Rōrūtto

Diktata ruo rūtto ro rej aikuj in pād ilo aolep m̧akūtkūt ko an Kabun̄ in ajri ro im jodikdik ro rej pād ie. Emaron̄ lōn̄ļo̧k rūtto ro n̄e aikuj pedped ioon dettan kumi eo, kapeel ko rej menin aikuj n̄an m̧akūtkūt eo, ak un ko jet. Rej kōketak ro jinen im jemen ajri ro n̄an jipan̄.

Aolep ro rej jerbal ippān ajri ro im jodikdik ro rej aikuj kadedeļo̧k kaminene in kōjparok eo n̄an ajri ro im jodikdik ro. Lale ProtectingChildren.ChurchofJesusChrist.org.

20.7.2

Iiō eo Ej Menin Aikuj n̄an Bōk Koņaan ilo M̧akūtkūt ko an Jodikdik ro

Kōn mālim eo an ro jinen im jemen, jodikdik ro remaron̄ pād ilo kāām ko eļo̧k bon̄ier jino ilo Jānwōde in iiō eo rej tōpar 12. Remaron̄ pād ilo iien eb ko, kweilo̧k eļļap ko an jodikdik ro, im kweilo̧k eļlap ko an N̄KJ (FSY) jino ilo Jānwōde in iiō eo rej tōpar 14.

20.7.3

Joortoklik (Insurance)

20.7.3.1

Injurōn in Waan Ettōr an Juon Make

Lale 20.7.7.

20.7.3.2

Joortoklik (Injurōn) in Ājmour im Jorrāān

Ilo elōn̄ m̧ōttan ko ilo laļ in, joortoklik (injurōn) in ājmour im jorraān ko ewōr ilo aolep jikin jerbal ko ak būrookraam̧ ko an kien. Membōr ro me ewōr aer men kein (coverage) aikuj bōk aolep jeraam̧m̧an ko (benefit) eļan̄n̄e rej pād ilo juon jorrāān (injury) ilo juon m̧akūtkūt an Kabun̄ in m̧okta jān kappukōt jipan̄ jān jortoklik (injurōn) in m̧akūtkūt an Kabun̄ in (lale 20.7.3.4).

20.7.3.3

Personal Liability Insurance

Kabun̄ in ej kapilōk ro membōr ro im ritōl ro me rej lale m̧akūtkūt ko an Kabun̄ in n̄an kōjparok er make, ijo emaron̄ in, bwe en wōr jon̄an eo pedped ioon jortoklik eo ippāer. Jortoklik rōt kein emaron̄ wōr wōt ilo jortoklik (injurōn) eo an ro ewōr im̧weer ak injurōn (policy) ko et. Kōn elōn̄ļo̧k meļeļe, lale “FAQs—What Should I Do?[N̄KUko—Ta Eo Ij Aikuj Kōm̧m̧ane]” ilo ChurchofJesusChrist.org.

20.7.3.4

Activity Medical Assistance Būrookraam̧ an Kabun̄

Ilo United States im Canada, Activity Medical Assistance (CAMA) būrooraam̧ an Kabun̄ ej letok jipan̄ eo kein karuo an medical (taktō) im n̄i (dental) n̄an jorrāān ko rej waļo̧k ilo iien eo bōk koņaan ilo juon m̧akūtkūt an Kabun̄ in. Ej barāinwōt letok jipan̄ ilo iien ilomej (funeral) eļan̄n̄e emenin aikuj. Būrookram̧ in kar eeiki n̄an jipan̄, ejjab n̄an bōk jikin, jortoklik (injurōn) eo armej eo make kōn ājmour im jorrāān (accident). Kōn elōn̄ļo̧k meļeļe, lale “FAQs—Ta Eo Ij Aikuj Kōm̧m̧ane]” ilo ChurchofJesusChrist.org.

Eļan̄n̄e juon jorrāān ej waļo̧k ilo juon iien m̧akūtkūt Kabun̄ in ej bōk eddo in, ritōl ro rej ļōmņake eļan̄n̄e CAMA eo maron̄ aikuji. Jabdewōt ritōl emaron̄ riboote juon jorrāān (incident) ilo Global Incident Reporting system eo ilo incidents.ChurchofJesusChrist.org. Eļan̄n̄e ritōl ro rej kwaļo̧k bwe kōm̧adm̧ōd eo ekilepļo̧k jān first aid eo watōke, naaj karon̄ bisop eo im naaj bōk meļeļe ko n̄an kadeļo̧n̄e. Bisop ej ļōmņak kōn maron̄ eo an armej ro n̄an kōļļāik wōņāān taktō ko kōn wāween ko jet, ko āinwōt injurōn eo an make (peronal insurane) ak kein jipan̄ ko jet. E emaron̄ kōmālim kōjerbal CAMA jāān ko eļan̄n̄e ej en̄jake ejetjet.

N̄an elōn̄ļo̧k meļeļe ko, lale Activity Medical Assistance Handbook [Jipan̄ ilo Taktō an M̧akūtkūt an Kabun̄ Bok in Bōk Meļeļe]. N̄an bōk bok in bōk meļeļe in, kepaak:

Deseret Mutual Benefit Administrators

P.O. Box 45530

Salt Lake City, UT 84145-0530

Taļeboon: 1-801-578-5650 ak 1-800-777-1647

Email: [e-mail]

Website eo: dmba.com/churchactivity

20.7.3.5

Peba in Kam̧ool ko an Joortoklik (injurōn)

Kabun̄ in emakijkij an kajjitōk n̄an kwaļo̧k juon kein kam̧ool in jortoklik (injurōn) n̄an m̧akūtkūt ko. Kajjitōk kein rej itok kōnke kōn rental agreement ko, koontōrāāk ko, ak mālim ko rej koba ippān m̧akūtkūt ko.

Ilo United States im Canada, ritōl ro remaron̄ bōk juon peba in kam̧ool eo ej kwaļo̧k kein kam̧ool in jortoklik (injurōn) eo ilo InsuranceCertificates.ChurchofJesusChrist.org. Itulikin United States im Canada ritōl ro rej aikuj kepaak eria opiij eo. Kajjitōk ko rej aikuj koba:

• Etan im atreej eo an doulul eo ej aikuji kein kam̧ool in joortoklik (injurōn) eo.

• Juon kōmeļeļe im jikin eo an im̧weo (facility), eļan̄n̄e reen e juon em̧ (facility).

• Jon̄an oran eo bōk eddo emenin aikuj.

• Meļeļe ko rekkar n̄an m̧akūtkūt eo.

Ritōl ro reaikuj in karōk m̧oktaļo̧k n̄an kōtļo̧k iien n̄an kōpooj peba in kam̧ool ko.

20.7.4

Mālim an Jemen im Jinen Ajri ro

Ajri ro im jodikdik ro remaron̄ jab bōk koņaer ilo juon m̧akūtkūt an Kabun̄ ilo an ejjeļo̧k mālim jān jinier im jemeer ak ro rej bōk eddo in (guardian). Kōn m̧akūtkūt ko an Kabun̄ me ekoba kōļo̧k bon̄, aitok ito itak ie, ak eutiejļo̧k jān kauwōtata ko rejjab kanooj kamijak, juon mālim je ej menin aikuj. Jet m̧akūtkūt ko remaron̄ aikuji elōn̄ļo̧k karōk ko n̄an kadikļo̧k kauwōtata ko. Kōjparok (safety) ej iien otemjej erom juon aorōk n̄an ļōmņak kake. Lale 20.7.6.1.

Ro jinen im jemen im ribōk eddo in ro (guardian) ej leļo̧k mālim in kōn jaini Permission and Medical Release form [Boom̧ in Kōtļo̧k Mālim im Taktō (medical)]. Armej eo ej tōl m̧akūtkūt eo aikuj leļo̧k n̄an e juon boom̧ kar jaini n̄an kajjojo ro rej bōk koņaan.

20.7.5

Riboot ko Ņae Ko̧kkure

Jabdewōt kakkure me ej waļo̧k ilo juon m̧akūtkūt an Kabun̄ aikuj in riboote n̄an rikien ro. Aikuj kepaak bisop eo ilo iien eo em̧ōkaj tata. Naan in kōmeļeļe ko n̄an membōr rej pād ilo 38.6.2.7. Naan in kōmeļeļe ko n̄an bisop ro rej pād ilo 38.6.2.1.

Kōn meļeļe ko kōn kakkure (abuse), lale 38.6.2.3 im 38.6.2.4.

20.7.6

Riboot kōn Kauwōtata in Kōjparok (safety), Ņa Mejļan Jorrāān (accident), im Jorrāān

20.7.6.1

Kōjparok Kauwōtata ko

Ritōl ro im ribōk koņaan ro rej mejmejkaruo ilo pād ilo m̧akūtkūt ko n̄an kanooj lale bwe en dik kauwōtata in jorrāān eo ak nan̄inmej. M̧akūtkūt ko reaikuj barāinwōt kobaik jorrāān ko reddik n̄an m̧weiuk. Ilo iien m̧akūtkūt ko, ritōl ro rej kōm̧m̧an jabdewōt kijejeto ko n̄an lale bwe en ejjeļo̧k jorrāān. Jen karōk ko rem̧m̧an im lo̧o̧re ko̧o̧n in kōjparok ko, ritōl ro remaron̄ in kadikļo̧k jorrāān ko reļļap aikuj

M̧akūtkūt ko rej aikuj koba kōmmālmel eo ekkar im wāween lo̧lo̧o̧rjake. Rej aikuj barāinwōt ekkar n̄an dettan iiō eo an ribōk koņaer ro, maron̄ ko, im keke mo̧o̧j eo.

Ritōl ro rej kōmeļeļeiki aolep ro ribōk koņaer ro ilo kamminene ilo kōjparok n̄an m̧akūtkūt eo. N̄e m̧akūtkūt ko rej aikuj kapeel ko an ānbwin rein juon ak iminene, emaron̄ in menin aikuj n̄an bōk kaminene eo ainjuon ak kōjerbal unin tōl ko an ritijem̧ļo̧k ko.

Ritōl ro rej aikuj m̧aanjabpopo n̄an iien idin̄ ko. Rej aikuj barāinwōt jelā wāween n̄an kōjjejkiik makūtkūt ko an kien im jerbal in idin̄ ko. Kōn elōn̄ļo̧k meļeļe, lale “FAQs—Ta Eo Ij Aikuj Kōm̧m̧ane]” ilo ChurchofJesusChrist.org.

20.7.6.2

Ņa Mejļan Jorrāān

Eļan̄n̄e juon men ej waļo̧k (accident) ak jorrāān ej waļo̧k ilo meļan eo an Kabun̄ in ak ilo juon m̧akūtkūt an Kabun̄ in, ritōl ro rej lo̧o̧r unin tōl kein, n̄e ekkar:

• Leļo̧k kein kōm̧adm̧ōd idin̄. Eļan̄n̄e juon armej ej aikuj eļapļo̧k kilen kōm̧adm̧ōd ko, kūrļo̧k jikin jipan̄ ko an emergency medial. Barāinwōt kūrļo̧k eo jinen ak jemen, ribōk eddo eo, ak armej eo nukun epaake im bisop eo ak stake būreejtōn eo.

• Eļan̄n̄e juon ej jako ak mej, kōjeļļāik ilo iien em̧ōkaj tata rijerbal in m̧ōn būļiij mān ro ijo jokwe ie. Kanooj jerbal ippāer.

• Leļo̧k jipan̄ ko rem̧m̧an.

• Jab rōjan̄ ak jab kōketak jerbal in ekajet. Jab kōm̧m̧an kallim̧ur ko ilo etan Kabun̄ in.

• Ain im dāpij āt ko etan rikam̧ool ro, meļeļe ko n̄an tōpar er, meļeļe ko kōn ta eo ekar waļo̧k, im pija ko.

• Riboote jorrāān eo (lale 20.7.6.3).

20.7.6.3

Riboot in Jorrāān eo

Jekjek kein rej aikuj ribooti ilo online ilo incidents.ChurchofJesusChrist.org. Bisop eo, stake būreejtōn eo, ak membōr eo ekar kāālete me ejeļā kōn jorrāān eo ej kōm̧m̧ane riboot eo ilo iien eo em̧ōkaj.

• Juon men ej waļo̧k (accident) ak jorrāān ej waļo̧k ilo meļan eo an Kabun̄ in ak ilo juon iien m̧akūtkūt an Kabun̄ in.

• Juon armej eo ekar bōk koņaan ilo juon m̧akūtkūt an Kabun̄ in ej jako.

• Juon jikin juon armej make (private), jukjuk in pād (public), ak Kabun̄ in ej jorrāān ilo juon iien m̧akūtkūt an Kabun̄ in.

• Jebal in legal ba enaaj kōm̧m̧an ak kōtmene.

Eļan̄n̄e juon iien ej waļo̧k juon jorrāān eļap, mej, ak an juon armej jako, stake būreejtōn eo, bisop eo, ak membōr eo ekar kāālete ej bōk juon iaan bun̄tōn kein ilo iien eo em̧ōkaj tata:

• Ilo United States ak Canada, ej kūrļo̧k Risk Management Division eo ilo Church headquarters (1-801-240-4049 or 1-800-453-3860, extension 2-4049; ālkin awa in jerbal ko ak ilo jem̧ļo̧kin juon wiik, kūrļo̧k 1-801-240-1000 ak 1-800-453-3860, im operator eo enaaj kepaake juon rijerbal iien eo em̧ōkajtata). Innām kepaak Erai Būreejtōnji eo.

• Itulikin United States im Canada, kōjeļļāikļo̧k eria opiij eo.

Stake būreejtōn eo ak bisop eo rej barāinwōt ribooti jorrāān ko (injury) im kakkure (damage) eo ekoba im̧ōko im̧ōn ak men ko m̧weien Kabun̄ in n̄an eo ej jeban im̧ōko im̧ōn Kabun̄ in.

Kōn elōn̄ļo̧k meļeļe, lale “FAQs—What Should I Do?[N̄KUko—Ta Eo Ij Aikuj Kōm̧m̧ane]” ilo ChurchofJesusChrist.org.

20.7.6.4

Joortoklik im Kajjitōk ko

Eļan̄n̄e juon jorrāān ej waļo̧k ilo juon iien m̧akūtkūt an Kabun̄ in, ritōl ro rej kāālet eļan̄n̄e būrookraam̧ in Jipan̄ ilo Taktō an M̧akūtkūt an Kabun̄ ej jebal (lale 20.7.3.4)

Ilo jet jekjek ko, stake būreejtōn eo ak bisop eo emaron̄ wōr an kajjitōk ko kōn unin kōnono kōn kōjparok (safety) ak maron̄ ko (claim) ņae Kabun̄ in. Stake būreejtōn eo (ak juon bisop ium̧win karōk eo an) ej leļo̧k kain kajjitōk ko n̄an Risk Management Division eo ak n̄an eria opiij eo.

20.7.7

Ito itak

Ito itak n̄an m̧akūtkūt ko an Kabun̄ in aikuj in kōmālim jān bisop eo ak stake būreejtōn eo. Ito itak in aikuj jab likūt eddo ko rejjab menin aikuj ioon membōr ro.

Ribōk koņaer ro rej aikuj jab ito itak ettoļo̧k (eļapļo̧k jān jejjo awa ko) n̄an m̧akūtkūt ko. Jabdewōt kōtlo̧k ko ej aikuji mālim eo jān Eria Būreejtōnji eo. Eļan̄n̄e Eria Būreejtōnji eo ej kōmālim kain ito itak kein, membōr ro rej aikuj jab leļo̧k ilo aer make kōļļāik (lale 20.6).

Kōmmālmel in ito itak ko im laajrak in peba in tōl ko ilo mwen̄an in reaikuj in jejjōt ilo iunit ko ilo ejja eria eo wōt ak ko̧o̧njeļ in kōtōbalbal eo. Stake būreejtōn ro maron̄ in kōnono kake im errā kōn iminene in ito itak ko ilo kweilo̧k ko an ko̧o̧njeļ in kōtōbalbal eo.

Ritōl ro rej kanne Event and Activity Plan form [Karōk Iien im M̧akūtkūt boom̧] eo n̄an m̧akūtkūt ko me rejelet ito itak aittok.

N̄e juon m̧akūtkūt an Kabun̄ in n̄an jodikdik ro ejelet ito itak aittok ak pād juon bon̄, ro jinen im jemen ak ribōk eddo in ro rej aikuj leļo̧k juon mālim ilo jeje n̄an ajri ro nejier n̄an bōk koņaer (lale 20.7.4). Ej aikuj wōr juon rūtto ekek mo̧o̧j ej bōk eddo in (lale 20.7.1).

N̄e epen kōm̧adm̧ōde, kumi ko an Kabun̄ in rej aikuj kōjerbal iaļ in ito itak ko an pejnej ko n̄an ito itak aittok. Ej aikuj in wōr an Ļaijen im bōbraeik kōn liability injurōn.

N̄e kumi ko an Kabun̄ in rej ito itak ilo waan ettōr ko waan armej, kajjojo waan ettōr ej aikuj em̧m̧an an jerbal. Kajjojo armej aikuj kōjerbal jakōļ ko ilo wa eo. Kajjojo rittōr ilo wa ko reaikuj in wōr aer laijen, ritto eo ej eddo in. Aolep waan ettōr ko im rikattōr ro ej aikuj wōr an liability insurance in waan ettōr eo ej jerbal. Karōk ko rej aikuj in kōm̧m̧an n̄an kanooj lale bwe rikattōr ro rej pād wōt ilo aer ekkōl im mejen iruj. Jabdewōt iien emaron̄, juon rūtto ej aikuj jab make iaan ippān juon jodikdik ilo juon waan ettōr ijello̧k in n̄e jodikdik eo ej nejin.

Doulul ko an Kabun̄ maron̄ jab wōr an ak ekkar waan ettōr ko ak baaj ko n̄an doulul eo ej ito itak.

Juōn em̧m̧aan im juōn kōrā rejjab aikuj in ito itak ippān doon n̄an makūtkūt ko an Kabun̄, kweilo̧k ko, ak ijjitōn̄ ko m̧ae iien eo rekar m̧are n̄an doon ak erro jim̧or rejjan̄in m̧are.

Kōn elōn̄ļo̧k meļeļe, lale “FAQs—Ta Eo Ij Aikuj Kōm̧m̧ane]” ilo ChurchofJesusChrist.org.

20.8

Kakien ko kōn Kōm̧m̧an M̧akūtkūt

Ritōl ro rej kanooj lale bwe kakien kein im unin tōl kein rej ļoori n̄e kōm̧m̧ani aolep m̧akūtkūt ko an Kabun̄ in.

20.8.1

Jim̧we im Maron̄ ko an Kein Jerbal ko

Lale 38.8.11

20.8.2

Jataiki Im̧ōko Rejjab Im̧ōn-Kabun̄ n̄an M̧akūtkūt ko

N̄e imoko im̧ōn Kabun̄ in rejjab ekkar n̄an juōn stake ak elon̄ļo̧k jan juon stake makūtkūt, juon jikin eo maron̄ in jataik kōn mālim jān stake būreejtōn eo. Kain kajjitōk rot in mānija eo an facility an Kabun̄ in ej jerbali.

Iunit ko remaron̄ in kajjitōk n̄an kwaļo̧k kein kam̧ool eo an libility insurance n̄e jataik ak kōjerbal facilities ko me rejjab jen Kabun̄ eo. Kōn meļeļe ko kōn ekōjkan bōk juon peba in kam̧ool an injurōn, lale 20.7.3.5.

20.8.3

Owōjin M̧akūtkūt ko

Ritōl ro ren lukkun lale bwe makūtkūt ko ren jab jelōt owōj ko an Kabun̄. N̄an unin tōl ko, lale 34.8.1.