“22. Leļo̧k Aikuj ko ilo Kanniōk im Kalōk Un̄n̄are Peid Make,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“22. Leļo̧k Aikuj ko ilo Kanniōk im Kalōk Un̄n̄are Peid Make,” Bok in Bōk Meļeļe Eļap.
22.
Leļo̧k Aikuj ko ilo Kanniōk im Kalōk Un̄n̄are Peid Make
22.0
Kadkad in
Membōr ro an Kabun̄ in rej kajjieon̄ n̄an “ineek eddo ko an ro jet, … im kaenōm̧m̧an ro rej pād ilo aikuj in aenōm̧m̧an” (Mosaia 18:8–9). Kea kōn ro ewōr aer aikuj ko ilo kanniōk ej m̧ōttan jerbal in lo̧mo̧o̧r eo an Anij im mour ijo eutiej tata (lale 1.2
Membōr ro an Kabun̄ in kar bar kapilōk n̄an kōkajoorļo̧k aer make un̄n̄are peid make ilo jerbal tiljek im kōn jipan̄ an Irooj. Un̄are peid make ej maron̄ eo, kallim̧ur eo, im kijejeto n̄an kake menin aikuj ko ilo jetōb im kanniōk an mour n̄an juon make im baam̧le. Ilo an mem̧bōr ro erom un̄n̄are peid make, em̧m̧anļo̧k aer barāinwōt maron̄ jerbal n̄an im kōjparok ro jet.
KAJJOJO ARMEJ IM KIJEJETO KO AN BAAMLE
22.1
Kalōk Un̄n̄are Peid Make
Kōn jipan̄ eo an Irooj, membōr ro rej kalōk un̄n̄re peid make ilo wāween kein ilaļ:
-
Kōļapļo̧k mour in jetōb, āinbwin, im ilo en̄jake.
-
Bōk jeļāļo̧kjeņ im jerbal.
-
Kōkm̧anm̧anļo̧k keppopo ilo kanniōk.
22.1.1
Jitbōn Kajoor
Irooj ekar ba “bwe aolep men ko otemjeļo̧k n̄an Eō rej jetōb, im jaab ilo jabdewōt iien Inan̄in kar lewōj n̄an kom̧ juon kien eo ej kanniōk (Katak im Bujen Ko 29:34). Membōr ro rej ejake kajoor in jetōb eo ilo aer kōjerbal tōmak ilo Kraist im pokake kien ko an Anij.
Ilo an membōr ro kōm̧m̧an āindein, rej bōk tōl eo jān Jetōb Kwojarjar kōn ekōjkan ņa mejļan jorrāān ko aer im jerbal in karejar n̄an ro jet.
22.1.2
Ājmour ilo Ānbwin im En̄jake
Jemedwōj Ilan̄ ekōņaan bwe ro Nejin rej kōļapļo̧k ājmour ilo ānbwin im en̄jake. Ekoba kōm̧m̧ani men kein ilaļ:
-
Pokake Naan in Mālōtlōt (lale Katak im Bujen Ko 89).
-
Kajjieon̄ in m̧ōn̄ā m̧ōn̄ā ko rōūnō, kāājemourur iien otemjej, im en bwe an ļap am̧ iien kiki.
-
Rej aikuj joļo̧k uno ko rōkkajoor ak imminene ko me rej kowaan ānbwin ko aer im ļōmņak ko aer me emaron̄ tōlļo̧k n̄an an̄ūūrlep.
-
Kaminene kōjerbal kein karreeo ko im būki kein taktō ko rekkar.
-
Ejaki jemjerā ko rāājmour.
-
Kappukōt jipan̄ an ro retijemļo̧k kōn apan̄ in ājmour ko an kōļmenļo̧kjeņ im en̄jake n̄e aikuj.
22.1.3
Jeļāļo̧kjeņ im Jerbal
Rilo̧mo̧o̧r ekar kwaļo̧k, “Kappukot jeļā, em̧ool jān katak im barāinwōt jān tōmak” (Katak im Bujen Ko 88:118). Jeļāļo̧kjeņ im jitdam kapeel emaron̄ tōļo̧k n̄an jerbal ko rem̧m̧an me membōr ro remaron̄ kake aikuj ko aer make im baam̧le.
22.1.4
Keppopo ilo Kanniōk
Kar kapilōk membōr ro n̄an keppopo bwe ren maron̄ kea kōn er make, baam̧le ko aer, im ro jet ilo iien aikuj.
Membōr ro rej kōļapļo̧k keppopo eo aer kōn jāān ilo:
-
Kōļļā juon m̧ōttan jon̄oul im joortak ko (lale Malakai 3:8–12).
-
Kadikļo̧k m̧uri.
-
Mour kōn juon bajet.
-
Kōjparok n̄an ilju im jeklaj.
-
Bōk juon jeļāļo̧kjeņ ejetjet (lale 22.3.3).
Kōppopo ej barāinwōt kitbuuj karōk n̄an iien idin̄ ko. Kar rōjan̄ membōr ro n̄an ejaake juon menin jipan̄ ilo iien ko rekadu im iien ko reaetok kōn m̧ōn̄ā, dān, im menin aikuj ko jet.
N̄an eļapļo̧k meļeļe, lale Personal Finances for Self-Reliance im “Temporal Preparedness Resources.”
22.2
Jerbal in Karejar n̄an ro rej Aikuj ilo Ānbwin im Jetōb
Irooj ekar katakin rikaļoor ro an n̄an “iakwe … im jipjipan̄ doon” im n̄an “jipan̄ ro rej pād ilo aer aikujin … jipan̄” (Mosaia 4:15–16). Membōr ro rej kajjieon̄ in jerbal in karejar n̄an ro me ewōr aer aikuj ilo kanniōk im en̄jake. Aikuj kein emaron̄ koba m̧ōn̄ā, nuknuk, em̧, jeļāļo̧kjeņ, jerbal, ājmour ilo ānbwin, im bar ilo jetōb.
22.2.1
Im̧ōn Kakkoņkoņ eo an Irooj
Aolep kein jipan̄ ko repād ilo Kabun̄ in n̄an jipan̄ ro rej rej pād ilo aikuj ilo ānbwin rej ņaetaer im̧ōn kakkoņkoņ eo an Irooj (lale Katak im Bujen Ko 82:18–19). Ekoba iien ko an membōr ro, taļōn ko, tiriam̧o, menin jipan̄ ko, im menin jipan̄ ilo jāān n̄an jipan̄ ro rej pād ilo aikuj.
Im̧ōn kakkoņkoņ eo an Irooj ej jerbal ilo kajjojo ward im stake. Ritōl ro ekkā aer jipan̄ kajjojo armej im baam̧le ko pukot wāween ko n̄an aikuj ko aer ilo jeļāļo̧kjeņ, kapeel, im jerbal in jipan̄ kar leļo̧k jen membōr ro an ward im stake.
22.2.2
Kien Jitlo̧k im Joortak ko an Jitlo̧k
Irooj eaar ejake kien jitlo̧k im jortak in jitlo̧k eo n̄an kōjeram̧m̧an armej ro An im n̄an leļo̧k juon iaļ n̄an er n̄an jerbal n̄an ro rej pād ilo aikuj. Membōr ro rej epaakeļo̧k Irooj im kōļapļo̧k kajoor ilo Jetōb ilo aer mour kake kien jitlo̧k. Rej bar kōkajoorļo̧k aer make un̄n̄are peid make n̄an kōļapļo̧k tiriam̧okake. (Lale Aiseia 58:6–12; Malakai 3:8–12.)
Jitlo̧k emaron̄ kōm̧m̧an ilo jabdewōt iien. Ijoke, ekkā an membōr ro kōm̧m̧ane ilo Jabōt eo jinointata ilo kajjojo allōn̄ āinwōt raan in jitlo̧k. Juon raan in jitlo̧k ekoba kein ilaļ:
-
Jar
-
Jab m̧ōn̄ā im idaak ium̧win 24 awa (n̄e ekkar)
-
Leļo̧k jitlo̧k in joortak ko
Jitlo̧k in joortak ko ej juon jipan̄ n̄an jipan̄ ro rej pād ilo aikuj. N̄e membōr ro rej jitlo̧k, rej leļo̧k juon joortak me ej jejjet in m̧ōn̄ā eo raar jab m̧ōn̄āiki. Ro uwaan kar kōketak er n̄an aer lukkuun jouj im leļo̧k eļapļo̧k jān jon̄an aorōk in m̧ōn̄ā ko ruo eļan̄n̄e rej maron̄.
Membōr ro rej kadedeļo̧ke im leļo̧k joortak ko an jitlo̧k ko aer ilo juon Boom̧ in Juon Mōttan Jon̄oul im Jitlo̧k ko Jet n̄an bisop eo ak n̄an juon iaan rikakpilōklōk ro an. Ilo eria ko jet, remaron̄ bar kōm̧m̧ani donation online. Ilo ward ko jet, bisop eo emaron̄ kōmālim rikabwijer Priesthood eo an Aron n̄an aiini joortak in jitlo̧k ko (lale 34.3.2).
22.2.3
Jerbal in Jipan̄
Membōr ro rej kappukot n̄an jerbal n̄an ro jet āinwōt kar Rilo̧mo̧o̧r (lale Jon 13:35).
Jerbal in jipan̄ emaron̄ bōk jikier ilo lābōļ ko an ward, stake, ak jukjukinpād ko. Ijo JustServe.org elōn̄ ie, membōr ro im ro jet remaron̄ kōjerbale n̄an kalikkar jerbal in jipan̄ n̄an jukjukin pād eo.
22.2.4
Humanitarian Aid
Kabun̄ in leļo̧k humanitarian aid n̄an aolepen laļin. Ej jim̧or kōm̧m̧ane menin io kajju n̄an im kōn koba ippān doulul in jipan̄ ko jet. Membōr ro im ro jet me rej m̧ōņōņō in rejtak kijejeto kein maron̄ leļo̧k n̄an humanitarian aid eo an Kabun̄ in.
Kijejeto ko an Ritōl ro
22.3
Jon̄ak n̄an Kalōk Un̄n̄are Peid Make im Jerbal in Karejar n̄an Ro rej Pād ilo Aikuj
Ritōl ro an Kabun̄ in rej pinej jenkwan Rilo̧mo̧o̧r ilo aer kea kōn ro raikuj ilo kanniōk im jetōb (lale 22.3.4). N̄an kōm̧m̧ane āindein, rej kajjieon̄ jipan̄ kōkajoorļo̧k membōr ro un̄n̄are peid make.
Ritōl ro rej kappukot tōl jen Jetōb Kwojarjar bwe ren maron̄ jipan̄ ilo iakwe im tūriam̧o. Jon̄ak in ilaļ enaaj jipan̄ ritōl ro jeļā aikuj ko an membōr ro ilo juon wāween eo me ej kalōk un̄n̄are peid make.
-
Pukotļo̧k ro rej pād ilo aikuj.
-
Jipan̄ er būki im tōpar aikuj ko ilo iien ko rekadu kitier.
-
Jipan̄ er kalōk un̄n̄are peid make eo eaitok kitien.
-
Jerbal in karejar n̄an rej aikuj en̄jake.
22.3.1
Pukotļo̧k ro Rej Pād ilo Aikuj
Bisop eo ewōr juon an kakien ekwojarjar n̄an pukōt ļo̧k im kea kake rijeram̧ōļ ro (lale Katak im Bujen Ko 84:112). Ro jet ewōr juon aer jerbal aorōk ilo eddo in ekoba:
-
Rikarejar jeiū ak jatū m̧aan im kōrā.
-
būreejtōnji ro an Doulul eo an Kōrā ro im doulul eo an elder ro.
-
rikakpilōklōk ro an bisop eo.
-
Membōr ro jet an ward ko̧o̧njeļ eo.
N̄e ekkar, bisoprik eo emaron̄ kūr rijipan̄ ro an menin jipan̄ im un̄n̄are peid make an ward eo n̄an jipan̄ ilo kijejeto kein (lale 22.6.4).
Ilo juon jetōb in iakwe im n̄urbōktak, ritōl ro an ward eo rej jipan̄ kile membōr ro me remaron̄ aikuj jipan̄. Ejjab bwe n̄an jipan̄ wōt n̄e kajjitōk. Ritōl ro rej kōnono ippān rikarejar jeiū ak jatū m̧aan im kōrā n̄an lale n̄e membōr ro rej pād ilo ren būki aikuj eo aer.
22.3.2
Jipan̄ Membōr ro Būki im Tōpar Aikuj ko ilo Iien ko Rekadu Kitier
Membōr ro rej kajjieon̄ in tōpar aikuj ko aer jān kijejeto ko aer make im jipan̄ jān baam̧le ko nukier. N̄e menin ejjab bwe, membōr ro remaron̄ aikuj jipan̄ jān jikin jipan̄ ko jet āinwōt:
-
Kein jipan̄ ko an kien im jukjuk in pād (lale 22.12).
-
Jipan̄ an Kabun̄.
Jipan̄ ko an Kabun̄ in remaron̄ koba jipan̄ kōn aikuj ko ilo juon kitiej ekadu āinwōt m̧ōn̄ā, nuknuk, jikin jokwe, im aikuj dikdik ko jet. Bisop eo maron̄ kōjerbal jitļok jortak ko n̄an jipan̄ ro rej pād ilo aikuj. Ijo ewōr an bisop ro ortar ko ie, bisop ro ekkā aer kōjerbal men kein n̄an leļo̧k m̧ōn̄ā im menin aikuj ko jet (lale “Ortar im Refferal ko an Bishop ro” ilo Leader and Clerk Resources [LCR]).
N̄e leļo̧k jipan̄ an Kabun̄, ritōl ro ren ļoore pedped im kakien ko rej ellaajrak ilo jekjen in ilaļ 22.4 im 22.5.
22.3.3
Jipan̄ er Kalōk Un̄n̄are Peid Make eo Eaitok Kitien
Membōr ro remaron̄ aikuj jipan̄ n̄an tōpar apan̄ ko aer eaitok kitien. Jeļāo̧kjeņ, jitdam kapeel, ak menin jipan̄ ko jet remaron̄ jipan̄ er kalōk un̄n̄are peim make im leļo̧k aikuj ko eaitok kitien. Ritōl ro an Doulul eo an Kōrā ro im doulul eo an elder ro, jerbal in karejar jeiū ak Jatū m̧aan im kōrā, im ro jet remaron̄ jipan̄ membōr ro bōkki menin jipan̄ kein.
Ilo Self-Reliance Plan eo ej jipan̄ membōr ro kile kajoor ko aer, aikuj ko, im kein jipan̄ ko. Karōk in eaikuj in jerbal kajjojo iien n̄e ļōmņak jipan̄ jān Kabun̄ in. Bisop eo emaron̄ jitōn̄ ritōl ro an Doulul eo an Kōrā ro, ritōl ro an doulul eo an elder ro, jerbal in karjer jeiū ak Jatū m̧aan im kōrā, im ro jet remaron̄ in kanne karōk in.
Āinwōt m̧ōttan karōk in un̄n̄are peid make, ritōl ro remaron̄ kōmālim membōr ro n̄an bōk kuņaer ilo juon self-reliance group. Kurup kein rej jipan̄ er kōļapļo̧k kapeel ko im menin jipan̄ ko n̄an jeļāļo̧kjeņ eo em̧m̧an, jerbal, ak kilen kōjparok jāān (lale 22.13). Kurup ko ekkā aer ejaak jen stake im ward ko̧o̧njeļ ko (lale 22.10.2, 22.7).
Bisop eo, ak bar juon ritōl ej jitōn̄e, ej kōjerbal Bishop’s Guide to the Self-Reliance Plan n̄e ej leļo̧k jipan̄. Boom̧ in ej jipan̄ ritōl ro lale em̧m̧anļo̧k eo an membōr eo kōn un̄n̄are peid make.
22.3.4
Jerbal in Karejar n̄an ro rej Aikuj En̄jake
M̧aan in kōrā in jerbal in jipan̄ ro im ritōl ro an ward eo remaron̄ kein kōm̧am̧ōd ilo jipan̄ membōr ro me rej ioon apan̄ ko ilo en̄jake. Kakkōt eo an armej eo kōn apan̄ ko ilo en̄jake maron̄ barāinwōt jelet ro uwaan baam̧ļe eo. Ritōl ro an ward eo rej aikuj leļo̧k rie eo im meļeļe eo n̄an er.
Kabun̄ in ej leļo̧k “Counseling Resources” n̄an jipan̄ ritōl ro jipan̄ membōr ro kōn en̄jake im men ko jet. Kakobaba in menin jipan̄ ko n̄an membōr ro ekoba kein ilaļ:
-
Finding Strength in the Lord: Emotional Resilienc
-
Kemour kōn Rilo̧mo̧o̧r: Būrookraam̧ in Mourtak jān An̄ūrlep
Bisop ro remaron̄ ekōnono ippān rijerbal ro an Family Service n̄an em̧m̧anļo̧k aer meļeļe apan̄ ko ilo en̄jake an membōr eo im n̄an kile kein jipan̄ ko ewōr. Būreejtōn ro an Stake im mijen remaron̄ bar ekōnono ippān Family Service. Rijerbal ro an Family Service remaron̄ jipan̄ ritōl rein etale eļan̄n̄e juon membōr kōn apan̄ ko reļļap an en̄jake im ikitōltōl maron̄ aikuj kapilōk an ritijemļo̧k. Ritōl ro remaron̄ kajjitōk kōn juon iien ekōnono kōn kepaak opiij eo an Family Services ak menija eo an welfare and self-reliance aer. (Lale 31.3.6 kōn meļeļe ko n̄an kepaak.)
Bisop ro remaron̄ leļo̧k etan membōr ro reaikuj ko̧o̧njeļ n̄an rijerball ro an Family Service, ijo ekkar. Rej kōm̧m̧ane menin ilo kōjerbal bisop ortar n̄an jerbal in jipan̄ ko (lale “Bishops’ Orders and Referrals” in LCR). Oktakin, membōr ro remaron̄ pukot jipan̄ jān rikakpilōk ro retijem̧ļo̧k ilo jukjukinpād eo.
Jet iien bisop ro rej kōnono ippān membōr ro ro rej aikuj jipan̄ n̄an ukweļo̧k jen kōm̧m̧an ko renana. Kōm̧m̧an ko renana remaron̄ bōd ko reokļo̧k ak kōm̧m̧an jen an̄ūrlep. Ilo jekjek kein, bisop eo eaikuj leļo̧k unin tōl ko ilo 32.8.1 im 32.8.2.
22.4
Pedped ko n̄an Leļo̧k Jipan̄ jen Kabun̄
Kōn jipan̄ eo an Irooj, membōr ro rej lale n̄an kake n̄an er make im baam̧le ko aer. Ro nukun baam̧le rej kōketak n̄an jipan̄ n̄e aikuj. N̄e membōr ro rej aikuj elōn̄ļo̧k jipan̄, remaron̄ oktakļo̧k n̄an kein jipan̄ ko jet. Jekjek kein remaron̄ koba:
-
Kein jipan̄ ko an kien im jukjuk in pād (lale 22.12).
-
Kein jipan̄ eo an Kabun̄ in jān jortak in jitlo̧k ak wōrtar eo an bisop n̄an m̧ōn̄ā im menin aikuj ko jet (lale 22.3.2).
Jipan̄ ko an Kabun̄ in ej jibadbad eo an n̄an jipan̄ membōr ro kōm̧m̧an bwe ren jutakļo̧k iaer make, jab pād ilo aikuj. Jabdewōt menin jipan̄ eo leļo̧k eaikuj in kōkajoorļo̧k membōr ro ilo kijejeto ko aer n̄an jino un̄n̄are peid make.
N̄e leļo̧k jipan̄ jen Kabun̄ in, ritōl ro rej ļoor pedped in katak ko ilo jekjen in 22.4.1 n̄an 22.4.5. Bisoprik ro im kūlōk ro kar etale pija in alooj eo “Jāān ko Rekwojarjar, Eddo ko Rekwojarjar” dik tata juon alen juon iiō.
22.4.1
Rōjan̄ baam̧le kōn Eddo an Juon Make
Ritōl ro rej katak bwe kajjojo armej im baam̧le ko juon ewōr aer eddo eļap ājmour eo aer make. Mour kōn pedped ko an un̄n̄are peid make, membōr ro enaaj em̧m̧anļo̧k aer maron̄ tōpar aikuj ko aer make ilju im jeklaj (lale 22.1).
M̧okta jān an bisop eo leļo̧k menin jipan̄ ko an Kabun̄ in, bisop eo (ak bar juon ritōl ak member ej jitōn̄e) ej etali ippān membōr ro ta kain jipan̄ ko im jerbal ko renej ņamejļan aikuj ko aermake. Armej in emaron̄ kwaļo̧k jet menin jipan̄ ko n̄an membōr ro n̄an ļōmņaki, ekoba kein jipan̄ ko ilo kien ak jukjukinipād (lale 22.12).
22.4.2
Leļo̧k Menin Jipan̄ ko Raorōk an Kanniōk
Kōttōbar eo n̄an leļo̧k menin jipan̄ an Kabun̄ in ej n̄an tōpar aikuj ko ilo kanniōk ilo an membōr ro kajjieon̄ in jino un̄n̄are peid make. Leļo̧k jipan̄ jen joortak in jitlo̧k ko ekkā an jerbal n̄an kōļļāik men ko raorōk, āinwōt m̧ōn̄ā ko im nuknuk. Ijowōt ke, emaron̄ barāinwōt kōjerbale n̄an kōļļā jikin jokwe, jarom ko, ak jerbal ko an juon make ko āinwōt ko̧o̧njeļ, taktō, ak kaminene in kapeeļ ko ekadu kitien.
Leļo̧k jipan̄ an Kabun̄ in ej meļeļein jipan̄ mour—ejjab kōkm̧anm̧anļo̧k mour. Membōr ro remaron̄ aikuj in rie im meļeļe ilo aer jerbal n̄an kadikļo̧k ak joļo̧k jon̄an jāān joļo̧k.
Bisop eo eaikuj kōjerbal ekajet eo em̧m̧an im pukot tōl an jetōb n̄e ej ļōm̧ņake jon̄an jāān im iien leļo̧k jipan̄. Rej aikuj tiriam̧o im jouj ilo aer jab kōm̧m̧an kalijekļo̧k.
22.4.3
Leļo̧k Kein Jipan̄ ko ak Jerbal Jipan̄ Ijeļo̧kin Jāān
N̄e ekkar, bisop eo eaikuj jab leļo̧k jāān. Ijoke, ej aikuj kōjerbal joortak in jitlo̧k ko ak bisop ortar n̄an leļo̧k m̧ōn̄ā n̄an membōr ro ak jerbal in jipan̄. Membōr remaron̄ kōjerbal jāān ko aer make n̄an kōļļāiki aikuj ko aer jet.
N̄e ejjab bwe menin, bisop eo emaron̄ jipan̄ n̄an kōjerbal joortak in jitlo̧k ko n̄an kōļļāik bill ko raorōk tōm̧bōrāre (lale 22.5.2). N̄e ekkar, kōļļā kein raikuj kajju n̄an eo ej kōm̧m̧ane jerbal in jipan̄ eo (lale 22.5.3).
22.4.4
Leļo̧k Jerbal ak Iien ko Rem̧m̧an n̄an Jerbal in Jipan̄
Bisop eo ej kūrtok ro rej bōk jipan̄ n̄an jerbal ak bōk jerbal in jipan̄ n̄an jon̄an aer maron̄. Menin ejipan̄ membōr ro pād wōt ilo erreeo. Ebarāinwōt kōļapļo̧k maron̄ eo aer n̄an jino un̄n̄are peid make.
Membōr ro me rōrūtto ak ro ewōr nain̄inmej ānbwinier maron̄ in limit n̄an jerbal ak jerbal in jipan̄ eo rej kōm̧m̧ane. Ritōl ro raikuj meļeļe jekjek ko aer im leļo̧k ļōmņak ko jet me ekōm̧m̧an bwe ren kōm̧m̧ane men eo remaron̄e ilo wōt jekjek ko aer.
22.4.5
Dāpij Meļeļe im Ittiņo̧ kōn Jipan̄ an Kabun̄
Bisop eo im ritōl jet an ward rej dāpij ittiņo̧ in jabdewōt meļeļe kōn membōr ro me Kabun̄ in emaron̄ jipan̄ er. Menin ekōjparok jim̧we im maron̄ eo an membōr eo. (Lale 31.3.)
Membōr ro rej bōk jipan̄ raikuj kile aorōk eo ekwojarjar an joortak in jitlo̧k ko im bisop ortar. Rej aikuj kea kōn jabdewōt menin jipan̄ eo rej bōke kōn leke im kautiej.
Jet iien emaron̄ jipan̄ bwe ward ko̧o̧njeļ eo ak ro jet ren jeļā kōn aikuj ko an kajjojo armej ak baam̧le. Juon waanjon̄ak ej n̄e membōr eo ej kappuk jerbal. Ilo jekjek rōt in, ekkā an bisop eo im ritōl ro jet pukōt mālim eo an mem̧bōr ro rej aikuj n̄an kwaļo̧k meļeļe ko kōn jekjek ko aer.
22.5
Kakien ko n̄an Leļo̧k Jipan̄ jen Kabun̄
Ritōl ro an Kabun̄ in rej aikuj ļoor kakien ko kar kwaļo̧k ilo jekjōn in n̄e leļo̧k menin jipan̄.
22.5.1
Kakien ko Kōn Armej eo ej Bōk Jipan̄ jen Kabun̄
22.5.1.1
Jipan̄ n̄an Ward Membōr ro
Ilo m̧ool, membōr ro rej bōk jipan̄ jen Kabun̄ eaikuj joke ilo lowaan ward eo im rekoot membōr ko aer repād ilo ward eo. Jipan̄ emaron̄ leļo̧k jekdoon ewi jon̄an an membōr eo pād ilo kweilo̧k ko an Kabun̄ in ak ļoor jon̄ak ko an Kabun̄ in.
N̄e membōr ej kab em̧m̧akūt tok n̄an ward eo, bisop eo ej kūrļo̧k bisop eo m̧okta im kōnono kōn jekjek eo an armej eo m̧okta jen leļo̧k jipan̄. Bisop ro remaron̄ bar etale jabdewōt jipan̄ kar leļo̧k jilu iiō m̧oktaļo̧k ilo “Finance” jekjen ilo LCR.
22.5.1.2
Jipan̄ n̄an Bisop ro im Stake Būreejtōn ro
Emaron̄ wōr juon iien bisop ak ro uwaan baam̧le eo an ak ro nukun baam̧le eo an ro rej jokwe ilowaan ward eo remaron̄ aikuj jipan̄ jen Kabun̄ in. N̄e menin ej waļo̧k, bisop eo ej etale aikuj ko im kajjitōk in jipan̄ eo ippān stake būreejtōn eo. Stake būreejtōn eo ej je kōmālim eo m̧okta jen an juon bisop kōjerbal joortak in jitlo̧k eo ak mālim in juon bisop ortar n̄an e make im baam̧le eo an.
Eļan̄n̄e ekar m̧ōj kōjerbali jāān in joortak im jitlo̧k ko, stake būreejtōn ej etale piiļ ko im jon̄an jāān ko jet m̧okta jān an kōmālim kōļļā eo. Bisop eo eban maron̄ kōmālim juon kōļļā n̄an e make ak baam̧le eo an.
N̄e juon stake būreejtōn ak ro uwaan baam̧le eo an ak ro nukun baam̧le eo an ro rej jokwe ilowaan ward eo remaron̄ aikuj jipan̄, ej kūrļo̧k bisop eo. Bisop eo ej ļoor ejja pedped in katak ko im unin tōl ko kōn jipan̄ jen Kabun̄ in me emaron̄ n̄an membōr ro jet. Ijoke, n̄e bisop eo ej kōmālim kajjitōk eo, stake būreejtōn eo ej jilkinļo̧k n̄an Eria Būreejtōnji eo. Stake būreejtōn eo im bisop eo rej kōttar mālim eo ilo jeje jān juon membōr in Eria Būreejtōnji eo m̧okta jen an kōm̧m̧an kōļļā eo ak ortar eo. (Eļan̄n̄e juon district būreejtōn ej aikuj jipan̄, kōmālim ej pukōte jān mijen būreejtōn eo ijello̧kin jān Eria Būreejtōnji eo.)
22.5.1.3
Jipan̄ n̄an Membōr ro Rej Jibokwe ak Ejjeļo̧k Jikin Aer Jokwe
Bisop ro remaron̄ jipan̄ membōr ro im ro jet ro rejibokwe im ejjeļo̧k jikin aer jokwe. Ijoke, rej lukkuun lale kain rot im jon̄an jipan̄ eo leļo̧k. Kar kapilōk er n̄an kōnono ippān ward bisop eo an armej eo m̧okta jen leļo̧k jipan̄.
Ilo m̧ool bisop eo ej kūrtok membōr ro rejibokwe im ejjeļo̧k jikin aer jokwe me rej bōk jipan̄ n̄an ebbōk jerbal im iien em̧m̧an n̄an jerbal in jipan̄. Bisop eo emaron̄ bar leļo̧k membōr rein n̄an menin jipan̄ an jukjukin pād eo me ebwe n̄an kake aikuj ko aer.
Pedped ioon aikuj eo, juon stake būreejtōn emaron̄ jitōn̄ juon bisop n̄an lale aolep kajjitōk ko rej itok n̄an stake eo jān armej ro rejibokwe im ejjeļo̧k jikin aer jokwe. Ilo eria ko jet ewōr juon jikin kōjenoļo̧ke ilo stake ko reļļap kōn oraņ bōnbōn eo eļap kōn armej ro rejibokwe im ro ejjeļo̧k jikier. Ilo jekjek kein, Eria Būreejtōnji eo emaron̄ kūr juon specialist an welfare im self-reliance n̄an jipan̄ er kōn aikuij ko aer. Armej in aikuj in kar jerbal āinwōt juon bisop.
22.5.1.4
Jipan̄ n̄an Armej Rejjab Membōr in Kabun̄ in
Armej ro rejjab membōr in Kabun̄ in ekkā wōt an etal etaer n̄an kien eo ijo jokwe ie n̄an jipan̄. Jet iien, n̄e tōl jān Jetōb, bisop eo emaron̄ jipan̄ er kōn joortak in jitlo̧k ak wōrtar an bisop. N̄an waanjon̄ak, bisop eo emaron̄ ļōmņak in jipan̄ ro jinen im jemen ak rikōjparok eo eo ejjab membōr in Kabun̄ in ak juon ak elōn̄ļo̧k ajri ro me rej membōr in Kabun̄ in.
22.5.2
Kakien ko n̄an Kōjerbal Joortak in Jitlo̧k ko
22.5.2.1
Taktō ak Ājmour ko Jet
Kajjo eria ilo Kabun̄ in em̧ōj an kōmālim jon̄an kōjerbal joortak in jitlo̧k ko n̄an kōļļā wōnāān taktō, kōm̧m̧an n̄ii, ak wōnāān taktō in jorrāān in kōmālij. Jon̄an emaron̄ in dik ilo jet jikin ak laļ ko jet.
N̄e bisop eo ej kōjerbal joortak in jitlo̧k n̄an jipan̄ kōļļā wōnāān taktō, kōm̧m̧an n̄ii, ak wōnāān taktō in jorrāān in kōmālij, rej jab aikuj eļļā jen limit kein n̄e ejjeļo̧k mālim. N̄an wōnāān jon̄an eo kar kōmālimi im unin tōl ko, lale “Use of Fast Offerings for Medical Expenses.”
22.5.2.2
Muri im Likjab in Bajinej ko ak Wōrļo̧k ko
Joortak in jitlo̧k ko rejjab maron̄ kōļļāik m̧uri eo an armej eo, āinwōt credit card ak m̧uri in loan. Ak joortak in jitlo̧k ko remaron̄ in kōļļā likab in m̧uri ilo bajinej ko ak wōrļo̧k.
22.5.2.3
Kōro̧o̧l Jāān in Joortak in Jitlo̧k ko
Membōr ro rejjab aikuj bar kōro̧o̧l jāān in joortak in jitlo̧k in jipan̄ eo raar bōke jān Kabun̄ in.
22.5.2.4
Jon̄an Jāān in an Ward eo Kōjerbal Joortak in Jitlo̧k ko
Bisop ro ejjeļo̧k limit in aer leļo̧k jon̄an jipan̄ jen joortak in jitlo̧k ko n̄an membōr ro jen jon̄an jāān ko rej bōk jen ward eo.
22.5.3
Kakien ko N̄an Kōm̧m̧an Kōļļā
N̄e ekkar, kōļļā ko raikuj in kajju kōm̧m̧an n̄an m̧ōņwia ko me ej leļo̧k men ko ak jerbal in jipan̄ ko. Kōļļā ko ren jab kōm̧m̧an n̄an armej eo ej bōk jipan̄.
Membōr in bisoprik eo im kūļōk ro ren ļoor kakien in jāān ko kar ellaajrak ilo 34.5.7 n̄e:
-
Kepooj juon jeek.
-
Kepooj kōļļā ko ilo electronic.
-
Kadiwōj jāān n̄an kōļļā joortak in jitlo̧k ko.
22.5.4
Kakien ko kōn Kōļļā ko Me Emaron̄ Kōjeraam̧m̧an juon Bisop ak Stake Būreejtōn
N̄e leļo̧k jipan̄ in joortak in jitlo̧k ko, bisop ejjab maron̄ kōjerbal jāān ko n̄an kōļļāik men ko rem̧m̧an ak jerbal in jipan̄ ko ilo juon wāween me emaron̄ kōjeraam̧m̧an e make. Jabdewōt elmakwot ko eaikuj kōmālim jān stake būreejtōn eo. N̄an waanjon̄ak, n̄e m̧ōņ bisop eo m̧weeo membōr ro rej jokwe ie, ej jab aikuj in kōjerbal joorak in jitlo̧k ko n̄an kōļļāik reen ko an membōr ro m̧ae iien stake būreeejtōn eo ej kōmālimi.
N̄e kōļļā in joortak in jitlo̧k ko n̄an membōr eo me emaron̄ kōjeraam̧m̧an stake būreejtōn eo ak m̧ōnwia eo an make, Eria Būreejtōnji eo eaikuj kōmālimi. Ilo iien eo bisop eo ej kōmālim kōļļā eo, stake būreejtōn eo ej jilkinļo̧k kajjitōk eo n̄an Eria Būreejtōnji eo. Stake būreejtōn eo im bisop eo rej kōttar jeje in mālim eo jān juon membōr in Eria Būreejtōnji eo m̧okta jen an kōm̧m̧an kōļļā eo.
22.5.5
Kōjparok ņae Bōd in Kōjerbal Jāān
Bisoprik ro im kūlōk ro reaikuj kōjparok jāān in joortak in jitlo̧k ko jān bōd in kōjerbale. N̄an kajjitōk ko ak n̄an riboote bōd in kōjerbal jipan̄ jen Kabun̄ in ak koot, membōr in bisoprik ro ak kūlōk ro ilo United States im Canada remaron̄ kūrļo̧k help line eo ilo 1-800-453-3860, extension 2-7887. Membōr in bisoprik ro ak kūlōk ro ilikin United States im Canada remaron̄ kūrļo̧k eria opiij eo aer.
22.6
Eddo ko an Ward Ritōl ro
22.6.1
Bisop im Rikakpilōklōk ro An
Bisop eo ewōr juon an kakien ekwojarjar n̄an pukōt ļo̧k im kea kake rijeram̧ōļ ro (lale Katak im Bujen Ko 84:112). Ej leļo̧k enan̄in aolepen jerbal in n̄an būreejtōnji ko an Doulul eo an Kōrā ro im doulul eo an elder ro. Ijoke, jet eddo rej kōmālim jen bisop eo wōt. N̄an waanjon̄ak, bisop eo:
-
Kalikkar kain rot, jon̄an jāān, im iien kar jabdewōt jipan̄ kar leļo̧k.
-
Ej kōmālim jortak in jitlo̧k jipan̄ eo (lale 22.4 im 22.5) im wōrtar eo an bisop (lale 22.13).
-
Kanooj lale bwe pedped in katak ko im kakien ko n̄an leļo̧k jipan̄ rej ļo̧o̧ri (lale 22.4 im 22.5).
-
Etale karōk ko an membōr ro make n̄an un̄n̄are peid make. E ej jitōn̄ ward ritōl ro jet n̄an lale karōk ko n̄e ekkar. (lale Self-Reliance Plan im Bishop’s Guide to the Self-Reliance Plan.)
Bisop eo im rikakpilōklōk ro an ewōr aer eddo kein ilaļ:
-
Katakin pedped in katak ko im kōjeraam̧m̧an ko reiokļo̧k (1) kea kōn ro ewōr aer aikuj ilo kanniōk im en̄jake im (2) kalōk un̄are peid make (lale 22.1). Ekoba keppopo eo an juon make im baam̧le.
-
Katakin im rōjan̄ membōr ro n̄an mour kake kien jitlo̧k im leļo̧k joortak in jitlo̧k ko (lale 22.2.2
-
Lale im bwine joortak in jitlo̧k ko (lale 34.3.2).
Āinwōt būreejtōnji eo an Priesthood eo an Aron, bisorik ro rej lale jerbal ko an doulul ko an Priesthood eo an Aron im kūlaaj ko an Doulul eo an Jiron̄ ro n̄an jipan̄ ro rej aikuj ilo kanniōk ilo ward im jukjukinpād eo (lale 10.2.2 im 11.2.2). Kijejeto kein rej kōtōbalbal jān kweilo̧k in ko̧o̧njeļ ko an jodikdik ro an ward eo (lale 22.8) im ilo kweilo̧k ko an būreejtōnji eo an kūlaaj eo (lale 10.4.3 im 11.3.4.2).
22.6.2
Būreejtōnji eo an Doulul eo an Kōrā ro im Doulul eo an Elder ro
Ium̧win tōl eo an bisop eo, būreejtōnji eo an Doulul eo an Kōrā ro im doulul eo an elder ro ewōr aer eddo n̄an kea kake ro rej pād ilo aikuj ilo ward eo (lale 8.2.2 im 9.2.2). Ritōl rein rej katakin ward membōr ro n̄an:
-
Jerbal in karejar n̄an ro rej pād ilo aikuj.
-
Mour kōn kien jitlo̧k.
-
Kōļapļo̧k un̄are peid make.
-
Kōļapaļo̧k keppopo eo an juon make im baam̧le.
Ilo bar jet jikin, ewōr an bisop eo maron̄ n̄an kāālet n̄an leļo̧k jipan̄ n̄an membōr ro ilo an kōm̧m̧ane wōrtōr eo an ikkijeen m̧ōn̄ā im aikuj ko jet (lale 22.13). Bisop eo ekkā an jitōn̄ būreejtōn eo an Doulul eo an Kōrā ro n̄an loļo̧k membōr ro bwe ren kanne pepa in wōrtōr eo (lale 9.2.2.2). Ijoke, emaron̄ barāinwōt jitōn̄ būreejtōn eo an doulul eo an em̧m̧aan ro (lale 8.2.2.2). Juon rikakpilōklōk ilo Doulul eo an Kōrā ro ak būreejtōnji eo an doulul eo an elder ro remaron̄ jitōn̄ er eļan̄n̄e būreejtōn eo ejjab maron̄ pād. Ritōl eo em̧ōj jitōn̄e ej leļo̧k peba in kanne eo em̧ōj kanne n̄an bisop eo n̄an kōweppāne.
22.6.3
Rikarejar Jeiū ak Jatū M̧aan im Kōrā
Leļo̧k jipan̄ in jetōb im kanniōk ekkā an ijjino kōn jerbal in karejar an jeiū ak jatū m̧aan im kōrā (lale 21.1). Rej ribooti aikuj ko an ro rej jerbal n̄an er n̄an būreejtōnji ko an priesthood eo im ritōl ro an Doulul eo an Kōrā ilo intōrpiu ko an jrbal in krejar im iien ko jet. Remaron̄ kwaļo̧k meļeļe ko rettiņo̧ kajju n̄an ippān bisop eo.
22.6.4
Rijipan̄ an menin jipan̄ an ward im un̄n̄are peid make
Bisoprik ro remaron̄ kūr kajjojo armej ak ripālele āinwōt rijipan̄ an menin jipan̄ an ward im un̄n̄are peid make. Rijipan̄ rein rej jipan̄ ward ritōl ro ilo jerbal ko aer n̄an kea kake ro jet im jipan̄ er jino un̄n̄are peid make.
Rijipan̄ ro remaron̄ in ijjitōn̄ n̄an eria ko rekkar. Ekoba men kein ilaļ:
-
Jerbal.
-
Jeļāļo̧kjeņ.
-
M̧aanjabpopo.
-
Ājmour ilo en̄jake.
-
Ōn.
-
Jāān ko an juon make.
Bisoprik ro remaron̄ bar kajjitōk ippān rijipan̄ ro n̄an jipan̄ lale ak karōke self-reliance groups. Kurup kein ekkā aer ejaak jān stake ak ward ko̧o̧njeļ eo.
22.6.5
Kōmeļeļe in Kūr ko im Jerbal ko
Tabōļ in ilaļ ej kōmeļeļein kūr ko im jerbal ko kar kōnono ilo 22.6.
|
Kūr |
Loļo̧k im Leļo̧k Jipan̄ |
Katakin Pedped ko an Un̄n̄are Peid Make |
Jipan̄ Membōr ro kōn juon Kōttōbar an Un̄n̄are Peid Make |
Kōmālim Jipan̄ Joortak in Jitlo̧k ko ak Bisop Ortar |
|---|---|---|---|---|
Kūr Bisop | Loļo̧k im Leļo̧k Jipan̄ Emaron̄, ak ekkā an leļo̧k | Katakin Pedped ko an Un̄n̄are Peid Make Aet | Jipan̄ Membōr ro kōn juon Kōttōbar an Un̄n̄are Peid Make Emaron̄, ak ekkā an leļo̧k | Kōmālim Jipan̄ Joortak in Jitlo̧k ko ak Bisop Ortar Aet |
Kūr Būreejtōnji ro an Doulul eo an Kōrā ro im doulul eo an elder ro | Loļo̧k im Leļo̧k Jipan̄ Aet | Katakin Pedped ko an Un̄n̄are Peid Make Aet | Jipan̄ Membōr ro kōn juon Kōttōbar an Un̄n̄are Peid Make N̄e kar jitōn̄e | Kōmālim Jipan̄ Joortak in Jitlo̧k ko ak Bisop Ortar Jaab |
Kūr Rikarejar Jeiū ak Jatū m̧aan im kōrā | Loļo̧k im Leļo̧k Jipan̄ Aet | Katakin Pedped ko an Un̄n̄are Peid Make Aet | Jipan̄ Membōr ro kōn juon Kōttōbar an Un̄n̄are Peid Make N̄e kar jitōn̄e | Kōmālim Jipan̄ Joortak in Jitlo̧k ko ak Bisop Ortar Jaab |
Kūr Rijipan̄ an menin jipan̄ an ward im un̄n̄are peid make (n̄e kar kūri) | Loļo̧k im Leļo̧k Jipan̄ N̄e kar jitōn̄e | Katakin Pedped ko an Un̄n̄are Peid Make N̄e kar jitōn̄e | Jipan̄ Membōr ro kōn juon Kōttōbar an Un̄n̄are Peid Make N̄e kar jitōn̄ | Kōmālim Jipan̄ Joortak in Jitlo̧k ko ak Bisop Ortar Jaab |
22.7
Jerbal eo an Ward ko̧o̧njeļ
Juon jerbal eaorōk an ward ko̧o̧njeļ ej n̄an karōk elmen n̄an kea kake ro rej pād ilo aikuj im n̄an jipan̄ er jino un̄n̄are peid make (lale 4.4). Ilo ekōnono eo kōn aikuj ko an membōr ro, ko̧o̧njeļ eo rej kautiej kōņaan ko an ro rej kajjitōk ilo ittiņo̧.
Ilo an ward ko̧o̧njeļ ļōmņake elmen kea kake ro rej pād ilo aikuj ilo kanniōk im jetōb, rej kōm̧m̧ani men kein ilaļ:
-
Karōk wāween ko n̄an katakin ward membōr ro mour kake pedped ko an un̄n̄are peid make (lale 22.1).
-
Karōk wāween ko n̄an jipan̄ ro relukkuun aikuj jipan̄, āinwōt ro rejjab jerbal, im ro me aikuj ko aer aitok kitier, ko āinwōt jorrāān ilo ājmour im nan̄inmej in ānbwin.
-
Kile membōr ro an ward eo me kapeel ko aer remaron̄ jipan̄ ilo ņa mejļan aikuj ko.
-
Kile jerbal ko rej bellak n̄an ro rej bōk jipan̄ jān mennin jipan̄ an Kabun̄ in.
-
Kalikkar membōr ro remaron̄ bōk kuņaer ilo self-reliance group. Kurup kein ekkā aer ejaak jān stake ak ward ko̧o̧njeļ ko.
-
Kalikkar kien ko jet, jukjukin pād eo, ak menin jipan̄ ko an Kabun̄ me emaron̄ kōjeraam̧m̧an membōr ro (lale 22.12 im 22.13).
-
Karōk wāween ko n̄anleļo̧k jerbal in jipan̄ ilo jukukinpād eo. Ijo JustServe.org elōn̄ ie, emaron̄ in jerbal n̄an kalikkar kain jerbal in jipan̄ rot eo.
Ward ko̧o̧njeļ ko rej barāinwōt ejaake juon karōk epidodo n̄an ward eo n̄an an ņamejļan jorrāān ko redin̄. Karōk in eaikuj in lale ippān karōk eo an stake kōn menin idin̄ ko (lale “Stake and Ward Preparedness”; bar lale 22.9.1.3 ilo bok in tōl in).
Rijipan̄ an menin jipan̄ an ward im un̄n̄are peid make maron̄ kūrtok er n̄an kweilo̧k ko an ward ko̧o̧njel n̄e ekkar.
22.8
Jerbal eo an Ko̧o̧njeļ eo an Jodikdik ro ilo Ward
Juon jibadbad an ko̧o̧njeļ eo an jodikdik an ward ej n̄an jipan̄ jodikdik ro erom rikaļoor ro an Jisōs Kraist rōwijilepļo̧k (lale 29.2.6). Ium̧win oņake eo an bisoprik eo, ko̧o̧njeļ eo an jodikdik an ward eo ej karōk wāween ko n̄an jerbal ro rej pād ilo aikuj ilo ward eo im jukjuk in pād eo aer.
Makūtkūt ko kōn jerbal in jipan̄ ko rekkar maron̄ karōk ilo iien kweilo̧k ak kūlaaj ko an doulul. Ijo JustServe.org elōn̄ ie, emaron̄ in jerbal n̄an leļo̧k iien ko rem̧m̧an n̄an jerbal in jipan̄ ilo jukjukin pād eo.
22.9
Eddo ko an Ritōl ro an Stake
22.9.1
Stake Būreejtōn im Rikakapilōklōk ro An
Stake Būreejtōn eo im rikakapilōklōk ro an rej tōl jerbal in karejar n̄an ro rej aikuj ilo kanniōk im en̄jake im kalōk un̄n̄are peid make. Būreejtōnji an Doulul eo an Kōrā ro an Stake, high ko̧o̧njeļ ro, im membōr in ko̧o̧njeļ ro jet remaron̄ jipan̄ er.
Stake būreejtōn eo im rikakpilōklōk ro an ewōr ippāer jerbal kein:
-
Katakin pedped in katak ko im kōjeraam̧m̧an ko reiokļo̧k (1) kea kōn ro ewōr aer aikuj ilo kanniōk im en̄jake im (2) kalōk un̄are pid mke (lale 22.1).
-
Katakin im rōjan̄ membōr ro n̄an mour kake kien jitlo̧k im leļo̧k joortak in jitlo̧k ko (lale 22.2.2
-
Katakin bisop ro elmen leļo̧k jipan̄ an Kabun̄ n̄an ro ewōr aikuj ko ilo kanniōk (lale 22.9.1).
-
Lale bwe būreejtōn ro an doulul eo an elder ro im Doulul eo an Kōrā ro rej ekkatak eddo ko aer n̄an kea kōn ro rej pād ilo aikuj. Aaet ko̧o̧njeļ ro im būreejtōnji ko an Douljl eo an Doulul eo an Kōrā ro maron̄ jipan̄ katakin ritōl rein (lale 22.9.2 im 22.9.3)
-
Tōl kijejeto ko an stake n̄an kōppopo n̄an im jelm̧ae jorrāān ko reidin̄ (lale 5.1.3
Būreejtōn eo an Būraimere ewōr ippān jerbal kein:
-
Etale kajjitōk ko kōn joortak in jitlo̧k ko kōn wōnāān taktō me ejabwe kōmālim eo an juon bisop. Stake būreejtōn eo ej kōmālim kajjitōk ko kōn jon̄an limit eo an. Ej jilkinļo̧k kajjitōk ko me elimit n̄an an kōmālimi n̄an Eria Būreejtōnji eo n̄an ļōmņak kake (lale 22.5.2.1).
-
Etale jabdewōt kajjitōk jen jipan̄ an Kabun̄ in n̄an bisop ro (lale 22.5.1).
-
Jerbal āinwōt juon agent stake būreejtōn n̄an lale mennin jipan̄ im un̄n̄are peid make n̄e kar jitōn̄e (lale 22.9.1.2).
Stake būreejtōnji eo emaron̄ jitōn̄ juon ak elōn̄ļo̧k high ko̧o̧njeļ ro n̄an jipan̄ lale jerbal ko n̄an kea kake ro rej pād ilo aikuj lo kanniōk ilo stake eo (lale 22.9.2). N̄e ekkar, stake būreejtōnji eo emaron̄ kūr rijipan̄ ro an menin jipan̄ im un̄n̄are peid make an stake eo n̄an jipan̄ ilo kijejeto kein (lale 22.9.4).
22.9.1.1
Katakin Bisop ro Pedped in Katak ko n̄an Leļo̧k Jipan̄ an Kabun̄
Stake būreejtōn eo en lale bwe bisop ro ro ren kea kōn ro rej aikuj ilo kanniōk ilo ward ko aer. Ej katakin bisop ro pedped in katak ko im kakien ko n̄an leļo̧k jipan̄ an Kabun̄ (lale 22.4 im 22.5).
Ilo intōrpiu ko an ippān bisop ro, stake būreejtōn eo ej etale kōļļā in joortak in jitlo̧k ko jān financial statement eo an kajjojo allōn̄ ilo ward eo. Ej bar kōnono ippān kajjojo bisop kōn pedped in katak ko ej kōjerbali n̄an jipan̄ membōr ro. Ej ko̧o̧njeļ ippān bisop eo kōn jabdewōt kōļļā ak jon̄ak ilo statement eo me emaron̄ kwaļo̧k likjab in jim̧we in pedped in katak ko.
Pedped in katak ko im imminene ko n̄an leļo̧k jipan̄ an Kabun̄ rej bar kōnono ilo ko̧o̧njeļ eo en stake bisop (lale 22.11).
Stake būreejtōn eo ej lukkuun lolorjake bwe bisoprik ro im kūļōk ro ren etale kamminene eo ilo video eo “Jāān ko Rekwojarjar, Eddo ko Rekwojarjar” diktata juon katten juon iiō.
22.9.1.2
Jerbal āinwōt Āijen Stake Būreejtōn n̄an Jerbali Menin Jipan̄ ko an Kabun̄
Ijo ekkar, Eria Būreejtōnji eo ej jitōn̄ juon agent stake būreejtōn n̄an kajjojo jerbal ko an menin jipan̄ im un̄n̄are peid make ilo eria eo aer. Waanjon̄ak ko kōn kain jerbal rōt kein ekoba:
-
Im̧ōn kakkoņkoņ ko an bisop.
-
Opiij ko an Family Services.
-
Mōn wia ko an Deseret Industries.
Jitōn̄ stake būreejtōn eo ejipan̄ lo rej baļentier n̄an jipan̄ aikuj ko an jerbal in. Baļentier ro remaron̄ itok jān agent stake eo im jān stake ko jet n̄an jerbal.
Agent stake būreejtōn eo ej ejaak juon agent stake kamiti in jerbal n̄an lale m̧akūtkūt in jerbal in. Ro uwaan kamiti eo ekoba:
-
Stake būreejtōn eo ak rikakpilōklōk eo kar kappeik
-
Juon high ko̧o̧njeļ.
-
Juon membōr in stake būreejtōnji eo an Doulul eo an Kōrā ro.
-
Menija eo an jerbal eo.
-
Ritijem̧ļo̧k ko an welfare im self-reliance n̄e aikuj.
22.9.1.3
Jipan̄ n̄an Iien Idin̄
Stake būreejtōn eo ej lale jipan̄ n̄an iien idin̄ ko an Kabun̄ im iaļ leto-letak enaan ko ilo stake eo an. Ilo iien jerata me ekitbuuj elōn̄ļo̧k juon stake, Eria Būreejtōnji eo ak Eria Jiljilimjuonn̄oul eo kar jitōn̄e maron̄ lale ialen leto-letak ennaan. Menija eo an menin jipan̄ im un̄n̄are peid make ej jipan̄ eria eo im stake ritōl ro ilo jerbal kein.
Stake būreejtōn eo emaron̄ kūr rijipan̄ ro an menin jipan̄ im un̄n̄are peid make n̄an lale emergency operation center ko, lale iaļen leto-letak ennaan, ak lale safety ko. N̄e ekkar, Eria Būreejtōnji eo ak juon Eria Jiljilimjuonn̄oul emaron̄ jitōn̄ rijipan̄ rein ilo eria ļabōļ ko ak ļabōļ in ko̧o̧njeļ ko.
Jeiū ak jatū m̧aan im kōrā rej riboote jekjek ko im aikuj ko an membōr ro n̄an ritōl ro an doulul ko im Doulul eoan Kōrā ro. Ritōl rein rej riboote n̄an bisop eo, eo ej riboot n̄an stake būreejtōnji eo.
Stake būreejtōnji eo ej riboote meļeļe ko n̄an (1) Eria Būreejtōnji eo ak juon Eria Jiljilimjuonn̄oul eo kar jitōn̄e im (2) menija eo an menin jipan̄ im un̄n̄are peid make. Riboot in ekoba jekjek ko an membōr ro, mijinede ro, im̧ōnjar ko an Kabun̄ in, im jukjukinpād eo. N̄e membōr ro an Kabun̄ rekar lanwōtwōt jen juon jerata, bisop ro remaron̄ kōjerbal joortak in jitlo̧k ko n̄an jipan̄ tōpar aikuj ko aer.
IStake būreejtōn eo ej kōmālim meļeļe ko n̄an jabdewōt armej me rej diwōjtok imejatoto jān ippān Kabun̄ in. E ej kōtōbalbal menin ippān tōrāāktōr eo an stake communicaiton eo eļan̄n̄e juon kar kūr (lale 5.2.1.7). E emaron̄ jerbal āinwōt rikōnono an Kabun̄ n̄an uwaaki kajjitōk ko jān media. E emaron̄ bar jitōn̄ stake tōreektōr eo ak bar juon rikōnono bwe en kōm̧m̧ane. Ilo iien jerata me ekitbuuj elōn̄ļo̧k juon stake, Eria Būreejtōnji eo ak Eria Jiljilimjuonn̄oul eo kar jitōn̄e maron̄ lale ialen leto-letak ennaan.
Ritōl ro an Kabun̄ in remaron̄ kōm̧m̧an bwe kein jipan̄ ko an Kabun̄ in ren pād n̄an rikien ro ilo iien idin̄. Kōn mālim eo Eria Būreejtōnji eo, m̧ōko im̧ōn Kabun̄ (ijello̧kin tampeļ ko) emaron̄ in kar jerbal āinwōt jikin kōppād ko, jikin taktō ko, jikin m̧ōn̄ā ko, im jikin koone ilo iien idin̄ ko. N̄an kōjerbal im̧ōnjar ko an Kabun̄ in eaikuj lale ippān menija eo an facilities me kar jitōn̄e. Ilo bar doulul in jipan̄ ko jet ak jukjukinipād em̧m̧an n̄an kōjerbale im̧ōnjar eo, juon koņ eaikuj in jain. Lale “Use of Church Buildings in a Disaster” n̄an eļapļo̧k meļeļe.
Elōn̄ļo̧k meļeļe ilo “Emergency Response Procedures.”
22.9.2
High ko̧o̧njeļ ro
High ko̧o̧njeļ ro kar ijjitōn̄ n̄an kajjojo doulul ko an elder rej jipan̄ būreejtōnji ko eddo ko aer n̄an kea kake ro rej pād ilo aikuj im jipan̄ er kalōk un̄n̄are peid make (lale 22.6.2).
Stake būreejtōnji eo emaron̄ bar jitōn̄ juon ak elōn̄ļo̧k high ko̧o̧njeļ ro n̄an kōm̧m̧an men kein ilaļ:
-
Jipan̄ kaktakin rijipan̄ ro an menin jipan̄ an ward im un̄n̄are peid make eddo ko aer, n̄e rijipan̄ ro kar kūr (lale 22.9.4 im 22.6.4).
-
Lale jerbal ko an baļentier ro n̄an menin jipan̄ im un̄n̄are peid make.
-
Jerbal ilo kurup in jerbal ko me ej lale menin jipan̄ ko reiokļo̧k un̄n̄are peid make ak jerbal in jipan̄ ilo jukjukinpād eo (lale 22.10.2).
Ilo stake ko me rej waļo̧k jen menin jipan̄ im un̄n̄are peid make, juon high ko̧o̧njeļ emaron̄ kajjitōk bwe en jerbal ilo kamiti eo an agent stake eo (lale 22.9.1.2).
22.9.3
Būreejtōnji an Doulul eo an Kōrā ro an Stake
Stake būreejtōnji eo an Doulul eo an Kōrā ro rej jipan̄ ward būreejtōnji an Doulul eo an Kōrā ro ilo eddo ko aer n̄an kea kake ro rej pād ilo aikuj im n̄an jipan̄ er kalōk un̄are peid make (lale 22.6.2).
Ro uwaan Stake būreejtōnji eo an Doulul eo an Kōrā ro maron̄ kajjitōk bwe ren jerbal ilo kurup in jerbal ko me ej lale menin jipan̄ ko reiokļo̧k un̄n̄are peid make ak jerbal in jipan̄ ilo jukjukinpād eo (lale 22.10.2). Ilo stake ko me rej waļo̧k jen menin jipan̄ im un̄n̄are peid make, juon high ko̧o̧njeļ emaron̄ kajjitōk bwe en jerbal ilo kamiti eo an agent stake eo (lale 22.9.1.2)
22.9.4
Rijipan̄ an Mnin Jpan̄ an Sake im Un̄are Pid Mke
N̄e ekkar, stake būreejtōnji eo emaron̄ kur kajjojo armej ak ripālale āinwōt an menin jipan̄ an stake im un̄n̄are peid make.
Rijipan̄ ro remaron̄ in jitōn̄ n̄an eria ko rekkar. Rej maron̄ kajjitōk n̄an:
-
Jipan̄ ak lale self-reliance groups ak addiction recovery groups. Kurup kein ekkā aer ejaak jān stake ak ward ko̧o̧njeļ eo.
-
Jipan̄ membōr kappuk jerbal ak jeļāļo̧k ko rem̧m̧an.
-
Jerbal āinwōt BYU–Pathway Worldwide service missionaries or volunteers.
-
Leļo̧k pepe ko im kein jipan̄ ko n̄an jipan̄ stake membōr ro kōļapļo̧k keppopo ilo kanniōk 22.1.4).
-
Jipan̄ keppopo n̄an ak jipan̄ n̄an Iien idin̄ (lale 22.9.1.3).
-
Kwaļo̧k meļeļe kōn kien ko repād, jukjukinpād, im menin jipan̄ jen Kabun̄ ippān membōr ro (lale 22.12 im 22.13).
Rijipan̄ ro an stake rej lale jerbal ko ippān rijipan̄ menin jipan̄ im un̄n̄are peid make ro rekar kūr jen ward ko.
22.10
Jerbal eo an Stake Ko̧o̧njeļ
Membōr ro an stake ko̧o̧njeļ eo rej kōnono kōn aikuj ko an stake membōr ro im karōk wāween n̄an jipan̄ membōr ro jino un̄n̄are peid make (lale 29.3.7). Rej kalikkar meni jipan̄ ko ilo jukjukinpād eo me stake eo emaron̄ in jipan̄ ritōl ro an ward n̄an kea n̄an kake aikuj ko an membōr ro ilo kanniōk im en̄jake (lale 22.12 im 22.13). Rej ejaake im kōjparoke juon pepe eo em̧ōj je epidodo n̄an an stake eo uwaak n̄an idin̄ ko (lale “Stake im Ward Preparedness”). Stake ko̧o̧njeļ ko remaron̄ karōk wāween ko n̄an leļo̧k jerbal in jipan̄ ilo jukjukinpād eo.
22.10.1
Lale Menin Jipan̄ ko jen Stake
Pedped ioon ijo jokwe ie, stake ko̧o̧njeļ eo emaron̄ bōk ak lale jabddewōt menin jipan̄ ko aikuji. Menin jipan̄ kein remaron̄ jipan̄ stake membōr ro kalōk un̄n̄are peid make ak bōk kuņaad ilo jerbal in jipan̄ ilo jukjukinpād.
-
Kurup in un̄n̄are peid make ilo employment, self employment, education, personal finances, ak emotional resilience
-
Kemour kōn Rilo̧mo̧o̧r: Būrookraam̧ in Mourtak jān An̄ūrlep
-
JustServe (lale JustServe Community Service Guidebook)
-
Juon tōreektōri in kien an ijo jokwe ie im menin jipan̄ ko an jukjukinpād me rej jipan̄ ro rej pād ilo aikuj 22.12 n̄an waanjon̄ak )
22.10.2
Kurup in Jerbal ko
N̄an jipan̄ ejaake im lale menin jipan̄ ko kar ellaajrak ilo 22.10.1, stake būreejtōnji eo emaron̄ jipan̄ kurup jerbal ko, āinwōt JustServe ilo kurup in jerbal ko. Kumi kein remaron̄ kobain membōr ro kar jokāālet an stake ko̧o̧ņjeļ eo ak kamiti in ritōl rūtto an stake eo (lale 29.3.8). Rej maron̄ barāinwōt koba ritijem̧ļo̧k ro ro āinwōt:
-
Ritijem̧ļo̧k ro an welfare im self-reliance (lale 22.9.4).
-
Tōrāāktōr ro an leto letak meļeļe an stake im ritijem̧ļo̧k ro an JustServe (lale JustServe Community Service Guidebook).
-
Ro jet n̄e aikuj.
22.11
Jerbal eo an Stake Bisop Ko̧o̧njeļ
Stake bisop ko̧o̧njeļ eo ej kōm̧m̧an n̄an ko̧o̧njeļ kōn eddo ko an bisop ro. Ej kibuuj iien ekōnoo eo aolep iien an pedped in katak ko an (1) kea kōn ro me ewōr aer aikuj in kanniōk im en̄jake im (2) kalōk un̄n̄are peid make. (Lale 29.3.10).
Ro uwaan ko̧o̧njeļ eo kar rōjan̄ er n̄an:
-
Jājenijniji ļōmņak ko im kein jipan̄ ko n̄an ņa mejļan aikuj ko ilo kanniōk im en̄jake an membōr eo. Menin ekitbuuj jipan̄ ko ilo būkwōn ko kajjojo. Ebar koba pepe ko n̄an jerbal ak jerbal in jipan̄ ko n̄an membōr ro rej bōk jipan̄ an Kabun̄.
-
Ekōnono kōn wāween ko n̄an kōketak membōr rō n̄an bōk kōjeraam̧m̧an ko an mour kōn kien jitlo̧k.
KIEN, JUKJUKINPĀD, IM MENIN JIPAN̄ KO AN KABUN̄
22.12
Kien im Menin Jipan̄ ko an Jukjukinpād
Ilo elōn̄ eria ko, membōr ro remaron̄ bōk jipan̄ ko jen kien ak jukjukinpād me ejipan̄ kōn aikuj ko. Kain menin jipan̄ ko remaron̄ āinwōt:
-
Jipan̄ ilo taktō.
-
Jipan̄ kōn m̧ōn̄ā.
-
Jerbal in kamminene im jerbal in jipan̄ ko.
-
Jerbal in jipan̄ kōn ājmur ilo kōļmenļo̧kjeņ.
-
Būrookram̧ ko an jeļāļo̧kjeņ.
-
Būrookram̧ ko an rūtto ro.
-
Jipan̄ kōn em̧.
22.13
Kein Jipan̄ ko an Kabun̄ in
Ļoor tabōļ in laajrak in menin jipan̄ ko jen Kabun̄ in emaron̄ jipan̄ membōr ro n̄an leļo̧k aikuj ko aer ilo kanniōk im en̄jake im kalōk un̄n̄are peid make. Imōn Kakkoņkoņ eo an Irooj (lale 22.2.1) im joortak in jitlo̧k ko (lale 22.2.2) repād n̄an bisop ro ilo aolep ward. Kein jipan̄ ko jet rej ellaajrak ak kōtmene im jikin ko ie.
|
Laajrak |
Menin Jipan̄ ko |
|---|---|
Laajrak Menin Aikuj ko | Menin Jipan̄ ko
* Bisop’ ortar rej likūti ilo “Bishops’ Orders and Referrals” in LCR. |
Laajrak Jeļāļo̧kjeņ im Jerbal | Menin Jipan̄ ko
|
Laajrak Ājmour ilo En̄jake | Menin Jipan̄ ko
|
Laajrak Keppopo ilo Kanniōk | Menin Jipan̄ ko
|
Laajrak Jerbal in jipan̄ ilo jukjukinpād | Menin Jipan̄ ko
|