“24. Pepa in Mijen Ko im Jerbal in Jipan̄ ko,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“24. Pepa in Mijen Ko im Jerbal in Jipan̄ ko,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armj ro Rekwojarjar ilo Raan Ko Āliktata.
24.
Pepa in Mijen Ko im Jerbal in Jipan̄ Ko
24.0
Kadkad in
Ilo tōre ko etto, Irooj ekar leļo̧k kakien eo n̄an aintok bwiijin Israel ilubwilijin “ri aelōn̄ ko otemjej, peptaij er ilo etan Jema im Nejin im Jetōb Kwōjarjar” (Mat 28:19; lale barāinwōt eoon 20). Irooj ekar bar kōkāāl kakien jab in ilo raan kein āliktata (lale Katak im Bujen Ko 39:11; 68:6–8; 112:28–30). Aolep ro uwaan Kabun̄ in rej kōm̧m̧ane kallim̧ur ilo iien peptaij eo n̄an erom̧ rikam̧ool ro an Anij im n̄an jerbal in karejar n̄an ro jet (lale Mosaia 18:8–10).
N̄an jerbal n̄an Irooj āinwōt juon mijenede ej juon jeraam̧m̧an ekwojarjar. Ej bōktok kōjeraam̧m̧an ko ejeļo̧k jemļo̧kier n̄an armej eo im ro ej jerbal n̄an er m̧aan ak kōrā (lale Katak im Bujen Ko 18:14–16).
Kūr ko n̄an mijen ekoba juon ijjitōn̄ n̄an katakin gospel eo, rie jerbal eo an ra ko an Kabun̄ in ak iunit ko, ak jerbal ilo jukjuk in pād eo ijo jokwe ie.
Irooj ej kajjitōk ippān aoelp likao ro rerreeo, ļaddik ro rōkeke n̄an jerbale juon mijen. N̄an ļaddik ro Rekwojarjar ilo Raan ko Āliktata, jerbal in mijinede ej eddo eo an juon priesthood (lale Katak im Bujen Ko 36:1, 4–7).
Irooj ej bar karuwaineneik jiron̄ ro rerreeo, n̄an jerbale juon mijen n̄e rekōņaan. N̄an jiron̄ ro, juon mijen ej juon kajoor, ak ej jokālet, iien em̧m̧an. Kōppopo n̄an juon mijen enaaj kōjeraam̧m̧an juon jiron̄ men̄e ej kāālet n̄an jerbal āinwōt juon mijenede ak jaab.
Mijenede ro rōrūtto eļap bar aikuji er im rej kōketak n̄an kōppopo n̄an jerbal.
24.1
Kūr n̄an Jerbal eo
Kajjojo mijenede ej kūr n̄an jipan̄ Jemedwōj Ilan̄ im Jisōs Kraist im jerbal eo Aer. Mijenede ro rej jutak ilo etan Jisōs Kraist im Kabun̄ eo An kar kōjepļaaktok. Rejjab ļōmņak wōt kōn er make ilo aer jerbal n̄an Irooj ilo juon jerbal in iakwe ilubwiljin ajri eo Nejin. Katakin im jerbali mijen ko ej kōjeraam̧m̧an jim̧or mijenede eo im ro jet. (Lale Matu16:25; 22:36–40.)
Mijen kūr ko rej liļo̧k n̄an membōr ro me rej ikdeelel n̄an jerbal, rej erreo, im rej maron̄. Membōr rein rej kajjieon̄ jerbal n̄an Irooj kōn aolepān an “būruōer, maron̄, ļōmņak im kajoor.” Rej ejake “tōmak, kōjatdikdik, wūjlepļo̧k, im iakwe.” Rej dāpij wōt “n̄an kalimjōkļo̧k wōt aiboojoj eo an Anij.” Ilo aer kōm̧m̧ane men kein, Irooj enaaj kōkarbōb er n̄an jerbal eo. (Katak im Bujen Ko 4:2, 5; lale eoon 1–7.)
Mijenede ro rej jutak ilo etan Irooj im aikuj kūr jān mālim eo ejetjet (lale Katak im Bujen Ko 42:11; Laajraj in Tōmak ko 1:5). Kūr eo n̄an jerbale juon mijen ekkā an letok jān Būreejtōn eo an Kabun̄ in. N̄an senior service mijenede ro, kūr eo ej letok jān stake būreejtōn eo.
24.2
Ijjitōn̄ ko an Mijenede
Kūr eo ej n̄an jerbal āinwōt juon mijenede ekoba juon ijjitōn̄ ejeņoļo̧k. Ijjitōn̄ kein rokkotaktak im redepakpaklo̧k jān doon. Ekkā aer kobaik:
-
Juon ijjitōn̄ āinwōt juon mijenede in katakin ak juon mijenede in jerbal in jipan̄.
-
Jikin.
-
Aitokan jerbal eo.
Kajjojo ijjitōn̄ ej tōl kōn revelesōn bwe ejetjet n̄an mijenede eo im aikuj ko an ro ajri ro nejin Anij.
Juon ijjitōn̄ emaron̄ oktak ilo an wōnm̧aanļo̧k wōt revelesōn ilo an jekjek ko okoktak. Juon ijjitōn̄ ejenolo̧k eaorōk. Ijo wōt ke, ej kein karuo jān kūr eo am̧ āinwōt juon mijenede. (Lale Katak im Bujen Ko 80:30).
24.2.1
Mijenede Rūm̧m̧an Ded ro rej Katakin
Mijenede ro reddik rej katakin rej ijjitōn̄ n̄an katakin gospel eo ettoļo̧k jān kapijuknen. Ijjitōn̄ kein rej kōm̧m̧ani jān Rijilōk ro kōn revelesōn. Mijenede rein rej jerbal ium̧win tōl eo an juon mijen būreejtōn.
Em̧m̧aan ro ejjeļo̧k rejtaer im dettaer 18–25 maron̄ jerbal āinwōt mijenede ro rej katakin. Ekkā aer jerbal ium̧win 24 allōn̄ ko.
Kōrā ro ejjeļo̧k rejtaer im dettaer 19–29 remaron̄ jerbal āinwōt mijenede ro rej katakin. Ekkā aer jerbal ium̧win 18 allōn̄ ko.
24.2.2
Service Mijenede Rūm̧m̧an Ded Ro
Mijenede in jerbal in jipan̄ ro reddik rej ijjitōn̄ n̄an jerbal ilo Kabun̄ in im jukjuk in pād eo ilo aer jokwe ilo m̧weo. Ijjitōn̄ kein rej kōm̧m̧ani jān Rijilōk ro kōn revelesōn. Rej leļo̧k n̄an ro renaaj erom me jekjek ko rej jetjet tata n̄an juon mijen in jerbal in jipan̄ (lale 24.3.3).
Rein kajjojo rej bōk ejja jon̄ak ko wōt n̄an kōppopo im erreo āinwōt ro me rej kappeik er n̄an juon mijen in katakin. Mijenede rūm̧m̧an ded ro me rej kōppopo n̄an mijen rej leļo̧k etaer ilo ejja wāween ak jekjek in.
Mijenede in jerbal jipan̄ ro rej jerbal ijo jokwe ie ium̧win tōl eo an juon mijen būreejtōn, kōn rie eo epaak an ritōl ro an mijen in jerbal in jipan̄. Stake būreejtōn eo ej lelo̧k rie ilo jerbal ko an ritōl an kabun̄ (lale 24.7.3).
Kōn jipan̄ eo an ritōl in mijen in jerbal in jipan̄ ro aer, kajjojo mijenede in jerbal in jipan̄ rej bōk ijjitōn̄ ko me kar kajetjeti n̄an jekjek eo an ļeo ak lio. Ijjitōn̄ ko rej pedped ioon iien ko rem̧m̧an an jerbal in jipan̄ (lale 24.7.1). Mijenede rein rej jerbal n̄an dipio in aolepān maron̄ eo aer.
Em̧m̧an ro rejan̄in pelele dettaer 18–25 remaron̄ jerbal āinwōt service mijenede ro. Ekkā aer jerbal ium̧win 24 allōn̄ ko.
Kōrā ro ejjeļo̧k rejtaer dettaer 19–29 remaron̄ jerbal āinwōt service mijenede ro. Ekkā aer jerbal ium̧win 18 allōn̄ ko.
Service mijen ko n̄an mijenede rūm̧m̧an ded ro ejjan̄in de wōr ilo aolep eria ko an laļ in. Kōn juon laajrak in eria ko ijo ewōr service mijen ko rej pād ie, lale ChurchofJesusChrist.org/service-missionary. Website in ej barāinwōt letok eļapļo̧k meļeļe kōn service mijen ko. N̄e ejjeļo̧k mijen in jerbal in jerbal in jipan̄ ko, membōr ro reddik remaron̄ jerbal ilo ejja maron̄ eo āinwōt mijenede in jipan̄ ro rōrūtto (lale 24.2.4).
24.2.3
Mijenede Rūtto Ro
Rim̧are membōr ro dettaer 40 im rūttoļo̧k remaron̄ kūr er āinwōt mijenede ro rerūtto āinwōt juon pea in ripālele eļan̄n̄e ejjeļo̧k nejier rej pād ippāer.
Kōrā ro ejjeļo̧k rejtaer dettaer 40 im rūttoļo̧k remaron̄ barāinwōt kūr āinwōt mijenede rūtto ro eļan̄n̄e ejjeļo̧k nejier rej pād ippāer.
Em̧m̧aan ro ejjeļo̧k rejtaer dettaer 40 im rūttoļo̧k maron̄ jab jerbal āinwōt mijenede rūtto ro. Ijo wōt ke, remaron̄ jerbal āinwōt service mijenede rūtto ro. (Lale 24.2.4.)
Aolep mijenede rūtto ro rej kōketak er n̄an kappukōt armej ro n̄an katakin er im jipan̄ er kōppopo n̄an peptiaj. Mijenede rūtto ro remaron̄ barāinwōt kappeik er n̄an rie:
-
Membōr ro im ritōl ro an eria eo im ijoko rej jokwe ie.
-
Eria ko, ra ko an Kabun̄ in, im im̧ōko im̧wōn Kabun̄ in.
-
Doulul in charity ko.
Mijenede rūtto ro ekkā aer jerbal ettoļo̧k jān m̧weo im̧weer ium̧win 6–23 allōn̄ ko. Ro me rej jerbal itulikin laļ eo rej jokwe ie ekkā aer jerbal diktata 18 allōn̄ ko.
Mijenede rūtto ro rejjab kajjitōk ippāer n̄an jerbal ejja awa ko wōt, kōm̧m̧ane aolep ejja m̧akūtkūt ko wōt, ak tōpar ejja kōtmene ko wōt āinwōt mijenede rūmman ded. Aaet wōt, jerbal in jipan̄ eo aer ej aikuji wōt. Kōn un in, ej aikuj em̧m̧an ajmour eo aer n̄an jerbal. Rej aikuj barāinwōt tōpar jekjek ko ikkijien jāān (lale 24.3.4.2).
Bisop ro, stake būreejtōn ro, im ritōl ro jet rej jar n̄an ļōmņak wōn eo ej aikuj jerbal. Bisop ro ak stake būreejtōn ro remaron̄ intōrpiuk membōr rein n̄an kōmlet aer pojak im kajjitōk ippāer n̄an kōppopo n̄an jerbal.
Ijjitōn̄ ko n̄an mijenede rūtto ro rej leļo̧k itok jān revelesōn n̄an Rijilōk ro. Ritōl ro remaron̄ elmakote kain ijjitōn̄ ko rejenolo̧k n̄an mijenede rūtto ro. Ijo wōt ke, ritōl ro rej aikuj jab kōm̧m̧ani kallim̧ur ko kōn ijjitōn̄ ko renaaj būki. Ro rej tōn jerbal remaron̄ kwaļo̧k juon kōņaan eļap kōn ijjitōn̄ eo bōtaab aikuj m̧ōņōņō in bōk jabdewōt ijjitōn̄.
N̄an elōn̄ļo̧k meļeļe ko, lale SeniorMissionary.ChurchofJesusChrist.org.
24.2.4
Service Mijenede Rūtto Ro
N̄an eddeikiļo̧k kūr ko ilo ward im stake eo aer ilo ijo jikier, membōr ro remaron̄ jerbal āinwōt service mijenede rūtto ro. Mijenede rein rej kōm̧m̧ani jerbal in jipan̄ eo aorōk ilo department ko, facility ko an Kabun̄ in, im mijen ko (lale 24.7.1) Rej jokwe ilo m̧weo im̧weer.
Em̧m̧aan ro im kōrā ro dettaer 26 im rūttoļo̧k remaron̄ kūr āinwōt service mijenede rūtto ro.
Ilo kakobaba, likao ro dettaer 18–25 im jiron̄ ro dettaer 19–25 remaron̄ jerbal ilo ejja maron̄ in wōt āinwōt mijenede in jerbal in jipan̄ ro rōrūtto eļan̄n̄e rej jokwe ijo mijen in jerbal in jipan̄ ko n̄an mijenede ro reddik ejjeļo̧k ie. Rej maron̄ barāinwōt jerbal eļan̄n̄e rej m̧are ak em̧ōj kar aer jerbal āinwōt mijenede in katakin ak jerbal in jipan̄ ro reddik.
Service mijenede ro rerūtto kar kūr er jān stake būreejtōn eo. Rej jerbal ium̧win tōl eo an. Dettan iien eo rej jerbal kajjojo wiik ej pedped ioon maron̄ eo aer, iien ko rem̧m̧an an jerbal in jipan̄ ilo eria eo aer, im tōl eo jān Eria Būreejtōnji eo.
Ijjitōn̄ ko an mijenede in jerbal in jipan̄ ro rōrūtto rej kōmālim jān stake būreejtōn eo. E ej ko̧o̧njeļ ippān mijenede eo im ro jet im jar ilo kappukōt revelesōn kōn kajjojo ijjitōn̄. E emaron̄ etale SeniorMissionary.ChurchofJesusChrist.org n̄e kōmelet ijjitōn̄ ko.
N̄an meļeļe ko reļļapļo̧k kōn service mijenede rūtto ro, lale 24.7.
24.2.5
Tukadu in Laajrak eo kōn Ijjitōn̄ ko an Mijenede
Tebōļ in ej tukadu in laajrak eo kōn kain ijjitōn̄ ko an mijenede.
|
Mijenede Rūm̧m̧an Ded ro Rej Katakin |
Service Mijenede Rūm̧m̧an Ded |
Mijenede Rūtto |
Service Mijenede Rūtto | |
|---|---|---|---|---|
|
Ej kūr jān | Mijenede Rūm̧m̧an Ded ro Rej Katakin Būreejtōn eo an Kabun̄ in | Service Mijenede Rūm̧m̧an Ded Būreejtōn eo an Kabun̄ in | Mijenede Rūtto Būreejtōn eo an Kabun̄ in | Service Mijenede Rūtto Stake būreejtōn |
|
Ej ijjitōn̄ jān | Mijenede Rūm̧m̧an Ded ro Rej Katakin Juon Rijilōk | Service Mijenede Rūm̧m̧an Ded Juon Rijilōk | Mijenede Rūtto Juon Rijilōk | Service Mijenede Rūtto Stake būreejtōn |
|
Ej kōjenolo̧k jān | Mijenede Rūm̧m̧an Ded ro Rej Katakin Stake būreejtōn | Service Mijenede Rūm̧m̧an Ded Stake būreejtōn | Mijenede Rūtto Stake būreejtōn | Service Mijenede Rūtto Stake būreejtōn eo ak rikakpilōklōk eo |
|
Ej mour | Mijenede Rūm̧m̧an Ded ro Rej Katakin Ettoļo̧k jān kapijuknen eo | Service Mijenede Rūm̧m̧an Ded Ilo m̧weo | Mijenede Rūtto Ettoļo̧k jān m̧weo ak ilo m̧weo | Service Mijenede Rūtto Ilo m̧weo |
|
Ritōl an m̧ōn jar | Mijenede Rūm̧m̧an Ded ro Rej Katakin Mijen būreejtōn eo ak historic site būreejtōn eo | Service Mijenede Rūm̧m̧an Ded Stake būreejtōn | Mijenede Rūtto Mijen, tampeļ, ak historic site būreejtōn eo; ak Eria Būreejtōn eo. | Service Mijenede Rūtto Stake būreejtōn |
|
Ej riboot n̄an | Mijenede Rūm̧m̧an Ded ro Rej Katakin Mijen būreejtōn eo ak historic site būreejtōn eo | Service Mijenede Rūm̧m̧an Ded Mijen būreejtōn eo, kōn ritōl ro an mijen in jerbal in jipan̄ eo | Mijenede Rūtto Mijen, tampeļ, ak historic site būreejtōn eo; Eria Būreejtōn eo; director eo an visitor center eo; ak juon mānija an department ak facilitiy an Kabun̄ in. | Service Mijenede Rūtto Operation menija eo an ijjitōn̄ in jerbal in jipan̄ eo |
|
Dettan eo emenin aikuj | Mijenede Rūm̧m̧an Ded ro Rej Katakin 18–25 (em̧m̧aan ro) | Service Mijenede Rūm̧m̧an Ded 18–25 (em̧m̧aan ro) | Mijenede Rūtto 40 ak rūttoļo̧k eļan̄n̄e rim̧are ak eļan̄n̄e juon sister ejjeļo̧k rejtan | Service Mijenede Rūtto 26 ak rūttoļo̧k |
24.3
Kōpooje im Kōkarbōbe n̄an Jerbale juon Mijen
Mijenede ro rej pojān mijen rej kōketak er n̄an jerbale juon mijen kōnke kōn iakwe eo aer n̄an Irooj im ajri ro Nejin. Rej aikuj jeļā kōn missionary recommendation interview questions.
24.3.1
Oktakļo̧k n̄an Jisōs Kraist.
Ro rej pojān mijenede rej aikuj kajjieon̄ kōkajoorļo̧k oktakļo̧k eo aer n̄an Jisōs Kraist im gospel eo An kar kōjepļaaktok. Rej:
-
Jerbal n̄an kōkajoorļo̧k tōmak eo aer ilo Jemedwōj Ilan̄ im Jisōs Kraist.
-
Kōkajoorļo̧k naan in kam̧ool eo aer kōn gospel eo an Jisōs Kraist me em̧ōj an jepļaaktok (lale Alma 5:45–47).
-
Mour kōn katak eo an Kraist kōn “kāālet n̄an ukeļo̧k im jerbal jim̧we” (Alma 13:10; lale barāinwōt 2 Nipai 9–21).
-
Jar, ekkatak jeje ko rekwojarjar (eļap tata Bok in Mormon) im katak ko an rikanaan ro remour, im kōjparok kien ko (lale Alma 17:2–3).
-
Bōk koņaad ilo jerbal in tampeļ im menmenbwij an baam̧le (lale Katak im Bujen Ko 109:22).
-
Bōk koņaad ilo jemenere im institute (n̄an jodikdik ro im rūm̧m̧an ded ro ejjeļo̧k rejtaer).
24.3.2
Tōpar Jon̄ak ko an Erreo
Ro rej pojān mijenede rej kajjieon̄ in erreo n̄an jemjerā eo an Jetōb eo. Menin ej aikuj n̄an jerbal in mijenede eo ewejepedik (lale Katak im Bujen Ko 42:13–14). Karbōb n̄an jemjerā eo an Jetōb ej koba erreo jān jerawiwi (lale Hilamon 4:24; Katak im Bujen Ko 38:42).
24.3.2.1
Ukweļo̧k
Ukweļo̧k im jeorļo̧k bōd jān jerawiwi rej menin letok ko rej pād n̄an aolep ajri ro nejin Anij. Menin letok kein rekar kapidodoik kōn kajoor in pinmuur eo an Jisōs Kraist. Ukweļo̧k ej aikuj in kōjerbal tōmak ilo Jisōs Kraist, wōr juon lukkuun kōttōpar, im kōjparok kien ko. Ekoba kwaļo̧k ruōd im meļo̧kļo̧k jerawiwi ko. Kōn jerawiwi ko reļļap, ukweļo̧k ej menin aikuj n̄an kwaļo̧k ruōn n̄an bisop eo ak stake būreejtōn eo 32.3 im 32.4 ilo bok in bōk meļeļe in.
Juon armej eo me ej ukweļo̧k em̧ōj jeorļo̧k an bōd im karreoik e kōn Pinmuur eo im jouj eo an Jisōs Kraist. Irooj ejjab bar keememej jerawiwi eo n̄an jidik. “Ewi jon̄an m̧ōņōņō eo An ilo armej eo ej ukeļo̧k!” (Katak im Bujen Ko 18:13; bar lale Aiseia 43:25; Jekab 6:5; Alma 34:15–17; Hilamōn 5:10–11; Katak im Bujen Ko 58:42–43; im 32.1 ilo bok in bōk meļeļe in.)
Membōr ro me rej kōņaan pād ilo mijen rej aikuj oktakļo̧k n̄an Rilo̧mo̧o̧r ilo aer ukweļo̧k im m̧aanjabpopo n̄an jerbal. Remaron̄ barāinwōt kappukot jipan̄ eo ejouj an ro uwaan baam̧le eo im ritōl ro an Kabun̄ in ijo rej jokwe ie.
Eo ej pojān mijen ej aikuj kar ukweļo̧k jān jerawiwi eo eļap ekar kōm̧m̧ane m̧okta jān an stake būreejtōn maron̄ jilkinļo̧k peba in mijen eo an (lale 32.6–32.8; lale barāinwōt 24.4.4). Jekjek eo an ukweļo̧k ej koba ebwe iien n̄an an armej eo kwaļo̧k kōn mour jim̧we me ļeo ak lio ekar bōk jetōb eo an Kraist n̄an jeorļo̧k bōd in jerawiwi ko. (lale Katak im Bujen Ko 20:37). Stake būreejtōn eo ej ko̧o̧njeļ ippān Eria Būreejtōnji eo (ak Eria Jiljilimjuonn̄oul eo rar kōjenolo̧k) eļan̄n̄e ewōr an kajjitō ko kōn aitokan iien e aikuji n̄an ukweļo̧k.
24.3.2.2
Rūm̧ūj ilo Kwaļo̧k Bōro
Armej eo me ej bōk juon mijen kūr ak jino jerbal in mijenede eo ilo an jab ukweļo̧k jān jerawiwi eo eļap ekar kōm̧m̧ane emaron̄ aikuj in pād wōt ilo jikin eo ej pād ie ak ro̧o̧l n̄an jo jikin. Pedped ioon jekjek ko, e emaron̄ jerbal ālkin an ukweļo̧k (lale 24.6.3.2).
24.3.3
Ājmour ilo Ānbwin, Kōļmenļo̧kjeņ, im En̄jake
Jerbal in mijenede eidajon̄jon̄. Aikuj ko ikkijien ānbwin, kōļmenļo̧kjeņ, im en̄jake remaron̄ in eppen. Mijenede ro ekkā aer jerbal ilo jekjek ko jab iminene kaki. Maron̄ jelet ājmour kōn juon oktak ilo jekjek in m̧ōn̄ā, mejatoto, ak jekjek ko ilo wāween mour. Jikejuuļ eo an mijenede ej barāinwōt aikuj bwe ren jerbal aolepān raan. (Lale Alma 17:5; 26:27–28, 30.)
Mijenede rūm̧m̧an ded ro rej aikuj wujlepļo̧k im ekeke ilo ānbwin, kōļmenļo̧kjeņ, im en̄jake n̄an maron̄ jerbal ekkar n̄an jikejuuļ eo an full-time mijenede. (Lale Missionary Standards for Disciples of Jesus Christ [2019], 2.4.)
Mijenede in jerbal in jipan̄ ro reddik rej jerbale juon jikejuuļ kar kōm̧m̧ane n̄an aolepān tōļan ko aer, kapeel ko, im maron̄ ko.
Ro rej pojān mijenede rej m̧aanjabpopo n̄an jerbal kōn kōkajoorļo̧k ājmour eo aer ilo ānbwin, kōļmenļo̧kjeņ, im en̄jake. Rej barāinwōt jerbal n̄an ejake m̧ōkaj in ro̧o̧l n̄an m̧okta im un̄are peid-make.
Ritōl remaron̄ kōkm̧anm̧an wōt ilo aer ko̧o̧njeļ ippān juon eo ej pojān mijen kōn nan̄inmej ko an m̧okta jān an jilkinļo̧k pepa in mijen ko an. Jet iaan ro rej pojān mijenede remaron̄ aikuj in bōk kōjparok etiljek jān taktō ikkijeen nan̄inmej ko aer (lale 31.3.6). Juon eo ej pojān mijenede me kar kōm̧ālim uno ko nimen ej aikuj in kallim̧ur n̄an idaki ilo aolepān iien jerbal eo an āinwōt kar kōmeļeļeik jān juon eo etijem̧ļo̧k ilo kōjparok ājmour.
24.3.4
Jāān ko
Wūjlepļo̧k ko ikkijien jāān ej m̧ōttanļo̧k jerbal in mijenede (lale Mark 1:17–18; Alma 15:16). Mijenede ro im baam̧le ko aer ewōr aer eddo im̧aan tata n̄an leļo̧k jāān in jipan̄ n̄an jerbal in mijenede. Rej aikuj kōm̧m̧ane kōppopo eo im wūjlepļo̧k ko. Rej aikuj in un̄are peier make ikkijien jāān n̄an jon̄an eo me remaron̄ in tōpar kallim̧ur ko ikkijien jipan̄ļo̧k.
24.3.4.1
Jipan̄ Ikkijeen Jāān n̄an Mijenede ro Rej Jerbal Ettoļo̧k jān Joko Jikier
Rūm̧m̧an ded ro me rej pojān mijen me raar m̧aanjabpopo ekkar n̄an ekeke eo aer rejjab aikuj karum̧wijļo̧k aer mijen kōn un ko ikkijien jāān. Ro me rej aikuj jipan̄ ikkijien jāān n̄an tōpar kallim̧ur eo kōn jon̄an jāān eo aikuj leļo̧k emaron̄ bōk jān ro nukun baam̧le eo im ro m̧ōttaer.
Eļan̄n̄e rej aikuj wōt, bisop eo ak stake būreejtōn eo emaron̄ kajjitōk ippān membōr ro ilo ward eo ak stake eo n̄an jipan̄ļo̧k ward missionary fund eo.
Local unit bajet ko im jāān in joortak in jitļo̧k ko rejjab aikuj jerbal.
Kallim̧ur eo kōn Jon̄an Jāān eo Aikuj Leļo̧k Kajjojo Allōn̄ Mijenede jiddik ro rej katakin im baam̧le ko aer rej jipan̄ļo̧k kōn juon jon̄an eo ejenolo̧k kajjo allōn̄ n̄an jipan̄ kōļļāik wōņāā ko an būrookraam̧ in mijenede eo. Jon̄an jāān eo em̧ōj karōke ilo juon ak ruo wāween ko:
-
Mijenede ro jān jet laļ ko bōk koņaer ilo būrokūraam̧ ej dettan wōt jipan̄ļo̧k būrookraam̧ eo. Menin ej meļeļein jon̄an eo kar leļo̧k n̄an jāān in jipan̄ eo n̄an kajjojo mijenede jekdo̧o̧n ia eo ej mijen ie. Jon̄an jāān eo rej loi ilo headquarters eo an Kabun̄ in. Ritōl ro remaron̄ kepaak Missionary Department eo (lale 24.93) ak eria opiij eo kōn juon laajrak in laļ ko me rej pād ilo būrookraam̧ in im jon̄an eo em̧ōj karōk bwe ren leļo̧k.
-
Ilo laļ ko jet, bisop eo, stake būreejtōn eo, mijenede eo, im baam̧le eo rej kapilōk ippān doon kōn jon̄an jipan̄ļo̧k eo kōm̧m̧ane aolep allōn̄. Bisop eo im stake būreejtōn eo rej ļōmņak kōn unin tōl eo jān Eria Būreejtōnji eo. Rej kōketak n̄an kōm̧m̧ani kaarmejet ikkijien jāān im un̄n̄are pein make pedped ioon jekjek ko an mijenede eo im baam̧le eo an. Rej errā kōn juon dettan jipan̄ļo̧k eo im rekoote ilo peba in mijen eo an mijenede eo. Mijenede eo im baam̧le eo an rej kallim̧ur n̄an kōm̧m̧ane. Ro jet remaron̄ barāinwōt jipan̄ļo̧k kōn dettan in wōt eļan̄n̄e rej jokwe ilo laļ eo an mijenede eo (lale “Jāān in Jipan̄ an Mijenede in Ward eo” tokālik ilo jekjōn in).
Jipan̄ļo̧k ko rej kōm̧m̧ani n̄an jāān in jipan̄ an mijenede an ward eo. Bisop ro rej kam̧oole bwe jāān ko rej jipan̄ļo̧k kajjojo allōn̄. Jāān ko reļļapļo̧k jān dettan eo allōn̄ otemjeļo̧k rej aikuj jab jipan̄ļo̧k kaki im̧aanļo̧k. Jāān ko kar jipan̄ļo̧k im̧aanļo̧k rejjab maron̄ bar kōro̧o̧li eļan̄n̄e juon mijenede ej m̧ōkaj an jepļaak n̄an ijo jikin.
Wōņāān ko ilo jikin mijen. Kajjojo allōn̄, mijenede ro reddik rej bōk ebwe jāān ko jān mijen eo n̄an kake n̄an m̧ōn̄ā ko rāājmour, iaļ in ito itak, im men ko jet remenin aikuj n̄an mour. Jāān in jipan̄ kein rekwojarjar. Mijenede ro rej kōjerbali wōt n̄an un ko me rej iookļo̧k mijen eo. Rej aikuj jab kōjerbali n̄an aikuj ko aer make, kakuni, ak jilkinļo̧k n̄an ro uwaan baam̧le ko aer ak ro jet. Mijenede ro rej bar kōro̧o̧lļo̧k n̄an mijen eo jabdewōt jāān ko rejjab aikuji.
Mijenede ro rej kōjerbal jāān ko aer make n̄an kōļļāik wōņaan aikuj ko jet. Wōņāān ko rej juļo̧k n̄an er make rej aikuj in jab eļļap. (Lale Missionary Standards for Disciples of Jesus Christ, 4.8).
24.3.4.2
Jipan̄ Mijenede Rūtto me Rettoļo̧k jān Ijoko Jikier ikkijeen Jāān
Kallim̧ur eo kōn Jon̄an Jāān eo Aikuj Leļo̧k Kajjojo Allōn̄ Mijenede rūtto ro rej jerbal ettoļo̧k jān kapijuknen rej leļo̧k jāān in jipan̄ ko n̄an jipan̄ mijenede eo ilo ward eo aer kajjojo allōn̄. Jāān kein liļo̧k ej jipan̄ kōļļāik jikin jokwe im wōņāān wawa (lale barāinwōt “Dam̧oļo̧k in men ko kōļļāiki” tokālik ilo jekjōn in). Dettan ko n̄an jipan̄ kōn jikin jokwe rej pedped ioon jon̄an wōņāān ko ilo kajjojo mijen. Dettan kein remaron̄ in ļap ak dik jān aorōk eo an jikin jokwe Kabun̄ in ej leļo̧k.
-
Mijenede rūtto ro jān laļ ko me rej pād ilo būrookraam̧ in etan equalized contribution rej leļo̧k jon̄an eo em̧ōj karōk im ej pād ilo pepa in kūr eo aer.
-
Ilo laļ ko jet, bisop eo, stake būreejtōn eo, im mijenede eo rej kapilōk ippān doon kōn jon̄an eo enej jipan̄ļo̧k kajjojo allōn̄. Rej kōketak n̄an kōm̧m̧ani kaarmejet ikkijien jāān pedped ioon jekjek ko an mijenede eo. Rej errā kōn jon̄an eo im rekoote ilo peba in mijen eo an mijenede eo. Jon̄an in ej aikuj ejaak n̄an mijenede rūtto ro jān Eria Būreejtōnji (n̄an bōk kapilōk ippān Missionary Department eo). Ro jet rej jokwe ilo laļ eo me mijenede eo ej itok jān e remaron̄ bar jipan̄ļo̧k kanne akkaun in.
Bisop ro rej lukkuun lale bwe jāān ko rej lukkuun jipan̄ļo̧k kajjojo allōn̄. Jāān in jipan̄ ko reļļapļo̧k jān jon̄an eo kajjojo allōn̄ rejjab aikuj leļo̧k m̧okta jān lukkuun iien ko kar karōke.
Wōņeen Ko Jet Ilo kakobaba n̄an dettan jipan̄ eo kallim̧ur kake allōn̄ otemjeļo̧k, eo ej jipan̄ kōļļāik jikin jokwe ak wōņāān waan ettōr ko, mijenede ro rōrūtto aikuj kōļļāik aolepān wōņāān ko jet, ekoba m̧ōn̄ā, m̧en ko m̧weier, im kaan waan ettōr ko.
24.3.4.3
Kōļļāik Mijenede ro rej Jerbal ilo Jo Jikier Make
Mijenede ro rej jerbal ilo joko jikier rej eddoik aolepān aikuj ko aer ikkijien jāān. Ro me rej aikuj jipan̄ ikkijien jāān remaron̄ bōke jān ro uwaan baam̧le ko im ro m̧ōttaer. Jāān ko an mijende an ward eo ak stake eo maron̄ jab kōjerbali n̄an aikuj k reiookļo̧k mijen.
24.3.4.4
Injurōn in Taktōk im Wōņāān ko
Aolep mijenede ro, ekoba mijenede in katakin ro reddik, rej kanooj kōketak er n̄an dāpij wōt injurōn in taktōk eo aer kiiō eļan̄n̄e emaron̄.
Mijenede ro rej jerbal jān ijo jikier rej aikuj kōpooj injurōn in taktō eo aer im injurōn ko jet. Mijenede rūtto ro rej jerbal ettoļo̧k jān ijo jikier rej aikuj barāinwōt kōpooj menin in. Mijenede rūtto ro me rej jerbal itulikin laļ eo aer remaron̄ in bōk injurōn eo jān Senior Service Medical Plan eo.
24.3.5
Jerbal eo an Ro uwaan Baam̧le eo im Ritōl ro ilo Kōpooj Mijenede ro
Ro uwaan baam̧le ko, bisop ro, im ritōl ro jet rej jipan̄ jodikdik ro keppopo n̄an jerbale juon mijen. Bisop ro rej kajjitōk ippān kajjojo likao n̄an erom juon mijenede, barāinwōt kajjojo jiron̄ me ej ikdeelel n̄an jerbal.
-
Jipan̄ er erom̧ membōr mijenede ro rewājepedik ilo kwaļo̧k gospel eo m̧okta jān aer bōk juon kūr n̄an jerbal.
-
Leļo̧k iien ko rem̧m̧an n̄an er n̄an jerbal im katakin.
-
Karōk iien ko rem̧m̧an n̄an er n̄an etal ippān rull-time mijenede ro.
-
Karuwaineneik mijenede ro rej jerbal kiiō ak ro jet me raar mijen m̧okta n̄an kwaļo̧k iminene im en̄jake ko aer ikkijeen aer katakin im jerbal.
-
Iakwe im im̧we kajjojo armej n̄an m̧aanjabpopo n̄an mijen.
-
Rōjan̄ er n̄an aje eļapļo̧k iien n̄an jar im ekkatak jeje ko rekwojarjar.
-
Ejake juon kūlaaj in kōppopo n̄an mijen.
Ro uwaan baam̧le eo im ritōl ro rej kōketak membōr rūtto ro n̄an ļōmņak kōn jerbal in mijenede an mijenede rūtto ro. Menin emaron̄ koba jipan̄ er:
-
Etale ekeke eo aer ilo ānbwin im jāān n̄an mijen, jim̧or ilo ijo ettoļo̧k ak ijo jikin ak ilo aer jokwe ilo ijo jikin.
-
Kile iien ko rem̧m̧an an mijenede rej maron̄ kakūrm̧ool.
-
Erom̧ mijenede membōr ro rewejāpdik ilo kwaļo̧k gospel eo m̧okta jān aer bōk juon kūr n̄an jerbal.
-
Meļeļe kōjeraam̧m̧an eo me jerbal in mijenede enaaj n̄an baam̧le eo aer (lale Katak im Bujen Ko 31:5–6).
Ro uwaan baam̧le eo im ritōl ro rej kōketak aolep ro rej pojān mijenede n̄an ekkatak:
-
Bok in Mormon im ko jet jeje ko rekwojarjar.
-
Kwaļo̧k Gospel eo Aō: Juon Unin Tōl n̄an Jaketo Jaketak Gospel eo an Jisōs Kraist.
-
Ukukōt n̄an Mour in Mijenede.
Ro uwaan baam̧ļe eo im ritōl ro rej jipan̄ aolep ro rej pojān kallim̧ur n̄an ļoor jon̄an ko an mijenede. Rej rōjan̄ ro rej pojān mijenede n̄an ekkatak bōk in bōk meļeļe eo ikkijeen jon̄an an mijenede me ej iookļo̧k ijjitōn̄ eo me emaron̄ aer:
-
N̄an mijenede rūm̧m̧an ded ro rej katakin: Missionary Standards for Disciples of Jesus Christ
-
N̄an service mijenede rūm̧m̧an ded ro: Missionary Standards for Disciples of Jesus Christ—Service Mission
-
N̄an aolep mijinede ro: jākjen ko “Kōjerpal Technology ilo Jim̧we” im “Ļoor Bun̄ten Kejparok ko n̄an Kōjerpal Technology” ilo jepta 2 in Katakin Gospel eo Aō.
24.4
Elmakoti Mijenede ro
Jet ro rej pojān mijenede rejjan̄in kar de kar jokwe ilo ward eo diktata juon iiō. Ilo jekjek kein, bisop eo ej bwebwenato ilo iien eo em̧ōkaj ilo iien kōm̧m̧ane elamkote eo ippān bisop eo eo an armej eo ilo ward kar an m̧okta.
24.4.1
Etale ko kōn Ājmour
Jerbal in mijenede emenin aikuj ikkijien ānbwin, kōļmenļo̧kjeņ, im en̄jake. Aolep ro rej pojān mijenede rej aikuji kōtļo̧k bwe ro retijiem̧ļo̧k ikkijeen taktō ren etale aer ekkeke ilo ājmour.
Etale ko ikkijien ājmour rej lali jān eria opij eo im Department eo an Missionary. Jet iien, inepata ko ikkijien ājmour emaron̄ jelet maron̄ eo an juon armej n̄an jerbal ettoļo̧k jān ijo jikin. Ilo jet jekjek, peba in mijen eo emaron̄ bar ro̧o̧l kōn naan in kōmeļeļe ko kōn wāween an armej eo maron̄ kōkm̧anm̧anļo̧k an ekkeke ilo ājmour.
24.4.2
Intōrpiu ko im Boom̧ in Peba in Mijen eo
Bisop eo im stake būreejtōn eo rej kōm̧m̧ane aolepān intōpiu eo ko n̄an etale mour in jetōb, im kōketak kajjojo ro rej pojān mijenede. Rej kōjerbal missionary recommendation interview questionseo. Rej ekōnono kōn men ko wōjān eo ej pojān mijen:
-
Naan in kam̧ool eo kōn Jisōs Kraist im gospel eo An em̧ōj an bar jepļaaktok (lale 24.3.1).
-
Tōpar jon̄an ko ikkijeen mour erreo (lale 24.3.2).
-
Ekkeke in ājmour ilo ānbwin, kōļmenļo̧kjeņ, im en̄jake(lale 24.3.3).
-
Ekkeke ilo jāān (lale 24.3.4).
Bisop eo im stake būreejtōn eo rej barāinwōt etale meļeļe ko kōn jon̄ak ko ikkijeen mour erreo im ekkeke ilo ājmour ilo Missionary Oline Recommendation Systemeo. Eļan̄n̄e juon stake būreejtōn ilo United States ak Canada ewōr an kajjitōk, en kepaak Department eo an Missionary (lale 24.9.3). Ijōko jet, en kepaak eria opiij eo. Bisop eo im stake būreejtōn eo rejjab kakobabaik jabdewōt jon̄ak ko n̄an maron̄ kōkarbōb e juon mijenede n̄an mijen. Rejjab bar ukōt kajjitōk in intōrpiu ko .
Meļeļe eo ilo boom̧ in peba in mijen eo rej m̧ōttan ļo̧k jerbal in revelesōn an mijen kūr ko. Ritōl ro rej lukkuun lale bwe aolep meļeļe ko kar kajjitōk kaki ren lukkuun kwaļo̧k ilo m̧ool.
Eļan̄n̄e bisop eo ak stake būreejtōn eo ewōr aer n̄ūrbōktak kōn eo ej pojān mijenede ikkijeen jon̄an ko an mour erreo ak kōn jon̄an an ekkeke ilo ājmour eo an, rej kapilōk ippān doon im ippān armej eo. Kōn mālim eo an mijenede rūm̧m̧an ded eo e ej pojān mijen, er remaron̄ barāinwōt kapilōk ippān jinen im jemān mijenede eo. Bisop eo im stake būreejtōn eo rejjab jilkinļo̧k juon peba in mijen m̧ae armej eo em̧ōj an ukweļo̧k (lale 24.3.2.1). Pedped wōt ioon ājmour eo an armej eo ilo ānbwin, kōļmenļo̧kjeņ, ak en̄jake, remaron̄ ekōnono kōn maron̄ eo n̄an jitōn̄e āinwōt juon service mijenede.
Ilo jekjek ko rej menin ekairir n̄e bisop eo ak stake būreejtōn eo rejako, emaron̄ kōmālim juon iaan rikakpilōklōk ro an n̄an kōm̧m̧ane intōrpiu kein.
Ilo district ko, mijen būreejtōn ak juon rikakpilōklōk kar jitōn̄ e ej intōrpiuik im leļo̧k etan mijenede eo ej pojān mijen. District būreejtōn eo ejjab kōm̧m̧ane intōrpiu kein.
24.4.3
Jilkinļo̧k Peba in Mijen Eo
Stake būreejtōn eo emaron̄ jilkinļo̧k juon elmakot kōn juon eo ej pojak in juon mijenede edik lōn̄ļo̧k n̄an 150 raan ko m̧okta jān iien eo pojak. Stake Būreejtōn eo emaron̄ jilkinļo̧k pepa in mijen eo an juon mijenede erūtto me ej pojen mijen lōn̄ļo̧k n̄an ruwatimjuon allōn̄ ko m̧okta jān raan, allōn̄, iiō eo enaaj pojak. Raan, allōn̄, iiō eo enej pojak n̄e aolep jekjek kein rej tōpari:
-
Armej eo ekar tōpar dettan eo ej maron̄ in jerbal.
-
Armej eo em̧ōj kar kapene āinwōt juon membōr in Kabun̄ in diktata juon iiō.
-
Armej eo ekar kadedeļo̧k ak ejako an etal n̄an high school, secondary school eo, ak eo ejja dettan eo. (Menin ej jerbal n̄an wōt ro rej pojak in mijenede edik me ejjamin naaj 19 iiō dettan ilo iien rej pojak.)
Mijenede rūm̧m̧an ded me rej pojān mijen im stake būreejtōn eo aer rej karōk n̄āāt eo stake būreejtōn eo ej aikuj jilkinļo̧k peba in mijen eo. Rej maron̄ kōjerbale Submission Planning Tool eo im Mission Release Date Planning Tool eo n̄an jipan̄.
Peba in mijen ko ekkā aer jilkinļo̧ki jān ward eo ak stake eo an. Bisop ro me rej jokwe ettoļo̧k jān ward ko ilo juon jikin, āinwōt juon ward an rūm̧m̧an ded ro ejjeļo̧k pāleer, remaron̄ kōm̧m̧ane pepa in mijen ko aer. Rej aikuj m̧okta kōnono ippān bisop eo jān ward eo ilo kapijuknen eo an. Ward eo ilo kapijuknen eo an mijenede eo ej aikuj āinwōt juon ward eo ej kōļļāiki mijen eo an mijenede eo.
24.4.4
Ro Rejjab Maron̄ Jerbal āinwōt Mijenede ro rej Jerbal Aolep Raan
Jet iien juon membōr eo ej kōņaan jerbal im ej elmakote n̄an mijenede in jerbal in jipan̄ maron̄ jab kūr āinwōt juon mijenede in katakin ak jerbal in jipan̄. Menin emaron̄ in itok wōt jān apan̄ ko ikkijien ājmour, ak jab tōpar jon̄ak ko an mour erreo, apan̄ ko ikkijeen legal, ak jekjek ko jet. Bisop eo im stake būreejtōn eo rej kwaļo̧k iakwe im kam̧m̧oolol kōn itok limo eo an membōr eo n̄an jerbal. Ritōl ro remaron̄ kwaļo̧k kajjitōk ko n̄an Missionary Department eo ilo 801-240-2179 ak Missionary.Prefield@ChurchofJesusChrist.org.
Stake būreejtōn eo im bisop eo rej kōketak membōr eo n̄an bun̄ m̧aanļo̧k ilo iaļ in bujen eo āinwōt juon rikaļoor an Jisōs Kraist to̧o̧n wōt an mour. Rej barāinwōt kōketak n̄an pukōt jibadbad ko jet raorōk, āinwōt jeļāļo̧kjeņ ak jerbal n̄an membōr rūm̧m̧an ded ro.
24.5
Ālkin Bōk juon Kūr n̄an Mijen
Rej rōjan̄ mijenede ro rekāāl me rej kab kūr er n̄an mijen n̄an bar riiti Bok in Mormon m̧okta jān aer jino mijen ko aer. Rej ļoor kapilōk eo an Kiin̄ Benjamin n̄an “lale kom̧ make, im ļōmņak ko ami, im naan ko ami, im kōm̧m̧an ko” (Mosaia 4:30).
Rej uwaak ilo iien eo em̧ōkaj n̄an naan in kōmeļeļe ko kar litok ilo kūr eo. Rej ekkatak katak eo im pedped in katak ko ilo jeje ko rekwojarjar im ilo Kwaļo̧k Gospel eo Aō, kōmejajaik kōnono kōn jebta 3. Rej aikuj barāinwōt etale bok jidikdik eo [Adjusting to Missionary Life] Ukukōt n̄an Mour in Mijenede ak [Adjusting to Service Missionary Life: Resource Booklet] Ukukōt n̄an Mour in Mijenede in Jerbal in Jipan̄: Bok Jidikdik in Kein Jipan̄. Er im ro uwaan baam̧le ko aer rej barāinwōt ekkatak kōn jekjek ko renaaj jerbal ie.
Ro uwaan baam̧le eo im ritōl ro rej rie mijenede ro ilo kijejeto kein. Rej barāinwōt kōmejajaik aorōk in kōm̧m̧an em̧m̧an im pād wōt ilo erreo kōn Jetōb eo.
24.5.1
Menin Letok Kwojarjar an Tampeļ im Jerbal ko ilo Tampeļ
Mijenede kāāl ro rej kab kūr rej kōketak n̄an bōk menin letok kwojarjar eo an tampeļ ilo iien eo epidodo tata im emakijkij etal n̄an tampeļ ilo an jekjek ko kōtļo̧k (lale Katak im Bujen Ko 43:15–16; 105:33). Menin ej jerbal n̄an mijenede in katakin ro im n̄an mijenede in jerbal in jipan̄ ro eļan̄n̄e ejetjet n̄an jekjek ko er. N̄an meļeļe ko kōn bōk menin letok kwojarjar, lale 27.2.
Mijenede ro me rej kab kūr er n̄an mijen ro em̧ōj aer bōk menin letok kwojarjar remaron̄ jerbal āinwōt rijerbal in kain̄i an tampeļ m̧okta jān aer jino jerbal in mijenede eo aer n̄e ekkar (lale 25.5).
24.5.2
Kweilo̧k in Kwojkwoj ko
Bisoprik eo ej kūr mijenede ro me rej kab bōk kūr ko aer n̄an mijen n̄an kōnono ilo kweilo̧k in kwojkwoj eo m̧okta jān aer jino mijen eo aer. Menin ej juon kweilo̧k in kwojkwoj me jeminene kake. Jibadbad eo ej aikuj n̄an mije kwojkwoj eo im Rilo̧mo̧o̧r. Rej aikuj kajjitōk ippān mijenede eo n̄an kōnono kōn Jisōs Kraist, gospel eo An me em̧ōj an jepļaaktok, im lan̄lōn̄ eo kōn kwaļo̧k gospel eo im jerbal n̄an ro jet.
Ro uwaan baaam̧le eo an mijende eo im ro m̧ōttaer ekka jab kajjitōk ippāer n̄an kōnono. Awa in kweilo̧k ko eban aitokļo̧k.
Membōr ro im ritōl ro rej aikuj joļo̧k jabdewōt men me emaron̄ kakkure paaktok ko rekwojarjar an juon mijen kūr ak ejaake wōņeen ko reļļap im rejjab aorōk. N̄an waanjon̄ak, rej aikuj jab:
-
Būrini būrookraam̧ ko kōn juon kweilo̧k in kwojkwoj ejenolo̧k.
-
Ejake ļain in iak-iakwe ko ālkin kweilo̧k in kwojkwoj eo.
-
Kōm̧m̧ane kōpeļļo̧k ko an m̧ōko, ijjeļo̧kin ippān doon ko an baam̧le. Eļan̄n̄e juon iien koba an baam̧le ej kōm̧m̧an, kar kajjitōk bwe en jab idaptōk ippān kweilo̧k ko an Jabōt.
24.5.3
Kōjenolo̧k Mijenede ro
Stake būreejtōn eo ilo ijo jikin ej kōjenolo̧k kajjojo mijenede ilo iien eo epaak tata ekkar n̄an raan eo ej jino mijen eo an. Ilo jekjek ko remenin ekairir n̄e stake būreejtōn eo ejjab pād, e emaron̄ kōmālim juon iaan rikakpilōklōk ro an n̄an kōjenolo̧k mijenede ro. E emaron̄ barāinwōt leļo̧k eddo eo kōn kōjenolo̧k service mijenede rūtto ro n̄an juon rikakpilōklōk.
Mijen būreejtōn eo ak juon iaan rikakpilōklōk ro an rej kōjenolo̧k mijenede ro rej kūr jān district ko ilo mijen eo an. District būreejtōn eo ejjab kōjenolo̧k mijenede ro.
Juon būratōr eo enaaj jerbal ettoļo̧k jān ijo jikin ej aikuj kar bōk Melkesidek Priesthood eo m̧okta jān aer kōjenolo̧ke āinwōt juon mijenede. Juon būratōr eo enaaj jerbal āinwōt juon service mijenede ej aikuj kabwijer Melkesidek Priesthood eo eļan̄n̄e ekkar n̄an jekjek ko an. N̄an kōmeļeļe ko kōn ekkapit n̄an juon opij ilo Melkesidek Priesthood eo, lale 18.10.
M̧okta wōt jān aer kōjeņoļo̧k juon mijenede, stake būreejtōn eo ak juon rikakpilōklōk kar jitōn̄ e ej intōrpiuiki mijenede eo. Eļan̄n̄e mijenede eo ejjab bar ļoor jon̄an ko an erreo ak eļan̄n̄e ewōr oktak ko ilo ājmour me emaron̄ jelet jerbal in jipan̄ eo an mijenede eo, ļeo ak lio rejjab kōjenolo̧k. Stake būreejtōn eo ej kepaak Missionary Department eo (lale 24.9.3) ak eria opiij eo n̄an bōk tōl.
Kōjenolo̧k eo ej aikuj in juon en̄jake ejeņoļo̧k. Ro uwaan baam̧le eo im ro m̧ōtttaer repaake er remaron̄ pād. Stake būreejtōn eo ej jipan̄ er meļeļe im en̄jake ekwojarjar eo im aorōk eo an kūr eo n̄an jerbal āinwōt ribōk jikin Jisōs Kraist im Kabun̄ eo An kar kōjepļaaktok.
Kōjenolo̧k eo im kōjeraam̧m̧an eo ej itok ippān rejjab aikuj lōlō ilo rekoot. Ijo wōt ke, rej rōjan̄ mijenede eo n̄an jeje ilo jōnōļ eo an kōn en̄jake eo im n̄an je kakeememej eo kōn m̧ōttan ko an kōjeraam̧m̧an eo me ekar makeļo̧k an ļap meļeļe in.
Stake būreejtōn eo ej kōmeļeļeik bwe armej eo ej aikuj ļoor jon̄ak ko an mijenede ālkin kōjenolo̧k e.
Kōjenolo̧k eo an juon mijenede kōn kūr eo n̄an mijen, ejjab kōn juon ijjitōn̄ emakeļo̧k an mijenede eo. Eļan̄n̄e ijjitōn̄ eo an juon mijenede ej oktak, e ejjab bar kōjenolo̧ke. Eļan̄n̄e juon mijenede ej kōtļo̧ke im ej tok ālik mālim n̄an bar ro̧o̧l n̄an jerbal in jipan̄ (lale 24.6.3.2), e ejjjab bar kōjenolo̧ke āinwōt juon mijenede.
24.6
Jerbal in Jipan̄ Ettoļo̧k jān Kapijuknen
24.6.1
Em̧m̧akūtļo̧k n̄an Jikin Mijen eo
Kabun̄ in ej kōļļāik wōņāān em̧m̧akūt eo an mijenede rūm̧m̧an ded ro rej katakin n̄an im jān jikin kaminene an mijenede (MTC) im mijen eo kar jitōn̄e er n̄ane. Kabun̄ in ej barāinwōt kōļļāik wōņāān kein n̄an mijenede rūtto ro me rej jerbal ettoļo̧k jān kapijuknen eļapļo̧k jān juon iiō.
Ro uwaan baam̧le eo remaron̄ bōkļo̧k juon mijenede n̄an juon MTC. Ijo wōt ke, rejjjab kōtmene er n̄an kōm̧m̧ane āindein. Ejjeļo̧k ilo MTC juon kweilo̧k n̄an baam̧le ko n̄an kōm̧m̧an iak iakwe n̄an mijenede ro nejier.
Kōn airport security im un ko jet, baam̧le ko im ro jet rejjab kōketak er n̄an ioon mijenede ro ilo airport ko n̄e mijenede ro rej em̧m̧akūt jān MTC n̄an mijen ko aer.
24.6.2
Ilo Jikin Mijen
24.6.2.1
Bōk Jikin Mijenede ro
Stake im mijen būreejtōn ro rej kapilōk kōn aikuj eo n̄an mijenede ro ilo ward ko im branch ko. Ejjab menin aikuj bwe ren jitōn̄ mijenede ro n̄an aolep iunit ko. Jet iunit emaron̄ wōr elōn̄ļo̧k jān juon kōmpānien ie. Mijen būreejtōn eo ej kālet ia eo ej likūt mijenede ro ie.
24.6.2.2
Jerbal in Jipan̄ n̄an Membōr im Jukjuk in Pād eo
Stake im mijen būreejtōn ro rej kapilōk kōn wāween an mijenede ro maron̄ kōm̧m̧an jerbal in jipan̄ n̄an membōr im jukjuk in pād eo. Remaron̄ kōjerbale JustServe.org n̄e elōn̄.
24.6.2.3
Jikin Jokwe, Iien M̧ōn̄ā ko, im Iaļ in Ito Itak
Stake im mijen būreejtōn eo ej kālet eļan̄n̄e ak n̄an kōtļo̧k an membōr ro ilo jikin eo leļo̧k jikin jokwe ak m̧ōn̄ā n̄an mijenede ro. Leļo̧k jikin jokwe ak m̧ōn̄ā ko n̄an mijenede rejjab aikuj kaddoik membōr ro ilo jikin eo.
Membōr ro rejjab kōtmene er n̄an aolep iien kake iaļ in ito itak n̄an mijenede ro, ro rej katakin er, ak ro me rej kab peptaij.
Eria Būreejtōnji eo emaron̄ leļo̧k unin tōl kōn ļeļo̧k jikin jokwe, m̧ōn̄ā ko, im iaļ in ito itak n̄an mijenede ro ilo eria eo.
24.6.2.4
Mijenede ro ilo Kūr ko ilo Branch eo
Ilo jekjek ko rejeja, mijenede ro rej jerbal ettoļo̧k jān kapijuknen maron̄ jitōn̄ er n̄an bōk kūr ko ilo branch eo. Eļan̄n̄e juon branch epād ilo juon stake, rej kōjeņoļo̧ke mijenede eo ium̧win tōl eo an stake būreejtōnji, kōn mālim eo jān mijen būreejtōn eo.
Eļan̄n̄e branch eo ej pād ilo district eo, mijenede eo ejjab kōjenolo̧k. Mālim eo n̄an jerbal ilo juon iunit kar jitōn̄e n̄an mijen eo ekoba ilo iien kōjenolo̧k eo āinwōt juon mijenede. Eļan̄n̄e elder ro rej kōm̧m̧ane juon jerbal me ej aikuji priesthood ki ko, rej kōm̧m̧ane kōn mālim in kappe eo jān mijen būreejtōn eo.
24.6.2.5
Kajjitōk ko n̄an Jipan̄ ro Jet Ikkijien Jāān ak kōn Jikuuļ ak Em̧m̧akūt n̄an bar Juon Laļ
Mijenede ro im baam̧le ko aer rej aikuj jab leļo̧k jipan̄ ikkijien jāān n̄an ro me rej jokwe ijo mijenede ro rej jerbal ie, ekoba jipan̄ ikkijen jāān n̄an jikuuļ. Mijenede ro im baam̧le ko aer rejjab aikuj bōk eddo in armej ro me rej kōņaan em̧m̧akūt n̄an laļ ko jet (lale 38.8.19).
24.6.2.6
Uno
Mijenede ro rej eddo kōn jabdewōt uno ko me remaron̄ aikuji. Ro uwaan baam̧le eo ak ro jet rejjab aikuj jilkinļo̧k ak būkilo̧k uno ko n̄an mijenede ro. Eļan̄n̄e ejjeļo̧k uno ko iilo mijen eo, mijenede eo ej kapilōk ippān mijen būreejtōn eo.
24.6.2.7
Mej an Uwaan Baam̧le eo
Eļan̄n̄e juon uwaan baam̧le eo an mijenede eo emej, mijenede emaron̄ kāālet n̄an ro̧o̧l n̄an kapijuknen ilo jidik wōt iien n̄an ilomej eo wōt. Ijo wōt ke, ekkā kapilōk mijenede ro n̄an pād wōt ilo mijen. N̄e emaron̄, e emaron̄ lale iien m̧akūtkūt ko an ilomej eo ilo an kōjerbal internet streaming.
Eļan̄n̄e juon mijenede ej kāālet n̄an ro̧o̧l n̄an kapijuknen n̄an ilomej, mijen būreejtōn eo ej kepaake Missionary Department eo.
24.6.2.8
Rekoot in Membōr ko im Juon M̧ōttan Jon̄oul
Ward eo ijo kapijuknen eo an mijenede eo epād ie ej dāpij wōt rekoot in membōr eo. Ward eo ijo kapijuknen eo an epād ie rej barāinwōt rekoote status in juon m̧ōttan jon̄oul eo an. Mijenede ro rejjab kōļļā juon m̧ōttan jon̄oul kōn jāān in jipan̄ ko rej būki jān mijen eo. Ijo wōt ke, rej kōļļā juon m̧ōttan jon̄oul eļan̄n̄e ewōr aer jabdewōt make jāān.
24.6.3
Ro̧o̧l n̄an Kapijuknen jān juon Mijen
24.6.3.1
Ro̧o̧l n̄an Kapijuknen n̄an Jikejuuļ eo Jinoin tata
Mijenede ro im membōr in baam̧le ko aer rejjab aikuj kajjitōk n̄an kōm̧ōkajļo̧k aer kōtļo̧k ak kaitokļo̧k iien mijen an mijenede eo ekkar n̄an kōņaan im em̧m̧an eo aer make.
Mijenede rūm̧m̧an ded ro rej aikuj ito itak kajju jān kapijuknen n̄an mijen ko aer. Jabdewōt em̧m̧akūt ak ekkāke ko jet maron̄ kōmālimi wōt n̄e mijenede eo ej etal ippān jinen ak jemān ak eo ej eddoiki.
Rejjab kōtļo̧k mijenede ro m̧ae rej riboot n̄an stake būreejtōn eo aer. Rej ļoor jon̄ak ko an mijenede m̧ae iien eo.
24.6.3.2
M̧ōkaj in Ro̧o̧l n̄an Kapijuknen
Jet mijenede in katakin ro im jerbal in jipan̄ ro ej m̧ōkaj kōtļo̧k er kōn ājmour, erreo, ak un ko jet. Bisop ro im stake būreejtōn ro rej leļo̧k rie ejenolo̧k n̄an mijenede rein me rej kab ro̧o̧ltok jān mijen. Ritōl ro rej jipan̄ er jerbal n̄an bar bōk ājmouir ak bar ro̧o̧l n̄an mijen n̄e emaron̄.
N̄an meļeļe ko reļļapļo̧k kōn wāween kam̧akajļo̧k an jem̧ļo̧k juon mijen in jerbal in jipan̄, lale 24.7.5.
N̄an mijenede in katak ro me rej pojak in ro̧o̧l n̄an jerbal, stake būreejtōn eo ej kepaak Missionary Department eo n̄an elmakote menin (lale 24.9.3). Jet mijenede in katakin ro me rej ro̧o̧l n̄an jerbal maron̄ in bar kappeik er n̄an juon mijen in katakin eoktak ak n̄an juon mijen in jerbal in jipan̄.
N̄e rejjab maron̄ bar ro̧o̧l n̄an mijen, ritōl ro rej kōketak membōr eo n̄an bun̄ m̧aanļo̧k ioon iaļ in bujen eo āinwōt juon rikaļoor an Jisōs Kraist to̧o̧n wōt an mour. Ritōl ro rej barāinwōt kōketak n̄an kappukōt kōttōpar ko jet raorōk, ko āinwōt jikuuļ ak jerbal n̄an mijenede rūm̧m̧an ded ro.
24.7
Service Mijen Ko
24.7.1
Kile Iien ko Rem̧m̧an n̄an Service Mijenede ro
N̄an mijenede in jerbal in jipan̄ rūtto ro, bisop eo, stake būreejtōn eo, im ripālele mijenede ro rej ippān doon n̄an kile iien ko rem̧m̧an ijo jokwe ie n̄an jerbal.
N̄an mijenede in jerbal in jipan̄ ro reddik, ritōl ro an mijen in jerbal in jipan̄ eo rej kile iien ko rem̧m̧an an jerbal in jipan̄ rekkar. Ro jinen im jemān ak ribōk eddo in ro ekkā aer bōk koņaer ilo iien ekōnono eo.
Jerbal in jipan̄ maron̄ leļo̧k ilo lukkuun jelm̧ae armej ak jikin ko rettoļo̧k ilo aer kōjerbal technology. Ritōl ro remaron̄ kōjerbal kein jipan̄ kein n̄an pukōt meļeļe ko kōn iien ko rem̧m̧an n̄an jerbal in jipan̄:
-
Intōrnet: ChurchofJesusChrist.org/service-missionary ak SeniorMissionary.ChurchofJesusChrist.org
-
Talboon: 1-801-240-4914
24.7.2
Jikin Jokwe im Iaļ in Ito Itak
Mijenede in jerbal in jipan̄ ro rej jokwe ilo m̧weo im̧weer make ak ippān bar membōr in baam̧le eo kar kōmālim jān Department eo an Missionary. Rej leļo̧k ak karōk iaļ in ito itak eo aer make n̄an jikin jerbal ko aer n̄e emenin aikuj.
Mijenede in jerbal in jipan̄ ro reddik rejjab aikuj joļo̧k iien ilo bon̄ ak jokwe ilo m̧weo im̧ōn mijenede in katakin ro.
24.7.3
Kamminene im Tōl
Service mijenede ro rej kaminene im bōk tōl ilo jikin eo me rej jerbal ie. Rej barāinwōt bōk jān raan-n̄an-raan tōl, jipan̄, im kaminene kōn jerbal ko aer jān ritōl ro an mijen in jerbal in jipan̄ (n̄an mijenede in jerbal in jipan̄ ro reddik) ak mejina eo aer an menija in jerbal in jipan̄ eo (n̄an mijenede in jerbal in jipan̄ ro rōrūtto).
Stake būreejtōn eo ej ritōl ilo kabun̄ eo n̄an mijenede in jerbal in jipan̄ ro rōrūtto im reddik. E im bisop eo rej kōm̧m̧ani intōrpiu in erreo ko iien otemjeļo̧k ippān mijenede in jerba in jipan̄ ro reddik. Rej barāinwōt kōm̧m̧ani intōrpiu ko n̄an peba in kamālim deļo̧n̄e tampeļ ko, ekkapit ko n̄an bōk priesthood ilo opiij ko, im kōjeraam̧m̧an ko an petriak n̄e ewōr.
Mijen būreejtōn eo im lio pāleen rej kōm̧m̧ani kōtmene ko ilo jetōb im m̧wil an mijen eo. Rej ko̧o̧njeļ iien otemjeļo̧k ippān ritōl ro an mjen in jerbal in jipan̄ me rej lale jikejuuļ eo an mijenede, ijjitōn̄ ko, im ājmour. Ippān doon rej jipan̄ mijenede eo meļeļe im ļoor jon̄ak ko an mijenede in jerbal in jipan̄.
Mijen būreejtōn eo ej leļo̧k jekjek ko an erreo an juon make n̄an stake būreejtōn eo an mijenede eo.
Mijenede in jerbal in jipan̄ ro reddik rejjab etal n̄an juon MTC. Rej etale kaminene eo ilo intōrnet, ippānļo̧k kaminene eo ilo jikin jerbal in jipan̄ ko aer.
Kōn elōn̄ļo̧k kōn kaminene eo im bōk eddo in eo, lale Missionary Standards for Disciples of Jesus Christ—Service Missions.
24.7.4
Service Mijenede ro ilo Ward ak Stake Kūr Ko
Bisop eo ak stake būreejtōn eo emaron̄ leļo̧k kūr ko ilo ward eo ak stake n̄an service mijenede ro eļan̄n̄e kūr ko rejjab idaptōk ippān ijjitōn̄ ko an mijen ak jikejuuļ. N̄an mijenede in jerbal in jipan̄ ro reddik, ritōl rein rej kōtōbalbal ippān ritōl ritōl ro an mijen.
24.7.5
Kōjem̧ļo̧k juon Service Mijen
Mijenede in jerbal in jipan̄ ro reddik rej ekkā kūr n̄an jerbal ium̧win 18 ak 24 allōn̄ ko. Ej kōtmene bwe kajjojo mijenede naaj kadedeļo̧k iien jerbal in jipan̄ eo aer kar kwalo̧k ilo ijjitōn̄ eo an.
Ilo jet jekjek ko, ālkin an juon mijenede kar bōk kūr eo, mijenede eo, ro jinen im jemān, im ritōl ro an mijen in jerbal in jipan̄ eo maron̄ kapilōk ippān doon n̄an kile bar juon iien kōtlo̧k. Ritōl ro an mijen in jerbal in jerbal eo rej jilkinļo̧k jabdewōt oktak ko kar kwaļo̧k n̄an iiien eo n̄an mijen būreejtōn eo. Eļan̄n̄e oktak eo ej mālim, ritōl ro an mijen in jerbal in jipan̄ eo ej kōjeļļāik stake būreejtōn eo an mijenede eo kōn iien kōtlo̧k eo ekāāl.
Jet iien juon mjenede in jerbal in jipan̄ ej aikuj in kōjem̧ļo̧k mijen eo an em̧ōkaj kōn ājmour, erreo, ak un ko jet. Eļan̄n̄e jekjek eo in, stake būreejtōn eo ej kōjeļļāik mijen būreejtōn eo, ritōl ro an mijen in jerbal in jipan̄ eo, im ritijem̧ļo̧k ro an eria mijen in jerbal in jipan̄. Innām stake būreejtōn eo ej kepaak rijerbal eo an jikin jerbal eo (assigned in-field) ilo Missionary Department n̄an an wōr aer kajjojo iien kōtļo̧k em̧ōkaj im kar kōmālim jān Ritōl eo Eutiej kar jitōn̄e.
N̄an meļeļe ko reļļapļo̧k kōn an juon mijinede eo ej jerbal bar ro̧o̧ltok n̄an jerbal in, lale 24.6.3.2.
Service mijen ko n̄an mijenede rūm̧m̧an ded ro rejjab aitokļo̧k jān 24 allōn̄ ko n̄an em̧m̧aan ro. Mijen kein rejjab aitokļo̧k jān 18 allōn̄ ko n̄an kōrā ro.
Mijenede in jerbal in jipan̄ ro rōrūtto remaron̄ kaitokļo̧k iien jerbal eo aer n̄an juon iien kar errā kake jān stake būreejtōn eo, operation menija eo, im mijenede eo.
24.8
Ālkin Jerbal in Mijenede
24.8.1
Mālim ko n̄an Deļo̧n̄e Tampel
24.8.1.1
Mijenede Rūm̧m̧an Ded ro rej Jerbal Ettoļo̧k jān Kapijuknen ko Aer
N̄an kōmeļeļe ko kōn mālim ko n̄an deļon̄e tampeļ n̄an mijenede rūm̧m̧an ded ro em̧ōj aer mijen, lale 26.5.3.
24.8.1.2
Mijenede Rūtto ro rej Jerbal Ettoļo̧k jān Kapijuknen ko Aer
Mijen būreejtōn eo emaron̄ kōm̧m̧ane juon intōrpiu n̄an leļo̧k mālim n̄an deļo̧n̄e tampeļ n̄e emenin aikuj. Eļan̄n̄e mijenede eo erreo, mijen būreejtōn eo ej leļo̧k juon mālim kāāl me ej jem̧ļo̧k kitien ilo ruo iiō.
24.8.1.3
Service Mijenede ro
Mijenede in jerbal in jipan̄ ro rōrūtto rej karōk ippān ritōl ro ijo jokwe ie n̄an intōrpiu ko n̄an kōkāāl peba in mālim in deļo̧n̄e tampeļ (lale 26.3.1).
24.8.2
Intōrpiu in Kōtļo̧k Mijenede
Stake būreejtōn eo ej kōtļo̧k mijened in katakin ro im jerbal in jipan̄ ro im kōm̧m̧ane juon intōrpiu in kōtlo̧k. Juon iaan rikakpilōklōk ro an remaron̄ kōtļo̧k service mijnede ro rerūtto. Ilo district ko, ekkā an mijen būreejtōn eo ak juon rikakpilōklōk me kar jitōn̄e kōtļo̧k mijenede ro. Kōn men ko kōtļo̧k (exception), lale 6.3.
Unin tōl kein rej ellaajrak n̄an intōrpiu in emaron̄ in jipan̄.
-
Nōbar er kōn aer mijen.
-
Karuwaineneik er n̄an kwaļo̧k en̄jake ko aer ilo mijen.
-
Rōjan̄ er n̄an wōnm̧aanļo̧k wōt āinwōt juon rikaļoor an Jisōs Kraist to̧o̧n wōt aer mour.
-
Kapilōk er n̄an ekkal ioon imminene ko rem̧m̧an me rekar ejaaki āinwōt juon mijenede.
-
Rōjan̄ er n̄an ļoor Jetōb raan otemjej im mour jim̧we.
-
Rōjan̄ er n̄an ļōmņak kōn im m̧aanjabpopo n̄an ilju im jekļaj, ekoba jeļāļo̧kjeņ im jerbal n̄an mijenede rūm̧m̧an ded ro. Jipan̄ er kōm̧m̧ani kōttōpar ko im kōm̧m̧ani karōk ko n̄e emenin aikuj. Etale eddōkļo̧k eo ilo My Plan ippān mijenede rūm̧m̧an ded ro.
-
Kōjekdo̧o̧n kōjeraam̧m̧an ko ralikkar ko em̧ōj kar kallim̧ur kaki āinwōt juon nōbar n̄an jerbal in mijenede.
-
Rōjan̄ er n̄an aolep iien n̄an mour erreo kōn juon mālim n̄an deļo̧n̄e tampeļ.
24.8.3
Riboot ko an Mijenede ro im Kōnono ilo Kweilo̧k in Kwojkwoj eo
Stake im district būreejtōn ro rej kūr mijenede in katakin ro im jerbal in jipan̄ ro rej kab m̧ōj kōtļo̧k er n̄an riboot kōn jerbal eo aer ilo juon kweilo̧k an aae ko̧o̧njeļ eo ak district ko̧o̧njeļ eo. Bisop ro remaron̄ barāinwōt kajjitōk ippān mijenede ro me ej kab m̧ōj kōtļo̧k er n̄an riboot ilo juon kweilo̧k in ko̧o̧njeļ an ward eo.
Ijo ekkar kōn ettoļo̧k in ak jekjek ko jet, mijenede ro me ej kab m̧ōj kōtļo̧k er remaron̄ kwaļo̧k riboot ko aer kōjerbal tōknaļiji ak ilo wōt juon kweilo̧k an ward ko̧o̧njeļ eo.
Bisoprik eo ej jikejuuļi iien eo n̄an mijenede in katakin ro im jerbal in jipan̄ ro n̄an kōnono ilo juon kweilo̧k in kwojkwoj. Kweilo̧k eo ej juon kweilo̧k in kwojkwoj ejjab oktak. Bisoprik eo ej kanooj lale bwe pedped in katak ko ilo 24.5.2 rej ļoori.
Mijenede ro me ej kab m̧ōj kōtļo̧k er remaron̄ kōnono ilo kweilo̧k in kwojkwoj ko ilo ward ko jet n̄e kar kajjitōk jān juon membōr in stake ak district būreejtōnji eo. Remaron̄ barāinwōt kajjitōk jān juon membōr in ko̧o̧njeļ eo eutiej ak district ko̧o̧njeļ eo.
24.8.4
Kūr ko
Ritōl ro rej im̧we n̄an leļo̧k ijjitōn̄ ko an jerbal in karejar im kūr ko n̄an mijenede in katakin ro im jerbal in jipan̄ ro rej kab kōtļo̧k. Menin ekoba ļōmņak kake āinwōt rijerbal ro an kain̄i in tampeļ n̄e ekkar (lale 25.2).
24.9
Kein Jipan̄ ko n̄an Pepa in Mijen Ko im Jerbal Ko
24.9.1
Bok in Katakin ko im Boom̧ ko
-
Kwaļo̧k Aō Gospel: Juon Unin Tōl n̄an Leto Letak Gospel eo an Jisōs Kraist
-
Jon̄ak ko an Mijenede n̄an Erom̧ Rikaļoor ro an Jisōs Kraist
-
Jon̄ak ko an Mijenede n̄an Erom̧ Rikaļoor ro an Jisōs Kraist—Service Mijen Ko
-
Kōkarōkrōk n̄an Mour in Mijenede
-
Kōkarōkrōk n̄an Mour an Service Mijenede: Bok Jidikdik in Kein Jipan̄
-
Missionary recommendation interview questions
-
Karōk eo Aō: Juon Unin Tōl n̄an Mijenede eo Em̧ōj An Mijen im Rikapilōk Eo Etijem̧ļo̧k (Mentor)
24.9.2
Website ko
-
MissionaryRecommendations.ChurchofJesusChrist.org (epād n̄an ritōļ ro ijo jokwe ie im ro rej pojān mijenede wōt)
24.9.3
Meļeļe ko n̄an Tōpar
Missionary Department:
-
Boon: 1-801-240-2222 ak 1-800-453-3860, extension 2-2222
Service Mission Office:
-
Phone: 1-801-240-4914 ak 1-800-453-3860, extension 2-4914