25. Te Mwakuri n te Tembora ao n Rongorongon te Utu n te Uoote ao te Titeiki
“25. Te Mwakuri n te Tembora ao n Rongorongon te Utu inanon te Uoote ao te Titeiki,” Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira (2024).
“25. Te Mwakuri n te Tembora ao n Rongorongon te Utu inanon te Uoote ao te Titeiki,” Aeniboki ni Kabuta.
Tamnei
tembora
25.
Te Mwakuri n te Tembora ao n Rongorongon te Utu inanon te Uoote ao te Titeiki
25.0
Kabwarabwaraana
Katiteuanakiia utu ibukin te maiu ae akea tokina bon mwakoron Ana mwakuri te Atua ibukin te kamaiuaki ao te karietataaki (taraa 1.2). Te mwakuri n te tembora ao rongorongon te utu bon ibukin katiteuanakiia ao kabaeakiia utu ibukin te maiu ae akea tokina. (taraa Mataio 16:19). Te mwakuri aei e raonaki ma:
Te tembora bon Ana auti te Uea. Otenanti ao berita aika tabu n te tembora a kakabwaiaia natin Tamara are i Karawa. Tamara are i Karawa E kaoia natina ni kabane bwa a na tau ibukin ao ni karekei otenanti n te tembora.
Te mwakoro aei e kairiia taan kairiiri n te Ekaretia ao membwa inanon te tembora ao n te mwakuri n rongorongon te utu. Rongorongona riki a kona n reke n “Tembora” ao “Rongorongon te Utu” (Gospel Topics, topics.ChurchofJesusChrist.org).
25.1
Irakin te Mwakuri n te Tembora ao n Rongorongon te Utu Irouia Membwa ao Taan Kairiiri
Membwa n te Ekaretia iai tibwangaia ao tabeia ni buokia ni katiteuanaia aia utu ibukin te maiu ae akea tokina. A katauraoiia ni karaoi berita aika tabu ngkana a karekei otenanti n te tembora, ao ni kekeiaki ni kawakin berita aikanne. A buokiia naba kaain te utu n ataia, ni karekea, ao ni kekeiaki ni kawakin berita n te tembora. Iai tabeia kaaro ae kakawaki ni buokiia aia ataei n taneiai ma kakabwaia n te tembora ao mwakuri n ibuobuoki n rongorongon te utu ibukiia kaain te utu ake a tia ni mate.
Membwa n te Ekaretia a kaungaaki bwa a na kinaia aia utu ake a tia ni mate ake a tuai karekei otenanti n te tembora. Membwa ngkanne a karaoi otenanti ibukiia aia utu aikanne (taraa Reirei ao Berita aika Tabu 128:18). N te aonaaba n tamnei, n tatabemaniia ake a tia ni mate a kona ni butimwaai ke n totokoi otenanti ake a tia ni karaoaki ibukiia.
Membwa a na kaoiia naba aia utu ke raoraoia n reiakin taekaia aia bakatibu ao ni karekei rongorongoia.
Taan kairiiri a na boutokaia membwa ni kawai aikai:
Reirei kakawakin karaoakin ao te kekeiaki ni kawakin berita n te tembora.
Kaungaiia membwa bwa a na reirei taekaia aia bakatibu, karekei rongorongoia, ao ni karaoi otenanti n te tembora ibukiia.
Boutokaia kaaro ni buokiia aia ataei bwa a na ibuobuoki n te mwakuri n te tembora ao n rongorongon te utu.
Kaungaiia membwa ake a tia n entaunte bwa a na karekei aia beba ni kariaia nakon te tembora ao n teimatoa n nebonebo inanon te tembora n tainako ngkana e angaraoi.
Kaungaia kairake, membwa aika boou, ao ikawai ake a tuai n entaute bwa a na karekei aia beeba ni kariaia nakon te tembora ibukin te bonomwi ni karaoan te bwabetito ao kamatoa ao nakon te tembora ni bwabetitoaki ao kamatoaaki ibukin te mate.
Taraa mwakoro 26 ibukin rongorongon te beba ni kariaia n rin n te tembora.
25.1.1
Tabeia n Tatabemaniia Nako Ibukin Te Roroko n te Tembora
A na iangoia bon irouia membwa bwa n ningai ke maanra tain te nebonebo inanon te tembora. Taan kairiiri aki katei kouru ke kawai ibukin ribotinakin mwaitin te nanakon te tembora.
25.1.2
Tain Mwanangaia Uoote ao Titeiki Nakon te Tembora
Ana iunite te Ekaretia n tatabeua nako e anganaki te tembora n te mwakoro. Kawarakin tembora irouia uoote ke titeiki itinanikun te tembora n te mwakoro are e a tia ni baireaki aki kaungaaki.
Membwa n tatabemaniia nako ao utu a kona n nakon te tembora ae a tangiria.
25.2
Baireakin te Mwakuri n te Tembora ao Rongorongon te Utu n te Uoote
25.2.1
Bitiobiriki
Bitiobiriki a ikarekebai ma beretitentii n te kooram n unimwane ao te Bootaki n Aine ngkai a kaira ana mwakuri te uoote n te tembora ao rongorongon te utu. Taan kairiiri aikai a reitaki ni marooro ni katoa tai.
Aikai naba taben te bitiobiriki ibukin te tembora ao te mwakuri n rongorongon te utu inanon te uoote:
Kaungaiia aomata n tatabemaniia nako ao utu bwa a na atai reirein ao kakabwaia n te mwakuri n te tembora ao rongorongon te utu.
Kakoaua raoi bwa reirei ao kakabwaia ibukin mwakuri n te tembora ao rongorongoia utu a reiakinaki n tain te taromauri.
Kakoaua bwa te mwakuri n te tembora ao n rongorongon te utu a baireaki inanon bowiin te kauntira n te uoote ao n aia kauntira kairake.
Tarai ao anga te kariaia nakon ana babaire te uoote iaon te tembora ao rongorongon te utu (taraa 25.2.6).
Tararua te kiraati ibukin te katauraoi nakon te tembora (taraa 25.2.8).
Anga te beba ni kariaia n rin n te tembora (taraa mwakoro 26).
Te bitiobiriki e na marooro ma te beretitenti n te titeiki ni bairea riain wetean te tia kairiiri n te tembora ao rongorongon te utu (taraa 25.2.3 ibukin rongorongona ae bwanin).
25.2.2
Beretitentii n te Kooram n Unimwaane ao te Bootaki n Aine
Beretitentii n te kooram n unimwaane ao n te Bootaki n Aine a kaira te mwakuri n te tembora ao rongorongon te utu n te uoote (taraa 8.2.4 ao 9.2.4). Te beretitentii n te kooram n unimwaane a kairii mwakuri aikai ibukiia membwa n te kooram ni unimwaane. Te beretitentii n te Bootaki n Aine a kairii mwakuri aikai ibukiia membwa n te Bootaki n Aine. A mwakuri ni ikotaki ni kairii mwakuri aikai ma kain te bowi ni kauntira n te uoote, iaan ana babaronga te bitiobi.
Taan kairiiri aikai iai katabeakia n aron aikai:
Tuanga te tia rabakau n te tembora ibukin te uoote ao n rongorongon te utu ae tibwa tia ni karekea weteana n te mition ni kakaeia ao ni katauraoi araia ana bakatibu ake a tia ni mate ibukin otenanti n te tembora.
Kaungaiia aomata n tatabemaniia nako ao utu bwa a na atai reirein ao kakabwaia n te mwakuri n te tembora ao rongorongon te utu.
Kakoaua raoi bwa reirei ao kakabwaia ibukin mwakuri n te tembora ao rongorongoia utu a reiakinaki n tain te taromauri.
Buokiia membwa ni katauraoia ni karekea aia otenanti n te tembora ao ni karaoi berita aika tabu.
Kaungaiia membwa bwa a na nebonebo inanon te tembora n tainako ngkana e angaraoi.
Kaungaiia membwa bwa a na reirei taekaia aia bakatibu ao karaoi otenanti n te tembora ibukiia.
Buoka te kauntira n te uoote ni karikirakea ao ni mwakuriia te babaire n te tembora ao n rongorongon te utu n te uoote (taraa 25.2.6).
Kakoaua bwa te mwakuri n te tembora ao rongorongon te utu e baireaki ao n ribotinaki inanon botakin te kauntira n te uoote ao inanon bootakin te tembora ao rongorongon te utu n te uoote.
Kaira ana mwakuri te tia kaira te mwakuri ibukin te tembora ao rongorongon te utu n te uoote. Ngkana e aki weteaki te tia kairiiri aei, te membwa n te beretitentii n te kooram n unimwaane e na kanoa te nwakuri aei (taraa 25.2.3).
Te beretitenti n aia kooram unimwaane ao te Bootaki n Aine a na uaia n angan te membwa n te beretitentii bwa e na buokia ni kaira te mwakuri n te tembora ao n rongorongon te utu n te uoote. Membwa n te beretitentii aika uoman aikai a na botaki ni mwakuri. A na iri bootaki ni babaire ibukin te tembora ao rongorongon te utu (taraa 25.2.7).
Te Tia Kairiiri Ibukin te Tembora ao n Rongorongon te Utu n te Uoote
Te bitiobiriki e na reitaki ma te beretitenti n te titeiki ni iangoia ngkana e na weteaki te tia kairiiri ibukin te tembora ao rongorongon te utu n te uoote. Ngkana a baireia bwa a kanakoa te wewete aio, te bitiobiriki e marooro ma te beretitenti n te kooram n unimwaane ao n te Bootaki n Aine ni iangoia bwa antai ae a na weteia. Te aomata aei e riai ni iai irouna te Nakoanibonga ae te Merekitereka. Ngkana e aki weteaki te tia kairiiri aei, te membwa n te beretitenti n te kooram n unimwaane e na kanoa te nakoa aei.
Te tia kairiiri ibukin mwakurin tembora ao rongorongon te utu e boutoka te beretitentii n aia kooram unimwaane ao te Bootaki n Aine ni katabeaia ni mwakurin tembora ao rongorongon te utu. Iai naba mwiokoana n aron aikai:
Bairei mwakuri n te tembora ao n rongorongon te utu ma taan kairiiri n te uoote, n raonaki ma beretitentii n te kooram ni kairake ao te kiraati.
Kairi bootaki ni babaire ibukin te tembora ao n rongorongon te utu n te uoote (taraa 25.2.7).
Irii bootakin te kauntira n te uoote ngkana e kaoaki.
Buoka te kauntira n te uoote ni karikirakea ao ni mwakuriia te babaire n te tembora ao n rongorongon te utu n te uoote (taraa 25.2.6).
Kairiia taan mwakuri n te tembora ao n rongorongon te utu. Kabonganai aia konabwai ni buokiia membwa ma te mwakuri n te tembora ao n rongorongon te utu.
Mwakuri ma te tia kairiiri n te mition n te uoote ao mitinare ni buokiia naake a reiakina te euangkerio, membwa aika boou, ao membwa aika a oki aika a tabe ma te mwakuri n te tembora ao n rongorongon te utu.
Ngkana e riai, rineia taan rabakau ibukin mwakurin tembora ao rongorongon te utu n te uoote bwa a na beku n te tienta ibukin te FamilySearch (taraa 25.3.6).
25.2.4
Taan Rabakau ibukin te Tembora ao Rongorongon te Utu n te Uoote
Taan rabakakau ni mwakurin tembora ao rongorongon te utu a mwakuri iaan ana kairiiri te tia kaira mwakurin tembora ao rongorongon te utu ke kaain te beretitentii n te kooram are e taua te nakoa aei. Te bitiobi e weteiia membwa aikai ni beku. Ikawai ao roronrikirake a kona ni weteaki. Beretitenti n te kooram n unimwaane, te Bootaki n Aine ao Ataeinnaine a kona n anga araia aika a kona ni beku.
Iai tabeia taan rabakau n aron aikai:
Buokiia membwa bwa a na taneiai ma kakabwaia ni kakaeakiia aia bakatibu ao ni karaoi otenanti n te tembora ibukiia. Taneiai aikai a kakawaki riki ibukiia naake a reiakina te euangkerio, membwa aika a boou ao aika a tibwa oki, ao naake a katauraoia ni karekea te beeba ni kariaia ni karaoi bonomwi n te bwabetito ao te kamatoaaki.
Buokiia membwa ni katauraoia ni karekea aia otenanti n te tembora ao ni karaoi berita aika tabu.
Irii bootaki ibukin te tembora ao rongorongon te utu (taraa 25.2.7).
Beku n te tienta n te tabo ibukin te FamilySearch ngkana e anganaki (taraa 25.3.6).
25.2.5
Kauntira n te Uoote
Membwa n te kauntira n te uoote a tataro mwaaka ibukin karikirakean ao karaoan te babaire ibukin te tembora ao rongorongon te utu n te uoote. Ibukin rongorongon te babaire, taraa 25.2.6.
E kona te bitiobi ni kaoa te tia kaira mwakurin tembora ma rongorongon te utu nakon bowin kauntiran te uoote.
25.2.6
Te Babaire ibukin te Tembora ao Rongorongon te Utu n te Uoote
Uoote n tatabeua nako a riai n iai aia babaire ae bebete ibukin te tembora ao rongorongon te utu. Te babaire aei e na buokiia membwa, n raonaki ma ataei ao kairake, n ira te mwakuri n rongorongon te utu ao ni katauraoi n nebonebo inanon te tembora n tainako ngkana e angaraoi.
Beretitenti n te kooram n unimwaane ao te Bootaki n Aine a na buoka te kauntira n te uoote ni karaoa te babaire. Te tia kairiiri ibukin te tembora ao rongorongon te utu n te uoote a na ibuobuoki naba. Ni karaoan te babaire, a na:
Iangoi kainnano ao bwaai n ibuobuoki aika a tauraoi.
Katauraoi waaki aika a na karaoaki n te ririki anne.
Iangoia bwa ko na kanga ni karaoa te babaire ao ni karaoi mwakuri aikanne.
Katooto n aron bwaai aika a na karinaki n te babaire a kaotaki inano:
Kairekerekeia membwa aika boou ao aika tibwa oki, kairake ao ataei n te mwakuri n rongorongon te utu.
Buokiia membwa aika onoti bwa a na katauraoi ni karekei otenanti n te tembora.
Te bitiobi e rinanona ao ni kariaia te babaire. Kaain te kauntira n te uoote a na kaira te waaki ni karaoana. A ribotin aia kekeiaki n tain botakin te kauntira n te uoote. A na rinanon naba te babaire ngkana e kainnanoaki.
25.2.7
Bootaki ni Babaire ibukin te Tembora ao n Rongorongon te Utu n te Uoote
Bowi aika kimototo ibukin mwakurin tembora ao rongorongon te utu n te tembora a karaoki n taia. Ngkana e weteaki te tia kairiiri ibukin te tembora ao n rongorongon te utu n te uoote, e na karaoi bootaki aikai. Ma ti, te membwa n te beretitentii n te kooram n unimwaane are e kanoa te nakoa aei ngaia ae e na kairia.
Tabeman ake a kaoaki n raonaki ma:
Te membwa ae mwiokoaki n te beretitentii man te Bootaki n Aine ao te kooram n unimwaane.
Te tia ibuobuoki n te kooram n ibonga.
Te membwa n te beretitentii ae te kabanea n ikawai n aia kiraati Ataeinnaine.
Te tia rabakau n te tembora ao n rongorongon te utu.
Ni kabane ake a roko, n raonaki ma kairake, a na uaia ni marooro ae ti te arona ngaiia ngkai a iria.
Te kantaninga n taian bootaki aikai bwa e na:
Tararuai mwakuri ni karaoa te babaire ibukin te tembora ao n rongorongon te utu n te uoote (taraa 25.2.6).
Baireia bwa ko na kanga ni buokiia membwa n te uoote ma aia mwakuri n te tembora ao n rongorongon te utu n aia uoote n aron are a tia ni bubuti iai.
A na karaoaki bootaki aikai ma temanna te aomata ke n taabo aika raroanako. Te boowi n reitaki e kona naba n riki ni kawai riki tabeua, ni ikotaki ma tareboon, tekiti, ao imeeri.
25.2.8
Te Reirei ibukin te Katauraoi Nakon te Tembora
Iaan ana kaetieti te bitiobi, te reirei ibukin te katauraoi nakon te tembora e kona ni baireaki bwa e na buokiia membwa ni katauraoia ni karaoi berita aika tabu ngkana a karekei otenanti n te tembora. A karaoaki reirei aikai itinanikun tain bootaki n te Tabati ae tataneiai te aba iai n te tai are e angaraoi ibukiia membwa. A kona ni karaoaki n te autinibotaki ke inanon te mwenga.
Membwa n ana kauntira te uoote a tataro mwaaka n rineia membwa ae a na kaoia bwa a na irii reirei aikai. A kona reirei aikai n ti ibuobuoki ibukiia aomata aikai:
Membwa aika boou
Membwa aika a katauraoia ni karekei oin aia entaunmente ke ni kabaeaki
Membwa aika a oki nakon ana waaki ni kakukurei te Ekaretia
Membwa aika a tia n entaunte aika a tuai kaboui aia beeba ni kariaia nakon te tembora ibukin manga kananauakin riki aia tai
Te bitiobiriki e na wetea temanna ke e raka riki taan reirei iaon te katauraoi nakon te tembora. Reirei ao kaetieti ibukin bairean te reirei a kona n noraki inanon Bwaintangiraaki man ae Rietata: Ana Bokinreirei te Tia Reirei ibukin te Tieminaa n te Katauraoi ibukin te Tembora. Taan iria a anganaki katotoon te Preparing to Enter the Holy Temple Ibukin te kamatebwai i bon iroum ao bwaai n ibuobuoki n te reirei, taraa temples.ChurchofJesusChrist.org.
25.3
Baireakin te Mwakuri n te Tembora ao n Rongorongon te Utu inanon te Titeiki
Taan kairiiri n te titeiki a boutokaia taan kairiiri n te uoote ao membwa n aia kekeiaki n te tembora ao n rongorongon te utu.
25.3.1
Beretitentii n te Titeiki
Te beretitenti n te titeiki iai irouna kiing ibukin Ana mwakuri te Atua ibukin te kamaiuaki ao te karietataaki n te titeiki. Ngaia ma ana kauntira iai tabeia ibukin te tembora ao rongorongon te utu n iteran te mwakuri anne:
Kakoauaa bwa te reirei ao kakabwaia ibukin mwakuri n te tembora ao rongorongoia utu a reiakinaki n taainako inanon bootakin te uoote.
Buokiia membwa ni katauraoia ni karaoi berita aika tabu ngkana a karekei aia otenanti n te tembora.
Kaungaiia membwa bwa a na reirei taekaia aia bakatibu ao karaoi otenanti n te tembora ibukiia.
Kaungaiia membwa bwa a na nebonebo inanon te tembora n tainako ngkana e angaraoi.
Karaoi intawiu ibukin karekean beba ni kariaia n rin n te tembora (taraa mwakoro 26).
N ana bobotaki ma beretitenti n te kooram n unimwaane n tatabemaniia nako, te membwa n te beretitentii n te titeiki e na maroroakina te mwakuri n te tembora ao n rongorongon te utu n te uoote (taraa 8.3.1). Kauntira n te beretitentii n aia kooram unimwaane ao te kauntira ae rietaata are e katabeaki nakon te kooram a kona n iria.
25.3.2
Te Komete Ni Kairiiri Irouia Ikawai n te Titeiki
Te komete ni kairiiri ibukiia ikawai n te titeiki kaina bon:
Te titeiki beretitentii.
Te beretitentii n te Bootaki n Aine n te titeiki.
Kauntira aika rietaata a katabeaki bwa a na mwakuri ma kooram n unimwaane.
Taan kairiiri aikai a anga reirei ao boutokaiia beretitentii n te kooram n unimwaane ma te Bootaki n Aine n tabeia ni mwakurin tembora ao rongorongon te utu (taraa 25.2.2). Waaki ni kaetieti a kona ni karaoaki n te kurubu ke nakon ti temanna. Taan kaira mwakurin tembora ao rongorongon te utu n te uoote a kaoaki ni karekea te reirei aei.
Ibukin rongorongon riki te bowi ni komete aei, taraa 29.3.8.
25.3.3
Kauntira aika Rietata
Te beretitentii n te titeiki e kona ni katabeia kauntira aika rietaata bwa a na reireiniia ao ni boutokaia aomata aikai n tabeia n te tembora ao n rongorongon te utu:
Beretitentii n aia kooram unimwaane
Taan kairiiri ibukin te tembora ao n rongorongon te utu n te uoote
Taan rabakau n te tembora ao n rongorongon te utu
Temanna ke e raka riki kauntira aika rietaata a kona ni katabeaki bwa a na kairi mwakuri aikai. E ngae n anne, kauntira ni kabane aika a rietaata iai tabeia aikai ibukiia uoote ao kooram ake a katabeaki iai.
Kauntira aika rietaata a kona ni buokiia taan kairiiri n te tembora ao n rongorongon te utu n reireiniia taan rabakau n te tembora ao rongorongon te utu n te uoote. A kona kauntira aika rietaata ni buokaki irouia taan rabakau n te tembora ao n rongorongon te utu.
E kona te beretitentii n te titeiki n rinea te kauntira ae rietaata n tararuai ana mwakuri te titeiki inanon te intekiting (taraa 25.4.3). E na mwiokoaki teuanne ke te kauntira temanna ae rietaata bwa e na taraa te mwakuri i nanon tienta n te FamilySearch (taraa 25.3.6).
25.3.4
Beretitentii n te Bootaki n Aine n te Titeiki
Iaan ana kaetieti te beretitenti n te titeiki, te beretitentii n te Bootaki n Aine n te Titeiki e na reirei ao ni boutoka te beretitentii n te Bootaki n Aine n te Titeiki n tabeia ibukin te mwakuri n te tembora ao n rongorongon te utu.
Te Tia Rabakau n te Tembora ao n Rongorongon te Utu
Taan rabakau n te tembora ao n rongorongon te utu n te titeiki a boutoka te mwakuri n te tembora ao n rongorongon te utu rinanon te titeiki. A beku iaan ana kaetieti te beretitentii n te titeiki ao temanna ke e raka riki kauntira aika rietaata a katabeaki nakon te mwakuri n te tembora ao rongorongon te utu.
Taan rabakau aikai a boutokaia kauntira aika a rietaata ao te beretitentii n te Bootaki n Aine n te titeiki n aia kekeiaki n reireiniia tabeman n te mwakuri n te tembora ao n rongorongon te utu (taraa 25.3.3 ao 25.3.4). A kona naba n anganaki mwakuri aikai:
Ibuobuoki n reireiniia ao ni boutokaia membwa n taian wewete n te tembora ao n rongorongon te utu n te uoote.
Ibuobuoki n tarai mwakuri n te intekiting n te titeiki (25.4.3).
Beku n tienta ibukin te FamilySearch (taraa 25.3.6).
Ngkana a tauraoi bwaai n ibuobuoki, e kona te titeiki ni katea teuana ke e raka riki tienta ibukin te FamilySearch. Tienta aikai a na buokiia iruwa aika roko ni kakaea, karekei rongorongon, ao katiteuanaia kaain te utu aika maiu ao ake a tia ni mate. A bane ni butimwaeaki aomata ni kabonganai tienta aikai.
E na mwiokoa temanna te tia rabakau n te tembora ao n rongorongon te utu te titeiki te beretitenti n te titeiki bwa e na tararuai mwakuri n tienta n tatabeua nako ibukin te FamilySearch. Tienta n tatabeua nako a kainaki irouia taan rabakau n te titeiki ao n te tembora ao n rongorongon te utu n te uoote ake a tia n rineaki. A riai tienta n te FamilySearch ni kaukaki n taai aika a angaraoi.
E kariaiakaki, bwa a na tararuaaki tabeua tienta n te FamilySearch aika bubura irouia kaain te Beretitentii n te Aono.
25.3.7
Aetuaitia n te Tembora ao n Rongorongon te Utu n te Uoote
A kona Beretitentii n te Aono ni weteiia aetuwaitia n te tembora ao rongorongon te utu. Ngkana e angaraoi n aron aroia, te aomata temanna ke te tangana a kona ni weteaki ibukin te kauntira ni babaire. Aetuwaitia a bon ti beku ibukin teniua ke nimaua te ririki.
E konaa te Beretitentii n te Aono ni mwiokoa te Itingaun n te Aono bwa e na bairea kairan aia mwakuri aetuwaitia aikai inanon te kauntira ni babaire. Aia mwakuri aetuaitia e riai ni boraoi ma ana nonori te aono.
N aron ae kairaki iroun te Beretitenti n te Aono ao Itingaun n te Aono, aetuwaitia a buokiia beretitenti n titeiki ni kakoroa nanon katabeakiia ibukin te tembora ao rongorongon te utu. Aetuwaitia a buokiia beretitenti n te titeiki n aia kekeiaki n reireiniia kauntira aika rietaata, beretitentii n te Bootaki n Aine, komete aika taan kairiiri ibukiia ikawai n te titeiki, ao te tia ibuobuoki n te tembora ao n rongorongon te utu iaon taekan katabeaia.
E kona ni mwiokoaki te atuwaitia ni buokiia te beretitentii n te titeiki ni katauraoia membwa ibukin te nebonebo n aia tembora ae boou n aia aono. Tabeua katabeaia a kona ni kaairaki ma kairaia taan kairiiri n te titeiki iaon taian reirei ao mwakurin te tembora ao rongorongon te utu. A raonaki ma:
E kanga barongaan mwakuri n te tembora ao rongorongon te utu n te titeiki ao uoote (taraa 25.3 and 25.2).
E kanga boutokaiia beretitentii n te kooram n unimwaane ma te Bootaki n Aine iaon katabeaia (taraa 25.2.2).
E na kanga mwakurin te tembora ao rongorongon te utu ni kakabwaiaia ataei ao te roronrikirake (taraa 10.2.4, 11.2.4, and 12.2.4).
E kanga kanakoraoan tain bowin babaire ibukin te tembora ao rongorongon te utu (taraa 25.2.7).
Ibukin te katabuaki nakon te nakoa ni unimwane ao n ibonga ae rietaata (taraa 25.2.6).
E kanga buokaia membwa ni katauraoi nakon te tembora (taraa 25.2.8).
E kanga buokaia membwa ma aia moan taneiai ma te bonomwi ni karaoan te bwabetito n te tembora (taraa 23.2).
Au Utu: Karaki Aika A na Uotira n Ikotiira e buokiia aomata ni kakaeiia aia koraki ao aia bakatibu ao n ikoti rongorongoia. E kona naba te boki ae uarereke aei ni buokia membwa n waaki ni katauraoi aara n aia utu ibukin otenanti n te tembora.
Te intekiting bon karinan te rongorongo man te rekooti are koreaki nakon te tatabeiti are e kona n reke n te FamilySearch.org. Naake a karaoa te intekiti a karekea aia tai tabeman ni ukoukoriia aia bakatibu n ae bebete riki ao ni karaoi otenanti n te tembora ibukiia.
A kona aomata ni kabane ni karaoa te intekiting. E kona n riki aei bwa kakoroan nanon te taneiai ibukin bwaai aikai:
Kairake
Kairake ni ikawai
Membwa ake a bon aki kona n ira ana botaki te Ekaretia n taainako
Membwa aika boou
Botan aomata
Te beretitentii n te titeiki e kona ni mwiokoa te tia rabakau n te tembora ao n rongorongon te utu ke te kauntira ae rietaata n tararua te mwakuri aei.
Taan mwakuri n te tembora aika a tauraoi a kinaaki n te kawai aei:
Membwa ake a kinaki iroun te bitiobi ke te tia kairiiri riki temanna
Membwa aika a nakon te bitiobi ibukin te beku
Membwa aika a kariaiakaki iroun te beretitenti n te tembora, te meituron, ke te tia kairiiri riki temanna n te tembora
Kaain te aro ake a kakatauraoi ke a tibwa oki man aia mitinare (taraa mwakoro 24)
Araia taan mwakuri n te tembora aika a tauraoi a kanakoaki man kabonganakin te Recommend Temple Worker tool. Te bwai ni mwakuri aei a tauraoi nakoia bitiobi, beretitenti n te titeiki, ao beretitentii n te tembora. Aron kanakoan aara a kabwarabwaraaki inano.
Ngkana te membwa n te beretitentiii n te tembora e kakoaua bwa bon ngaia te tia mwakuri n te tembora ae tauraoi, a na anga aran te aomata nakon te bitiobi ni kabonganakin te Recommend Temple Worker tool.
Ngkana te bitiobi e kinaa te tia mwakuri n te tembora ke ni karekea te kariaiakaki mairoun te beretitenti n te tembora, e na reirei ma te membwa ibukin reken ana tai ni beku. E na rinanoi bwaai aika kainnanoaki ibukiia taan mwakuri n te otenanti n te tembora (taraa 25.5.2) ke taan anganano n mwakuri n te tembora (taraa 25.5.3). Ngkana te bitiobi ao te membwa a namakinna bwa e na nakoraoi taina, te bitiobi e na katia ao ni kanakoa te kariaia man kabonganakin te Recommend Temple Worker tool. E riai te membwa n ataia bwa te beeba ni kariaia are e a tia ni kanakoaki e aki kakoaua ae teuanne ke neienne e na weteaki ke ni mwiokoaki bwa te tia mwakuri n te tembora.
Te rinerine imwiina e na rinanoaki iroun te beretitenti n te titeiki ibukiia membwa ake a maeka inanon te titeiki. Ibukiia membwa ake a maeka inanon te mwakoro, te beretitienti n te mition e na rinanona. Ngkana e na kariaia te tabeka te beretitenti n te titeiki ke miltion, e na uotirake nakon te beretitenti n te tembora ibukin rinanoana man kabonganan te Recommend Temple Worker tool.
Membwa ake a weteaki ke ni mwiokoaki bwa taan mwakuri n te tembora n tainako a motikia mai inanoia bwa a na beku n te tembora ni katoa wiiki. A riai taan kairiiri n totokoa anganakiia riki te nakoa are e na kona n roota te membwa ana kona ni beku n te tembora.
Te Recommend Temple Worker tool e kaota naba nakoia bitiobi ao beretitenti n te titeiki araia membwa n aia uoote ke titeiki aika a beku ngkai inanon te tembora.
25.5.2
Bwaai aika Kainnanoaki ibukiia Taan Mwakuri n te Otenanti n te Tembora
Taan mwakuri n te tembora ibukin te otenanti a buokia ni karaoi otenanti n te tembora. N te aro bwa ko na rineaki bwa te tia mwakuri n te otenanti, e riai te membwa ni karekei bwaai aikai:
E maeka n te mwakoro are iai te tembora are e na beku iai teuanne ke neienne.
N tia n entaute, e karinei berita aika tabu n te tembora, ao iai ana beeba ni kariaia nakon te tembora ae tuai bane taina.
Iai ana koaua ae matoa n ana euangkerio Iesu Kristo ae kaokaki.
E kona ni karaoi otenanti aikai n akea te ibuobuoki.
E tau ni karineaki n te Ekaretia ao n te komiuniti.
Nakoraoi ni mwakuri ma aomata tabeman.
E na onimakinna bon irouna ao n raoiroi marurungina.
Akea kabwarabwarakina n ana rekooti teuanne ke neienne.
Irarikin anne, ao e na kakoauai bwaai aikai te bitiobi:
Ngkana e a tia ni kainaki ana membwatibu te aomata anne, e kona teuanne ke neienne ni kariaiakaki bwa e na riki bwa te tia mwakuri n te otenanti n aki waekoa imwain nimaua te ririki mai imwiin ae anganaki te inaomata. (Taraa 32.11.3 ao 32.16.1.)
Ngkana e butaki ana membwatibu te aomata are e tuai n entaute, ke ngkana e kamauna ana membwatibu te aomata, e kona teuanne ke neienne n rineaki bwa te tia mwakuri n te otenanti n aki waekoa imwain koron nimaua te rirki imwiin are e a manga kaokaki nakon te Ekaretia. (Taraa 32.11.4, 32.14.9, 32.16.1, ao 32.16.2.)
Ngkana e butaki ana membwatibu te aomata are e a tia n entaute, ke ngkana e kamauna ana membwatibu te aomata, e kona teuanne ke neienne n rineaki bwa te tia mwkauri n te otenanti n aki waekoa imwain koron nimaua te ririki imwiin manga reken kaokan kakabwaia. (Taraa 32.11.4, 32.14.9, ao 32.17.2.)
Ngkana e tuai koro nimaua te ririki mai imwiin te tai are e taekinaki ieta, e kona te membwa n riki bwa te tia ibuobuoki n te tembora ngkana teuanne ke neienne e tau nakon te mwakuri anne.
25.5.3
Bwaai aika Kainnanoaki Ibukiia Waorantiia
Waonrantiia n te tembora a ibuobuoki ma mwakuri ni babaire n te tembora, n aron te beku n te aobiti ke n te tabo ni uaati. N te aro bwa ko na rineaki bwa te waorantiia n te tembora, e riai te membwa n iai irouna bwaai aikai:
E maeka n te mwakoro are iai te tembora are e na beku iai teuanne ke neienne.
N tia n entaute, e karinei berita aika tabu n te tembora, ao iai ana beeba ni kariaia nakon te tembora ae tuai bane taina.
Nakoraoi ni mwakuri ma aomata tabeman.
E na onimakinna bon irouna ao n raoiroi marurungina.
Akea kabwarabwarakina n ana rekooti teuanne ke neienne.
Ngkai a katinanikuaki man taian reierei aikai, membwa ake a waorantiia bwa a na mwakuri itinanikun te tembora aki kainnanoaki bwa a na entaute. Te katooto bon te membwa are e mwakuri iaon tanon te tembora.
25.5.4
Weteakiia ao Kamatoakiia Taan ni Mwakuri n te Otenanti
Imwiin ae karekea te kariaia te beretitenti n te tembora ibukin temanna bwa e na beku bwa te tia mwakuri n te otenanti, te membwa n te beretitentii n te tembora ke temanna are e mwiokoia e na intawiuna te aomata anne. Ngkai e kairaki mai ieta, te aomata are e kaira te intawiu e na weteia naake a kona ni beku bwa taan mwakuri n te otenanti ao ni kamatoaia.
25.5.5
Anganakiia Waorantiia Tabeia
Uaorantiia n te tembora a kona n intawiunaki ao n anganaki mwiokoaia iroun te membwa n te beretitenti n tembora ke temanna are anganna. Waorantiia a anganaki irarikin are te weteaki. Aki kainnanoaki bwa a na katabuaki.
