26.

Peba in Mālim ko n̄an Deļo̧n̄e Tampel

26.0

Kadkad in

Deļon̄e m̧weo im̧ōn Irooj ej juon iien ekwojarjar. Ritōl ro ilo ward im stake rej rōjan̄ aolep membōr ro bwe ren erreo im n̄an bōk juon aer pepa in mālim n̄an deļon̄e tampeļ eo men̄e rejjab jokwe turin juon tampeļ.

Ritōl ro an Kabun̄ in rej kōm̧m̧ani aolep kijejeto ko n̄an lale bwe aolep ro rej deļon̄e m̧weo im̧ōn Irooj ren erreo n̄an kōm̧m̧an āindein (lale Sam Ko 24:3–5). Ritōl ro an priesthood ro em̧ōj kōmālim er rej kōjeikiik intōrpiu ko n̄an pepa in mālim n̄an deļon̄e tampeļ im kōm̧m̧ane juon pepa in mālim n̄an deļon̄e tampeļ n̄an membōr ro rej uwaake kajjitōk ko an intōrpiu eo ilo jejjet im ilo m̧ool (lale 26.3 Irooj ej kallim̧ur bwe eļan̄n̄e ro rej deļon̄e m̧weo Im̧ōn renaaj erreo, Ao̧o̧ eo an enaaj pād ijōn (lale Katak im Bujen Ko 97:15–16).

Membōr ro ej aikuj wōr juon aer peab in mālim n̄an deļon̄e tampeļ ekāāl. Ajri ro reddikļo̧k jān 8 iiō me rej liāp n̄an ro jineer im jemāer ak lale an ro jeier ak jatier liāp n̄an ro jineer im jemāer rejjab aikuj juon peba in mālim (lale 26.4.4).

Jebat in ej letok kōmeļeļe ko n̄an ritōl ro rej kōm̧m̧ani ak leļo̧k peba in mālim ko n̄an deļo̧n̄e tampeļ ko. Juon bisop ej kapilōk ippān stake būreejtōn eo an eļan̄n̄e ewōr an kajjitōk kōn peba in mālim n̄an deļo̧n̄e tampeļ eo me rejjab uwaak ilo jebta in. Stake būreejtōn eo emaron̄ kajju kajjitōkļo̧k kajjitōk ko n̄an Opij eo an Būreejtōnji eo an Kein Kajuon.

26.1

Elōn̄ Kain Peba im Mālim ko n̄an Deļon̄e Tampeļ

Juon peba in mālim n̄an deļo̧n̄e tampeļ ekāāl ej kōtļo̧k an juon membōr deļon̄e aolep tampeļ ko. Ritōl ro an priesthood rej lukkuun lae bwe aolep membōr rej bōk mālim eo ejim̧we n̄an jekjek ko aer. Elōn̄ jilu kain mālim ko:

1. peba in mālim n̄an deļon̄e tampeļ n̄an membōr ro me rejjan̄in bōk menin letok kwojarjar. Peba kein rej n̄an membōr ro rejjan̄in bōk menin letok kwojarjar eo ro rej pojak in liāp n̄an ippān ro jineer im jemeer ak bōk jikier n̄an kōm̧m̧ane peptaij im kapene ko. Rej liļo̧ki ilo Leader and Clerk Resources (LCR). N̄an meļeļe ko reļļapļo̧k, lale 26.4

2. Peba in Mālim n̄an deļo̧n̄e Tampeļ n̄an kōm̧m̧ani kain̄i ko an ro remour. Peba in mālim kein rej n̄an membōr ro me rej bōk menin letok kwojarjar eo aer make im liāp n̄an eo pāleen. Rej leļo̧k jān bok 2 in peba in mālim eo. Mālim n̄an kain̄i ko n̄an ro remour ej eddāp ippān juon peba in mālim n̄an deļo̧n̄e tampeļ eo n̄an membōr ro rejjan̄in bōk menin letok kwojarjar eo (lale kōmeļeļe in ilaļ). Tampļe eo ej bōk mālim eo n̄an kōm̧m̧ani kain̄i ko an ro remour n̄e kain̄i eo ej kōm̧m̧an. Membōr eo ej bōk mālim eo im kōjerbale n̄e ej bar ro̧o̧l n̄an tampeļ.

3. peba in mālim n̄an deļon̄e tampeļ n̄an membōr ro rejjan̄in bōk menin letok kwojarjar. Mālim kein rej n̄an membōr ro me em̧ōj aer kar bōk menin letok kwojarjar. Rej kōm̧m̧ani ilo LCR. Rej kōmaron̄ juon membōr n̄an bōk kuņaan ilo aolep kain̄i ko an tampeļ n̄an ro remej. Rej bar kōjerbali n̄e membōr eo em̧ōj an bōk menin letok kwojarjar eo ekar liāp n̄an ro remour ak ro jinen im jemen remej ak ajri ro. N̄an meļeļe ko reļļapļo̧k, lale 26.3.

26.2

Kōjparok Peba in Mālim n̄an Deļo̧n̄e Tampeļ

26.2.1

Priesthood ritōl ro rej kōjparok Peba in Mālim n̄an Deļo̧n̄e Tampeļ

Ritōl ro an priesthood ro kar kōmālim n̄an bōk bok in mālim n̄an deļo̧n̄e tampeļ eo reaikuj in lukkuun kōjparoki. Ejjeļo̧k bar juon armej eaikuj in bōkki. N̄e Kabun̄ in ej kōkāāl bok in mālim n̄an deļo̧n̄e tampeļ eo, ritōl ro rej kakkure bok eo em̧ōr.

Ritōl ro an priesthood eo rej barāinwōt kanooj lale bwe kajjojo ro kar jab kōmālim ren jab deļo̧n̄e meļeļe ko an peba in mālim an tampeļ ilo LCR.

26.2.2

Peba in Mālim ko N̄an Deļo̧n̄e Tampeļ eo Rejako ak Reko̧o̧ti

Bisop eo ej kajjitōk ippān membōr ro n̄an karon̄ e ilo iien eo em̧ōkajtata n̄e peba in mālim rejako ak reko̧o̧ti. Eļan̄e armej eo ej karbōb wōt, bisop ak juōn rikabiļōk eo emōj kālōte ak clerk eo ej deļo̧n̄e LCR n̄an bar print i juon mālim. Mālim eo ekāāl enaaj jem̧ļo̧k kitien ilo ejja ien eo wōt ilo kar mālim eo m̧okta.

Jet iien juon membōr eo mālim eo an ejebwābwe ak jako ejjab mour kōn jo̧n̄o̧k ko in ereo. Ilo jekjek rot in, bisop eo ej kabōjrak mālim eo ilo iien eo em̧ōkajtata (lale 26.2.3).

26.2.3

Rikabwijer Peba in mālim n̄an deļo̧n̄e tampeļ Ro Rejjab Mour Kake Jon̄ak ko an Erreeo

Eļan̄n̄e bisop eo ej kile bwe juon membōr eo ewōr ippān juon peba in mālim n̄an deļo̧n̄e tampeļ ejjab erreo, ej m̧ōkaj im kajjitōk peba in mālim n̄an deļo̧n̄e tampeļ eo jān membōr eo (lale 26.3), ej kajjitōk mālim jen membōr ro. Ej kōjerbal LCR n̄an kāānjōļe peba in mālim eo n̄an deļo̧n̄e tampeļ. N̄e jejtōm̧ in ejjab pād, bisop eo ej kūrļo̧k tampeļ opiij bwe ren kāānjōļe peba in mālim n̄an deļo̧n̄e tampeļ.

26.3

Tarlepin Unin Tōl ko n̄an Leļo̧k Peba in Mālim ko n̄an Deļo̧n̄e Tampeļ

Ritōl priesthood eo kar kōmālimi ej kōm̧m̧ane intōrpiu eo m̧okta jen an juon membōr eo bōk juon peba in mālim n̄an deļo̧n̄e tampeļ. Kōmeļeļe ko repād ilo LCR. Ritōl priesthood ro reaikuj leļo̧k peba in mālim n̄an deļo̧n̄e tampeļ wōt n̄e membōr eo ej uwaaki kajjitōk ko rekkar ilo peba in mālim n̄an deļōn̄e tampeļ eo.

Peba in mālim n̄an deļo̧n̄e tampeļ intōrpiu ko rej kōtļo̧k bwe membōr ro ren kwaļo̧k ke ewōr aer naan in kam̧ool im rej kajjieon̄ pokake kien ko an Anij im ļoor rikanaan ro An. Ritōl priesthood ro rej kapene, ilo intōrpiu eo, ke membōr ro rej erreeo. Lale 26.3.3 n̄an eļapļo̧k meļeļe ko kōn kōm̧m̧ane itōrpiu ko an peba in mālim n̄an deļōn̄e tampeļ.

Ilo stake ko, juon membōr in stake būreejtōnji eo ak juon stake kūlōk ej kōkāāl peba in mālim n̄an deļōn̄e tampeļ ilo LCR ālkin bōke. Ilo district ko, juon membōr in mijen būreejtōnji eo ak juon mijen kūlōk ej kōkāāl peba in mālim n̄an deļo̧n̄e tampeļ eo. Peba in mālim ko an tampeļ n̄an bōk jikin peptaij im kapene n̄an ro remej rej kōkāāl n̄e rej būriini jen juon iaan membōr in bisoprik eo ak jen branch būreejtōn eo. Ej kōjerbal LCR n̄an printi peba in mālim n̄an deļo̧n̄e tampeļ eo.

26.3.1

Intōrpiu n̄an Peba in Mālim n̄an Deļo̧n̄e Tampeļ n̄an Membōr ro ilo Ward im Branch ko

Ilo juon ward, bisop eo ak juon rikakpilōklōk eo kar jitōn̄e ej kōm̧m̧ane intōrpiu n̄an peba in mālim n̄an deļo̧n̄e tampel im leļo̧k peba in mālim n̄an deļo̧n̄e tampeļ n̄an ro rej erreeo. Ilo juon branch, branch būreejtōn eo wōt ej kōm̧m̧ane intōrpiu in peba in mālim n̄an deļo̧n̄e tampeļ im leļo̧k peba in mālim n̄an deļo̧n̄e tampeļ eo.

Ilo juon ward, bisop eo ej make intōrpiuik membōr ro rej:

• Ālkin bōkki menin letok kwojarjar eo aer make (lale 27.1 im 27.2).

• N̄e raar liāp n̄an ļeo ak lieo pālele (lale 27.3).

Ilo iien ekairiir ko n̄e bisop eo ejjab maron̄ pād, e emaron̄ kōmālim juon iaan rikakpilōklōk ro an n̄an kōm̧m̧an intōrpiu ko.

Ilo juon ward eļap an ro rūm̧m̧an ded, bisop eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

M̧okta jen leļo̧k juon peba in mālim ilo jekjek kein ilōn̄, bisop eo ej etale rekoot eo an membōr eo n̄an kam̧ool bwe ejjeļo̧k juon naan kōn mo ko an membōr an Kabun̄ in. N̄an membōr rej bō make menin letok kwojarjar eo aer make ak kar liāp n̄an ļeo ak lieo pālele, ej bar lale n̄e:

• Rekoot in peptaij im kapene eo an armej eo ekar rekoot ilo rekoot membōr eo an armej eo.

• Raan im Iien eo Iaar bōk Priesthood eo an Melkesidek:

Jet iien, allōn̄/raan/iiō in an kar armej eo peptaij im kapene ak ekkapit n̄an Melkisedek Priesthood kar jab rekoote. Ilo jekjek kein, kain̄i ko reaikuj in kam̧ool im rekoot, kalikkar, ak kōm̧m̧an bar juon alen (lale 38.2.6).

Ālkin intōpiu eo jen juon membōr in bisoprik eo ak branch būreejtōn eo, juon membōr in stake būreejtōnji eo ej intōrpiuik membōr eo ej jokwe ilo stake eo. Ej jaini peba in mālim n̄an deļo̧n̄e tampeļ eo an eo ej erreeo. Juon membōr in mijen būreejtōnji eo ej kōm̧m̧ane intōrpiu eo kein karuo n̄an membōr eo ej jokwe ilo district eo. Ej bar jaini peba in mālim n̄an deļo̧n̄e tampeļ eo an ro rej erreeo. Juon district būreejtōn ejjab kōm̧m̧an intōrpiu an peba in mālim n̄an deļo̧n̄e tampeļ m̧ae iien ej kōmālim jen Būreejtōnji eo Kein Kajuon.

Stake ak mijen būreejtōn eo ej make intōrpiu membōr ro me:

• Rej bōk menin letok kwojarjar eo aer make

• Ālkin liāp an ļeo im lieo pālele.

N̄e stake būreejtōn eo ejjab pād, e maron̄ kōmālim rikakpilōklōk ro an n̄an kōm̧m̧ane intōrpiu kein.

Juon mijen būreejtōn emaron̄ kōmālim rikakpilōklōk ro an n̄an kōm̧m̧ane intōrpiu kein n̄e ekkar.

Ilo juon stake eļap an ro rūm̧m̧an ded, stake būreejtōn eo eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

26.3.2

Intōrpiu Peba in Mālim n̄an Deļo̧n̄e Tampeļ n̄an Membōr ro ilo Jikin ko Rettoļo̧k

Jet membōr rej jokwe ilo jikin ko me eļap wōnāān ito-itak ak epen n̄an an ioon membōr in stake ak mijen būreejtōnji. Ilo jekjek rot kein, juon membōr in stake ak mijen būreejtōnji eo emaron̄ ioon membōr eo ilo online n̄an kōm̧m̧ane juon intōrpiu in peba in mālim n̄an deļo̧n̄e tampeļ (lale 31.4). Ritōl eo ej sign online mālim eo eļan̄e membōr eo ej karbōb. Juon membōr in bisoprik eo ak branch būreejtōnji eo ej innem print i mālim eo im leļo̧k n̄an membōr eo .

Kakien in ej bar jerbal n̄an membōr ro ilo jikin tariņae ro rej pād ilo jikin ko rettoļo̧k.

26.3.3

Kōm̧m̧ane juon Intōrpiu an Peba in Mālim an Tampeļ

Tampeļ eo ej m̧weo im̧ōn Irooj. Deļo̧n̄e tampeļ eo im bōk koņaan ilo kain̄i ko ewōr juon jim̧we ekwojarjar. Jim̧we in ej jerbal n̄an ro me rej pojak ilo jetōb im kajjieon̄ n̄an mour kōn jon̄ak ko an Irooj, āinwōt kar kōmlet jān ritōl ro an priesthood rōmālim.

N̄an kōm̧m̧ani jokāālet in, ritōl ro an priesthood rej intōrpuik membōr eo ilo an kōjerbale kajjitōk kein ilaļ. Ritōl ro rej aikuj jab kobaik ak kōm̧akūt jabdewōt men ko aikuji. Ijoke, remaron̄ ukukōt kajjitōk ko n̄an dettan iiō eo im jekjek ko an membōr eo.

Jet iien membōr ro ewōr aer kajjitōk ilo iien intōrpiu n̄an peba in mālim n̄an deļo̧n̄e tampeļ. Ritōl priesthood ro remaron̄ kōmeļeļeik pedped in katak ko an gospel in. E emaron̄ bar jipan̄ membōr ro meļeļe kajjitōk ko ilo peba in mālim n̄an deļo̧n̄e tampeļ eo n̄e ekkar. Ijoke, e ejjjab aikuj bōk jikin tōmak eo an make, jipan̄ ko, ak ukook ko āinwōt katak an Kabun̄ ak kakien.

Intōrpiu ko n̄an peba in mālim n̄an deļo̧n̄e tampeļ eaikuj in jab m̧ōkaj. Rej aikuj in ittiņo. Ijoke, armej eo intōrpiuk maron̄ karuwaineneik tok eo pāleen, jemān ak jinen, ak bar juon rūtto n̄an an pād.

26.3.3.1

Kajjitōk ko an Intōrpiu in Peba in Mālim an Tampeļ

1. Ewōr ke am̧ tōmak ilo im naan in kam̧ool kōn Anij, Jemed Indeeo; Nejin, Jisōs Kraist, im Jetōb Kwojarjar?

2. Ewōr ke am̧ naan in kam̧ool kōn Pinmuur eo an Jisōs Kraist im jerbal eo An āinwōt am̧ Rilo̧mo̧o̧r im Ripinmuur?

3. Ewōr ke am̧ naan in kam̧ool kōn Jepļaaktok eo an gospel eo an Jisōs Kraist?

4. Kwoj ke rejtake Būreejtōn eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata āinwōt rikanaan, rilolo, im ribōk revelesōn im armej eo de eo ioon laļ in kar kōmālimi n̄an kōjerbal aolep priesthood ki ko?

   Kwoj ke rejtake ro uwaan Būreejtōnji eo Kein Kajuon im Doulul eo an Jon̄oulruo Rijilōk ro āinwōt rikanaan ro, rilolo ro, im ribōk revelesōn ro?

   Kwoj ke rejtake Ritōl ro jet Routiej an Kabun̄ in im ritōl ro ijo jokwe ie an Kabun̄ in?

5. Irooj ekar ba bwe aolep men ko rej aikuj “kōm̧m̧an ilo erreo” im̧aan E (Katak im Bujen Ko 42:41).

   Kwoj ke kajjieon̄ n̄an mour erreo ilo ļōmņak ko am̧ ak m̧wiliūm̧?

   Kwoj ke pokake kien erreo?

6. Kwoj ke ļoor katak ko an Kabun̄ eo an Jisōs Kraist ilo m̧wilūm̧ ilo eņņojak (private) im lo̧bwilej (public) ippān membōr ro an baam̧le eo am̧ ak ro jet?

7. Kwoj ke rie ak kōketak jabdewōt katak ko, iminene ko, ak katak rej jum̧ae ko an Kabun̄ eo an Jisōs Kraist im Armej ro Rekwojarjar ilo Raan-ko Āliktata?

8. Kwoj ke kajjieon̄ n̄an kōjparok kwojarjar eo an raan in Jabōt, jim̧or ilo m̧weo im m̧ōn jar eo; pād ilo kweilo̧k ko am̧; m̧aanjabpopo n̄an im bōk kwojkwoj eo ilo erreo; im mour mour eo am̧ ilo jokkun wōt ippān kakien ko im kien ko an gospel eo?

9. Kwoj ke kajjieon̄ n̄an m̧ool ilo aolep kōm̧man ko am̧?

10. Kwoj ke juon eo elikio an kōļļā juon m̧ōttan jon̄oul?

    N̄an membōr rekāāl rej pukōt juon peba in mālim n̄an kōm̧m̧an peptaij in bōk jikin ko im kapene ko: Kwoj ke m̧ōņōņō in pokake kien eo n̄an kōļļā juon m̧ōttan jon̄oul?

11. Kwoj ke meļeļe im pokake Naan in Mālōtlōt?

12. (Kajjitōk in jab kajjitōk kake n̄e intōrpiuik juon ajri ak jodikdik.) Ewōr ke am̧ jabdewōt eddo ko ikkijien jāān ak ko jet n̄an eo pāleem̧ m̧okta ak ajri ro?

    Eļan̄n̄e aaet, kwoj ke kiiō kōm̧m̧ani eddo ko?

13. (Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwōj ke kōjparok bujen ko kwaar kōm̧m̧ani ilo tampeļ eo?

14. (Kajjitōk in jab kajjitōk kake n̄e intōrpiuik juon membōr eo ejjan̄in bōk menin letok kwojarjar eo.) Kwoj ke kautiej jeram̧m̧an eo am̧ ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko? (Riiti “Kōņaki Temple Garment” ennaan eo, kar kobaik itulaļ, n̄an kajjojo membōr.)

15. Ewōr ke jeraiwiw ko reļļap ilo mour eo am̧ me rej aikuj in ņa mejļaer ippān ritōl ro an priesthood rōmālim ejja m̧ōttan wōt ukweļo̧k eo am̧?

16. Kwoj ke watōk eok make kworreo n̄an deļon̄e m̧weo im̧ōn Irooj im bōk koņaam̧ ilo kain̄i ko an tampeļ?

26.3.3.2

Kōņak Tampeļ Kaarmen ko

Būreejtōnji eo Kein Kajuon ekar kōpooj unin tōl in kōn ekōņak garment:

“Garment eo an priesthood eo ekwojarjar ej kakeememej kōj kōn rōn̄ōl eo ilo tampeļ eo, im bwe rōn̄ōl eo ej kakōļļe kōn Jisōs Kraist. N̄e kwoj kōņakgarment eo am̧, kwoj likūt ioom̧ juon kakōļļe kōn Jisōs Kraist. Ilo am̧ kōņake ej juon kakōļļe itulik kōn kallim̧ur eo am̧ itulowa n̄an ļoor E. Garment eo ej barāinwōt juon kakeememej kōn bujen tampeļ ko am̧. Kwoj aikuj kōņak garment eo raan im bon̄ ilo aolepān mour eo am̧. N̄e ej aikuj utūkļo̧k n̄an m̧akūtkūt ko im rejjab maron̄ jetjet ilo am̧ kōņak garment eo, pukōte n̄an bar kōņake ilo iien eo em̧ōkaj tata. Ilo am̧ kōjparok bujen ko am̧, ekoba jeraam̧m̧an eo ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko, enaaj ļapļo̧k am̧ bōk tūriam̧o, kōjparok, kōkajoorļo̧k, im kajoor eo an Rilo̧mo̧o̧r.

Eļan̄n̄e ewōr an membōr ro kajjitōk kōn kōņak garment eo, bar ren etal n̄an 38.5.

26.3.3.3

Kakkobaba in Tōl

Ritōl eo an preisthood eo ej kōmejajaik n̄an membōr eo aikuj eo n̄an kōjparok peba in mālim eo an. Ejjab aikuj aje im ej aikuj in ripoote ilo iien eo em̧ōkaj tata n̄an eo ekar kōm̧m̧ane mālim eo eļan̄n̄e ejako ak em̧ōj ko̧o̧te.

26.4

Leļo̧k Peba in Mālim n̄an Deļo̧n̄e Tampeļ n̄an Membōr ro Rejjan̄in Bōk Menin Letok Kwojarjar eo

26.4.1

Unin Tōl ko n̄an Aolep

Ilo juon ward, bisop eo ak juon rikakpilōklōk eo kar jitōn̄e ej intōrpiuik membōr ro rejjan̄in bōk menin letok kwojarjar n̄an peba in mālim n̄an deļ̧o̧n̄e tampel. Ilo juon branch, branch būreejtōn eo wōt ej kōm̧m̧ane intōrpiu ko n̄an peba in mālim n̄an deļo̧n̄e tampeļ. Ritōl in ej ļoor unin tōl ko ilo 26.3. Ej leļo̧k juon peba in mālim n̄e armej eo erreeo.

Peba in mālim n̄an deļo̧n̄e tampeļ rej liļo̧k n̄an membōr ro rejjan̄in kar bōk menin letok kwojarjar eo āinwōt in ilaļ:

• N̄an membōr ro rej 11 aer iiō im rūttoļo̧k im rej tōn peptaij im kapen n̄an eo remej. (Leddik ro im likao ro em̧ōj aer ekkapit renaaj ekkar n̄an peba in mālim n̄an deļo̧n̄e tampeļ jino ilo Jānwōde in iiō eo rej oktak im 12 aer iiō.)

• N̄an membōr ro dettāer 8 n̄an 20 rej tōn liāp n̄an ro jineer im jemāer. Ajri ro ilaļin 8 iiō dettaer rejjab aikui juon peba in mālim in deļo̧n̄e tampeļ n̄an liāp n̄an ro jineer im jemāer (lale 26.4.4).

• N̄an membōr ro dettāer 8 n̄an 20 rej tōn lale liāp eo an ro jeier im jatier remour, ro naaj jeier im jatier (stepsibling ro), ak ro jeier ak jatier (half sibling) n̄an eo jinier ak jemāer.

Membōr ro rekar bōk menin letok kwojarjar m̧oktaļo̧k rejjab bar ebbōk peba in mālim āinwōt kōmeļeļeiki ilo jekjen in.

Juon em̧m̧aan membōr in Kabun̄ in ekekemooj n̄an kabwijer priesthood eo eaikuj in ekkapit n̄an opiij eo an priesthood m̧okta jen an bōk peba in mālim n̄an deļo̧n̄e tampeļ.

N̄e kwoj leļo̧k juon peba in mālim n̄an deļo̧n̄e tampeļ, juon membōr in bisoprik eo ak branch būreejtōn eo ej intōrpiu armej eo make iaan. Ijoke, armej eo ej intōrpiuk emaron̄ kūr bar juon rūtto n̄an pād.

26.4.2

Peba in Mālim n̄an Deļo̧n̄e Tampeļ n̄an Membōr ro Rej kab Peptaij

Bisop eo ej intōrpiuik membōr ro rekāāl ro iiō ko aer rekkar n̄an bōk peba in mālim n̄an deļo̧n̄e tampeļ n̄an bōk jikin ilo peptaij im kapene ko wōt. Ej kōm̧ane intōrpiu in ālkin wōt an membōr eo kapene, ekkā juon wiik (lale 26.4.1). N̄an em̧m̧aan ro rekāāl, intōrpiu in emaron̄ in m̧ōttanme n̄an bōk Priesthood eo an Aron. Em̧m̧aan membōr ro an Kabun̄ in raikuj ekkapit n̄an opiij eo an priesthood m̧okta jen aer bōk peba in mālim n̄an deļo̧n̄e tampeļ.

Membōr ro rerūtto me remaron̄ bōk menin letok kwojarjar eo aer make n̄e em̧ōj aer juon iiō in membōr ālkin kapen āinwōt juon membōr in Kabun̄ in (lale 27.2.1.1).

26.4.3

Peba in Mālim an Tampeļ n̄an Bōk Jikin ilo Peptaij im Kapene Wōt

Peba in mālim n̄an deļo̧n̄e tampeļ n̄an bōk jikin ilo peptaij im kapene emaron̄ in wōt kōn jibadbad in. Peba in mālim kein maron̄ būriini kōjerbal ilo LCR. Ej aikuji wōt eļtan pein membōr eo im juon iaan membōr in bisoprik eo ak branch būreejtōnji eo.

N̄an meļeļe ko kōn jikejuuļ in peptaij ko im kapene ko kōn ro remej, lale 28.2.1.

26.4.4

Peba in Mālim n̄an Deļo̧n̄e Tampeļ n̄an Liāp Ajri ro Remour n̄an ro Jineer im Jemāer

Membōr ro rejjan̄in bōk menin letok kwojarjar eo dettāer 8 n̄an 20 rej bōk mālim n̄an deļo̧n̄e tampeļ n̄an bōk kuņaer ilo liāp ko āinwōt in ilaļ:

• N̄an liāp n̄an ro jineer im jemeer

• N̄an lale liāp n̄an ro jeier im jatier remour, nej ro jeier im jatier, ak jeier im jatier n̄an ro jineer im jemeer.

Ro rej leļo̧k peba in mālim n̄an deļo̧n̄e tampeļ n̄an bōk kuņaan ilo liāp an ro jeier im jatier rej intōrpiu jen juon membōr in bisoprik eo ak branch būreejtōn eo. Rej bar intōrpiu jen juon membōr in stake ak mijen būreejtōnji eo.

Juon membōr bisoprik eo ak branch būreejtōn eo ej būriini peba in mālim n̄an deļo̧n̄e tampeļ kōjerbal LCR. Peba in mālim n̄an deļo̧n̄e tampeļ ko remaron̄ kōm̧m̧an n̄an kajjojo ajri ak juon kurup in ajri ro ilo ejja baam̧le eo wōt. Ejja peba in mālim eo n̄an deļo̧n̄e tampeļ kar maron̄ kōjerbal n̄an laajrak in ajri ro rej itōn liāp im ajri ro me rej itōn alooj liāp kein.

Ajri ro ilaļin 8 iiō dettaer rejjab aikui juon peba in mālim in deļo̧n̄e tampeļ n̄an liāp n̄an ro jinen im jemen. Ak rejjab aikuji juon peba in mālim in deļo̧n̄e tampeļ n̄an lale liāp an ro jeier im jatier, nej ro jeier im jatier (stepsibling), ak jidik jeier ak jatier (half sibling) n̄an ro jineer ak jemāer.

Membōr ro rej 21 ak rūttoļo̧k remaron̄ liāp n̄an ro jineer im jemāer ak lale juon liāp wōt eļan̄n̄e raar (1) bōk menin letok kwojarjar eo im (2) wōr juon aer peba in mālim ekāāl n̄an deļo̧n̄e tampeļ.

Lale 27.4.4 im 38.4.2 n̄an kakkobaba in kakien ko n̄an lale liāp ko im liāp n̄an ro jineer im jemāer.

26.5

Leļo̧k Peba in Mālim n̄an Deļon̄e Tampeļ ko ilo Jekjek ko Rejenolo̧k

26.5.1

Membōr Ro Rej Bōk Menin Letok Kwojarjar Eo Aer Make

Kōmeļeļe ko n̄an leļok mālim ko an juōn armej im ej bōk kaiñi ko an rej pād ilo bok in peba in mālim ko n̄an deļo̧n̄e tampel bok 2. Membōr ro rerreeo remaron̄ kāālet n̄an bōk menin letok kwojarjar eo aer make n̄e rej pād ilo jekjek kein rej elaajrak:

• Er rej 18 iiō dettaer.

• Em̧ōj aer kar kadedeļo̧k ak rejjab pād ilo high school, college, ak GED.

• Juon iiō emootļo̧k jen ke rekar kapen.

• Rej en̄jake juon ikdeleel n̄an bōk im kautiej bujen tampeļ ko rekwojarjar ilo aolep mour ko aer.

Juon armej ej aikūj in kabwijer Melkisedek Priesthood eo ippān ñan bōk menin letok kwojarjar eo an. N̄an eļapļo̧k meļeļe kōn an membōr ro keppopo n̄an bōk make menin letok kwojarjar eo aer make, lale 25.2.8. N̄an eļapļo̧k meļeļe kōn an membōr ro maron̄ bōk menin letok kwojarjar eo, lale 27.2.1.

26.5.2

Membōr Kāāl ro Rejkab Peptaij

Membōr ro rerūtto me remaron̄ bōk menin letok kwojarjar eo aer make n̄e em̧ōj aer juon iiō in membōr ālkin kapen āinwōt juon membōr in Kabun̄ in (lale 27.2.1.1). Priesthood ritōl ro ren lale bwe raan/allōn̄/iiō membōr eo enaaj bōk menin letok kwojarjar naaj diktata juon iiō ālkin an raan/allōn̄/iiō in an kapene, ejjab raan/allōn̄/iiō in an peptaij. Būreejtōnji eo Kein Kajuon wōt emaron̄ kōm̧m̧an oktak ko.

Membōr ro rekāāl ro rereeo reaikuj bōk juon peba in mālim n̄an deļo̧n̄e tampeļ n̄an wōt bōk jikin peptaij im kapene ko n̄an ro remej (lale 26.4.2).

26.5.3

Mjinede ro Rej Ro̧o̧ltok jān Jerbal Ettoļo̧k jān Kapijuknen

Mokta jen a juon mijenede ro̧o̧ltok jen jerbal ettoļo̧k ededeļo̧k jerbal eo an, mijen būreejtōn eo ej kōm̧m̧ane intōrpiu an peba in mālim n̄an deļo̧n̄e tampeļ. N̄e mijenede eo erreeo, ej leļo̧k peba in mālim n̄an deļo̧n̄e tampeļ in. Mijen būreejtōn eo ej kōkāāl peba in mālim in deļo̧n̄e tampeļ eo bwe en jem̧ļo̧k kitien jilu allōn̄ jān iien eo mijenede eo jepļaak n̄an kapijuknen.

Bisop eo ej intōrpiuik mijenede ro rej ro̧o̧ltok n̄an leļo̧k peba in mālim n̄an deļo̧n̄e tampeļ epaake jem̧ļo̧kin jilu allōn̄ an jem̧ļo̧k kitien. Ilo iien ekairiir ko n̄e bisop eo ejjab maron̄ pād, e emaron̄ kōmālim juon iaan rikakpilōklōk ro an n̄an kōm̧m̧an intōrpiu ko.

Ilo juon ward eļap an ro rūm̧m̧an ded, bisop eo emaron̄ kōmālim rikakpilōklōk ro retijem̧ļo̧k n̄an kōm̧m̧ane intōrpiu kein.

Mijenede ro rej ro̧o̧ltok rej ioon juon iaan membōr in stake būreejtōnji eo n̄an juon intōrpiu n̄an peba in mālim n̄an deļo̧n̄e tampeļ.

Ilo intōrpiu in n̄an peba in mālim in deļo̧n̄e tampeļ kein, bisop eo im membōr in stake būreejtōnji eo rej bar lale naan in kapilōk eo kar leļo̧k ilo intōrpiu in kōtļo̧k e an mijenede eo (lale 24.8.2). Rej kōnono kōn eddōkļo̧k eo an mijenede eo, mour eo an, im kūr eo an ilo Kabun̄ in. Rej bar rōjan̄ e n̄an wōnm̧aanļo̧k ilo iaļin n̄an eddōkļo̧k ilo jetōb im jerbal in jipan̄.

N̄e mijenede eo ej ro̧o̧lok ejjeļo̧k an kūr ilo Kabun̄ in, bisop eo im srtake būreejtōņ eo ren kōm̧m̧an bwe en wōr. Mijenede ro rej ro̧o̧ltok remaron̄ kōmālim n̄an jerbal āinwōt rijerbal in kain̄i in tampeļ ak baļentier n̄e epaak tampeļ eo (lale 25.5).

26.5.4

Membōr ro im Rejan̄in Mour Ilowaan Juon Ward Diktata Juon Iiō

N̄e membōr eo ejjab jokwe ilo ejja ward eo ilowaan juon iiō, bisop eo ej etal rekoot eo an membōr ro n̄an kam̧ool bwe en ejjeļo̧k notaan im m̧o ilo rekoot eo an membōr eo.

Bisop eo ak rikakpilōklōk eo kar jitōn̄e ej kūrļo̧k bisop eo m̧okta an armej eo n̄an kōm̧m̧an intōrpiu in peba in mālim n̄an deļo̧n̄e tampeļ eo. N̄e juon rikakpilōklōk ejeļā bwe ewōr meļeļe ko renojak, ej kōjem̧ļo̧k bwebwenato eo. Ej karon̄ bisop eo an n̄an kūrļo̧k bisop eo m̧okta jen juon intōrpiu.

26.5.5

Ālikin Jepel Eo An Ro Rim̧are, Jab Jokwe ippān Doon, ak Kipel jān Jikin Ekajet

Bisop ak stake būreejtōn eo emaron̄ en̄jake n̄an intōrpiuik juon membōr eo ekar jepel ak jab jokwe ippān doon ak kipel jen jikin ekajet ej bōk juon peba in mālim n̄an deļo̧n̄e tampeļ eo. Ilo intōrpiu eo, rej jipan̄ kōkajoorļo̧k jetōb eo an membōr eo. Rej bar kam̧ool erreeo eo an membōr eo.

26.5.6

Membōr ro Repaake Me Rej Jum̧ae Kabun̄ ak Pād ilo Kurup in ro Rekar Bun̄ jen Tōmak

Bisop im rikakpilōklōk ro an reaikuj jeļā n̄an leļo̧k peba in mālim ko n̄an deļo̧n̄e tampeļ ro repaak me rej jum̧ae Kabun̄ ak pād ilo kurup in rorekar bun̄ jen tōmak. Membōr ro ilo jekjek kein reaikuj jab kōm̧m̧an n̄an en̄jake ke reban bōk juon peba in mālim n̄an deļo̧n̄e tampeļ kōn iaio̧ ko an baam̧le ko aer. Raikuj dāpij wōt jemdoon in iakwe n̄an ro nukuier. Remaron̄ bōk juon peba in mālim n̄an deļo̧n̄e tampeļ eo n̄e rej uwaake aolep kajjitōk ko an peba in mālim n̄an deļo̧n̄e tampeļ eo ekkar im m̧ool.

26.5.7

Armej ro Im Watōk Er āinwōt ro Em̧ōj Ukōt M̧ōraer (Transgender)

Kain̄i ko an tampeļ rej būki ekkar n̄an lukkuun ro jinen im jemen. Membōr ro rej ereeo im rejjab kōttōpar n̄an ukōt m̧ōraer ilo aer kōjerbal m̧wijm̧wij, uno, ak ikitōltōl ļo̧k jān nememeier ilo aer kar ļotak (biological sex) remaron̄ bōk juon peba in mālim deļo̧n̄e tampeļ im kain̄i ko an tampeļ. (N̄an meļele in social transition, lale 38.6.23.)

Membōr ro em̧ōj aer bōk bun̄ten ko n̄an bar o̧ktak im bar oktaktok n̄an nememeier ilo aer kar ļotak (biological sex) im rej erreo im tiljek n̄an kōjparok kien ko an Anij remaron̄ bōk juon peba in mālim n̄an deļo̧n̄e tampeļ im kain̄i ko an tampeļ.

Bisop ro rej kapilōk ippen stakenbūreejtōn eo n̄an kōnono kake jekjek ko an kajjojo armej ro ilo jejjet im iakwe āinwōt an Kraist. Stake im mijen būreejtōn ro rej pukot kapilōk jān Eria Būreejtōnji eo.

N̄an meļele ko reļļapļo̧k, lale 38.6.23

26.5.8

Membōr Ro Me Rekar Kōm̧mane juon Jerawiwi Eļap

A member who has committed a serious sin may not receive a temple recommend until he or she has repented (see 32.6). Iien kōtar eo kōn jerawiwi eo armej eo ar kōm̧m̧ane im leļok in mālim ko ej bed um̧win kālet im tōl eo an bisop eo. Ej aikuj in bwe iien n̄an lukkuun lale bwe armej eo ekar lukkuun ukweļo̧k jān bōd eo an.

26.5.9

Membōr ro Me Em̧ōj Kar Bar Kadeļo̧n̄tok kōn peptaij im kapene Ālkin an Uwaan eo an Kabun̄ eo akar Joļo̧k ak Bukweļo̧k

26.5.9.1

Membōr Ro Rejjan̄in Kar Bōk Menin Letok Kwojarjar eo Moktaļo̧k

Ālkin an juon membōr eo ejjan̄in bōk menin letok kwojarjar eo kar bar ro̧o̧ltok kōn peptaij im kapene, bisop eo emaron̄ intōrpiuik e n̄an bōk juon peba in mālim n̄an deļo̧n̄e tampeļ n̄an bōk jikin peptaij im kapene ko (lale 26.4.2). Intōrpiu in ekkā an bōk jikin ilowaan juon wiik ālkin an membōr eo kapene. Juon membōr em̧m̧aan an Kabun̄ in eaikuj in ekkapit n̄an opiij eo an priesthood m̧okta jen an bōk peba in mālim n̄an deļo̧n̄e tampeļ.

Membōr rein rejjab maron̄ bōk peba in mālim n̄an deļo̧n̄e tampeļ eo ko n̄a bōk kain̄i eo aer ñane emōj aer pād ilo kabuñ juon iio alkin raan eo bar delonetok Kabun in ilo jen iien eo raar peptaij im kapen.

26.5.9.2

Membōr ro Me Rekar Bōk Menin Letok Kwojarjar eo Moktaļo̧k.

Membōr rein rejjab maron̄ bōk peba in mālim eo n̄an deļo̧n̄e tampeļ eo, ekoba peba in mālim n̄an deļo̧n̄e tampeļ eo ekadu kitien, m̧ae iien kōjeraam̧m̧an ko tampeļ ko aer rekar jepļaaktok (lale 32.17.2). N̄e kōjeraam̧m̧an ko aer rej ro̧o̧ltok, remaron̄ bōk juon peba in mālim n̄an deļo̧n̄e tampeļ n̄an membōr ro em̧ōj aer bōk menin letok kwojarjar.