30.

Kūr ko ilo Kabun̄ in

30.0

Kadkad in

Jemedwōj Ilan̄ ekar leļo̧k n̄an Jisōs Kraist juon mijen ekwojarjar n̄an kakūrm̧oole (lale Luk 4:18–19; Jon 6:38; 3 Nipai 27:14–16). Ilo iien jerbal in karejar eo An, Rilo̧mo̧o̧r eo ekar lōke ro Rikaļoran kōn eddo ko raorōk (lale Luk 10:1–9). Ejjeļo̧k oktak, Irooj ej kūr em̧m̧aan ro im kōrā ro n̄an jerbal ilo Kabun̄ in rainin kōn kūr ko reim̧we jān ro Rikarejeran. Iien kein rem̧m̧an n̄an jerbal rej jeļā kaki āinwōt kūr ko.

Kūr ko rej liļo̧k n̄an membōr ro iien ko rem̧m̧an n̄an en̄jake lan̄lōn̄ eo kōn jerbal n̄an Anij kōn jerbal n̄an ajri ro Nejin (lale Mosaia 2:17). Kūr ko rej barāinwōt jipan̄ membōr ro kōļapļo̧k tōmak eo aer im epaakeļo̧k Irooj.

Ejjab em̧m̧an n̄an make kōņaan tōl n̄an kūr ko rejenolo̧k ilo Kabun̄ in (lale Mark 10:42–45; Katak im Bujen Ko 121:34–37). Ak ejjeļo̧k membōr ro an Kabun̄ in rej “walōn̄ļo̧k (advance)” jān juon kūr n̄an bar juon. Ālkin jerbal ilo juon kūr, rej aikuj jab kōtmene n̄an bōk juon kūr eo eļapļo̧k eddo eo ie ak aorōkļo̧k (prominence). Jerbal ilo tiljek ilo juon kūr ej ļapļo̧k an aorōk jān ta kūr eo. Irooj ej kautiej ajeļo̧k eo an aolep ro me rej jerbal ilo Kabun̄ in.

Jepta in ej kōmeļeļeik ekōjkan an membōr ro kūr n̄an jerbal ilo Kabun̄ in im ekōjkan aer kōtļo̧k jān kūr ko aer. Ej barāinwōt koba juon Jaat in Kūr ko me ej letok meļeļe eo kōn leļo̧k kūr ko rejenolo̧k, rejtake membōr ro ilo kūr ko aer, im kōjenolo̧k er (lale 30.8).

30.1

Etale Wōn Eo N̄an Kūri

30.1.1

Unin Tōl ko n̄an Aolep

Ro me rej jerbal ilo Kabun̄ in rej kūr jān Anij (lale Hibru 5:4; Laajrak in Tōmak ko 1:5). Ritōl ro rej pukōt tōl eo an Jetōb ilo ļōmake wōn eo n̄an kūr (lale barāinwōt 4.2.6). Rej barāinwōt ļōmņak kōn:

• Erreo eo an membōr eo (āinwōt kar ļōmake ilo intōrpiu eo).

• Kapeel ko im maron̄ ko ewōr ippān membōr eo, ak maron̄ kōļapļo̧k, n̄an kōjeraam̧m̧an ro jet.

• Jekjek ko an membōr eo make, ekoba ājmour eo an im jerbal.

• Kūlaan eo an kūr eo emaron̄ in ilo m̧are eo membōr eo im baam̧le eo an.

Kajjojo kūr ej aikuj kōjeraam̧m̧an armej eo ej jerbal, membōr ro me rej jerbal, im baam̧le eo an membōr eo. Kūr ko rej barāinwōt leļo̧k n̄an membōr ro iien ko rem̧m̧an n̄an eddōkļo̧k.

Membōr ro rej jeraam̧m̧an kōn kaarmejete ko rej kōm̧m̧ani n̄an jerbal ilo Kabun̄ in. Ijo wōt ke, juon kūr ej aikuj jab likūt eddo ko ioon kajjojo armej im baam̧le ko. Ak kūr ko rejjab aikuj kōm̧m̧an bwe en pen n̄an membōr ro n̄an kakūrm̧ool eddo ko aer ilo jikin aer jerbal.

Ekkā wōt, kajjojo membōr ej kūr n̄an jerbal ilo juon wōt kūr ilo juon iien, ilo kakobaba n̄an āinwōt juon jerbal in karejar būratōr im sister. Jekjek ko kōtļo̧k rej aikuj in jeja im jar ilo ļōmņak kaki. Ejjab aolep jerbal aikuj in kanni.

N̄e leļo̧k juon kūr n̄an juon rim̧are membōr, ritōl ro rej kanooj lale bwe eo pāleen ej jeļā kake im rejtake kōn kūr eo

M̧okta jān leļo̧k juon kūr n̄an juon likao ak jiron̄, ritōl ro rej bōk mālim jān juon jinen ak jemān ak eo ej bōk eddo in.

M̧okta jān an juon kūr leļo̧k, bisop eo ej kanooj etale rekoot in membōr eo an armej eo n̄an kam̧ool bwe ejjab wōr ie juon naan in kōmeļeļe (annotation) ak mo ko repen ilo rekoot ko an membōr eo. Eļan̄n̄e kūr eo ej aikuj in leļo̧k m̧okta an rekoot in membōrjep pād ilo ward eo, bisop eo ej kūrļo̧k bisop eo m̧okta an membōr eo.

M̧okta jān an juon ritōl ilo stake eo leļo̧k juon kūr, bisop eo an armej eo ej bōk kapilōk n̄an ekōnono kōn erreo eo an membōr eo im jekjek ko jet me remaron̄ jelet jerbal in jipan̄ eo an (āinwōt ko kar kwaļo̧ki itulōn̄).

30.1.2

Kūr ko n̄an Membōr Kāāl ro

Iien ko rem̧m̧an n̄an jerbal rejipan̄ membōr ro eddōkļo̧k ilo jetōb. Jerbal ippān doon emaron̄ barāinwōt jipan̄ membōr ro kalōk jemjerā ko repaak. Menin eļap tata an aorōk n̄an membōr kāāl ro.

Ritōl ro an ward eo rej leļo̧k n̄an membōr kāāl ro iien ko rem̧m̧an n̄an jerbal ālkin wōt aer peptaij im kapen. Membōr kāāl ro ewōr ippāer elon̄ kain maron̄ ko. Ritōl ro rej jar ilo kajjitōk ippāer n̄an jerbal ilo wāween ko me renaaj jipan̄ er eddōkļo̧k er make ak kōjeraam̧m̧an ro jet. Jet membōr rej pojak n̄an kūr ko ilo iien eo wōt. Ro jet remaron̄ in kajjitōk kōn ijjitōn ko rejjab aittok me ejipan̄ er m̧aanjabpopo n̄an bōk kūr ko. Bar lale 23.2 im 23.5.1.

30.1.3

Kūr ko n̄an Ro Me Rej Jab Membōr

Armej ro me rejjab membōr in Kabun̄ in remaron̄ kūr n̄an jet jerbal ko, ko āinwōt rio̧kōn, ritōl al, ak juon kūr n̄an jipan̄ karōk m̧akūtkūt ko. Ijo wōt ke, rejjab aikuj in kūr āinwōt rūkaki ro, āinwōt membōr in būreejtōnji eo an korom̧ ak doulul, ak āinwōt ritōl ro an al an Būraimere.

Juon armej eo rekoot in membōr eo an em̧ōj kar kamo ki ak em̧ōj kar bukweļo̧k emaron̄ jab bōk juon kūr (lale 32.11.3 im 32.11.4.

30.1.4

Ittiņo

Kūr ko im kōtļo̧k ko rej kwojarjar. Kōnke kōn menin, ritōl ro rej dāpij m̧eļeļe ko kōn kūr ko jaki m̧aantak im kōtļo̧k ko ilo ittiņo. Ritōl ro rej kwaļo̧k kain meļeļe in ilo juon iien im ilo juon jekjek me ej jokkun wōt juon ippān paotok eo an ekwojarjar.

N̄an waanjon̄ak, juon armej eo me ļōmņak kake n̄an juon kūr ejjab kōjjeļāik m̧ae iien eo kūr eo ej leļo̧k. Menin ej jipan̄ kabōrjak kwaļo̧k kajookok eļan̄n̄e kūr eo ej jab leļo̧k.

Ilo kakobaba, ro wōt me rej aikuj jeļā,, āinwōt ļeo ak lieo pālele im būreejtōnji eo an doulul eo me ewōr an eddo n̄an jerbal eo, rej karon̄ er m̧okta jān jake m̧aanļo̧k n̄an rejetak.

30.1.5

Kālet ko im Mālim ko n̄an Kūr ko

Jaat in Kūr ko rej kwaļo̧k kōn wōn eo emaron̄ kōm̧m̧ani elmakot ko n̄an kajjojo kūr im ro rej leļo̧k mālim (lale 30.8). Ilo jet jekjek ko, ritōl ro an korom̧ eo im doulul eo rej kōm̧m̧ani elmakot ko n̄an stake būreejtōnji eo ak bisoprik eo. Rej kōm̧m̧ane ilo eļap jar, kappukōt im̧we eo kōn wōn eo n̄an elmakote. Rej barāinwōt kapilōk ippān bisoprik eo ak stake būreejtōnji eo.

Bisop ro im stake būreejtōn ro rej kanooj ļōmņak kōn kajjojo elmakot ko, kile bwe kar kōm̧m̧ane ilo jar. Bisoprik eo ak stake būreejtōnji eo epād ippān eddo eo āliktata n̄an bōk im̧weo kōn wōn eo n̄an kūri. N̄e aikuj, remaron̄ kajjitōk kōn bar juon elmakot.

Eļan̄n̄e bisop eo ak stake būreejtōn eo ej en̄jake im̧we n̄an kūr bar juon ijello̧kin armej eo me kar elmakote, ejjab meļeļe in elmakot eo ekar jab im̧we. Emaron̄ in bwe bisop eo ak stake būreejtōn eo ewōr meļeļe ko me raar jab pād ippān ro me raar elmakote.

30.2

Leļo̧k juon Kūr

Bōk juon kūr n̄an jerbal aikuj in juon en̄jake eo eļap meļeļe in ilo jetōb n̄an juon membōr. Kūr ko n̄an jerbal n̄an Irooj rej ekwojarjar im iien ko rem̧m̧an rōlan̄lōn̄. Ritōl ro rej kōnono kōn menin kōn wāween eo rej leļo̧k juon kūr. Rej aikuj jab leļo̧k kūr ko ilo juon jekjek bajjōk (casual).

Jaat in Kūr ko ej kwaļo̧k kōn wōn eo emaron̄ leļo̧k kajjojo kūr (lale 30.8). Ālkin bōk mālim ko remenin aikuj, ritōl ro kōmālim e ej kapilōk ippān membōr eo n̄an meļeļe eļan̄n̄e jekjek ko an membōr eo rej kōtļo̧k bwe en jerbal. Ritōl eo ej barāinwōt pukōt n̄an meļeļe eļan̄n̄e membōr eo ej erreo im m̧ōņōņō in jerbal.

N̄e juon ritōl ej leļo̧k juon kūr, ej kōmeļeļeik bwe ekar itok jān Irooj. Eļan̄n̄e aikuj, emaron̄ leļo̧k n̄an membōr eo iien n̄an jar ilo ļōmņak kōn kūr eo, pukōt kapene eo an make ilo jetōb.

Ritōl eo emaron̄ barāinwōt:

• Kōmeļeļeik jibadbad eo, aorōk eo, im eddo ko an kūr eo.

• Jipan̄ membōr eo kalimjōk eļaptata armej ro enaaj jerbal n̄an er. (N̄e ewōr, ritōl eo ej leļo̧k juon laajrak in armej rein jān Leader and Clerk Resources.)

• Kōketak membōr eo n̄an pukōt Jetōb eo an Irooj ilo kakūrm̧ool kūr eo.

• Kam̧ool bwe Irooj enaaj jipan̄ membōr eo im naaj kōjeraam̧m̧an e kōn an jerbal ilo tiljek.

• Jiron̄ membōr eo wōn eo enaaj leļo̧k kaminene im rejtak eo n̄an kūr eo.

• Jiron̄ membōr eo wōn eo n̄an riboot n̄an e kōn kijejeto ko an.

• Karon̄ membōr eo kōn jabdewōt kweilo̧k ko e ej aikuj pād ie im jabdewōt kein jipan̄ ko me rej pād.

• Jipan̄ membōr eo jeļā ewi jon̄an awa ej menin aikuj n̄an kallim̧ur n̄an kūr eo.

• Ekōnono kōn jabdewōt n̄ūrbōktak ko ak apan̄ ko an kūr eo.

• Uwaaki kajjitōk ko emaron̄ wōr an membōr eo.

Eļan̄n̄e membōr eo ej rim̧are, ritōl eo ej kūrtok eo pālele n̄an an pād n̄e leļo̧k kūr eo.

Eļan̄n̄e kūr eo ekitbuuj jerbal ippān ajri ro ak jodikdik ro, ritōl eo ej kōmeļeļeik bwe membōr eo enaaj aikuj in kadedeļo̧k kaminene in kōjparok eo an ajri im jodikdik ro. Kaminene in ej pād ilo ProtectingChildren.ChurchofJesusChrist.org. Membōr eo ej aikuj kadedeļo̧k ilowaan juon allōn̄ ālkin an kar rejtak im aolep jilu iiō ko ālkin.

30.3

Rejtak Membōr ro ilo Kūr ko

Ro raar kūr n̄an elōn̄ iaan jerbal ko ilo Kabun̄ in rej aikuj jake m̧aanļo̧k n̄an rejetak m̧okta jān aer jino jerbal (lale Katak im Bujen Ko 28;13; 42.11). Kōn rejtake ro kar kūr n̄an jerbal, membōr ro rej kallim̧ur kōn jipan̄ eo aer im m̧ōņōņō n̄an jipan̄.

Jaat in Kūr ko ej kwaļo̧k eļan̄n̄e juon rejetak ej menin aikuj im wōn ro rej bōk kuņaer ie (lale 30.8). Ritōl eo me ekar lale an kūr eo leļo̧k, ak juon ritōl an priesthood eo ej kōmalimi, ej kwaļo̧k armej eo n̄an rejtak.

Armej eo me ej kōjeikik rejtak eo ej m̧oktata kwaļo̧k wōn eo kar kōtļo̧k jān jerbal eo (eļan̄n̄e ewōr). E ej kajjitōk ippān membōr ro n̄an leļo̧k juon kakōļļe in kam̧m̧olol kōn jerbal in jipan̄ eo an armej eo (lale 30.6).

N̄e kwaļo̧k juon armej n̄an rejtak, ritōl eo an priesthood kar kōmālim ej kajjitōk ippān n̄an jutak. Ritōl eo ej emaron̄ kōjerbal naan ko āinwōt kein:

“[Āt eo] em̧ōj kūri āinwōt [jerbal eo]. Ro rej errā kōn rejtake [ļeo ak lio) emaron̄ kwaļo̧k kōn kotak pein. [Bōjrak ilo jidik iien.] Ro rej jum̧ae, eļan̄e ewōr, maron̄ barāinwōt kwalo̧ke. [Bōjrak ilo jidik iien.]”

Armej eo me kar kwaļo̧ke aikuj bōk koņaan ilo rejtake eo. Eļan̄n̄e elōn̄ļo̧k jān juon armej rej kwaļo̧ke, remaron̄ rejtake er āinwōt juon kumi.

Eļan̄n̄e juon membōr eo ej mour kōn kein im bujen ko an ej jum̧ae kūr eo, ritōl eo ej tōl ak ritōl eo an priesthood kar kōmālim kar kappeik ej kweilo̧k ippān ļeo ak lio ilo makeļo̧k ālkin kweilo̧k eo. Ritōl eo ej pukōt n̄an meļeļe etke membōr eo ej jum̧ae. Ej kajjitōk eļan̄n̄e membōr eo ejeļā kōn m̧wil eo me emaron̄ kōm̧m̧an bwe armej eo en jab ekkar jān an jerbal ilo jerbal eo. Eļan̄n̄e membōr eo ej jum̧ae ejjab jeļā kōn kain m̧wil in, rej kōketak ļeo ak lio n̄an rejtak im jipan̄ armej eo ilo kūr eo.

Membōr ro wōt rej mour kōn kien im bujen ko aer maron̄ bōk koņaan ilo rejtak eo. Ijo wōt ke, eļan̄n̄e juon ejjab membōr ak juon membōr me ejjab mour kōn kien ko im bujen ko an ewōr an kajjitōk ko kōn jerbal eo, emaron̄ kwaļo̧ki ippān bisop eo ak stake būreejtōn eo ilo makeļo̧k ālkin kweilo̧k eo.

30.4

Kōjenolo̧k Membōr ro n̄an Jerbal ilo Kūr ko

Ro me rej kūr n̄an elōn̄ iaan jerbal ko an Kabun̄ in rej aikuj kōjenolo̧k. Jaat in Kūr ko rej kwaļo̧k wōn eo emaron̄ kōm̧m̧ane kōjenolo̧k eo (lale 30.8). Menin ekkar an waļo̧k ālkin rejtak membōr ro im m̧okta jān aer jino jerbal.

N̄an kōjenolo̧k juon membōr n̄an juon kūr ej meļeļe in n̄an leļo̧k n̄an ļeo ak lio mālim eo n̄an jerbal ilo kūr jab eo (lale 3.4.3.1). Juon iien kōjenolo̧k ej barāinwōt kitbuuj juon kōjeraam̧m̧an im kallim̧ur ko kar tōl jān Jetōb eo. Kōn elōn̄ļo̧k meļeļe, lale 18.11,

30.5

Aitokan Jerbal In Jipan̄ eo

Jon̄an wōt eo emaron̄, ritōl ro rej kōtļo̧k bwe membōr ren jerbal ilo kūr ko aer ebwe an to n̄an ejaki jemjerā ko rekajoor ippān ro rej jerbal n̄an er. Membōr ro emaron̄ barāinwōt aikuj iien n̄an ekkatak im eddōkļo̧k ilo eddo ko aer. Menin emaron̄ eļap tata aorōk n̄an ritōl ro an jodikdik ro im ajri ro barāinwōt būreejtōn ro an Doulul eo an Kōrā ro im doulul eo an elder ro. Aitokan tōre in jerbal in jipan̄ eo em̧m̧an n̄an ritōl ro ekārere, bōtaab ruo ļo̧k n̄an ļalem iiō ko ebwe an emakijkij.

30.6

Kōtļo̧k Membōr ro jān Kūr ko

Ilo elōn̄ wōt iaan jekjek ko, membōr rej kōtļo̧k jān kūr ko n̄e Irooj ej im̧we ritōl ro aer n̄an kōtļo̧k er. Jet membōr, āinwōt stake im mijen būreejtōn ro, ekka aer kōtļo̧k ālkin juon tōre in iien kar ejake. Juon armej emaron̄ barāinwōt kōtļo̧k kōn un ko jet, ko āinwōt jekjek ko an juon make ak baam̧le.

N̄e juon būreejtōn ak juon bisop ej kōtļo̧k, rikakpilōklōk ro an rej ilo ejjeļo̧k kajjitōk rej kōtļo̧k. Ro jet ilo doulul eo, ro āinwōt kūļōk ro, rijeje ro im rūkaki ro, ilo ejjeļo̧k kajjitōk rejjab kōtļo̧k.

Kōtļo̧k ko jān kūr ko ilo Kabun̄ in rej kōm̧m̧an jān juon eo ilo ejja jon̄an mālim eo wōt āinwōt armej eo me kar leļo̧k kūr ko. N̄an waanjon̄ak, eļan̄n̄e juon membōr in bisoprik eo ekar leļo̧k kūr eo, juon membōr in bisoprik eo ej leļo̧k kōtļo̧k eo.

Leļo̧k juon kōtļo̧k ej juon iien em̧m̧an aorōk n̄an juon ritōl n̄an kwaļo̧k kam̧m̧oolol im n̄an kile pein Anij ilo jerbal in jipan̄ eo an membōr eo. Ritōl eo ej kweilo̧k ippān membōr eo e make n̄an karon̄ ļeo ak lio kōn kōtļo̧k eo m̧okta jān an kōjeļļā kake ilo lo̧bwilej. E emaron̄ kāālet n̄an kajjitōk ippān membōr eo n̄an kwaļo̧k ta eo ekar ekkatak jān jerbal ilo kūr eo. Ro wōt me rej aikuj in jeļā rej karon̄ er kōn kōtļo̧k eo m̧okta jān an kōjeļļā kake.

Juon ritōl priesthood eo kar kōmālim ej kōjeļļā kōn kōtļo̧k eo ilo ejja ļamļam eo wōt me armej eo ekar rejtak ie. Ritōl eo emaron̄ kōjerbal naan ko āinwōt kein:

“[Āt eo] em̧ōj kōtļo̧k āinwōt [jerbal eo]. Ro rej kōņaan kwaļo̧k kam̧m̧oolol n̄an [ļeo ak lio] kōn jerbal in jipan̄ eo an emaron̄ in kwaļo̧ke kōn kotak peiūm̧.”

Ritōl ro rejjab kajjitōk eļan̄n̄e ewōr jabdewōt ej jum̧ae.

30.7

Kūr ko, Ekkapit ko, im Kōm̧m̧ane wāween kōjenolo̧k ko an Bisop ro

Stake būreejtōnji eo emaron̄ leļo̧k etan em̧m̧aan ro jeid im jatid n̄an kūr er ak kōtļo̧k er āinwōt bisop ro. Elmakot ko rej jilkinļo̧k n̄an Būreejtōnji eo Kein Kajuon kōn Leader and Clerk Resources (LCR). Juon membōr in stake būreejtōnji eo, juon kūļōk, ak rijeje eutiej emaron̄ kōpooj kajjitōk eo. Ijoke, stake būreejtōn eo wōt emaron̄ jilkinļo̧k kajjitōk eo.

Eddo ko an juon bisop rej eļlap (lale 7.1). Rej aikuji juon em̧m̧an in m̧ool, erreo ilo mour, keke mo̧o̧j ilo jetōb, im tiljek n̄an Rilo̧mo̧o̧r eo. Stake Būreejtōnji eo ej pukōt kapene eo jān Jetōb eo kōn wōn eo n̄an elmakote. N̄e elmakote juon em̧m̧aan n̄an jerbal āinwōt juon bisop, rej kanooj ļōmņak kōn 1 Timote 3:2–7. Rejjab kajjitōk elmakot ko jān membōr ro an ward eo. Lōn̄ļo̧k in meļeļe ko kōn men ko aikuj jān juon bisop kar litok ilo LCR.

M̧okta jān an stake būreejtōn eo maron̄ kūr juon bisop kāāl, ej aikuj bōk mālim eo kar je kōn elmakot eo an jān Būreejtōnji eo Kein Kajuon. Kōn mālim in, stake būreejtōņ eo emaron̄ kapit im kōjenolo̧k juon bisop ālkin an ward membōr ro kar rejetak e ilo juon kweilo̧k in kwojkwoj eo. Mālim eo jān ippān Būreejtōnji eo Kein Kajuon ej barāinwōt menin aikuj m̧okta jān an stake būreejtōn eo kōtļo̧k juon bisop. Stake būreejtōn eo emaron̄ jab ajeļo̧k eddo kein:

N̄e juon em̧m̧aan kar kūr āinwōt bisop ejjab juon pris utiej, stake būreejtōn eo ej kanooj lale bwe ej ekkapit juon pris eutiej m̧okta jān an kapit juon bisop. N̄e ewōr juon em̧m̧aan eo ej ekkapit n̄an bisop mokta, ej aikuj kōjenolo̧k wōt āinwōt juon bisop n̄an ward eo. Eļan̄n̄e em̧m̧aan eo ej kūr āinwōt rikakpilōklōk n̄an bisop ejjan̄in pris eutiej, rej aikuj kar ekkapit n̄an pris eutiej m̧okta jen aer kōjenolo̧k.

Ālkin an Būreejtōnji eo Kein Kajuon kar kōmālim elmakot eo an juon em̧m̧aan n̄an jerbal āinwōt bisop, rej kōmālim stake būreejtōn eo n̄an kapit e im kōjenolo̧k e. Stake būreejtōn eo:

1. Kūr em̧m̧aan eo kōn aolepān ettan.

2. Ba bwe ej kōm̧mane kōn mālim eo an Melkisedek Priesthood eo.

3. Kapit em̧m̧aan juon bisop (ijjelo̧kin elan̄n̄e emōj an kar ekkapit moktaļo̧k).

4. Kōjenolo̧k e n̄an tōl ioon ward eo im n̄an erom būreejtōn eo an Priesthood eo an Aron im doulul eo an pris ro, kōmejajaik eddo ko an n̄an rikabwijer ro an Priesthood eo an Aron im jiron̄ ro ilo ward eo (lale 7.1.2).

5. Leļo̧k n̄an e aolep ki ko, jim̧we ko, kajoor ko, im mālim eo an opiij eo an bisop, kwaļo̧k eļap tata n̄an jerbal ko an bisop eo āinwōt juon riekajet in Israel im āinwōt pris utiej eo ej tōl ilo ward eo (lale 7.1.1 im 7.1.3).

6. Ej leļo̧k naan in kōjeraam̧m̧an ko āinwōt an Jetōb eo tōl.

7. Ej kiili ilo etan Jisōs Kraist.

Eria Jiljilimjuonn̄ul eo ak Ritōl Utiej an Kabun̄ emaron̄ barāinwōt kūr, kapit, im kōjenolo̧k juon bisop kōn mālim jān Būreejtōnji eo Kein Kajuon.

30.8

Jaat in Kūr ko

Laajrak in jaat in kar kālet kūr ko an ward im stake eo. Kūr ko jet im iien ko rem̧m̧an an jerbal in jipan̄ rej kōmeļeļe juon bar jikin ilo bok in bōk meļeļe in.

Juon ward ak juon stake rejjab aikuj in kanne aolep kūr ko kar kōllajraki ilo jaat in. Ritōl ro rej kōmļet ewi wōt kūr ko n̄an kanni pedped ioon aikuj ko an iunit eo im ro rej pād n̄an jerbal.

30.8.1

Kūr ko an Ward

Kūr	Kar elmakote jān	Kar kōmālim jān	Kar rejetake jān	Kar kūr im kōjenolo̧ke jān
Kūr Bisop eo	Kar elmakote jān Stake būreejtōnji, kōjerbal LCR	Kar kōmālim jān Būreejtōnji eo Kein Kajuon im Doulul eo an Jon̄oulruo eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn eo ālkin bōk mālim jān Būreejtōnji eo Kein Kajuon (lale 30.7)
Kūr Rikakpilōklōk ro ilo bisoprik eo	Kar elmakote jān Bisop	Kar kōmālim jān Stake būreejtōnji im high ko̧o̧njeļ eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn ak rikakpilōklōk eo jitōn̄e
Kūr Kūļōk eo an ward (im kūļōk rijippan̄ ro an ward eļan̄n̄e aikuj)	Kar elmakote jān Bisoprik	Kar kōmālim jān Stake būreejtōnji im high ko̧o̧njeļ eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Rijeje eo eutiej an ward (im rijeje utiej rijippan̄ ro an ward eļan̄n̄e aikuj)	Kar elmakote jān Bisoprik	Kar kōmālim jān Stake būreejtōnji im high ko̧o̧njeļ eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Būreejtōn eo an doulul elder ro	Kar elmakote jān Stake būreejtōnji (ilo bōk meļeļe ippān bisop)	Kar kōmālim jān Stake būreejtōnji im high ko̧o̧njeļ eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn
Kūr Rikakpilōklōk ro ilo būreejtōnji eo an doulul an elder ro	Kar elmakote jān Būreejtōn eo an doulul (ilo bōk meļele ippān bisop eo)	Kar kōmālim jān Stake būreejtōnji im high ko̧o̧njeļ eo	Kar rejetake jān Ro uwaan Ward eo	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Kūr ko jet an doulul eo an elder ro	Kar elmakote jān Būreejtōnji eo an doulul eo	Kar kōmālim jān Bisoprik	Kar rejetake jān Ro uwaan doulul eo (kar pād ilo juon kweilo̧k an doulul eo jān būreejtōn eo an doulul eo ak juon rikakpilōklōk kar kappeik)	Kar kūr im kōjenolo̧ke jān Būreejtōn in Doulul ak juōn rikapilōk emōj kālet
Kūr Būreejtōn ro an doulul ko ilo ward (Doulul eo an Kōrā ro, Doulul eo an Jiron̄ ro, Būraimere, im Jabōt Jikuuļ)	Kar elmakote jān Bisoprik	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop
Kūr Rikakpilōklōk ro ilo būreejtōnji ko an doulul eo an ward eo	Kar elmakote jān Būreejtōn an doulul eo	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Kūr ko jet ilo Doulul eo an Korā ro, Doulul eo an Jiron̄ ro, Būraimere, im Jabōt Jikuuļ	Kar elmakote jān Būreejtōnji an doulul eo	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Ritōl eo an ward mijen (juon membōr in būreejtōnji eo an doulul eo an elder ro emaron̄ bōk jerbal in; eļan̄n̄e āindein, e ejjab aikuj in kūr, rejtake, ak kōjenolo̧k makeļo̧k)	Kar elmakote jān Bisoprik eo (ilo ekōnono ippān būreejtōn ro an doulul eo an elder ro im Doulul eo an Kōrā ro)	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Mijenede ro an ward	Kar elmakote jān Bisoprik eo ak būreejtōn ro an doulul eo an elder ro ak Doulul eo an Kōrā ro	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Ritōl eo an jerbal in tampeļ im menmenbwij an ward eo (juon membōr in būreejtōnji eo an doulul eo an elder ro emaron̄ bōk jerbal in; eļan̄n̄e āindein, ejjab aikuj in kūr, rejtak, ak kōjenolo̧k makeļo̧k)	Kar elmakote jān Bisoprik eo (ilo ekōnono ippān būreejtōn ro an doulul eo an elder ro im Doulul eo an Kōrā ro)	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Rikapilōk ro an jerbal in tampeļ im menmenbwij an ward eo	Kar elmakote jān Bisoprik eo ak būreejtōn ro an doulul eo an elder ro ak Doulul eo an Kōrā ro	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Rijipan̄ ro n̄an būreejtōn eo doulul eo an pris	Kar elmakote jān Bisop eo (āinwōt būreejtōn eo an doulul eo an pris ro)	Kar kōmālim jān Bisoprik	Kar rejetake jān Ro uwaan Doulul eo (kar kwaļo̧k ilo juon kweilo̧k an doulul eo jān bisop eo ak juon rikakpilōklōk eo kar jitōn̄e)	Kar kūr im kōjenolo̧ke jān Bisop
Kūr Būreejtōn n̄an doulul eo an rūkaki ro im tikōn ro	Kar elmakote jān Bisoprik	Kar kōmālim jān Bisoprik	Kar rejetake jān Ro uwaan Doulul eo (kar kwaļo̧k ilo juon kweilo̧k an doulul eo jān bisop eo ak juon rikakpilōklōk eo kar jitōn̄e)	Kar kūr im kōjenolo̧ke jān Kūr jen ippān bisop rikakpilōklōk kar jitōn̄e; kōjenolo̧k jān ippān bisop eo
Kūr Rikakpilōklōk ro ilo būreejtōnji ko rūkaki im tikōn ro im rijeje ro an doulul	Kar elmakote jān Būreejtōn an doulul	Kar kōmālim jān Bisoprik	Kar rejetake jān Ro uwaan Doulul eo (kar kwaļo̧k ilo juon kweilo̧k an doulul eo jān bisop eo ak juon rikakpilōklōk eo kar jitōn̄e)	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Kūlaaj būreejtōn ro an Doulul eo an Jiron̄ ro	Kar elmakote jān Bisoprik (ilo aer kōnono ippān būreejtōnji eo an Doulul an Jiron̄ ro)	Kar kōmālim jān Bisoprik	Kar rejetake jān Ro uwaan kūlaaj eo (kar kwaļo̧k ilo juon kweilo̧k an Doulul eo an Jiron̄ ro jān bisop eo ak juon rikakpilōklōk kar jitōn̄e)	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Rikakpilōk ro an būreejtōnji eo an Doulul eo an Jiron̄ ro im rijeje ro an kūlaaj ko	Kar elmakote jān Būreejtōn eo an Kūlaaj ko	Kar kōmālim jān Bisoprik	Kar rejetake jān Ro uwaan kūlaaj eo (kar kwaļo̧k ilo juon kweilo̧k an Doulul eo an Jiron̄ ro jān bisop eo ak juon rikakpilōklōk kar jitōn̄e)	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Rijipan̄ an menin jipan̄ an ward im un̄n̄are peid make eļan̄n̄e aikuj	Kar elmakote jān Bisoprik	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Ritijem̧ļo̧k eo an jikin kein jipan̄ an ward eo eļan̄n̄e aikuj	Kar elmakote jān Būreejtōn eo an Jabōt Jikuuļ	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Ritōl al ro an ward	Kar elmakote jān Bisoprik	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Rukook ro eļan̄n̄e aikuj	Kar elmakote jān Bisoprik	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e
Kūr Kūr ko jet ilo ward ko	Kar elmakote jān Bisoprik	Kar kōmālim jān Bisoprik	Kar rejetake jān Membōr ro an ward	Kar kūr im kōjenolo̧ke jān Bisop ak rikakpilōklōk ro jitōn̄e

1. Ilo jekjek ko rōjeja, juon membōr in ward eo emaron̄ aikuj in jino jerbal in jipan̄ eo ilo juon kūr m̧okta jān an rejtak. N̄e menin ej kōm̧m̧an, juon membōr in bisoprik eo ej jake m̧aanļo̧k armej eo n̄an rie ilo iien eo emaron̄ em̧ōkaj tata. E ej ukukōt jekjek eo kar kōmeļeļeik ilo 30.3). Menin ekitbuuj leļo̧k juon iien em̧m̧an n̄an ro uwaan ward eo n̄an jum̧ae jerbal eo.

2. Rijerbal in liāp ro ilo juon tampeļ rej aikuj jab kūr n̄an jerbal ilo bisoprik ko. Riliāp ro rej kūr ium̧win tōl eo an Būreejtōn eo an Kabun̄ in.

30.8.2

Kūr ilo Branch

Kūr	Kar elmakote jān	Kar kōmālim jān	Kar rejetake jān	Kar kūr im kōjenolo̧ke jān
Kūr Branch būreejtōn	Kar elmakote jān Būreejtōnji eo an stake, mijen, ak district eo	Kar kōmālim jān Stake būreejtōnji im high ko̧o̧njeļ ak mijen būreejtōnji	Kar rejetake jān Ro uwaan Branch ro	Kar kūr im kōjenolo̧ke jān Stake ak mijen būreejtōn eo (ak district būreejtōn eo eļan̄n̄e kar jitōn̄e)
Kūr Rikakpilōklōk ro an district būreejtōnji eo	Kar elmakote jān Branch būreejtōn	Kar kōmālim jān Stake būreejtōnji eo ak high ko̧o̧njeļ eo ak mijen būreejtōnji eo (ak, n̄e kar kōmālim jān mijen būreejtōn eo, district būreejtōnji eo)	Kar rejetake jān Ro uwaan Branch ro	Kar kūr im kōjenolo̧ke jān Būreejtōn eo an stake, mijen, ak district būreejtōn eo ak juon rikakpilōklōk kar jitōn̄e
Kūr Kūļōk eo an branch, kūļōk rijippan̄ ro, im rijeje eo eutiej	Kar elmakote jān Branch būreejtōnji eo	Kar kōmālim jān Stake būreejtōnji eo ak high ko̧o̧njeļ eo ak mijen būreejtōnji eo (ak, n̄e kar kōmālim jān mijen būreejtōn eo, district būreejtōnji eo)	Kar rejetake jān Ro uwaan Branch ro	Kar kūr im kōjenolo̧ke jān Stake būreejtōn eo ak rikakpilōklōk eo kar jitōn̄e ak high ko̧o̧njeļ eo (n̄an branch ko ilo stake ko); district būreejtōn eo ak juon ritōl an priesthood eo ekar jitōn̄e (n̄an branch ko ilo mijen eo)
Kūr Būreejtōn eo an Doulul eo an Elder ro	Kar elmakote jān Būreejtōnji eo an stake, district, ak mijen (ilo kōnono ippān branch būreejtōn eo)	Kar kōmālim jān Stake būreejtōnji eo ak high ko̧o̧njeļ eo ak mijen būreejtōnji eo (ak, n̄e kar kōmālim jān mijen būreejtōn eo, district būreejtōnji eo)	Kar rejetake jān Ro uwaan Branch ro	Kar kūr im kōjenolo̧ke jān Stake ak mijen būreejtōn eo (ak district būreejtōn eo eļan̄n̄e kar jitōn̄e)
Kūr Rikakpilōklōk ro ilo būreejtōnji eo an doulul an elder ro	Kar elmakote jān Būreejtōn in Doulul ko kajjojo (ilo aer kōnono ippān būreejtōn ro jān branch ko)	Kar kōmālim jān Stake būreejtōnji eo ak high ko̧o̧njeļ eo ak mijen būreejtōnji eo (ak, n̄e kar kōmālim jān mijen būreejtōn eo, district būreejtōnji eo)	Kar rejetake jān Ro uwaan Branch ro	Kar kūr im kōjenolo̧ke jān Stake ak mijen būreejtōn eo ak juon rikakpilōklōk ak aae ko̧o̧njeļ kar kappeik (ak district būreejtōn eo ak bar juon ritōl an priesthood eo eļan̄n̄e kar kappeik)
Kūr Kūr ko jet ilo branch eo	Kar elmakote jān Lale 30.8.1, bōk jikin branch būreejtōn kōn bishop im branch kōn ward.				Kar kōmālim jān Lale 30.8.1, bōk jikin branch būreejtōn kōn bishop im branch kōn ward.				Kar rejetake jān Lale 30.8.1, bōk jikin branch būreejtōn kōn bishop im branch kōn ward.				Kar kūr im kōjenolo̧ke jān Lale 30.8.1, bōk jikin branch būreejtōn kōn bishop im branch kōn ward.

1. Rijerbal in liāp ro ilo juon tampeļ rej aikuj jab kūr n̄an jerbal ilo branch būreejtōnji ko. Riliāp ro rej kūr ium̧win tōl eo an Būreejtōn eo an Kabun̄ in.

30.8.3

Kūr ko ilo Stake

Kūr	Kar elmakote jān	Kar kōmālim jān	Kar rejetake jān	Kar kūr im kōjenolo̧ke jān
Kūr Stake būreejtōn	Kar elmakote jān Juon eo jitōn̄e Rutiej an Kabun̄ in ak Eria Jijilimjon̄oul	Kar kōmālim jān Juon eo jitōn̄e Rutiej an Kabun̄ in ak Eria Jijilimjon̄oul	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Juon eo jitōn̄e Rutiej an Kabun̄ in ak Eria Jijilimjon̄oul
Kūr Rikakpilōklōk ro ilo juon stake būreejtōnji	Kar elmakote jān Stake būreejtōn	Kar kōmālim jān Juon eo jitōn̄e Rutiej an Kabun̄ in ak Eria Jijilimjon̄oul	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Juon eo jitōn̄e Rutiej an Kabun̄ in ak Eria Jijilimjon̄oul
Kūr Rikakpilōk kāāl ilo juon stake būreejtōnji ej pād	Kar elmakote jān Stake būreejtōn, kōjerbal LCR	Kar kōmālim jān Būreejtōnji eo Kein Kajuōn	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn eo ālkin bōk mālim jān Būreejtōnji eo Kein Kajuon
Kūr Kūļōk an stake (im kūlōk rijippan̄ ro an stake eļan̄n̄e aikuj)	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk eo jitōn̄e
Kūr Rijeje utiej eo an stake (im rijeje utiej rijippan̄ ro eļan̄n̄e aikuj)	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk eo jitōn̄e
Kūr High ko̧o̧njeļ ro	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk eo jitōn̄e
Kūr Stake petriak eo, ekoba juon petriak eo em̧ōj kadede an kar ekkapit ilo bar juon stake	Kar elmakote jān Stake būreejtōnji, kōjerbal LCR	Kar kōmālim jān Doulul eo an Jon̄oulruo ro	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn eo ālkin bōk mālim jān Doulul eo an Jon̄oulruo eo; ak juon membōr in Būreejtōnji eo Kein Kajuon ak Doulul eo an Jon̄oulruo eo
Kūr Būreejtōn an Doulul eo an Kōrā ro an Stake	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn
Kūr Būreejtōn ro an Doulul eo an Jiron̄ ro im Būraimere ilo Stake	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk eo jitōn̄e
Kūr Būreejtōn ro an Doulul eo an Likao ro im Jabōt Jikuuļ	Kar elmakote jān Stake būreejtōnji e ej kūr high ko̧o̧njeļ ro n̄an kanne jerbal kein	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake (rej aikuj in rejtak jim̧or āinwōt high ko̧o̧njeļ ro im āinwōt būreejtōn ro an doulul kein)	Kar kūr im kōjenolo̧ke jān Stake būreejtōn eo ak rikakpilōklōk eo kar jitōn̄e (rej aikuj in kūr im kōjenolo̧k jim̧or āinwōt high ko̧o̧njeļ ro im āinwōt būreejtōn ro an doulul kein)
Kūr Rikakpilōklōk ro ilo būreejtōnji an doulul eo an stake, rijeje ro, im ro jet n̄e aikuj	Kar elmakote jān Būreejtōn eo an doulul eo an stake (ilo kōnono ippān stake būreejtōnji eo ak high ko̧o̧njeļ eo kar jitōn̄e)	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Ribōnbōn ro ilo Stake	Kar elmakote jān Chairman in kamiti eo an bōnbōn ilo stake (rikakpilōklōk eo ilo stake būreejtōnji)	Kar kōmālim jān Stake būreejtōnji im high ko̧o̧njeļ eo	Kar rejetake jān Ejjan̄in rejtak	Kar kūr im kōjenolo̧ke jān Stake būreejtōn eo ak rikakpilōklōk eo kar jitōn̄e (stake būreejtōn eo ej kōmlet eļan̄n̄e kōjenolo̧k eo ej aikuj)
Kūr Rūkaki ro an Stake seminary im institute im supervisor ro eļan̄n̄e aikuj	Kar elmakote jān Stake būreejtōnji eo (ālkin an ko̧o̧njeļ ippān bisop eo im eo ej lale seminary im institute)	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Ritijem̧ļo̧k eo an stake welfare im un̄are peid-make eļan̄n̄e aikuj	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Rikōtōbalbal eo an ukook an stake eļan̄n̄e aikuj	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Tōreektōr eo an stake ikkijeen leto letak meļeļe, rijipan̄ tōreektōr eo, im specialist ro	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.
Kūr Kūr ko jet ilo stake	Kar elmakote jān Stake būreejtōnji	Kar kōmālim jān Stake būreejtōnji im high ko̧o̧njeļ eo	Kar rejetake jān Membōr ro ilo kweilo̧k eo eļap an stake	Kar kūr im kōjenolo̧ke jān Stake būreejtōn ak rikakpilōklōk ak juon high ko̧o̧njeļ eo em̧ōj jitōn̄e.

1. N̄e, āinwōt juon men kōtļo̧k, opija ro rekāāl an stake eo rej aikuj jino jerbal in jipan̄ eo aer m̧okta jān kweilo̧k eo tok juon eļap an stake eo, rej aikuj in rejtak ilo kweilo̧k in kwojkwoj ko. Rejtake kein rej aikuj pād ilo juōn wāween eo ej ittino. Juon membōr in stake būreejtōnji eo ak high ko̧o̧njeļ eo e kwaļo̧k rejtake ko.

   Ilo jekjek ko rejeja, juon membōr in stake eo emaron̄ aikuji in jino jerbal in jipan̄ eo m̧okta jān an maron̄ rejtak jim̧or ilo juon kweilo̧k eļap an stake ak ilo kweilo̧k in kwojkwoj ko. N̄e menin ej waļo̧k, armej eo ej jake m̧aanļo̧k n̄an rie ilo iien eo emaron̄ em̧ōkaj tata, ukukōt jekjek eo kar kōmeļeļeik ilo 30.3. Menin ekitibuuj leļo̧k juon iien em̧m̧an n̄an membōr ro an stake eo n̄an jum̧ae jerbal eo.

2. Rijerbal in liāp ro ilo juon tampeļ rej aikuj jab kūr n̄an jerbal ilo stake būreejtōnji ko. Riliāp ro rej kūr ium̧win tōl eo an Būreejtōn eo an Kabun̄ in.

3. Jea eo an kamiti in m̧akūtkūt ko an stake (eļan̄n̄e aikuj) im eo ej bōk jikin an stake rikarreeo ro rej ijjitōn̄ jān stake būreejtōnji jān ko̧o̧njeļ eo eutiej. Rejjab kūr, rejtake, ak kōjeno̧lo̧k.

30.8.4

Kūr ko ilo district

Kūr	Kar elmakote jān	Kar kōmālim jān	Kar rejetake jān	Kar kūr im kōjenolo̧ke jān
Kūr District būreejtōn	Kar elmakote jān Mijen būreejtōn	Kar kōmālim jān Eria Būreejtōnji eo	Kar rejetake jān Ro uwaan district in kweilo̧k eo	Kar kūr im kōjenolo̧ke jān Mijen būreejtōn
Kūr Rikakpilōk ro ilo būreejtōnji eo an district	Kar elmakote jān District būreejtōn	Kar kōmālim jān Mijen Būreejtōnji eo	Kar rejetake jān Ro uwaan district in kweilo̧k eo	Kar kūr im kōjenolo̧ke jān Būreejtōn eo an mijen ak rikakpilōklōk eo kar jitōn̄e
Kūr Rikakpilōklōk an district	Kar elmakote jān District būreejtōn	Kar kōmālim jān Būreejtōnji eo an Mijen (ak, n̄e juon eo emōj leļo̧k mālim jān ippān mijen būreejtōn, district būreejtōnji)	Kar rejetake jān Ro uwaan district in kweilo̧k eo	Kar kūr im kōjenolo̧ke jān Mijen būreejtōnji ak juon rikakpilōkpilōk kar kappeik (ak, n̄e kar kōmālim jen mijen būreejtōn eo, district būreejtōnji eo ak juon rikakpilōklōk eo kar kappeik)
Kūr Kūr ko jet ilo district eo	Kar elmakote jān Lale 30.8.3, bōk jikin district būreejtōn kōn stake būreejtōn im district kōn stake.				Kar kōmālim jān Lale 30.8.3, bōk jikin district būreejtōn kōn stake būreejtōn im district kōn stake.				Kar rejetake jān Lale 30.8.3, bōk jikin district būreejtōn kōn stake būreejtōn im district kōn stake.				Kar kūr im kōjenolo̧ke jān Lale 30.8.3, bōk jikin district būreejtōn kōn stake būreejtōn im district kōn stake.

1. Rijerbal in liāp ro ilo juon tampeļ rej aikuj jab kūr n̄an jerbal ilo district būreejtōnji ko. Riliāp ro rej kūr ium̧win tōl eo an Būreejtōn eo an Kabun̄ in.

2. Ilo eria ko ejjeļo̧k mijen ie, Eria Būreejtōnji eo ej kōm̧m̧ane jerbal in.

30.8.5

Kūr ko ilo Kumi in Membōr an Ritariņae

Kūr	Kar elmakote jān	Kar kōmālim jān	Kar rejetake jān	Kar kūr im kōjenolo̧ke jān
Kūr Ritōl eo an kumi in membōr an Ritariņae	Kar elmakote jān Juon jābļōn (chaplain) in Armej ro Rekwojarjar ilo Raan Ko Āliktata, tōrāktōr eo an Military Relation ko, ak ritōl an kumi eo ej jijetļo̧k.	Kar kōmālim jān Bisop eo ak branch būreejtōn eo im stake ak mijen būreejtōn eo (ilo ward eo ak branch eo im stake eo ak mijen eo an membōr eo)	Kar rejetake jān Membōr ro ilo kumi eo	Kar kūr im kōjenolo̧ke jān Stake būreejtōn eo ak mijen būreejtōn eo ak juon ribōk jikin eo kar kappeik (emaron̄ jerbal ilo an jab kōjenolo̧k eļan̄n̄e emenin aikuj)
Kūr Rijipan̄ ro n̄an ritōl in kumi ko an ro uwaan rijipan̄ ro	Kar elmakote jān Ritōl in kumi ko kajjojo	Kar kōmālim jān Bisop eo ak branch būreejtōn eo im stake ak mijen būreejtōn eo (ilo ward eo ak branch eo im stake eo ak mijen eo an membōr eo)	Kar rejetake jān Membōr ro ilo kumi eo	Kar kūr im kōjenolo̧ke jān Stake būreejtōn eo ak mijen būreejtōn eo ak juon ribōk jikin eo kar kappeik (emaron̄ jerbal ilo an jab kōjenolo̧k eļan̄n̄e emenin aikuj)