32.

Ouchel Reng me a Chelechad er a Rechedal a Ikelesia

32.0

Uchelel

Ng oumesind ra ouchel reng a mekedmokl ra delongelel ngkel chad, Dios, me a tirkel chad el miltemall er sel kngtil ngkel chad. Ma le uaisei, ea bebil ra taem ea bishop malechub a stake president a kirir el molengeseu er tirkel chedal a Ikelesia el blak a rengrir el mo ouchel.

Sel lolengeseu ra rechad el mo uchel, ea re bishop ma stake president a ou beltik el reng e kerekikl. Te oltirakl ra okesiul a Osobel, el ngii a melisiich ra derstal chad e olengeseu er tir me lobult el mo cheroid ra klengit e lobult el mo chemau a Dios (mesa Matthew 9:10–13; John 8:3–11).

Meng beldukl e riou, tial bliongel a kldmokl el omekrael ra re meredel el okiu a ikel ulekrael el omeruul ma teletael el usbechall el mo olengeseu ra chad el mo ouchel ra rengul ra oberaod el klengit e molengeseu el mesebechakl ra re bebil.

• Sel Ngerchelel a Ikelesia el Olengeseu ra Chad el Ouchel. Sections 32.1–32.4 a smodii sel llechul a Rubak ra ouchelreng ma klausubes. A ikal bades a dirrek el smaod a ikel kldei el moktek er a Ikelesia er a kekerongel me a lechub a mengubet. E dirrek, el mesaod a ngerechelir a re bishop ma stake president sel lolengeseu ra re ouchel.

• Melib er a Teletael el mo Olengeseu ra Chad el Ouchel. Sections 32.5–32.7 smaod a rolel a loltirakl e omes el kirel a kmong chelechad ra rechedal a Ikelesia malechub eng di ngeseu el mora chad a ungil teletael lobang e olengeseu ra chad el louchel.

• Omtebechel e Omekrael er a Derta el Chad. Section 32.8 smaod a rolel a lolengeseu ra derstal chad a bishop malechub a stake president. Ng dirrek el smaod a ikel beot el llechul a kekerongel.

• Omtebechel a Chelechad er a Rechedal a Ikelesia. Sections 32.9–32.14 a smodii el kmo ng techang a ngerechelel el kirel a ikel chelechad ra Ikelesia, mekerang a lomtebechel, ma tekoi el kirel mo metib. A ikel miltib el tekoi meng dirrek el selaod.

• Olutel a ikel Llemeltel a Chad er a Ikelesia. Sections 32.15–32.17 a smodii el kmo a chad ng mekera a ikel llemeltel ra Ikelesia a lluut el morngii a lokiu ouchelreng.

A lsekum eng diak lulecholt, ea rokui el kirir a re stake president a dirrek el mora re mission president. A ikel kirel mora re bishop a sebechel dirrek el mora remerredel a branch.

A Kot el Presidency a melib a ikel llechul ma teletael el kirel a ouchel el kirel a oberaod el klengit. A Kot el Presidency a lolengeseu er ngii sel Church’s Confidential Records Office. A stake president malechub a branch president a sebechel mengedecheduch er seikid el obis el kirel a tekoi ra llach ma teletelel a ureor. Seikid el obis a sebechel dirrek el odars a ngesou el kmong mekera lodars ongterir el mora Kot el Presidency. Momekedong a Ikakid el beldukl er riou:

Dengua: 1-801-240-2053 or 1-800-453-3860, extension 2-2053

Toll free (GSD phone): 855- 537- 4357

Email: [e-mail]

---

SEL NGERCHELEL A IKELESIA EL OLENGESEU RA CHAD EL MO OUCHEL

---

32.1

Ouchel Reng ma Klausubes

A Rubak a dilul kmo, “ng diak a kikiongel el tekoi el mo soiseb er a rengedel a babeluades” (Alma 11:37; mesa el dirrek 3 Nephi 27:19). A kngtid a rullid meng diak de klikiid—ngdiak el kired el kiei el obengkel a Demad ra Babeluades. Eng dirrek el omekringel er kid er tial klengar.

A llechul a Dios ra kerekeriil a kirel ngarngii a bo doritm er ngii sel de relii a klengit. (mesa Alma 42:14, 17–18). Eng di, sel klou el chubechub er ngii, a “sebechel dmedesii a omengerchir ra llemalt, e [ngoikid] el mora selbechakl” (Alma 34:16; dirrek el mesa Mosiah 15:9).

Sel mo uchul a reng er a klechubechub, ea Demad ra Babeluades a uldureklii a Dital Ngelekel, Jesus Kristo, el mo melngakireng el kirel a kngtid (mesa Alma 42:15). A Jesus a mlo chuarm ra belsel a llach el kirel a kngtid mesa Doctrine and Covenants 19:15–19; dirrek el mesa Alma 42:24–25). Ngokiu tial tngakireng, ea Demad ma Ngelekel a mla ochotii sel diak a ulebengelel beltik el reng el kired (mesa John 3:16).

Sel douedikel ra “klaumerang el mo ouchel,” ea Demad ra Babeluades a mo ousubes er kid, meng mo chubechub el okiu sel Tngakireng ra Jesus Kristo (Alma 34:15; dirrek el mesa Alma 42:13). Sel sekum e kede klikiid e bla lousubes er kid, eng sebeched el soiseb ra rengedel a Dios (mesa Isaiah 1:18; Doctrine and Covenants 58:42).

A ouchelreng a diak el dil sel dolodech a blekerdeled. Ng sel dobult el mo cheroid ra klengit e dorael el bedul a Demad ra Babeluades ma Jesus Kristo. Ng mekrolid el ngodechii a rengud ma uldesued (mesa Mosiah 5:2; Alma 5:12–14; Helaman 15:7). Ngokiu a ouchelreng, e kede mo beches el chad, me kede lmuut el mora Dios (mesa 2 Corinthians 5:17–18; Mosiah 27:25–26).

Sel techall el mo ouchel a rengud ra kngtid a tara kot el klou el klengeltengat el Demad ra Babeluades a mla odersii el kired lokiu ra sengk er ngii ra Ngelekel.

32.2

Moktek e ra Kekerongel ra Rechedal a Ikelesia malechub e Te Mengubet

Sel metecholb a chad, eng mo chedal a “blil a Dios” (Ephesians 2:19). Sel telbiil ra techolbechelid a uldimukl er sel telbiil el melasem el kiei el oltirakl a ikel osisecheklel ma llechul a Kristo. Sel sekum a chad a mo mechitechut, e bo louedikel ra klaumerang er ngii ra Jesus Kristo el ouchel ra rengul, lultuil ra klubechub er Ngii el mo melisiich e ousubes

A lsekum ma chad a rulii a oberaod el klengit, ea bishop malechub a stake president a ngoseuir el mo ouchel ra rengul. Me a telengtengil tial omeruul, eng kirel torob a bebil ra ikel llemeltel ra Ikelesia el telkib el taem. Ea kuk bebil ra teletael, eng kirel mo ngubetii a ngklel ngkel chedal a Ikelesia el telkib el taem.

A merrob malechub a melubet ra ngklel a chad a diak el moktek el mengelbus. Ng bai, ikal lomeruul sel bebil ra taem a usbechall el mo olengeseu ra chad el ouchel e melchesuar el mla mengodech a rengul. A ikang a dirrek el msang a taem a chad el kutmeklii el okiu a reng el mo omekbeches e lmuut el mo mengeluolu a telbilel.

A bishop malechub a stake president omes er tirkel mo kekerongel malechub e te mengubet el beldukl er a 32.5–32.14. A ikal omeruul a obengkel a teletelel a ouchelreng. Mesel meral ouchel, eng sebechel a ikel llemeltel ra Ikelesia el lemuut el moluut.

Sel sekum eng kekerongel malechub el mengubet a mlamo usbechall, ea bishop malechub a stake president a oltirakl er sel ulekrael el mengai ra Chedaol Reng ma ikel llechul el ngar tial bliongel. Ng ngoureor e lobang a beltik el reng (mesa 32.3).

A llechul a Ikelesia er a kekerongel a tekingel a klechelid, ng diak el tekoi ra buai malechub el kerekeriil. Ngdi mesaod ra kuk kmal di deruchellel a chad er a Ikelesia. (Mesa Doctrine and Covenants 134:10.)

A ike el edei el moktek ra llechul kekerongel malechub a melubet a ua ikakid:

Edei el Moktek ra Llechul a Ikelesia er a Kekerongel malechub a Melubet

1. Olengeseu el mesebechakl ra rebebil

2. Olengeseu ra chad el nguu a klisichel a Jesus Kristo el mengikiid lokiu a ouchelreng

3. Mesebechakl er sel Ungil Chisel a Ikelesia

32.2.1

Olengeseu el Mesebechakl er a Rebebil

Sel kot el moktek a mo olengeseu el mesebechakl ra rebebil. A bebil ra taem ea chad a sebechel melmall malechub eng mo orrouk. Mekikiongel el blekeradel, omekringel a bedengel a chad, olterebek, melai a mekngit el kar, omengeblad, ma mo chetil loltirakl ra Dios a bebil ra ikel teletael eng duubech a uai tial tekoi. Ngokiu a ulekrael, ea bishop malechub a stake president a mo ouedikel el mesebechakl ra rechad sel sekum a tara chad a soal mo orrouk ra ua ikaikid ma bebil ra oberaod el teletael (mesa Alma 5:59–60).

32.2.2

Ngoseuir a Chad el Nguu sel Klisichel a Jesus Kristo el Mengikiid lokiu a Ouchelreng

Sel ongerung el moktek a mo olengeseu ra chad el nguu sel klisichel a Jesus Kristo el mengikiid lokiu Ouchelreng. Ngokiu tiakid el omeruul, e ngii a sebechel lemuut el mo beches e mesisiich el ngmai a rokui el klengeltengat er a Dios.

A Osobel a ulsisechakl el kmo “a chelemuul e ngariou el reng” a tenget el Ngii a mengerechir me lousubes a kngtid (3 Nephi 9:20). Tiang a uldimukl el meral mekngit a rengul el kirel a kengtil ma ikel telemellel (mesa 2 Corinthians 7:9–10).

Sel sekum a chad a rulii a oberaod el klengit, e a kekerongel malechub eng mengubet ra Ikelesia a sebechel ngoseuir el mo chelam a rengul e ngariou a rengul meng meral mo ouchel, e meral mo ikrii a klengit, e mo ungil medengei a ikel telemellel a klengit. Sel bo lodengei eng mo ngosuterir a rechad mete mengeluolu a ikel telbilir el obengkel a Dios e lmuut el kmal mo semeriar el urrekodel ngii el telibiil el mora ngar mederir el taem.

32.2.3

Mesebechakl er sel Ungil Chisel a Ikelesia

Sel ongedei el moktek a mo mesebechakl er sel ungil chisel a Ikelesia. Mo kekerongel malechub a melubet ra ngklel a chad ra Ikelesia a mo usbechall a lsekum ea omerellel a ngarngii a bol tomelii er a Ikelesia (mesa Alma 39:11). Sel ungil chisel a Ikelesia a diak el selbechakl le tomart malechub e te omekbeot a tekoi el kirel a oberaod el klengit—te bai me chemolt el omeketakl.

32.3

Ngerechelir a Rechad ra Kerrekeriil

A re bishop ma re stake president a mokedong e mechedaol el mo chad ra kerrekeriil ra Israel (mesa Doctrine and Covenants 107:72–74). Tobang a kiis ra priesthood el omtechei ra Rubak lolengeseu ra rechedal a Ikelesia el mo ouchel ra rengrir (mesa Doctrine and Covenants 13:1; 107:16–18)

Ngomesind ra taem a re bishop ma re stake president a olengeseu sel louchel lokiu a ikel ulekrael mora der tal chad. Tial ngeseu a sebechel luldimukl ra ikel llemeltir a rechad ra Ikelesia el dil bol kekerongel el kirel el telkib el taem. (Mesa 32.8.)

Ma ikel kuk oberaud el klengit, ea re merredel a olengeseu lomekrael er sel kle ouchelreng lokiu ra chelechad (mesa 32.6 and 32.9–32.14). Tial ngeseu a sebechel luldimukl e loba sel klebechel el llach ra Ikelesia el kirel a ikel lemeltir malechub eng mengubet a ngklir ra Ikelesia el telkib el taem 32.11.3 ma 32.11.4).

A re bishop ma re stake president olengeseu ra rechedal a Ikelesia el mo medengei el kmo a Dios a betik a rengul ra rengelekel. Le Ngii a soal tir a bol deu a rengrir e lengai a klengeltengat. Ngii a dirrek el imis lomekereu el kirel otireklel a llechul me a ouchelreng er tir.

A re bishop ma re stake president a oubeltik el reng e omekerreu sel lolengeseu ra rechad louchel ra rengrir. Sera Osobel ra longedecheduch er ngkel redil el mlo dengerengel ea ungil lokesiu (mesa John 8:3–11). Meng dimlak el du rt ngii el kmo ngosubes a kengtil, Ngii a dimlak lolebeakl er ngii. E bai, Ngii a dilu er ngii me“lak el lluut el meruul a klengit”— e bo louchel el ngedechii a klengar er ngii.

Tirkal merredel a olsisechakl el kmo ngarngii a “deurreng … ra babeluades el kirel a tal chad el ouchel” (Luke 15:7). Te meklou a rengrir, olengeseu, e ungil el omdasu. Te Meskid Omeltked. Te olsisechakl e ouchais el kmo a uchul mesel tngakireng ra Osobel, ea rokui el chad a sebechir el ouchel e mo klikiid.

A re bishop ma re stake president osiik a ulekrael lokiu a Reng el mo medengei el kmo te mekerang a bo lolengeseu ra dertal chad louchel. Ngdi ikel kmal oberaod el klengit ea Ikelesia a ngarngii a keldmokl el lolkael loltirakl a re merredel el kmo ngeral rael a bo lolab lolengeseu (mesa 32.6 ma 32.11). Ngdiak a teblol tekoi el osisiu. A ikel ngeseu el remerredel a oldars mesel rolel a ouchelreng lomekrael er ngii a kirel ulekrael e sebechel mo kakerous el mora dertal chad.

A Rubak a ungil medengei a klengar er a rechad, klisichir, me a mla mo ultebechel el rengrir. A Chedaol Reng a mo ngosuterir a re merredel me tomtab el mekerang a lolengeseu ra rechedal a Ikelesia mel mereched el ouedikel el obult mel sebecherir el mo mesisiich el otngeklii sel ongetikaik el lemuut el mo meruul er sel klengit.

Olngeseu ra chad el ouchel, e obult el lemuut el mora Dios, e mo mesisiich el okiu sel Tngakireng er a Jesus Kristo a tara kot el doldeu a rengud er ngii el tekoi el chad a sebechel melchesuar. Doctrine and Covenants 18:10–13 a smodii:

“Lak mobes el kmo a orkemel a klengar a klou ra osengel a Dios;

“Le, momes, a Rubak el Osobelem a mlo chuarm ra kodall ra tech; maleuaisei e Ngii a chilarm ra ringel ra rokui el chad, me bol sebechel a rokui e chad el mo ouchel a rengrir e lemei er ngii.

“E ngii a liluut el mekiis ra kodall, me bol sebechel ngoititerir a rokui el chad el mo er ngii, lokiu ra teletelel a ouchelreng.

“Ng kol mo ua ngerang sel deureng lolchesuar ngkel chad el ouchel ra rengul!”

32.4

Kombesar, Berrotel el Tekoi, ma Mesubed el mora Rechad ra Llach e ra Kaberment

32.4.1

Kombesar

A ouchelreng a kirel a ikel klengit el bode kombesar el mora Demad ra Babeluades. A Jesus Kristo a dilul kmo, le tiakid e kau a mo medengei el kmo a chad a mla ouchel el kirel a kengtil—meng, kombesar e mo imikl (Doctrine and Covenants 58:43; mesa el dirrek Mosiah 26:29).

Sel sekum ma rechedal a Ikelesia a tomelii a oberaod el klengit, ea tebedechel a kle ouchereng er tir a dirrek el luldimukl el kombesar el mora bishop malechub a stake president. Seikid e ngii a mo sebechel el ousbech ers el klisichel a ebangkelio ra ouchelreng el olengeseu er tir (mesa Doctrine and Covenants 13:1; 84:26–27; 107:18, 20). Tiang a ngosuterir elmo mesisiich me te lmuut el mo chemau er sel rael ra ebangkelio el okiu ra klisichel a Tngakireng ra Osobel.

A moktek ra kombesar a mo melisiich ra rechad meng mo kebekakl a chelngelir meng mo sebechir el osiik er a Rubak meng ngolengeseu el melodch e melisiisch er tir. Omekdubech er a “chelemuul reng ma ngariou el reng” a meketmokl el okiu ra kombesar (2 Nephi 2:7). Sel dil ngii a chad el kombesar a ochotii el kmo ngarngii ra rengul a mo ouchel.

Sel sekum ma chad a kombesar, ea bishop malechub a stake president a moltirakl er sel blechebechel a lolngeseu el ngara 32.8. Ng meluluuch el osiik a ulekrael el kirel sel lungil molterkokl el teletael el molngeseu ra chad el ouchel (mesa 32.5). Ng omes ra kmo a chelechad ngarngii a bol relii. Alsekum ngokiu a llechul a Ikelesia meng kirel morngii, eng smodii el okiu tiang (mesa 32.6 ma 32.10).

A bebil ra taem ea chad a mlo mekngit ra bechil malechub eng tara chad. A telkib er sel ouchelreng, eng kirel blechoel el kombesar el mo er ngkel chad e olengit a klausubes. A ngeasek el tomelii a oberaud el klengit a blechoel lolisiich er ngi mel chedecheduch ngii ma rechad e ra blil.

32.4.2

A Oberaud el Klengit el Diak el Kombesar el Kirel malechub E Te Omart

A bishop malechub a stake president a blechoel mo medengei el kirel a oberaud el klengit el okiu a kombesar malechub eng mlara tara chad. Ng sebechel dirrek el mo omelechesiu el kirel a ngarngii el loberaud el klengit el okiu ra Chedaol Reng. Alsekum meng melechesuar ra Chedaol Reng el kmo a chad a locha kurusii leng sel klengit, eng sebechel tutkii a sils el bol chadecheduch. Mesel chadecheduch, eng ocholt a ikel ngara uldesuel loba kle chubechub, lokiu omenguul. Ng diak el kirel mo kora soal loltelchakl.

Alsekum ma chad a omart el kmong tilmelii a oberaud el klengit ea bishop malechub a stake president a ngarngii a tekoi lolab el kirel sel telemall, ea chelechad a sebechel melmolm el mo rengii. Ngdi, a chedaol ulekrael a diak el dil ngii el le borngii a chelechad (mesa Doctrine and Covenants 10:37). Ngkel merredel a sebechel lokeed a lmuut el bebil ra tekoi alsekum eng ngusbechall. Ng oltirakl a ikel blechebechel a tekoi el ngara 32.4.3 ma 32.10.2.

32.4.3

Olkeed a Chisel a Milkedmokl Omeruul

Ng uchei ra le borngii a chelechad, ea bishop malechub a stake president okeed a bek el milketmokl el tekoi el bo lousbech. A ikel kildmokl el omeruul el blel kombesar el kirel ngkel chad a blechoel medeel. A ikal milkedmokl el omeruul a dirrek el mengai ra rechad ra blai, tara merredel ra Ikelesia, ngkel miltemall, malechub eng tara chad el chelsechusem er sel delengerengel.

Sel lolekeed a milketmokl el lomeruul, ea bishop malechub a stake president a kirel el di ousbech a ikel teletael el melemalt leng merredel ra priesthood. Ng diak el kirel mengkar ra blil ngkel chad malechub el rekord er ngii e lak lolturk er ngii. E diak el kirel lousbech a ngidil teletael ra ureor el mekull ra llach.

A omengeblad el ultelchakl a derstang e sebechel dubech. A re merredel ra priesthood a kirir el mo kerekikl sel le ngarngii a ngesengesel a milketmokl el omeruul ra ikel kuk di tekingel a tara chad. A okesiul, a chad el mlotelechakl ra delebeos el delengerengel a sebechel lomart er sel telemall. A chedaol llechukl a smodii el kmo a rokui el tekoi le mechederodel ra re terung el sioning ra Ikelesia el mo omtok er ngkel chad ” (Doctrine and Covenants 42:80). “Terung el sioning” a belkul a erul kakerous e keldmokl el omeruul. Tiang a sebechel luldimukl ra tekoi el lodengei a chad ma kuk bebil ra sebeched el ousbech el tekoi. A bebil ra taem ea merredel ra priesthood a kirel mengiil ruchei ra bo longedmokl ra tekoi mel ngai a lmuut el bebil ra chais.

Sel sekum ma merredel ra Ikelesia a mengederodel a keldmokl el omeruul el mora chelechad ra Ikelesia, eng kirel di torob a rokui el tekoi sel bo lodengei el kmo a rechad ra llach a mesisiich el mengedecheduch er ngkal chedal a Ikelesia. Ng kirel uaisei mel cheroid ra ngidil mo dubech el ultelchakl el kmo ngkal merredel a mlo melemall ra llach. Mesel tekingel a ikal llach el kirel a ikaikid el teletael ra chelsel a Merikel ma Kanada, ea stake president a mengedecheduch ra Obis ra Ikelesia er sel General Counsel:

1-800-453-3860, extension 2-6301

1-801-240-6301

E a ikrel a Merikel ma Kanada, ea stake president a kuk mengedeheduch ra rechad ra llach ra obis er tir er sel basio .

E oumesind ra taem a chelechad a diak le borngii el momes a ikel omeruul el longetiit a kerrekeriil molmuut ra lochotii sel lulebongel el luldesuel. A ikel kuk bebil ra ultutakl eng dirrek el sebechel el koteketii a chelechad di le merkmo bol merek a temel sel ongit ra kerrekeriil malechub e sel longit a mlotngakl.

32.4.4

Mengeluolu a Berotel el Tekoi

A re bishop, stake president, ma re counselor a ngarngii a chedaol ngerchelir el mesebechakl a rokui el berrotel el tekoi el lodengei. Tial milkedmokl el omeruul a sebechel loeak a cheldecheduch, omellach, ma kombesar. Sel osisiu el ngerachel el mengeluolu a berotel el tekoi a mora rokui el ngarsel chelechad. Mengeluolu a berrotel el tekoi a klou a ultutelel le chad a modiak el kombesar a kengtil malechub e losiik a ulekrael alsekum ma ikel lolekoi a diak lobart. Sel mtemelii a klaumerang e ke mla terur a klaumerang er ngkel chad e rulleterir meng mo diak sel klaumerang er tir ra re merredel.

Sel tabesul ra ngerchelir el mengeluolu a berrotel tekoi, ea bishop, stake president, malechub eng tirkel counselor a sebecherir di delongelir e mesaod a berrotel engdi toltirakl a ikang:

• Ng kirir el mengedecheduch er ngkel stake president, mission president, malechub a bishop el kirel a mo mengedibel ra chelechad malechub a ikel telengtengil. A stake president a sebechel dirrek el mengedecheduch er ngkel telutk el Area Seventy. Alsekum meng usbechall, e ngkel Area Seventy a mekrolii ngkel stake president el mora Area Presidency. Ngdi tal stake president a melib ra kmo ngmo rengii a chelechad malechub eng sel mo metib.

• Ngkel chad a melukl el mora beches el ward (malechub e ngkel merredel ra priesthood a mo merek) ea ureor a direk merael malechub eng ngarngii a meklou el tekoi el dirk kuabes. Ma ikaikid el ultutakl, e ngkel merredel a mesubed er ngkel beches el bishop malechub eng stake president el kirel malechub a kuabes el tekoi (mesa 32.14.7). Ng dirrek el subedii ngkel merredel alsekum eng ngkel chedal a Ikelesia a sebechel mo orrouk ra rechad.

• A bishop malechub a stake president a mo medengei el kmo a chedal a Ikelesia el kiei ra ikrel a ward malechub a stake a locha mle chelsechusem e ra oberaud el klengit. Me sel uaisei, eng kirel di ngii el subedii ngkel bishop er ngkel chad.

• Ng kirel louchais er sel milkedmokl el omeruul sel le ngarngii a chelechad. A rokui el tekoi lulekeed e mesaod el tebedechel sel chelechad a berotel.

• A chedal a Ikelesia a melilt el msa kengei ngkel mererdel meng mesaod a ikal milkedmokl el omeruul el di mora re ngellitel chad. Tirkang a uldimukl ra rechad ra blirir, merredel ra Ikelesia, malechub eng tirkel sebecherir el mo olengeseu. Ngkel merredel a diak losaod a ikal milkedmokl el omeruul lengelakl er sel telkael el ngkel chedal a Ikelesia a kilngei er ngii.

• Locha mo kirel souadel ngdi ngtelkael a ikel milkedmokl el omeruul el kirel sel miltib ra chelechad (mesa 32.12.2).

Ea ikel bek el tekoi, e ngkel merredel a kirel lomes ra 32.4.5. A ikal ultutakl a uldimukl sel sekum a llach a mo kirel sel delengerengel, el ua omekcharm ra ngalk, e te sbadel a rebulis ra kaberment.

Mesel lolengeseu ra re merredel el mesebechakl ra rechad el oltirakl ra llach, ea Ikelesia odars a ngeseu el tirkel semong ra urellir. Sel lolai er tial ulekrael, ea re merredel a mereched el omekedong er sel dengua ra Ikelesia el kirel ngeseu er sel basio el ngarngii (mesa 32.4.5 and 38.6.2.1). Ma ikel basio el diak tial ngeseu, ea stake president a omekedong er sel obis er tirkel chedal a llach el ngarsel basio.

Ngdi imol tekoi ea bishop malechub a stake president a mesaod a berotel el ikel milkedmokl el omeruul e diak losiik a ua ikal lulekrael. Seikid eng subed el losaod a berrotel leng kirel merrob ra melemall ra klengar malechub eng remuul oberaud el telemall e diak a taem el losiik a ngeseu. Me sel uai sei, e sel ngerachel el mesebechakl ra rechad a lmuut el klou a ultutelel ra ngerachel el mengeluolu a berrotel el tekoi. A re merredel a kirir lomekedong er tirkel chad ra llach el di mereched.

Alsekum a re merredel a mengedmokl a babilngir malechub e te kadecheduch ra delongelir lokiu ra melidiul, eng kirel klekar a ikal milkedmokl el omeruul el longkar. Te dirrek el sebecherir el ngubetii ma lechub el temall a ikel milketmokl el lomeruuil sel sekum eng mlamo diak a usbechel er tir. Ngdiak a ututelel losaod a kuk di tekingir.

A rechad ra llach a sebechir el mo melasem er sel lomengeluolu a berrotel el tekoi a re merredel ra priesthood. Alsekum me tiang a dubech ra chelsel a Merikel ma Kanada, e ngkel stake president a mosiik a ulekrael ra llach lokiu sel Obis ra Ikelesia ra General Counsel:

1-800-453-3860, extension 2-6301

1-801-240-6301

E a ikrel a Merikel ma Kanada, ea stake president a kuk mengedeheduch ra rechad ra llach ra obis er tir er sel basio .

32.4.5

Mesubed er a Rechad er a Roltaut a Llach ra Kabelment

A bebil ra rechad el ouchel ra rengrir a tilemall a llach ra buai malechub eng mekngit el tellemall. A bebil ra miltemall el llach, ea roltaut a llach ra kabelment a ngara rraureng el diak a ngara el lodengei. A re bishop ma re stake president a melisiich ra rechedal a Ikelesia me loltirakl a llach e losubed el kirel a ua ikal tekoi sel lusbechall. A re merredel a dirrek el omekrael ra rechedal a Ikelesia me losiik ra re meduch ra tekoi ra llach sel losubed. A llechul a Ikelesia a kired loltirakl a llach.

Ngara betok el basio, ea re merredel ra priesthood a kirir sel doltirakl a llach e te mesubed a ikel mekngit lomeruul el tir a medengei. A okesiul, a bebil ra beluu a kirir el mesubed er rebulis tirkel meterkakl ra rengalk.

Ea bebil ra beluu, a Ikelesia a mla kutmeklii a ngesou el kirel a ikaikid el terrekakl el omeruul e berrotel el tekoi lokiu a dengua el molengeseu ra re bishop ma re stake president. Tirkal merredel a kirir el mereched lomekedong er tial dengua el kirel a bek el tekoi el dilubech el mora chad el mlukringel—malechub eng mo lochau a ringel (mesa 38.6.2.1). Tial dengua a ngarngii el lluich me a eual sikang, er a bek el sils.

A ikel beluu el diak tial bedengel a ngesou el lokiu a dengua, ea bishop el mo medengelii a terrekakl el omeruul a kirel omekedong ra stake president er ngii, el ngii a mo melai a ulekrael er ngkel chad ra llach el ngar sel obis ra basio e le kiei er ngii.

A lmuut el bebil ra tekoi el kirel a omesubed ra terekakl el omruul, e mesa 38.6.2.1 ma 38.6.2.7.

---

MELIB ER SEL MOTIRAKL EL TELETAEL EL OLENGESEU RA CHAD EL MO OUCHEL RA RENGUL

---

32.5

Teletael el Motirakl el mo Olngeseu ra Chad el mo Ouchel ra Rengul

Ng uriul er sel bo lodengei el kmo a chad a rirelii a oberaod el klengit, ea bishop malechub a stake president a mo kutmokl a rael el mo mesebechakl ra rebebil. Ng dirrek el osiik a ulekrael lokiu a Chedaol Reng el melib er sel motirakl el teletael el mo olngeseu ra chad louchel ra rengul e mo kmeed ra Osobel.

32.5.1

Osenged ra Teletael el Motirakl

A ikal beldukl er tial babier a masech a kldei el teletael el doltirakl el olengeseu ra chad el mo ouchel. A kekedeb el omsodel a olecholt a bebil ra lomes el tekoi a roungerachel sel lolib ra kmo ngera el teletael a bo loltirakl er ngii.

Teletael el Motirakl el mo Olngeseu ra Chad el mo Ouchel ra Rengul

Teletael el Motirakl	Bebil ra Lomes el Tekoi (mesa el dirrek 32.7)
Teletael el Motirakl Chelechad ra Stake ra Ikelesia	Bebil ra Lomes el Tekoi (mesa el dirrek 32.7) Mora rechedal a Ikelesia el mla mechedaol ra templo. Ng mo usbechall a lsekum a sechal malechub a redil a cheledaol er a templo eng klou a techall el mengubet a ngklel ra Ikelesia el kirel a ngidil oberaod el klengit malechub e ng omeruul loltirakl omsodel el ngara 32.6.1, 32.6.2, malechub 32.6.3.
Teletael el Motirakl Chelechad ra Rechedal a Ward ra Ikelesia	Bebil ra Lomes el Tekoi (mesa el dirrek 32.7) Mora ngii dil chedal a Ikelesia. Ng mo usbechall el kirel a ikel oberaod el klengit ma omeruul el oltirakl a ikel omesodel el ngara 32.6.1. Ng mo usbechall el mora ikel oberaod el klengit ma omeruul el oltirakl a ikel omsodel el ngara 32.6.2 ma 32.6.3. Ng diak bol ngesuir a chad el cheledaol er a templo el ngarngii a techall el mo mengubet a ngklel ra Ikelesia el kirel a ngidil oberaod el klengit malechub eng omeruul sel doltirakl ra omsodel el ngara 32.6.1, 32.6.2, malechub 32.6.3.
Teletael el Motirakl Ulekrael mora Derstal Chad (mesa 32.8)	Bebil ra Lomes el Tekoi (mesa el dirrek 32.7) Mora ngii dil chedal a Ikelesia. Sebechel Uldimukl a beot e kekerongel el chedal a Ikelesia. Ng diak el medeel el ngosouir el kirel a ikel oberaod el klengit malechub eng omeruul ma chelechad a sebechel olengeseu er sel rolel eng mo ouchel (mesa 32.6.2 ma 32.6.3). Ng diak el medeel ngoseuir el kirel oberaod el klengit el ngarngii a usbechellel a chelechad (mesa 32.6.1). Ng diak bol ngesouir a chad el cheledaol er a templo el ngarngii a techall el mo mengubet a ngklel ra Ikelesia el kirel a ngidil oberaod el klengit malechub eng omeruul sel doltirakl ra omsodel el ngara 32.6.1, 32.6.2, malechub 32.6.3.

A ikel ulekrael mora dertal chad ma beot el kekerongel chad el ngara bishop malechub a stake president a le bebil ra taem a diak el medeel ngosuir a chad el ouchel kirel a oberaod el klengit. A Rubak a mla odars a chelechad el mo olengeseu er a chad ra kerekeiil er a Israel ra ikal tekoi. (Mesa Exodus 18:12–27; Mosiah 26:29–36; Doctrine and Covenants 42:80–83; 102.) A kuk bebil ra oberaod el klengit, ea chelechad a usbechall lokiu a llechul a Ikelesia (mesa 32.6.1). Sel metemall a telbiil ra templo a kilungii a techall ra usbechellel a chelechad meng morngii (mesa 32.7.4).

Sel ngara ward, ea re counselor er a bishop a olengeseu a ikel chelechad. Sel ngara stake, ea re counselor er a stake president a olengeseu. A kuk bebil ra chelechad ra stake, ea re high council a dirrek el lolengeseu (mesa 32.9.2). Mesel ngarngii a chelechad ea bishopric malechub a stake presidency omes er ngkel chad loba sel reng ra beltik el reng.

32.5.2

Melib er sel mo Teletael Motirakl ma Temel

Sel lolib el kmo ngera ra ikal teletael a bo loltirakl eng mo ungil ngosuir ngkel chad el ouchel, ea re merredel osiik er sel ulekrael el ngara Chedaol Reng. Te dirrek el momes a ikal beldukl el telengtengil:

• A berredel a klengit ma llechul a Ikelesia el kirel a kmo a chelechad a usbechall (mesa 32.6)

• Ngua ngera klengar ra chad (mesa 32.7)

A bishop a mengedecheduch ra stake president el kirel a komakai el tekoi. Ng kirel nguu a kengei ra stake president ruchei ra bo longedibel ra chelechad ra rechedal a Ikelesia.

A ikel kuk metacherbesul tekoi, ea stake president a sebechel losiik a ulekrael er ngkel telutk el Area Seventy. Ngkel stake president a kirel mengedecheduch er a Area Presidency el kirel a ikel tekoi el beldukl er a 32.6.3. Ng di, dital stake president a melib alsekum eng morngii a chelechad el mo mesaod er sel omeruul. A lsekum ma chelechad a morngii, ea stake president malechub a bishop a omes er sel mo metib.

A lsekum ma bishop malechub a stake president a melib el kmo a ikel ulekrael el mora dertal chad a medeel, e ngoltirakl a ikel omeruul el ngara 32.8. A lsekum meng melib ra kmo a chelechad a kirel morngii, malechub e ngokiu a llechul a Ikelesia eng kirel morngii, e ngkel mo mekrael er ngii a moltirakl a ikel teletelel a ureor el ngara 32.9–32.14.

Uchei er a le borngii a chelechad, ea bishop malechub a stake president a sebechel melib ra kmo a beot el kekerongel el chad a locha ungil el kirel a telkib el taem. Ngii ea omtebechell ra chelechad sel sekum eng ungil bai lolisiich er ngkel chad me bol meral louchel ra rengul. Ng di, ngii a diak el kirel omekioud ra chelechad sel sekum eng kirel morngii me bol losebechakl ra rebebil ra rechad.

32.6

Berredel a Klengit ma Llechul a Ikelesia

A berredel a klengit a tara klou a ututelel el lomes er ngii sel lolib er sel bo loltirakl er ngii el mo (1) olngeseu el mesebechakl ra rebebil e (2) ngosuir a chad el mo ouchel ra rengul. A Rubak a mla melekoi el kmo Ngii a diak a telkib ra klengit lousubes er ngii” (Doctrine and Covenants 1:31; mesang el dirrek a Mosiah 26:29). A re mesiungel a diak el kirir el blekebek a mederir ra chemolt el oberaud el klengit.

A oberaud el klengit a bleketakl e meklou el telemall el omtok a llechul a Dios. A ikel bek el oberaud el klengit a beldukl er riou.

• Odechelakl ma omekringel lomeruul (mesa 32.6.1.1 ma 32.6.2.1)

• Deleboes el Delengerengel (mesa 32.6.1.2 ma 32.6.2.2)

• Omengeblad el blekeradel (mesa 32.6.1.3 ma 32.6.2.3)

• Tomelii a klaumerang (mesa 32.6.1.4 ma 32.6.2.4)

• Bebil ra omeruul (mesa 32.6.1.5 ma 32.6.2.5)

A ikal beldukl el bades a olecholt sel chelechad er rechedal a Ikelesia a lusbechall, mesel kirel ngarngii, mesel lak el kirel ngarngii.

32.6.1

Sel Kirel Ngarngii a Chelechad ra Rechedal a Ikelesia

A bishop malechub a stake president a kirel chudelii a chelechad meng morngii sel sekum ma tekoi olecholt el kmo a chad a locha rirelii a tara ikel klengit el beldukl er tial bades. Me ngokiu ra ikal klengit, ea chelechad a kirel morngii molmuut ra chad le blel mui ra reng e lungil a klaudengei er ngii ra ebangkelio.

Mesa 32.11 el kirel a ikel mo metib ra chelechad el mo kldibel el kirel a ikel klengit el beldukl er tial bades. Beot el kle kekerongel a dirrek el loltaut a ikal chelechad.

Klengit meng Kirel Morngii a Chelechad

• Omekeuad

• Olterebek

• Motutakl ra olterebek

• Omekringel ra ngalk malechub a ngeasek

• Mla mekrengelii a bechil malechub eng tara klou el chad (el beldukl ra 38.6.2.4)

• Osiik a tekingel a deleboes (omekringel, deleboes, malechub eng udoud)

• Terached el deleboes

• Deleboes el siasing ra rengalk (el beldukl er a 38.6.6)

• Mengerouakl

• Oberaod el klengit e obang a ngarbab el deruchall er a Ikelesia

• Mlotutakl ra kerrekeriil ra meklou el telemall

32.6.1.1

Meringel Lodechelakl ma Terrekakl el Omeruul

Omekeuad. A chelechad a kirel morngii alsekum a chedal a Ikelesia a mekodir a tara chad. Sel omsodel er tiang, omekeuad a mle telbiil, el diak lungil a moktek eng mekodir a chad. Melubet er a ngklel a chad er a Ikelesia a usbechall.

A omekeuad a diak el uldimukl er a re bulis malechub e te soldau el oureor el miruul a urerir. A merort ra diil a diak el belkul a kmong omekeuad ra kuk tial lomsodel. Alsekum ma kodall a dilubech ra aksident malechub eng milerob malechub eng milsebechakl ra tara chad, e sel ngiluu a klengar ra tara chad a diak el belkul a kmong ulmekeuad. Tiang a dirrek el sebechel motaut er a bebil ra omeruul, el di ua chad el smecher a btelul.

Olterebek A chelechad ra Ikelesia a usbechall el kirel a mloterebek. Sel omsodel er tiang, olterebek ngdi mlak el kengei a chad eng mo obengkel malechub eng obengkel a chad el doltirakl er a llach eng diak el kirel kongei ra uai tial tekoi leng mekngit a btelul malechub eng chitechut. Sel omsodel er tiang, olterebek a diak el uldimukl ra terul ngeasek el kongei elmo dmak el kaiuekeed a rekrir.

Mlotutakl ra Olterebek A chelechad ra Ikelesia a usbechall alsekum ma chad a mlotutakl leng ulterebek.

Ulemekcharm ra ngalk malechub a ngeasek A chelechad a usbechall alsekum ma chad ulemekcharm ra ngalk malechub a ngeasek ea omsodel a ngara 38.6.2.3.

Ngo Mekcharm ra Bechil malechub eng Tara Klou el Chad Ngarngii a klou el mekngit el blekeradel el omekcharm,. Mesa 38.6.2.4 el kirel sel sekum a chelechad a usbechall leng ulemekcharm ra bechil malechub eng tara klou el chad.

Chad el Soal Di Oldechelakl. A chelechad a kirel morngii alsekum ma klou el chad a di omelekl el oldechelakl lokiu a mekngit el blekeradel e kengaol el mora rechad.

32.6.1.2

Deleboes el Delengerengel

Terached el deleboes A chelechad a usbechall el kirel a terached el deleboes el ngara 38.6.10. Melubet ra ngklel a chad e ra Ikelesia a blechoel kirel meketmokl.

Deleboes el Siasing ra Rengalk. A chelechad a usbechall alsekum ma chad a chelsechusem ra deleboes el siasing ra rengalk el beldukl ra 38.6.6.

Mengerouakl A chelechad a usbechall alsekum ma bechiil el chad a ungil medengei e okor e soiiseb ra tara buch. A mengerouakl a sebechel di remurt e ra milkolk, ea re becherir a diak a ngara lodengei el kmo ngarngii a lmuut el tang malechub e te betok. Melubet ra ngklel a chad ra Ikelesia a usbechall alsekum e ngkel chad a ungil medengei e okor e soiiseb e ra tara buch.

Chad eldi Osiik a Tekingel a Deleboes el Delengerengel. A chelechad a kirel morngii alsekum ma klou el chad a di omelekl loldechelakl e ou delengerengel ra rechad meng kengaol el mora rebebil.

32.6.1.3

Omengeblad el Omeruul

Chad el Soal di Merchorech a Udoud. A chelechad a kirel ngarngii alsekum ma klou el chad a ngarngii a reksii er ngii el blak a rengul e mekedekudem el melemall a ududir a rechad meng kengaol el mora rebebil (mesa 38.6.2.4). Tiang a uldimukl er ngii a merechorech a moke ra rechad ma osisiu el tekoi. A dimlak el durengul eng metom a udoud leng kngtil a keizai a diak lomes er ngii el kmong omengeblad. Alsekum eng ngara kerekeriil ea re merredel ra priesthood a tibir el mengiil eldil merkmo bol merek sel kerrekeriil. Mesa 32.6.3.3 alsekum ma chad a mle chelsechusem el mirechorech a udoud ra Ikelesia malechub a kloklel.

32.6.1.4

Tomelii a Klaumerang

Oberaud el Klengit e Ngara Ngarbab el Deruchall ra Ikelesia. A chelechad a kirel morngii alsekum ma chad a tomelii a oberaod el klengit e ngara ngarbab el deruchall. Tial a uldimukl er a re General Authority, General Church Officer, Area Seventy, temple president malechub a matron, mission president malechub a keldemel, stake president, patriarch, malechub a bishop. Tiang a diak el boltaut er ngii a re branch president. Ngdi, a branch president ra ikel llemeltel ra Ikelesia a bol kekerongel el kirel malechub eng mengubet eldi uai tirkel bebil.

32.6.1.5

Bebil ra Omeruul

Mlo Tutakl ra Klou el Delengerengel. A chelechad a kirel morngii ra oumesind ra ikal ultutakl sel sekum a chad a mlo tutakl ra oberaud el delengerengel.

32.6.2

Sel sekum a Chelechad ra Rechedal a Ikelesia a Usbechall

A chelechad a usbechall ra ikel beldukl e riou el tekoi.

32.6.2.1

Meringel Lodechelakl ma Terrekakl el Omeruul

A Rubak a milelach el kmo, Ke le … momekeuad, ma ngii di el blekeradel el uai ngii” (Doctrine and Covenants 59:6; uldimukl a italics). Meringel lodechelakl ma terrekakl lomeruul el mo uchul ea chelechad a mo er ngii a uldimukl e (diak el telkael ) ra ikal beldukl er riou.

Melasem Lomekeuad. Ngara rengul el melasem lomekeuad er a chad.

Delboes Lomeruul, Luldimukl ra Odechelakl ma Omecheracheb Delboes lomeruul a ulsiseb ra lmuut el betok el omeruul (mesa 38.6.18). A chelechad a mo usbechall el kirel a chad el mlo bengkel a chad lulekiu odechelakl malechub eng omekcharm ra tara chad. A chelechad a ultebechel mo usbechall el molngeseu er a chad el ouchel a lsekum eng tilemall a telbiil ra templo malechub eng omelekl osisiu el telemall. Mesa 38.6.18.3 ma lsekum eng kirel a chelechad el usbechall .

Omekcharm er a Bechil malechub a Tara Klou el Chad. Ngarngii a klou e blerk el mekngit el blekeradel el omekcharm (mesa 38.6.2.4). A chelechad a sebechel morngii el kirel chad el omekcharm er a bechil malechub eng tara klou el chad. A chelechad a ultebechel mo usbechall el molngeseu er a chad el ouchel a lsekum eng tilemall a telbiil ra templo malechub eng omelekl osisiu el telemall. Mesa 38.6.2.4 ma lsekum eng kirel a chelechad el usbechall .

32.6.2.2

Deleboes el Delengerengel

A llechul a Rubak a klikiid er a delboes e diak bo melaok a rengum ra diak el bechim (mesa Exodus 20:14; Doctrine and Covenants 63:16). A chelechad a sebechel morngii el kirel a deleboes el delengerengel el ulecholt er a 38.6.5. A ua ikal tekoi, ea chelechad a klou a techellel morngii el mo olngeseu er ngkel chedal a Ikelesia el mo ouchel ra rengul a lsekum meng tilmelii a telbiil ra templo malechub eng omelekl ra osisiu el delengerengel. Mesa 32.6.1.2 ma lsekum eng kirel a chelechad el usbechall .

32.6.2.3

Omengeblad el Omeruul

A Teruich el Llach olsisechakl el kmo, “Lak bo morechorech” malechub “lak molekoi a telingaol el kirel a chad” (Exodus 20:15–16). A chelechad a mo usbechall el kirel omeruul el ua omerechorech, omengeblad, omulak ra medal a kerekeriil. Mesa 38.8.2 el kirel a rechorech lulekiu a deleongel. A ua ikal tekoi, ea chelechad a klou a techellel morngii el mo olngeseu er ngkel chedal a Ikelesia el mo ouchel ra rengul a lsekum eng tilmelii a telbiil ra templo malechub eng omellekl ra osisiu el delengerengel.

Mesa 38.8.2 el kirel a rechorech lulekiu a deleongel. Mesa 32.6.1.3 el kirel sel sekum a chelechad a usbechall el kirel a omengeblad lomeruul. Mesa 32.6.3.3 a lsekum ma chad a chelsechusem el mirechorech a udoud ra Ikelesia malechub a klalou.

32.6.2.4

Tomelii a Klaumerang

A chelechad a mo usbechall a lsekum ma chedal a Ikelesia:

• A tomelii a oberaod el klengit e obang a ngarbab el deruchall malechub a klaumerang ra Ikelesia malechub a buai.

• Ng tilemelii a oberaod el klengit el berrokel a chisel.

A ua ikal tekoi, ea chelechad a klou a techellel morngii el mo olngeseu er ngkel chedal a Ikelesia el mo ouchel a rengul a lsekum eng tilmelii a telbiil ra templo malechub eng omellekl ra osisiu el delengerengel.

Mesa 32.6.1.4 ma lsekum eng kirel a chelechad el usbechall . Mesa 32.6.3.3 a lsekum ma chad a chelsechusem el mirechorech a udoud ra Ikelesia malechub a klalou.

32.6.2.5

Bebil ra Omeruul

A King Benjamin a ulsisechakl, “E elechang diak el sebechek el subedemiu er a rokui el teletelel a omeruul klengit; leng betok a rael me a teletael diak el sebeched el masech” (Mosiah 4:29). A chelechad a mo usbechall a lsekum ma chad a:

• A chemolt ra teletelel el mo meruul oberaod el klengit (mesa Doctrine and Covenants 82:7).

• Ngara rengul el mo imikl a ngerechelel ra delengcheklel, luldimulkl er a diak losiou ra rengelekel e meluked a udoud.

• Omektakt el orrouk, a le bedengem el ngar sei malechub e ke ngara online(mesa 32.2.1).

• Olterau a mekngit el kar.

• Tomall a bebil ra oberaod el teletelel a delengerengel.

A ua ikal tekoi, ea chelechad a klou a techellel morngii el mo olngeseu er ngkel chedal a Ikelesia el mo ouchel ra rengul a lsekum eng tilmelii a telbiil ra templo malechub eng omellekl ra osisiu el delengerengel.

A chelechad a mo usbechall a lsekum ma chad a kongei, mengedmokl el kirel, olekebai el kirel, harau el kirel, malechub eng melisiich a tekoi ra omelecheb. Mesa 38.6.1 el kirel aikel bo moruul.

Sel sekum a Chelechad ra Ikelesia a Kirel Morngii malechub eng Usbechall

Bedengel a Klengit	A Chelechad ra Rechedal a Ikelesia a Kirel Morngii (mesa 32.6.1)	A Chelechad ra Rechedal a Ikelesia a Locha Usbechall (mesa 32.6.2)
Bedengel a Klengit Meringel Lodechelakl ma Terrekakl el Omeruul	A Chelechad ra Rechedal a Ikelesia a Kirel Morngii (mesa 32.6.1) Omekeuad Olterebek Motutakl ra olterebek Omekringel ra ngalk malechub a ngeasek Chad el soal di oldechelakl	A Chelechad ra Rechedal a Ikelesia a Locha Usbechall (mesa 32.6.2) Melasem Lomekeuad ra Chad. Deleboes lomeruul, Luldimukl ra Odechelakl ma Omecheracheb (mesa 38.6.18 sel kirel a chelechad el usbechall) Mla mekrengelii a bechil malechub eng tara klou el chad (mesa 38.6.2.4 sel kirel a chelechad el morngii)
Bedengel a Klengit Deleboes el Delengerengel	A Chelechad ra Rechedal a Ikelesia a Kirel Morngii (mesa 32.6.1) Terached el deleboes el delengerengel Deleboes el siasing ra rengalk Mengerouakl Chad el di osiik a tekingel a deleboes	A Chelechad ra Rechedal a Ikelesia a Locha Usbechall (mesa 32.6.2) Laokreng, meruul a deleboes el delengerengel, cheliuaiu ra delongelir a di redil ma delongelir a di rsechal, ma kuk bebil ra deleboes el deleongel ra ikrel a chebechiil ra delongelel a sechal ma redil uldimukl er a le ngara online ma dengua. Dmak el kiei, Ulak me di dmak el deleongel, ma buch er a delongelir a di redil ma delongelir a di resechal. A mekedekudem malechub eng mesisiich lomes a deleboes el siasing ra delengerengel luchul eng mla tomelii a chelbechilel malechub a delengcheklel.
Bedengel a Klengit Omengeblad el Omeruul	A Chelechad ra Rechedal a Ikelesia a Kirel Morngii (mesa 32.6.1) Chad el soal merechorech a udoud, el mo mengeblad ma osisiu el tekoi (mesa 32.6.3.3 a lsekum a chedal Ikelesia a chelschusem ra recherchel a udoud ra Ikelesia malechub a klalou.)	A Chelechad ra Rechedal a Ikelesia a Locha Usbechall (mesa 32.6.2) Omerechorech malechub eng chelebirukel el omeliul a udoud ra kombalii malechub eng kabelment (mesa 32.6.3.3 a lsekum ma chedal a Ikelesia a chelsechusem ra chelebirukel lomeliul a udoud er a Ikelesia malechub eng klalou.) Mengeblad ra medal a kerekeriil
Bedengel a Klengit Tomelii a Klaumerang	A Chelechad ra Rechedal a Ikelesia a Kirel Morngii (mesa 32.6.1) Oberaud el klengit e obang a ngarbab el deruchal ra Ikelesia	A Chelechad ra Rechedal a Ikelesia a Locha Usbechall (mesa 32.6.2) Oberaod el klengit e ngara deruchall ra klisiich malechub eng klaumerang er a Ikelesia malechub a buai (mesa 32.6.3.3 a lsekum ma chad a mle chelsechusem er a chelebirukel lomeliul a udoud ra Ikelesia malechub a klalou) Oberaod el klengit el berrokel a chisel.
Bedengel a Klengit Bebil ra Omeruul	A Chelechad ra Rechedal a Ikelesia a Kirel Morngii (mesa 32.6.1) Motutakl ra kerekeriil ra meklou el telemall	A Chelechad ra Rechedal a Ikelesia a Locha Usbechall (mesa 32.6.2) Omelecheb (dil le merkmo a le ngara 38.6.1 eng sebechel) Teletelel a oberaod el delengerengel Ngara rengul el mo imikl a ngerechelel ra delengcheklel, uldimulkl er a diak losiou ra rengelekel e meluked a udoud. Oterulel a mekngit el kar Bebil ra oberaod el teletelel a delengerengel

32.6.3

Sel sekum ma Chelechad ra Stake President a Chadecheduch lobengkel a Area Presidency el kirel a Kmo a Chelechad ra Rechedal a Ikelesia malechub eng Tara Tekoi a Usbechall

Ea bebil ra tekoi a kirel le kerkikl e omekrael. Sel bo lodengei el kmo te mekerang a bo lungil el olngeseu, ea stake president a kirel chadecheduch ngii ma Area Presidency el kirel a ikel tekoi el ngar tial bades. Eng di, di tal stake president a melib ra kmo a chelechad a morngii el mo mesaod er sel lomeruul. A lsekum meng morngii a chelechad, ea stake president malechub a bishop a otebedii a uldesuel kirel sel mo metib.

A lsekum ma chelechad a morngii el kirel a tara ikel tekoi el beldukl er tial bades, e tial uldesuel a chelechad a kirel ulecholt el kmo ng “melemolm lungil a deruchelel,” “ng motaut er sel mora rekord el kekerongel,” malechub eng “mengubet el chedal a Ikelesia.” A Kot el Presidency a ngeiull a kengei er ngii el ngubetii sel rekord el kekerongel malechub eng lmuut el soiseb ngkel chad ra Ikelesia (mesa 32.16.1, number 9).

32.6.3.1

Bebil ra Teletael

A lsekum meng mo diak el ngarngii a chelechad, ea bebil ra tekoi a sebechel uldimukl ra:

• Beot el kekerongel (mesa 32.8.3).

• Babier el smodii a rekord ra chedal a Ikelesia (mesa 32.14.5).

• Kekerongel er a chedaol ruoll, el tomer ra chad el nguu malechub el ousbech er a priesthood er ngii, malechub eng melai adang ousbech er a kengei el soiiseb e ra templo.

A stake president a chadecheduch ngii ma Area Presidency ruchei ra tara a ikal tekoi a le mekedmokl.

32.6.3.2

Obult el mo Cheroid ra Dios

A tekoi el kirir a robult el mo cheroid ra Dios a ngarngii a mesisiich el cheltel el engelakl ra ikel loleochel ra ward malechub a stake. Ng kirel di mereched el mesaod me bol selbechakl a re bebil.

A bishop a chadecheduch ngii ma stake president alsekum meng melchesuar el kmo a blekerdelel a chad a teletelel a mla obult el mo cheroid ra Dios. A bishop malechub a stake president a sebechel lotutii a llechul a beot el kle kekerongel er ngkel chad (mesa 32.8.3). A stake president a orchedii el chadecheduch ngii ma Area Presidency. Ngdi, di tal stake president a melib ra kmo ngmo rengii a chelechad malechub eng kuk bebil ra tekoi a usbechall.

Ma ikakid a usbechellel a obult el mo cheroid ra Dios a melutk er a chad el meruul a uaika el bedukl:

• Melmolm el meruul el di bleketakl e chemolt er a buai el omtok ra Ikelesia, osisecheklel, llechul, malechub a re merredelel.

• Tekangel el olsisechakl a lekong osisecheklel a Ikelesia el diak losisecheklel a Ikelesia ruriul ra lomeklemalt er ngii a bishop malechub a stake president.

• Chemolt er a omerellel el ngara rengul el ouedikel el mengitechut ra klaumerang ma loruul a rechedal a Ikelesia.

• Melmolm el oltirakl a ikel osisecheklir a re mlo ikrii a Dios ruriul ra lomeklemalt er tir a bishop malechub a stake president.

• Bleketakl el mocha chedal a tara klechelid e oldubech a osisecheklir (sel lak el ngara Ikelesia malechub e te ngara tara ikelesia a diak el motaut ra uai tial lobult el mo cheroid ra Dios. Ngdi, alsekum a chedal a Ikelesia a bleketakl el mocha chedal a tara klechelid e oldubech a ikel losisecheklir, eng mla mo kirel mengubet a ngklel er a ikelesia.)

A Osobol a ulsisechakl ra re Nephites el kirir el melmolm el oldingel er ngkel chad el rirebet ra klengit. “Eng di lsekum eng diak bo louuchel er a rengul er a kngtil, eng diak bo lulcherangel er a rechedak, meng diak bo lolemall er a rechedak” (3 Nephi 18:31).

32.6.3.3

Merechorech a Udoud ra Ikelesia

A lsekum ma chedal a Ikelesia a merechorech a udoud ra Ikelesia ma lechub eng ngmai a kesiokel el klalou ra Ikelesia, ea stake president a chadecheduch ngii ma Area Presidency el kirel a kmo a chelechad ma lechub a bebil ra tekoi a mousbechall. A re merredel a omes ra :

• Klungel a mirrechorech malechub a milngai.

• Ng di mle ta lorechorech malechub eng mekedekudem.

• Ng mle harau.

• Ngkal chad ngua ngera deruchellel a kengtil a rengul.

• Sel mle deruchall lulebang ngkal chad (mesa 32.6.1.4 el kirir a rechedal a Ikelesia lolab a ngarbab el deruchal ra Ikelesia).

A stake president a mesubed el kirel a tara ikal beldukel ra Leader and Clerk Resources:

• A ikel miltib er sel chelechad rechedal a Ikelesia

• Leng mle chadecheduch ngii ma Area Presidency e tilbir el kmo a chelechad a diak a usbechellel.

A lsekum ma Church Auditing Department a tibir el kmo a merredel malechub eng chad ra ureor a rirechorech a udoud malechub a klalou, ea Kot el Presidency a blechoel meketeklii el kmo a rekord er ngkal chad ra Ikelesia kirel lochotii a telemellel. “Merredel” a belkul a chad el oba ngarbab el deruchall ra Ikelesia, el di ua re counselor, clerk, ma branch presidencies. Sel bol merek el ouchel ra rengul, ea stake president a sebechel lolengit mel ngebetii sel telmellel el lechukl ra rekord (mesa 32.14.5 and 34.7.5). A llechukl ra rekord a diak el belkul a kmong mlo kdubech a chelechad malechub a bebil ra omeruul a dilubech.

32.6.3.4

Rechad el Mengeuid a Klechad er Tir

A re bishop ma re stake president el olengeseu ra rechad el mengeuid a klechad er tir a kirir el oltirakl a ikal omeruul el ngara 38.6.23.

32.6.4

Sel sekum a Chelechad a Diak el Usbechall

A chelechad ra rechedal a Ikelesia a diak el usbechall ra ikal beldukl er riou.

32.6.4.1

Dimlak el Oltirakl a ikel Bebil ra Llechul a Ikelesia

A chelechad ra Ikelesia a diak el borngii ra ikakid el tekoi el beldukl er riou. Eng di, motebengar sel ngara ulebongel tekoi.

• Ng diak el ngara Ikelesia

• Ng diak loruul a ureor ra Ikelesia

• Ng diak el harau a ongeltacher

• Ng diak loruul a ngerchelel loltirakl a llach

• Meleketak

• Diak loltirakl ra Llechul a Omengetmeklel a Bedenged

• Usbechellel a mekngit el siasing ra deleboes el delengerengel, eng di diak el siasing ra deleboes el delengerengel ra rengalk (el beldukl ra 38.6.6) el mekedekudem malechub eng dikea el chitii osengel a deleboes el delengerengel meng mla tomelii a chebechiielel malechub a telungalk (el beldukl ra 38.6.13).

32.6.4.2

Telmall el Siobai malechub eng Belsel el Diak el Harau

A re merredel a diak el kirir lousbech a chelechad ra Ikelesia el mesaod a mondelengel a siobai. A telemall el siobai ma diak el harau el blals a diak el uchul e le borngii a chelechad. Ng di, a chelechad a kirel morngii ra ikel meklou el chelebirukel el tekoi malechub eng meklou el omengeblad el rolel a omeliul a udoud (mesa 32.6.1.3).

32.6.4.3

Mondai ra Beluu

A chelechad ra Ikelesia a diak el bo losaod a mondelengel a beluu (mesa Doctrine and Covenants 134:11).

32.7

Teletael er a Blekeradel el Chad ngara Chesel

A Rubak e dilu el kmo, “A klisichel chubechub a kiriu, e ngkel mo er Ngii, a bo le nguuu; e te ngeltengat tirkel mo er Ngii” (3 Nephi 9:14). A teletael er a blekeradel el ngarngii a chad a klou a ultutelel el domes sel dolib:

• A ikel klebech el teletelel a ngeseu el mo ngosouir el mouchel ra ikel loberaod el klengit (mesa 32.5 ma 32.6).

• A ikel miltib el tekoi el mora chad lokiu a cheldechuduch malechub eng sel chelechad ra rechedal a Ikelesia (mesa 32.8 ma 32.11).

A Ikel Utebengall el Sebechel Ngmodech a Miltib

• Berredel a Klengit

• Tekoi el ultebengall el kirel a miltemall

• Olechotel a ouchelreng

• Miltemall el telbiil ra templo

• Deruchellel a klaumerang malechub a klisiich

• Omelekl

• Rekil, ultebechel, ma dechal ra klechad

• Klisichel a Uldesuel

• Di mle ngii el mo kombesar

• Taem er sel delongelel a klengit ma le kombesar

A re bishop ma re stake president a osiik er sel uldesuel ma urungulel a Rubak el kirel a bek el tekoi. Te omes a ikakid el belsachel el teletael sel lolib el kmo ngeral rael a lokiu ngii e mo ua ngera sel le merekui. A ikal teletael a diak el bo loremlii a mo metib el tekoi. Ng bai mo olngeseu er sel mo metib el merredel a kirir kutmeklii el ngara nglunguuch e mukrael lokiu a Reng.

32.7.1

Berredel a Klengit

Sel klungel a telemellel a klengit a delbodeb er sel berredel. Tiang a mo uldimukl er ngii a idisel ma klemengetel a taem e loruul er ngii, ma klungel a telemall el milngai er ngii, ma idisir a rechad el miltemall er ngii.

32.7.2

Tekoi el ultebengall el kirel a miltemall

A re merredel a omes a ikel tekoi el ultebengall el kirir a re miltemall me a rebebil. A ikang a sebechel luldimukl er a bechil ma re bebil ra rechedal. A remerredel a dirrek el omes er a berredel a telemall.

32.7.3

Olechotel a Ouchelreng

A Reng el ulekrael a usbechall sel lomtab el kmo a chad ng meral mla ouchel a rengul. A uai sei el ouchelreng a chemolt ra ikel de ues el ungil omeruul sel lorael a taem el mong ra bai sel klengit el reng el kuk di sel taem eng mlo er ngii ra chaldecheduch. Teletael el lomes a uldimukl ra:

• Klisichel a klaumerang er a Jesus Kristo.

• Sel teletelel a le kombesar.

• A delechel a klengit el reng el kirel sel delengerengel.

• Melabek a belsel el mo er tirkel miltemall el chad.

• Oltirakl a ikel ruoll ra tekoi er a llach.

• Ngoriakl el mla mo ikrii a delengerengel.

• Oumerang e oltirakl a llach ra uriul er sel klengit.

• Ng bleketakl ra mederir a re merredel ma rebebil ra rechad.

• Ng kongei el oltirakl a ikel ulekrael ra re merredel er a Ikelesia.

32.7.4

Miltemall el telbiil ra templo

A Rubak a milketeklii el kmo: Le ngii meng mui loldars me bo mui el meruul a ruoll (Doctrine and Covenants 82:3). A chad el mla mechedaol er a templo a kildmokl el ngara telbiil el mo kiei el oltirakl er a ngarbab el llach. Sel mtemall a ikal telbiil ea berredel sel klengit a mengai el mo oberaod. Ng oremelii meng sebechel a chelechad el morngii leng orechudel.

32.7.5

Deruchellel a Klaumerang malechub a Klisiich

A berredel a klengit a mo oberaod a lsekum a chad a rirelii a klengit e ngara deruchall ra klaumerang malechub eng klisiich, el ua oungalekl, merredel, malechub a sensei.

32.7.6

Omelekl

Sel mekedekudem el omelekl ra diosisiu e oberaod el klengit a meketeklii a dmolech el blekeradel malechub eng secher el oitechetur a omerolel a chad el kirel a meral ouchelreng. Meng uldimukl er a kekerongel ra chad a le kirel, a ikel ukeruul ra smecher ma ulekrael el ngesou er tirkel meduch a dirrek el locha mo usbechall (mesa 32.8.2).

32.7.7

Rekil, Ultebechel, ma Dechal ra Klechad

A re merredel a omes er a rekil, ultebechel reng, ma dechal ra klechad sel lomekrael ra chedal a Ikelesia malechub e lolib er sel mo metib ra chelechad. Ng mo telkib el kebekakl a belsir tirkel dirk mesuub er a ebangkelio. A okesiul tiang, ng mo oikab el kirel tirkel ngeasek el chedal a Ikelesia el meruul a mekngit a lsekum e te mo imikr a delengerengel e chemolt el meral ouchel a rengrir. Ng di, a lmuut el meringel el tekoi a bo loltaut a lsekum e te melmolm a omerellir.

32.7.8

Klisichel a Uldesuel

A secherel a bdelul, secherel ra usbechellel a mekngit el kar, malechub eng telkael a klisichel a bdelul a diak el ngebetii a kngtil a chad el tilmelii a kmal oberaod el klengit. Ng di, a ikakid a teletael el kirir el omes. Ma ikel rolel olngeseu ra chad el mo ouchel, ea re merredel a meluluuch el mo ra Rubak ra ulekrael el kirel ngkel chad me bo lodengei a ikel llach ra ebangkelio ma delecherul a telemall el tilemelii.

32.7.9

Di mle Ngii el mlo Kombesar

Sel di blel ngii a chad el mo kombesar e melchesuar ra klengit el reng ra telemellel a ochotii el ngara rengul el ouchel.

32.7.10

Taem er sel delongelel a klengit ma le kombesar

A kombesar a telkib er a ouchelreng e diak el kirel de omekioud er ngii. A bebil ra taem ea klengit a okiuellel a kemanget el taem el doluked a telemelled e kiei el ngara ultebechel el klengar. A lsekum ma chedal a Ikelesia a kombesar el kirel a klengit e diak el omelekl el meruul er ngii, eng bleketakl el kmong mla mo ikrii. Me sel uaisei, eng mla kombesar meng mla merekui a ureor ra kuk bai bo lomuchel a urerel a mo ouchel.

32.7.11

Klengit el Milruul ra Delongelir a Rechedal a Ikelesia el Kiei ra Kakerous el Ward Malechub a Stake

Bebil ra taem ea rechedal a Ikelesia a mo dmak e remuul a oberaod el klengit eng di te kiei ra kakerous el ward malechub eng stake. Ma uai tial teletael, ea re stake president a mo chadecheduch el kirel a usbechellel a bo loltaut el llach malechub eng morngii a chelechad. Te dirrek el mo mesaod a lsekum e ngarngii a belkul el kirel a ikel llach malechub eng uldesuir a chelechad leng ngosisiu malechub e le ngarngii a bebil ra tekoi el usbechall el mo otebedii a kuk ngodech el tekoi.

---

OMTEBECHEL E OMEKRAEL ER A DERTA EL CHAD

---

32.8

Omekrael ra Dertal Chad ma Beot el Belsel a Kekerongel

Sel omekrael ra dertal chad a blechoel e medeel el ngosuterir a re bebil e ngosuir a chad el nguu sel omengikiid el klisichel a Tngakireng er a Jesus Kristo el okiu a ouchelreng. Tial omekrael a sebechel dirrek el ngosuterir a re chedal a Ikelesia me te selbechakl e ra ikel meklou el klengit. Sel lomekrael ra dertal chad, ea re merredel a sebechir el dirrek el msang a kebekakl el llach me dil kekerongel mel ngesuir el ouchel el kirel a bebil ra meklou el klengit (mesa 32.8.3).

A meklou el klengit a diak el kirel domekbeot (mesa Doctrine and Covenants 1:31). A tomall a telbiil ra templo a msang a kloul techall el mekdebechii sel chelechad ra Ikelesia meng morngii (mesa 32.7.4).

Omeruul el ngosuterir a re merredel mete medengei el kmo a ikel lomekrael ma kebekakl el llechul a kekerongel a medeel e belsachel er riou (mesa also 32.7):

• A chad el dirkak el relii a klengit el uchul eng kirel mo ngarngii a chelechad (mesa 32.6.1).

• A chad a di mle ngii el kombesar e meral ouchel a rengul.

• A chad el meral el ouchel a rengul el kirel oberaod el klengit el ngii a direkak a ta el relii.

• A klengit el rirelii a chad a dimlak el temelii a telbiil ra templo.

• A chad el ngarngii a meklou el tekoi lulsiseb er ngii eng di ngoikab a berredel.

32.8.1

Omekrael er a Derta el Chad

A ikal belsachel el omeruul a loltaut sel sekum a bishop malechub eng stake president a omekrael er a chad lolengeseu er ngii el mo ouchel a rengul.

• Moker a telkael el tekoi el omes el kmo ng uangerang (1) a omilkingel ngkal chad el kirel sel mekngit ma (2) blekerdelel, ng mekedekudem, e melmolm er tial blekeradel. Ng diak mongetiit lengelakl er a di beot el tekoi el mo medengelii a teletael. Ng diak moker a ker el kuk di kau el soam el mo medengei.

• Moker el kmo tial blekeradel ngera blal temelii er a rebebil ra rechad.

• Momes a ikel bedochel el teletael el mo meltii ngkal chad me bo loltirakl er a Rubak. Molisiich a rengrir a rechedal a Ikelesia me lotirakl a bebil ra omeruul el mo ngmodech a blekerdelir e sumechokl a rengrir el mo ouchel. Siotai er ngii me bol keed er a Osobel, losiik er a Klisichel e mo melchesuar a beltik el reng er Ngii.

• Molisiich el okiu a ikel ungil tekoi sel loluluuch, menguiu a chedaol llechukl, e omais el ngara Ikelesia. Molsisechakl el kmo a urerel a reksi ra telunglek ma ureor ra templo a sebechel ngosengesii a klisichel a cherarou. Molisiich er sel dosiou ra rebebil e domerk er a ebangkelio.

Ungil el Omilil el mo Olengeseu el kirel Ouchelreng e Melisiich ra Uchetemel a Reng

• Nglunguuch

• Omengiuel Chedaol Llechukl

• Ngara Ikelesia

• Blechoel el meruul a ureor ra reksi ra telungalk ma ureor ra templo, luldimukl er a rekord a ngklir a rechad ma ikel telengtengil.

• Mesiou er a re bebil

• Omerek er a ebangkelio

• Melisiich a ikel miltemall el omtechei e olengit a klausubes el kirel

• Melisiich el obult el mo cheroid er a ikel mekngit el ongetikaik. Olengeseu er a rechedal a Ikelesia el mo oeak a rael el otngakl a ikel bebil ra tekoi ra ngibesereng.

• Momes el kmo kau omtechei ra ikelesia, ng diak kom semmong er tial ureor. Ma ikel kuk bebil ra ulekrael el moldars, a re bebil ra rechad a sebecherir el mo ungil a blekerdelir el okiu a ikaikid el ngesou. A rebebil a chuarm er a secherel a bderrir. Sel usbechall, e molekoi er tirkal chad me losiik a ngeseu er tirkel meduch el chad er a ukeruul (mesa 31.3.6).

• Moluluuch e mosiik er a ulekrael el ngara Reng ruchei er a bo moldars ra kebekakl el llach me bol kekerongel a chad. A re bebil ra rechedal a Ikelesia a sebecherir el ngmai a ngesou sel louedikel ra ikel llemeltir ra Ikelesia le te mededaes ra bai le kekerongel.

• Bom blechoel loldingel e molisiich er tir, smisiich a klisichir ra reng, e momes er tir me lorael el mo ungil.

Uriul ra chad ra le kombesar el mora bishop malechub a stake president, e motireklii el omekrael el olab a bebil ra teletael. Ngkel merredel a sebechel di ngii e kutmeklii. Malechub, el kengei ngkal chad, eng sebechel mekngerchelii a tara counselor er ngii meng ngosuir ngkal chad.

Meng ngokiu a kengei er ngkal chad, ea bishop malechub a stake president a sebechel mekngerchelii a chedal a elders quorum malechub a Relief Society el mo olngeseu lokiu a bebil ra rael. Ea re kuk re ngeasek, eng sebechel mekngerchelii a presidency ra Rengeask el Dil malechub eng chelechad ra Aaronic Priesthood er tirkel lomekrael me te olengeseu. Tirkel mla metutk el mo olengeseu a sebecherir el ngmai a ulekrael mete mui el kutmokl a ngerechelir (mesa 4.2.6).

Sel lolutk er a chad el mo olengeseu er sel lotireklel sel omekrael, e ngkel merredel a msa delbodeb el tekoi el usbechall el mo ngoseuir ngkel chedal a Ikelesia. Ngkel mlukngerachel el chad a kirel mengeluolu a berrotel el tekoi. Ng kirel dirrek louchais ra bishop er a omerolel mo ungil ma ikel lousbech ngkal chad.

32.8.2

Olengeseu ra Rechad el Telmall ra Mekngit el Klalou

Omekrael ra chad sel bebil ra team eng uldimukl er sel dolengeseu ra chedal a Ikelesia el ouchel a rengrir ra klengit el mokdubech malechub eng telemellel a ikaikid el mekngit el klalou. A ikal telemellel a mekngit el klalou a uldimukl a kar malechub eng betok el teletelel a blekeradel. A telemellel a ikal mekngit el klalou a tomelii a chad, chelebechiil, ma telungalk. A bishop a sebechel omekrael ra rechedal a Ikelesia el mo melai a ngesou ra ikel prokuram er a Ikelesia ma re meduch el chad ra ukeruul ra btelud ma bedenged.

Osengel a delboes el delengerengel a di merael mo klou. A mekedekudem el osengel a mo kse ra chad malechub, a bebil er a derta el omeruul, eng mo secher. Meng diak el iior ra kmong mekedekuem ma le dertal lomes, eng mekngit. Ng choridii el mo cheroid a Reng. Ng oitechetur sel klisichel a rengud el meluluuch el kirel a klisiich el mengai er sel dongeluolu a telbiled. Ng dirrek el tomelii a mesisiich el deleongel.

Sel lomekrael ra dertal chad el mlotaut er a kebekakl el lechul a kekerongel a blechoel medeel el ngoseuir a chad el ouchel er a usbechellel osengel a delboes el delengerengel. A chelechad er a rechedal a ikelesia a diak el blechoel ngarngii. A ikel morngii, mesa 38.6.6 and 38.6.13. A remeduch el omekrael a ngarngii a le ngesouir.

A stake president ma bishop a olengeseu ra rechedal a telungalk a lusbechall. A robekel a uldimukl a lsekum ea rengeasek a lomekrael er tir el lolechib ra usbechellel osengel a delboes el delengerengel. A bechil meng nguldimukl a lsekum e te omekrael er a bechiil chad.

A bebil ra tekoi el kirel sel lomekrael ra rechedal a Ikelesia el chelsechusem er a tekingel a osengel a delboes el delengerengel, mesa 38.6.13.

32.8.3

Mlotaut er a Kebekakl el Llach

Ng uldimukl ra omelisiich lokiu a ungil lomeruul sel lomekrael, ea bishop malechub a stake president a sebecherir el otutii sel kebekakl el llach ra ikel llemeltir ra Ikelesia el telkib el taem. Sel bol lungil el meketmokl, a ikal llach a sebechel lolengeseu e mo ungil mekrolii a reng. A ikang a lomes el kmong kebekakl leng ng diak el llechukl e ra rekord ra Ikelesia.

A kebekakl el llach a sebechel el di ultaut el telal sandei, ng buil, malechub eng mo kemanget el di iior er ngkel chad el meral mo ouchel a rengul. A kuk ngodech el teletael, ea temel a mo kemanget er a tal rak.

A re merredel osiik a ulekrael el okiu a Reng el kirel a kmo ngeral llach a bedochel el mo ngoseuir ngkel chad el mo ouchel. A ikang a sebechel luldimukl er ngii (ngdi diak el telkael) el merrob el telkib el taem a lemeltel mesiou er sel ngerchelel ra Ikelesia, ousbech er a priesthood, malechub el ngara templo. A merredel a dirrek el sebechel torbengii a kekerongel meng diak bo longedecheduch ra mederir a rechad, olsisechakl, malechub e loluluuch ra ikel ongdibel ra Ikelesia. A lsekum ma merredel a mla torbengii a llemeltel meng kekerongel el diak el siseb ra templo, eng suldii sel kengei el lobang el mora templo er sel Leader and Clerk Resources (LCR).

A melai ra chedaol belsoil a klou a belkul sel douchel. Ng diak el kirel kot el tekoi ra kekerongel el de bsang a chad el ouchel leng mekngit a rengul e ngara klengit el reng. Ng di, a lsekum ma chad a rirelii a oberaod el klengit, ea merredel a sebechel torebengii tial llemeltel el telkib el taem.

A re merredel a blechoel diak louchais ra ngii di el chad el kirel a ikal kebekakl el llach ra kekerongel el di merkmo a le ngarngii a ultutelel bo lodengei (mesa 32.12.2).

A bishop malechub a stake president a sebecherir el ngubetii sel kebekakl llechul a kekerongel lokiu a Reng a lsekum e ngkel chad a chemolt er a omrellel el meral ouchel a rengul. A lsekum e ngkal chad a melemolm el meruul ra di osisiu el delengerengel, eng ngarngii a bol relii malechub eng orechudel a bol keldibel sel chelechad er a rechedal a Ikelesia.

---

MENGEDMOKL ER A CHELECHAD ER A RECHEDAL A IKELESIA

---

A chelechad er a rechedal a Ikelesia a mo kldibel sel sekum a bishop malechub a stake president a tibir el kmo te usbechall malechub e te kirir leng llechul a Ikelesia (mesa 32.6). A ikang a ngarngii ra ward, stake, branch, district, malechub eng mision. Tial bades a ochotii el kmo kede mekerang a dongetmokl a ikal lureor.

32.9

Olngeseu ma Ngerachel

A ikakid el beldukl a olecholt a kmo ng techa mo olngeseu ra chelechad er a rechedal a Ikelesia.

	A Rechad el Olngeseu ra Chelechad ra Rechedal a Ikelesia
Chelechad ra Rechedal a Ikelesia er a Ward	A Rechad el Olngeseu ra Chelechad ra Rechedal a Ikelesia Ngkel chad el uchul ea chelechad a mo er ngii Bishop ma re counselor er ngii Clerk er a Ward Elders quorum malechub eng Relief Society president (ng diak el klou a ultutelel; mesa 32.10.1)
Chelechad er a Rechedal a Ikelesia er a Stake	A Rechad el Olngeseu ra Chelechad ra Rechedal a Ikelesia Ngkel chad el uchul ea chelechad a mo er ngii Stake president ma re counselor er ngii Clerk er a Stake High councilors (di mora dertal tekoi el omsodel a ngara 32.9.2) Bishop er ngkel chad el uchul ea chelechad a mo er ngii (ng diak el klou a ultutelel; mesa 32.9.3) Elders quorum malechub eng Relief Society president (ng diak el klou a ultutelel; mesa 32.10.1)

32.9.1

Stake President

A stake president:

• A oba klisiich el mengederedel ra chelechad ra rechedal a ikelesia el ngara stake; eng di, oumesind er a ikal chelechad a lomtebechel a re bishop.

• Kirel kot eng kongei ruchei ra bishop a bo lolekiis ra chelechad er a rechedal a Ikelesia.

• Ng omtebechel er sel chelechad er a rechedal a stake a lsekum a chad el mla mechedaol ra templo a ngarngii a techellel el mengubet el chedal a Ikelesia.

• Ng sebechel mengdibel ra chelechad a lsekum a chedal a Ikelesia a soal a lluut el mo omes er sel tilobed el uldesuir a chelechad er a rechedal ikelesia er a ward.

• Ng kirel kongei ruchei ra chelechad er a ward a lotebedii a ulebongel el uldesuel melubet ra ngklel a chedal a Ikelesia el diak el cheledaol ra templo.

32.9.2

High Council

A rechedal high council a diak el blechoel lolngeseu ra ikel chelechad er a rechedal a ikelesia ra stake. Eng di, tirkel high council a sebecherir lolengeseu a ikel chetituokel el tekoi (mesa Doctrine and Covenants 102:2). Tiakid a okesiul, el stake presidency a sebechel siotai ra high council el mo olngeseu sel:

• A le ngarngii a ultekengel a bleketakl el tekoi.

• Te sebecherir el dochel a belkul e mesmechokl.

• Ngkel chedal a Ikelesia a olengit er tir me lolengeseu.

• A chedal a stake presidency malechub a rechedal a dmak ( mesa 32.9.7).

32.9.3

A Bishop (malechub a Branch President el ngara Stake)

A bishop:

• A ngarngii a klisichel er sel chelechad ra rechdal a ikelesia er a ward.

• Ng chadecheduch ngii ma stake president e nguu a kengei er ngii ruchei ra bo longdibel ra chelechad.

• Ng diak el sebechel mengdibel ra chelechad a lsekum ea chad a mla mechedaol ra templo a ngarngii a techellel mengubet a ngklel ra Ikelesia. A chelechad er a chedal a ikelesia ra stake a kirel morngii ra ua ikaikid el bedengel a teletael.

• Ng sebechel siotai er ngii el obengterir a chelechad ra rechedal a ikelesia ra stake el kirel a chedal a ward el deruchellel ra Ikelesia a bo lomes er ngii. A mo teloi er sel chelechad a kirel ngeiull a kengei ra stake president meng ngkel chad.

A ward malechub eng chelechad er a rechedal a branch a sebecherir lotobed a uldesuir el melubet ra ngklel ngkel chad er a Ikelesia a lsekum eng diak el cheledaol er a templo. Eng di, a stake president a ngeiull a kengei er ngii ruchei er sel ulebongel el uldasu a le mekedmokl.

A bebil ra taem e sel chelechad ra ward a mo kldibel el kirel a cheledaol er a templo el chedal a Ikelesia el okiu a ureor eng mo chemolt el kmo ngkal chad a sebechel mo mengubet a ngklel ra Ikelesia. Ngokiu a ikal teletael, ea bishop a mekrolii tial tekoi el mora stake president.

32.9.4

Mision President

A mision president:

• A ngarngii a klisichel kirel a chelechad ra rechedal a Ikelesia ra ikel branch ma district.

• Ng kirel mesterir a kengei ruchei ra district malechub eng branch president a bo longdibel ra chelechad.

• Mengdibel er a chelechad a lsekum a chad el milchedaol ra templo a sebechel a ngklel el mengubet el chedal a Ikelesia. A lsekum meng taem malechub eng klemengetel omerael a chetiteuokel, eng sebechel loderchii a tara counselor er ngii meng mo omtebechel er sel chelechad. Ng melilt er a re terung el oba Melchizedek Priesthood me te mo olngeseu.

• Ea le sebechel, eng mengdibel er a chelechad el kirir tirkel direkak el mechedaol er a templo. A lsekum meng taem malechub eng klemengetel omerael a chetiteuokel, eng sebechel kongei ra re tedei loba Melchizedek Priesthood me te mo mengdibel er ngii. Mesel uaisei, e ngkel district malechub eng branch president er ngkal chad a blechoel omtebechel er sel chelechad.

• Ng sebechel mengdibel ra chelechad a lsekum e ngkel chedal a Ikelesia a soal a lluut el mo mes er sel miltib el uldasu ra chelechad ra district malechub eng branch.

• Ngokiu a kengei er a General Authority er sel Missionary Department, eng mengdibel ra chelechad a lsekum ma misionari a tilmelii a klou el delengerengel ra taem losiou. (mesa 32.9.8). Ng dirrek el omes er tial tekoi el obengkel a chedal sel Area Presidency e mengedecheduch el obengkel a stake president el mo er sel stake er ngkal misionari.

• Ng kirel kongei ruchei ra chelechad er a branch malechub eng district a lotebedii sel mo ulebongel el uldasu el melubet er a ngklel a chad el diak el cheledaol er a templo me bo lak el chedal a Ikelesia.

A lsekum ma misionari a kombesar el kirel a klou el delengerengel el kmong rirelii ruchei ra bo losiou, e ngkel mision president a mekedongii ngkel omtechei er ngii el ngara Missionary Department ra rael el bol lobang.

Sel sekum ma mision president a mengdibel er a chelechad, eng melilt er a re terung el oba Melchizedek Priesthood el mo olngeseu er ngii. Ngdi ikel ngodech a teletelel tekoi eng mo melilt er a re ngeasek el misionari el mo olengeseu. Ng oltirakl a osisiu el teletelel a ureor el di ua chelechad er a stake (mesa 32.10). Eng di, a high council malechub eng chelechad ra district a diak lolengeseu.

32.9.5

District malechub eng Branch President er a Mission

A district malechub eng branch president er a mission a sebechel mengdibel ra chelechad sel sekum eng kilngei a mission president. A chelechad er a district a diak lolengeseu.

A chelechad er a district malechub a branch a sebecherir lotebedii a uldesuir el melubet er a ngklel a chedal a Ikelesia a lsekum eng direkak el mechedaol ra templo. Eng di, a mision president a kirel kongei ruchei ra le moterkokl a uldasu.

32.9.6

Stake malechub eng Ward Clerk

The stake malechub eng ward clerk:

• A kudmokl a ikel llechukll el tekingir sel chelechad ra di sel ngarngii a usbechellel el moldars er sel babier ra Chelechad ra Rechedal a Ikelesia.

• Kudmeklii sel babier a lsekum eng olengit a merredel el ulmtebechel ra chelechad.

• Ng diak lolengeseu ra ikel cheldecheduch malechub a ikel mo metib el luldasu er sel chelechad.

32.9.7

Olengeseu ra ikel Ngodech el Teletael

A lsekum a counselor er a stake presidency a diak el sebechel lolengeseu er sel chelechad, ea stake president a olengit er a high councilor malechub eng high priest me lomtechei er ngii. A lsekum ma stake president a diak el sebechel mo olengeseu ea Kot el Presidency a sebechel kongei ra tara re counselor er ngii meng mo omtechei er ngii.

A lsekum ma counselor er a bishopric a diak el sebechel el mo olengeseu er sel chelechad, ea bishop a sebechel lolengit er a high priest er sel ward el mo omtechei er ngii. A lsekum ma bishop a diak el sebechel el mo olengeseu, eng mekrolii sel tekoi el mora stake president, meng mo mengdibel ra chelechad er a stake. A bishop a diak el sebechel loderchii a melkingel me longdibel er a chelechad er a rechedal a ikelesia.

A lsekum a rechedal a chelechad a mo kldibel el kirel a chedal a telungalk er a bishop malechub eng tara counselor er ngii, eng kirel di ngara stake. A lsekum e ngarngii el kirel a chedal a telungalk ra tara counselor er a stake president, ea stake president a oderchii a tara high priest meng mo omtechei er ngkel counselor er ngii. A lsekum a chelechad a ngarngii el kirel a chedal a telungalk ra stake president, e ngii a mengedecheduch el mo er sel Obis er a First Presidency.

A lsekum a chad otngeklii a bishop malechub e te counselor el mo olengeseu, e sel chelechad a kirel morngii ra stake. A lsekum ma chad a otngeklii a tara counselor er a stake president el mo olengeseu, ea stake president a oderchii a tara high priest el mo omtechei er ngkel counselor er ngii. A lsekum a chad otngeklii a stake president el mo olengeseu, malechub a lsekum a stake president a melchesuar el kmo ng mo diak el klebech a uldesuel, eng mengedecheduch er sel Obis ra First Presidency.

32.9.8

Melib ra Kmong Techang a Mengdibel ra Chelechad ra ikel Tokubets el Teletael

A ikal chelechad ra Ikelesia a oumesind ra taem el ngarngii er a ikel basio el ngarngii a rekord er ngkel chedal a Ikelesia.

A bebil ra taem ea chelechad a kirel usbechall el kirel ngkel chad el melukl. A lsekum eng melukl ra di chelsel a osisiu el stake, ea stake president a chadecheduch ngii me tirkel bishops ra ikal eru el ward e melib ra kmo te mo kldibel er ker.

A lsekum e ngkel chedal a Ikelesia a melukl el mora ikrel sel stake, e tirkel stake presidents ra ikal eru el stake a chadecheduch e melib ra kmo te mo keldibel er ker. A lsekum e te tibir el kmo temo kldibel er sel di mla ward malechub eng stake er ngkel chad, e a ikel rekord er ngii ra Ikelesia a medechel er sel ward el di merkmo bol merek a chelechad. Ea lak, ea rekord er ngii a mengai el mo er sel beches el ward. A bishop malechub a stake president a di delongelel ngii me ngkel chad e subedii ra beches el bishop malechub eng stake president er ngii ra kmo ngerang ma chelechad a usbechall.

A bebil ra taem ea chelechad a usbechall el kirel a chedal a Ikelesia el kiei er a cheroid ra blil el telkib el taem. Sel okesiul, a chelechad a sebechel usbechall el mora ngalk er a skuul malechub eng chedal a Ikelesia el soldau. A bishop el ngar sel le kiei er ngii a chedal a Ikelesia el telkib el taem a sebechel lodars a osisechakl e olengeseu. Eng di, ng diak el kirel mengdibel ra chelechad el di merkmo a rekord er ngkel chad a bla el nguu e mla chadecheduch ngii me ngkel bishop er sel tara ward.

A bebil ra taem ea misionarii a rulii a klou el delengerengel sel losiou e diak el bol cholt el dil merkmo a bochal merek. A bishop ma stake president a chadecheduch ra kmo ng techa er tir a kirel mengdibel er a rechedal a chelechad. A ta er tir a mengedecheduch er ngkel mle mision president ruchei ra bol keldibel.

32.10

Teletelel a Urerir a Chelechad ra Rechedal a Ikelesia

32.10.1

Omeklatk e Mengetmokl el kirel sel Chelechad

A bishop malechub eng stake president a nguu el msang ngkel chad a llechukl el babier el omeklatk ra chelechad ra rechedal a Ikelesia el mo kldibel el kirel. Ng saiing er sel babier. Tiang a uldimukl er ngii a ikakid el tekoi:

“A [bishopric malechub eng stake presidency] a mo kldibel el chelechad ra rechedal a Ikelesia el kirem. Tial chelechad a morngii er a [sils ma taem] ra [basio].

“Tial chelechad a momes a ikel [ng di smaod a beot el teletelel a telemall, ng di diak el bo losaod a berrotel el tekoi].

“Aki mengemedaol er kau el me mes ra cheleched el mo onger er tir. Ng sebechem el odars a llechukl el tekingir a rechad el sebechir el odars a tekoi el mo sobecheklii a cheldecheduch. Ng sebechem el siotai er tirkal chad el mo mengedecheduch er a chelechad el omtechei er kau a lsekum eng di medal e te kongei er ngii a stake president malechub a bishop. Ng dirrek el sebechem el siotai ra [ward Relief Society president malechub e ngkel elders quorum president] mel bo lolngeseu er kau.

“Ngii di el chad el mong a kirel moltirakl loba omengull el mora chelechad, luldimukl e ra teletelel ikal orretel a ureor ma berrotel el tekoi. A rechad er a llach ma rolngeseu el diak el ngara belsachel a diak el lebong.”

A ulebongel el mo llechukl a sebechel ngarngii olchotel a beltik el reng, urungulem, ma ikel tekoi el kau a simbai el kirel.

A ikel olkael el kirel a kmo te rua techang a sebechem el siotai er tir el mo mengedecheduch er a chelechad a ngara 32.10.3, number 4.

A lsekum e sel babier a diak el sebechel a chad el nguu mesterir, eng sebechel mo durokl el okiu a melidiul e olengit mel nguu a olechotel.

A bishop malechub a stake president a mesa sel sils el mededaes ngkel chad me bo lesterir sel chelechad. Ng dirrek el oterkeklii el kmo ng mla er ngii a klou el taem meng mlo sebechel ngmai a kuk tekingir tirkel miltemall er sel mekngit el omeruul a lsekum eng sorir lolab el omsang (mesa 32.10.2).

A bishop malechub a stake president a kutmeklii ngkel chedal a Ikelesia sel bo lomes er tial chelechad e louchais er ngii ra moktek ma teletelel. Ng dirrek el smodii ra ikel uldasu el tial chelechad a momes ma ikel mo metib. A lsekum eng ngkal chad a mle kombesar, e ngkal merredel a smodii el kmo tiang a bo lousbech er ngii sel chelechad.

32.10.2

Ngmai a Tekingir a re Miltemall

Sel sekum a chedal a Ikelesia a miltemall (ra ua terached el delboes el delengerengel, telmall el ngalk,chelebed er a bechil, malechub eng rechorech), ea bishop malechub a stake president a mengedecheduch er ngkel bishop malechub eng stake president er ngkel chad. Tirkal merredel a melib er sel kmo ngarngii a bol relii er ngkal miltemall a le bsang a techall me lochotii lokiu a lluches el tekingel el kirel sel mekngit el omeruul ma ikel telemellel. A ikal tekingel a sebechel mo mechuiu er sel chelechad er a rechedal a ikelesia (mesa 32.10.3, number 3). A re merredel ra Ikelesia a diak a klisichir el mengedecheduch er tirkel miltemall el diak el chedal a Ikelesia.

A ngii di el cheldecheduch el obengkel a miltemall el chad el kirel tial lomeruul a mekedmokl el okiu a bishop malechub eng stake president er ngii. A lsekum a miltemall a odersii a llechukl el tekingel, e ngkal merredel a nguu el msang a bishop malechub eng stake president le ngii a omtebechel er a chelechad. A re merredel a kirir el kmal mo kerekikl meng diak el bo longisois a ngarngii el ringel. Mesa 32.4.3 el kirel a bebil ra uleklatk.

A ngii di el ker el kirel a miltemall el ngariou a rekil ra teruich ma eai a mekedmokl el okiu a rechad er a blil malechub e te mengkerengel, le lak eng sebechel tomelii.

A tekoi el kirel a bishop malechub eng stake president el melai a ulekrael ra ikal tekingel a odechelakl, mesa 32.4.5 me a 38.6.2.1.

32.10.3

Omekrael er a Chelechad

Sel rechedel ruchei ra lomuchel a urelel a chelechad, ea bishop malechub a stake president a mesubed er tirkel chad el mo kldibel er a moktek ra chelechad me a ikel mekngit lomeruul el mlocholt. A le ngarngii a ultutelel, eng smodii a mo teletelel a urerel a chelechad.

E ngkel chad, a lsekum eng mlong, a loutkeu er ngii el mo soiseb er sel delemerab. A lsekum ma bishop a blel siotai er ngii el mo ngar sel chelechad ra stake ra Ikelesia, eng dirrek el siotai er ngii el mor sel delemerab er sel taem. A lsekum meng ngkek chad a mle siotai ra ward Relief Society president malechub e ngkel elders quorum president me bol teloi er tir el mo olengeseu, e te dirrek el siotai er tir el mo soiseb.

A bishop malechub a stake president a omekrael er a chelechad loba beltik el reng, el uai tial beldukl riou.

1. Ng siotai ra tara chad meng mo omuchel el oba nglunguuch.

2. Ng mo ouchais er a milkedmokl el omeruul. Ng msang ngkel chad (a lsekum eng teloi er tir) a techall meng kongei, odngakl, malechub eng meketeklii tial tekoi.

3. A lsekum eng kongei el tilmelii, ea bishop malechub a stake president a melemolm el mora ongeim el dauch el ngariou. A lsekum meng odngeklii, e a bishop malechub a stake president a mo odars a ulecholt el tekoi el kirel. Tiang a mo uldimukl er ngii a molecholt a bleketakl el babier e mo ungil chemuiu a rokui el llechukl el tekingir tirkal miltemall (mesa 32.10.2). Mesel longuiu a ikel tekingir, eng mesebechakl el diak lolecholt er a ngklel a miltemall.

4. A lsekum me ngkal chad a oldngakl er tial tellemall, eng sebechel odars a tekoi el kirel el mora chelechad. Tiang a sebechel llechukl. Malechub e ngkal chad a sebechel lolengit ra rechad el sebecherir lodars a uldelid el tekoi el mo melekoi er tial chelechad, el ou dersta er tir. Tirkal chad a kirir el chedal Ikelesia di le merkmo a bishop malechub eng stake president a mla tibir ruchei el kmo a diak el chedal a Ikelesia a sebechel teloi er tir. Te mengiil el ngara chelsel a kakerous el delemerab el di le merekmo le mokedong el mo mengedecheduch. A derta er tir a tuobed er a delemerab el ngarngii a chelechad sel bol merek. Ng kirir el kongei e loltirakl el oba omengull el ua sel chelechad, luldimukl ra ikel urerel ma berrotel el tekingel. Tirkal chedal a Ikelesia a diak el sebecherir el oba chad ra llach el teloi er tir. Ma lechub el sebechel ngarngii a mo olngeseu er tir el diak el tirkel chad el ngarsel ongeru el uleklatk el ngar tial bades.

5. A bishop malechub a stake president a sebechel loker a ker er ngkel chedal a Ikelesia el okiu omelengmes me a omenguul. Ng sebechel dirrek el oker a ker ra rebebil ra rechad el ngkel chedal a Ikelesia a ulengit me bo lodars a usbechall el tekoi. A re counselor er a bishop malechub a stake president a dirrek el sebecherir el oker a ker. Ngii di el ker a kirel kedeb e kmal di melutk el kirel a ikel kirel seuadel.

6. Uriul ra bek el tekoi a blal modars, ea bishop malechub a stake president a mechere ngkel chedal a Ikelesia meng merael. Ngkel clerk meng dirrek el merael, dil merkmo a lsekum a chedal a high council a mle teloi er sel chelechad er a stake. A lsekum e ngkel bishop er ngkal chedal a Ikelesia a teloi er sel chelechad ra stake, eng sebechel merael. A lsekum a Relief Society president malechub a elders quorum president a teloi er tir el olengeseu, eng dirrek el sebechir el merael.

7. A bishop malechub a stake president a oker el kirel a uldesuir malechub eng osengir a re counselor er ngii. A lsekum a re high council a mle teloi ra chelechad ra stake, e ngoker er tir a uldesuir ma ikel osengir.

8. Ng obenterir a re counselor er tir ea bishop malechub a stake president a meluluuch losiik er sel urungulel a Rubak el kirel sel tekoi. Ng di tal stake president ma re couselor er ngii malechub eng bishop ma re counselor er ngii a kirir el ngara chelsel sel delemerab er tiaikid el taem. A lsekum a rechedal a chelechad ra stake a uldimukl ra high council, ea stake presidency a mora obis ra stake president.

9. A bishop malechub eng stake president a ouchais er a re counselors er ngii er a uldesuel e olengit er tir me le kengei er ngii. A lsekum ma rechedal a chelechad ra stake a mle uldimukl er ngii a re high council, ea stake presidency a lmuut el mo er sel delemerab e olengit ra re high council me le kengei er ngii. A lsekum tirkel counselor malechub a high council a ngarngii a ngodech el luldesuir, ea bishop malechub a stake president a mo remenges e osiik el sumecheklii a klekakerous ra uldasu. A oba ngerachel el kirel sel uldasu a ngar ngkel chad el menguteling ra ureor.

10. Ng siotai er ngkel chad me lluut el mei ra delemerab. A lsekum a clerk a milrael, eng dirrek el siotai er ngii el mera delemerab. A lsekum ma bishop er ngkal chad a teloi er tir leng mo er sel chelechad er a stake, ngii meng dirrek el siotai er ngii el mo er sel delemerab. A lsekum ma Relief Society president malechub eng elders quorum president a teloi er tir el molengeseu, ngii meng dirrek el siotai er ngii me lluut el mong.

11. A bishop malechub a stake president a odars a ikel miltib er a chelechad el okiu a reng er a beltik el reng. A lsekum sel miltib a mo otireklii a beldukl el llach meng mo kekerongel er a llemeltel malechub eng mengubet el chedal a ikelesia, eng mo smaod a ikel teletelel (mesa 32.11.3 and 32.11.4). Ng dirrek el smaod el kmo ng mekera a le ngoriakl ra ikal llach e msang a bebil ra rael ma uldasu. A bishop malechub a stake president a sebechel longelii a chelechad el telkib el taem el mosiik a bebil ra ulekrael malechub eng nguldasu ruchei er a le tibir a uldasu. Ma le uasiei, eng mo smodii.

12. Ng smodii sel llemeltel ngkel chad el sebechel lmuut lokisii tiang el mora ngarbab el chelechad (mesa 32.13).

13. Ng siotai ra tara chad me bo longesimer lpba nglunguuch.

Mal sekum e ngkel chad a teloi ra chelechad ma lak, ea bishop malechub a stake president a mouchais er ngii er sel miltib el selaod er a 32.12.1.

Ng diak a chad el teloi er sel chelechad el kirel melai a siasing ma llecheklel, malechub eng meluches a tekoi el kirel. Ngkel clerk a sebechel meluches a tekoi el moktek er a mengemokl er a Babier ra Chelechad er a Chedal a Ikelesia. Eng di, a loluches a diak el komakai el mora rekord malechub el bo llechukl er a babier. Sel bol merek el mengetmokl er sel babier, eng mereched el sueseb a rokui el lulluches.

32.11

Uldesuir a Chelechad ra Ikelesia

A ikel luldesuir a re rechedal a chelechad ra Ikelesia a kirel lulekrael lokiu a Reng. Ng kirir lomes er sel okesiul a beltkil a rengul me a urungulel Osobel loldars er ngii el mo er tirke louchel a rengrir ra kengterir. A ikel sebechel el mo uldasu a beldukl er riou. Sel longedmokl a ikal uldasu, ea bishop a omes a ikel ngarngii el teletael el ngara 32.7.

A uriul ra ngidil chelechad a le mokdubech, ea bishop malechub eng stake president a mereched lodersii a Babier ra Ikelesia ra Chelechad lokiu a LCR (mesa 32.14.1).

A ikel sebechel el mo uldasu el ngara rechedal a chelechad ra Ikelesia a beldukl ra ikakid el blechebechel.

32.11.1

Melemolem el Ungil a Deruchellel

A bebil ra taem, ea chad a diak a telemellel e melmolm el ungil a deruchelel. E a bebil ra taem, ea chad a rirebet ra klengit, e meral mlouchel a rengul, e melmolem el ungil a deruchelel. A bishop malechub eng stake president a sebechel el ngosuir e omeklatkl er ngii ra ikel mo dubech ra ngara medal taem. Sel merekui a chelechad, e ngii a melemolm el olengeseu a lusbechall.

32.11.2

Ngeseu lokiu a Cheldecheduch ra di Delongelel a Chad ma Bishop malechub a Stake President

A kuk bebil ra chelechad ra Ikelesia, ea re merredel a mesang el kmo a chad a diak el ungil a deruchelel—ngdi diak bol llechukl el meketeklii el kmong kekerongel. Ma uaika el teletael, e sel chelechad a sebechel tibir el kmo ngkel chad a bo lolengeseu e omeklemalt er ngii el di bishop malechub a stake president. Tial cheldecheduch el olngeseu a sebechel uldimukl er ngii a kebekakl a belsel el diak bol kekerongel a chad a beldukl ra 32.8.3.

Ngeseu lokiu a cheldecheduch ma kle kekerongel el diak el llechukl ra babier a diak el seuadel sel sekum a chelechad a mla mechudel elmo mesaud a ikel klengit el beldukl ra 32.6.1.

32.11.3

Mutaut el Kerongel el Chedal a Ikelesia

A ikel bebil ra chelechad ra Ikelesia, ea re merredel a mesa lungil me bol mutaut a chad el kekerongel ra ikel llemeltel el telkib el taem. Mutaul el kekerongel a locha ungil ra re bek el chad ngdi a ikel kmal oberaod el klengit malechub eng omeruul, ea chedal a Ikelesia a le ngebetii a ngklel (mesa 32.11.4).

Tirkel mutaut ra klekekerongel a direk chedal a Ikelesia. Engdi, te kekerongel ra ike llemeltir ra Ikelesia el ua ikakid:

• Ng diak el sebechir el soiseb er a templo. Ngdi, te sebecherir el melmolm el lou bail a ikel chedaol el bilir ra templo. A lsekum ma chedal a Ikelesia obang a babilngel ra templo, ea merredel a ngubetii ra LCR.

• Ng diak el sebechir el ousbech er a priesthood.

• Ng diak lolai ra chedaol belsoil malechub el ngara ulecherangel loldars chimorir el oldubech er a re mengeteklel a Ikelesia.

• Ng diak el sebecherir el mo mengedecheduch, olisechakl, malechub e loluluuch ra ngidi el basio ra Ikelesia. Mo diak el sebecherir el mesiou loba ngerachel er a Ikelesia.

Te sebechir el ngara Ikelesia alsekum eng delodau a blekerdelir. Te dirrek el melisiich er tir mel harau a ongeltacher e lolenget.

A bishop malechub eng stake president a sebechel dochel a bebil ra ngerachel, el ua mengeroid er tir ra osengel a delboes el delngerengel ma bebil ra mekngit el blekeradel. Ng blechoel lodak a ungil el teletael. A ikang a sebechel uldimukl er ngii a blechoel el ngara Ikelesia, blechoel meluluuch, e menguiu ra chedaol llechukl ma bebil ra tekoi ra Ikelesia.

A lsekum ma ikel lemeltel a chad ra Ikelesia a mlutaut ele kekerongel el kirel, eng chemolt er a rekord er ngii ra Ikelesia.

Sel temel a kekerongel a blechoel kesengil eng tal rak e sebechel mo kemanget. Sel sekum ma chedal a Ikelesiai a ngoriakl ra imol tekoi el meral ouchel a rengul, ea bishop malechub eng stake president a mo lmuut el udelii a tara ongdibel el momes ra melubet er sel kle kekerongel er ngkel chad (mesa 32.16.1). A lsekum e ngkel chedal a Ikelesia a melmolm ra osisiu el rael ra delengerengel, e ngkal merredel a sebechel udelii a tara chelechad el momes a bebil ra uldasu el kirel.

32.11.4

Mengubet el Chedal a Ikelesia

A ikel bebil ra chelechad ra Ikelesia, ea re merredel a sebecherir el mesa el kmo ngungil a le mengubet a chad ra Ikelesia el tekib el taem (mesa Mosiah 26:36; Alma 6:3; Moroni 6:7; Doctrine and Covenants 20:83).

A melubet ra ngklel a chad ra Ikelesia a di sel le bilkodir a chad (a omsodel a ngara 32.6.1.1) ma chad el mengereuakl (el meketeklii ra 32.6.1.2). E kmal blechoel kirel sel ngarngii a terached el delboes el delengerengel er a blai el omesodel a ngara 32.6.1.2 ma 38.6.10.

Meng ulekrael ra Reng, sel melubet ra ngklel a chedal a Ikelesia a dirrek el ngarngii a ultutelel el ua ikal ngariou:

• El kirir tirkel tir a blekerdelir a rulleterir mete kengaol el mora rebebil ra rechad.

• El kirir tirkel tir a mla tomall a ikel oberaod el klengit.

• El kirir tirkel tir a diak el ouchel a rengrir ra ikel oberaod el delengerengel (mesa utebengall el ngara 32.7).

• El kirir tirkel tir a tomall a oberaod el delengerengel el tomelii a Ikelesia.

A ward, branch, malechub eng district er tirkel chelechad ra chedal a Ikelesia a sebecherir el ochotii a uldesuir el melubet ra ngklel a chedal a Ikelesia el direkak el mechedaol ra templo. Engdi, sel kengei a stake president malechub eng mision president a usbechall ruchei ra le motobed sel ulebongel el luldasu.

Tirkel ngklir a mla mengubet el chedal a Ikelesia a mo diak el oldeu a rengrir ra ikel llemeltir el chedal a Ikelesia.

• Ng diak el siseb er a templo malechub el oubail a ike chedaol bail. Alsekum ma chad a oba kengei el mora templo, e ngkel merredel a ngubetii er sel LCR.

• Ng diak el sebechir el ousbech er a priesthood.

• Ng diak lolai ra chedaol belsoil malechub el ngara ulecherangel loldars chimorir el oldubech er a re mengeteklel a Ikelesia.

• Ng diak el sebechir el mo mengedecheduch, olisechakl, malechub e loluluuch ra ngidil basio ra Ikelesia. Mo diak el sebechir el mesiou loba ngerachel er a Ikelesia.

• Te dirrek el melisiich er tir mel harau a ongeltacher e lolenget.

Te sebechir el ngara Ikelesia alsekum eng delodau a blekerdelir.

Tirkel chedal a Ikelesia el milngubet a ngklir a sebechir el lluut el mo omes er tir me bolsiseb el okiu a techolbechelid el moterkokl. Ng blechoel el kot e te chotii a meral ouchelreng el kesengil eng tal rak. A bishop malechub eng stake president a udelii a tara chelechad ra Ikelesia el momes ra osisebellir (see 32.16.1).

Uldesuir me a Cherrengelel a Uldasu ra Chelechad ra Ikelesia

Uldasu	Cherengelel
Uldasu Melmolm el Ungil a Deruchellel (mesa 32.11.1)	Cherengelel Ng diak
Uldasu Ngeseu lokiu a Cheldecheduch ra di Delongelel a Chad ma Bishop malechub a Stake President (mesa 32.11.2)	Cherengelel Sebechel ngarngii a bebil ra ikel llemeltir a re kekerongel el diak bol llechukl ra babier. A kle kekerongel a blechoel el kekedeb ra tal rak; ea le kora ngodech el tekoi eng mo engelakl. A kle kekerongel el diak el llechukl ra babier a mengubt ra uriul er sel mocholt a meral ouchel reng. A milketmokl el tekoi a diak el bol llechukl er a rekord er ngkel chad.
Uldasu Klebechel el Lechul a Ikelesia (mesa 32.11.3)	Cherengelel Mo kekerongel a llemeltel el chedal a Ikelesia. A kle kekerongel a blechoel el tal rak; e sebechel mo engelakl. A milkedmokl el tekoi a mo llechukl er a rekord er ngkel chad. A mlotaut er a kle kekerongel a mengube alsekum e te meral mouchel a rengrir, el ultuil ra chelechad er a rechedal a ikelesia, ea le kirel, eng mengai a kengei er a Kot el Presidency. Sel lolchotel a rekord ra chad a mengubet alsekum meng dikeal kekerongel ra uriul e ra chelechad a bol merek (a di mo medechel a ikel telengtengil omsodel; mesa 32.14.5).
Uldasu Mengubet el Chedal a Ikelesia (mesa 32.11.4)	Cherengelel A rokui el chedaol ruoll lureor a milchoit. A rokui el llemeltel ra Ikelesia a mengubet, el blechoel kesengil eng tal rak. A chad a sebechel lmuut el soiseb ra Ikelesia el okiu a techolbechelid e moterkokl el di okiu a meral ouchelreng, el ultuil ra chelechad er a rechedal a ikelesia, ea le kirel, eng mengai a kengei er a Kot el Presidency (mesa 32.16). A di mla mechedaol er a templo el chad a sebechel nguu a klengeltengat el moluut el mo er ngii el di okiu ra kengei er a Kot el Presidency ma uriul ra kesengil eng tal rak ra le siseb. (mesa 32.17.2). Ma di mla mechedaol er a templo el chad, ea ikel “Moluut el Klengeltengat a Usbechall” sel olechotel a mengubet ra rekord er ngii ra Ikelesia sel uriul er a le mekedmokl sel chedaol ruoll el ureor (a ikel telengtengil omsodel a mo medechel; mesa 32.14.5).

32.11.5

Ker el kirel a Uldasu ra ikel Chetituokel el Tekoi

A re bishop a mukrael a ker el kirel a ulekrael tekoi el ngara babier ra chelechad ra rechedal ikelesia el mora stake president.

A ikel kuk chetiteuokel el tekoi, ea stake president a sebechel ngmai a tekingel ngkel telutk el Area Seventy el kirel lomes er ngii. A stake president a kirel mengedecheduch el obengkel a Area Presidency ra ikel tekoi el belsachel el ngara 32.6.3. Engdi, a stake president a diak el kirel loker er ngkel Area Seventy malechub eng General Authority el kmong mekerang a longedechuul a chetiteuokel el tekoi. A stake president a melib alsekum a chelechad a mo keldibel el mo mesaud er sel omeruul el dilubech. A lsekum ma chelechad a morngii, ea stake president malechub eng bishop a melib er sel bo lobang el tekoi.

32.11.6

Klisichel a Kot el Presidency

A Kot el Presidency a obang sel mui el cherrengelel a klisiiich el mengederedel ra rechedal a Ikelesia el rokir el omals e melubet.

32.12

Chais ma Subed

Sel luldesuir a chelechad ra rechedal a Ikelesia a le sbedii ngkel chad—me tirkel bebil el sbadel a le ngarngii a ultutelel—e tiakid a omsodel el ngariou.

32.12.1

Subedii a Chad er a Uldasu

A bishop malechub eng stake president a blechoel louchais er ngkel chad ra tekoi el tilbir er tial chelechad sel bol merek. Ng di, ngii a sebechel torbengii a chelechad el telkib el taem me losiik a lmuut el ulekrael malechub eng tekoi ruchei ra le tibir a tekoi.

A chelechad ra rechedal a Ikelesia ra ward,ng branch, malechub eng district a sebechir el otbechii a uldasu el ngubetii a ngklel chad ra Ikelesia el dirkak el mechedaol ra templo. Ng di, a kengei ra stake malechub eng mission president a usbechall ra uchei er sel luldasu a bol tekoi.

A bishop malechub eng stake president a smaod a ikel urebetellel sel luldasu el ngara 32.11. Ng blechoel dirrek loltobed a uldasu el kirel a teletelel a ouchel el reng mel sebechel ngkel chad el bol lak el kekerongel malechub e lluut el mo chedal a Ikelesia.

A bishop malechub eng stake president a msa ngkel chad a mereched llechukl el sbedel a uldasu el tilobed ma ikel urebetelel. Ng subed el ngarngii a llechukl el tekoi el omeketakl el kmo a uldasu a miltib el okiu a omeruul el omtok er a llechul ma teletelel a Ikelesia. Ng dirrek el sebechel luldimukl er a uldasu el kirel a oiietel a kekerongel ra chedal a Ikelesia malechub e lluut el mo chedal a Ikelesia. Ng kirel subedii ngkel chad el kmo ng sebechel mo odersii tial uldasu el tilobed el kirel me lluut el momes er ngii (mesa 32.13).

A lsekum ngkel chad a diak bol dum er sel chelechad, eng sebechel a llechukl el babier el tuobed el mora chad el mesubed el kirel a uldasu el tilobed el kirel. A bishop malechub eng stake president a sebechel dirrek el mesa ngkel chad.

A bishop malechub eng stake president a diak el omsang ngkal chad a llecheklel sel Babier er a Chelechad ra Rechedal a Ikelesia.

32.12.2

Mesubed er a Rebebil el kirel a Uldasu

A lsekum a bishop malechub eng stake president a di ngii el mengedecheduch ra chad e ngara delongelir eng subedii el mokekerongel ra ikel llemeltel ra Ikelesia, eng diak a belkul losubed er a ngii di el chad (mesa 32.8.3). Eng di, tirkal merredel a chadecheduch er a delongelir el kirel a ikel mekebekakl el telemall sel lolngeseu ra rechad er a Ikelesia.

A lsekum a ikel llemeltel a chad ra Ikelesia a ngar sel klebech el teletael el kekerongel malechub eng mla mengubet a ngklel sel loltirakl er a rechedal a chelechad ra Ikelesia, ea bishop malechub eng stake president a mesubed el kirel sel luldasu el di mor tirkel kirir mo medengei. A ikakid el rael a motirakl.

• Ng omdasu a ikel usbechellir a re miltemall me a sebechir el metemall ma ikel lolchesuar a rechedal ngkal chad.

• Ng diak el ouchais el kirel sel luldasu a lsekum ngkel chad a oureor el mo melodech er sel luldasu el tilobed el kirel. Eng di, ngkal chad a sebechel louchais el kmo tiang a loureror el kirel luldasu a lsekum eng melchesuar el ngarngii a belkul leng sobeklterir a re sebechir el mo metemall. Ng sebechel dirrek louchais er ngii el tekoi leng molngeseu el melisiich er tirkel miltemall (ng diak el locholt a ngklir) malechub e losebechakl er a chisel a Ikelesia.

• A bo lusbechall, ea bishop a mesubed ra uldasu el berrotel el mora chelechad ra rechedal a ward. Tiang a muchais ra re merredel sel bo lolilt ra kmong techang a mededaes el kirel okedong ra ngerachel, olsisechakl, malechub e loluluuch malechub e bo longedecheduch. Ng dirrek el mo melisiich er a re merredel me lodars a ulekereuir ma ngeseu el mo er ngikal chad er a Ikelesia me a telungalk er ngii .

• Ngokiu a kengei er a stake president, ea bishop a sebechel mesubed el kirel sel luldasu er sel cheldebechel ra priesthood ma ongdibel ra Relief Society a lsekum eng kirel leng ngarngii a:

  • Mekngit el blekeradel el mo tomelterir a rebebil.

  • Olisechakl a chelbirukel el llach malechub eng bebil ra bedengel a teletael el torob a klaumerang ra rechad.

  • Chemolt e bleketakl el delengerengel el ua omengereuakl malechub a usbechellel osisecheklel a klechad ra beluulechad el lomeksemeriar ra rebebil.

  • Te bleketakl ra buai el omtok a omrellir malechub eng osisecheklir a roungerachel er a cherrengelel a Ikelesia molmuut ra rengara a ikel rechelel omeredel.

• A uai tial tekoi, ea stake president a kirel dirrek el kongei me losubed er tirkel bebil ra cheldebechel el chedal a Ikelesia el ngara ra ikel kerengsel a beluu.

• Ea kuk bebil ra tekoi, a bishop malechub eng stake president a mo melchesuar el locha ngarngii a relii sel losubed ra rebebil malechub a re bek el miltemall ma rechederir el kmo a chelechad ra Ikelesia el mlo mengetiit er a chad a mla mo merek. Ng mo mengetmokl er tiang el okiu a bishop er ngii malechub eng stake president.

• A lsekum e ngarngii ra omerellel a chad el sebechel tomelterir a rebebil, ea bishop malechub eng stake president a sebechel louchais me lolngeseu el sobechekelterir a rechad. Ng diak losaod a berrotel tekoi e diak lolechedech.

• A rokui el mlo soadel el kirel a chad, a bishop malechub eng stake president a telkael a tekoi el loltobed. Ng di ngara betengel a cheldecheduch el kmo ngkal chad a kekerongel ra ikel llemeltel ra Ikelesia malechub eng merkong leng omerellel lomtok a lechul ma teletelel a Ikelesia. Ng olengit er tirke le dak meng diak bo losaod er ngii. Ng diak lolengit er tir el kmo te kongei malechub e te omtok er a uldasu.

• A lsekum ma chedal a Ikelesia a ungil a deruchellel ra uriul ra le meketiit ra chelechad ra Ikelesia (mesa 32.11.1), ea bishop malechub a stake president a mchisii el mo mesemchokl a teloched el chais.

32.12.3

Mesubed ra mo Merek el Chedal a Ikelesia

A bebil ra teletael, a bishop a kirel lousbech el mesubed el kmo a chad a mla mo merek el chedal a Ikelesia (mesa 32.14.9). A bishop a diak bo loltobed a ngii di el ngodech el tekoi.

32.13

Ongit el kirel a mle Uldasu

A chedal a Ikelesia a sebechel lolengit er a omeldechel sel uldesuir a chelechad er a rechedal a ward el kirel el mora stake president ra chelsel a okedei el klebesei. A stake president a mo mengudel ra chelechad ra stake er a Ikelesia el mo omes er sel ongit. Ng sebechel dirrek el olengit ra bishop me lluut el mo mekdebechii a chelechad el lluut el mo omes er sel uldasu el kirel, a lsekum e ngarngii a beches el tekoi.

A chedal a Ikelesia a sebechel lolengit er a omeldechel el uldesuir a chelechad er a stake ra Ikelesia el luchesii a babilengel el mora Kot el Presidency er a chelsel a okede el klebesei. Ngkel chedal a Ikelesia a nguu sel babier el msa stake president me lodersii el mora Kot el Presidency.

Sel kuk el ngara mision, a chedal a Ikelesia a sebechel lolengit ra omeldechel sel uldesuir a re chelechad ra branch malechub eng district el mora mision president ra chelsel a okede el klebesei. A mision president a mo mengudel ra chelechad ra rechedal a Ikelesia el mo omes er sel ongit. A lsekum ma taem malechub eng omerael a torebengii meng diak el ketmeklii tiang, eng moltirakl er sel ngara 32.9.4.

A lsekum ma mision president a ulemekrael er sel chelechad, e ngkel chedal a Ikelesia a sebechel lolengit ra omeldechel sel luldasu el luchesii a babilengel el mora Kot el Presidency ra chelsel a okedei el klebesei. Ngkel chedal a Ikelesia a nguu sel babier el msang a mision president mel nguu el odersii el mora Kot el Presidency.

A chad el olengit omeldechel a uldasu a kirel mo meketeklii lokiu a omeluches el kmo ngera a ikel mle kngtil ma chelebirukl er sel mle cheldecheduch ma uldasu.

A lsekum ma chelechad er a Ikelesia a morngii el mo omes er a ongit, eng tang malechub eng eru el uldasu a mo duubech:

• Sel mle kot el luldasu a medechel.

• Ngodechii sel mle kot el uldasu.

Sel uldesuel a Kot el Presidency a orokiolel a rokui el tekoi e diak el lluut el sebechel mengodech.

32.14

Babier ma Rekord ra Chedal a Ikelesia

32.14.1

Babilngir a re Chelechad er a Rechedal a Ikelesia

Nguriul ra ngidil chelechad er a rechedal a Ikelesia, ea bishop malechub eng stake president a mereched el odersii a Babilengel ra Rechedal a Chelechad er a Ikelesia el lokiu a LCR. Ng sebechel el olengit ra clerk me le kedmeklii tial babier. Ng oterkeklii meng diak a llecheklel el ngara babier ma computer el medechel. Ng dirrek el oterkeklii ma ngidil babier el blel lousbech el mengedmokl er tial lureor a le mereched el sueseb.

32.14.2

Kldmokl el Llach el kirel a Kekerongel el Chad ra Ikelesia

Kldmokl el llach el kirel a kekerongel el chad ra Ikelesia a llechukl er a rekord er ngii ra Ikelesia. Sel klou el obis ra Ikelesia a mengetmokl er tial rekord ra uriul ra lenguu sel Babilngir a re Rechedal a Chelechad er a Ikelesia. Sel sekum a chedal a Ikelesia a mla ouchel a rengul, ea merredel a kirel udelii a tara chelechad el momes ra melubet a ikal tekingel a kekerongel (mesa 32.16.1).

32.14.3

Rekord ruriul er a Chad a blal Mengubet el Chedal a Ikelesia

A lsekum a chad a mengubet a ngklel ra Ikelesia, e sel klou el obis ra Ikelesia a ngubetii a ngklel er a rekord ruriul ra lenguu sel Babilngir a re Rechedal a Chelechad er a Ikelesia. A lsekum a chad a soal, ea re merredel a ngoseuir el kutmeklii me lluut el mo chedal a Ikelesia el okiu a techolbechelid ma olterkokl (mesa 32.16.1).

32.14.4

Rekord Ruriul ra Lluut el mo Chad ra Ikelesia

Nguriul ra chad a lluut el mo chedal a Ikelesia, ea bishop a odersii a Babilngir a Rechedal a Chelechad er a Ikelesia. A Babier er a Techolbechelid ma Olterkokl a diak el ruoll. Ng bai, techolb ma olterkokl a llechukl er sel Babilngir a re Rechedal a Chelechad er a Ikelesia.

A lsekum a chedal Ikelesia a dirkak a tal bla le bo er a templo, ea klou obis ra Ikelesia a otebedii a rekord er ngii el ochotii sel sils ra le metecholb ma bebil ra chedaol ureor el milketmokl el ureor. Tial rekord a diak el lolutk el kirel sel ririid el deruchellel ra Ikelesia.

A lsekum a chedal a Ikelesia a mla mo er a templo, ea klou el obis ra Ikelesia a mekbeches a rekord er ngkal chad el ochotii a beches el sils ra le metecholb el moterkokl. Tial rekord a dirrek el uldimukl er a klumech el kmo “Olutel a Klengeltengat a Usbechall.” Nguriul ra le moluut a ikel klengeltengat el mora ngikal chedal Ikelesia (mesa 32.17.2), e sel rekord er ngii a mo mekbeches lochotii sel sils ra le kot el metecholb ma ikel bebil ra chedaol ureor. Ng diak lolutk el kirel sel ririid el deruchellel el chedal a Ikelesia.

32.14.5

Rekord ra Rechedal a Ikelesia el ngarngii a Omesodel

El ngiluu a kengei er ngii a Kot el Presidency, ma klou obis ra Ikelesia a ocholt a rekord ra rechedal a Ikelesia ra ikel bek el blekeradel el ua ikal beldukl er riou.

1. A bishop malechub eng stake president a odersii a Babilngir a Chelechad er a Rechedal a Ikelesia lochotii el kmo a rekord er ngkal chad a mle kekerongel malechub eng milngubet el okiu a ikakid el teletael:

   1. Teletael er a delboes

   2. Delboes el delengerengel ra kekerei el ngalk malechub eng ngeasek, delboes el delengerengel el lolecholt ra kekerei el ngalk malechub e ngeasek, malechub eng meringel el chelebed ng meringel el ngor el mora ngalk malechub eng ngeasek el loruul a klou el chad malechub eng ngeasek el telkib el ngarbab rekil

   3. Chelsechusem ra delboes el llecheklir a rengalk el beldukl er a 38.6.6

   4. Mengereuakl

   5. Chad el meruul a delboes el tekoi

   6. Ngedechel a klechad—omeruul el chad a melodech er ngii el kuk mo tara chad el ngodech er sel bedengel ra le mechell (mesa 38.6.23)

   7. Merechorch a udoud ra Ikelesia malechub eng klalou 32.6.3.3)

   8. Mekngit lomeliul a ngelsiul a Ikelesia

   9. Omcheracheb (el ua delboes, uldikel, malechub eng tekoi ra udoud) malechub eng omeruul el tomelii a Ikelesia

2. A bishop ma stake president a odersii a llechukl el babier louchais el kmo ngkal chad a:

   1. A mla kongei el kirel malechub eng mla mekelbus ra delngerengel el kirel a tara a ikal tekoi el ngarbab.

   2. A bla el betik er ngii el tilmelii a llach er a tekoi el buai malechub eng bebil ra chelbirukel el omeruul ra tara a ikal beldukl er bab el tekoi.

Sel sekum a bishop a nguu a olchotel a rekord ra chedal a Ikelesia, eng moltirakl a ikel tekoi el llechukl ra chelsel tial rekord.

Ng di tal Kot el Presidency a sebechel kongei el melubet aikel tekoi lulecholt er a rekord ra chedal a Ikelesia. A lsekum a stake president a olengit el melubet er sel llechukl el ngara rekord, eng ngousbech er a LCR (mesa 6.2.3). Sel Obis ra Kot el Presidency a mouchais er ngii a lsekum e sel longtil a le kengei er ngii malechub eng diak.

32.14.6

Ouchais a Rechorech Lududel a Ikelesia

A lsekum ma chad a kekerongel malechub e ngelubet a ngklel ra Ikelesia leng tilmall a udoud ra Ikelesia, ea bishop malechub eng stake president a mesubed el kirel leng bleketakl el ngara 34.7.5.

32.14.7

Kekerongel el Melukl el mora Tara Basio me a Rekord er Ngii

A bebil ra taem ea chedal a Ikelesia a melukl ngdi a ikel lurereall el tekoi malechub eng bebil ra meklou el tekoi a direk kuabes. A bebil ra taem ea bishop a kirel louchais a tekoi el mo er ngike el beches el bishop ruchei ra lotobed a rekord ra chad el mo er sel tara basio. A uai kal tekoi, ea bishop (malechub eng clerk a lsekum ngoba kengei) a sebechel kudmeklii a rekord er ngika el chad el melukl. Tial rekord a medechel er sel basio el di merekmo a bishop (malechub a clerk a loba kengei) le seldii a rekord er a kekerongel. Tia msa techellel a bishop locholt a uldesuel ma lodengei el tekoi.

32.14.8

Rekord er Tirkel Kelebus

A re bebil ra rechedal a Ikelesia a mla mukerkeriil ra delengerengel e mlo kelbus. A bishop malechub eng stake president er sel basio el blel kiei er ngii a chad er sera le temelii a telemall a omuchel er ureor el kirel a kle kekerongel malechub eng mo diak el chedal a Ikelesia. A lsekum a chad a diak a klisichel leng kekerongel, ea merredel (malechub a clerk a loba kengei) a odureklii a rekord er ngii el mo er sel ikelesia le ngarngii ngkal kelebus. A lsekum eng mlengubet a ngklel, ea bishop malechub a stake president a ouchais er ngkel merredel er sel tara basio. (Mesa 32.15.)

32.14.9

Ongit el mo Merek el Chedal a Ikelesia

A lsekum a chedal a Ikelesia olengit me bol merek el chad er a Ikelesia, ea bishop a momes mal sebechel el chedecheduch el kirel a ikel kora metecherbesul tekoi e lolasem el mengedechuul el mo ungil. A bishop me ngkal chad a dirrek el sebechir el mesa stake president. A merredel a oterkeklii el kmo ngkal chedal a Ikelesia a ungil medengei a ikel mo duubech sel bol merek el chedal a Ikelesia:

• Ng mesuld el mo diak a ikel rokui el chedaol ruoll.

• Nguemd a ikel rokui el llemeltel chedal a Ikelesia.

• A luut er ngii el mo chedal a Ikelesia lokiu a techolbechelid a sebechel mo er ngii ruriul er a ungil cheldecheduch e, e oumesind, lobengterir a chelechad er a rechedal a Ikelesia (mesa 32.16.2).

• A mla mo er a templo el chad a sebechel lemuut el nguu a klengeltengat ra priesthood ma templo el di tal Kot el Presidency a kongei er ngii e kirel kesengil eng tal rak sel bol sebechel lmuut el soiseb (mesa 32.17.2).

A lsekum a chedal a Ikelesia a dirk soal el mo merek el chedal a Ikelesia, eng kirel luchesii e saing er a ongtil mora bishop. A bishop a odersii tial longit el mora stake president lokiu a LCR. A stake president a kuk momes e odersii tial longit lokiu a osisiu el teletael. A re merredel a kirir el mereched louedikel kirel a ikal ongit.

A chad a dirrek el sebechel mo merek el chedal a Ikelesia a lodureklii el saing, ra blal sioning er ngii longtil el mora obis er a Ikelesia.

A kekerei el ngalk el soal el mo merek el chedal a Ikelesia a di oltirakl ra osisiu el teletael el di ua remeklou el chad, el di ngarngii a imol klekakerous er ngii: a ongtil a kirel le saing er ngii (alsekum eng ngarbab a rekil ra eai) e ma rechad ra blil malechub a roungerachel er ngii el lokiu a llach.

A lsekum a chad a mereko el chedal a ikelesia e soal loltutakl ra Ikelesia malechub a re merredelel, ea stake president a moltirakl a ikel rolel a ureor el ngara 38.8.23.

A ongit el mo merek el chedal a ikelesia a kirel mereched el mekedmokl a lsekum a re merredel ra priesthood a ngarngii a lodengei el kirel a oberaod el klengit. A ngidi el tekoi el kirel a dirkak el mesaod el klengit a utebengall sel sekum ongit a modars lokiu a LCR. Tiang a mesterir a re merredel ra priesthood el mo mengedechuul a ikal tekoi ra ngar mederir el taem a lsekum a chad a olengit el lmuut el mora Ikelesia (mesa 32.16.2).

A merredel ra priesthood a kirel diak lolengit ma chad bol merek el chedal Ikelesia el uaia luchul e lak el bo er ngii a chelechad.

A re merredel a melemolm loldingel er tirkel mla mo merek el chedal a Ikelesia el di merkmo sel lolengit el mo diak loldingel er tir.

---

OLUTEL A LLEMELTIR A RECHEDAL A IKELESIA

---

A lsekum a chedal a Ikelesia a mla mo kekerongel ra llemetel malechub eng dikeang, ea re merredel a modngelii, olsisechakl, e melisiich er ngii a lsekum eng kongei er tir. Tial bliongel a smodii el kmong mekera a ikal llemeltel bol sebechel moluut.

32.15

Molemolm el Oldingel

A bishop malechub eng stake president ra ngerchelir el merritel a diak el meterob sel sekum a chedal a ikelesia a kekerongel malechub e te ngubetii a ngklel ra Ikelesia. Ng melemolem el oldingel, a le kengei ngkel chad, me bol sebechel ngkel chad el lmuut el ngara deurreng ra ikel klengeltengat sel chedal a Ikelesia. Ngkel bishop a blechoel mo omes er ngkal chad ea, di lungil besul e lesa bechil dirrek. A Osobel a ulsisechakl er a re Nephites:

“Eng di diak bo moldik er ngii er a ikelesia er kemiu, me a lechub eng blil omengull, le tirkei a kiriu el melemolm el lolsisechakl er tir; leng diak modengei el kmo kelel lobult e bo louuchel, e lemei er Ngak loba blak el reng, me ak mo omekungil er tir; meng kemiu a mlo uchul e tir a mo suobel” (3 Nephi 18:32).

Sel taem el chad a dirk mlo kekerongel malechub eng mlo merek el chedal a ikelesia a meringel e chetiteuokl el mo er ngii ma telungalk er ngii. A re meredel a kirir el kerkikl el kirel a ikel usbechir e melisiich e olngeseu ra rechedal a telungalk.

Ngkel bishop a mo oterkeklii el kmo a re kerekikl el chedal a ikelesia a mengilt el mo oldingel er ngikel chad el kekerongel malechub eng merkong el chad er a Ikelesia, a lsekum eng kongei. Te dirrek el loldingel ra rebebil el chedal tial telungalk. A dertal chad el chedal a ikelesia el kekerongel a ngarngii a lengai sel teloi ra urerel a indexing (mesa 25.4.3).

A lsekum a chad a melukl el mo cheroid, ea bishop a subedii ngkel beches el bishop e smodii ra ikel dirk kuabes lureor el mo meketmokl ruchei ra ikel kelebsengel ngkal chad a bol mengubet. A lsekum e ngikel chad a milngubet a ngklel ra Ikelesia malechub eng mlo chetil chedal a Ikelesia, e ngkel bishop a moltirakl er tial losisiu el teletael a lsekum ngikal chad a kongei el bo lolngeseu er ngii a remeredel er a Ikelesia.

32.16

Melubet ra Llach ra Kekerongel malechub Eng Kengei ra Chad el Llemuut el Mei ra Ikelesia

32.16.1

Chelchad ra Cheldebechel ra Ikelesia el mo Melubet er a Lllach ra Kekerongel malechub Eng Kengei er Chad el Llemuut el Mei er a Ikelesia

Sel sekum a llemeltel a chad er a ikelesia a bla bol kekerongel el kirel malechub eng milngubet leng tial chelchad er a Ikelesia, ea tara ongdibel a kirel mo er ngii el mo mes ra kmo ng mo mengubet ra ikal mlotaut el llach malechub eng lmuut el mo sebechel el ngara Ikelesia. Tial chelechad a dirrek el ngarngi a osisiu el deruchellel a klisichir (malechub eng ngarbab) el di uai sel kot el chelchad. A okesiul tiang, sel sekum a stake malechub eng mission president el bdelul sel kot el chelchad, eng tir el stake malechub eng mission president el mengederedel er tial ongdibel a omes el kmo te choroid a ikal llach malechub e te kongei er ngkal chad meng lmuut mei er a ikelesia.

Ngkel ngarngii el bishop malechub eng stake president a menguteling er tial ongdibel. Ngii ea kot el molterkokl el kmo ngkal chad a mla ouchel a rengul e kldmokl e kedung meng mo ngara deurreng ra ikel klengeltengat sel chedal a Ikelesia.

Tirkel blal tal bol kekerongel el chedal a Ikelesia a kirir lochotii ra omerellir el kmo te meral mla ouchel a rengrir el kesengil eng tal rak ruchei er a bo lomes el kmong sebechir el mengubet er a llach. Tirkel tal blol lak el chedal a Ikelesia a oumesingd e blechoel el kirir lochotii a meral ouchel el reng el kesengil eng tal rak ruchei ra bo lomes el kmong sebechir el lmuut el soiseb. Ngkel chad el mlara ngarbab el deruchall er a Ikelesia ra taem el tilmelii a oberaod el klengit, a blechoel a temel el kemanget (mesa 32.6.1.4).

A chelchad el mo omes el kirel a ngebetel a kekerongel malechub a kongei ra chad el muut el mo chedal a Ikelesia a di oltirakl a diosisiu el omeruul el di ua ikel bebil ra chelechad el kirel a rechedal a ikelesia. A bishop a ousbech a kengei ra stake president ra mo mengudel ra ongdibel. Sel kuk el kirel a mission, ea branch malechub eng district president a ousbech er a kengei ra mission president.

A ikal beldukl er iou el omeruul a lousbech sel ngarngii a chelechad ra rechedal a Ikelesia el mo omes ra ngebetel a llach malechub a kengei ra chad el muut el mo chedal a Ikelesia. Ng diak el ngii rokui el teletael er a ureor a lousbech er a bek el ureor.

1. Msubii sel mle kot el ongdibel er a chelechad er a rechedal a ikelesia. Ngkel bishop malechub eng stake president a subii sel Babier ra Chelchad ra Rechedal a Ikelesia. Ngii olengit er a llecheklel el okiu a LCR. Uriul er a le subii sel babier, eng mesang a bishop malechub eng stake president el mo medengei el kmo sel mle kot el ongdibel ng mla er ngii er ker mebo lungil bleketakl.

2. Mengedecheduch er ngkel chad. Ngkel bishop malechub eng stake president a mengedecheduch er ngkel chad el mo ungil lomtab er a klisichel a klaumera er ngii ra Jesus Kristo ma delchel a ouchelreng er ngii. Ngii a dirrek el melbodeb el kmo ngkal chad ng mla kudmokl a ikel ngerchelel el okiu sel kot el ureor ra lomuchel.

3. Omes er sel deruchellel a miltemall el llach ra beluu malechub eng kerekeriil el kirel. A bebil ra taem ea chad a kongei el kirel malechub eng mlutaut el kirel a telemall. A bebil ra taem ea chad a blal betik er ngii el tilemelii a llach er a tekoi el buai malechub eng bebil ra chelbirukel el lomeruul. A ua ikal tekoi, e ngkel merredel a diak a ngera louedikel ra cheldellel ongdibel el di merekmo bol merek a ikel rokui el telengtengil a kelebsengel, ultutakl, malechub eng kerrekeriil el meketmokl er a rechad ra llach. A ikal telengtengil a llach a uldimukl er ngii a mekelbus, kekerongel, meluked, malechub eng mtechei a le tilmall. A le ngarngii a dirk medechel el kirel mekedmokl e ngeiuul a kengei ra Kot el Presidency ruchei ra le borngii sel chelchad ra rechedal a ikelesia. A ika sebechel luldimukl ra chad el mla rokui a belsel ra llach e mla chotii a meral ouchelreng eng di ngara kemanget el kekerongel malechub e ngarngii a kuabes el belsel.

4. Mesterir tirkel merredel er a priesthood er a le miltemall. Ngkel bishop malechub eng stake president lesa ngkel bishop malechub el stake president ra ngidil miltemall el chad (mesa 32.10.2).

5. Sebedetrir el kirel a chelechad. Ngii a mesubed er ngkel chad er a sils, taem, ma basio ra ongdibel.

6. Omtebechel er a chelchad. Ngii a omtebechel er a chelchad el oltirakl a ikel lomeruul el ngara 32.10.3. Ng oker er ngkel chad el kirel a bla le kedmokl el mo ouchel a rengul. Ng dirrek el oker el kirel a blak er reng er ngii loltirakl er a Jesus Kristo ma Ikelesia. Mesel sekum a rokui el tekoi a mla modars, eng sumesmechii ngkel chad. Meng dmak ngii ma re counselors er ngii, eng meluluuch el mo omes er a ungil uldasu el bol obang. Kdei el uldasu el sebechir el omes a ngarngii a:

   1. Lolemolm el kekerongel malechub el bol merek.

   2. Mo diak el kekerongel malechub el kengei meluut el mo chedal a Ikelesia.

   3. Molengit el mora Kot el Presidency el kmo a kekerongel le mengubet malechub el kengei me lluut el mo chedal a Ikelesia (alsekum eng kirel e loltirakl er sel “Meluches el mora Kot el Presidency mel kengei” el ngariou).

7. Kaingeseu e ra uldasu. Uriul er a ongdibel sel bla le kedmeklii a uldasu, e ngkel omtebechel ra ongdibel a ouchais er ngkel chad. A lsekum a kengei el ngara Kot el Presidency a ngeiuul, eng smodii el kmo a uldasu el milketmokl a kirel mora Kot el Presidency.

8. Le modars a babier ra miltib el tekoi. A bishop malechub eng stake president a odersii a Babier ra miltib el tekoi ra Chelchad ra Rechedal a Ikelesia el okiu a LCR. Ng sebechel lolengit er a clerk meng kutmeklii tial babier. Ng oterekeklii el kmo ng diak a llecheklel mo medechel ra babier ma lechub eng ngara computer er sel beluu el ngarngii. Ng dirrek el oterkeklii el kmo a ikel rokui el telengtengil a ureor el lulusbech el mengetmokl er tial babier a di mereched el meseseb.

9. Meluches el mora Kot el Presidency ra kengei (a le ngarngii a ultutelel). Ma ikakid el beldukl el omeruul, ea kengei ra Kot el Presidency a ngeiuul el mo ngubetii a kekerongel malechub e te kongei meng le muut el mo chedal a Ikelesia. Tial kengei a kirel kedmekiil ngii mal dilubech a tellemall ra uriul ra le modubech el mo kekerongel malechub e bol merek el chedal a Ikelesia.

   A stake president a odersii a ongtil el mora Kot el Presidency a lsekum ngii a kongei (mesa 6.2.3).

   1. Omekeuad

   2. Terached el delboes er a blai

   3. Delboes el delengerengel ra kekerei el ngalk malechub eng ngeasek, delboes el delengerengel lolecholt ra kekerei el ngalk malechub eng ngeasek, malechub eng meringel el chelebed ng meringel el ngor el mora ngalk malechub a ngeasek loruul a klou el chad malechub eng ngeasek el telkib el ngarbab rekil

   4. Chelsechusem ra delboes llecheklir a rengalk e mla mutaut ra llach

   5. Mo Ikrii a Dios

   6. Mengereuakl

   7. Rulii a oberaod el klengit e ngarbab a deruchellel ra Ikelesia

   8. Ngedechel a klechad—omeruul el chad a melodech er ngii el kuk mo tara chad el ngodech er sel bedengel ra le mechel (mesa 38.6.23)

   9. Merechorch a udoud ra Ikelesia malechub eng klalou

10. Modars a llechukl el babier el kirel a mla metib el luldasu. A bishop malechub eng stake president a oterkeklii el kmo ngkel chad a nguu el mereched sel llechukl el babier el kirel a mla metib luldasu ma ikel telengtengil.

11. Metecholb e moterkokl. A lsekum a chad a milngubet a ngklel ra Ikelesia er sel kot el ongdibel, e ngii a kirel lmuut el mo metecholb e moterkokl. A lsekum a Kot el Presidency a ngeiuul a kengei er ngii, a ikal chedaol ruoll a kirel di mo meketmokl ruriul ra lenguu tial kengei. A Babilengel a Techolbechelid ma Molterkokl a diak el ruoll (mesa 32.14.4).

32.16.2

Lmuut el mo Chedal Ikelesia er a uriul ra le Modngakl el Chedal a Ikelesia

A lsekum a chad a mle delalem ra rengul lodngeklii el chedal a Ikelesia, eng kirel mo metecholb e moterkokl mel sebechel lemuut el mo chedal a Ikelesia. A re meklou el chad, el lemuut el mo chedal a ikelesia a diak el uldesuall el bekord el tal rak ruriul ra lodngeklii el chedal a ikelesia.

Sel sekum a chad a olengit le muut el mo chedal a ikelesai, ea bishop malechub eng stake president a nguu a llecheklel sel Babier ra Orretel a Ureor el beldukl a ikel longit el mo merek el chedal a ikelesia. Ng sebechel nguu tiang el lokiu a LCR.

A bishop malechub eng stake president a mo ungil mengedecheduch er ngkel chad el meketakl a tekoi. Ng korir ra ikel uchul ongtil ruchei mesel soal a rengul el kirel a lmuut el mo chedal a Ikelesia. Ngokiu a reng er a beltik el reng, eng korir ra oberaod el klengit el blal ruul ruchei ma lechub e nguriul ra lodngakl el chad ra Ikelesia. Ngkal meredel a diak el loleached er sel losisebelel ra Ikelesia el di merkmo bla bol lungil bleketakl ra rengul el kmo ngkal chad a meral mla ouchel a rengul e klikiiid el ngara deurreng er a ikel klengeltengat sel chedal a Ikelesia.

Omeruul el kirel osisebelel ruriul ra lemodngakl a ua ikang:

• A chelchad ra rechedal a Ikelesia a morngii sel sekum a chad a mlo taut el kekerongel er sel taem er a modngakl.

• A chelchad ra rechedal a Ikelesia a morngii sel sekum a chad a tilmelii a oberaod el klengit, uldimukl er a mo ikrii a Dios, ruchei ra le modngakl el chedal a Ikelesia.

Ea kuk bebil ra teletael, e sel chelchad ra rechedal a Ikelesia a diak el borngii el dil merkmo ngkel bishop malechub eng stake president a omes el kmo ngorechudel e leborngii.

Sel sekum a chelechad ra rechedal a Ikelesia a ngarngii a le relii el kirel a chad el milchedaol ra templo, ea stake president a oungerachel er ngii. Sel sekum ea chelechad a mesang a le relii el kirel a chad el diak el cheledaol, ea bishop a oungerachel er ngii, loba kengei er a stake president.

A lsekum a chad a chelsechusem ra ngii di lomeruul el ngara 32.16.1, number 9, a blel uchei malechub eng uriul ra le modngakl el chedal a Ikelesia, eng ngeiuul a kengei ra Kot el Presidency me bol sebechel lmuut el mo chedal a Ikelesia. A lsekum a chad a chelsechusem ra ngii di lomeruul el ngara 32.14.5, number 1, a blel luchei malechub e nguriul ra le mondgakl el chedal a Ikelesia, eng morngii a olechotel lechukl er a rekord ra Ikelesia.

A chad el olengit mel lluut el mo chedal a Ikelesia a kirel soiseb er a ikel osisiu el rael el blo er ngii tirkel miltecholb. Sel sekum a bishop malechub eng stake president a mesubed a rengul el kmo ngkal chad a klikiid e ngara rengul el soal lemuut el mo chedal a Ikelesia, e ngikal chad a sebechel mo metecholb e moterkokl. A Babilengel a Techolbechelid ma Molterkokl a diak el ruoll (mesa 32.14.4).

32.17

Omilil er a Ikelesia, Olterekokl, me a Olutel a Klengeltengat ruriul a Lluut a chad el mo Chedal a Ikelesia.

32.17.1

Omilil er a Ikelesia me a Olterekokl

Tial el sisasing a olecholt aikel ungil telkael el omilil er a Ikelesia el mora chad el ngii a mla lmuut el me chedal a ikelesia lokiu a techolbechelid e moterekokl.

	Dirkak a ta el bla le bo er a templo	Mla mo er a Templo
Mla ta el Obang a Priesthood	Dirkak a ta el bla le bo er a templo Sel rechedel ruriul er a techolbechelid me a oterekokl, eng sebechir el nguu a priesthood e mechedaol el mo er sel obis er a pristhood lulebang er sel taem er a lemekimd a lechub e sera bo le merek el chedal a Ikelesia. Ng diak el modars a oterkeklir. Sebechir el nguu a babier er a kengei el mora templo el di kirel a techolbechelid me a oterkeklir a rebladek el tir omtechei er tir.	Mla mo er a Templo Diak el bo el mechedaol el mora ngii di el obis er a priesthood. A ikel klengeltengat er a priesthood me a templo sel moluut, e a ikel di mla obis er a priesthood er tir a lmuut el moterkokl el beldukl er a 32.17.2. Ng diak loruul a chedaol ruollel mo lmuut er seikid el taem. Ng sebechir el ngara ngii di el tekingel a Ikelesia el kirir a re dirkak el bo er a templo el chedal a ikelesia el diak loba priesthood. Ng diak loubail a chedaol el bail er a templo malechub e lolai er a babier el kirel a kengei el mo er a templo el di merekmo a ikel klengeltengat a lluut el moterkokl el mo er tir.
Bebil er a Rechedal a Ikelesia	Dirkak a ta el bla le bo er a templo Sebechir el ngara tekingel a Ikelesia el di uai tirkel dirk miltecholb. Sebechir el nguu a babier er a kengei el mo er a templo el di kirel a techolbechelid ma oterkeklir a rebladek el tir omtechei er tir.	Mla mo er a Templo Sebechir el ngara ngii di el tekingel a Ikelesia el kirir a re dirkak el mechedaol er a templo el chedal a ikelesia el diak loba priesthood. Ng diak loubail a chedaol el bail er a templo malechub el lolai er a bbaier er a kengei el mo er a templo el di merekmo a ikel klengeltengat a lmuut el moterkokl el mo er tir (mesa 32.17.2).

32.17.2

Olutel a Klengeltengat

A rechad el mla ta lenguu a babier er a kengei el mo er a templo e luueta el mo chedal a ikelesia lokiu a techolbechelid e moterkokl a sebechir el ngmai a klengeltengat er a priesthood me a templo lokiu a chedaol ruoll er a mla moluut el klengeltengat.(mesa Doctrine and Covenants 109:21). Te diak el luut el mo moterkokl el mora obis er a priesthood malechub e lluut el mo mechedaol er a templo. A ikal klengeltengat a moluut lokiu a chedaol ruoll. A rodam a moluut el mo er a ikel obis er a priesthood le bla er ngii, eng di tia diak luldimukl a obis er a Rokeuid, bishop, malechub eng patriarch.

Ng di tal Kot el Presidency a sebechel kongei a urelel a chedaol ruoll er a olutel a klengeltengat. Ng diak bo louedikel el kirel a chedaol ruoll er a di mereched el taem a lak el kesengil eng tal rak ruriul er a chad a lluut el mo chedal a ikelesia lokiu a techolbechelid e moterkokl.

A bishop me a stake president a mo mengedecheduch er ngike el chad el mo mes el kmong meral mla mo klikiid e kldmokl. Sel sekum a stake president a melchesuar el kmo a chad a mla mo kldmokl, eng mo ouedikel el kirel a olutel a klengeltengat el ousbech er a LCR. Mesa 6.2.3 el kirel a ngerchelel a stake president sel bo loldars a ikel longtil el mora Kot el Presidency.

A lsekum ma Kot el Presidency a kongei er sel olutel a klengeltengat, e te tutkii a General Authority malechub eng stake president el mo mengedecheduch er ngkel chad. A lsekum e ngika el chad a klikiid, e ngkal merredel a kudmeklii sel ureor er a chedaol ruoll el mo oluut a ikel klengeltengat el mo er ngii.

A lmuut el bebil er a tekoi el kirel a rekord er a rechedal a ikelesia me a olutel a klengeltengat, e mesa 32.14.4.