“32. Mme Esop Erikabare esit ye eke Mbon Ufɔk Abasi,” Ofuri ofuri Ŋwed ndutum: Ndinam utom ke Ufɔk Abasi Jesus Christ eke Ndisana Owo ke Ukperedem Usen (2020).

“32. Mme Esop Erikabare esit ye eke Mbon Ufɔk Abasi,” Ofuri ofuri Ŋwed ndutum.

32.

Mme Esop Erikabare esit ye eke Mbon Ufɔk Abasi

32.0

Ntɔŋɔ

Ediwak erikabare esit esida itie ke ufɔt owo, Abasi, ye mbon emi ekebɔde unɔmɔ eto idiɔkŋkpɔ eke owo oro. Nte ededi, ubakini bishop mme stake president enyene edinwam mbon Ufɔk Abasi ke ukeme mmɔ man ekabare esit.

Kini anwamde mbon Ufɔk Abasi ke erikabare esit, mme bishop ye stake president enyene ima ye ukpeme. Mmɔ etiene uwutŋkpɔ eke Andinyaŋa, emi ekemenede mme owo onyuŋ anwamde mmɔ ediwɔŋɔre mkpɔŋ idiɔkŋkpɔ enyuŋ etiene Abasi (se Matthew 9:10–13; John 8:3–11).

Nte ewetde ke idak emi, etuum ibuot ŋwed emi man anwam mme adausuŋ eto ke mme akpan ubiere ye edinam emi eyomde man anwam owo akabare esit ke ata idiɔkŋkpɔ onyuŋ anwam edikpeme mbon efen.

Ubiɔŋ eke Ufɔk Abasi ke Edinwam Owo Akabare esit. Sections 32.1–32.4 anam anwaŋa ukpepŋkpɔ eke Abasi eke erikabare esit ye erifen nnɔ. Mme ibuot ŋwed emi nko anam anwaŋa ntak ita ke edikpan owo ndidi owo Ufɔk Abasi mme edisiosio owo ke Ufɔk Abasi. Ke eddidian do, mmɔ enam ubiɔŋ mme bishop ye stake president anwaŋa ke edinwam owo ye nkabare esit.
Edibiere Ndaha eke Anwamde Owo Akabare esit. Sections 32.5–32.7 ɔnɔ ndausuŋ ke edibiere mme esop ebio owo mme item enɔde owo edi ata nkpɔ se ekpenam man anwam owo akabare esit.
Edinɔ Owo Item. Section 32.8 ɔnɔ ndausuŋ eke bishop mme stake president enɔde owo item. Oro nko anam anwaŋa mme ikpan eke minehede isɔŋɔ inɔ owo Ufɔk Abasi.
Edinim mme Esop Ebio owo ke Ufɔk Abasi. Sections 32.9–32.14 anam anwaŋa owo emi enyenede ubiɔŋ eke esop ebio owo, nte enimde mmɔ, ye ubiere eke edinamde. Nko enam anwaŋa mme ibɔrɔ eke mme ubiere oro.
Edifiak nyak mme Unen eke Owo Ufɔk Abasi nno. Sections 32.15–32.17 anam anwaŋa nte owo ekemede edifiak nnyene mme unen nte owo Ufɔk Abasi oto ke erikabare esit.

Kesioho edinehede nse, se ibehede mme stake president edi ntre nko ɔnɔ mme mission president. Se ibehede mme bishop edi ntre nko ɔnɔ mme branch president.

First Presidency ewut mme mbet ye usuŋ eke erikabare esit ke ikpɔ idiɔkŋkpɔ. Ndedibe Itie utom Ŋwed Ufɔk Abasi edinɔ First Presidency unwam. Stake president mme bishop ekeme edisobo ye itie utom oro kabaŋa mme mbume edikara mme eke mbet. Itie utom oro nko ekeme edinɔ mme item nte edinɔde Itie utom eke First Presidency ebeŋe. Ewut itie edibɔ etop nto Ufɔk Abasi ke idak emi:

Telephone: 1-801-240-2053 or 1-800-453-3860, extension 2-2053

Toll free (GSD phone): 855-537-4357

Email ConfidentialRecords@ChurchofJesusChrist.org

UBIƆŊ EKE UFƆK ABASI KE EDINWAM OWO AKABARE ESIT

32.1

Erikabare esit ye Erifen nnɔ

Jehovah ɔdɔhɔ ete “baba ŋkpɔ emi misanake idineneke itie ke obio ubɔŋ heaven” (Alma 11:37; se nko 3 Nephi 27:19). Idiɔkŋkpɔ nnyin anam nnyin misanake—itre edidot ediduŋ kiso eke Ete Heaven nnyin. Mmɔ nko eda ukut esɔk nnyin ke uwem emi.

Ibet utip ikpe eke Abasi oyom utip ke ini nnyin inamde idiɔkŋkpɔ (se Alma 42:14, 17–18). Nte ededi, akwa uduak eke mbɔm Esie “ekeme ediyuhɔ se utip ikpe oyomde, onyuŋ anwaŋ [nnyin] ke mme ubɔk ubɔhɔ” (Alma 34:16; se nko Mosiah 15:9).

Man ada uduak mbɔm Esie edi, Ete eke Heaven ama ɔnɔ Ikpɔŋ-ikpɔŋ Eyen emi Enye Obonde, Jesus Christ, man erisio isop ɔnɔ idiɔkŋkpɔ nnyin (se Alma 42:15). Jesus ɔbɔ ndutuhɔ ufen isop emi mbet utip ikpe oyomde kabaŋa mme idiɔkŋkpɔ nnyin (se Doctrine ye Covenants 19:15–19; se nko Alma 42:24–25) Otode ke nwaidem emi, Ete ye eyen mbiba ema ewut anana adaŋa ima Mmɔ enɔ nnyin (se John 3:16).

Ini emi nnyin inyenede “mbuɔtidem ekesim erikabare esit,” Ete Heaven efen ɔnɔ nnyin, ayak mbɔm otode ke Erisio isop Jesus Christ (Alma 34:15; se nko Alma 42:13). Ini emi eyetde nnyin isana enyuŋ efen, nnyin ke akpatre imikeme edinyene obio ubɔŋ Abasi (se Isaiah 1:18; Doctrine ye Covenants 58:42).

Erikabare esit okpon akan edikpuhɔ edu uwem. Oro edi ediwɔŋɔre mkpɔŋ idiɔkŋkpɔ nyuŋ ntiene Ete Heaven ye Jesus Christ. Oro ada ekesim edikpuhɔ esit ye ekikere (se Mosiah 5:2; Alma 5:12–14; Helaman 15:7). Otode nkabare esit, nnyin ikabare idi mbufa owo, idikpe ibiere ye Abasi (see 2 Corinthians 5:17–18; Mosiah 27:25–26).

Ifet erikabare esit edi kiet kotu ikpɔ edidiɔŋ emi Ete ke Heaven ɔkɔnɔde nnyin oto ke edinɔ Eyen Esie.

32.2

Mme Ntak eke Edikpan Owo ndidi owo Ufɔk Abasi mme Edisiosio owo ke Ufɔk Abasi

Ini emi enimde owo uduↄkmmↄŋ, owo oro akabare edi ubak ke “mbon ufɔk Abasi” (Ephesians 2:19). Ediomo uduↄkmmↄŋ esine enwɔŋɔ ke iyenwana edidu uwem ntiene mme ukpepŋkpɔ ye ibet Christ. Ini emi owo eduede, owo oro ana enyene mbuɔtidem ke Jesus Christ onyuŋ akabare esit, eyire ke mbɔm Esie man ɔbɔ ɔsɔŋɔ ye erifen.

Edieke owo ufɔk Abasi anamde akamba idiɔkŋkpɔ, bishop mme stake president eyenwam enye akabare esit. Nte ubka ke usuŋ emi, ana ekpan enye ke usuk unen nte owo Ufɔk Abasi ke esisit ini. Ke ubak ndaha, ekeme edisissio enye mfep nte owo ufɔk Abasi ke esisit ini.

Edikpakpan mme edisiosio nte owo ufɔk Abasi mfep idihe ke emia ufen. Edi, mme edinam emi ke ubak ini odot man anwam owo akabare esit onyuŋ enyene ifiɔk ukpep eke edikpuhɔ esit. Mmɔ nko enɔ owo ini edibeŋe idem ke ŋkpɔ Abasi man enam obufa enyuŋ efiak enim ediomi mmɔ.

Bishop mme stake president ekama utom edikpan mme edisiosio owo mfep ke ufɔk Abasi nte ewutde ke 32.5–32.14. Mme edinam emi edisaŋa ye mme ndaha erikabare esit. Nte owo enehede akabare esit, enye ekeme edinyene nti ifet eke edifiakde iyak enye edi owo Ufɔk Abasi.

Ini emi anade ekpan mme esio owo ke ufɔk Abasi, bishop mme stake president eyetiene ndausuŋ eke Edisana Spirit ye mme item eke ibuot ŋwed emi. Enye eyenam ye spirit ima (se 32:3).

Edikpan edidi owo Ufɔk Abasi edi mbubehe Ufɔk Abasi, idihe eke iduŋ mme edibiat ibet. Mmɔ enyene ŋkpɔ kpɔt ye ndaha owo ke Ufɔk Abasi. (Se Doctrine ye Covenants 134:10.)

Mme ntak eke ekpande mme esiode owo ke ufɔk Abasi edi emi:

32.2.1.

Anwam Edikpeme Mbon efen

Akpa ntak edi man ekpeme mbon efen. Ubakini owo ekeme edibiat owo idem mme edibiat spirit owo efen. Ido nnwuo, edinɔ unan, edibiat itie idaŋ, edibiat inyene, abiaŋa, ye edikpɔŋ akpanikɔ edi ubak usuŋ nte emi ekemede editibe. Ye ifiɔk spirit, bishop mme stake president anam ŋkpɔ man ekpeme mbon efen kini owo owutde unɔmɔ ntem mme ke ata usuŋ efen (se Alma 5:59–60).

32.2.2.

Anwam Owo Edibɔ Odudu Erifak Jesus Christ oto ke Erikabare esit

Udiana ntak edi man anwam owo ɔbɔ odudu erifak Jesus Christ oto ke erikabare esit. Ke usuŋ emi, owo oro ekeme edifiak nkabare nsana onyuŋ odot man ɔbɔ kpukpru mme edidiɔŋ eke Abasi.

Andinyaŋa ekekpep ete ke “mbuŋɔ esit ye edinuaha spirit” edi uwa emi Enye oyomde ɔnɔ erifen ke idiɔkŋkpɔ (3 Nephi 9:20). Emi esine ata editua mkpɔfiɔk ke idiɔkŋkpɔ ye mme utip mmɔ (se 2 Corinthians 7:9–10).

Ini emi owo anamde akamba idiɔkŋkpɔ, edikpan mme edisiosio ke ufɔk Abasi ekeme edinwam nsin mbuŋɔ esit ye edinuaha spirit emi anade nte akabare esit, enehede ɔkpɔŋ idiɔkŋkpɔ, onyuŋ ɔfiɔk mme utip idiɔkŋkpɔ. Edifiɔk emi ekeme edinwam mbon owo enehede ekpono ediomi mmɔ ye Abasi enyuŋ enyene udɔŋ ndinim mmɔ kini iso.

32.2.3.

Ekpeme Eti ndaha eke Ufɔk Abasi

Ɔyɔhɔ ntak ita edi edikpeme edi ndaha eke Ufɔk Abasi. Edikpan mme edisiosio owo ke Ufɔk Abasi ekeme editibe edieke edu uwem esie enehede abiat Ufɔk Abasi (se Alma 39:11). Eti ndaha eke Ufɔk Abasi inyene uku ito ke edididip mme edisuhɔre akamba idiɔkɔŋkpɔ—edi oto ke edinehede mmɔ.

32.3

Ubiɔŋ eke mme Ebiere ikpe ke Israel

Ekemek mme bishop ye stake president enim ete edi mme ebiere ikpe ke Israel (se Doctrine and Covenants 107:72–74). Mmɔ ekama mme ukpɔhɔde itie oku man eda enɔ Jehovah ke edinwam mbon Ufɔk Abasi ekabare esit (se Doctrine ye Covenants 13:1; 107:16–18).

Ediwak ini mme bsihop ye stake president enwam ke erikabare esit eto item enɔde owo. Unwam emi ekeme edisine edikpan ke unen eke minehede isɔŋɔ inɔ owo ufɔk Abasi ke esisit ini. (Se 32.8.)

Eke ubak ikpɔ idiɔkɔŋkpɔ, mme adausuŋ enwam ye nkabare esit ke edinim esop mbon ufɔk Abasi (se 32;5 ye 32.9–32.14). Unwam emi ekeme edisine edinehede nnɔ ikpan ke usuk unen nte owo ufɔk Abasi mme edisiosio owo ke ufɔk Abasi ke esisit ini (se 32.11.3 ye 32.11.4).

Mme bishop ye stake president enwam mbon Ufɔk Abasi efiɔk ete ke Abasi amama nditɔ Esie. Koro Enye oyom mmɔ edinem esit enyuŋ ebɔ mme edidiɔŋ, Enye nko enehede ese abaŋa nkpɔitem ye erikabare esit mmɔ.

Mme bishop ye stake president enyene ima ye ukpeme ke nte mmɔ enwamde mbon ufɔk Abasi ekabare esit. Ebuana Andinyaŋa ye ŋwan emi ekemumde ke efebe edi uwutŋkpɔ kiet (se John 8:3–11). Okposuk nte Enye mikidɔhɔke ete ke emefen mme idiɔkŋkpɔ esie Enye ikobiomke enye ikpe. Edi, Enye ɔkɔdɔhɔ enye ete “kunam idiɔkŋkpɔ aba”—man akabare onyuŋ okpuhɔ uwem esie

Mme adausuŋ emi ekpep ete ke “idara …odu ke heaven ke anam idiɔkŋkpɔ kiet emi akabare esit” (Luke 15:7). Mmɔ enyene ime, enwam, ye mbuɔtidem. Mmɔ enɔ ɔsɔŋɔ idorenyin. Mmɔ ekpep enyuŋ etiŋ ikɔ ntiense ete ke otode ke uwa isop eke Andinyaŋa, kpukpru owo ekeme edikabare enyuŋ ekabare esana.

Mme bishop ye stake president eyom ndausuŋ otode Spirit man ediɔŋɔ nte ekpenwamde owo kiet kiet ndikabare esit. Ke mibɔhɔke ata ediwak mme ikpɔ idiɔkŋkpɔ ke Ufɔk Abasi enim adaŋa ke sutɔ edinam mme adausuŋ ekpenamde (se 32.6 ye 32.11). Iduhe ndaha iba emi edide ukem ukem. Item emi mme adausuŋ enɔde ye usuŋ erikabare esit emi mmɔ enamde ana edi nti ndien ekeme edidi isio isio ɔnɔ owo kiet kiet.

Jehovah ɔdiɔŋɔ ndaha, ukeme, ye nkɔri spirit eke owo kiet kiet. Edisana Spirit eyenwam mme adausuŋ edidiɔŋɔ nte enwamde mbon Ufɔk Abasi man enam mme ukpuhɔde eke odotde man mmɔ ekeme eyik enyuŋ esin udɔŋ edifiak nkanam idiɔkŋkpɔ oro.

Edinwam owo akabare, ɔwɔŋɔre etiene Abasi, onyuŋ ɔbɔ ukɔk oto ke Erisio isop Jesus Christ edi kiet kotu ata idara ifiɔk ukpep emi owo ekemede edinyene. Doctrine ye Covenants 18:10–13 anam anwaŋa:

“Ti ke ekɔm udua mme ukpɔŋ okpon ke iso Abasi;

“Koro, sese, Jehovah Andifak fi ama ɔbɔ ndutuhɔre mkpa ke obuk idem; ke ntre enye ama ɔbɔ ubiak eke kpukpru owo, man kpukpru owo ekpekabare enyuŋ edi etiene enye.

“Ndien enye ama afiak eset ke mkpa, man enye akpada kpukpru owo ɔnɔ idem esie, otode ke ntak erikabare esit.

“Ndien idara esie eyekpon ke ukpɔŋ emi akabarede esit!”

6:18

32.4

Eriyara, Ndidibe, ye Editiŋ nnɔ mme Odudu Ibuot Ukara

32.4.1.

Eriyara

Erikabare esit oyom yak eyara mme idiɔkŋkpɔ enɔ Ete Heaven. Jesus Christ ete, “Kemi ke mbufo edidiɔŋɔ ete ke owo akabare ɔkpɔŋ mme idiɔkŋkpɔ esie—sese, enye eyeyara mmɔ onyuŋ esin mmɔ” (Doctrine and Covenants 58:43; se nko Mosiah 26:29).

Ini emi mbon ufɔk Abasi enamde ikpɔ idiɔkŋkpɔ, erikabare esit mmɔ nko esine ediyara nnɔ bishop mme stake president mmɔ. Enye ndien ekeme edida mme ukpɔhɔde eke ikɔ Abasi eke erikabare esit anam ŋkpɔ ke ufɔn mmɔ (se Doctrine ye Covenants 13:1; 84:26–27; 107:18, 20). Emi eyenwam edikɔk mmɔ nyuŋ mfiak nka usuŋ ikɔ Abasi oto ke odudu Erisio isop Andinyaŋa.

Ufɔn eriyara edi man anwam mbon ufɔk Abasi ndifihede idem mmɔ man mmɔ ekeme edinehede nyom unwam Jehovah ke edikpuhɔ nyuŋ mbɔ edikɔk Edinyene “mbuŋɔ esit ye edinuaha spirit ɔbɔ unwam oto eriyara ndudue” (2 Nephi 2:7). Edifɔfiɔk nyarade ndudue owut ete ke owo oro enyene udɔŋ nkabare esit.

Ini emi owo ufɔk Abasi ayarare ndudue, bishop mme stake president eyetiene ndausuŋ ke edinɔ item ke 32:8. Enye ada akam oyom ndausuŋ abaŋa eti ndaha ke edinwam man owo oro akabare esit (se 32:5). Enye ekere abaŋa mme esop eke mme ebio owo ufɔk Abasi eyenam ufɔn Edieke mbet Ufɔk Abasi oyomde esop mme ebio owo ufɔk Abasi, enye eyenam emi anwaŋa (se 32.6 ye 32.10).

Ubakini owo ufɔk Abasi ekedue ŋwan mme ebe mme akamba owo efen. Nte ubak ŋkpɔ erikabare esit, enye enyene eriyara ndudue nnɔ owo oro onyuŋ oyom mfen nnɔ. Eteme iwaad emi anamde akamba idiɔkŋkpɔ eneme ye mme ete ye eka esie.

32.4.2.

Mme Ikpɔ Idiɔkŋkpɔ Emi Mikiyarake mme Emi Ekekaŋde

Bishop mme stake president enehede ɔfiɔk abaŋa akamba idiɔkŋkpɔ oto ke eriyara ndudue mme otode owo efen. Enye ekeme edibɔ ntuuk spirit kabaŋa akamba idiɔkŋkpɔ emi ekenamde oto ke Edisana Spirit. Edieke enye ɔbɔde ntuuk oto Spirit ete ke owo oro eyene mfina idiɔkŋkpɔ, enye ekeme edikot nduŋɔre. Kini nduŋɔre emi, enye eyebuana ekikere esie ke edifɔn, usuŋ ukpono. Enye eyetre uyo edibiobiom ekededi.

Edieke owo ufɔk Abasi akaŋde ke inamke akamba idiɔkŋkpɔ emi bishop mme stake enyenede etop man edisɔŋɔ oro, ekeme edisuk nim esop mme ebio owo eke ufɔk Abasi. Nte ededi, ntim spirit ikpɔŋ ikemke ke edinim esop eke ebio owo (see Doctrine ye Covenants 10:37). Adausuŋ ekeme edibɔ mme etop efen edieke oyomde. Enye etiene mme item ke 32.4.3 and 32.10.2.

32.4.3

Ndibɔ Etop

Mbemiso enim esop ebio owo, bishop mme stake president eyebɔ ediwak etop nte enye oyomde. Etop otode eriyara eke owo ufɔk Abasi esiwak edikem. Etop nko ekeme edito owo ufɔkemana, adausuŋ Ufɔk Abasi efen, owo emi eduede, mme andikibuana ke idiɔkŋkpɔ oro.

Ini emi ɔbɔde etop, bishop mme stake president ana akama mme usuŋ emi odotde ye adausuŋ itie oku. Inaha nte enye oduŋɔ ufɔkiduŋ owo oro mme ediwet se enye etiŋde ke mibɔhɔ unyime esie. Nko mme ke enye edida edinam ekededi emi mbet minyimeke.

Idiɔk edibiom ikpe isiwakke edidu edi ekeme editibe. Mme adausuŋ itie oku ana ekpeme kini esisit etop kabaŋa ikɔ eke owo odude. Nte uwutŋkpɔ, owo ufɔk Abasi emi ebiomde ke efebe ekeme edikaŋ udori ikɔ oro. Ŋwed Abasi anam anwaŋa ete “ikɔ ekededi etiŋde edian enye ana enyene ntiense oto owo ufɔk Abasi iba” (Doctrine ye Covenants 42:80). “Ntiense iba” ɔwɔrɔ isio isio usuŋ etop iba. Emi ekeme edisine ifiɔk eke andikibuana ye ubak eti etop. Usuk ini adausuŋ itie oku enyene edibet man anam ŋkpɔ tutu ediwak etop edidu.

Ini emi adausuŋ Ufɔk Abasi ɔbɔde etop eke esop ebio owo, enye enyene ndisɔp ntre edieke enye okopde ke mbon mbet mbakara ke enehede eduŋɔre owo ufɔk Abasi oro. Enam emi man etre edikere ete ke adausuŋ ekeme edibiɔŋɔre ubiere ikpe. Eke item ibet kabaŋa mme ndaha emi ke United States ye Canada, stake president eyekut Church’s Office of General Counsel:

1-800-453-3860, extension 2-6301

1-801-240-6301

Ekpɔŋde United States ye Canada, stake president eyekut area legal counsel ke area office.

Nte ido owo inimke esop ebio owo man ese edinam emi esop mbakara eduŋɔre tutu esop oro ekesim utit ubiere ikpe. Ke ubak ndaha eyefɔn nko ke editre esop ebio owo tutu ini edidemere ikpe okure mme ke esinde edidemere ikpe oro.

32.4.4

Ndedibe

Mme bishop, stake president, ye mme ɔnɔitem mmɔ enyene nsasana ubiɔŋ edikpeme kpukpru ndedibe etop emi ebuanade ye mmɔ. Etop emi ekeme edidi ke nduŋɔre, nnɔ item, ye eriyara ndudue. Ukem ubiɔŋ ndedibe odu ɔnɔ kpukpru owo emi ebuanade ke mme esop ebio owo. Edidedip ɔfɔn koro mbon ufɔk Abasi idiyarake idiɔkŋkpɔ mme ediyom ndausuŋ edieke owo mididipke se mmɔ ebuanade. Edibiat ndedibe ŋkpɔ owo osuhɔre mbuɔtidem owo ufɔk Abasi onyuŋ anam mmɔ enana ukpono enɔ mme adausuŋ mmɔ.

Edisaŋa ye ubiɔŋ eke edidedip, bishop, stake president, ye mme ɔnɔitem mmɔ eyebuana oruk etop oro kpɔt ke usuŋ ntem:

Mmɔ enyene edineme ye stake president, missiopresident, mme bishop eke owo ufɔk Abasi oro kabaŋa edinim esop ebio owo mme ke mbubehe efen. Stake president nko ekeme edineme ye ememek Area Seventy esie. Edieke odotde, Area Seventy eteme stake president ete okut Area Presidency. Stake president kpɔt ebiere mme eyenim esop mme se idi ibɔrɔ esop.
Owo oro ɔwɔrɔ aka obufa ward (mme eyak adausuŋ itie oku oro) kini ubiere esop mme akamba ŋkpɔ efen osuk odude ke ikpe. Ke mme ndaha ntem, adausuŋ eyesian obufa bishop mme stake president abaŋa ŋkpɔ oro mme edinam eke ɔsuhɔde (se 32:14.7). Enye nko eyetɔt adausuŋ edieke owo oro edide mfina ɔnɔ mbon efen.
Bishop mme stake president kpep ete ke owo Ufɔk Abasi emi miduŋke ke adaŋa ward mme stake ama abuana ke akamba idiɔkŋkpɔ. Ke ndaha ntem, enye ededibe osobo ye bishop owo oro.
Odot editiŋ kpukpru etop kini esop mme ebio owo. Kpukpru etop ebɔde enyuŋ ebuanade ke esop mme ebio owo edi ke edidedip.
Owo ufɔk Abasi edinyime ediyak man adausuŋ abuana etop ye ndusuk owo. Emi ekeme edisine mme ete ye eka, mme adausuŋ ke Ufɔk Abasi, mme mbon efen emi ekpenɔde unwam. Adausuŋ idibuanake etop ibe adaŋa se owo oro ekenyimede edinɔ.
Ekeme edidot man ebuana esisit etop kabaŋa ubiere eke esop mme ebio owo. (se 32.12.2).

Ke kpukpru mme ndaha efen, adausuŋ ana aka ke 32.4.5. Mme ndaha emi esine kini mbet oyomde ete yak etɔt idiɔk ido, oruk nte edibiat ekpri eyen, enɔ mme odudu ukara.

Man anwam mme adausuŋ ke edikpeme mbon efen nyuŋ ndiana ye mbet, Ufɔk Abasi ebɔ unwam eto mme nta-ifiɔk emi ema ekenyene ukpep. Man ebɔ ndausuŋ emi, mme adausuŋ esɔsɔp ekot ŋkpɔ utom unwam Ufɔk Abasi eke edibiat ekpri eyen ke ebiet emi odude (se 32.4.5 ye 38.6.2.1). Ke ebiet emi oro miduhe, stake president eyekut area legal counsel ke area office.

Ke ndaha kiet kpɔt ke bishop mme stake president ediyara ndedibe etop ke mibemke iso oruk ndausuŋ oro. Idaha oro ke eriyara oro odot man ɔbiɔŋɔ edibiat uwem mme akamba unan ndien ini ikoduhe ediyom ndausuŋ. Ke ndaha ntre, utom edikpeme mbon efen okpon akan utom eke edidedip. Mme adausuŋ enyene edisobo ye mbon ukara usɔp usɔp.

Edieke mme adausuŋ ewetde ŋkpɔ enim mme edineme ye kiet eken ke ŋkpɔ ukwak, mmɔ eyekpeme mbak owo efen edikut etop emi. Mmɔ nko eyesɔhi mme ebiat etop efep kini mmɔ miyomke oro aba. Inaha nte mmɔ enehede ebuana etop eke idem owo.

Mbon ukara ekeme edifaŋa edidip emi adausuŋ itie oku okoyomde. Edieke emi etibede ke United States ye Canada, stake president eyeyom item mbet oto Church’s Office of General Counsel:

1-800-453-3860, extension 2-6301

1-801-240-6301

Ekpɔŋde United States ye Canada, stake president eyekut area legal counsel ke area office.

32.4.5

Editiŋ nnɔ mme Odudu Ibuot Ukara

Ubak owo emi ekabare esit ema ebiat mbet obio mme mbet ukara. Ke ubak ndaha, mbon ukara ikɔfiɔkke emi. Bishop mme stake president eteme mbon ufɔk Abasi ete etiene mbet enyuŋ esian oruk ŋkpɔ oro kini eyomde. Mme adausuŋ nko eteme mbon ufɔk Abasi ete ebɔ ɔyɔhɔ item mbet kini enɔde etop. Mbet Ufɔk Abasi edi edikop item mbet.

Ke ediwak ebiet, mbet oyom mme adausuŋ itie oku etiŋ ubak ndiɔi edu uwem emi mmɔ efiɔkde. Nte uwutŋkpɔ, usuk obio ye idut eyom etɔt edibiat ekpri eyen enɔ mme ɔbɔp mbet.

Ke usuk idut, Ufɔk Abasi ema enim ndedibe unwam ŋkpɔ utiŋ ikɔ man anwam mme bisop ye stake president. Mme adausuŋ emi ana esɔp ekot unwam ŋkpɔ utiŋ ikɔ kabaŋa ofuri ndaha emi ekebiatde owo—mme ebietde ete ke eyom edibiat owo (se 38.6.2.1). Oro odu ke awa Edip ye inaŋ ke usen kiet, usen Itiaba ke udua.

Ke mme idut emi minyeneke unwam ŋkpɔ utiŋ ikɔ, bishop emi okopde edibiat emi ana osobo ye stake president esie, emi ediyomde ndausuŋ ito area legal counsel ke area office.

Ke oyomde awak kabaŋa editɔt edibiat, se 38.6.2.1 ye 38.6.2.7.

EDIBIERE NDAHA EKE ANWAMDE OWO AKABARE ESIT

32.5

Mme Ndaha eke Anwamde Owo Edikabare esit

Ke ama ɔkɔfiɔk ke owo ufɔk Abasi ama anam akamba idiɔkŋkpɔ, bishop mme stake president anam ŋkpɔ man ekpeme mbon efen. Enye nko oyom ndausuŋ Edisana Spirit ke edibiere ndaha man anwam oowo oro akabare esit onyuŋ asaŋa ekpere Andinyaŋa.

32.5.1.

Ibio ibio nduŋɔre eke mme Ndaha

Mme ŋkpɔ se itiene emi owut ndaha ita ke edinwam owo akabare esit. Oro nko ubak ibio ibio ekikere ɔnɔ mma adausuŋ kini ebierede ewe ndaha ke edikama.

Mme Ndaha eke Anwamde Owo Edikabare esit

Ndaha	Ubak Ekikere (se nko 32.7).
Ndaha Esop Ebio Owo eke Stake	Ubak Ekikere (se nko 32.7). Eke mbon ufɔk Abasi emi ema ekebɔ temple endowment. Edi ɔnɔ erenowo mme ŋwan emi ama akanam endowment ete ke eyesio ke Ufɔk Abasi ke ntak akamba idiɔkŋkpɔ mme edinam emi etiŋde ke 32.6.1, 32.6.2, mme 32.6.3.
Ndaha Esop Ebio Owo eke Ward	Ubak Ekikere (se nko 32.7). Eke owo ufɔk Abasi ekededi. Edi ɔnɔ akamba idiɔkŋkpɔ emi etiŋde ke 32.6.1. Ekeme edidi nnɔ akamba idiɔkŋkpɔ ye edinam emi etiŋde ke 32.6.2 ye 32.6.3. Ikemke inɔ edieke erenowo mme ŋwan emi ama akanam endowment ete ke eyesio ke Ufɔk Abasi ke ntak akamba idiɔkŋkpɔ mme edinam emi etiŋde ke 32.6.1, 32.6.2, mme 32.6.3.
Ndaha Item eke Idem owo (se 32.8).	Ubak Ekikere (se nko 32.7). Eke owo ufɔk Abasi ekededi. Ekeme edisine mme ikpan eke minehede isɔŋɔ inɔ owo Ufɔk Abasi. Ekeme edidi ikemke inɔ akamba idiɔkŋkpɔ emi anade esop ebio owo edinwam ke usuŋ erikabare esit (se 32.6.2 ye 32.6.3). Ikemke inɔ akamba idiɔkŋkpɔ emi oyomde esop ebio owo (se 32.6.1). Ikemke inɔ edieke erenowo mme ŋwan emi ama akanam endowment ete ke eyesio ke Ufɔk Abasi ke ntak akamba idiɔkŋkpɔ mme edinam emi etiŋde ke 32.6.1, 32.6.2, mme 32.6.3.

Item enɔde owo mme ikpa eke minehede isɔŋɔ eke bishop mme stake president enɔde ke ubak ini ikemke edinwam owo akabare esit ke akamba idiɔkŋkpɔ. Jehovah ama ɔnɔ mme esop ebio owo man anwam ebiere ikpe ke Israel ke mme ndaha emi. (Se Exodus 18:12–27; Mosiah 26:29–36; Doctrine ye Covenants 42:80–83; 102.) Eke akamba idiɔkŋkpɔ, mbet Ufɔk Abasi oyom enim esop enɔ (se 32.6.1). Edibiat ediomi temple eyeyom nte enim esop ebio owo (se 32.7.4).

Ke ward, mme ɔnɔitem eke bishop eyenwam ke mme esop ebio owo. Ke stake, mme ɔŋɔitem eke stake president eyenwam. Ke usuk mme esop ebio eke stake, high council nko esibuana (se 32.9.2). Ke esop ebio owo, bishopric ye stake presidency esisobo owo oro ke spirit ima.

32.5.2

Edibiere Ndaha ye Ini

Ini emi ebierede ewe kotu ndaha emi edinehede inwam owo oro akabare esit, mme adausuŋ eyom ndausuŋ eke Edisana Spirit. Mmɔ nko ekere ebaŋa mme ŋkpɔ emi:

Udobi idiɔkŋkpɔ ye mbet Ufɔk Abasi kabaŋa mme eyeyom enim esop (se 32.6).
Ndaha owo oro (se 32.7).

Bishop eyeneme ye stake president kabaŋa mme akpan ndaha. Enye ana ɔbɔ unyime oto stake president mbemiso edinim esop ebio owo.

Ke mkpɔsɔŋ ŋkpɔ, stake president eke edibɔ item nto ememek Area Seventy esie. Stake president ana eneme ye Area Presidency ke mme ŋkpɔ emi ebatde ke 32.6.3. Nte ededi, stake president kpɔt ebiere mme eyenim esop man ese edinam oro. Edieke enimde esop, stake president mme bishop edi-nɔ se idi ibɔrɔ.

Edieke bishop mme stake president ebiereke ete ke nnɔ item ekem, enye eyetiene ndausuŋ ke 32.8. Edieke enye ebiereke ete ke eyom esop ebio owo, mme ke mbet Ufɔk Abasi oyom esop, owo andida usuŋ eyetiene nte enamde ke 32.9–32.14.

Mbemiso enim esop, bishop mme stake president ekeme ndibiere ete edi-nɔ ikpan eke minehede isɔŋɔ inɔ owo Ufɔk Abasi eyekem ke ini oro. Enye eyenim esop kini edifɔnde editeme owo oro man enehede akabare esit. Nte ededi, inaha nte ebihe edinim esop edieke edide man ekpeme mbon efen.

32.6

Ndaha Udobi Idiɔkŋkpɔ ye Mbet Ufɔk Abasi

Udobi idiɔkŋkpɔ edi akpan ŋkpɔ se ekere ebaŋa ke edibiere ndaha emi edi (1) anwam ekpeme mbon efen ndien (2) anwam owo oro akabare esit. Jehovah ɔkɔdɔhɔ ete ke Imɔ “ikemeke ndise idiɔkŋkpɔ ye esisit edinyime” (Doctrine ye Covenants 1:31; se nko Mosiah 26:29). Mme isuŋutom Esie inaha nte efep enyin ke idiɔŋɔ akamba idiɔkŋkpɔ.

Akamba idiɔkŋkpɔ edi okokoi ye akamba emiom kabaŋa ibet Abasi. Ebat mme ndaha akamba idiɔkŋkpɔ ke idak emi.

Mme afai edinam ye edibiat (se 32.6.1.1 ye 32.6.2.1)
Idiɔk ido idaŋ (se 32.6.1.2 ye 32.6.2.2)
Mme abiaŋa abiaŋa edinam (se 32.6.1.3 ye 32.6.2.3)
Edibiat ndaha mbuɔtidem (se 32.6.1.4 ye 32.6.2.4)
Mme ndiɔi edinam eken (se 32.6.1.5 ye 32.6.2.5)

Mme ikpehe emi owut ini emi eyomde esop ebio owo, ini emi odotde, ye ini eke midotke.

32.6.1.

Ini emi anade Eyom Esop eke Ebio owo Ufɔk Abasi

Bishop mme stake president ana enim esop ebio owo kini etop owutde ete ke owo ufɔk Abasi anam kiet kotu mme idiɔkŋkpɔ emi esiakde ke ikpehe emi. Kabaŋa mme idiɔkŋkpɔ emi, ana enim esop ke misehe ndaha nkɔri ŋkpɔ spirit ye ifiɔk ikɔ Abasi owo oro.

Se 32.11 yom nti ibɔrɔ eke esop emi ekenimde kabaŋa mme idiɔkŋkpɔ eke ebatde ke ikpehe emi. Mme ikpan eke minehede isɔŋɔ inɔ owo Ufɔk Abasi idihe se enim mme esop emi enɔ.

32.6.1.1

Mme Afai afai Edinam ye Ndubiara

Uwot owo. Ana enim esop ebio owo edieke owo ufɔk Abasi owotde owo. Nte ewetde mi, uwot owo edi edikokoi, unana unen uda uwem owo. Ana esio Owo oro ke Ufɔk Abasi efep.

Uwot owo isineke mme edinam eke polisi mme eke ekɔŋ kini enamde ubiɔŋ utom mmɔ. Owo ibatkde usioŋo idibi nte uwot owo ke se ewet emi. Edieke mkpa otode ke unɔmɔ mme ke edinyaŋa idem ye mbon efen, owo ibatke edida uwem owo nte uwot owo ke ntre. Emi nko edi akapnikɔ ke ndaha efen, oruk nte kini owo enyenede esisit ukeme ke mfre.

Edina Owo ke Nkanubɔk. Ana enim esop ebio owo enɔ edina owo ke nkanubɔk Nte ewetde mi, edina owo ke nkanubɔk edi edinyenyik nna ye owo emi minyimeke koro ukeme mfre ye odudu esie ikponke. Nte ewetde mi, edina owo ke nkanubɔk isineke edinyime ina ke ufɔt nditɔ-ɔwɔŋ iba emi isua mmɔ ekperede kiet eken.

Edina owo Mbiat idem emi Enehede enyime. Ana enim esop ebio owo edieke emumde owo ufɔk Abasi ke edina owo mbiat idem.

Edibiat Eyenɔwɔŋ mme Iwaad. Ana enim esop ebio owo edieke owo abiatde eyenɔwɔŋ mme iwaad ke nte enamde anwaŋa ke 38.6.2.3.

Edibiat Ebe mme Ŋwan mme Akamba Owo efen Odu adaŋa eke udobi ke edu uwem edibiabiat. Se 38.6.2.4 yom kini anade enim esop ebio owo enɔ edibiat ebe mme ŋwan mme akamba owo efen.

Afai afai Edu uwem Abiaŋa Ana enim esop ebio owo edieke akamba owo esifiakde ɔnɔ mme owo unan ke obukidem oto ke afai afai edu uwem onyuŋ edi mfina ɔnɔ mbon efen.

32.6.1.2

Idiɔk ido Idaŋ

Edinam use ye imaan. Ana enim esop ebio owo enɔ edinam use ye imaan nte esiande ke 38.6.10. Ana esio Owo oro ke Ufɔk Abasi ke ofuri ndaha efep.

Ediwut Eyenɔwɔŋ Ndiɔi Ndise. Ana enim esop ebio owo edieke owo abiatde eyenɔwɔŋ ke ediwut ndiɔi ndiseke nte enamde anwaŋa ke 38.6. 6.

Edidɔ ediwak iban mme iren. Ana enim esop ebio owo edieke owo enehede ɔdiɔŋɔ oduk edidɔ iban mme iren. Ubak edidɔ ediwak iban mme iren ekeme editibe ke ndibe, ke ebe mme kiet mme ŋwan mifiɔkke ibaŋa kiet mme ediwak ebe ye iban eken. Ana esio Owo oro ke Ufɔk Abasi edieke owo enehede okoide okoi oduk edidɔ ediwak iban mme iren.

Afai afai Edu uwem Abiaŋa. Ana enim esop ebio owo edieke akamba owo esifiakde ɔnɔ mme owo unan ke obukidem oto ke afai afai edu uwem onyuŋ edi mfina ɔnɔ mbon efen.

32.6.1.3

Mme Abiaŋa abiaŋa Edinam

Afai afai Edu uwem Abiaŋa. Ana enim esop ebio owo edieke akamba owo esiwakde edinehede nyuŋ mfiak nnɔmɔ mme owo ke ŋkpɔ okuk onyuŋ edi mfina ɔnɔ mbon efen (se 38.6.2.4). Emi esine abiaŋa ke okuk enimde ye ke mme mbiet edinam ntre. Owo ibatke ntak urua eketode nsɔŋɔ ŋkpɔ nte ŋkpɔ abiaŋa. Edieke oduke esop mbakara, mme adausuŋ itie oku ekeme edibiere ete ebet tutu edibɔ akpatre ibɔrɔ. Se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi.

32.6.1.4

Edibiat Itie Mbuɔtidem

Akamba Idiɔdkŋkpɔ Kini Akamade Akamba Itie ke Ufɔk Abasi. Ana enim esop ebio owo ediek owo ufɔk Abasi anamde akamba idiɔkŋkpɔ kini akamade akamba itie. Emi esine General Authority, General Church Officer, Area Seventy, temple president mme matron, mission president ye nsaŋa esie, stake president, patriarch, mme bishop. Emi iduhe inɔ mme branch president. Nte ededi, ekeme editre mme edisiosio mme ifet eke branch president nte owo Ufɔk Abasi ukem nte eke mbon ufɔk Abasi eken.

32.6.1.5

Mme Edinam Eken

Ata Akamba Idiɔkŋkpɔ emi Odotde Mkpa. Ke ediwak ndaha ana enim esop ebio owo kini emumde owo emi anamde idiɔkŋkpɔ emi odotde mkpa.

32.6.2

Ini emi Ekpenimde Esop eke Ebio owo Ufɔk Abasi

Ana enim esop ebio owo ke mme ndaha ntem.

32.6.2.1

Mme Afai afai Edinam ye Ndubiara

Jehovah owuk ete, “Ku wot … owo, kuyuŋ unam ŋkpɔ eke etiede ntre” (Doctrine ye Covenants 59:6; italics added). Afai afia edinam ye ndubiara emi ekpenimde esop ebio owo esine (edi ikprike ikesim) mbon emi ebatde ke idak emi.

Ediyom Ediwot Owo Edifɔfiɔk nyom man owot owo.

Ndubiara Idaŋ, Esinede Edibiat idem ye Edisuene. Ndubiara idaŋ ofuk ediwak edinam (se 38.6.18). Ana enim esop ebio owo enɔ owo emi abiatde owo idem mme eke esuenede owo ke ŋkpɔ ina. Ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro. Se 38.6.18.3 yom ini emi ekpenimde esop.

Edibiat Ebe mme Ŋwan mme Akamba Owo efen Odu adaŋa eke udobi ke edu uwem edibiabiat (se 38.6.2.4). Ana enim esop ebio owo enɔ owo emi abiatde owo idem mme akabiatde ebe mme ŋwan mme akamba owo efen. Ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro. Se 38.6.2.4 yom ini emi ekpenimde esop.

32.6.2.2

Idiɔk ido Idaŋ

Mbet Abasi eke nsana idem edi editre ebuana eren ye ŋwan ke mudɔhɔ ata ndɔ eke ufɔt eren ye ŋwan (se Exodus 20:14; Doctrine ye Covenants 63:16). Ana enim esop ebio owo enɔ idiɔk ido idaŋ nte ewutde ke 38.6.5. Ke mme ndaha ntem, ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro. Se 32.6.1.2 yom ini emi ekpenimde esop.

32.6.2.3

Mme Abiaŋa abiaŋa Edinam

Ibet Duop ekpep ete, “Ku yip inɔ” mme “kutie ntiense nsu” (Exodus 20:15–16). Ana enim esop ebio owo enɔ mme oruk edinam nte nnwuo, edibom ufɔk nyip ŋkpɔ, inɔ, ediyp ŋkpɔ, editomo ke nsu, ye abiaŋa. Se 38.8.2 yom edibiaŋa imaan. Ke mme ndaha ntem, ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro.

Se 38.8.2 yom edibiaŋa imaan. Se 32.6.1.3 yom ini emi ekpenimde esop mme abiaŋa abiaŋa edinam. Se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi.

32.6.2.4

Edibiat Itie Mbuɔtidem

Ana enim esop ebio owo ke mme ndaha ntem.

Anamde akamba idiɔkŋkpɔ kini akamade akamba itie unen mme mbuɔtidem ke Ufɔk Abasi mme ke obio.
Anamde akamba idiɔkŋkpɔ emi enehede ediɔŋɔ ebaŋa.

Ke mme ndaha ntem, ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro.

Se 32.6.1.4 yom ini emi ekpenimde esop. Se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi.

32.6.2.5

Mme Edinam Eken

Edidem Benjamin ekpep ete, “Ami ŋkemeke nditiŋ kpukpru ŋkpɔ nnɔ mbufo man mbufo edinam idiɔkŋkpɔ, koro ediwak usuŋ ye ukem edu, mmɔ ewak tutu ami ŋkemeke ndibat mmɔ” (Mosiah 4:29). Ana enim esop edieke owo:

Owutde usuŋ edinam akamba idiɔkŋkpɔ (se Doctrine ye Covenants 82:7).
Enehede ɔkpɔŋ mme ubiɔŋ utom eke ufɔkemana esie, esinede editre edikpe okuk unwam eyen ye eke ŋwan mme ebe emi ekesinde ke ndɔ.
Oyom edinam afai mfina, ke idem esie mme eke ŋkpɔ ukwak (se 32.2.1).
Esinyamde ndiɔi ibɔk.
Anamde akamba ndiɔi edinam eken.

Ke mme ndaha ntem, ekeme edinim esop ebio owo man anwam owo ufɔk Abasi akabare esit edieke enye ama akabiat ediomi temple esie mme edieke afiakde akanam oruk idiɔkŋkpɔ oro.

Ana enim esop ebio owo edieke owo ufɔk Abasi enyimede, anamde, odiomode, ekpede okuk ɔnɔ, mme edidɔŋ ete esiɔŋɔ idibi. Se 38.6.1 yom ndausuŋ.

Ini emi Anade enim Esop eke Ebio owo Ufɔk Abasi mme Nte Ekpedotde

Utɔ Idiɔkŋkpɔ	Ana Enim Esop Ebio Owo (se 32.6.1)	Ana Enim Esop Ebio Owo (se 32.6.2)
Utɔ Idiɔkŋkpɔ Mme Afai afai Edinam ye Ndubiara	Ana Enim Esop Ebio Owo (se 32.6.1) Uwot owo Edina Owo ke Nkanubɔk Edina owo mbiat idem emi enehede enyime Edibiat Eyenɔwɔŋ mme Iwaad Afai afai Edu uwem Abiaŋa	Ana Enim Esop Ebio Owo (se 32.6.2) Ediyom Ediwot Owo Ndubiara Idaŋ, edibiat idem ye edisuene (se 38.6.18 yom kini anade enim esop) Edibiat ebe mme ŋwan mme akamba owo efen (se 38.6.2.4 yom ini emi anade enim esop)
Utɔ Idiɔkŋkpɔ Idiɔk ido Idaŋ	Ana Enim Esop Ebio Owo (se 32.6.1) Edinam use ye imaan Ediwut Eyenɔwɔŋ Ndiɔi Ndise. Edidɔ ediwak iban mme irenowo Afai afai Edu uwem Abiaŋa	Ana Enim Esop Ebio Owo (se 32.6.2) Efebe, use, edina ye ukem-mbiet owo, ye kpukpru ebuana ina eken kesioho eke ndɔ ke ufɔt eren ye ŋwan, esinede ebuana idaŋ ke ŋkpɔ-ukwak mme ke phone Ediduŋ kiet ye eren mme ŋwan eke mudɔhɔ kaŋa, mme ebuana iduŋ ye eke ŋsaŋa, ye edidɔ ukem-mbiet owo Edikokoi mme edififik nda ndiɔi ndise emi akanamde ata ibak ɔnɔ ke ndɔ owo ufɔk Abasi mme eke ufɔkemana
Utɔ Idiɔkŋkpɔ Mme Abiaŋa abiaŋa Edinam	Ana Enim Esop Ebio Owo (se 32.6.1) Edu uwem nnwuo ke ŋkpɔ okuk, oruk nte abiaŋa.ye mme mbiet edinam ntre (se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi)	Ana Enim Esop Ebio Owo (se 32.6.2) Nnwuo, inɔ emi obomde ufɔk, inɔ, mme ediyip okuk (se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi) Editomo ke nsu
Utɔ Idiɔkŋkpɔ Edibiat Itie Mbuɔtidem	Ana Enim Esop Ebio Owo (se 32.6.1) Akamba idiɔkŋkpɔ kini akamade akamba itie ke Ufɔk Abasi	Ana Enim Esop Ebio Owo (se 32.6.2) Akamba idiɔkŋkpɔ kini akamade akamba itie ke Ufɔk Abasi mme ke obio (se 32.6.3.3 edieke owo ufɔk Abasi esinede ke ediyip okuk mme inyene Ufɔk Abasi) Anamde akamba idiɔkŋkpɔ emi enehede ediɔŋɔ ebaŋa
Utɔ Idiɔkŋkpɔ Mme Edinam Eken	Ana Enim Esop Ebio Owo (se 32.6.1) Ata akamba idiɔkŋkpɔ emi odotde mkpa	Ana Enim Esop Ebio Owo (se 32.6.2) Usioŋo idibi (ebede ibɔhɔke ke 38.6.1 emi enyimede) Usuŋ eke akamba idiɔkŋkpɔ Enehede ɔkpɔŋ mme ubiɔŋ utom eke ufɔkemana esie, esinede editre edikpe okuk unwam eyen ye eke ŋwan mme ebe emi ekesinde ke ndɔ Edinyam ndiɔi ibɔk Mme ikpɔ ndiɔi edinam eken

32.6.3

Ini emi Stake President Enemede ye Area Presidency abaŋa Mme Eyeyom Esop eke Ebio owo mme eke Edinam Efen

Usuk ŋkpɔ oyom ata nkikke ye ndausuŋ efen. Man ɔdiɔŋɔ nte ekpenehede anwam, stake president ana eneme ye Area Presidency kabaŋa mme ndaha ke ikpehe emi. Nte ededi, stake president kpɔt ebiere mme eyenim esop man ese edinam oro. Edieke enimde esop, stake president mme bishop edinɔ se idi ibɔrɔ.

Edieke enimde esop ebio owo enɔ ntak ŋkpɔ kiet emi esiakde ke ikpehe emi, ubiere esop ana edi “odu ke eti ndaha,” “ikpan emi enehede esɔŋɔ,“ mme ”edisisio ke ufɔk Abasi mfep.” Eyeyom unyime eke First Presidency man esio mme ikpan edisiosio mme edifiak nda owo nsin ke Ufɔk Abasi (se 32.16.1, number 9).

32.6.3.1

Edinam Efen

Edieke minimke esop ebio owo, edinam efen ekeme edisine:

Mme ikpan eke minehede isɔŋɔ inɔ owo Ufɔk Abasi (se 32.8.3).
Edinim idiɔŋɔ ke itie enyiŋ owo ke ŋwed ufɔk Abasi (se 3214.5).
Mme ikpan ke edinam ke ikɔ Abasi, emi akpande owo ke edibɔ mme ke edinyene unen itie oku mme edibɔ mme edikama temple recommend.

Stake president eyeneme ye Area Presidency mbemiso enam kiet kotu edinam emi.

32.6.3.2

Edikaŋ akpanikɔ

Mme ŋkpɔ eke edikaŋ akpanikɔ ebe ɔkpɔŋ mme adaŋa eke ward mme eke stake. Ana esɔsɔp enehede ebiere mmɔ man ekpeme mbon efen.

Bishop eyeneme ye stake president edieke enye ekerede ke edinam owo ufɔk Abasi ediwut edikaŋ akpanikɔ. Bishop mme stake president ekeme edinim ikpan eke minehede isɔŋɔ inɔ owo ufɔk Abasi ɔnɔ owo oro (se 32.8.3). Stake president eyesɔsɔp eneme ye Area Presidency. Nte ededi, stake president kpɔt edibiere mme eyenim esop ebio owo mme edinam efen nte odotde.

Nte enamde mi, edikaŋ akpanikɔ owut owo ufɔk Abasi emi anamde kiet kotu ŋkpɔ emi:

Esiwak edifiak nam ke anwaŋa-anwaŋa ye edikokoi ndi ubiɔŋɔ nnɔ Ufɔk Abasi, ukpepŋkpɔ esie, ibet esie, ye mme adausuŋ esie ke anwa anwa
Ediyire ke edikpep nte ukpepŋkpɔ eke Ufɔk Abasi se midihe ido Ufɔk Abasi ke bishop mme stake president ema ekekpan enye
Ediwut usuŋ eke edinehede nnam ŋkpɔ man abiat mbuɔtidem ye nsɔŋɔnda eke mbon Ufɔk Abasi
Edika iso ntiene mme ukpep eke mme nka emi ekaŋde akpanikɔ ke bishop mme stake president ema ekekpan enye
Edinehede nduk ufɔk Abasi efen nyuŋ ntomo ukpepŋkpɔ esie (Ata editre edidi Ufɔk Abasi ye edika ufɔk Abasi efen ke idemesie iwutke edikaŋ akpanikɔ. Nte ededi, edieke owo ufɔk Abasi enehede oduk ufɔk Abasi efen onyuŋ edemere ukpepŋkpɔ esie, eyedot edisiosio enye ke ufɔk Abasi mfep.)

Andinyaŋa ekekpep mbon Nephi ete yak mmɔ eka iso enim enwam owo emi ama akanam idiɔkŋkpɔ. “Edi edieke enye mikabakere esit ekubat enye esin kotu mbio obio mi, man enye edibiat mbio obio mi” (3 Nephi 18:31).

32.6.3.3

Ediyip Okuk Ufɔk Abasi

Edieke owo ufɔk Abasi eyipde okuk Ufɔk Abasi mme eyipde nti inyene eke Ufɔk Abasi, stake president eyeneme ye Area Presidency kabaŋa mme ana enim esop ebio owo mme edinam efen eyedot. Mme adausuŋ ekere ebaŋa:

Ibat okuk eyipde.
Mme ediyip oro ekedi ke akpa ini mme edifafiak nam.
Mme ekefiak ekpe okuk oro esin.
Ndaha mkpɔfiok eke owo oro.
Ndaha emi owo oro akakamade (se 32.6.1.4 nnɔ mbon ufɔk Abasi emi ekamade akamba itie ke Ufɔk Abasi).

Stake president eyetɔt kiet kotu anditiene emi ke Leader and Clerk Resources:

Ubiere ibɔrɔ eke esop ebio owo
Ke enye ama eneme ye Area Presidency onyuŋ ebiere se idotke edinim esop ebio owo

Edieke Nkɔk Itie utom Ibat Okuk Ufɔk Abasi ebierede ke adausuŋ mme owo utom Ufɔk Abasi ama eyip okuk mme inyene eke Ufɔk Abasi, First Presidency esiteme ete ke eyenim idiɔŋɔ ke ŋwed enyiŋ ufɔk Abasi esie. “Adausuŋ” ɔwɔrɔ nte owo emi akamade akamba itie ke Ufɔk Abasi, ukem nte mme ɔnɔitem, ewet-ŋkpɔ, ye mme branch presidencies. Ini emi edikabare esit ekemde, stake president ekeme ediyom ete esio edinim idiɔŋɔ oro efep (se 32.14.5 ye 34.7.5). Edinim idiɔŋɔ iwɔrɔke ke esop ebio owo mme edinam efen ama ada itie.

32.6.3.4

Mbon Sikpuhɔ Mbiet idem mmɔ

Mme bishop ye stake president enamde utom ye mbon emi ediɔŋɔke nte okpuhɔ mbiet idem ana etiene mme ndausuŋ ke 38.6.23.

32.6.4

Ini emi Minehede iyom Esop eke Ebio owo Ufɔk Abasi

Itimke iyom enim esop ebio owo ke mme ndaha ntem.

32.6.4.1

Editre Edisaŋa ye Usuk mme Ido eke Ufɔk Abasi

Inaha enim esop ebio owo enɔ mme edinam eke ebatde ke idak emi. Nte ededi, tim se esiode ke akpatre ŋkpɔ emi.

Edisin idem ke ŋkpɔ Ufɔk Abasi
Inamke ubiɔŋ utom ke Ufɔk Abasi
Ikpehe mbak duop
Mme idiɔkŋkpɔ eke editre edinam ŋkpɔ
Edinam idem owo edemede
Inamke item Ikɔ Ifiɔk
Adade idiɔk ndise, kesioho eke ndiɔi ndise eyenɔwɔŋ (nte ewutde ke 38.6.6) mme edinehede mme edififik nda ndiɔi ndise emi akanamde akpan unɔmɔ ke ndɔ owo ufɔk Abasi mme eke ufɔkemana (nte ewutde ke 38.6.13).

32.6.4.2

Mbubehe Edikpu mme Editre edikpe Isɔn

Mme adausuŋ inaha nte eda esop ebio owo man ebiere mme utɔk eke mbubehe. Mbubehe edikpu ye editre edikpe mme isɔn idihe mme ntak eke ekpenimde esop ebio owo. Nte ededi, ana enim esop enɔ ikpɔ edinam nnwuo mme ikpɔ edinam abiaŋa ke mme ido okuk (se 32.6.1.3).

32.6.4.3

Mme Utɔk eke Isɔŋ obio

Owo inimke esop ebio owo man ekpe mme utɔk eke isɔŋ obio (se Doctrine ye Covenants 134:11}

32.7

Mme Ndaha eke Owo oro

Jehovah ete, “Ubɔk mbɔm mi anyan ɔnɔ mbufo, ndien owo eke edidide, enye ke ami ndibɔ; ndien ɔfɔfɔn ɔnɔ mbon emi edide etiene mi” (3 Nephi 9:14). Ndaha emi owo odude edi akpan ŋkpɔ edikere edibiere:

Nnen nnen ndaha eke anwamde enye akabare esit ke akamba idiɔkŋkpɔ (se 32.5 ye 32.6).
Mme ubiere ekenamde ke item enɔde owo ye ke mme esop ebio owo (se 32.8 ye 32.11).

Mme bishop ye stake president eyom ekikere ye uduak Abasi enɔ ndaha kiet kiet. Mmɔ ekere mme ŋkpɔ anditiene emi ke edibiere ewe ndaha ke ekpeda ye se ibɔrɔ edidide. Mme ŋkpɔ emi isɔŋɔke akpan ubiere kiet. Edi, mmɔ edi ŋkpɔ unwam ɔnɔ ubiere kiet emi mme adausuŋ anade ebɔŋ akam ye ke nte Spirit ɔnɔde ndausuŋ.

32.7.1.

Adaha Idiɔknkpo

Edomo udobi idiɔkŋkpɔ etiene ndha esie. Emi ekeme edisine ibat ye ediwak idiɔkŋkpɔ emi ekanamde, udobi unan otode ke edinam mmɔ, ye ibat owo emi edinam oro abiatde.

32.7.2

Mme Ufɔn eke Owo ndiɔkiso

Mme adausuŋ ekere ebaŋa mme ufɔn eke owo ndiɔkiso ye eke mbon efen. Emi ekeme edisine ebe me ŋwan owo oro ye mbon ufɔkemana eken. Mme adausuŋ nko ekere ebaŋa udobi unan emi obude.

32.7.3

Idiɔŋɔ Erikabare esit

Eyom ndausuŋ eke spirit man efiɔk mme owo oro ama enehede akabare esit. Ewut oruk erikabare esit ɔfɔn eto ke ndinen edinam ke anyan ini akan ke ediwut akwa mfuhɔ kini nduŋɔre ini kiet. Mme ŋkpɔ eke ekpekerede ebaŋa esine;

Ɔsɔŋɔ mbuɔtidem ke Jesus Christ.
Ndaha eriyara.
Ndaha mfuhɔ kabaŋa idiɔkŋkpɔ oro,
Edifiak nkekpe emem ye mbon owo ekeduede.
Edinam ekem ye mme ŋkpɔ se mbet okoyom.
Edikut unen ke edisin idiɔkŋkpɔ oro.
Mbuɔtidem ke edinim ibet tɔŋɔ ke eketre idiɔkŋkpɔ oro.
Edinam akpanikɔ ye mme adausuŋ ke Ufɔk Abasi ye mme mbon efen.
Unyime editiene item eke mme adausuŋ ke Ufɔk Abasi.

32.7.4

Edibiat Ediomi eke Temple

Jehovah etiŋ ete, “Eyeyom ediwak eto enye emi ekenɔde ediwak” (Doctrine ye Covenants 82:3). Owo emi ama ɔkɔbɔ endowment temple ama anam ediomi edidu edikoŋ eti edu uwem. Edibiat mme ediomi emi enehede owut akwa ndaha idiɔkŋkpɔ oro. Oro enehede owut ete ke odot edinim esop ebio owo.

32.7.5

Ndaha eke Mbuɔtidem mme Unen

Ndaha idiɔkŋkpɔ kiet okpon edieke owo anamde enye kini odude ke ndaha eke mbuɔtidem mme unen, oruk nte ete ye eka, adausuŋ, mme andikpep.

32.7.6

Edifiak nam

Usuŋ edifiak nam ukem akamba idiɔkŋkpɔ ekeme ediwut ata ntotuŋɔ idiɔk edu uwem mme ndumehe eke akpande nkɔri edikisim erikabare esit. Ke edidian ke mme edikpan edidi owo ufɔk Abasi emi ekpedotde, mme utom editre ndumehe ye item ntaifiɔk ekeme edinwam (se 32.8.2).

32.7.7

Isua emana, Ndiɔŋɔ idem, ye Ifiɔk ukpep

Mme adausuŋ ekere ebaŋa isua emana, ndiɔŋɔ idem, ye ifiɔk ukpep kini etemede owo ufɔk Abasi mme ke edibiere se idi ibɔrɔ eke esop ebio owo. Editua mbɔm esiwak edidu nnɔ mbon emi misɔŋke idem ke ikɔ Abasi. Nte uwutŋkpɔ, editua mbɔm ekeme edidu nnɔ mkpri mbon ufɔk Abasi emi enamde idiɔk edinam edieke mmɔ ekpɔŋde idiɔkŋkpɔ oro enyuŋ ewut ata erikabare esit. Nte ededi, ekeme edinam ata ntunɔ edieke mmɔ esukde eyeyire ke edinam idiɔkŋkpɔ oro.

32.7.8

Ukeme eke Mfre

Udɔŋɔ mbe ibuot, ndumehe, mme esisit ukeme eke mfre ifepke owo emi akanamde akamba idiɔkŋkpɔ. Nte ededi, mme ŋkpɔ se edikere ibaŋa edi emi. Nte ubak ŋkpɔ ke edinwam owo akabare esit, mme adausuŋ eyom ndausuŋ eke Abasi kabaŋa adaŋa edifiɔk ikɔ Abasi eke owo oro ye ndaha ibat esie.

32.7.9

Edifɔfiɔk Nyarade

Edifɔfiɔk nyarade ye editua mkpɔfiɔk ke idiɔk edinam owut udɔŋ nkabare esit.

32.7.10

Ini enemde Idiɔkŋkpɔ ye Ediyara

Ediyara idiɔkŋkp edi ubak ŋkpɔ erikabare esit inyuŋ inaha nte eninim ebihe. Ke ubakini idiɔkŋkpɔ esitiene anyan ini edinɔ usiene ye edidu eti uwem. Edieke owo ufɔk Abasi ayarade idiɔkŋkpɔ inyuŋ ifiakke inam enye aba, oro ekeme ediwut ete ke enye ama ɔkpɔŋ idiɔkŋkpɔ oro. Ke ndaha oro, eriyarade ekeme edikem akan editɔtɔŋɔ usuŋ erikabare esit.

32.7.11

Mme Idiɔknkpo Abuanade Mbon Ufɔk Abasi Emi Eduŋde ke mme Nsio nsio Ward ye Stake

Ubakini mbon ufɔk Abasi emi enamde akamba idiɔkŋkpɔ ɔtɔkiet eduŋ ke mme nsio nsio ward ye stake. Ke ndaha ntem, mme stake president ediomo ɔtɔkiet kabaŋa edikpan mmɔ edidi mbon ufɔk Abasi mme eke esop ebio owo. Mmɔ nko eneme mme ufɔn odu ke mme ubiere ikpan mme eke esop oro edidi ukem ukem mme ŋkpɔ efen odu emi ekemede ediwut edinyene se idi ibɔrɔ efen.

EDINƆ OWO ITEM

32.8

Item enɔde Owo ye mme Ikpan eke Minehede isɔŋɔ inɔ Owo Ufɔk Abasi

Nnɔ item esiwak edikem man anwam edikpeme mbon efen onyuŋ anwam owo emi oyomde odudu erifak eke Erisio isop Jesus Christ otode ke erikabare esit. Oruk item oro nko ekeme edinwam mbon ufɔk Abasi ekpeme idem kabaŋa ediwak ndiɔi ŋkpɔ. Ke item enɔde owo, mme adausuŋ nko ekeme edinɔ mme ikpan eke minehede isɔŋɔ inɔ owo ufɔk Abasi man anwam owo oro akabare esit ke mme akamba idiɔkŋkpɔ. (se 32.8.3).

Inaha nte eda akamba idiɔkŋkpɔ nte mfefere (se Doctrine ye Covenants 1:31). Edibiat ediomi temple eyedot eyom ete enim esop ebio owo (se 32.7.4).

Ebat mme item eke edinwamde mme adausuŋ edidiɔŋɔ ini emi nnɔ item ye ikpan eke minehede isɔŋɔ edikemde ke idak emi (se nko 32.7):

Owo emi mikinamke idiɔkŋkpɔ emi ediyomde esop ebio owo (se 32.6.1).
Owo emi akayarade idiɔkŋkpɔ ke idemesie onyuŋ enehede akabare esit.
Owo emi akabarede esit ke akamba idiɔkŋkpɔ emi enye ekebemde iso anam.
Owo emi idiɔkŋkpɔ esie mibiatke ediomi temple.
Owo emi enyenede mme esisit nwɔrɔnda ndaha.

32.8.1.

Item enɔde Owo

Ndausuŋ emi odu kini bishop mme stake president etemede owo man anwam enye akabare esit.

Bup yom ediwak etop kpɔt man ebiere (1) edu owo emi kabaŋa idiɔk ido oro ye (2) uduot, ibat esinamde, ye adaŋa ini anamde ido oro. Ku bup uyom mbuk akan se anade ke edifiɔk ndaha ŋkpɔ oro. Ku bup mbume emi otode ke ediduŋɔre owo.
Bup nte edinam oro akafinade mbon efen.
Yire ke nti edinam emi owutde erikabare eke owo oro ye nsinifik esie nnɔ Abasi. Dɔhɔ owo oro ete ɔtɔŋɔ mme akpan edinam man ada ukpuhɔ ido ye erikabare esit edi. Kot mmɔ ete esaŋa ekpere Andinyaŋa, eyom ɔsɔŋɔ Esie enyuŋ ekop ima erifak Esie.
Dɔhɔ enam nti edinam oruk nte edibɔŋ akam, edikot ŋwed Abasi, ye edika Ufɔk Abasi. Kpep ete ke utom family history ye eke temple ekeme edisuhɔre odudu eke andidiɔk. Dɔhɔ ete mmɔ enam ŋkpɔ enɔ mbon efen enyuŋ ebuana ikɔ Abasi.

Teme ete esio nti usiene enɔ mbon emi ekebɔde unan eto ke mme idiɔkŋkpɔ oro enyuŋ eyom erifen nnɔ
Dɔhɔ ete ewɔŋɔre ekpɔŋ ndiɔi odudu. Nwam mbon ufɔk Abasi enam mme ido ekekpande mmɔ man ebe mme idomo.
Fiɔk ete ke afo edi adausuŋ ke utom Abasi, udige ata ifiɔk ɔnɔitem. Ke edidian ke item emi afo ɔnɔde, ubak mbon ufɔk Abasi eyebɔ ufɔn eto item edu uwem. Ubak ebɔ ndutuhɔre eto udɔŋɔ mbe ibuot. Nte eyomde, teme mbon ufɔk Abasi ete eyom unwam eto nti mbia ibɔk mbakara ye eke nsɔŋidem mfre (se 31.3.6).
Yire ke akam yuŋyom ndausuŋ otode Spirit mbemiso edinɔ ikpan eke minehede isɔŋɔ inɔ owo ufɔk Abasi. Ubak mbon ufɔk Abasi ekeme edibɔ ufɔn eto ke edinehede ndi owo ufɔk Abasi ɔfɔn akan edikpakpan mmɔ.
Tiene ke edinɔ nsɔŋɔnda, bɔp ɔsɔŋɔ ŋkpɔ Abasi, yuŋ se nkɔri mmɔ.

Ke owo ufɔk Abasi ama akayarare idiɔkŋkpɔ ɔnɔ bishop mme stake president, nkaiso nnɔ item ekeme edida itie ke ediwak usuŋ. Adausuŋ ke idemesie ekeme edinam oro. Mme, ye ke unyime owo oro, enye ekeme edidɔŋ kiet kotu mme ɔnɔitem esie ete anam oro.

Ye unyime eke owo oro, bishop mme stake president eke edidɔŋ mbon eke elder quorum mme Relief Society ete enwam ke mme asaŋa asaŋa usuŋ. Eke iwaad, enye ekeme edidɔŋ mme ɔnɔitem presidency eke Nkaiferi Iban mme eboho Itie oku eke Aaron ete enwam. Mbon emi edɔŋde ete enwam enyene unen edibɔ ifiɔk spirit man enam ubiɔŋ utom oro (se 4.2.6).

Kini ɔdɔŋde owo ete anwam ke nka iso nnɔ item, adausuŋ ana ɔnɔ ikɔ kpɔt emi ekemde ke edinwam owo ufɔk Abasi oro. Owo emi edɔŋde ana afari inua. Enye nko eyetɔt bishop abaŋa nkɔri ye mme unana eke owo oro.

32.8.2

Ndinwam mme Owo emi enyenede Ndiɔi ndumehe

Item enɔde owo ke ubakini esisine edinwam mbon ufɔk Abasi erikabare ke mme idiɔkŋkpɔ emi enyenede ebuana mme eke okotode ndiɔi ndumehe. Mme ndiɔi ndumehe emi ekeme edisine mme ŋkpɔ mme ediwak ndaha eke ido. Ndiɔi ndumehe esibiat mme owo, ndɔ, ye ufɔkemana. Mme bishop ekeme editeme mbon ufɔk Abasi ete eyom unwam eto mme edinam Ufɔk Abasi eke edikpɔŋ ndiɔi ndumehe ye otode nti mbia ibɔk mbakara ye eke nsɔŋidem mfre.

Edise ndiɔi ndise ke akabare ɔkɔri okpon ke obio. Edinehede nse ekeme edikabare ndi eyenyik mme, ke ata esisit ndaha, idiɔk ndumehe. Mme edise idiɔk ndise edi enyenyik mme ke esisit ini, enye edi ŋkpɔ mbiat. Enye ebibin Spirit osio. Enye osusuhɔre ukeme edibɔ odudu emi otode eke edinim ediomi. Enye nko ababiat mme nsɔŋurua ebuana.

Item enɔde owo ye mme ikpan eke minehede isɔŋɔ inɔ owo ufɔk Abasi esiwak edikem man anwam owo akabare ɔkpɔŋ edisise ndiɔi ndise. Isiwakke edinim mme esop eke ebio owo. Ke mibɔhɔke, se 38.6.6 ye 38.6.13. Item eke ataifiɔk ekeme edinwam.

Mme stake president ye bishop enwam mbon ufɔkemana nte odotde. Ekeme edisin ete ye eka kini enɔde mme iwaad item ebaŋa edise ndiɔi ndise. Ekeme edisin ŋwan mme ebe kini enɔde owo emi ɔdɔde ndɔ item.

Ke oyomde etop awak kabaŋa edinɔ mbon ufɔk Abasi item emi ebuanade ke ndiɔi ndise, se 38.6.13.

32.8.3

Mme ikpan eke Minehede isɔŋɔ inɔ Owo Ufɔk Abasi

Ke edidian man edisɔŋɔ nti edinam kini enɔde item, bishop mme stake president ekeme edikpan ubak unen eke mbon Ufɔk Abasi ke esisit ini. Ke enehede enam, mme ikpan emi ekeme edinwam ke nkɔri erikabare esit ye eke ŋkpɔ spirit. Eda mmɔ nte inehede inɔ koro owo iwetke isin ke ŋwed ewetde enyiŋ owo.

Ikpan eke minehede inɔ ekeme edibihe ke esisit udua, ediwak ɔfiɔŋ, mme ebihide edieke odotde ɔnɔ owo oro man akabare esit ɔyɔhɔ ɔyɔhɔ. Ke ndaha eken, ini ekeme ediighe akan isua kiet.

Mme adausuŋ eyom ndausuŋ eke Spirit kabaŋa ewe ikpan edinehede inwam man owo akabare esit. Emi ekeme edisine (edi ikureke ke) editretre unen eke ebinam utom ke ikoot Ufɔk Abasi, edinam ŋkpɔ eke itie oku, mme ediduk temple. Adausuŋ ekeme editre owo ete okunɔ utiŋ ikɔ, ukpepŋkpɔ, mme akam ke Ufɔk Abasi. Edieke adausuŋ etrede unen ediduk temple, enye eyebiat temple recommend ke Leader and Clerk Resources (LCR).

Edidia udia Ɔbɔŋ edi ata akpan ubak ŋkpɔ eke erikabare esit. Inaha nte oro edi akpa ikpan emi enɔde owo andikabare esit emi enyenede mbuŋɔ esit ye edinuaha spirit. Nte ededi, edieke owo ama akanam akamba idiɔkŋkpɔ, adausuŋ eke editre unen emi ke esisit ini.

Mme adausuŋ isitiŋke inɔ owo efen kabaŋa mme ekpri ikpan ke mibɔhɔke odu ntak emi akpanade ediɔŋɔ (se 32.12.2).

bishop mme stake president ekeme edisio ekpri ikpan ke nte Spirit ɔnɔde etemede kini owo anamde eti nkɔri ke ata erikabare esit. Edieke owo ufɔk Abasi akade iso ke usuŋ idiɔkŋkpɔ, eyenwam mme edidot man enim esop eke ebio owo.

EDINIM MME ESOP EBIO OWO KE UFƆK ABASI

Enim mme esop nyobio owo eke Ufok Abasi kini bishop mme stake president ebierede ete ke mmɔ eyenwam mme kini mbet Ufɔk Abasi oyomde ntre (se 32.6). Esinim mmɔ ke ndaha eke ward, stake, branch, district, mme eke mission. Ikpehe emi ɔnɔ etop kabaŋa nte edinamde mmɔ.

32.9

Ebuana ye Ubiɔŋ

Mme ŋkpɔ se itiene emi owut mbon emi edibuanade ke mme esop ebio owo.

	Mme andibuana ke mme Esop Ebio Owo
Esop Ebio Owo eke Ward	Mme andibuana ke mme Esop Ebio Owo Owo eke enimde esop emi eno Bishop ye mme ɔnɔitem esie Ward clerk President Elders quorum mme eke Relief Society (ke amade; se 32.10.1)
Esop Ebio Owo eke Stake	Mme andibuana ke mme Esop Ebio Owo Owo eke enimde esop emi eno Stake president ye mme ɔnɔitem esie Stake clerk Mbon high council (ke esisit ndaha nte enamde anwaŋa ke 32.9.2) Bishop eke owo emi enimde esop emi eno (ke amade: se 32.9.3) President Elders quorum mme eke Relief Society (ke amade; se 32.10.1)

32.9.1.

Stake President

Stake president:

Enyene odudu unen ke esop ebio owo eke stake; nte ededi, edi mme bishop esinim ata ediwak esop emi.
Ana ɔnɔ unyime mbemiso bishop ekeme edinim esop eke ebio owo.
Enim esop eke esop ebio owo edieke edinade nte esiosio enyiŋ eke eren mme ŋwan emi ama ɔkɔbɔ endowment eke temple ke Ufɔk Abasi efep.
Ekeme edinim esop edieke owo ufɔk Abasi edemere ubiere eke esop ebio owo eke ward.
Ana ɔnɔ unyime mbemiso esop ebio owo ebiere ete ke eyesio owo emi mikinamke endowment ke akpatre.

32.9.2

Akwa Esop Ebio Owo

Mbon akwa esop ebio owo isinehede ibuana ke mme esop ebio owo eke stake. Nte ededi, akwa esop ebio owo ekeme edibuana ke mme ini ɔkpɔsɔŋ ndaha (se Doctrine ye Covenants 102:2). Nte uwutŋkpɔ, stake presidency ekeme edikot akwa esop ebio owo ete edibuana kini:

Edineni mme akpanikɔ odude.
Mmɔ edidiande ufɔn ye edikem ke ibat.
Owo oro oyom mmɔ ebuana.
Esinede owo eke stake preidency mme ufɔkemana esie (se 32.9.7).

32.9.3

Bishop (mme Branch President ke Stake)

Bishop:

Enyene odudu unen ke mme esop ebio owo eke ward.
Eneme ye stake president: onyuŋ ɔbɔ unyime esie mbemiso edinim esop.
Idinimke esop eke esop ebio owo edieke edinade nte esiosio enyiŋ eke eren mme ŋwan emi ama ɔkɔbɔ endowment eke temple ke Ufɔk Abasi efep. Ana enim esop ebio owo eke stake ke mme ndaha ntre.
Ekeme edikot ete oduk esop ebio owo eke stake ei enimde enɔ owo ward esie eke esede ndaha owo ufɔk Abasi esie. Stake president ye owo enimde esop enɔ ana enyime ete enye edi esop.

Esop ebio owo eke ward mme branch ekeme edibiere ete esiosio owo ke Ufɔk Abasi edieke enye mikinamke endowment. Nte ededi, eyom unyime eke stake president mbemiso ubiere oro edi akpatre.

Ke ubakini esinim esop ebio owo eke ward enɔ owo emi ama akanam endowment ndien nkaiso esop oro ediwut ete ke ekeme edisiosio enye ke ufɔk Abasi mfep. Ke mme ndaha ntem, bishop eyeyak mbubehe oro ɔnɔ stake president:.

32.9.4

President eke Mission

President eke mission:

Enyene odudu unen ke esop ebio owo ke mme branch ye district eke mission.
Ana ɔnɔ unyime mbemiso preident eke branch mme district ekeme edinim esop ebio owo.
Enim esop eke esop ebio owo edieke edinade nte esiosio enyiŋ eke eren mme ŋwan emi ama ɔkɔbɔ endowment eke temple ke Ufɔk Abasi efep. Edieke ini mme ediniɔŋ usuŋ akpande emi, enye ekeme edidɔŋ kiet kotu mme ɔnɔitem esie man etie ibuot ke esop oro. Enye eyemek mme akama Itie oku Melchizedek iba ete ebuana.
Ke ebiet odotde, nim mme esop ebio owo ɔnɔ mbon emi mikinamke endowment. Edieke ini mme ediniɔŋ usuŋ akpande emi, enye eke edinyime ete mme akama Itie oku Mlchizedek ita enim esop oro. Ke ndaha ntem, dictrict mme branch president eke owo oro esida usuŋ ke esop oro.
Ekeme edinim esop edieke owo ufɔk Abasi edemere ubiere eke esop ebio owo eke district mme eke branch.
Ye unyime eke General Authority otode Missionary Department, enim esop ebio owo edieke ɔkwɔrɔ ikɔ Abasi anamde akamba idiɔkŋkpɔ ke anwa mission (se 32.9.8). Enye nko afiak ese ikpe oro ye owo eke Area Presidentcy onyuŋ eneme ye stake president eke iduŋ ɔkwɔrɔ ikɔ oro.
Ana ɔnɔ unyime mbemiso esop ebio owo ebiere ete ke eyesio owo emi mikinamke endowment ke akpatre.

Edieke ɔkwɔrɔ ikɔ ayarare idiɔkŋkpɔ emi enye akanamde mbemiso edika mission, president eke mission eyesobo ye andida nnɔ enye ke anwa mission ke Missionary Department oyom item.

Ini eke mission president enimde esop ebio owo, enye eyemek mme akama Itie oku Melchizedek iba man enwam enye. Ke isio isio ndaha efen kpɔt ke enye edimek ekpri ɔkwɔrɔ ikɔ ete edinwam. Enye eyetiene ukem ukem usuŋ nte eke esop ebio owo eke stake (se 32.10). Nte ededi, akwa esop ebio owo mme eke district idibuanake.

32.9.5

District mme Branch President ke Mission

District mme branch president ke mission ekeme edinim esop ebio owo kini mission president ɔnɔde unyime. Esop ebio owo eke district idibuanake.

Esop ebio owo eke district mme eke branch ekeme edibiere ete esiosio owo ke Ufɔk Abasi efep edieke enye mikinamke endowment. Nte ededi, eyom unyime eke mission president mbemiso ubiere oro edi akpatre.

32.9.6

Stake ye Ward Clerk

Stake mme ward clerk:

Enim se ekewet ke esop kpɔt ke nte odotde man ɔnɔ ŋwed eke Etop Esop Ebio Owo Ufɔk Abasi.
Ebeŋe ŋwed oro enim edieke adausuŋ andikida usuŋ ke esop oro oyomde.
Idibuanake ke nneme mme ubiere eke esop oro.

32.9.7

Edibuana ke mme Ndaha eke Minehede ise

Edieke ɔnɔitem ke stake presidency mikemeke edibuana ke esop ebio owo, stake president obup high councilor kiet mme akwa oku eken ete edida itie esie. Edieke stake president mikemeke edibuana, First Presidency ekeme edinyime kiet kotu mme ɔnɔitem esie ete etie ibout ke nde esie.

Edieke ɔnɔitem ke bishopric mikemeke edibuana ke esop ebio owo, bishop ekeme edidɔhɔ yak akwa oku emi odude ke ward edida itie esie. Edieke bishop mikemeke edibuana, enye eyeyak ikpe oro ɔnɔ stake president, emi edinimde esop ebio owo eke stake. Bishop idiyakke ɔnɔitem ete enim esop ebio owo.

Edieke enimde esop ebio owo enɔ owo ufɔkemana eke bishop mme kiet kotu ɔnɔitem esie, edinim esop oro ke ndaha eke stake. Edieke enimde enɔ owo ufɔkemana eke kiet kotu mme ɔnɔitem eke stake president, stake president eyenyime akwa oku efen ete ada itie eke ɔnɔitem esie. Edieke enimde esop owo ufɔkemana eke stake president, enye eyediomo ye Office eke First Presidency.

Edieke owo esinde ete bishop ye ɔnɔitem esie okubuana, eyenim esop ebio owo ke ndaha eke stake. Edieke owo esinde ete kiet kotu mme ɔnɔitem eke stake president okubuana, stake president eyeyak akwa oku efen ete ada itie eke ɔnɔitem oro. Edieke owo esinde ete stake president okubuana, mme edieke stake president ekerede ete ke imɔ idikemeke editre edida nkaŋ kiet, enye eyediomo ye Office eke First Presidency.

32.9.8

Edibiere Eke Adausuŋ Edinim Esop ke mme Asaŋa saŋa Ndaha

Esinehede enim mme esop ebio owo kpukpru ini ke nkɔk ebiet Ufɔk Abasi emi enyiŋ owo oro odude.

Ke ubakini odot edinim esop ebio owo nnɔ owo emi ama ɔkɔwɔrɔ ɔkpɔŋ. Edieke ediwɔrɔ oro edide ke ukem stake oro, stake president odiomo ye bishop eke ward mbiba oro onyuŋ ebiere ebiet emi esop oro edinade.

Edieke owo oro ɔwɔrɔde ɔkpɔŋ stake oro, stake president eke stake mbiba oro eyediomo enyuŋ ebiere ebiet eke edinimde esop oro. Edieke mmɔ ebiereke ete ke edinim esop oro ke akani ward mme stake, eyenim ŋwed enyiŋ owo oro ke ward oro tutu ekure esop oro. Midihe ntre, eyenɔ ŋwed enyiŋ aka obufa ward. Bishop mme stake president ke ndibe eyesian bishop mme stake president eke owo oro eke ini emi abaŋa ntak odotde nte enim esop.

Ke ubakini odot edinim esop nnɔ owo ufɔk Abasi emi miduŋke ke ufɔkiduŋ ke esisit ini. Nte uwutŋkpɔ, ekeme edinim esop nnɔ eyen ufɔkŋwed mme nnɔ owo emi odude ke ekɔŋ. Bishop eke ebiet emi owo oduŋde ke esisit ini ekeme edinɔ item ye unwam. Nte ededi, inaha nte enye enim esop ebio owo ibɔhɔke ŋwed enyiŋ odu ke unit esie ndien enye ama eneme ye bishop eke ward owo oro.

Ke ubakini ɔkwɔrɔ ikɔ Abasi anam akamba idiɔkŋkpɔ ke anwa mission emi mikiyarake tutu ke ema ekeyak enye utom esie. Bishop ye stake president eneme ebaŋa mme anie kotu mmɔ edinim esop eke ebio owo. Kiet kotu mmɔ eyeneme ye akani mission president mbemiso edinim esop oro.

32.10

Mme Usuŋ edinam ŋkpɔ eke mme Esop Ebio owo ke Ufɔk Abasi

32.10.1.

Nnɔ Ntɔt yuŋ Beŋe idem nnɔ Esop Ebio owo

Bishop mme stake president enɔ owo ufɔk Abasi ewewet ntɔt eke esop ebio owo emi edinimde inɔ enye. Enye eyefik ubɔk ke efɔk ŋwed oro. Efɔk ŋwed esine mme etop emi:

“[Bishopric mme stake presidency] eyenim esop ebio owo enɔ fi. Esop oro edida itie ke [usen ɔfiɔŋ ye ini] ke [ebiet].

“Esop oro eyese [ibio ibio idiɔk edinam ke ofuri ndaha, edi idinɔhɔ ofuri ŋkpɔ mme ntiense].

“Ekot fi ete oduk esop oro man edinɔ ibɔrɔ fo. Afo emekeme edinɔ ewewet ikɔ oto mme owo emi ekemede edinɔ etop eke enyenede ebuana ye ikɔ emi. Afo emekeme edikot mme oruk owo oro ete etiŋ enɔ esop emi ke ibuot fo edieke stake president mme bishop edibemde iso inyime. Afo nko eyekot [Relief Society president mme elders quorum president eke ward] edidi onyuŋ ɔnɔ unwam.

“Owo ekededi emi odukde ana enyime edibere ye ido ukpono eke esop, esinede mme usuŋ edinam ye edidedip esie. Mme ekpe mbet ye ɔnɔ unwam ebede mbon emi esiakde ke enyɔŋ ŋwed emi inaha nte eduk.”

Akpatre udim ikɔ ekeme edisine ikɔ ediwut ima, idorenyin, ye ekikere.

Mme ndausuŋ kabaŋa mbon emi owo oro ekpekotde ete editiŋ ikɔ enɔ esop edu ke 32.10.3 number 4.

Edieke mikemeke edinɔ owo oro efɔk ŋwed oro ke ubɔk, ekeme edinɔ ke ido mbakara, ye ŋwed edifiak nyime ke ema enɔ.

Bishop ye stake president eyenim usen eke esop ebio owo ke ini emi edifɔnde ye owo oro. Enye nko eyekut ete ke ini odu man ɔbɔ mme ikɔ oto mbon ndiɔkiso eke idiɔk edinam oro edieke mmɔ eyomde ndinɔ mmɔ (se 32.10.2).

Bishop mme stake president eyebeŋe owo oro idem ɔnɔ esop ke ndinam anwaŋa ufɔn ye mme usuŋ esop oro. Enye nko eyenam anwaŋa mme ubiere emi esop oro edinamde ye mme ibɔrɔ mmɔ. Edieke owo ufɔk Abasi ayarare idiɔkŋkp, adausuŋ eyenam anwaŋa ete ke eyeda eriyara oro enam utom ke esop ebio owo oro.

32.10.2

Bɔ mme Ikɔ to mme Owo ndiɔkiso

Ini emi owo Ufɔk Abasi edide owo ndiɔkiso (oruk nte eke edina ye imaan, edibiat eyenɔwɔŋ, edibiat ebe mme ŋwan, mme abiaŋa), bishop mme stake president eyekut bishop mme stake president owo oro eke ini oro. Mme adausuŋ emi eyebiere mme eyenwam edinɔ owo ndiɔkiso oro eti ifet man ɔnɔ ewewet udim ikɔ kabaŋa idiɔk ido oro ye mme unɔmɔ esie. Ekeme edikot mme udim ikɔ ke esop eke ebio owo (se 32.10.3. number 3). Mme adausuŋ ke Ufɔk Abasi inyeneke odudu unen editɔŋɔ nsobo ye mbon ndiɔkiso eke midihe mbon Ufok Abasi.

Edi bishop mme stake president eke owo ndiɔkiso ke ini oro edinyene nneme ekededi ye enye ke ntak esop oro. Edieke owo ndiɔkiso ɔnɔde ewewet udim ikɔ, adausuŋ emi eyeyak oro ɔnɔ bishop mme stake president emi enimde esop eke ebio owo oro. Mme adausuŋ ana enehede ekpeme mbak edisin iduɔesit efen. Se 32.4.3 yom ndut utɔŋ efen.

Enye edinam nduŋɔre ekededi kabaŋa owo ndiɔkiso emi misimke isua Efureta eto ete ye eka mme ata andikpeme eyenɔwɔŋ oro, ke esiode ke edinam ntre ekeme edisin owo ndiɔkiso ke afanikɔŋ.

Ke oyomde etop awak kabaŋa mme bishop ye stake president edibɔ ndausuŋ ke mme ndaha edibiabiat, se 32.4.5 ye 38.6.2.1.

32.10.3

Nim Esop Ebio owo

Ke usɔp mbemiso esop ɔtɔŋɔ, bishop mme stake president edɔhɔ mme andibuana owo emi edinimde esop inɔ ye ikɔ idiɔk ido se eketiŋde edi. Edieke odotde, enye eyenam anwaŋa mme usuŋ eke edinimde esop oro.

Eyekɔm owo oro eda esin ke ubet ufɔk oro, edieke enye odude do. Edieke ekekotde bishop ete edi esop ebio owo eke stake, ekot enye nko esin ke ubet ufɔk oro ke ini emi. Edieke owo oro ama okokot Relief Society president mme elders quorum president eke ward ete odu onyuŋ edinɔ unwam, eyekɔm enye esin ke ubet ufɔk oro.

Bishop mme stake president ada usuŋ ke esop oro ke spirit ima, ke nte ewetde ke idak emi.

Enye okot owo kiet ete ɔbɔŋ akam ntɔŋɔ.
Enye edisiak idiɔk ido emi eketiŋde. Enye edinɔ owo oro (edieke odude do) ifet ete enyime, akaŋ, mme anam udim ikɔ emi enehede anwaŋa.
Edieke owo enyimede idiɔk ido oro, bishop mme stake president aka iso ekesim ɔyɔhɔ ition eke idak emi. Edieke owo oro akaŋde, bishop mme stake president edinɔ etop abaŋa ŋkpɔ oro. Emi ekeme edisine ediwut mme ŋwed akpanikɔ onyuŋ okot ke ɔkpɔsɔŋ uyo mme udim ikɔ ekededi emi mbon ndiɔkiso oro ekewetde (se 32.10.2). Edieke enye okotde oruk udim ikɔ oro, enye ekpeme idiɔŋɔ eke owo ndiɔkiso oro.
Edieke owo akaŋde idiɔk ido oro, enye ekeme ediyak etop oro nnɔ esop oro. Emi ekeme edidi ekewewet. Mme ke owo oro ekeme edibup mme owo emi ekemede edinɔ eti etop man etiŋ ke esop oro, kiet ke ini kiet. Oruk owo ntre ekpedi mbon Ufɔk Abasi ke ebede ke bishop mme stake president ama ebemiso ebiere ke owo eke midihe owo ufɔk Abasi ekeme ediduk. Mmɔ eyebet ke isio isio ubet ufɔk tutu edɔhɔ mmɔ ete etiŋ ikɔ. Owo kiet kiet eyewɔrɔ ke ubet ufɔk esop oro kini enye okurede. Mmɔ ana enyime edibere ye ido ukpono eke esop, esinede mme usuŋ edinam ye edidedip esie. Mbon ufɔk Abasi ikemeke edinyene ekpe ikpe ediduk do. Nko mmɔ idinyeneke mme ɔnɔ unwam akan mbon emi etiŋde ebaŋa ke udian ŋwed ke ikpehe emi.
Bishop mme stake president ekeme edibup mbume abaŋa owo ufɔk Abasi ke ido emem ye ukpono. Enye nko ekeme edibup mbon efen emi owo ufɔk Abasi ɔkɔdɔŋde ete enɔ etop unwam. Mme ɔnɔitem eke bishopric ye stake presidency nko ekeme edibup mbume. Mbume ekededi enyene edidi ibio ibio onyuŋ ɔkɔŋɔ ke mme ata akpanikɔ.
Ke ema ekenɔ kpukpru nti etop ekure, bishop mme stake president eyebeŋe mbon edude ke ubet ufɔk oro ewɔrɔ. Eyenyime ediwɔrɔ eke ewet ŋkpɔ nko, ke ebede ke high council ama abuana ke esop ebio owo eke stake. Edieke bishop eke owo oro odude ke esop ebio owo eke stake, eyenyime enye ɔwɔrɔ. Edieke president eke Relief Society mme eke elders quorum edukde man edinɔ unwam eyebeŋe nko ete enye ɔwɔrɔ.
Bishop mme stake president eyebup oyom ekikere mme ifiɔk oto mme ɔnɔitem esie. Edieke high councl ekebuanade ke esop ebio owo eke stake, enye obup oyom mme ekikere ye ifiɔk mmɔ.
Ye mme ɔnɔitem esie, bishop mme stake president ebɔŋ akam eyom uduak Abasi kabaŋa ŋkpɔ oro. Stake president ye mme ɔnɔitem esie mme bishop ye mme ɔnɔitem esie kpɔt enyene edidu ke ubet ufɔk oro kini emi. Edieke esop ebio owo eke stake esinede mbon high council, stake president: esiwak edika ke office eke stake president.
Bishop mme stake president eyetiŋ mme ubiere esie ɔnɔ mme ɔnɔitem esie onyuŋ ɔdɔhɔ mmɔ ete esɔŋɔ ubiere oro. Edieke esop ebio owo eke stake esinede mbon high council, stake presidency efiak edi ke ubet ufɔk ndien edɔhɔ mbon high council ete esɔŋɔ ubiere oro. Edieke ɔnɔitem mme high councilor enyenede isio isio ekikere, bishop mme stake president eyekpaŋ utɔŋ okop onyuŋ oyom edibiere ukpuhɔde ekikere oro. Ubiɔŋ edinɔ ubiere ɔkɔŋɔ ye owo emi etiede ibuot.
Enye eyefiak okot owo oro esin ke ubet ufɔk oro. Edieke ekedɔhɔde ete ewet ŋwed ɔwɔrɔ, eyefiak ekot enye esin ke ubet ufɔk oro. Edieke bishop eke owo oro odude ke esop ebio owo eke stake, eyefiak ekot enye nko esin ke ubet ufɔk oro. Edieke president eke Relief Society mme eke elders quorum edukde man edinɔ unwam, eyefiak ekot enye nko ete edi.
Bishop mme stake president eyetiŋ se idi ubiere esop oro ɔnɔ ke spirit ima. Edieke ubiere edi ke eyenehede ekpan mme unen owo oro nte owo Ufɔk Abasi mme edisiosio enye ke ufɔk Abasi mfep, enye eyenam anwaŋa mme ntak (se 32.11.3 ye 32.11.4). Enye nko eyenam anwaŋa nte edikande mme ikpan oro onyuŋ ɔnɔ ukpep ye item efen. Bishop mme stake president ekeme edisik esop nim ke esisit ini man oyom ediwak ndausuŋ mme etop mbemiso edinam ubiere. Ke ndaha ntre, enye anam emi anwaŋa.
Enye anam anwaŋa unen owo oro ke edibeŋe (se 32.13).
Enye okot owo kiet ete ɔbɔŋ akam editre.

Mme owo oro odu mme iduhe, bishop mme stake president eyetɔt enye kabaŋa se idi ubiere nte enamde anwaŋa ke 32.12.1.

Iduhe owo emi okodukde esop ebio owo eke edɔhɔde ete anam enim ke uyo, ndise video mme ke ediwewet. Ewet ŋwed ekeme ediwet mkpri ŋwed ke ntak edibeŋe Etop eke Esop Ebio Owo ke Ufɔk Abasi nim. Nte ededi, oruk mkpri ŋwed oro idihe ediwet ofuri ikɔ mme edisiosioŋo ŋwet. Ke ema ekenam eto ŋwed oro ekure, enye ɔsɔsɔp abiat mkpri ŋwed ekededi.

32.11

Mme ubiere otode mme Esop Ebio owo eke Ufɔk Abasi

Edi Spirit editeme se idi mme ubiere eketode mme esop eke ebio owo. Mme ubiere oro enyene ediwut ima ye idorenyin emi Andinyaŋa ɔnɔde mbon emi ekabarede esit. Etiŋ mme ubiere se ekpedide ewut ke idak emi. Kini enamde mme ubiere emi, mme adausuŋ ekere ebaŋa mme ndaha emi ekewetde enim ke 32.7

Ke ekurede esop eke ebio owo ekededi, bishop mme stake president ɔsɔsɔp ɔnɔ ŋwed Etop eke Esop Ebio Owo eke Ufɔk Abasi ke LCR (se 32.14.1).

Ema ewet mme ubiere se ekpedide eketode mme esop eke ebio owo ke mme ikpehe se itiene emi.

32.11.1.

Edu ke Eti Ndaha

Ke ubak mme ndaha, owo ekeme edinana ndudue onyuŋ odu ke eti ndaha. Ke ubak mme ndaha, owo ekeme edinam idiɔkŋkpɔ, enehede akabare esit, onyuŋ odu ke eti ndaha. Bishop mme stake president ekeme edinɔ item onyuŋ ɔnɔ ikpan kabaŋa mme edinam eke ini iso. Ke ekurede esop, enye eyeka iso edinɔ unwam ke nte eyomde.

32.11.2

Nyene Nneme ye Bishop mme Stake President

Ke ubak mme esop ebio owo, mme adausuŋ ekeme edibiere ete ke owo ufɔk Abasi iduhe ke eti ndaha edi—ke iyomke enehede esɔŋɔ enɔ mme ikpan. Ke mme ndaha ntem, esop ekeme edibiere ete ke owo oro enyene edibɔ item enɔde ye ntunɔ oto bishop mme stake president. Item emi ekeme edisine mme ikpan eke minehede isɔŋɔ inɔ owo ufɔk Abasi nte ekewetde ke 32.8.3.

Item enɔde owo ye ikpan eke minehede isɔŋɔ inɔ owo ufɔk Abasi idige edimek kiet kini enimde esop enɔ mme idiɔkŋkpɔ emi ebatde ke 32.6.1.

32.11.3

Mme ikpan eke Enehede esɔŋɔ enɔ Owo Ufɔk Abasi

Ke ubak esop eke ebio owo, mme adausuŋ ekeme ediniere ete ke ɔfɔn ndinehede mkpan mme unen eke owo Ufɔk Abasi ke esisit ini. Edinehede mkpan ekeme edikem nnɔ kpukpru owo kesioho ke ata akamba ndiɔi ŋkpɔ mme ndaha, emi ekpesiode owo ke ufɔk Abasi efep (se 32.11.4).

Mbon emi enyenede edisiosio nte owo ufɔk Abasi mfep esuk edidi mbon Ufɔk Abasi. Nte ededi, etretre mme unen mmɔ nte owo Ufɔk Abasi ntem:

Mmɔ ikemeke ediduk temple. Nte ededi, mmɔ ekeme edika iso nsine ɔfɔŋ temple edieke ekenamde endowment. Edieke owo oro enyenede recommend eke temple, adausuŋ eyebiat oro ke LCR.
Mmɔ ikemeke edinam ubiɔŋ itie oku.
Mmɔ ikemeke edidia udia Ɔbɔŋ mme edibuana ke edimenede ubɔk nnyime mme ikpɔ owo eke Ufɔk Abasi.
Mmɔ ikemeke edinɔ utiŋ ikɔ, ukpepŋkpɔ, mme akam ke mme ndaha Ufɔk Abasi. Nko mmɔ idinamke utom ke ikoot eke Ufɔk Abasi.

Eteme mmɔ ete eduk mme mbono ye edinam Ufɔk Abasi edieke ido mmɔ ɔfɔnde. Eteme mmɔ nko ete ekpe ɔyɔhɔ mbak duop ye enɔ eken.

Bishop mme stake president ekeme edidian mme item efen oruk nte edikpɔŋ mme ŋkpɔ ndiɔi ndise ye mme ndiɔi odudu efen. Enye esiwak edidian mme nti ikpan. Emi ekeme edisine ediwak ediduk Ufɔk Abasi, mbɔŋ akam, ye edikot ŋwed Abasi ye mme ŋwed Ufɔk Abasi eken.

Edieke enehede ekpan enyuŋ esiode owo ke Ufɔk Abasi efep, eyewet oro enim ke ŋwed enyiŋ ufɔk Abasi.

Ini edisiosio mfep esiwak edidi isua kiet ndien ekeme edibighe. Kini owo oro anamde ata nkɔri ke eti edikabare esit, bishop mme stake president eyenim esop efen man ekere abaŋa edisio mme ikpan edisiosio oro efep (se 32.16.1). Edieke owo ufɔk Abasi akade iso odu ke usuŋ idiɔkŋkpɔ, adausuŋ ekeme edinim esop efen man ekere abaŋa mme ikpan efen.

32.11.4

Edimum Ndaha Owo ke Ufɔk Abasi Nsio

Ke ubak mme esop eke ebio owo, mme adausuŋ ekeme edibiere ete ke ɔfɔn edisiosio owo ke Ufɔk Abasi mfep ke esisit ini (se Mosiah 26:36; Alma 6:3; Moroni 6:7; Doctrine ye Covenants 20:83).

Eyom edisiosio owo ke Ufɔk Abasi mfep ke ediwot owo (nte esiakde ke 32.6.1.1) ye ke edidɔ ediwak ebe ye iban (nte enamde anwaŋa ke 32.6.1.2). Esiwak ediyom oro nnɔ ke edina ye imaan nte enamde anwaŋa ke 32.6.1.2 ye 38.6.10.

Nte Spirit etemede, edisiosio owo ke ufɔk Abasi mfep nko ekeme edidot ke ntem:

Ɔnɔ mbon emi ido mmɔ anamde mmɔ edi ata ndik enɔ mbon efen.
Ɔnɔ mbon emi ekenamde ata akpan akpan ndiɔi ŋkpɔ.
Ɔnɔ mbon emi mikiwutke erikabare esit ke akamba ndiɔi ŋkpɔ (se mme edikere mbaŋa ke 32.7).
Ɔnɔ mbon emi enamde akamba ndiɔi ŋkpɔ emi abiatde Ufɔk Abasi.

Esop ebio owo eke ward, branch, mme district ekeme edibiere ete esiosio owo ke Ufɔk Abasi efep eto owo eke mikibɔhɔ recommend eke temple. Nte ededi, odot edibɔ unyime eke stake president mbemiso ubiere edi akpatre.

Mbon emi ema ekesio ke Ufɔk Abasi ikemeke edinyene mme unen eke owo ufɔk Abasi.

Mmɔ ikemeke ediduk temple.mme edisine ɔfɔŋ eke temple. Edieke owo oro enyeneke recommend eke temple, adausuŋ eyebiat oro ke LCR.
Mmɔ ikemeke edinam ubiɔŋ itie oku.
Mmɔ ikemeke edidia udia Ɔbɔŋ mme edibuana ke edimenede ubɔk nnyime mme ikpɔ owo eke Ufɔk Abasi.
Mmɔ ikemeke edinɔ utiŋ ikɔ, ukpepŋkpɔ, mme akam ke mme ndaha Ufɔk Abasi. Nko mmɔ idinamke utom ke ikoot eke Ufɔk Abasi.
Mmɔ ikemeke edikpe mme ɔyɔhɔ mbak duop ye mme enɔ efen.

Eteme mmɔ ete eduk mme mbono ye edinam Ufɔk Abasi edieke ido mmɔ ɔfɔnde.

Ekeme edikere mbaŋa edifiak nda mbon emi ema ekesio mmɔ ke Ufɔk Abasi nsin ke uduↄkmmↄŋ ye ndori ubɔk. Nte esiwakde, ana mmɔ ebemiso ewut ata erikabare esit ke ufaŋ isua kiet. Bishop mme stake president eyenim esop ebio owo efen man ekere abaŋa edifiak nda nsin (se 32.16.1).

Mme Ubiere ye Ibɔrɔ eke Esop Ebio Owo

Ubiere	Mme Ibɔrɔ
Ubiere Edu ke Eti Ndaha (se 32.11.1).	Mme Ibɔrɔ Iduhe
Ubiere Nyene Nneme ye Bishop mme Stake President (se 32.11.2)	Mme Ibɔrɔ Ekeme edinyene ubak edinehede mkpan ke mme unen nte owo ufɔk Abasi. Mme ikpan esiwak edikpri nkan isua kiet, ke mme ndaha eken, mmɔ ekeme edibihe. Esisio mme ikpan eke minehede inɔ ke owutde ata erikabare esit. Owo iwetke se ekenam isin ke ŋwed enyiŋ eke owo ufɔk Abasi.
Ubiere Mme ikpan eke minehede isɔŋɔ inɔ owo Ufɔk Abasi (se 32.11.3).	Mme Ibɔrɔ Enehede ekpan mme unen eke owo ufɔk Abasi. Ini edisiosio mfep esiwak edidi isua kiet ndien ekeme edibihe. Ewet se ekenam esin ke ŋwed enyiŋ eke owo ufɔk Abasi. Eyesio ata edinehede mkpan ke owutde ata erikabare esit, ke esop ebio owo enyimede, ye, nte odotde, unyime eke First Presidency. Edisio idiɔŋɔ eke ŋwed enyiŋ owo ufɔk Abasi edieke esiode mme ikpan ke ema ekenim esop ebio owo (ke mibɔhɔke mme idiɔŋɔ emi eyomde; se 32.14.5).
Ubiere Edisiosio Owo ke Ufɔk Abasi (se 32.11.4).	Mme Ibɔrɔ Ebabiat kpukpru edinam ikɔ Abasi efep. Esiso kpukpru nti unen nte eke owo ufɔk Abasi, ka adaŋa isua kiet. Owo eyedot edifiak nda nsin ke uduↄkmmↄŋ ye ndori ubɔk kpɔt ke owutde ata erikabare esit, esop ebio owo enyime, ye, edieke odotde, ke unyime eke First Presdency (se 32.16). Owo emi ama akananam endowment edidot edifiak mbɔ mme edidiɔŋ kpɔt ke unyime eke First Presidency ye ke ama ɔkɔyɔhɔ ofuri isua kiet tɔŋɔ nte ekefiak eda esin (se 32.17.2). Eke owo emi ama akananam endowment, eyesio idiɔŋɔ “Edifiak nnɔ mme Edidiɔŋ Eyomde” ke ŋwed enyiŋ kpɔt ke ema ekenam edinam ikɔ Abasi oro ekure (mme idiɔŋɔ ekeyomde ododu; se 32.14.5).

32.11.5

Mme Mbume kabaŋa Edibiere Mkpɔsɔŋ Ŋkpɔ

Mme bishop eyeyak mme mbume abaŋade ŋwed ndutum ndausuŋ eke mme esop ebio owo ɔnɔ stake president.

Kabaŋa mkpɔsɔŋ ŋkpɔ, stake president ekeme edibɔ item nto ememek Area Seventy esie. Stake president ana eneme ye Area Presidency ke mme ŋkpɔ emi ekebatde ke 32.6.3. Nte ededi, stake president idibupke Area Seventy mme General Authority nte edibierede mme mkpɔsɔŋ ŋkpɔ. Stake president edibiere mme eyenim esop man ese ido oro. Edieke enimde esop, stake president mme bishop edinɔ se idi ibɔrɔ.

32.11.6

Odudu unen eke First Presidency

First Presidency enyene akpatre odudu unen ke kpukpru mme ikpan ye edisiosio owo ke Ufɔk Abasi mfep.

32.12

Mme Ntɔt ye Etop

Eyenɔ ubiere eke esop ebio owo esɔk owo oro—ye mbon efen nte odotde—nte enamde anwaŋa ke idak emi.

32.12.1.

Editɔt Owo kabaŋa Ubiere

Bishop mme stake president enehede etiŋ enɔ owo oro se idi ibɔrɔ eke esop kini etrede esop. Nte ededi, enye ekeme edisik esop nim ke esisit ini man oyom ediwak ndausuŋ mme etop mbemiso edinam ubiere.

Bishop ye stake president eyenam anwaŋa se ubiere oro ɔwɔrɔ ke nte ekebatde ke 32.11. Ke ntre enye nko eyenɔ item ke ntak erikabare esit man ekeme edisio mme ikpan mme man ekeme edifiak nda owo oro nsin ke Ufɔk Abai.

Bishop mme stake president eyebak enɔ owo oro ewewet ntɔt kabaŋa ubiere ye se oro ɔwɔrɔde. Ntɔt emi esine ofuri udim ikɔ emi ekenamde edinam emi ke edibɔrɔ eke edinam edide isio isio ye ibet ye ido eke Ufɔk Abasi. Ntɔt oro nko esine item abaŋade edisio mme ikpan mme edifiak nda nsin ke Ufɔk Abasi. Ntɔt oro akpana owut ete ke owo ekeme edidemede ubiere oro (se 32.13).

Edieke owo oro midukke esop, ewewet ntɔt ekeme edikem ke edisian enye kabaŋa ubiere oro. Bishop mme stake president nko ekeme edisobo ye owo oro.

Bishop mme stake president idinɔhɔ owo oro ŋwed Etop eke Esop Ebio owo ke Ufɔk Abasi.

32.12.2

Editiŋ nnɔ Mbon efen kabaŋa Ubiere

Edieke bishop mme stake president minehede ikpan mme unen owo edidi owo ufɔk Abasi ke item enɔde owo, enye iditiŋke inɔ owo efen (se 32.8.3). Nte ededi, mme adausuŋ emi eyeneme ye kiet eken kabaŋa mme ikpan emi minehede inɔ ke nte mmɔ enwamde mbon ufɔk Abasi.

Edieke ekenehede ekpan mme unen eke owo ufɔk Abasi, mme edisiosio mfep ke esop ebio owo, bishop mme stake president eyeneme ubiere oro enɔ mbon ekpenade ediɔŋɔ kpɔt. Mme ndausuŋ emi ke eda esin.

Enye eyekere abaŋa mme unana eke owo ndiɔkiso emi ye mbon ndiɔkiso eken ye ekikere eke mbon ufɔkemana eke owo oro.
Enye idinemeke ubiere oro inɔ ediek oeo oro edidemede ikpe oro. Nte ededi, enye ekeme editiŋ ete ke edemede ikpe oro edieke enye ekereke ete ke odot man ekpeme mbon ndiɔkiso eken. Enye nko ekeme editiŋ oro man anwam edisuhɔde ubiak eke mbon ndiɔkiso oro (okopsuk ke enye isiakke mme enyiŋ owo ndiɔkiso oro) mme man ekpeme eti ndaha eke Ufɔk Abasi.
Nte eyomde, bishop eyetiŋ ubiere ke ndibe ndibe ɔnɔ mbon esop ebio owo eke ward. Emi edi nditɔt mme adausuŋ emi ekpekerede ebaŋa ke owo oro odu se enɔ ikoot, ekpep ŋkpɔ, mme edibɔŋ akam mme edinɔ utiŋ ikɔ. Oro nko eyenwam mme adausuŋ edinɔ ukpeme nyuŋ nsin unwam nnɔ owo oro ye ufɔkemana esie.
Ye unyime eke stake president, bishop ekeme edineme ubiere oro ɔnɔ ke mme mbono elders quorum ye Relief Society eke ward esie edieke ndaha oro esinede:
- Nnwo nnwo edu uwem emi ekemede edibiat mbon efen.
- Edikpep nsu nsu ukpepŋkpɔ mme eke mme ido ntaŋ mfep efen.
- Mme nsio nwut idiɔkŋkpɔ oruk nte edinam edidɔ ediwak iban mme irenowo mme edikama mme ukpepŋkpɔ ndiɔi nka nsin man ɔkɔ udim.
- Afaŋa mme edinam mme ukpepŋkpɔ eke ikpɔ ye mkpri adausuŋ eke Ufk Abasi ke anwa anwa.
Ke mme ndaha ntre, stake president nko ana ɔnɔ uyo ete etiŋ enɔ mbon ufɔk Abasi ke mme ward efen ke stake oro.
Ke ubak ndaha, bishop mme stake president ekeme edikere ke eyenwam editɔt usuk mme kpukpru mbon ndiɔkiso ye ufɔkemana mmɔ ete ke ema enim esop ebio owo enɔ owo oro. Enye edi inam emi oto ke bishop mme stake president mmɔ.
Edieke mme nnwo nnwo udɔŋ owo oro edinamde mbon efen se idiok, bishop mme stake president ekeme edinɔ ikpan man ekpeme mbon efen. Enye idiyarakede edidip etop inyuŋ isuande etop oro.
Ke kpukpru ndaha eken, bishop mme stake president eyesuhɔde nneme ekededi ekesim ofuri udim ikɔ. Enye eyetiŋ ete ke ekpan mme esiosio mme unen eke owo Ufok Abasi emi ke ntak edu emi misaŋake ikikem ye ibet ye ido eke Ufɔk Abasi. Enye owuk mbon edude do ete ekuneme ubiere oro. Enye ibupke mme mmɔ eyenyime mme eyefaŋa edinam oro.
Edieke owo odude ke eti ndaha ke ema ekekure esop ebio owo (se 32.11.1), bishop mme stake president ekeme editiŋ oro nwut man etre editiŋ ikɔ edem.

32.12.3

Edineme Edisio Owo ke Ufɔk Abasi

Ke ubak ndaha, bishop ekeme editiŋ ete ke owo oro ama osio idem esie ke Ufɔk Abasi (se 32.14.5). Bishop itiŋke awak akan oro.

32.13

Edidemede Ubiere

Owo ekeeme edidemede ubiere eke esop ebio owo eke ward ɔnɔ stake president ke ufaŋ usen Edip ye duop. Stake president eyenim esop ebio owo eke stake man ese edidemede oro. Enye nko ekeme edidɔhɔ bishop ete afaiak enim esop oro onyuŋ afiak ese ubiere oro, akpan akpan edieke obufa etop odude.

Owo ekeme edidemede ubiere eke esop ebio owo ekeesop ebio owo eke stake ke ediwewet efɔk ŋwed nnɔ First Presidency ke ufaŋ usen Edip ye duop. Owo oro eyenɔ stake president efɔk ŋwed man ɔnɔ esɔk First Presidency.

Ke mission, owo oro ekeme edidemede ubiere eke esop ebio owo eke branch mme district ɔnɔ mission president ke ufaŋ usen Edip ye duop. Mission president eyenim esop ebio owo man ese edidemede oro. Edieke ini ye anyan usuŋ akpande enye ke edinam emi, enye eyetiene mme item ke 32.9.4.

Edieke edide mission president akada usuŋ ke esop, owo oro ekeme edidemede ubiere oro ke ediwewet efɔk ŋwed nnɔ First Presidency ke ufaŋ usen Edip ye duop. Owo oro eyenɔ mission president efɔk ŋwed man ɔnɔ esɔk First Presidency.

Owo emi edemede ubiere eyewut ke ediwewet mme ndudue mme utuk ekerede ke ama odu kini ikpe mme ubiere oro.

Edieke enimde esop ebio owo man ekere ebaŋa ubiere, kiet kotu mme ubiere iba oro eyedu:

Eyak akpa ubiere oro ada.
Efiak eneŋede akpa ubiere oro.

Mme ubiere eke first Presidency edi akpatre inyuŋ ikemeke ndidemede aba.

32.14

Mme Etop ye mme Ŋwed enyiŋ Owo ke Ufɔk Abasi

32.14.1.

Etop eke Esop Ebio owo ke Ufɔk Abasi

Ke ekurede esop eke ebio owo ekededi, bishop mme stake president ɔsɔsɔp ɔnɔ ŋwed Etop eke Esop Ebio Owo eke Ufɔk Abasi ke LCR. Enye ekeme edidɔhɔ ewet ŋwed ete ewet etop oro. Enye eyekut ete isuhɔke ewewet nim ŋwed mme eke ŋkpɔ ukwak ndomokiet iduhe. Enye nko eyekut ete ke mkpri ŋwed emi ekedade enam etop ke enehede ebiat efep.

32.14.2

Mme Ikpan eke Enehede Esɔŋɔ enɔ Owo Ufɔk Abasi

Enim idiɔŋɔ ke mme ikpan emi enehede esɔŋɔ enɔ owo ufɔk Abasi ke ŋwed ewetde enyiŋ owo. Akwa etak Ufɔk Abasi enim idiɔŋɔ emi ke ema ekebɔ Etop eke Esop Ebio Owo. Ini emi owo oro ama akabare esit, adausuŋ ana enim esop efen man ekere abaŋa edisio mme ikpan emi mfep (se 32.16.1).

32.14.3

Mme Ŋwed ke ema Ekesio Owo ke Ufɔk Abasi Efep

Edieke esoide owo efep ke Ufɔk Abasi, akwa etak Ufɔk Abasi eyesio ŋwed ewetde enyiŋ ke ema ekebɔ Etop eke Esop Ebio Owo. Edieke owo oro oyomde, mme adausuŋ enwam ebeŋe enye idem enɔ edifiak nda nsin ke Ufɔk Abasi ke uduↄkmmↄŋ ye ndori ubɔk (se 32.16.1).

32.14.4

Mme Ŋwed ke Ekefiak Ida owo Isin ke Ufɔk Abasi

Ke ema ekefiak ea owo ke Ufɔk Abasi, bishop ɔnɔ ŋwed Etop eke Esop Ebio Owo. Owo inamke Ŋwed itoro eke Uduↄkmmↄŋ ye Ndori ubɔk. Edi, eyewet uduↄkmmↄŋ ye ndori ubɔk oro esin ke ŋwed Etop eke Esop Ebio Owo.

Edieke owo oro mikinamke endowment, itie etak Ufɔk Abasi eyenɔ ŋwed ewetde enyiŋ owo emi owutde mme usen ɔfiɔŋ eke akpa uduↄkmmↄŋ ye mme eke edinam ikɔ Abasi eken. Ŋwed oro idiwutke ke ama etetre edidi owo Ufɔk Abasi.

Edieke edidi ke owo oro ama anma endowment, itie etak Ufɔk Abasi eyenehede ŋwed enyiŋ oro man owut mme obufa usen uduↄkmmↄŋ ye ndori ubɔk. Ŋwed emi nko esine etop eke “Edifiak enɔ mme Edidiɔŋ Eyomde.” Ke ema ekefiak enɔ owo oro mme edidiɔŋ (se 32.17.2), edinehede ŋwed enyiŋ man owut mme usen ɔfiɔŋ eke akpa uduↄkmmↄŋ ye mme edinam ikɔ Abasi eken. Ŋwed oro idiwutke ke ama etetre edidi owo Ufɔk Abasi.

32.14.5

Mme Ŋwed enyiŋ Owo ke Ufɔk Abasi ye Mme Ndadian ikɔ man anwaŋa

Nte First Presidency enyimede, itie etak Ufɔk Abasi enim idiɔŋɔ ke ŋwed enyiŋ eke owo oro ke mme ndaha kiet ekededi emi ebatde ke idak emi.

Bishop mme stake president ɔnɔ ŋwed Etop eke Esop Ebio Owo owutde ke ema enehede ekpan owo oro edidi owo mme ke ema esosio efep ke ufɔk Abasi ke ntak kiet kotu mme ido anditiene emi.
1. Edinam use ye imaan
2. Edibiat idaŋ eke eyenɔwɔŋ mme iwaad, edinyenyik nna ye eyenɔwɔŋ mme iwaad, mme ata edibiat owo mme ekikere eke eyenɔwɔŋ mme iwaad.
3. Edibuana nwut eyenɔwɔŋ ndiɔi ndise nte ewutde ke 38.6.6
4. Edidɔ ediwak iban mme irenowo
5. Edu uwem abiaŋa idaŋ eke akamba owo
6. Edikpuhɔ uduot owo—mme edinam man okpuhɔ ekedi nsakiso owo efen akan se ekedide ke emana (se 38.6.23).
7. Ediyip okuk eke Ufɔk Abasi mme ediyip inyene Ufɔk Abasi (se 32.6.3.3).
8. Edibiat ŋkpɔ nsɔŋidem Ufɔk Abasi
9. Ufen ufen edu uwem (oruk nte eke ina, afai, mme nnwo) mme ido eke abiatde Ufɔk Abasi.
Bishop mme stake president ɔnɔ ewewt ntɔt ete ke owo oro:
1. Ama enyime mme ke ema ebiom ikpe ke ubiat mbet esinede kiet kotu mme edinam emi ekebatde ke enyɔŋ emi.
2. Ema ekut ke edue ke edinam obio eke abiaŋa mme idiɔk edinam eken esinede kiet kotu mme edinam emi ebatde ke enyɔŋ emi.

Ini emi bishop ɔbɔde ŋwed enyiŋ emi ekenimde idiɔŋɔ, enye eyetiene mme item odude ke idiɔŋɔ oro.

First Presidency kpɔt ekeme edinyime ete esio idiɔŋɔ efep ke ŋwed ewetde enyiŋ. Edieke stake president etemede ete esio idiɔŋɔ, enye eyese LCR (se 6.2.3). Itie utom eke First Presidency eyetɔt enye edieke enyimede editeme oro mme inyimeke.

32.14.6

Editiŋ mbaŋa Okuk Ufɔk Abasi emi Eyipde

Edieke ekpande mme esiode owo ke ufɔk Abasi oto ediyip okuk Ufɔk Abasi, bishop mme stake president eyewet oro ke nte ewutde ke 34.7.5.

32.14.7

Edisio mme Ikpan ke mme Ŋwed ewetde enyiŋ Owo

Ke ubakini owo Ufɔk Abasi ama ɔkpɔŋ kini se ekpenam mme ke ikpɔ eyighe osuk odude. Ke ubakini bishop enyene edibuana etop ye obufa bishop mbemiso esio ŋwed enyiŋ eka obufa unit. Ke mme ndaha ntem, bishop (mme ewet ŋkpɔ edieke enyimede enɔ) ekeme edinim ikpan ke ŋwed ewetde enyiŋ. Ŋwed oro eyedu ke unit oro tutu bishop (mme ewet ŋkpɔ edieke enyimede enɔ) edisio ikpan oro. Emi eyeyak ufaŋ ɔnɔ bishop man eneme mme eyighe ye etop.

32.14.8

Ŋwed enyiŋ mme Owo Emi Edude ke Mkpɔkɔbi

Ema ebiom ubak mbon ufɔk Abasi ikpe ke ubiat mbet ndien edu ke mkpɔkɔbi. Bishop mme stake president eke unit emi owo oro okoduŋde kini akabiatde ibet eyeka iso ye edinam ekedotde man enehede esɔŋɔ ikpan mme esiosio efep. Edieke ekpande mme unen edidi owo ufɔk Abasi, adausuŋ (mme ewet ŋkpɔ edieke enyimede enɔ) eyenɔ ŋwed enyiŋ oro aka unit emi ekamade ubiɔŋ ke ebiet emi owo oro ɔkɔbɔde. Edieke esiode esio efep, bishop mme stake president eyesobo ye adausuŋ eke unit oro. (Se 32.15.)

32.14.9

Ediyom man Esio enyiŋ Owo ke Ufɔk Abasi efep

Edieke owo ufɔk Abasi oyomde ediwɔrɔ Ufɔk Abasi, bishop eyeka ebine man ekese mme enye enyime edineme mme ubiak esie onyuŋ odomo edibiere mmɔ. Bishop ye owo oro ekeme edineme ye stake president. Adausuŋ eyekut ete ke owo oro ofiɔk mme ibɔrɔ eketiene ediso enyiŋ mfep ke Ufɔk Abasi.

Ke oro abiat kpukpru mme edinam ikɔ Abasi.
Ke oro osio kpukpru mme unen edidi owo ufɔk Abasi efep.
Edifiak nda nsin ke uduɔkmmɔŋ ye ndori ubɔk ekeme editibe kpɔt ke ema kure edinehede nduŋɔ ndien, ke ediwak ndaha, eyenim esop ebio owo. (se 32.16.2).
Owo emi ama akananam endowment edidot edifiak mbɔ mme edidiɔŋ kpɔt ke unyime eke First Presidency ye ke ama ɔkɔyɔhɔ ofuri isua kiet tɔŋɔ nte ekefiak eda esin (se 32.17.2).

Edieke owo ufɔk Abasi osuk oyomde ediwɔrɔ ke Ufɔk Abasi, enye eyenɔ bishop ewewet, ŋwed ebeŋe emi enye efikde enyiŋ esie adian. Bishop eyenɔ ŋwed ebeŋe esɔk stake president ke LCR. Ekem stake president eyefiak ese onyuŋ ayak ŋwed ebeŋe ɔnɔ ke ukem usuŋ oro. Mme adausuŋ ana enam ŋkpɔ kabaŋa mme ŋwed ebeŋe ke usɔp.

Owo ekeme ediwɔrɔ nko ke ufɔk Abasi ke edinɔ ememiŋ enyiŋ, ŋwed ebeŋe aka itie etak eke Ufɔk Abasi.

Eyenɔwɔŋ emi oyomde ediwɔrɔ ke Ufɔk Abasi eyetiene ukem usuŋ oro nte eke akamba owo, ye efaŋa kiet: eyenɔwɔŋ ana efik ubɔk ke ŋwed ebeŋe oro (edieke akande isua Itiaita) ye eke ete mme eka mme andise enyin emi enyenede mbet ubiɔŋ eke eyenɔwɔŋ oro.

Edieke owo emi oyomde ediwɔrɔ ke Ufɔk Abasi oyomde edikot Ufɔk Abasi ye mme adausuŋ ikpe, stake president eyetiene mme item ke 38.8.23.

Enyene edinam ŋkpɔ kabaŋa ŋwed ebeŋe eke ediwɔrɔ ke ufɔk Abasi kpa ke mme adausuŋ itie oku ebɔde etop ebaŋa akamba idiɔkŋkpɔ. Eyewet etop ekededi kabaŋa mme idiɔkŋkpɔ minnyeneke ubiere kini enɔde ŋwed ebeŋe aka ke LCR. Emi eyeyak mme adausuŋ itie oku ebiere oruk mbubehe oro kini iso edieke owo oro ewetde oyom efiak eda esin ke Ufɔk Abasi (se 32.16.2).

Adausuŋ itie oku inaha enyime ediwɔwɔrɔ ke Ufɔk Abasi man otodo efep edinim esop eke ebio owo.

Mme adausuŋ eka iso edinwam mbon emi ewɔrɔde ke ufɔk Abasi ke mibɔhɔke mmɔ iyomke esobo ye mmɔ.

EDIFIAK NYAK MME UNEN EKE OWO UFƆK ABASI NNƆ

Edieke enehede ekpan mme unen eke owo ufɔk Abasi mme esiode efep, mme adausuŋ eyekese, eteme, enyuŋ enwam owo oro ke nte enye enyimede. Ikpehe emi eyenam anwaŋa nte edifiakde iyak mme unen oro inɔ.

32.15

Ka iso ke Edinwam

Ubiɔŋ bishop mme stake president nte ebiere ikpe itreke kini owo ama ɔkɔbɔ mme ikpan okudi owo ufɔk Abasi mme ke ema esiosio ke Ufɔk Abasi efep. Enye aka iso ke edinwam, ke nte owo oro enyimede, man enye afiak okop idara eke edidiɔŋ edidi owo Ufɔk Abasi. Bishop eyesiwak edisobo ye owo oro ndien, kini ɔfɔnde onyuŋ odotde, osobo ye ebe mme ŋwan esie. Andinyaŋa ekekpep mbon Nephi ete:

“Mbufo idibinke enye iduɔk ke … mme itie ukpono mbufo, oruk ntre ke mbufo enyene ndika iso mkpep ikɔ Abasi; koro mbufo ifiɔkke ŋkpɔ eke edinamde mmɔ efiak edem ekabare esit, enyuŋ etiene mi ye ofuri uduak esit mmɔ, ndien Ami nyekɔk mmɔ udɔŋɔ, enyenyuŋ edi usuŋ emi edade erinyaŋa esɔk mmɔ” (3 Nephi 18:32).

Ini eke esuk ekpande owo edidi owo ufɔk Abasi mme esiode esisɔŋ onyuŋ afina ye enye ye ufɔkemana esie. Mme adausuŋ ana etiŋ enyin ese mme unana emi enyuŋ eteme enyuŋ enwam mbon ufɔkemana oro.

Bishop eyekut ete ke ɔnɔ mbon ukpeme eka ekenwam owo oro emi ekpande edidi owo ufɔk Abasi mme esiode, ke nte owo oro enyimede. Mmɔ nko ana esin unwam enɔ mbon ufɔkemana eken. Mme owo ekedude ke idak ikpan ekeme edikut ufɔn eto edibuana ke ndinam udim enyiŋ (se 25.4.3).

Edieke owo oro ɔkpɔŋde ward oro, bishop eyesian obufa bishop onyuŋ anam ŋkpɔ se isuk inade nte ada itie anwaŋa mbemiso ekeme edisio mme ikpan edidi owo Ufɔk Abasi. Edieke ekesiode owo oro ke Ufɔk Abasi mme owo oro ama ɔwɔwɔrɔ, bishop eyenam ukem edisobo oro edieke owo oro enyimede edibɔ unwam eke mme adausuŋ Ufɔk Abasi.

32.16

Edisio Ata Ikpan mme Edifiak Nda owo nsin ke Ufɔk Abasi

32.16.1.

Mme Esop Ebio owo man Enehede Esio mme Ikpan mme Edifiak nda Owo nsin

Ini emi ekpande mme unen edidi owo ufɔk Abasi mme ekesiode ke esop ebio owo, ana enim esop ebio owo efen man ekere ebaŋa edisio mme ikpan oro mme edifiak nda owo oro nsin ke Ufɔk Abasi. Esop emi nko ana enyene ukem ndaha odudu unen (mme akande) ukem nte eke akpa esop oro. Nte uwutŋkpɔ, edieke stake mme mission president etiede ibuot ke esop oro, stake mme mission president editie ibut ke esop man ekere ebaŋa edisio mme ikpa oro mme edifiak nda owo oro nsin.

Andidi bishop mme stake president idahaoro edinim esop oro. Enye eyebem iso ese ete ke owo oro ama akabare esit ndien ke ebeŋe idem onyuŋ odot edibɔ mme edidiɔŋ edidi owo Ufɔk Abasi.

Mbon emi ema ekenehede enɔ ikpan ke edidi owo Ufɔk Abasi ana ewak ediwut ata erikabare esit ke ufaŋ isua kiet mbemiso edinɔ ekikere ke eyesio mme ikpan oro. Mbon emi ema ekesiosio mmɔ nte owo Ufɔk Abasi efep ekpere ofuri ofuri enyene ediwut ata erikabare esit ke ufaŋ isua kiet mbemiso ekeme edikere edida mmɔ mfiak nsin. Eke owo emi akakamade akamba itie ke Ufɔk Abasi kini eke akamba idiɔkŋkpɔ oro, ini oro esiwak ediniɔŋ (se 32.6.1.4).

Esop man ekere ebaŋa edisio mme ikpan mme edifiak nda owo nsin ke Ufɔk Abasi esitiene ukem ukem ndausuŋ nte mme esop ebio owo efen. Bishop enyene edibɔ unyime oto stake president man enim esop. Ke mission, branch mme district president enyene edibɔ unyime oto mission president.

Mme item anditiene emi eyedu kini enimde esop ebio owo man ekere ebaŋa edisio mme ikpan edidi owo Ufɔk Abasi mme edifiak nda owo nsin ke Ufɔk Abasi. Idige kpukpru item emi esidu ke ndaha kiet kiet.

Efdiiak nse akpa esop ebio owo. Bishop mme stake president afiak ese ŋwed Etop eke Esop Ebio owo ke Ufɔk. Enye eyeyom mbiet ŋwed oro ke LCR. Ke ama akafiak ese ŋwed oro, enye ekeme edisobo bishop mme stake president eke ebiet emi ekenimde akpa esop man oyom edinam anwaŋa.
Duŋɔre owo oro. Bishop mme stake president enehede oduŋɔ owo oro man ɔfiɔk ɔsɔŋɔ mbuɔtidem esie ke Jesus Christ ye adaŋa erikabare esit esie. Enye nko edibiere mme owo oro anam mme item emi ewutde ke akpa edinam oro.
Biere ndaha edinam eke esop edibiat mbet mme eke obio. Ubakini owo oro ama enyime ke mme ke ema ebiom enye ke edibiat mbet. Ubakini ema ekut ete ke owo oro edue ke mbet obio eke abiaŋa mme eke ndiɔi edinam efen. Ke mme ndaha ntem, adausuŋ idinimke esop tutu owo oro anam kpukpru unen eke ubiere, ewuhɔ, mme ubiereikpe ekededi eke mme ekpe ibet ekenamde. Mme ubiere emi ekeme edisine mkpɔkɔbi, ini nduŋɔ mbemiso ekɔp, edikɔp ekem eyak ke esisit, mme edikpe utip mme edikpe usiene. Edifefep eyeyom unyime eke First Presidency mbemiso edinim esop ebio owo. Mme edifefep emi ekeme edisine owo kiet emi ama okokure se ibet oyomde ndien ama owut ata erikabare esit edi odu ke anyan ini nduŋɔre mme eke edikpe akwa ibat utip.
Esobo ye mme adausuŋ itie oku eke mbon ndiɔkiso oro Bishop mme stake president eyesobo ye mme andidi bishop mme stake president eke mbon ndiɔkiso oro (se 32.10.2).
Nnɔ ntɔt kabaŋa esop oro. Enye eyetɔt owo oro abaŋa usen ɔfiɔŋ, ini, ye ebiet eke esop oro.
Nim esop ebio owo. Enye eyenim esop oro etiene ndausuŋ ke 32.10.3. Enye obup owo oro se enye akanam man akabare esit. Enye nko obup abaŋa nsinifik esie nnɔ Jesus Christ ye Ufɔk Abasi. Kini ema ekenɔ kpukpru mme akpan ŋkpɔ, enye eyedɔhɔ owo oro ete ɔwɔrɔ. Ye mme ɔnɔitem esie, enye ɔbɔŋ akam man edikere se edinam eke ekpenamde. Mme ubiere ita ekpekerede edi:
1. Ka iso ke edikpakpan edidi owo ufɔk Abasi mme edisiosiomfep.
2. Sio mme ikpan mme nnyime edifiak nda nsin.
3. Teme First Presidency ete ema esio mme ikpa oro mme yak enyime edifiak nda nsin (edieke odotde te asaŋade ke “Wet yom unyime eke First Presidency” ke idak emi).
Buana ubiere oro. Ke esop ema enam ubiere, anditie ibuot eyebuana ubiere oro ye owo oro. Edieke anade ebɔ unyime eto First Presidency, enye eyenam anwaŋa ete ke ubiere edi ediwet item nnɔ First Presidency.
Yak etop oro nnɔ. Bishop mme stake president eyenɔ ŋwed Etop eke Esop Ebio owo ke Ufɔk ke LCR. Enye ekeme edidɔhɔ ewet ŋwed ete ewet etop oro. Enye eyekut ete isuhɔke ewewet nim ŋwed mme eke ŋkpɔ ukwak ndomokiet iduhe. Enye nko eyekut ete ke mkpri ŋwed emi ekedade enam etop ke enehede ebiat efep.
Wet yom unyime eke First Presidency (edieke odotde). Ke mme ndaha anditiene emi, unyme eke First Presidency odot man esio mme ikpan eke enehede esɔŋɔ mme edifiak nda owo oro nsin ke Ufɔk Abasi. Ediyom unyime emi edieke ido adade itie ke ema ekenehede ekpan edidi owo ufɔk Abasi mme ke ema ekesiosio ifep.

Stake president eyenɔ ŋwed ediyom esɔk First Presidency edieke enye etemede oyom unyime kpɔt (se 6.2.3).
1. Uwot owo
2. Edinam use ye imaan
3. Akamba owo mme iwaad emi enehede okpon ke isua emana akan edibiat idaŋ eke eyenɔwɔŋ mme iwaad, edinyenyik nna ye eyenɔwɔŋ mme iwaad, mme ata edibiat owo mme ekikere eke eyenɔwɔŋ mme eke iwaad.
4. Edibuana ke ediwut eyenɔwɔŋ ndiɔi ndise.kini mbet edibɔp odude.
5. Edikaŋ akpanikɔ
6. Edidɔ ediwak iban mme irenowo
7. Edinam akamba idiɔkŋkpɔ kini akamade akamba itie ke Ufɔk Abasi
8. Edikpuhɔ uduot owo—mme edinam man okpuhɔ ekedi nsakiso owo efen akan se ekedide ke emana (se 38.6.23).
9. Ediyip okuk mme inyene Ufɔk Abasi
Nnɔ ewewet ntɔt kabaŋa ubiere oro. Bishop mme stake president eyekut ke ebak enɔ owo oro ewewet ntɔt kabaŋa ubiere ye se oro ɔwɔrɔde.
Nim uduɔkmmɔŋ yuŋ dori ubɔk. Edieke ekesiode owo oro efep ke Ufɔk Abasi ke akpa esop, ana efiak enim enye uduↄkmmↄŋ enyuŋ enɔ ndori ubɔk. Edieke eyomde ebɔ unyme eke First Presidency, edi nam mme edinam ikɔ Abasi ke ema ekebɔ unyme emi. Owo inamke Ŋwed itoro eke Uduɔkmmɔŋ ye Ndori ubɔk (se 32.14.4).

32.16.2

Edifiak Nda nsin ke Owo ama Ɔkɔwɔrɔ ke Ufɔk Abasi

Edieke owo enehede ɔwɔrɔ ke Ufɔk Abasi, enye enyene edina uduↄkmmↄŋ onyuŋ ɔbɔ ndori ubɔk man efiak eda enye esin ke Ufɔk Abasi. Eke ikpɔ owo, owo isiwakke edikere mfiak nda nsin tutu ekpere edisim isua kiet ke ama ɔkɔwɔrɔ ke ufɔk Abasi.

Ini emi owo oyomde edifiak nduk, bishop mme stake president eyebɔ mbiet eke ŋwed Etop Edinam Mbet emi asaŋade ye ŋwed ebeŋe eke ediwɔwɔrɔ. Enye ekeme edibɔ emi ke LCR.

Ekem bishop mme stake president enehede eduŋɔre owo oro. Enye obup abaŋa mme ntak akpa ŋwed ebeŋe ye udɔŋ oyomde efiak eda esin. Ke spirit ima, enye obup abaŋa mma akmba idiɔkŋkpɔ emi owo oro akanamde mme ke akpa mme ke ama ɔkɔwɔrɔ. Adausuŋ idikaha iso ye edifiak nda nsin ke mibɔhɔke enye okop uyuhɔ ete ke owo oro ama akabare esit ndien ke ebeŋe idem onyuŋ odot edibɔ mme edidiɔŋ eke edidi owo Ufɔk Abasi.

Mme item eke edifiak nda nsin ke ama ɔkɔrɔrɔ etiene:

Edinim esop ebio owo edieke ekenehede ekpan edidi owo ufɔk Abasi kini ediwɔrɔ oro.
Edinim esop ebio owo edieke owo oro akanamde akamba idiɔkŋkpɔ, esinede edikaŋ akpanikɔ, mbemiso ediwɔwɔrɔ.

Ke mme ndaha efen, owo inimke esop ebio owo ke mibɔhɔke bishop mme stake president edibiere ete ke eyom esop oro.

Ini emi anade enim esop ebio owo enɔ owo emi ama ɔkɔbɔ endowment, stake president edinim esop oro. Ini emi anade enim eno owo emi mikinamke endowment, bishop edinim esop oro, k eunyime otode stake president.

Edieke owo eduede ke ido ekededi eke 32.16.1, number 9, mme mbemiso mme ke ɔkɔwɔrɔ ke Ufɔk Abasi, eyeyom unyime eke First Presidency man efiak eda esin. Edieke owo eduede ke ido ekededi eke 32.14.5, number 1, mme mbemiso mme ke ɔkɔwɔrɔ ke Ufɔk Abasi, eyenam ntɔi idiɔŋɔ ke ŋwed ewetde enyiŋ.

Owo emi oyomde efiak eda esin enyene edisim ukem ukem edidotnte mbon efen emi ekenade uduↄkmmↄŋ. Ini emi bishop mme stake president oyuhɔde ete ke owo oro odot onyuŋ anam akpanikɔ ke ediyom efiak eda esin, ekeme edinim owo oro uduↄkmmↄŋ enyuŋ enɔ ndori ubɔk. Owo inamke Ŋwed itoro eke Uduɔkmmɔŋ ye Ndori ubɔk (se 32.14.4).

32.17

Edinam Ufɔk Abasi, Edimek, ye Edifiak nnɔ mme Edidiɔŋ ke ema Ekefiak eda esin ke Ufɔk Abasi

32.17.1.

Edinam Ufɔk Abasi ye Edimek

Ibat ŋkpɔ se itene emi owut ata ndaha eke edinam Ufɔk Abasi ɔnɔ owo emi ekefiakde eda esin oto ke uduↄkmmↄŋ ye ndori ubɔk.

	Ikinamke nam Endowment	Ama Ananam Endowment
Mme Andikikama Itie oku	Ikinamke nam Endowment Ndo ndo oro ke ekurede uduↄkmmↄŋ ye ndori ubɔk, ekeme edinɔ mmɔ itie oku enyuŋ emek esin ke ndaha itie oku emi mmɔ ekekamade kini ekesiode mme ekewɔrɔde ke Ufɔk Abasi. Owo idimenke mmɔ iwut ete emenede ubɔk enyime. Ekeme edinɔ temple recommend eke edinam uduɔkmmɔŋ ye ndori ubɔk nnɔ mme akpa mkpa.	Ama Ananam Endowment Idimeke mmɔ inɔ itie oku ekededi. Ini emi efiakde eyak mme edidiɔŋ itie oku ye temple mmɔ enɔ, eyeyak mme akpa ndaha itie oku mmɔ enɔ ke nte ewutde ke 32.17.2. Mmɔ ikemeke edi nam mme edinam ikɔ tutu ke ini oro. Ekeme edibuana ke edinam Ufɔk Abasi ekededi emi enyimede enɔ owo emi minamke endowment emi minyeneke itie oku. Ikemeke edisine ɔfɔŋ temple mme edibɔ oruk temple recommend ekededi tutu efiak eyak mme edidiɔŋ mmɔ enɔ.
Mbon Ufɔk Abasi Eken	Ikinamke nam Endowment Ekeme edibuana ke edinam Ufɔk Abasi nte owo ufɔk Abasi ekemede. Ekeme edinɔ temple recommend eke edinam uduɔkmmɔŋ ye ndori ubɔk nnɔ mme akpa mkpa.	Ama Ananam Endowment Ekeme edibuana ke edinam Ufɔk Abasi ekededi emi enyimede enɔ owo emi minamke endowment emi minyeneke itie oku. Ikemeke edisine ɔfɔŋ temple mme edibɔ oruk temple recommend ekededi tutu efiak eyak mme edidiɔŋ mmɔ enɔ (se 32.17.2).

32.17.2

Edifiak nnɔ mme Edidiɔŋ

Mme owo emi ema ekebɔ temple endowment enyuŋefiak eda esin ke uduɔkmmɔŋ ye ndori ubɔk ekeme edibɔ mme edidiɔŋ itie oku ye temple kpɔt oto ke edinam ikɔ Abasi eke edifiak nnɔ mme edidiɔŋ (se Doctrine ye Covenants 109:21). Owo imekke mmɔ isin ke mme ndaha itie oku mme edifiak nam endowment. Edifiak inɔ mme edidiɔŋ emi oto ke edinam ikɔ Abasi. Eyefiak emek nditɔ ete irenowo esin ke akani ndaha itie oku mmɔ, ke mibɔhɔhke ndaha utom eke Seventy, bishop mme patriarch.

First Presidency kpɔt ekeme edinyime ete enam edinam ikɔ Abasi eke edifiak nnɔ mme edifiak nnɔ mme edidiɔŋ. Mmɔ idikereke ibaŋa ŋwed ediyom nnɔ edinam ikɔ Abasi ekpride akan isua kiet ke ekefiak ida owo oro isin ke uduↄkmmↄŋ ye ndori ubɔk.

Bishop ye stake president eduŋɔre owo oro man ebiere edidot ye edibeŋe idem esie. Ini emi stake president ekerede ete ke owo oro ebeŋe idem, enye eyewet oyom edifiak nnɔ mme edidiɔŋ ke adade LCR. Se 6.2.3 kabaŋa ubiɔŋ eke stake president kini ɔdɔde mme ŋwed ediyom esɔk First Presidency.

Edieke First Presidency enyimede edifiak nnɔ mme edidiɔŋ, mmɔ eyedɔŋ General Authority kiet mme stake president oro man oduŋɔre owo oro. Edieke owo oro odotde, adausuŋ emi eyenam edinam ikɔ Abasi oro man afiak ayak mme edidiɔŋ owo oro ɔnɔ.

Ke etop kabaŋa mme ŋwed ewetde enyiŋ ye edifiak nnɔ mme edidiɔŋ, se 32.14.4.