32.

Kalngaen’ nge fapi Membership Council ko Galasia

32.0

Tabolingin I Mornga’agen

Kalngaen’ e baga’ nima buch u thilil facha’, nge Got, nge pi’in nib mu’un ko fare denen’ rok’ facha’. Machane, boch e ngiyal’ ma bishof fa stake president era tu’uf ni nge pii’ e ayuw ngak fapi chonggin e Galasia ko kalngaen’.

Napan ni yibe pii’ e ayuw ngak chonggin e galasia ko kalngaen’, ma fapi bishof nge fapi stake president e ngar daged e t’ufeg nge murunguy. Yaedra rrin’ ni woed wo’en fare Tathapeg, ni kar chubiyed ngalang mi yaed ayuweg fapi gidii’ ni ngar pi’ed keru’raed ko denen mar bad ngak Got (muguy ko Matthew 9:10–13; John 8:3–11).

Woed rogon nikan yoloey ni ba’aray u tanggin, biney e guruy e kan yaarmiy rogon ni nge ayuweg e tiyugang’ ko pi n’en ni ngan duugliy min rrin’ nib tu’uf ni fan ni ngan ayuweg bee’ ni nge kalngaen’ ko denen nike rrin’ ni rib kireb nge ayuw nifan ni nge ayuweg boech e gidii’.

• Fare Muruwel ko Galasia ni nge Ayuweg Bee’ nge Kalngaen’. Sections 32.1–32.4 weliy rogon e michib rok’ Somoel ko rogon e kalngaen’ nge man’aegfan. Piney e section era weliy fare dalip i fan ni yima restrict nag fa ni chuweg e Membership ko Galasia. Nib mu’un, e weliy rogon ko fare muruwel rok’ fapi bishof nge fapi stake president ni yaed be pii’ e ayuw ko kalngaen’.

• Duugliy fare Rogon ni ngan Ayuweg Bee’ nge Kalngaen’. Sections 32.5–32.7 rogon e ayuw ko n’en ni ngan duugliy ni fa’anra ba tu’uf e mo’olung ko membership council fa mo’olung ni yigo gur e fan ngom nge bin mat’aw ni ngan rrin’ ni nge ayuweg facha’ nge kalngaen’.

• Gagiyegnag fare Mo’olung ni Yigo Gur e Fan Ngom. Section 32.8 rogon e ayuw ko fan e mo’olung ni yigo gur e fan ngom ni bayi rrin’ fare bishof fa fare stake president. Ma kara weliy fapi restriction ko membership ko Galasia nib informal.

• Gagiyegnag fapi Membership Council ko Galasia. Sections 32.9–32.14 weliy ko mini’ era gagiyegnag fare membership council, rogon ni ngan muruweliy, nge tin ni bay ni duugliy ni ngan rrin’. Tin ni bay ni duugliy ni ngan rrin’ e ran weliy rogon.

• Sulweg fapi Mat’won e Membership ko Galasia. Sections 32.15–32.17 weliy rogon nrayag ni ngan fulweg ngak facha’ fapi mat’won e membership ko Galasia u dakean e kalngaen’.

Ma kemus ni fa’anra bay rogon nike yoeg, fapi stake president ni ku woed rogon ko fapi mission president ni ngan rrin’ nib thil. Ku woed rogon ni pi n’en nike yoeg fapi bishof e ka arram rogon nira rrin’ fapi branch president.

Fare bin Somm’on e Presidency era duugliy fapi motochiyel nge rogon ni ngan rrin’ nifan fapi denen ni rib gel e kireb riy. Fare bin Somm’on e Presidency ma yib e ayuw roraed ko fapi Records Office ko Galasia nib Mith Thibolngin. Fare stake president fa bishof e rayag ni nge non ko fare office ko mornga’agen e duwer fa tin nib tu’uf. Re office ney rayag nira powi’iy rogon ni ngan fith ni ngan non ko fare Office ko fare bin Somm’on e Presidency. Ba’aray e contact riy u tanggin:

Telephone: [phone] fa 1-800-453-3860, extension 2-2053

Toll free (GSD phone): 855-537-4357

Email: [e-mail]

---

FARE MURUWEL KO GALASIA NI NGE AYUWEG BEE’ NGE KALNGAEN’

---

32.1

Kalngaen’ nge Man’aegfan

Ma ke yoeg Somoel ni “dariy banʼen nib alit nra yog ni nge yognag fare gilʼelung nu tharmiy” (Alma 11:37; ngkum guy ko 3 Nephi 27:19). Fapi denen rodaed e ma alit nagdaed—ni demat’aw rogon ni ngad pired u charren e Chitamangdaed nu Tharmiy. Ma kama fek e amith ngalan e biney e yafos.

Motochiyel rok’ Got ko justice e ba tu’uf riya’en napan ni gadaedra denen (muguy ko Alma 42:14, 17–18). Makemus, ni fare tonom rok’ nib mangil ko wurengaenʼ “era ayliy e pi yalen e justice, me chalongbiy [daed] nga paʼ ni ayuw ngodaed,” (Alma 34:16; ngkum guy ko Mosiah 15:9).

Ra nge buch fare tonom rok’ ko wurengaen’, Chitamangiy nu Tharmiy e pii’ Fak ni Maʼagirag rokʼ, i Yesus Kristus, ni nge buyu’liy e denen rodaed (muguy ko Alma 42:15). Yesus e gafgow ni bachan fare gechig nib tu’uf ko fare motochiyel ko justice nifan e pi denen rodaed (muguy ko Doctrine and Covenants 19:15–19; ngkum guy ko Alma 42:24–25). U dakean e biney e maligach, me dag fare Chitamangiy nge fare Fak e t’ufeg rorow ngogdaed ni dariy tungun memus (muguy ko John 3:16).

Napan ni gadaedra gay rogon e “mich u dakean e kalngaenʼ,” ma Chitamangiy nu Tharmiy era n’aegfan rodaed, mara yib fare murnguy rok’ u dakean fare Bayul rok’ Yesus Kristus (Alma 34:15; ngkum guy ko Alma 42:13). Napan ni yira be’ech min n’aegfan e denen rodaed, ma arram ni gadaedra tafnayed gil’elungun Got (muguy ko Isaiah 1:18; Doctrine and Covenants 58:42).

Kalngaen’ e gathi kemus ni ngan thilyeg pinggiy. Ya ngan pii’ keru’uy ko denen min yan ngak e Chitamangiy nu Tharmiy nge Yesus Kristus. Ya ma powi’iydaed ni nge thilyeg gum’ircha’ey nge tafney (muguy ko Mosiah 5:2; Alma 5:12–14; Helaman 15:7). U dakean e kalngaen’, ma arram ni gadaedra be’ech, ma gadaed m’aged gadaed ngak Got (muguy ko 2 Corinthians 5:17–18; Mosiah 27:25–26).

Fare kanawo’en e kalngaen’ e reb fapi tawa’ath ni rib fel’ nike pii’ e Chitamangiy nu Tharmiy ngodaed u dakean fare fak.

32.2

Fan ni yima Siyegnag fa ni Chuweg e Membership ko Galasia

Napan ni yira tawfe nag bee’, ma arram nike “mang boch e girdi’ rok Got” (Ephesians 2:19). Fare m’ag ko tawfe e mu’un fare micheg ngay ni yira gay rogon ni ngan fol ko fapi machib rok’ Kristus nge fapi motochiyel rok’. Napanra muul bee’, ma facha’ e nge gay rogon e mich ngak Yesus Kristus me kalngaen’, me taga’ ko fare murnguy rok’ nge gelingin nge n’aegfan.

Fa’anra bay reb fapi choggin e galasia nike rrin’ e denen nib gel e kireb riy, fare bishof fa fare stake president e nge ayuweg facha’ ni nge kalngaen’. Bang ko biney ni yima rrin’, e bay nira tu’uf ni ngan siyeg boech ban’en ko membership rok’ facha’ ko tabochingiyal’. Ma kabe yean u rogon, ma bay ni kara tu’uf ni yira chuweg fare membership rok’ facha’ ko tabochingiyal’.

Siyegnag fa ni chuweg e membership rok’ facha’ e gathi fan ni nge gechig nag. Machane, pin’ey ningan rrin’ e ngeyag ni nge ayuweg facha’ ni nge kalngaen’ me thiliyeg gum’ircha’en. Ma kabay ni yira pii’ ngak facha’ boech e ngiyal’ ni nge fal’ag rogon nib thothup ni nge be’ech nag fapi m’ag rok’ biyay.

Fare bishof fa stake president e yow ma guy rogon e pi siyegnag fa pi chuweg ney ko membership ko galasia nikan weliy rogon ko 32.5–32.14. Pin’ey ni ngan rrin’ e bay rogon ni ngan muruwiliy ni kabang ko fare kalngaen’. Napanra kalngaen’ facha’ u fithik’ e yul’yul’, ma bay ni rayag ni ngan fulweg biyay fapi mat’won e membership ko Galasia ngak.

Napanra tu’uf ni ngan siyegnag fa ni chuweg e membership ku bee’, fare bishof fa fare stake president era rrin’ e biney u fithik’ e powi’iy nibe yib rok’ fare Kan ni Thothup nge rogon ni ngan rrin’ ni bay ko biney e chapter. Ra rrin’ u fithik’ e thothup ko t’ufeg (muguy ko 32.3).

Siyegnag e membership ko Galasia e ban’en ni yima rrin’ nib thothup ko tiliw, ma gathi bugi ban’en nib kireb fa demat’aw. Kemus ni facha’ era buch rok’ nge rogon e babyor rok’ ko Galasia. (Muguy ko Doctrine and Covenants 134:10.)

Fare dalip i fan ni yima siyegnag fa ni chuweg e membership ko Galasia e ba’aray rogon.

Dalip i Fan ni yima Siyegnag fa ni Chuweg e Membership ko Galasia

1. Ayuweg me yororiy boech e gidii’

2. Ayuweg facha’ ni ngeyag ni thapeg fare gelngin Yesus Kristus napan e kalngaen’

3. Ayuweg Thibolngin Mornga’agen e Galasia

32.2.1

Ayuweg me Yororiy e Gidii’

Fare bin somm’on i fan e ngan ayuweg min yororiy e gidii’. Boech i ngiyal’ ma bay nima gereg bee’ e cham fa rrin’ e ngongol ni dani thothup ngak bee’. Pinggiy ni dani fel’ nima wowiliy e gidii’, cham nga dowey, gafgow nag bee’ ko ngongol ni galong, gafgow ko chingaw’ nge fanay ko drag nib momaw’ ni ngan pag, ngongol ko liyebiy, nge malog ko mich e array rogon boech e pin’ey nrayag nra buch. Tin ni yira thogthog nag ngak, fare bishop fa stake president e nge rrin’ ni nge ayuweg me yororiy e gidii’ ko pi dumow ni kireb nibe tay bee’ ngoraed (muguy ko Alma 5:59–60).

32.2.2

Ayuweg facha’ ni ngeyag ni thapeg fare Gelngin Yesus Kristus u dakean e Kalngaen’

Fare bin l’agruw fan e ngan ayuweg facha’ ni ngeyag ni thapeg fare gelngin Yesus Kristus u dakean e kalngaen’. U kanawo’en e biney, ma rayag ni yira be’ech nag facha’ mara bung ni nge thapeg urngin mit e tawa’ath rok’ Got.

Fare Somoel e michib nag ni fare “mʼingaenʼ nge kalngaenʼ” e irreram fare maligach nib tu’uf ko n’eagfan e denen (3 Nephi 9:20). Biney e mu’un e kirbaen’ ngay ko fapi denen nge kirbin nira buch (muguy ko 2 Corinthians 7:9–10).

Napanra rrin’ bee’ e denen ni rib gel e kireb riy, ma siyegnag fa chuweg e membership e rayag ni nge ayuweg facha’ ko m’ingaen’ nge kalngaen’ ko tin nib tu’uf ni nge kalngaen’ riy, me ayuweg nge chuweg fare denen, me nangfan kirbin fare denen. Biney ni yira nangfan e rayag nira ayuweg e gidii’ ngar cha’ariyed fapi m’ag roraed ngak Got mi yaed ayuweg e pi m’ag ney i yaen nga mm’on.

32.2.3

Ayuweg Thibolngin Mornga’agen e Galasia

Fare bin dalip i fan e nge ayuweg thibolngin mornga’agen e Galasia. Siyegnag fa ni chuweg e membership ko Galasia e baynra tu’uf ni ngan rrin’ ni fa’anra ke rrin’ facha’ e kireb ngak e Galasia (muguy ko Alma 39:11). Fare thibolngin mornga’agen e Galasia e gathi yibe yororiy ni nge talag fa achig nag e denen nib gel e kireb riy—machane bachan e ngeyag ni ngan weliy mornga’agen.

32.3

Fare Muruwel rok’ Fapi Tapufthin nu Isreal

Fapi bishof nge stake president e kan piningraed makan yibliyraed ni ngar manged fapi tapufthin nu Isreal (muguy ko Doctrine and Covenants 107:72–74). Yaed e bay fapi kiy ko priesthood roraed nibe yipfan Somoel nibe ayuweg fapi chonggin e Galasia ko kalngaen’ (muguy ko Doctrine and Covenants 13:1; 107:16–18).

Boech i ngiyal’ ma fapi bishof nge fapi stake president e yaed ma un ngar pii’ed e ayuw ko mo’olung nifan ngom. Biney e bay ni yira siyegnag boech fapi mat’woy ko membership ko Galasia ko ta’abochingiyal’. (Muguy ko 32.8.)

Ma denen ni rib gel e kireb riy, fapi tiyugang’ e yaedra pii’ e ayuw ko kalngaen’ nira tu’uf ni ngan tay fare mo’olung ko membership council (muguy ko 32.6 nge 32.9–32.14). Biney e ayuw e bay ni yira siyegnag boech fapi mat’woy ko membership ko Galasia fa chuweg e membership rok’ facha’ ko tabochingiyal’ (muguy ko 32.11.3 nge 32.11.4).

Fapi bishof nge stake president e ngar ayuwegned fapi chonggin e Galasia ni ngar nangfaned ni Got e ba t’uf pifak rok’. Bachan e ba’adag ni nge falfalaen pifak mi yaed thapeg fapi tawa’ath rok’, arram fan ni rib tu’uf rok’ ni nge liyoer me kalngaen’ pifak.

Fapi bishof nge stake president e ngar daged e t’ufeg nge murnguy napan ni yaed be ayuweg chonggin e Galasia ko kalngaen’. N’en ni rrin’ fare Tathapeg ko fare bpin nni pire’eg nikar pirew bee’ ni gathi mabol rok’ e woed kanawo’en e biney (muguy ko John 8:3–11). Woed ni arram rogon ni dani yoeg nike m’ayfan e denen rok’, machane dani gechig nag. Ya, ga’ar ngak “mman, ma dab kum denen bayay”—kalngaen’um maga thilyeg e yafos rom.

Pi tiyugang’ ney e yaed ma michib nag ni bay e “felfelan’… u tharmiy ni bochan ta’reb e tadenen nike pi’ keru’ ko kireb” (Luke 15:7). Yaed ba gum’aen’, yaed ba pii’ e ayuw, ma yaed e fel’ e tafney roraed. Yaed ma thogthog nag e athap. Yaed ma michib ma yaed ma micheg nag ni bachan fare bayul ni tay Somoel, gubin e gidii’ ma rayag ni nge kalngaen’ min be’ech nag.

Fapi bishof nge stake president e yead ma gay fapi powi’iy nibe yib rok’ e Thothup ni ngar nanged rogon ni ngar pii’ed e ayuw ngak facha’ ko kalngaen’. Makemus ni tin ba’aray e denen ni rib gel e kireb riy e arram ngiyal’ nira un fare Galasia ngay nge duugliy ko mang e ba tu’uf ni nge rrin’ fapi tiyugang’ (muguy ko 32.6 nge 32.11). Dariy l’agruw ban’an nib ta’areb rogon. Fare mo’olung nima pii’ e tiyugang’ nge rogon e kalngaen’ e thingari thogthog nag rogon ngoraed ya rareb ma bay nib thilthil rogon ngareb.

Somoel e manang rogon facha’, pin’en nibe buch rok’ facha’, nge rogon gelngin e thothup rok’ facha’. Fare Kan ni Thothup era ayuweg fapi tiyugang’ ni ngar nanged rogon ni ngar ayuweged fapi chonggin e Galasia ni ngar thiliyegned e tin nib tu’uf ni ngeyag ni ngar golnag raed miyaed siyeg e lumel ni dabkun rrin’ fare denen biyay.

Ayuweg bee’ ko kalngaen’, nge sul ngak Got, min gol nag u dakean fare Bayul rok’ Yesus Kristus e rib falfalaen’ ni rib gel ni rayag ngak facha’. Doctrine and Covenants 18:10–13 e weliy:

“Tay ngan’um nira reb e yafos ma rib gaa’ i mit Got;

“Ya, musap gaed, fare Somoel ni Tabayul rom e gafgow ko yam’ ni bay e dogur rok’; ere gafgow nifan e gubin e gidii’, ni ngeyag ni gubin e gidii’ me kalngaen’ me yib ngak’.

“Make fos biyay ko yam’, ni ngeyag ni gubin e gidii’ me un ngak, u dakaen ni kanawo’en riy e fare kalngaen’.

“Nge falfalaen’ rok’ ni rib ga’ ngak’ e enra kalngaen’!”

32.4

Puwofaay, Mith Thibolngin, nge Report nag ngak e Pi’in ni Mot’won e Aam

32.4.1

Puwofaay

Bang nib tu’uf ko kalngaen’ e ngan puwofaay nag e denen ngak e Chitamangiy nu Tharmiy. Yesus Kristus e ga’ar, “Ko rogon e biney ma gara nang ko fa’anra ke kalngaen’ facha’ ko fapi denen rok’—, musap gaed, yara puwofaay me pag e kireb” (Doctrine and Covenants 58:43; ngkum guy ko Mosiah 26:29).

Napanra rrin’ e chonggin e Galasia fapi denen ni rib kireb, fare kalngaen’ ni yaedra tay era tu’uf ni yaedra puwofaay ngak e bishof roraed fa stake president. Ma ir e rayag nra muruwel ko fapi kiy ko gospel ko kalngaen’ nifan ngoraed (muguy ko Doctrine and Covenants 13:1; 84:26–27; 107:18, 20). Biney era ayuwegraed ni ngan golnag raed mi yaed ra sul ko fare kanawo’en e gospel u dakean fare gelngin fare Bayul rok’ fare Tathapeg.

Fan e puwofaay nge pii’ e athamgil ngak e chonggin e Galasia ni ngeyag nra l’uufed tomalngin fapi denen ni ngeyag nra gayed ga’angin e ayuw rok’ Somoel ni nge thilyeg me fosagraed. Gay rogon e “mʼingaenʼ nge kalngaenʼ” e kabang ko puwofaay (2 Nephi 2:7). Gur rom nikam puwofaay nag e be dag ni ba’adag facha’ ni nge kalngaen’.

Napanra puwofaay reb e chonggin e Galasia, ma fare bishof fa stake president ni nge leak fapi kanawo’en e couseling 32.8. Ra meybil ni nge gay fare kanawo’en e bin mat’aw ko rogon ni nge ayuweg fare member nge kalngaen’(muguy ko 32.5). Mara tafney nag ko ra t’uf e ayuw ko fare membership council. Fa’an fare motochiyel ko Galasia era tu’uf ni nge un fare membership council, mara weliy e biney (muguy ko 32.6 nge 32.10).

Boech e ngiyal’ ma bay ni fare member e ke rrin’ e kireb ngak e mabgol rok’ fa ngak reb e pil’aal’. Kabang ko fare kalngaen’, nira puwofaay facha’ ngak e en nike rrin’ e kireb ngak me fith ni ngan n’agfan rok’. Fal’yangren nira rrin’ e pi denen ni rib kireb e yima pii’ e athamgil ngak ni nge non ngak e galibithir rok’.

32.4.2

Boech e Denen ni rib Kireb ni Dawrin Puwofaay nag fa yibe Fek Yathin

Bishof fa stake president e baga’ nima nang mornga’agen fare denen ni rib kireb napan ra puwofaay bee’ fa rung’ag mornga’agen rok’ bee’. Ma krayag nra thapeg fapi thogthog ni mornga’agen reb e denen ni rib kireb u dakean fare Kan ni Thothup. Fa’anra thamiy fapi thogthog nibe yib rok’ e Thothup ni bay bee’ nibe gafgow ko reb e denen, ma rayag nra interview nag facha’. Ngiyal’ ko fare interview, mara weliy e tin nibe m’agfaen’ ngay u fithik e t’ufeg, nge tayfan. Ma nge rrin’ ni lingan e thin rok’ e dabi turguy e kireb ngak facha’.

Fa’anra fare member era fek yathin ni dani rrin’ fare denen ni rib kireb ma fare bishof fa stake president e bay e pow riy nira dag, ma fare membership council e kara tu’uf ni yira tay. Machane, tin nikan thothog nag nib thothup e dani gaman ni ngan tay fare mo’olung ko council (muguy ko Doctrine and Covenants 10:37). Fapi tiyuang’ e rayag ni ngar gayed boech mornga’agen ni fa’anra tu’uf. Ra rrin’ nibe yean u kanawo’en ni ba’aray ulan e 32.4.3 nge 32.10.2.

32.4.3

Kunuy Mornga’agen nga Ta’abang

U mm’on ningan tay fare membership council, fare bishof fa stake president e kunuy nga ta’abang urngin mornga’gen e tin nib tu’uf. Puwofaay ni mornga’agen nira yib rok’ fare member e baga’ ma bagaman. Krayag ni pi mornga’agen e pin’ey era yib rok’ e gathon e tabinaew, reb e tiyugang’ ko Galasia, en nikan rrin’ e kireb ngak, fa bee’ nib mu’un ko fare denen.

Napan ni yibe kunuy mornga’agen nga ta’abang, fare bishof fa stake president susun nikemus ni nge rrin’ e biney u fithik e mat’aw nge yaram ya ir e bee’ ni reb e tiyuang’ nibay e preisthood rok’. Susun ni dabi taliyeg nag e tabinaew rok’ bee’ fa record nag mornga’agen ni dani nang facha’. Ma susun ni kudabi rrin’ bugi ban’en nib togopluw ko motochiyel ko nam.

Turguy e kireb ngak bee’ ni deriyul’ e de buch bo’or machane ma buch. Fapi tiyugang’ nibay e priesthood roraed e thingari kol ayuwgaed ko mornga’agen e pin’ey ni fa’anra kemus nibe yib ko thin rok’ ta bee’. Woed, reb e member nikan turguy e kireb ngak nikar pirew bee’ ni gathi mabgol rok’ ni bay nira fek yathin e tiney e kireb. Fapi chep nib thothup e ke weliy ni “gubin e thin ni yira yoeg nib togopluw ngak facha’ e bay l’agruw nii’ riy ko galasia nira micheg” (Doctrine and Covenants 42:80). “L’agruw nira micheg” e be yipfan l’agruw mornga’agen nira tu’uf ni nge yib rok’ l’agruw nii’ nib thil. Biney e rayag ni yib ko thin rok’ bee’ nib mu’un ko biney nge ku boech mornga’gen ni rayag ni ngan fanay. Bay boech i ngiyal’ ni fare tiyugang’ nibay e preisthood rok’ era tu’uf ni nge soen nge mada’ ko ngiyal’ nike thapeg mornga’agen ni bo’or.

Napan fare tiyugang’ ko Galasia e be kunuy mornga’agen nga ta’abang nifan fare membership council, thingari tal napan ra nang ni fapi motochiyelen e aam e be gay mornga’agen fare member. Biney e yima rrin’ ni bachan ni dabi talag fare tiyugang’ e tin nib tu’uf ni ngan rrin’ nib justice. Mornga’agen e biney ni ngan rrin’ ni mat’aw rogon ko motochiyel u Mariken nge Kanada, fare stake president ra kol nag fare Office ko Galasia ko General Counsel:

1-800-453-3860, extension 2-6301

1-801-240-6301

U wuru’ yu Mariken nge Kanada, fare stake president e nge kol nag fare area legal counsel ko fare area office.

Gathi ri yima tay fare membership council ni ngan sikeng nag facha’ ko n’en nike rrin’ nib kireb nifan e court nge mada’ ko ngiyal’ nike mu’ e court i pufthin nag facha’. Bay ni boech e mo’olung u court era tu’uf ma be mat’aw ni ngan soen ni dabin rrin’ fare membership coucil nge mada’ ko ngiyal’ nike m’ay e tin nu court ban’en fa ngiyal’ nikan siyeg fare mo’olung u court.

32.4.4

Mith Thibolngin

Fapi bishof, nge fapi stake president, nge fapi counselor roraed e bay e muruwel roroaed ni ngar ayuweged mornga’agen gubin ban’en niran noeg ngoraed. Mornga’agen e tiney e ma yib ko fapi interview, fapi mo’olung, nge fapi puwofaay. Pin’ey ni yima rrin’ ni nge mitheg thibolngin e ku ta’areb rogon ni ngan rrin’ ulan fapi membership council. Mith thibolngin e rib ga’fan ni bachan e member e bay ni dabi puwofaay nag e denen fa gay e ayuw ni fa’anra tin ni yaedra yoeg e dabin mitheg thibolngin. Kireb nag thibolngin fare member nge tin nib pagaen’ ngay era kireb nag fare pagean’ rok’ ngak e tiyugang’ roraed.

Ul’ul’ ko muruwel roraed ni ngan mitheg thibolngin facha’, fare bishof, stake president, fa fapi counselor roraed e karimus ni rayag ni ngar weliyed mornga’agen e pin’ey ni ba’aray rogon:

• Ba tu’uf ni ngar noned ngak fare stake president ko fare member, mission president, fa bishof ko mornga’agen nib tu’uf ni ngan tay fare membership council fa ku boech ban’en nib ga’fan. Ma fare stake president e krayag ni nge non ngak fapi Area Seventy. Ma fa’anra ba tu’uf, ma fare Area Seventy e rayag ni nge pii’ raed ko fare Area Presidency. Karimus ni fare stake president era duugliy ko yira rrin’ fare mo’olung ko council fa karimus ni ir era duugliy ko mang e ngan rrin’.

• Bee’ nike yaen ngalan reb e ward nib be’ech (fa fare tiyugang’ ko priesthood e kan l’uuf ko fare liiw) ko ngiyal’ ni yibe rrin’ e pin’ey fa yibe soen nag mornga’agen. Fa’anra buch ni array rogon, fare tiyugang’ e nge non ngak fare bishof nib be’ech fa stake president ko mornga’agen fapi n’en nge tin yira rrin’ (muguy ko 32.14.7). Ma krayog ngak fare tiyugang’ ni fa’an fare member e be ognag e cham ngak boech e gidii’.

• Fare bishof fa stake president e ke nang ni reb e member ko chonggin e Galasia nibe par u wuru’ fare ward fa stake e un ko reb e denen ni rib kireb. Napan ra buch e biney, ma fare bishof era non ngak fare bishof ko fare member u fithik e mith thibolngin.

• Rib tu’uf ni ngan weliy gubin ban’en ulan fare mo’olung ko membership council. Gubin ban’en ni mornga’gaen ni yira weliy ni bang ko fare membership council e rib tu’uf ni nge par nib mith thibolngin.

• Member e rayag ni nge pii’ mat’won fare tiyugang’ ni nge weliy mornga’agen e biney ngak facha’ nib mudugil. Biney e bay nib mu’un e galibthir ngay, Tiyugang’ ko Galasia, fa ku boech e gidii’ nira pii’ e ayuw. Fare tiyugang’ e dabiyag ni nge yoeg mornga’agen e pin’ey ni fa’anra dawri pii’ fare member mat’won ni rayag ni nge rrin’.

• Krayag ni kemus ni buchu’uw mornga’agen e tin nike duugliy fapi membership council e yira yoeg (muguy ko 32.12.2).

Tin ni kabay ni mornga’agen e tiney, fare tiyugang’ e nge guy ko 32.4.5. Woed ni tiney era buch u napan ni fare motochiyel ko nam era tu’uf e tin nib kireb, ni woed e gafgow nag e bitir, e ngan noeg ngak fapi aam nibay mat’won.

Ngan ayuweg fapi tiyugang’ ni ngar ayuweged boech e gidii’ min rrin’ ni woed rogon e motochiyel ko nam, fare Galasia e bay e gidii’ riy nib salap makan sukul nagraed ko rogon e pin’ey. Ra ngan thapeg kanawo’en e biney, fapi tiyugang’ e ngar kol niged fare number ko Galasia nifen e ayuw ko cham ni fa’anra bay (muguy ko 32.4.5 nge 38.6.2.1). Ko gin ni dariy’ riy, fare stake president ni nge kol nag fare area legal counsel ko fare area office.

Karimus ni ta’areb e n’en nira buch ni fare bishof fa stake president e dabi mitheg thibolngin ma dabi soen ngan pii’ mot’won fa rogon ni woed rogon kanawo’en ni ngan rrin’. Biney e yira rrin’ ko napan nira tu’uf ni ngan ayuweg bee’ ni dabi thang e pogofan rok’ fa mada’ad ma dariy e ngiyal’ riy ni ngan rrin’ ni woed rogon kanawo’en ni ngan rrin’. Fa’anra buch e biney, ayuweg facha’ e bagel nib ga’fan ko bin ba’aray ni ngan mitheg thibolngin. Fapi tiyugang’ thingari kol niged fapi aam nibay mot’won ni rib papay.

Fa’anra fapi tiyugang’ e yaed be non ko email fa yaed be yoloey mornga’agen e pin’ey nga but’, ma thingara ayuweged mornga’agen ni dabi guy bee’. Ma thingara kireb niged fa ni gathay mornga’gen e pin’ey nikan yoloey nga but’ u tomuren ni kar mu’ gaed i fanay. Ma dani tu’uf ni ngar weliyed mornga’agen e tin ni dani tu’uf ni mornga’agen bee’.

Aam nibay mot’won e bay nira gay rogon nge fith fapi tiyugang’ nibay e preisthood roraed ko mronga’agen e tin nib mith thibolngin. Fa’anra buch e biney ulan yu Mariken nge Kanada, fare stake president e nge kol nag fare Office ko Galasia ko General Counsel:

1-800-453-3860, extension 2-6301

1-801-240-6301

U wuru’ yu Mariken nge Kanada, fare stake president e nge kol nag fare area legal counsel ko fare area office.

32.4.5

Report Nag ngak e Gidii’en e Aam

Boech e gidii’ nibe kalngaen’ e bay nikar kireb niged e yalen fa motochiyel nib criminal. Bay ni boech e ngiyal’, ma fapi gidii’en e aam e dani nang e biney. Fapi bishof nge stake president e ngar pii’ed e athamgil ngak fapi member ni ngar laked wo’en e motochiyel ko nam min report nag e pin’ey ko ngiyal’ nira tu’uf. Fapi tiygang’ e ngar michib niged ngak fapi member ni ngar gayed e ayuw ni rayag i fanay ko napan ni yaed be report nag mornga’agen ban’en. Yalen e Galasia e ngan fol ko motochiyel ko nam.

Bo’or yang, nge rogon e motochiyel riy ni fapi tiyugang’ nibay e priesthood roraed era tu’uf ni ngar report niged boech e ngongol ni dani fel’ napan ni yaedra nang mornga’agen. Woed, boech e pi state nge naam era tu’uf ni ngan non ngak e gafgow nag e bitir ngak e gidii’en e aam.

Ma ku boech e naam, e bay ni fare Galasia e ke muu’ i ngongliy reb e fon namba ko ayuuw ni nge ayuweg fapi bishof nge fapi stake president ko gafgow nib mith thibolngin. Pi tiyugang’ ney e susan ni ngar kol niged fare fon namba ko ayuw ko kachingiyal’ nem ko mornga’gen gubin ban’en nira buch ni yibe gafgow nag bee’—fa bee’ ni bay u bang ni yira gafgow nag riy (muguy ko 38.6.2.1). Biney e bay ni 24 e awa ulan reb e rran, 7 e rran ulan reb e wik.

Ko naam ni dariy e biney e fon namba ko ayuw riy, bishof nira pire’eg mornga’gen bee’ nibe gafgow nag bee’ e susun ni nge kol nag e stake president rok’, ni fare stake president ra gay kanawo’en ni ngan rrin’ ko fare area legal councel ko fare area office.

Ko boech mornga’agen ni ngan report nag bee’ nibe gafgow nag bee’, muguy ko 38.6.2.1 nge 38.6.2.7.

---

DUUGLIY FARE ROGON NI NGAN AYUWEG BEE’ NGE KALNGAEN’

---

32.5

Rogon fapi Kanawo’en ni ngan Ayuweg Bee’ nge Kalngaen’

Tomuren nira nang nike rrin’ reb e member e denen ni rib kireb, bishof fa stake president ni nge pii’ e ayuw ni nge ayuweg fapi gidii’ nikan rrin’ e kireb ngoraed. Ma kara gay fapi powi’iy nibe yib rok’ fare Kan ni Thothup ni nge duugliy fare rogon ni nge ayuweg bee’ nge kalngaen’ me chugur ngak fare Tathapeg.

32.5.1

Rogon fapi kanawo’en ni ngan Rrin’

Ba’aray dalip rogon fapi kanawo’en ni ngan ayuweg bee’ ni nge kalngaen’. Ma kabay nikan ngochngoch nag boech mornga’agen e tin ni rayag ni nge fanay e tiyugang’ u napan ni yaed be duugliy ko bin ngan ko pi kanawo’en ney e ngar rrin’ed.

Rogon fapi Kanawo’en ni ngan Ayuweg Bee’ nge Kalngaen’

Rogon fapi kanawo’en	Boech ni ngan tafney nag (ngkum guy ko 32.7)
Rogon fapi kanawo’en Membership Council ko Stake	Boech ni ngan tafney nag (ngkum guy ko 32.7) Fan ngak fapi members nikar thapegned e temple endowment. Rib tu’uf ni yira chuweg e membership ko Galasia rok’ fare pumo’on fa fare bpin ni fa’anra kan endow nag make rrin’ reb e pi denen ney ni rib kireb fa ngongol riy nibay mronga’agen ko 32.6.1, 32.6.2, fa 32.6.3.
Rogon fapi kanawo’en Membership Council ko Ward	Boech ni ngan tafney nag (ngkum guy ko 32.7) Fan ngak e member ni demuturug. Rib tu’uf ko fapi denen ni rib kireb nibay mornga’agen ko 32.6.1. Sana bay nira tu’uf ko fapi denen ni rib kireb nge ngongol riy nibay mornga’agen ko 32.6.2 nge 32.6.3. Dani gaman ni ngan chuweg e membership ko Galasia rok’ fare pumo’on fa fare bpin ni fa’anra kan endow nag make rrin’ reb e pi denen ney ni rib kireb fa ngongol riy nibay mronga’agen ko 32.6.1, 32.6.2, fa 32.6.3.
Rogon fapi kanawo’en Mo’olung ni Yigo Gur e Fan Ngom (muguy ko 32.8)	Boech ni ngan tafney nag (ngkum guy ko 32.7) Fan ngak e member ni demuturug. Bay ni yira uneg fapi siyegnag e membership ko Galasia ngay nib informal. (Mornga’agen ni dab ni tay ngalan e babyoren e galasia). Bay ni dani gaman ni fapi denen ni rib kireb fa ngongol riy ni reb fapi membership council e nge pii’ e ayuw ko wo’en e kalngaen’ (muguy ko 32.6.2 nge 32.6.3). Dani gaman ko fapi denen ni rib kireb nib tu’uf ni ngan tay fare membership council (muguy ko 32.6.1). Dani gaman ni ngan chuweg e membership ko Galasia rok’ fare pumo’on fa fare bpin ni fa’anra kan endow nag make rrin’ reb e pi denen ney ni rib kireb fa ngongol riy nibay mronga’agen ko 32.6.1, 32.6.2, fa 32.6.3.

Mo’olung ni yigo gur e fan ngom nge siyegnag nib informal nike yib rok’ e bishof fa stake president e boech e ngiyal’ e dani gaman ni nge ayuweg bee’ ko kalngaen’ ko denen ni rib kireb. Somoel e ke pii’ fapi membership council ni ngar ayuweged fapi tapufthin nu Isreal ko tiney e ban’en. (Muguy ko Exodus 18:12–27; Mosiah 26:29–36; Doctrine and Covenants 42:80–83; 102.) Boech e denen ni rib kireb, e rib tu’uf fare council ni ngan tay ni bachan fare yalen e motochiyel ko Galasia (muguy ko 32.6.1). Kireb nag e m’ag ko temeple e baga’ nira muudugil ni yira tay fare membership council (muguy ko 32.7.4).

Ulan e ward, ma fapi counselor ko fare bishof e yaedra pii’ e ayuw ko membership council. Ulan e stake, ma fapi counselor ko stake president e yaedra pii’ e ayuw. Ma boech e membership council ko stake, e bay nira un fare bin tolang e council ngay (muguy ko 32.9.2). Ulan e membership council, fare bishof fa stake president era mada’nag facha’ u fithik’ e t’ufeg nge thothup.

32.5.2

Duugliy fare Kanawo’en nge Ngiyal’ Riy

Napan ni yibe tafney nag ko bin ngan ko rogon fapi kanawo’en ni rib fel’ ni ngan rrin’ nge ayuweg facha’ nge kalngean’, ma fapi tiyugang e ngar gayed e tin nibe thogthog nag e Kan ni Thothup. Ma kayaed be tafney nag e tin ba’aray ban’en:

• Fare gelingin fare denen nge yalen e motochiyel ko Galasia ere duugliy ko ra tu’uf ni ngan tay fare council fa dangay (muguy ko 32.6)

• Tin nibe buch rok’ facha’ (muguy ko 32.7)

Bishof era puruy’ ngak fare stake president ko mornga’agen e tin nibe buch. Fare stake president e thingari pii’ mat’won u mm’on ni yira tay fare membership council.

Ko tin nib momaw’ ban’en, fare stake president e rayag ni nge fith e ayuw ngak fare Area Seventy. Fare stake president e thingari puruy’ ngak fare Area Presidency ko mornga’agen e pin’ey ni ba’aray ko 32.6.3. Machane, karimus ni fare stake president era duugliy ko yira tay fare council ni ngan weliy mornga’agen fare pinngiy. Fa’an ni yira tay fare coucil, ma fare stake president fa fare bishof era duugliy ko mang e ngan rrin’.

Fa’anra duugliy fare bishof fa stake president ni fare mo’olung ni yigo gur e fan ngom e bagaman, mara rrin’ ni ba’aray rogon kanawo’en ko 32.8. Fa’anra duugliy nira tu’uf ni ngan tay fare membership council, fa ke yaen u rogon e yalen e motochiyel ko Galasia ni ngan tay fare council, ma enra rrin’ e biney e mo’olung era rrin’ ni woed rogon nibay ko 32.9–32.14.

U mm’on ni yira tay fare council, ma fare bishof fa stake president e bay nira duugliy ni fapi siyegnag e membership nib informal e kemus nifan e ta’abochingiyal’. Ra tay fare mo’olung ko council ni fa’anra manang nira ayuweg fare member nge kalngaen’ u fithik e yul’yul’. Machane, susun ni dabi sasaga’al nag e council ni fa’anra ba tu’uf ni nge pii’ e ayuw ni nge ayuweg fapi gidii’ nikan rrin’ e kireb ngoraed.

32.6

Gelingin fare Denen nge Yalen e Motochiyel ko Galasia

Fare gelingin e denen e bang ni rib ga’fan nira duugliy rogon fapi kanawo’en nira pii’ e ayuw nge (1) ayuweg me yororiy e gidii’ me (2) ayuweg facha’ nge kalngaen’. Somoel e ga’ar “dabiyog ni nge sap ko denen ni mus ko tin ba achichig ma dabiyog.” (Doctrine and Covenants 1:31; ngkum guy ko Mosiah 26:29). Fapi tapigpig rok’ e thingari dabra fekyathin e pow ko denen ni rib gel e kireb riy.

Ya denen ni rib gel e kireb riy e ke yib ko tafney ni ngan rrin’ ma rib togopluw ko motochiyel rok’ Got. Ba’aray fithingan fapi denen ni rib gel e kireb riy.

• Ngongol ko cham nge gafgownag bee’ (muguy ko 32.6.1.1 nge 32.6.2.1)

• Galong (Muguy ko 32.6.1.2 nge 32.6.2.2)

• Ngongolan e liyeb (muguy ko 32.6.1.3 nge 32.6.2.3)

• Pagaen’ nikan gathay nag (muguy ko 32.6.1.4 nge 32.6.2.4)

• Nge ku boech e ngongolen (muguy 32.6.1.5 nge 32.6.2.5)

Tin ba’aray e pi guruy era weliy ko ngiyal’ nira tu’uf e membership council, ngiyal’ ni sana ra tu’uf, nge ngiyal’ ni dani tu’uf.

32.6.1

Ngiyal’ nira Tu’uf e Membership Council

Fare bishof fa stake president e thingari tay fare membership council napan ra nang nike rrin’ reb fapi members e denen ni rib kireb nikan weliy mornga’agen ulan e pi guruy ney. Ya tiney e denen, e rib tu’uf fare council ngay ni demuturug gelingin e thothup rok’ facha’ nge rogon e llowaen’ rok’ ko gospel.

Muguy ko 32.11 n’en ni yira rrin’ ko council nibe yaen u rogon fare denen nikan yoloey ulan e biney e guruy. Siyegnag e membership nib informal e gathi biyang nib tu’uf ko mit ney e council.

Fapi Denen Nira Tu’uf ni Ngan Tay fare Membership Council

• Mathang pogofan

• Rape

• Galong nib mu’un e cham ngay nge tha’ab e motochiyel

• Gafgownag e bitir fa fal’yangren

• Gafgownag e mabgol fa gafgow nag bee’ nib ilal (ni woed rogon nibay ko 38.6.2.4)

• Ngongol ko wawoliy e (cham, galong, fa salpiy)

• Ngongol ko ‘galong ulan e tabinaew

• Pornography ko bitir (ni woed rogon nibay ko 38.6.6)

• Reb e mabgol ni bo’or e gidii’ ngay

• Reb e denen ni rib kireb ko ngiyal’ ni bay e liiw rom ulan e Galasia

• Tha’ab e motochiyel ko urngin mit e cham

32.6.1.1

Ngongol ko Cham nge Gafgownag

Mathang Pogofan. Rib tu’uf ni yira tay fare membership council ni fa’anra bay reb e member nike thang e pogofan rok’ bee’. Woed rogon ni ba’aray mornga’agen, mathang pogofan e ban’en nikan mu’ i tafney nag rogon, ma dani mat’aw ni ngan thang e yafos rok’ bee’. Rib tu’uf ni yira chuweg fare membership ko Galasia rok facha’.

Mathang pogofan e dani ta’areb rogon ni fa’anra be un facha’ ko police fa salthaw nibe pigpig nifan e naam rok’. Lii’ e bitir u mm’on ni ngan gargeleg e gathi bang ko mitney e mathang pogofan. Fa’anra ke yim’ bee’ ni gathi tafney ku bee’ ni nge mada’ad ngak’ fa bee’ nibe gay rogon ni nge ayuweg ir ku bee’ ni be gay rogon e mada’ad ngak, ma thang e yafos rok’ bee’ e sana gathi yira yoeg ni thang e pogofan. Biney e ku woed nib ta’areb rogon ko boech ban’en, ni woed bee’ ni dani fel’ e man’aey rok’.

Rape. Rib tu’uf ni yira tay fare membership council nifan e rape. Woed rogon ni ba’aray mornga’agen, rape kan towasoriy bee’ ni ngan puunpuun nag fa ni puunpuun nag bee’ nib m’ar ko man’aey fa ba kireb e dogur rok’. Woed rogon ni ba’aray mornga’agen, rape biney e puunpuun e bathil ni fa’anra fagli cha’ e ba chuchugur e yangar rorow niyow bitir.

Galong nib Mu’un e Cham ngay nge Tha’ab e Motochiyel. Rib tu’uf ni yira tay fare membership council ni fa’anra bay reb e member nike tha’ab e motochiyel ko galong nib mu’un e cham ngay.

Gafgownag e Bitir fa Fal’yangren. Rib tu’uf ni yira tay fare membership council ni fa’anra bay bee’ nibe gafgownag e bitir fa fal’yangren ni ba’aray rogon nikan weliy marunga’agen ko 38.6.2.3.

Gafgownag e Mabgol fa Gafgownag reb e Ilal . Bay gelingin nib thilthil rogon e ngongolen ko gafgownag bee’. Muguy ko 38.6.2.4 ko ngiyal’ nira tu’uf e Membership Council nifan e gafgownag e mabgol fa gafgownag bee’ nib ilal.

Wawoliy e Ngongol ko Cham. Rib tu’uf ni yira tay fare membership council ni fa’anra bay bee’ nib ilal nibe ul’ul’ nge gafgownag downgin e gidii’ ko ngongol ko cham ma kabe dumow ngak boech e gidii’.

32.6.1.2

Galong

Ngongol ko Galong ulan e Tabinaew. Rib tu’uf ni yira tay fare membership council nifan e ngongol ko galong ulan e tabinaew ni woed rogon nikan weliy ko 38.6.10. Rib tu’uf ni yira chuweg e membership ko Galasia rok’ facha’ ni fa’anra ke rrin’ e biney.

Pornography ko Bitir. Rib tu’uf ni yira tay fare membership council ni fa’anra bay bee’ nib mu’un ko pornography ko bitir ni woed rogon nikan weliy ko 38.6.6.

Reb e Mabgol ni Bo’or e Gidii’ Ngay. Rib tu’uf ni yira tay fare membership council ni fa’anra bee’ e manang nike un ko mabgol ni bo’or e gidii’ ngay. Boech e mabgol ni bo’or e gidii’ ngay e mith mornga’agen, ni bee’ nib mabgol e dani nang mornga’agen facha’ fa fapi gidii’ nikan mabgol ngak. Rib tu’uf ni yira chuweg e membership ko Galasia rok’ facha’ ni fa’anra manang facha’ nike un ko mabgol ni bo’or e gidii’ ngay.

Wawoliy e Ngongol ko Cham. Rib tu’uf ni yira tay fare membership council ni fa’anra bay bee’ nib ilal nibe gafgownag e gidii’ ko galong ma kabe dumow cham ngak boech e gidii’.

32.6.1.3

Ngongolan e Liyeb

Wawoliy e Ngongol ko Salpiy. Rib tu’uf ni yira tay fare membership council ni fa’anra bay bee’ nib ilal nibe ul’ul’ nge gafgownag e gidii’ ko salpiy ma kabe dumow cham ngak boech e gidii’ (muguy ko 38.6.2.4). Biney e mu’un e liyeb ngay ko mornga’agen e salpiy nge ku boech ban’en nib chugur rogon ko biney. Salpiy nike l’oboch ni bachan e rogon e par ko naam e gathi bang ko mitney e liyeb. Fa’anra mu’un e court ko biney, fapi tiyugang’ ko priesthood e rayag ni ngar duugliyed ni ngar soengaed nga mada’ ko ngiyal’ nike muudugil e n’en nira buch. Muguy ko 32.6.3.3 ni fa’anra bay reb e member nike gathay nag e salpiy fa kireb nag ban’en nifan e Galasia.

32.6.1.4

Pagaen’ nikan Gathaynag

Reb e Denen ni rib Kireb ko Ngiyal’ nibay e Liiw Rom ulan e Galasia. Rib tu’uf ni yira tay fare membership council ni fa’anra bay reb e member nike rrin’ reb e denen nib gel e kireb ngay ko ngiyal’ nibay e liiw rok’ ulan e Galasia. Tiney era tu’uf nira un fapi General Authority, General Church Officer, Area Seventy, temple president fa matron, mission president nge fare companion rok’, stake president, patriarch, fa bishof. Biney e bathil rogon ko branch president. Machane, fapi mat’won e branch president nge membership rok’ ko Galasia e rayag ni yira siyeg fa ni chuweg ni ku woed rogon e members.

32.6.1.5

Boech e Ngongol

Tha’ab e Motochiyel ko Cham. Rib tu’uf ni yira tay fare membership council ni baga’ ni gubin ngiyal’ napan nibay bee’ nike the’eb e motochiyel ko cham.

32.6.2

Ngiyal’ ni Sana ra Tu’uf e Membership Council

Rib tu’uf ni sana yira tay fare membership council ko tin ba’aray ban’en.

32.6.2.1

Ngongol ko Cham nge Gafgownag

Motochiyel nag Somoel, “Ni dabin … lii’, fa ni rrin’ ban’en ni woed e biney” (Doctrine and Covenants 59:6; kan uneg e italics ngay). Ngongol ko cham nge gafgow e bay ni sana yira tay fare membership council nib mu’un (machane gathi kemus array rogon) ko tin ba’aray rogon nikan yoloey nga tanggin.

Gay Rogon i Mathang e Pogofan. Tafney nag rogon ni ngan lii’ bee’.

Gafgownag bee’ ko Galong, Nib Mu’un e Cham nge Tawasor Ngay. Gafgownag bee’ ko ngongol ko galong e bo’or nib thilthil rogon (muguy ko 38.6.18). Rib tu’uf ni sana yira tay fare membership council nifan facha’ nike gafgownag bee’ ko galong fa kemus nibe gafgownag. Rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fake rrin’ fare denen ni gathi ta’abiyay. Muguy ko 38.6.18.3 ko ngiyal’ nira tu’uf fare council.

Gafgownag e Mabgol fa Gafgownag reb e Ilal . Bay gelingin nib thilthil rogon e ngongolen ko gafgownag bee’ (muguy ko 38.6.2.4). Rib tu’uf ni sana yira tay fare membership council nifan facha’ nibe gafgownag e mabgol rok’ fa reb e ilal. Rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fa nike rrin’ fare denen ni gathi ta’abiyay. Muguy ko 38.6.2.4 ko ngiyal’ nira tu’uf fare council.

32.6.2.2

Galong

Fare motochiyel rok’ Somoel ko falan e dowef e ngan ayuwegney ni damu pirew bee’ ni gathi mabgol rom makemus ni biney era buch u thilin e pumo’on nge bpin nike mabgol (muguy ko Exodus 20:14; Doctrine and Covenants 63:16). Rib tu’uf ni sana yira tay fare membership council nifan e galong ni woed rogon nikan weliy ko 38.6.5. Ko tiney e ban’en, rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fa nike rrin’ fare denen ni gathi ta’abiyay. Muguy ko 32.6.1.2 ko ngiyal’ nira tu’uf fare council.

32.6.2.3

Ngongolan e Liyeb

Fare Ragag i Motochiyel e michib nag ni, “Dab mmoro’ro’” fa “dab mu t’ar e thin nga daken be’” (Exodus 20:15–16). Rib tu’uf ni sana yira tay fare membership council nifan e tin ba’aray e ngongol ni woed e moro’ro’, irring e chugum ulan e nu’un, sasalap, moro’ro’ salpiy, baen, nge liyeb. Muguy ko 38.8.2 ko mornga’agen e liyeb. Ko tiney e ban’en, rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fake rrin’ fare denen ni gathi ta’abiyay.

Muguy ko 38.8.2 ko mornga’agen e liyeb. Muguy ko 32.6.1.3 ko ngiyal’ nira tu’uf fare council ko ngongolan e liyeb. Muguy ko 32.6.3.3 ni fa’anra bay reb e member nike gathay nag e salpiy fa kireb nag ban’en nifan e Galasia.

32.6.2.4

Pagaen’ nikan Gathaynag

Rib tu’uf ni sana yira tay fare membership council ni fa’anra fare member e ke:

• Rrin’ e denen ni rib kireb ko ngiyal’ ni’ir reb e tiyugang’ fa bay e liiw rok’ ulan e Galasia fa lan e flock.

• Rrin’ e denen ni rib kireb make garar mornga’agen.

Ko tiney e ban’en, rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fake rrin’ fare denen ni gathi ta’abiyay.

Muguy ko 32.6.1.4 ko ngiyal’ nira tu’uf fare council. Muguy ko 32.6.3.3 ni fa’anra bay reb e member nike gathay nag e salpiy fa kireb nag ban’en nifan e Galasia.

32.6.2.5

Boech e Ngongol

Pilung Benjamin e michib nag ni, “dabiyog ni ngog ngomed gubin banʼen u rogon e gin ni gimed ra denen riy; ya bay nib thilthil woʼen nge rarogon, ni rib yoʼor ni dabiyog i thiʼeg rog.” (Mosiah 4:29). Rib tu’uf ni sana yira tay fare membership council ni fa’anra fare member e ke:

• Dag ni gathi ta’ab biyay nike rrin’ fare denen ni rib kireb (muguy ko Doctrine and Covenants 82:7).

• Ke pag ni dakir rrin’ e tin ni muruwel rok’ u tabinaew, nib mu’un ni dakir pii’ pilwon fare tir nge salpiy nifen fare bpin.

• Mak’ar cham, demuturug ko ngak bee’ fa ngak bee’ u online (muguy ko 32.2.1).

• Pii’ ni chuway’ e falay nib illegal.

• Rrin’ boech e ngongol ni rib gel e criminal riy.

Ko tiney e ban’en, rib tu’uf ni yira tay fare council ni nge ayuweg fare member nge kalngaen’ ni fa’anra ke gathay nag fapi m’ag u temple fake rrin’ fare denen ni gathi ta’abiyay.

Rib tu’uf ni sana yira tay fare membership council ni fa’anra ke pii’ fare member e babyor ni ngan, ngongliy, ayliy rogon, pii’ pilwon, fa ni lii’ e bitir ni kabay u yol u mm’on ningan gargeleg. Muguy ko 38.6.1 ko mornga’agen rogon ningan rrin’.

Ngiyal’ nira Tu’uf e Membership Council fa Ngiyal’ ni Sana ra Tu’uf

Mit e Denen	Rib tu’uf ni yira tay fare Membership Council (muguy ko 32.6.1)	Rib tu’uf ni Sana Yira tay fare Membership Council (muguy ko 32.6.2)
Mit e Denen Ngongol ko Cham nge Gafgownag	Rib tu’uf ni yira tay fare Membership Council (muguy ko 32.6.1) Mathang pogofan Rape Galong nib mu’un e cham ngay nge tha’ab e motochiyel Gafgownag e bitir fa fal’yangren Wawoliy e Ngongol ko Cham	Rib tu’uf ni Sana Yira tay fare Membership Council (muguy ko 32.6.2) Gay rogon e mathang pogofan Gafgownag bee’ ko galong, nib mu’un e cham nge tawasor ngay (muguy ko 38.6.18 ko ngiyal’ nira tu’uf fare council) Gafgownag e Mabgol fa Gafgownag reb e Ilal (muguy ko 38.6.2.4 ko ngiyal’ nira tu’uf fare council)
Mit e Denen Galong	Rib tu’uf ni yira tay fare Membership Council (muguy ko 32.6.1) Ngongol ko qgalong ulan e tabinaew Pornography ko bitir Reb e mabgol ni bo’or e gidii’ ngay Wawoliy e ngongol ko galong	Rib tu’uf ni Sana Yira tay fare Membership Council (muguy ko 32.6.2) Dirngal, iling, galong u thilin e bpin nge bpin nge pumo’on nge pumo’on, nge gubin mit e galong nibay nga wuru’ e mabgol u thilin e pumo’on nge bpin, nib mu’un e galong ngay u online fa ko fon. L’agruw nii’ ni yow be par u ta’abang machane dawra mabgol gow, l’agruw i bpin fa pumo’on ni yow be par u ta’abang, nge mabgol ko bpin nge bpin nge pumo’on nge pumo’on. Alamrin i yaaliy ya’an fa momaw’ i talegney i guy e pornography nike gathaaynag e mabgol rok’ reb e member fa tabinaew rok’
Mit e Denen Ngongolan e Liyeb	Rib tu’uf ni yira tay fare Membership Council (muguy ko 32.6.1) Wawoliy e ngongol ko salpiy, ni woed e moro’ro’ nge ku boech e ngongol nib ta’areb rogon ko tiney (muguy ko 32.6.3.3 ni fa’anra bay reb e member nike gathay nag e salpiy fa kireb nag ban’en nifan e Galasia)	Rib tu’uf ni Sana Yira tay fare Membership Council (muguy ko 32.6.2) Moro’ro’, irring e chugum ulan e nu’un, sasalap, fa moro’ro’ salpiy (muguy ko 32.6.3.3 ni fa’anra bay reb e member nib mu’un ko moro’ro’ salpiy ko Galasia fa ban’en nifan e Galasia) Baen
Mit e Denen Pagaen’ nikan Gathaynag	Rib tu’uf ni yira tay fare Membership Council (muguy ko 32.6.1) Reb e denen ni rib kireb ko ngiyal’ ni bay e liiw rom ulan e Galasia	Rib tu’uf ni Sana Yira tay fare Membership Council (muguy ko 32.6.2) Rrin’ e denen ni rib kireb ko ngiyal’ ni’ir reb e tiyugang’ fa bay e liiw rok’ ulan e Galasia fa lan e flock (muguy ko 32.6.3.3 ni fa’anra bay reb e member nib mu’un ko moro’ro’ salpiy ko Galasia fa ban’en nifan e Galasia) Denen ni rib kireb make garar mornga’agen
Mit e Denen Boech e Ngongol	Rib tu’uf ni yira tay fare Membership Council (muguy ko 32.6.1) Tha’ab e motochiyel ko urngin mit e cham	Rib tu’uf ni Sana Yira tay fare Membership Council (muguy ko 32.6.2) Mathang pogofan ko bitir ni kabay u yol (makemus ni fa’anra bay mornga’agen ko 38.6.1 nib ta’areb rogon ko biney) Dag ni gathi ta’abiyay nike buch fare denen ni rib kireb Pag ni dakir rrin’ e tin ni muruwel rok’ u tabinaew, nib mu’un ni dakir pii’ pilwon fare tir nge salpiy nifen fare bpin Pii’ ni chuway’ e falay nib illegal Boech e ngongol ni rib gel e criminal riy

32.6.3

Napan nira Gopuruy’ fare Stake President ngak fare Area Presidency ko fa’anra tu’uf ni yira tay fare Membership Council fa kabay Boech Ban’en nib tu’uf ni ngan Rrin’

Boech ban’en e rib tu’uf ni ngan ayuweg mornga’agen nge rogon kanawo’en ni ngan rrin’. Ra ngan nang rogon ni ngan pii’ e ayuw, fare stake president era gopuruy’ ngak fare Area Presidency ko mornga’agen e pin’ey nibay ko biney e section. Machane, karimus ni fare stake president era duugliy ko yira tay fare council ni ngan weliy mornga’agen fare pinngiy. Fa’an ni yira tay fare coucil, ma fare stake president fa fare bishof era duugliy ko mang e ngan rrin’.

Fa’anra yira tay fare membership council nifan reb e pin’ey nikan weliy mornga’agen ko biney e section, ma tin nike duugliy fare council e thingari “par nib ul’ul’ i rrin’ e tin nib mangil ban’en,” fa ni chuweg fare membership. Fare bin Somm’on e Presidency era pii’ mat’won ni ngan luuf fapi chuwegnag fa kun ni fulweg facha’ biyay ko Galasia (muguy ko 32.16.1, number 9).

32.6.3.1

Boech ni Krayag

Fa’anra dawrin tay fare membership council, ma krayag nib mu’un e:

• Siyegnag e membership nib informal (muguy ko 32.8.3).

• Bay e annotation ko membership record (muguy ko 32.14.5).

• Fapi siyegnag ko gam’ing, biney e be siyegnag facha’ ni dabiyag ni nge thapeg fa fanay fare preisthood fa thapegnag fa fanay fare recommmend ko temple.

Fare stake president era gopuruy’ ngak fare Area Presidency u mm’on ni ngan rrin’ reb e pinn’ey.

32.6.3.2

Apostasy

Apostasy e baga’ ma dabiyag rok’ e ward fa stake ni ngar rrin’ed ban’en ngay. Rib tu’uf ni ngar weliyed e biney ko chingiyal’ nem ni ngar ayuwegned boech e gidii’.

Fare bishof era gopuruy’ ngak fare stake president ni fa’anra be thamiy nibay reb e member nibe yaen u wa’en e apostasy. Fare bishof fa stake president e rayag nira siyegnag fare membership rok’ facha’ nib informal (muguy ko 32.8.3). Ma fare stake president e nge gopuruy’ ko chingayal’ nem ngak fare Area Presidency. Machane, kemus ni yigo stake president e rayag ni nge duugliy ko rib tu’uf ni yira tay fare membership council fa kabay boech ban’en nib tu’uf ni ngan rrin’.

Woed rogon ni ba’aray, apostasy e be yipfan ni fare member e be un ngareb e pin’ey:

• Gathi ta’abiyay nibe gay rogon ninge gathaynag mornga’agen e Galasia, michib riy, fapi yalen, nge fapi tiyugang’ riy

• Ul’ul’ ngan michib ni woed rogon e michib ko Galasia ni gathi michib ko Galasia u tomuren nike mu’ fare bishof nge fare stake president i yoeg rogon ngak

• Be dag nibe ul’ul’ nge muruwel ni nge waer nag e mich ko gidii’en e Galasia

• Ul’ul’ nge leak fapi machib rok’ fapi gidii’ ni apostate u tomuren nike mu’ fare bishof fa stake president i yoeg rogon ngak

• Mu’un ko reb e galasia nge fil rogon e machib riy (Matal ko Galasia fa un ngareb e galasia e gathi apostasy. Machane, fa’anra un fare member ngareb e galasia me un ko rogon e yalen e machib riy, e rib tu’uf ni yira chuweg fare membership rok’.)

Fare Tathapeg e machib nag ngak fapi Nephite ni ngar ul’ul’ gaed ngar machibgaed ngak facha’ nike denen. “Machane faʼanra dabi kalngaenʼ ma dab mu uneged ko mathaʼeg nga fithikʼ e gidiiʼ rog, ni nge siyi gatheaye gidiiʼ rog (3 Nephi 18:31).

32.6.3.3

Moro’ro’ Salpiy ko Galasia

Fa’anra bay reb e member nike moro’ro’ salpiy ko Galasia fa ke irring ban’en nifen e Galasia, ma fare stake president e nge gopuruy’ ngak fare Area Presidency ko fa’anra tu’uf ni yira tay fare membership council fa kabay boech ban’en nib tu’uf ni ngan rrin’. Fapi tiyugang’ e ngar lemniged e tin ba’aray:

• Urngin fapi salpiy nikan irring fa kan moro’ro’ nag.

• Fare moro’ro’ salpiy e kemus ni ta’abiyay nike buch fa bo’or yay.

• Ke buch nikan fulweg fare salpiy.

• Rogon gelingin fare kirbaen’ rok’ facha’.

• Fare liiw rok’ fare member (muguy ko 32.6.1.4 fan ngak e member nibay e liiw rok’ ulan e Galasia).

Fare stake president era report nag reb e tin ba’aray ko Leader and Clerk Resources:

• Tin nira buch u tomuren fare membership council

• Nike gopuruy’ ngak fare Area Presidency makan duugliy ni dani tu’uf ni yira tay fare membership council

Fa’anra fare Auditing Department ko Galasia e ke duugliy ni fare tiyugang’ fa facha’ nima mururwel ko Galasia e ke moro’ro’ salpiy fake gathaay ban’en ko galasia, ma fare bin Somm’on e Presidency e bay ni yaedra yoeg ni ngan tay e annotation ko fare membership record rok facha’. “Tiyugang’” e kan weliy ni bee’ nibay e liiw rok’ ulan e Galasia, ni ku woed fapi counselors, fapi clerks, nge fapi branch presidencies. Napan niran mu’nag fare kalngaen’, ma fare stake president era yoeg ningan luuf fare annotation (muguy ko 32.14.5 nge 34.7.5). Annotation e dar yipfan nikan tay fare membership council fa bay boech ban’en nike buch.

32.6.3.4

Bee’ nib Transgender

Fapi bishof nge stake presidents ni yaed be ayuweg e gidii’ nib transgender e susun ni ngar laked wo’en ni ba’aray ko 38.6.23.

32.6.4

Ngiyal’ ni Gathi Rib Tu’uf ningan tay fare Membership Council

Fare membership council e gathi rib tu’uf ko tin ba’ray ban’en.

32.6.4.1

Danir Fol ko Boech e Yalen e Galasia

Dabin tay fare membership council nifan e tin ba’aray e ngongol nikan yoloey nga tanggin. Machane, kemus nira thill ni ba’aray rogon nikan yoloey ko bin tomur.

• Matal ko mu’un ko tin nifan e Galasia

• Danir rrin’ e muruwel ko Galasia

• Danir pii’ pilwon e tithing

• Danir rrin’ e tin ni susun ni ngan rrin’

• Siir

• Danir fol ko Thin ko Gonop

• Guy e pornography, machane gathi pornography ko bitir (woed rogon nibay ko 38.6.6) fa rib alamrin i guy e pornography fa dabkiyeg ningan talegney i guy e pornography make gathay e mabgol fa tabinaew (woed rogon nibay ko 38.6.13).

32.6.4.2

Business ni Dani Mon’og fa Malifith ni Dawrin Pii’ Pulwon

Fapi tiyugang’ e susun ni dabra ted fare membership council nifan e business nibe me’elegthin. Business ni dani mon’og nge malifith ni dawrin pii’ pilwon e gathi fan e membership council. Machane, fare council e yira tay nifan e ngongol ko sasaliyeb fa ku boech e ngongol nib mu’un e sabanban ngay ko mornga’agen e salpiy (muguy ko 32.6.1.3).

32.6.4.3

Me’elegthin u Thilin e Gidii’

Membership council e dabin tay ni nge fel’eg thilin e gidii’ (muguy ko Doctrine and Covenants 134:11).

32.7

Tin nibe Buch Rok’ Facha’

Somoel e ga’ar, “kug kʼiyeg paʼag nib sug ko murnguy ngomed, ni enra yib ngog, e irechaʼ ni gura fek; ma rafelʼ waʼathan e piʼin ni yaedra yib ngog” (3 Nephi 9:14). Tin nibe buch rok’ facha e bang ni rib ga’fan ni yira tafneynag nira duugliy:

• Fare rogon fapi kanawo’en ni yira pii’ e ayuw ngak facha’ nge kalngean’ ko fapi denen ni rib kireb (muguy ko 32.5 nge 32.6).

• Fapi n’en nikan duugliy ulan fare mo’olung nifan ngom fa ulan fapi membership council (muguy ko 32.8 nge 32.11).

Tin Ningan Tafneynag ni Rayag Nira Ayuwegney ngan Duugliy

• Ga’angin fare denen

• Rogon e Tafney rok’ facha’ nikan rrin’ e kireb ngak

• Pow ko kalngaen’

• Gathaay nag fapi m’ag ko temple

• Liiw rok’ e tiyugang’ fa En nibay Mat’won

• Bukuun Yaay

• Yangar, ilal, nge na’ab

• Ga’angin e llowaen’

• Gur rom nikam puwofaay nag

• Thilin e ngiyal’ ko denen nge puwofaay nag

Fapi bishof nge stake presidents e ngar gayed miyaed rrin’ ni woed rogon nib magaen’ Somoel ngay ko pin’ey nibe buch. Yaedra tafney nag e tin ba’aray ni nge duugliy ko bin ngan e yira fanay nge n’en nira buch riy ko tomur. Tiney e ban’en e gathi kemus ni rib milfan ngareb e pin’ey ni yira duugliy. Machane, tiney e bugi ayuw nira ayuweg e tiyugang’ ko tin ni yaedra duugliy u fthik e meybil nge tin nibay ni powi’iynag e Thothup.

32.7.1

Ga’angin fare Denen

Gelingin fani rib kireb fare denen e yima foleg ko rogon ga’angin. Biney era yaen u rogon urngin yay nikan rrin’ fa nike buch fapi denen, gelingin e kireb nike buch ni bachan, nge urngin e gidii’ nike mada’ad ni bachan.

32.7.2

Rogon e Tafney rok’ Facha’ nikan Rrin’ e Kireb Ngak

Fapi tiyugang’ e ngar uneged fapi tafney rok’ facha’ nikan rrin’ e kireb ngak nge ku boech e gidii’. Biney e rayag nib mu’un e mabgol rok’ facha’ ngay nge ku boech gathon e tabinaew. Fapi tiyugang’ e ngar uneged ngay fare gelingin fare mada’ad.

32.7.3

Pow ko Kalngaen’

Powi’iy nibe yib ko Thothup e rib ga’fan ni nge ayugney ngan nang nike kalngaen’ facha’ u fithik’ e yul’yul’. Mitney e kalngaen’ era m’ug ko rogon ngongol nib mat’aw ko bin ba’aray ko ngiyal’ ni yibe kirbaen napan ni yibe interview. Tin ba’aray ni ngan tafney nag nib mu’un e:

• Gelingin e mich ngak Yesus Kristus.

• Rogon ni puwofaay nag.

• Rogon gelingin e kirbaen’ ko fare denen.

• Pii’ pilwon e en nikan mada’ad ngak.

• Rrin’ ni woed rogon e tin nib tu’uf ni ngan rrin’.

• Mon’og i pag fare denen.

• Yul’yul’ ni yibe fol ko fapi motochiyel napan tomuren fare denen.

• Yul’yul’ ngak e tiyugang’ ko Galasia nge ku boech e gidii’.

• Gur rom ni ga’abadag ni ngam laek fapi mulwol nike yib rok’ e tiyugang’ ko Galasia.

32.7.4

Gathaay nag Fapi M’ag ko Temple

Ga’ar Somoel, “Ya en nikan pii’ ngak ni bo’or e en nib tu’uf nira pii’ ni bo’or” (Doctrine and Covenants 82:3). Bee’ nike thapeg e endowment u temple e ke mu’ i rrin’ e m’ag ni nge par nib tolang rogon e yalen e par rok’. Gathaay nag e pi m’ag ney era ga’nag fare gelinign fare denen. Bay ni rib muudugil ni yira tay fare membership council.

32.7.5

Liiw rok’ e Tiyugang’ fa En nibay Mat’won

Fapi denen ni rib kireb era gel gelingin ni fa’anra facha’ e bay e liiw rok’ ni reb e tiyugang’ fa en nibay mat’won, ni woed e galibithir, tiyugang’, fa sensey.

32.7.6

Bukuun Yaay

Dag ni gathi ta’abiyay nikan rrin’ fare denen ni rib kireb e bay ni fare ngongolen fa ‘ar’ar riy e rib momaw’ ningan pag ni rayag nira sasaga’al nag e kalngaen’ nib riyul’. Ul’ul’ ngay ni sana ra tu’uf ni yira siyegnag fare membership, fare program ko qarqar ko tin nib momaw’ ningan pag nge mo’olung nibe yib ko gidii’ nib salap ko mornga’agen e tiney e sana rayag nira pii’ e ayuw (muguy ko 32.8.2).

32.7.7

Yangar, Ilal, nge Na’ab

Fapi tiyugang’ e yaedra lemnag fare yangar, ilal, nge na’ab ko napan ni yibe tay fare mo’olung nifan fare member fa n’en ni yira duugliy nira buch u tomuren fare membership council. Dag e murnguy e rib mangil ngak e pi’in ni dawri ga’ e llowaen’ roraed ko fare gospel. Woed, ni ngan dag e murnguy ngak reb e member ni kab bitir nike rrin’ e ngongol nib kireb ni fa’anra pag fare denen mi yaed dag nikar kalngaengaed u fithik’ e yul’yul’. Machane, bo’or ban’en ni sana ra tu’uf ni yira rrin’ ni fa’anra ul’ul’ ko fare ngongol.

32.7.8

Ga’angin e Llowean’

M’ar ko luug, qarqar nib momaw’ ningan pag, nge ganeaf e darma siro’ nag bee’ nike rrin’ reb e pi denen ney ni rib kireb. Machane, tiney e bugi ban’en ni ngan tafney nag. Woed ni kabang ni yima ayuweg bee’ nge kalngaen’, fapi tiyugang’ e ngar gayed e tin nibe powi’iy Somoel ni mornga’agen facha’ ko rogon nibe nangfan fapi yalen e gospel nge rogon e fanow riy.

32.7.9

Gur Rom nikam Puwofaay Nag

I gur rom nikam puwofaay nag makari kirbaen’um ni rib alamrin ko n’en nike buch e be dag ni yiba’adag ni ngan kalngaen’.

32.7.10

Thilin e Ngiyal’ ko Denen nge Puwofaay Nag

Puwofaay e kabang ko kalngaen’ ma susun ni dabin yon’ yirran. Boech i ngiyal’ ko tomuren fare denen bay nib n’uw napan ni yira pii’ pilwon fare kireb nikan rrin’ nge rogon ni ngan par ni yib yul’yul’. Fa’anra ke puwofaay nag fare member fare denen me tal ni danki sul biyay u dakean, ma biney era dag nike pag e biney. Ma fa’anra buch e biney, ma fare puwofaay e woed nike ma’ ko bin ba’aray ni ngkun tababnag wo’en fare kalngaen’.

32.7.11

Fapi Denen nib Mu’un reb e Member Ngay nima Par u Reb e Ward fa Stake

Bochingyal’ ma fagli member nikar rrin’ew e denen e bay ni yow ma par ulan e ward fa stake nib thil. Napanra buch e biney, ma fagli stake president e ngar gopuruy’ gow u ta’abang ko tin nib tu’uf ko fapi siyegnag fa tin nib tu’uf ko fare council. Ma kiyowra puruy’nag mornga’agen fa’anra yib fal’ngin fapi siyegnag fa ta’ab rogon e n’en nira duugliy fare council fa fa’anra kubay boech ban’en nira dag nib tu’uf ningan thilyeg e tin nira buch u tomuren.

---

GAGIYEGNAG FARE MO’OLUNG NI YIGO GUR E FAN NGOM

---

32.8

Mo’olung ni Yigo Gur e Fan Ngom nge Siyegnag e Membership nib Informal

Mo’olung ni yigo gur e fan ngom e baga’ nib gaman nira ayuweg me yororiy e gidii’ me ayuweg facha’ ni ngeyag ni thapeg fare gelngin e Bayul rok’ Yesus Kristus u dakean e kalngaen’. Tiney e mo’olung e rayag nira ayuweg fapi member ni ngar pii’ed keru’raed ko denen ni rib kireb. Ulan e mo’olung ni yigo gur e fan ngom, fapi tiyugang’ e rayag ni ngar siyegned fapi membership nib informal ni nge ayuweg fare member nge kalngaen’ ko fapi denen ni rib kireb (muguy ko 32.8.3).

Denen ni rib kireb e susun ni dabin fekyathin (muguy ko Doctrine and Covenants 1:31). Kireb nag e m’ag ko temeple e baga’ nira muudugil ni yira tay fare membership council (muguy ko 32.7.4).

Rogon fapi kanawo’en ni ngan ayuweg fapi tiyugang’ ni ngar nanged e tin nib gaman ko fare mo’olung nge tin ningan siyegnag nib informal e ba’aray nikan yoloey nga tanggin (ngkum guy ko 32.7):

• Bee’ ni dawori rrin’ e denen nira tu’uf ni nge un fare membership council ngay (muguy ko 32.6.1).

• Bee’ ni’ir rok’ e ke puwofaay nag make kalngaen’.

• Bee’ nibe kalngaen’ ko reb e denen ni rib kireb ni dawori rrin’ biyay.

• Denen rok’ facha’ e dawori gathaay fapi m’ag ko temple.

• Pi n’en nibe buch rok’ bee’ nira achichignag fapi pufthin.

32.8.1

Mo’olung ni Yigo Gur e Fan Ngom

Fare rogon kanawo’en ni nge rrin’ e bishof fa stake president u napan ni yaedra mo’olung fare member ni ngan ayuweg nge kalngaen’.

• Kemus ni ngan fith e tin nib tu’uf ni ngan nang (1) rogon pingin fare member ko denen nike ngongoliy nge (2) ggin ni buch riy, urngin yay, nge n’umngin napan fare ngongol. Dabin fith nge yo’or e tin ni dani tu’uf ni ngan nang ko n’en nike buch. Dabin fith e duwer nikemus ni gur rom e gabe lemnag.

• Fith ko rogon e biney e ngongol nike gafgow nag boech e gidii’.

• Sap ko tin nib fel’ ni rayag nira ayuweg fare member nge gelnag e wub rok’ me gelnag e micheg rok’ ngak Somoel. Pii’ e athamgil ngak fare member ni nge rrin’ ban’en nib muudugil ni nge ayuweg ir ni nge thilyeg ngognol rok’ nge gum’ircha’en nge kalngaen’. Pining ni nge chugur nag ir ngak fare Tathapeg, me gay gelingin me thamiy fare t’ufeg rok’ fare tabayul.

• Pii’ e athamgil ni woed e meybil, fil fapi chep nib thothup, min un ko fapi mo’olung ko Galasia. Machib nag e cheppin e tabinaew nge muruwel u temple e rayag nira achignag fare lumel ku mo’oniyaen’. Pii’ e athamgil ni ngan pigpig ngak e gidii’ min weliy mornga’agen fare gospel.

Gosgos nib Mangil ni Rayag ni nge pii’ e Ayuw ko Kalngaen’ me Gel Nigey nib Thothup.

• Meybil

• Fil fapi chep nib thothup

• Wub nga Galasia

• Cheppin e tabinaew ni gubin e rran nge muruwel u temple, nib mu’un e ngochol ngay ni yibe index nag

• Pigpig ngak e gidii’

• Weliy mornga’agen fare gospel

• Pii’ e athamgil ngan pii’ pilwon e tin nikan mada’ad nag ngak bee’ ko denen min fith e min’aegfan

• Pii’ e athamgil ni ngan pii’ keru’uy ko gagiyeg nib kireb. Ayuweg e member ni ngar uned ko klass nima pii’ e ayuw ko boech e ngongol ningan pag ni ngeyag nira sabthiyed e lumal.

• Tay u wun’uy ni pi tiyugang’ ney e bugi giddi’en e Galasia, gathi bugi counselor. Ul’ul’ ko tin nikam mulwol nag nikam pii’, boech fapi members era fal’ ko fapi mo’olung nifen e pinngiy. Boech e bay nibe gafgow ko m’ar ko luug. Fa’anra ba tu’uf, mulwol ngak fapi members ni ngar gayed e ayuw ngak e gidii’ ni manang e taflay nge gidii’ ni togta ko luug (muguy ko 31.3.6).

• Meybil nag mag gay e powi’iy nibe yib rok’ fare Thothup u mm’on ni ngam siyegnag fare membership nib informal. Boech e members e bay nib fel’ ngoraed ni ngar gayed rogon fapi mat’won e membership roraed ko Galasia ko bin ba’aray ni ngan siyegnag.

• Musul ngam pii’ e athamgil ngak facha’, gelnag gelingin nib thothup, mag yaliy rogon nibe mon’og.

Tomuren nike puwofaay nag fare member ngak e bishof fa stake president, fare bin migid e yaar ko mo’olung e rayag nira buch ni bo’or rogon nib thil. Fare tiyugang’ e rayag ni nge rrin’ e biney. Fa, fa’ara ke pii’ fare member mat’won, ma rayag ni nge yoeg ngak reb fagli counselors rok’ ni nge rrin’ e biney.

Fa’anra ke pii’ fare member mat’won, fare bishof fa stake president e krayag nira yoeg ngak reb fapi members ko elders quorum fa Relief Society ni ngar pii’ed e ayuw ko tin nib tu’uf. Fan ngak e fal’yangren, bay nira yoeg ngak fare Young Women presidency fa fapi Aaronic Priesthgood quorum advisor ni ngar pii’ed e ayuw. Pi’in nikan piningraed ni ngar pii’ed e ayuw e bayni thogthognag ngoraed rogon ni rayag ni ngar rrin’ed e biney e muruwel (muguy ko 4.2.6).

Napan ni yira pii’ bee’ ni nge ul’ul’ nge nangfan salpen fare mo’olung, ma fare tiyugang’ e kemus nira yoeg e tin nib tu’uf ni nge yoeg ngak facha’ ni nge ayuweg fare member. Ma facha’ nikan pii’ fare muruwel ngak e thingari mithag thibolngin e pin’en ni bay noeg ngak. Ma ir e bayi fulweg e thin ngak fare bishof ko rogon nibe mon’og nge tin nib tu’uf rok’ fare member.

32.8.2

Ayuweg e Gidii’ nibay fapi Qarqar Roraed nib Momaw’ Rogon i Pag

Mo’olung ni yigo gur e fan ngom e bochingiyal’ e mu’un fapi ayuw ngay ni nge ayuweg e members ni ngar kalngaen’gaed ko fapi denen nibay rogon fa kama tababnag e qarqar. Tiney e qarqar e bay nib mu’un e falay ngay fa mit e ngongol nib bo’or mit. Qarqar e dani mangil ma rayag nira gathaay nag facha’, mabgol, nge tabinaew rok’. Fapi bishof e rayag ni ngar mulwol gaed ngak fapi member ni ngar gayed ayuw ko Galasia nifan e program ko qarqar nge ayuw ngak e gidii’ ni manang e taflay nge gidii’ ni togta ko luug.

Ke yo’or e gidii’ nibe yaaliy ya’an e pornography. Alamrin i yaaliy ya’an e rayag nira moem nag rogon fa, krayar, ni nge mang e qarqar. Demuturug ko yaaliy ya’an e pornography e kemus ni rib alamrin fa kemus ni ta’abochingiyal’, ya ban’en ni rib kireb. Ya ma tuluf fare Thothup nga orel. Ma kama warnag fare gelingiy nima yib ni ngan ayuweg fapi m’ag nikan micheg. Ma krayag nira gathaay nag e tha’ nib fel’.

Mo’olung ni yigo gur e fan ngom nge siyegnag fapi membership nib informal e bay nib gaman ni nge ayuweg facha’ nge kalngaen’ nibe yaaliy ya’an e pronography. Gathi rib tu’uf ni yira tay fare memberhsip council. Fa’anra tu’uf, muguy ko 38.6.6 nge 38.6.13. Gidii’ nib salap ko mornga’agen e tiney e bay ni rayag nira pii’ e ayuw.

Fapi stake president nge fapi bishof e ngar pii’ed e ayuw ngak fapi member ko tin nira tu’uf. Galibithir e krayag ni ngar manged bang ko fare mo’olung nifan fare fal’yangren ko mornga’agen e yaaliy ya’an e pornography. Le’ngin fa figirngin facha’ e krayag nira un ko biney e mo’olung.

Ko boech mornga’agen e mo’olung nifan e members nibe un i yaaliy ya’an e pornography, muguy ko 38.6.13.

32.8.3

Fapi Siyegnag e Memnership nib Informal

Ul’ul’ i pii’ athamgil ko tin ni yibe rrin’ ko napan e mo’olung, fare bishof fa stake president e bay ni rayag nira siyeg boech fapi membership ko Galasia nib informal ko ta’abochingyal’. Ba gonop rogon nikan gagiyegnag, pi siyegney e rayag ni nge pii’ e ayuw ko kalngaen’ nge kanawo’en e mon’og nib thothup. Tiney e ba informal ni bachan ni dabin tay mornga’agen ngalan e babyoren e galasia.

Fapi siyegnag nib informal e rayag nikemus nira par ni in e wiik, fa in e puul, fa ba n’uw napan ni fa’anra nge ayuweg facha’ nge kalngaen’ ni ga’angin yang. Ma fa’anra ba tu’uf, ma krayag nira gaman reb e duw ngay.

Fapi tiyugang’ e ngar gayed wo’en fare Thothup ko bin ngan ko pi siyegney e rib fel’ ni nge ayuweg facha’ nge kalngaen’. Tiney e bay nib mu’un e (machane gathi kemus rogon array) talag mat’won fapi pigpig rok’ facha’ ulan e Galasia, fanay fare priesthood, fa yaen ngalan e temple. Ma fare tiyugang’ e krayag nira siyeg facha’ ko numon, fa pii’ e lesson, fa pii’ e meybil ulan e galasia. Fa’anra fare tiyugang’ era siyeg mat’won i yean ngalan e temple, ma kura talag fare temple recommend ko Leader and Clerk Resources (LCR).

Fek e sakrament e bang ni rib ga’fan ko kalngaen’. Susun ni gathi irreray e bin somm’on i siyegnag ni yira pii’ ngak bee’ ni nge kalngaen’ nike m’ingaen’ make kalngaen’. Machane, fa’anra ke rrin’ facha’ e denen ni rib kireb, fare tiyugang’ e krayag nira siyeg mat’won e biney ko ta’abochingiyal’.

Fapi tiyugang’ e susun ni dabroged ngak bee’ mornga’agen fapi siyegnag nib informal makemus ni fa’anra ba tu’uf ningan nang (muguy ko 32.12.2).

Fare bishof fa stake president e rayag ni yowra luuf fapi siyegnag nib informal ni woed rogon nibe thogthog nag e Thothup ko napan ni bay rogon nibe mon’og i yean ko fare kalngaen’. Fa’anra member era ul’ul’ ko wo’en e denen, ma sana fel’ fa ba tu’uf ni ngan tay fare membership council.

---

GAGIYEGNAG FAPI MEMBERSHIP COUNCIL KO GALASIA

---

Membership council ko Galasia e yima tay ko napan nike duugliy fare bishof fa stake president nira pii’ e ayuw fa ngiyal’ nib tu’uf ni ngan rrin’ ni woed e yalen e motochiyel ko Galasia (muguy ko 32.6). Yima tay ko ward, stake, branch, district, fa ko mission. Biney e section ere weliy rogon ni ngan gagiyegnag e pin’ey.

32.9

Mu’un nge Muruwel

Tin ba’aray e bedag ko choen mini’ e mu’un ngalan fapi membership council.

	Gidii’ nib mu’un ngalan fapi Membership Councils
Membership Council ko Ward	Gidii’ nib mu’un ngalan fapi Membership Councils Facha’ ni yibe tay fare mo’olung nifan Bishof nge fagli councelors rok’ Ward clerk Elders quorum fa president ko Relief Society (fa’anra yi ba’dag; muguy ko 32.10.1)
Membership Council ko Stake	Gidii’ nib mu’un ngalan fapi Membership Councils Facha’ ni yibe tay fare mo’olung nifan Stake nge fagli councelors rok’ Stake clerk High councilors (nibe yaen u rogon nikan weliy mornga’agen array ko 32.9.2) Bishof rok’ facha’ ni yibe tay fare mo’olung nifan (fa’anra yi ba’adag; muguy ko 32.9.3) Elders quorum fa president ko Relief Society (fa’anra yi ba’dag; muguy ko 32.10.1)

32.9.1

Stake President

Fare stake president:

• Ba’ ni’ir e baga’ ma bay mat’won ulan fapi membership council ulan fare stake; machane, oran e pi mo’olung ney e baga’ ni bishof e ma ngongliy rogon.

• Thingari pii’ mat’won u mm’on ni nge tay fare bishof fare membership council.

• Ma tay fapi membership council ni fa’anra fare pumo’on fa fare bpin nike mu’ i thapeg e endowment e bay nib muudugil ni yira siyeg fare membership rok’ ko Galasia.

• Ra tay fare mo’olung ni fa’anra ke fek fare member mornga’agen ko tin th’abi tiyugang’ e n’en nikan duugliy ko fare ward membership council.

• Thingari pii’ mat’won u mm’on ko fare membership council ko ward ko tin nikan nog riy ni ngan chuweg fare membership rok’ facha’ ni dawrin endow nag.

32.9.2

High Council

Gidii’en e high council e gathi rima un ko fapi mo’olung ko membership council ko stake. Machane, fare high council e rayag nira un ko tin ni rib momaw’ ban’en nike buch (muugy ko Doctrine and Covenants 102:2). Woed ni, fare stake presidency e rayag nira pining fare high council ni ngar uned ko napan:

• Ni bay e pow ko n’en ni yibe cham nag.

• Mu’un roraed era ayuweg fare mo’olung nge thathabil nag rogon nib fel’.

• Fare member e ke fith ni ngar uned ko fare mo’olung.

• Reb e member ko fare stake presidency fa tabinaew rok’ e mu’un ngay (muguy ko 32.9.7).

32.9.3

Bishof (fa Branch President ulan e Stake)

Fare bishof:

• Ba’ mat’won nib ga’ ulan fapi membership council ko ward.

• Nima gopuruy’ ngak fare stake president nge mat’won ni yira pii’ u mm’on ni nge tay fapi mo’olung.

• Dabiyag nira tay fapi membership council ni fa’anra fare pumo’on fa fare bpin e ke mu’ i thapeg e endowment nibay nib muudugil ni yira siyeg fare membership rok’ ko Galasia. Membership council ko stake e yira tay nifen e tiney nike buch.

• Bay ni yira pining ni nge un ko fare membership council ko stake nifan reb e member ko ward ni yibe sap ko babyor rok’. Mu’un rok’ e rib tu’uf ni yira pii’ mat’won nibe yib ko fare stake president nge facha’.

Membership council ko ward fa branch e bay ni rayag ni ngar roged ni ngan siyegnag fare membership rok’ facha’ ko Galasia ni fa’anra dawrin endow nag. Machane, fare stake president e rib tu’uf nira pii’ mat’won e biney u mm’on ni ngan duugliy.

Bochingiyal’ ma yima tay fare membership council ko ward nifan reb e member nike endow ma fa’anra tin nike m’ug ko fapi mo’olung era dag nibay nib tu’uf ni ngan siyeg fare membership rok’ facha’. Ma napanra buch e tiney, ma fare bishof e nge fek e tiney ngak fare stake president.

32.9.4

Mission President

Fare mission president:

• Ba’ mat’won nib gaa’ ko membership council ulan fapi mission branches nge fapi districts.

• Thingari pii’ mat’won u mm’on ngak fapi district fa branch president ni ngar ted fare membership council.

• Ma tay fapi membership council ni fa’anra fare pumo’on fa fare bpin nike mu’ i thapeg e endowment nibay nib muudugil ni yira siyeg fare membership rok’ ko Galasia. Fa’anra fare ngiyal’ fa n’umgin e ggin nibay facha’ riy e be taleg ko biney, ma rayag ni nge tuurguy reb fagli counselor rok’ ni nge gagiyegnag fare mo’olung. Mara tuurguy l’agruw e pumo’on nibay e Melchizedek Priesthood rok’ ni nge un ko mo’olung.

• Ngiyal’ ni rayag, ra tay e membership council nifan ngak e pi’in ni dawrin endow nag. Fa’anra fare ngiyal’ fa n’umgin e gin nibay facha’ riy e be taleg ko biney, ma rayag nira pii’ mat’won dalip e pumo’on nibay e Melchizedek Priesthood rok’ ni ngar gagiyeg niged fare mo’olung. Fa’anra buch e biney, ma fare district fa branch president ko fare member era gagiyegnag fare mo’olung.

• Ra tay fare mo’olung ni fa’anra ke fek fare member mornga’agen fare mo’olung ngak e tin th’abi tiyugang’ e n’en nikan duugliy ulan fare membership ko branch fa district.

• Mat’won nike pii’ fare General Authority nike yib ko fare Missionary Department, ra tay fare membership council ni fa’anra ke rrin’ reb e missionary reb e denen ni rib kiren ko napan nibe pigpig ko mission (muguy ko 32.9.8). Ma kura weliy mornga’agen e pin’ey ngak reb e member ko fare Area Presidency me gopuruy’ ngak fare stake president ko fare stake rok’ fare missionary ko tabinaew rok’.

• Thingari pii’ mat’won u mm’on ko fare membership council ko branch fa district ko tin nikan nog riy ni ngan chuweg fare membership rok’ facha’ ni dawrin endow nag nike m’ay.

Fa’anra ke puwofaay nag fare missionary fare denen ni rib kireb nike rrin’ u mm’on ni nge pigpig ko fare mission, fare mission president e nge gopuruy’ ngak bee’ ko fare Missionary Department ko tin nib tu’uf ni ngan rrin’.

Napanra tay fare mission president fare membership council, ra tay l’agruw e pumo’on nibay e Melchizedek Priesthood rok’ ni ngar pii’ew e ayuw ngak. Kemus ni fa’anra be yaen u rogon e tin nibe buch ma rayag ni nge pining e missionary ni nge pii’ e ayuw. Ra rrin’ ni woed rogon ni yima rrin’ ulan e membership council ko stake (muguy ko 32.10). Machane, high counil fa fare district e darma un ngay.

32.9.5

District fa Branch President ko far Mission

District fa branch president ko fare mission e rayag nira tay fare membership council ni fa’anra ke pii’ fare mission president mat’won. Fare district council e darma un ngay.

Membership council ko district fa branch e bay ni rayag ni ngar roged ni ngan siyegnag fare membership rok’ facha’ ko Galasia ni fa’anra dawrin endow nag u temple. Machane, fare mission president e rib tu’uf nira pii’ mat’won e biney u mm’on ni ngan duugliy.

32.9.6

Stake fa Ward Clerk

Fare stake fa ward clerk:

• Era yoloey e tin nib tu’uf ko fare mo’olung nikemus ko ngiyal’ nib tu’uf ni ngan pii’ e pi babyoren e pi Report ney ko Membership Council ko Galasia.

• Ngongliy rogon fapi babyor ni fa’anra ke fith fare tiyugang’ ni’ir e ke gagiyegnag fare mo’olung.

• Darma un ko pin’en nikan weliy fa tin nibay ni duugliy ulan fare mo’olung.

32.9.7

Mu’un nge Tin ni Gathi Rima Buch

Fa’anra fare counselor ulan fare stake presidency e daniyag ni nge un ko fare membership council, ma fare stake president era fith e high councilor fa bee’ ko high priest ni nge yoen’ luwan. Fa’anra fare stake president e dabiyag ni nge un, ma fare bin Somm’on e Presidency e rayag nira pii’ mat’won reb fagli counselors rok’ ni nge yoen’ luwan.

Fa’anra fare counselor ko fare bishofric e dabiyag ni nge un ko fare membership council, fare bishof e rayag nira fith e high priest ulan fare ward ni nge yoen’ luwan. Fa’anra fare bishof e dabiyag ni nge un, ma rayag ni nge pii’ e tiney ngak fare stake president, ni’ir e bayi ngongliy ni woed rogon e membership council ko stake. Fare bishof e dabiyag ni nge turguy fare counselor ni’ir e nge ngongliy e tiney e membership council.

Fa’anra yibe tay fare membership council ni bachan bee’ nibay rogon ko fare bishof fa rogon ngak reb fagli counselors, ma rran rrin’ e biney ni woed rogon ni yima rrin’ ko stake. Fa’anra yibe rrin’ ni fan bee’ nibay rogon ko counselors rok’ fare stake president, ma fare stake president era turguy bee’ ko high priest ni nge yoen’ luwan fare counselor. Fa’anra yibe tay fare mo’olung nifen bee’ nibay rogon ko fare stake president, mara gopuruy’ ngak fare Office ko fare bin Somm’on e Presidency.

Fa’anra dabi un fare member ko fare mo’olung ni yaed e bishof nge fagli counserlors rok’, ma fare membership council e yira tay ni woed rogon ni yima rrin’ ko stake. Fa’anra dabi un fare member ko fare mo’olung ni yaed fagli counselors rok’ fare stake president, ma fare stake president era tuurguy reb e high priest ni nge yoen’ luwan fagli counselor rok’. Fa’anra dabi un fare member ko fare mo’olung ni yaed e stake president, fa fa’anra be thamiy fare stake president ni dabiyag ni nge rrin’ e biney ni nge ayuweg e gidii’ nib ta’areb rogon, ma nge gopuruy’ ngak fare Office ko fare bin Somm’on e Presidency.

32.9.8

Duugliy ko Bin Ngan ko fapi Tiyugang’ e nge Council Nag e Tin nibe Buch

Fapi membership council e baga’ ni gubin ngiyal’ ni yima tay ko gin nibay fare babyoren e Galasia rok’ facha’ riy.

Bochingiyal’ mab tu’uf ni yira tay fare membership council nifan facha’ nike chuw. Fa’anra fare chuw rok’ facha’ e bay ulan fare stake nib ta’ab rogon, ma fare stake presdient e nge gopuruy’ ngak fare bishof ko fagli ward nge duugliy ko ggin nib tu’uf ni yira tay fare mo’olung riy.

Fa’anra ke chuw fare member nga wuru’ fare stake, ma fagli stake presidents ko fagli stake e yowra gopuruy’ nge duugliy ko ggin nib tu’uf ni yira tay fare mo’olung riy. Fa’anra yaedra duugliy ni yira tay ulan fare ward fa stake ni’i moey facha’ riy, ma fare record ko membership rok’ facha’ e yira tay ulan fare ward nge mada’ ko ngiyal’ nikan mu’nag fare mo’olung. Ma fa’anra dangay, ma yira pii’ fare record ko fare ward nib be’ech. Fare bishof fa stake president nibe mithag thibolngin era yoeg ngak fare bishof fa stake president nib be’ech mornga’agen fare member nge fan nib tu’uf ni ngan tay fare mo’olung.

Bochingiyal’ mab tu’uf ni yira tay fare membership council nifan fare member nibe par nib palog u tabinaew. Woed e, mo’olung nib tu’uf nifan reb e student fa bee’ nibay ko saalthaw. Fare bishof nibay ko ggin nibay fare member riy e rayag nira pii’ e ayuw ko tin nib tu’uf. Machane, dabi tay fare membership council makemus ni fa’anra fare membership record e bay ko birok’ e unit make mu’ ko numon ngak fare bishof ko ward ko tabinaew rok’ facha’.

Bochingiyal’ ma missionary era rrin’ reb e denen ni rib kireb ko ngiyal’ nibe pigpig ko mission rok’ ni dani m’ug nge mada’ ko ngiyal’ nikan pag. Fare bishof fa stake president e ngar gopuruy’gow ko mini’ rorow era tay fare membership council. Bagyow era gopuruy’ ngak fare mission president ko binem e ngiyal’ ni buch e biney u mm’on ni ngan tay fare mo’olung.

32.10

Rogon Kanawo’en fapi Membership Council

32.10.1

Mornga’agen nge Fal’ag Rogoy Nifen fare Mo’olung

Fare bishof fa stake president era pii’ ngak fare member fare mornga’agen fare membership council nikan yoloey nga butt’ nifan ngak. Ra yoloey fithingan ko fare babyor. Nib mu’un mornga’agen e tin ba’aray ngay:

“Fare [bishofric fa stake presidency] nira tay fare membership council nifan ngak. Fare mo’olung e yira tay ko [roffen nge ngiyal’] ko [gin ba’aray].

“Yira tafney nag e tin ba’aray ban’en ulan fare mo’olung [fapi mornga’en e tin nikan gathay, machane dabi weliy nge pag rogon fa dag e pow riy].

“Kan piningem ni ngam un ko fare mo’olung ni ngam mog lungum riy. Rayag ni ngam fek e statement nike yoloey e gidii’ nibay rogon ko mornga’agen e n’en nike buch. Rayag ni ngam pinning fapi gidii’ ni ngar nonad ulan fare mo’olung nifan ngom ni fa’anra pii’ fare stake president fa fare bishof mat’won u mm’on ko fare mo’olung. Ma krayag ni gara pinning [fare Relief Societ president ko ward fa elders quorum president] ni nge un me pii’ e ayuw.

“Pi’in nira un ko fare mo’olung e thangari gay rogon nge rrin’ me dag nibe tayfan e tin ni yibe rrin’ ulan fare mo’olung, nib mu’un rogon fapi kanawo’en ni yima rrin’ min mitheg thibolngin e tin ni bay ni weliy mornga’agen. Legal counsel nge gidii’ ni woed e tiney e dabiyag nira un makenus ni tin ba’aray e gidii’ nikan weliy u lang.”

Bin tomur e paragraf ko fare babyor e rayag ni ngan uneg e thin ko tu’ufeg ngay, athap, nge tin nibay ko tafney.

Rogon kanawo’en nira rrin’ facha’ ko cha’en ni rayag nira pinning ni nge non ulan fare mo’olung e ba’aray mornga’agen ko 32.10.3, number 4.

Fa’anra dabiyag ni ngan thapeg fare babyor u pa’ay, ma rayag ni yira pii’ ko registered fa babyor ni mail nikan certified nag, nibay fare pow riy ko receipt nikan rrin’ e biney.

Fare bishof fa stake president e yowra duugliiy fare yaar ko fare membership council ko ngiyal’ ni rayag rok’ facha’. Ma kara gonopiy rogon ni ngeyag e ngiyal’ riy ni nge thapeg facha’ nikan rrin’ e kireb ngak fapi statement nibay mornga’agen fare ngongol riy ni fa’anra ba’adag (muguy ko 32.10.2).

Fare bishof fa stake president e nge fal’ag rogon fare member ko fare mo’olung nira weliy fan nge rogon kanawo’en ni yira rrin’. Ma kara weliy fapi n’en ni bay ni yaedra duugliy nge tin nira buch u tomuren. Fa’anra ke puwofaay fare member, ma fare tiyugang’ era weliy nira tu’uf ni yira puwofaay nag e biney ulan fare membership council.

32.10.2

Thapeg e Statement Rok’ Facha’ Nikan Rrin’ e Kireb Ngak

Fa’anra fare member ko Galasia e kan rrin’ e kireb ngak (ni woed e galong ulan e tabinaew, gafgownag e bitir, gafgownag e mabgol, fa moro’ro’), ma fare bishof fa fare stake president era non ngak fare bishof fa stake president rok’ facha’. Pi tiyugang’ ney e yaedra duugliy ko ba tu’uf ni ngan pii’ ngak facha’ nikan rrin’ e kireb ngak ni nge yoloey fapi statement ko ngongol nikan rrin’ ngak nge tin nike buch riy. Pi statement ney nikan yoloey nga butt’ e rayag ni yira be’eg ulan fare membership council (muguy ko 32.10.3, number 3). Tiyugang’ ko Galasia e dariy mat’won ni nge non ngak fapi gidii’ nikan rrin’ e kireb ngoraed ni fa’anra gathi gidii’en e Galasia.

Gubin ban’en ni yira weliy ngak facha’ nikan rrin’ e kireb ngak nifan e pin’ey e thingari buch nikemus u dakean fare bishof fa stake president rok’ e chiney ko ngiyal’ nem. Fa’anra ke pii’ facha’ nikan rrin’ e kireb ngak fare statement, ma biney e tiygang’ era pii’ ngak fare bishof fa stake president nira tay fare membership council. Fapi tiyugang’ e thingar palog nigedraed ko tin nira karang buch e magawon. Muguy ko 32.4.3 ko boech mornga’agen fapi riyaaq.

Bee’ nikan mada’ad ngak bee’ ni 18 e duw rok’ nga butt’ e yira rrin’ e biney u dakean mat’aw fare galibithir rok’ fare tir fa en nibay mat’won fare tir nibe par rok’, makemus ni dabin rrin’ ni fa’anra riyaaq nag e par rok’ fare tir.

Boech mornga’agen fapi bishof nge stake presient nibe thapeg kanawo’en e pin’ey ko mornga’agen e gafgownag, muguy ko 32.4.5 nge 38.6.2.1.

32.10.3

Gagiyegnag fare Mo’olung

Chingiyal’ nem u mm’on ni nge tabab fare mo’olung, fare bishof fa stake president era yog ngak fapi gidii’ nikar bad ko mini’ e fan fare mo’olung ni ngan tay nge n’en nikan report nag ko fare ngongol nike rrin’ facha ni dani fel’. Fa’anra ba tu’uf, mara weliy rogon kanawo’en fare mo’olung.

Facha’, ni fa’anra bay, fin arram e yira pinning nge yib ngalan fare singgil. Fa’anra kan pinning fare bishof ni nge un ngalan fare membership council ko stake, ma irreram e ngiyal’ ni kiyra pinning ni nge yib ngalan fare singgil. Fa’anra ke pinning facha’ fare Relief Society ko ward fa elders quorum president ni ngar uned mi yaed pii’ e ayuw, ma irreram e ngiyal’ ni kiyra pinningraed ngalan fare singgil.

Fare bishof fa stake president era gagiyegnag fare mo’oulung u fithik’ e t’ufeg nib thothup, ni ba’aray rogon mornga’agen u tanggin.

1. Ra pinning bee’ ni nge pii’ fare bin somm’on e meybil.

2. Me report nag fare ngongol nike rrin’ facha’. Mara pii’ ngak facha’ (ni fa’anra bay) ni nge micheg nike rrin’ fare ngongol, fa fekyath, fa weliy rogon e biney nib tomilang rogon.

3. Fa’anra micheg fare member nike rrin’ fare ngongol, fare bishof fa stake president era ul’ul’ nge rrin’ ko number 5 nibay u tanggin. Fa’anra fekyathin fare member, fare bishof fa stake president era dag fapi mornga’agen nibay. Biney e bay ni yira dag babyoren fa ni be’eg fapi statement nike yib rok’ facha’ nikan rrin’ e kireb ngak (muguy ko 32.10.2). Fa’anra ke be’eg reb e pi statement ney, ma thingari yiroriy mornga’agen facha’ nikan rrin’ e kireb ngak.

4. Fa’anra fekyathin fare member fare ngongol nike rrin’, ma ir e rayag nira dag mornga’agen e tiney ulan fare mo’olung. Biney e rayag nikan yoloey nga butt’. Fa fare member e rayag nira fith ngak fapi gidii’ ni ngar daged mornga’agen e biney ni ngar roged ulan fare mo’olung, tatabee’ ni nge non nge mu’ fini non bee’. Tiney e gidii’ e woed fapi members ko Galasia makemus ni fa’anra fare bishof fa stake president e ke duugliy u mm’on ko fare mo’olung ni rayag ni nge un bee’ ngay ni gathi member ko Galasia. Yaedra soen ulan reb e singgil nge mada’ ko ngiyal’ ni ngar nonad. Yaedra chuw u nap’an ni yaedra mu’ ko numon. Thingara gayed rogon ngar rrin’ed miyaed dag ni yaed be tayfan e tin ni yibe rrin’ ulan fare mo’olung, nib mu’un rogon fapi kanawo’en ni yima rrin’ ni yibe mitheg thibolngin e tin ni bay ni weliy ulan fare mo’olung. Fapi members e dabiyag ni ngar piged e gidii’ nib legal councel ni nge un ko biney. Fa paged bee’ ni nge yib ngabi pii’ e ayuw ni dariy mornga’agen nikan weliy ko bin l’agruw e paragraf ko biney e section.

5. Fare bishof fa stake president e rayag ni ngar fithew e duwer ngak facha’ u fithik’ e tayfan. Ma krayag nira fith e duwer ngak facha’ nike yib’ ni paa’ fare member. Fapi counselors ulan fapi bishofric fa stake presidency e krayag ni yaedra fith e duwer. Gubin e duwer ni yira fith e susun ni nge par nib ngoch ma bay rogon ko fare mo’olung.

6. Tomuren nikan dag gubin ban’en ni mornga’agen fare mo’oulng, fare bishof fa stake president era yog ngak fare member ni nge yaen nga wuru’ fare singgil. Fare clerk e ki yira chuweg ulan fare singgil, kemus ni fa’anra ke un fare high council ngalan fare mebership council ko stake. Fa’anra bay fare bishof rok’ fare member nike un ko fare membership council ko stake, ma ki yira yoeg ngak ni nge chuw ulan fare singgil. Fa’anra fare Relief Society president fa fare elders quorum president e kar uned ni ngar pii’ed e ayuw, ma ki yira yoeg ngak ni nge chuw.

7. Fare bishof fa stake president era fith e tafney rok’ fagli counselors rok’. Fa’anra bay fare high council nike un ko fare membership council ko stake, ma yira fith ngak e tin nibe tafney nag.

8. Mu’un fagli counselors rok’ ngay, fare bishof fa stake president e ngar meybil gaed u ta’abang ni ngar gayed e tin nibe lemnag Somoel ni mornga’agen e tiney. Karimus ni fare stake president nge fagli counselors rok’ fa fare bishof nga fagli counselors rok’ e yaed bay ulan fare singgil ko ngiyal’ nem. Fa’anra fare membership council ko stake e ke uneg fare high council ngay, ma fare stake presidency e baga’ nima yaen ko fare office rok’ fare stake president.

9. Fare bishof fa stake president era yog ngak fagli counselors rok’ ko n’en nike duugliy me fith ngorow ni ngar unew ngak ngan rrin’ ni arram rogon. Fa’anra fare membership council ko stake e ke uneg fare high council ngay, ma fare stake presidency era sul ngalan fare singgil me fith ngak fare high council ni ngar uned ngak ngan rrin’ ni arram rogon. Fa’anra fare counselor fa fare high council e bay nib thil rogon ni yaed be lemnag, fare bishof fa stake president e ngar motoyilgaed mi yaed gay rogon ni ngar fal’aged rogon e biney nge ta’areb lungunraed. Muruwel riy ko n’en ni yira duugliy era par rok’ fapi officer nibe gagiyegnag fare mo’olung.

10. Ra pining facha’ nge sul ngalan fare singgil. Fa’anra kan chuweg fare clerk, ma ngkun pinning biyay nga sul ngalan fare singgil. Fa’anra bay fare bishof rok’ fare member ulan fare membership council ko stake, ma ki yira pinning nge sul biyay ngalan fare singgil. Fa’anra fare Relief Society president fa elders quorum president e kar uned ni ngar pii’ed e ayuw, ma ki yira pining ngalan fare singgil.

11. Fare bishof fa stake president ere yoeg e n’en nikar duugliyed u fithik’ e t’ufeg nib thothup. Fa’anra fare n’en ni ngan duugliy e ngan siyeg fare mebership rok’ facha’ ko Galasia nib formal fa ni chuweg fare membership, mara weliy mornga’agen e biney (muguy ko 32.11.3 nge 32.11.4). Ma kara weliy rogon nrayag ni ngan chuweg fapi n’en nikan siyeg me weliy e tin ni kabay nib tu’uf me machib ngak facha’. Bishof nge stake president e rayag ni yowra talag fare mo’olung ko chingiyal’ nem ni ngeyag nira gayew mi yow nang kanawo’en mornga’agen rogon ni ngan rrin’ u mm’on ni ngan duugliy. Fa’anra buch e biney, ra tu’uf ni nge weliy e biney.

12. Ra weliy mat’won facha’ nibay ni rayag ni nge fek mornga’agen e tiney nikan duugliy ngak e tin ni th’abi tiyugang’ e gidii’ (muguy ko 32.13).

13. Pining bee’ ni nge pii’ e meybil ni nge ning fare mo’olung.

Demuturug ko bay facha’ fa dangay, fare bishof fa stake president era yog ngak facha’ e n’en nikan duugliy ni ba’aray rogok ko 32.12.1.

Dariy bee’ ulan fare membership council ni rayag ni nge fek ya’an, lingaan, fa tin nikan record nag mornga’agen nga butt’. Fare clerk e rayag ni yoloey e tin nib tu’uf nga butt’ nifen fare Report ko Membership Council ko Galasia. Machane, tiney e gathi yol ni rib puluw e thin riy ko n’en nikan weliy. Tomuren nikan fal’ag rogon fare report, ma chingiyal’ nem e nge gustuy fa urifiiy fapi babyoren.

32.11

Fapi N’en nike Duugliy fapi Memerbship Councils

Fapi n’en nike duugliy fapi membership councils e susun nike thogthog nag fare Thothup. Susun nira dag fare t’ufeg nga athap nibe pii’ fare Tathapeg ngak e pi’n nge kalngaen’. Tin ni bay ni rayag ni yira duugliy e ba’aray u tanggin. Napan ni yibe duugliy e pin’ey, fapi tiyugang’ e ngar lemniged e tin nibe buch rok’ facha’ nikan yoloey ni ba’aray ko 32.7.

Tomuren fare membership council, fare bishof fa stake president e ka chingiyal’ nem ni nge pii’ fare babyoren e Report ko Membership Council ko Galasia ko gin ni ba’aray LCR (muguy ko 32.14.1).

Tin nibay ni rayag ni yira duugliy ko fapi membership council e ba’aray nikan yoloey ko tin ba’aray e section.

32.11.1

Par nib Ul’ul’ i Rrin’ e tin nib Mangil Ban’en

Bochingiyal’, ma facha’ e dani rrin’ fare kireb ma be ul’ul’ nibe rrin’ e tin nib mangil ban’en. Bochingiyal’, ma facha’ e bay nike rrin’ fare denen, nike mu’ ko kalngaen’ u fithik’ e yul’yul’, ma be ul’ul’ nibe rrin’ e tin nib mangil ban’en. Fare bishof fa stake president e rayag nira fanow nag facha’ me ayuweg me michib ngak ko riyaaq ko tin nga mm’on ban’en. Tomuren fare council, ra ul’ul’ nge pii’ e ayuw ko tin nib tu’uf.

32.11.2

Mo’olung ni Yigo Gur e Fan Ngom ni gamew fare Bishof fa stake President

Ulan boech fapi membership council, fapi tiyugang’ e bay nira duugliy ni fare member e dar ul’ul’ nge rrin’ e tin nib mangil ban’en—machane fare siyegnag e membership nib formal e dani pii’. Fa’anra buch e biney, fare council e rayag nira duugliy ni facha’ e nge thapeg fare mo’olung ni yigo ir e fan ngak nge tin nibay ni fal’ag rogon ni yow fare bishof fa stake president. Biney e mo’olung e bay ni yira siyegnag fapi membership nib informal nikan yoloey ni ba’aray ko 32.8.3.

Mo’olung ni yigo gur e fan ngom nge siyegnag e membership nib informal e dabin tay ni fa’anra fare mo’olung e kan tay nifan reb e pi denen ni ba’ray nikan yoloey ko 32.6.1.

32.11.3

Fapi Siyegnag e Memnership nib Formal

Ulan boech fapi membership council, fapi tiyugang’ e rayag ni duugliy nib fel’ ni ngan siyeg fare membersip rok’ facha’ ko Galasia nib formal ko tabochingiyal’. Siyegnag nib formal e bay ni rayag nib gaman ko gubin ban’en machane kemus ni dabi gaman ko tin ba’aray e denen fa tin nike buch ni rib gel e kireb riy, nibay ni yira chuweg fare membership riy (muguy ko 32.11.4).

Pi’in nikan siyegnag fapi membership rok’ nib formal e kubugi gidii’en e chongin e Galasia. Machane, mat’won e membership roraed ko Galasia e kan siyeg e tin ba’aray riy:

• Dabiyag ni ngar ranod ngalan e temple. Machane, rayag ni yaedra ul’ul’ ngar chuwgaed ko garment ko temple ni fa’anra kar endow gaed. Fa’anra bay fare temple recommend rok’ fare member, ma fare tiyugang e rayag nira talag ulan e LCR.

• Dabiyag ni ngar muruwel gaed ko fare priesthood.

• Dabiyag ni ngar feked fare sakrament fa ngar uned ko fapi sustain nag e officers ko Galasia.

• Dabiyag ni ngar nonad, fa ra machib gaed, fa ra pii’ed e meybil ulan e Galasia. Ma ku dabiyag ni yira pii’ reb e liiw fa ra pigpig gaed ulan e Galasia.

Yira pii’ e athamgil ngoraed ni ngar uned ko mo’olung ko Galasia nge tin nibe rrin’ e Galasia ni fa’anra fel’ e ngongol roraed. Yira pii’ e athamgil ngoraed ni ngar pii’ed pilwon e tithing nge offerings.

Fare bishof fa stake president e kabay nira uneg boech ban’en ko pin’ey, woed ni ngan palog nigey ko gubin ban’en ko pornography nge ku boech e gam’ingen nib kireb. Ma baga’ ni kura uneg e tin nib mat’aw ni rayag ni nge rrin’. Tiney e bay fare mu’un nga Galasia ngay ni gubin ngiyal’, meybil ni gubin ngiyal’, be’eg fapi chep nib thothup nge ku boech babyor ko Galasia.

Fa’anra kan siyeg fapi membership rok’ facha’ ko Galasia nib formal, ma yira tay mornga’agen ngalan fare membership record.

Ngiyal’ nira par e biney nikan siyegnag e woed ni nge gaman reb e duw fa boech ngay. Napanra rrin’ fare member ban’en nike mon’og nibe dag ni kari kalngaen’ nib riyul’, fare bishof fa stake president era tay reb e mo’olung ni ngar chuweged fapi n’en nikan siyegnag (muguy ko 32.16.1). Fa’anra ul’ul’ fare member nibe dag ni gathi taabiyay nibe rrin’ fare denen, fare tiyugang’ e rayag nira tay reb fare mo’olung ni ngan guy rogon ko mang e ngan rrin’ ngay.

32.11.4

Chuweg fare Membership

Ulan boech e membership council, fapi tiyugang’ e rayag ni duugliy nib fel’ ni ngan chuweg fare membership rok’ facha’ ko Galasia ko ta’abochingyal’ (muguy ko Mosiah 26:36; Alma 6:3; Moroni 6:7; Doctrine and Covenants 20:83).

Chuweg fare membership rok’ facha’ ko Galasia e rib tu’uf ni yira rrin’ nifan e mathang pogofan (woed rogon nikan noeg ko 32.6.1.1) nge mabgol ni bo’or e gidii’ ngay (woed rogon nikan weliy ko 32.6.1.2). Baga’ nima buch e biney ko fare denen ko galong ulan e tabinaew ni weod rogon nikan weliy ko 32.6.1.2 nge 38.6.10.

Woed rogon nike thogthog nag fare Thothup, chuweg e membership rok’ facha’ e kabay nira tu’uf ni bachan reb e tin ni ba’aray:

• Fan ngak e pi’in ni ngongol roraed e ba mada’ad ngak boech e gidii’.

• Fan ngak e pi’in nike rrin’ e tin ni tha’abi kireb e denen.

• Fan ngak e pi’in ni dar dag nike kalngaen’ ko denen ni rib kireb (muguy rogon ni yima lemnag rogon ko 32.7).

• Fan ngak e pi’in nike rrin’ e denen ni rib kireb nike gathaay nag e Galasia.

Membership council ko ward, branch, fa district e bay ni rayag ni ngar roged ni ngan chuweg fare membership rok’ facha’ ko Galasia ni fa’anra dawrin endow nag u temple. Machane, fare stake fa mission president e rib tu’uf nira pii’ mat’won u mm’on ni ngan duugliy e tin ni yira rrin’.

Pi’in ni kan chuweg fare membership roraed ko Galasia e bay ni dabiyag ni ngar uned ko tin mat’won fare membership.

• Bay ni dabiyag ni ngar ranod ngalan e temple fa chuw nga madaan e garment ko temple. Fa’anra bay e temple recommend rok’ facha’, fare tiyugang ere taleg ko LCR.

• Dabiyag ni ngar muruwel gaed ko fare priesthood.

• Dabiyag ni ngar feked fare sakrament fa ngar uned ko fapi sustain nag e officers ko Galasia.

• Dabiyag ni ngar feked fare sakrament fa ngar uned ko fapi sustain nag e officers ko Galasia. Ma ku dabiyag ni yira pii’ reb e liiw fa ra pigpig gaed ulan e Galasia.

• Dabiyag ni ngar pii’ed pilwon e tithing nge offerings.

Yira pii’ e athamgil ngoraed ni ngar uned ko mo’olung ko Galasia nge tin nibe rrin’ e Galasia ni fa’anra fel’ e ngongol roraed.

Pi’in ni kan chuweg fare membership roraed ko Galasia e rayag ni yira lemnagraed ni ngan fulweg raed biyay u dakean fare sul ko tawfe nge thapeg fare thothoup. Susun, nib tu’uf ni ngar daged ni kar kalngaengaed nike gaman reb e duw fa boech ngay. Fare bishof fa stake president era tay reb e mo’olung ni ngar tafnayed rogon ni ngan sulweged facha’ (muguy ko 32.16.1).

Fapi N’en nike Duugliy e Membership Council nge Tin Nira Buch Riy

Duugliy	Tin nira buch riy
Duugliy Par ni Ul’ul’ i Rrin’ e tin nib Mangil Ban’en (muguy ko 32.11.1)	Tin nira buch riy Dariy
Duugliy Mo’olung ni Yigo Gur e Fan Ngom ni gamew fare Bishof fa Stake President (muguy ko 32.11.2)	Tin nira buch riy Bay ni yira siyeg boech fapi mat’won e membership nib informal. Fapi siyeg riy e bay nira buch ulan ta’areb e duw, fa’anra be yaen ko rogon e tin nibe buch, ma krayag nira n’uw napan. Fapi siyegnag nib informal e yira chuweg u tomuren e kalngaen’ nib riyul’. Ngongolen e dabni record nag ngalan fare membership record.
Duugliy Fapi Siyegnag ko Membership nib Formal (muguy ko 32.8.3)	Tin nira buch riy Mat’won fapi membership nikan siyegnag nib formal. Fapi siyeg riy era buch ulan ta’areb e duw fa boech ngay. Ngongolen e yira record nag ngalan fare membership record. Fapi siyegnag nib formal e yima chuweg u tomuren e kalngaen’ nib riyul’, fare membership council, nge, fa’anra ba tu’uf, mara pii’ fare bin Somm’on e Presidency mat’won. Fare thin nibe m’ug ko fare membership record e kan luuf ni fa’anra kan luuf u tomuren fapi n’en nika siyeg nag fare membership council (kemus nibay fare annotation riy nib tu’uf; muguy ko 32.14.5).
Duugliy Chuweg ko Membership (muguy ko 32.11.4)	Tin nira buch riy Gubin fapi gam’ing ni yira taleg. Gubin fapi mat’won ko membership e yira chuweg, baga’ nima buch ulan ta’areb e duw. Bee’ e rayag ni yira fulweg u dakean fare tawfe nge thapeg e thothup nikemus u tomuren e kalngaen’ nib riyul’, fare membership council, nge, fa’anra ba tu’uf, mara pii’ fare bin Somm’on e Presidency mat’won (muguy ko 32.16). Bee’ nike mu’ ko endow e rayag nira thapeg fapi tawa’ath ko sulyarmen nikemus ni fare bin Somm’on e Presidency era pii’ mat’won nge tomuren nike gaman reb e duw nikan fulweg biyay (muguy ko 32.17.2). Bee’ nike mu’ ko endow, fare “Tin nib Tu’uf ko fapi Tawa’ath ko Sulyarmen” fare thin riy e yira chuweg ko fare memberhsip record nikemus u tomuren fapi gam’ing nikan rrin’ muguy ko 32.14.5).

32.11.5

Fapi Duwer ni nge Duugliy Mornga’agen e Tin nib Momaw’ Ban’en

Fapi bishof era fek fapi duwer ko rogon ni ngan rrin’ nibay rogon ulan fare handbook nifan fapi membership council ngak e stake president.

Ko tin nib momaw’ ban’en, fare stake president e rayag ni nge fith e ayuw ngak fare Area Seventy. Fare stake president e thingari puruy’ ngak fare Area Presidency ko mornga’agen e pin’ey ni ba’aray ko 32.6.3. Machane, fare stake president e susun ni dabi fith ngak fare Area Seventy fa General Authority ko rogon ni nge duugliy mornga’agen e tin nib momaw’ ban’en. Fare stake president era duugliy ko yira tay fare council ni ngan weliy mornga’agen fare pinngiy. Fa’an ni yira tay fare coucil, ma fare stake president fa fare bishof era duugliy ko mang e ngan rrin’.

32.11.6

Mat’won e bin Somm’on e Presidency

Fare bin Somm’on e Presidency e ir e bay mat’won nira duugliy ni ga’angin ko tomur ko gubin e tin ni ngan siyeg min chuweg ko fare membership ko Galasia.

32.12

Fapi Notification nge Fapi Mulwol

Fare n’en nike duugliy fare membership council e yira weliy ngak facha’—nge ku boech e gidii’ ni fa’ara ba tu’uf—woed rogon nikan weliy ni ba’aray u butt’.

32.12.1

Fulweg e Thin ngak Facha’ ko N’en nikan Duugliy

Fare bishof fa stake president e baga’ nima yoeg ngak facha’ e n’en nikan duugliy ulan fare mo’olung napan nike m’ay. Machane, rayag ni yowra talag fare mo’olung ko chingiyal’nem ni ngeyag nira gayew mi yow nang kanawo’en mornga’agen rogon ni ngan rrin’ u mm’on ni ngan duugliy.

Membership council ko ward, branch, fa district e bay ni rayag ni ngar roged ni ngan chuweg fare membership rok’ facha’ ko Galasia ni fa’anra dawrin endow nag u temple. Machane, fare stake fa mission president e rib tu’uf nira pii’ mat’won u mm’on ni ngan duugliy e tin ni yira rrin’.

Fare bishof fa stake president e yowra weliy e tin nira buch ko fapi n’en nikan duugliy nikan weliy rogon ko 32.11. Ba’ nira fanow nag ko rogon ni ran rrin’ ko kalngaen’ ma rayag ni ngan luuf fapi n’en nikan siyegnag fa yag ni ngkun sulweg facha’ biyay ko Galasia.

Fare bishof fa stake president era pii’ ngak facha’ fare babyor ni bay mornga’agen e tiney riy ko n’en nikan duugliy nge n’en nira buch riy. Biney e babyor e bay e statement riy nibe weliy mornga’agen fare ngongol nikan rrin’ e ba kireb ko motochiyel nge yalen e Galasia. Ma krayag nibay e mulwol riy ko mornga’agen e luuf fapi siyegnag ko membership fa sulweg biyay ko Galasia. Ma susun ni kabay riy ni facha’ e krayag nira fek e biney nikan duugliy ngak e tin th’abi tiyugang’ e gidii’ (muguy ko 32.13).

Fa’anra dabi un ko fare mo’olung, ma yira yoloey bang e babyor ni ngan nog ngak e tin nikan duugliy. Fare bishof fa stake president e rayag ni nge mada’nag facha’.

Fare bishof fa stake president e dabi pii’ ngak facha’ reb e kopi ko fare babyoren e Report ko Membership Council ko Galasia.

32.12.2

Noeg ko Gidii’ e N’en nikan Duugliy

Fa’anra ke siyegnag bishof fa stake president mat’won fare membership rok’ facha’ ulan e mo’olung ni yigo yow, ma dani tu’uf ni nge yoeg ngak bee’ (muguy ko 32.8.3). Machane, pi tiyugang’ ney e yeadma gopuruy’ ngoraed ko mornga’agen e tin nikan siyegnag nib informal napan ni yaed be pii’ e ayuw ngak fapi members.

Fa’anra fapi mat’won e membership rok’ facha’ e kan siyeg fa kamnchuweg ulan fare membership council, ma fare bishof fa stake president era weliy e tiney ngak e pi’in nib tu’uf ni nge nang. Ba’aray rogon kanawo’en nira rrin’.

• Ra tafney nag e tin nib tu’uf rok’ fapi gidii’ nikan rrin’ e kireb ngoraed nge pi’in ni sana rayag ni yira rrin’ e kireb ngoraed nga rogon e tafney ko tabinaew rok’ facha’.

• Dabi weliy e tin nikan duugliy ni fa’anra facha’ era fek e tin nikan duuliy ngak e tin th’abi tiyugang’ e gidii’. Machane, rayag nira yoeg ni bayni fek e tin nikan duugliy ngak e tin ni th’abi tiyugang’ e gidii’ ni fa’anra be thamiy nib tu’uf ni nge yiroriy fare tabinaew rok’ facha’ nikan rrin’ e kireb ngak’. Ma krayag nira yoeg ni fa’anra manang nira ayuweg facha’ nikan rrin’ e kireb ngak (kemus ni dabiyog fithingan facha’ nikan rrin’ e kireb ngak) fa nge ayuweg mornga’agen e Galasia.

• Fa’anra ba tu’uf, fare bishof e rayag nira yoeg e tin nikan duugliy ngak e gidii’en fare council ko ward. Biney e bachan ni nge nang fapi tiyugang’ ko napan ni yibe tafney nag ni ngan pii’ reb e muruwl ngak facha’, machib nag, fa pii’ e meybil fa numon u Galasia. Ma bachan e nge pii’ e athamgil ngak fapi tiyugang’ ni ngar pii’ed e ayuw ngak fare member nge gathon e tabinaew rok’.

• Fa’anra ke pii’ matwon fare stake president, fare bishof e rayag nira yoeg e tin nikan duugliy ulan fare mo’olung ko ward ngak fapi elders quorum nge Relief Society fa’anra mu’un e:

  • Ngongol ko wawoliy ni rayag nira mada’ad ngak e gidii’.

  • Machib nag e yalen ni dani riyul’ fa boech e ngongol ko apostasy.

  • Denen ni woed e mabgol ni bo’or e gidii’ ngay fa machib rok’ bee’ ni nge wawoliy e gidii’ ko tin ba’aray ban’en.

  • Be m’ug ni ngongol riy fa machib riy e rib togopuluw ngak e general fa fapi tiyugang’ ko Galasia nib local.

• Fa’anra buch e biney, fare stake president e bay nira tu’uf ni nge yoeg e pin’ey ngak fapi members ko boech e ward ulan fare stake.

• Bochingiyal’, fare bishof fa stake president e bay nira thamiy nib mangil ni nge yoeg ngak boech e gidii’ fa gubin e gidii’ nikan rrin’ e kireb ngorad nge gathon e tabinaew roraed nikan mu’ i tay reb e membership council nifan facha’. Ra rrin’ e biney u dakean fare bishof fa stake president roraed.

• Fa’anra fare ngongolen facha’ e be wawoliy e gidii’ ko riyaaq, ma fare bishof fa stake president e rayag nira yoeg ngak fapi gidii’ ni ngar pii’ed e ayuw ngar yiroriyed boech e gidii’. Dabi yoeg fa dag e tin nib mith thibolngin ma dabi susun nag mornga’agen.

• Ma tin nike magay riy, fare bishof fa stake president e kemus ni nge weliy e tiney nib tu’uf ni nge yoeg ma dabi weliy nge pag rogon. Kemus ni nge yoeg ni mat’won e membership rok’ facha’ ko Galasia e kan siyeg fa kan chuweg ni bachan e ngongol nike rrin’ nib kireb ko motpchiyel nge yalen e Galasia. Mara fith ngak fapi gidii’ nibay ni dabin weliy mornga’agen e biney. Dabi fith ko yaedra sustain nag fa dabun raed e n’en ni ngan rrin’.

• Fa’anra fel’ ma be ul’ul’ fare member nibe rrin’ e tin nib mangil u tomuren fare membership council (muguy ko 32.11.1), ma fare bishof fa stake president e rayag ni ngar rogned e biney ni ngeyag ni ngan pag i nonon nag mornga’agen.

32.12.3

Weliy Mornga’agen fare Taalag nag e Membership

Bochingiyal’, fare bishof era tu’uf ni nge yoeg ni facha’ e ke taalag fare membership rok’ ko Galasia (muguy ko 32.14.9). Fare bishof e dabi weliy mronga’agen e biney nge yo’or.

32.13

Fek Mornga’agen ko tin Th’abi Tolang e Tiyugang’ e tin Nikan Duugliy

Fare member e rayag nira fek mornga’agen ngak e tin th’abi tiyugang’ e tin nikan duugliy ulan fare membership council ko ward ngak fare stake president ulan guyey e rran. Fare stake president era tay fare membership council ko stake ni ngan guy rogon e biney nikan fek ngoraed. Rayag nira fith ngak fare bishof ni nge gay rogon biyay fare mo’olung min tafney nag e tin nikan duugliy, baga’ ni fa’anra bay boech ban’en nib be’ech nikan nang.

Fare member e krayag nira fek mornga’agen ngak e tin th’abi tiyugang’ e tin nikan duugliy ulan fare membership council ni nge yoloey mornga’agen ngak e bin Somm’on e Presidency ulan 30 e rran. Fare member era pii’ fare babyor ngak fare stake president ni nge pii’ ngak fare bin Sommo’n e Presidency.

Ulan e mission, fare member e rayag nira fek mornga’agen ngak e tin th’abi tiyugang’ e tin nikan duugliy ulan fare membership council ko branch fa district ulan guyey e rran. Fare mission president era tay fare membership council ko stake ni ngan guy rogon e biney nikan fek ngoraed. Fa’anra ngiyal’ fa palgin facha’ e be talag ko biney, mara rrin’ ni ba’aray rogon ko 32.9.4.

Fa’anra fare mission president e gagiyegnag fare mo’olung, fare member e rayag nira fek mornga’agen ngak e tin th’abi tiyugang’ e tin nikan duugliy ni nge yoloey mornga’agen ngak e bin Somm’on e Presidency ulan guyey e rran. Fare member era pii’ fare babyor ngak fare mission president ni nge pii’ ngak fare bin Somm’on e Presidency.

Facha’ nira yoel ngak e tin th’abi tiyugang’ e tin nikan duugliy era yoloey mrnga’agen nga babyor ko rogon ni dani mat’aw fa kanawo’en nikan duugliy e dani fel’.

Fa’anra yira tay fare membership council nifan nikan fek ngak e tin th’abi tiyugang’ e tin nikan duugliy, ma ta’areb ko l’agruw fare n’en nikan duugliy riy e rayag ni yira rrin’:

• Ni pag e tin nikan mu’ i duugliy ni somm’on ni nge par riy ni arram rogon.

• Ni fal’eg rogon nge fel’ e tin nikan duugliy ni somm’on.

Tin nira duugliy e bin Somm’on e Presidency e irreram e tin ni tomur ban’en ni yira duugliy ma dabiyag ni ngkun fek mornga’agen biyay ngak e tin th’abi tiyugang’.

32.14

Fapi Reports nge fapi Membership Records

32.14.1

Report ko Membership Counscil ko Galasia

Tomuren reb fapi membership council, fare bishof fa stake president e ka chingiyal’nem ni nge pii’ fare babyoren e Report nifen e Membership Council ko Galasia ko gin ni ba’aray ko LCR. Rayag nira fith ngak fare clerk ni nge ngongliy rogon fare report. Ra guy ni dariy bang ko fapi babyor fa kopy riy nib electronic nira par roraed. Ra guy ni gubin fapi babyor nikan fanay nikan ngongliy fapi report riy e kachingiyal’nem ni ngan gaathay.

32.14.2

Fapi Siyegnag ko Memnership ko Galasia nib Formal

Fapi siyegnag ko membership ko Galasia nib formal e yira tay ngalan fare membership record rok’ facha’. Headquarters ko Galasia e ma tay e pi notation ney u tomuren nikar thapegeg fare Report nifen e Membership Counscil ko Galasia. Napanra kalngaen’ fare member, fare tiyugang’ era tay reb e mo’olung ni ngan tafney nag rogon ni ngan luuf e pin’ey nikan siyegnag riy (muguy ko 32.16.1).

32.14.3

Fapi Records ko Tomuren nikan Chuweg e Membership Rok’ Facha’ ko Galasia

Fa’anra kan chuweg e membership rok’ facha’ ko Galasia, fare headquarters ko Galasia ere luuf fare membership record u tomuren nikan thapeg fare Report nifen Membership Counscil ko Galasia. Fa’anra ba’adag facha’, fapi tiyugang’ e rayag ni ngar ayuweged nge sul biyay ko Galasia ko wo’en e tawfe nge thapeg e thothup (muguy ko 32.16.1).

32.14.4

Fapi Records ko Tomuren nikan Sulweg Biyay ko Galasia

Tomuren nikan sulweg biyay facha’ ko Galasia, fare bishof era pii’ fare babyoren e Report nifen e Membership Counscil ko Galasia. Certificate ko Tawfe nge Thothup e dawrin fal’ag rogon. Ya, fare tawfe nge fare thothup e yira yoloey mornga’agen ngalan fare babyoren e Report nifen e Membership Counscil ko Galasia.

Fa’anra dawrin endow nag fare member, fare headquarters ko Galasia era duugliy fare membership record nibe dag fare rofen fare bin somm’on e tawfe nge ku boech fapi gam’ing. Fare record e dabidag nikan n’ag nga bang biyang ko fare membership ko Galasia.

Fa’anra kan endow nag fare member, fare headquarters ko Galasia era ngongliy rogon fare membership record ni nge dag fare tawfe nib be’ech nge fare rofen nin thapeg e thothup. Biney e record e mu’un fare mulwol ngay ko “Fapi Tawa’ath nikan Fulweg Yarmen.” Tomuren nikan fulweg fapi tawa’ath ngak fare member (muguy ko 32.17.2), ma fare membership record era m’ug nikan update nag fare bin somm’on e tawfe nge ku boech fapi gam’ing. Dabidag nikan n’ag nga bang biyang ko fare membership ko Galasia.

32.14.5

Fapi Membershp Records nibay e Annotation Riy

Woed rogon nike pii’ mat’won fare bin Somm’on e Presidency, fare headquarters ko Galasia era tay fapi annotation ko membership record rok’ facha’ ni fa’anra ke buch reb e pin’ey riy.

1. Fare bishof fa stake presient ere pii’ fare babyoren e Report nifan e Membership Counscil ko Galasia nibay riy nibe yoeg ni fare membership rok’ facha’ e kan siyegnag nib formal fa kan chuweg ni bachan reb e tin ba’aray e ngongol.

   1. Ngongol ko qgalong ulan e tabinaew

   2. Gafgow nag e bitir nge fel’yangren ko ngongolen e galong, ngongolen e wawoliy ko galong ngak e bitir fa fal’yangren, fa cham ko thin fa dumow ngak e bitir fa fal’yangren ni bee’ nib ilal fa reb e fel’yangren nib ilal boech

   3. Mu’un ko pornography ko bitir ni woed rogon nibay ko 38.6.6

   4. Reb e mabgol ni bo’or e gidii’ ngay

   5. Ilal nibe wawoliy e ngongol ko galong

   6. Transgender—fapi ngongol ni yibe gay rogon ni ngan thilyeg e dogur ko bin nikan gargelegem ngay (muguy ko 38.6.23)

   7. Moro’ro’ Salpiy ko Galasia fa Irring e Chugum nifan e Galasia (muguy ko 32.6.3.3)

   8. Ayuw nifen e Gafgow ko Galasia

   9. Ngongolen e Mada’ad (ni woed e galong, cham, fa mornga’agen e salpiy) fa ngongol nima kireb nag e Galasia.

2. Fare bishof nge stake president ere yoloey fapi notifiation ni facha’ e:

   1. Ke rrin’ fa bay mornga’agen nike un ngareb e kireb nikan yoloey ni ba’aray u lang.

   2. Kan pire’eg nike un ko mororo’ fa reb fapi ngongol nikan yoloey mronga’agen u lang.

Napanra thapeg fare bishof reb fapi membership record nikan annotate nag, mara rrin’ ni woed rogon nikan annotate nag rogon.

Kemus ni fare bin Somm’on e Presidency e rayag nira pii’ matwon’ ni ngan luuf reb e pi annotation ney ulan fare membership record. Fa’anra yoeg fare stake president ni rayag ni ngan luuf fare annotation, mara yus nag fare LCR (muguy ko 6.2.3). Fare Office ko fare bin Somm’on e Presidency ere yoeg ngak ni fa’an ni yira pii’ mat’won fa dangay.

32.14.6

Report nag e Salpiy nikan Mororo’ nag ko Galasia

Fa’anra kan siyeg fa kan chuweg e membership rok’ facha’ ni bachan e ke gathaaynag e salpiy ko Galasia, ma fare bishof fa stake presient ere report nag ni ba’aray rogon ko 34.7.5.

32.14.7

Chuweg fapi N’en nikan Siyegnag ko fapi Membership Records

Bochingiyal’ ma fare member ko Galasia era chuw ko ngiyal’ ni dawrin mu’ i fal’ag rogon fapi n’en nike buch. Bochingiyal’ ma fare bishof e ba tu’uf ni nge weliy e pin’ey ngak fare bishof nib be’ech u mm’on ningan pii’ fare membership record rok’ facha’ ko fare unit nib be’ech. Fa’anra buch e biney, fare bishof (fa fare clerk ni fa’anra kan pii’ mat’won) e rayag ni nge tay ko fare membership record ni ngan chuweg fapi n’en nikan siyeg riy. Fare record era par ko fare unit nga mada’ ko ngiyal’ ni fare bishof (fa fare clerk ni fa’anra kan pii’ mat’won) era luuf fapi n’en nikan siyeg riy. Biney era ayuweg fare bishof nge weliy e tin nib tu’uf nge mornga’agen.

32.14.8

Fapi Records ko Pi’in nibay u Kaalbus

Boech e members e bay nikar rrin’ed e kireb ma kiyaed bay u Kaalbus. Fare bishof fa stake president ko binem e unit nima par facha’ riy ko ngiyal’ ni buch fare kireb ere tabab nge rrin’ e tin nib tu’uf ni ngan siyegnag fa ni chuweg e membership rok’ facha’ riy nib formal. Fa’anra yira siyeg mat’won fare membership, ma fare tiyugang’ (fa fare clerk ni fa’anra kan pii’ mat’won) ere pii’ fare membership records ko fare unit ko gin nibay facha’ riy nib kaalbus. Fa’anra kan chuweg fare membership, fare bishof fa stake president ere gopuruy’ ngak fare tiyugang’ ko binem e unit. (Muguy ko 32.15.)

32.14.9

Fith ni ngan Taaleg fare Membership

Fa’anra fith fare member ningan taaleg fare membership rok’ ko Galasia, fare bishof era fith ngak facha’ ko ba’adag ni nge weliy fan e biney me gay rogon nge ayuweg facha’. Fare bishof nge fare member e krayag ni yowra non ngak fare stake president. Fare tiyugang’ ere guy rogon ni nge ayuweg fare member ni nge nangfan e tn nira buch ko tomuren nikan taaleg fare membership ko Galasia.

• Ra taaleg fapi gam’ing ni gubin.

• Ra luuf gubin mat’won fapi membership.

• Sulweg biyay era buch ko wo’en e tawfe nge thapeg e thothup u tomuren e interview u fithik’ e gonop, ma krayag ni bay nira un, fare membership council ngay (muguy ko 32.16.2).

• Bee’ nike mu’ ko endow e rayag nira thapeg fapi tawa’ath ko sulyarmen ko preisthood nge fapi tawa’ath ko temple nikemus ni fare bin Somm’on e Presidency era pii’ mat’won nge tomuren nike gaman reb e duw nike sul biyay (muguy ko 32.17.2).

Fa’anra fare member e ba’adag ni nge taaleg fare membership ko Galasia, mara yoloey nga butt’, me yoloey fitingan ngay me pii’ nibe fith e biney. Fare bishof ere pii’ e biney nikan fith ngak fare stake president ko gin ni ba’aray LCR. Fare stake president ere be’eg e biney me fulweg e thiin riy ko rogon kanawo’en e biney. Fapi tiyugang’ e susun ni ngar rrin’ed e biney ko chingiyal’em.

Facha’ e krayag nira taaleg fare membership rok’ ni nge yoloey, me notarized nag fare babyor ni nge fith ngak fare headquarters ko Galasia.

Bee’ nib bitir ni ba’adag ni ngan taaleg e membership rok’ ko Galasia era rrin’ ni ta’areb rogon kanawo’en ngak bee’ nib ilal, nikemus ni bay reb riy nib thil: fare tir era tay fithingan ko ran’ey nibe fith (ni fa’anra pag e meruk e duw rok’) nge fare galibithir rok’ fare tir fa cha’en nibe par fare tir u tan paa’ nib milfan ngak.

Fa’anra fare member nibe taaleg fare membership rok’ era mak’ar cham ngak e Galasia fa ngak fapi tiyugang’, ma fare stake president era rrin’ ni ba’aray rogon ko 38.8.23.

Fa’an ni yira fith ni ngan taalag e membership ma yira rrin’ ni demuturug rogon fa’anra fapi tiyugang’ nibay e priesthood roraed e yaed manang mornga’agen fare denen ni rib kireb. Urngin ban’en ni morga’agen fapi denen ni dawrin ngongliy nge fel’ rogon e kan mu’ i yoloey mornga’agen nga butt’ ko napan nikan pii’ ke yaen ko LCR. Biney e rayag nira ayuweg fapi tiyugang’ ko tin nga mm’on ban’en ni fa’anra sul facha’ ko Galasia biyay (muguy ko 32.16.2).

Tiyugang’ nibay e priesthood roraed e susun ni dabi fith ni ngan taaleg e membership ko Galasia ni bachan e dubunraed ni ngar ted fare membership council.

Fapi tiyugang’ e yaedra ul’ul’ ngar machib gaed ngak e pi’in nike taaleg e membership rok’ makemus ni fa’anra kar roged ni dubun raed.

---

SULWEG FAPI MAT’WON E MEMBERSHIP KO GALASIA

---

Fa’anra kan siyeg fa kan chuweg fapi mat’won e membership rok’ facha’ ko Galasai, fapi tiyugang’ e ngar gayed rogon, ngar machib gaed, mi yaed ayuweg facha’ ko rogon ni ba’adag. Biney e section e be weliy rogon ni rayag ni ngan fulweg biyay mat’won e pin’ey.

32.15

Ul’ul’ ngan Machib

Fare muruwel rok’ fare bishof fa stake president ni yow e fare tapufthin e dabimus u rom ko napan ni yira siyeg fare membership fa ni chuweg e membership rok’ facha’ ko Galasia. Ra ul’ul’ nge machib, ni fa’anra ba’adag facha’, ni ngeyag ni ngaki falfalaen’ ngay biyay ko fapi tawa’ath nima yib ni bachan e membership ko Galasia. Fare bishof era nangfan salpen facha’ nge, ngiyal’ ni rayag, maki mada’ nag le’engin fa figirngin facha’. Fare Tathapeg e machib ngak fapi Nephites:

“Dab mu yinʼed nga wuruʼ e … pi tagilʼ e moʼolung romed, ara tagilʼ e meybil romed, ya piʼin ni aram rogon e ngam ululiyed e machib ni fan ngoraed; ya dam nanged ma richey me rebo rran mar suloed ngar kalgaed ngaenʼraed, marbaed ngog u poloʼ i gumʼirchaʼaraed, mug ggol nagraed; me yaeni aw ni gimed tapgin me yog ni ngar thap gaed ko yafos” (3 Nephi 18:32).

Tomuren e ngiyal’ ni yira siyeg fa ni chuweg fare membership rok’ facha’ e ngiyal’ ni rib gel e kirbaen’ riy ko tabinaew rok’ facha’. Fapi tiyugang’ e susun ni ngar daged e murnguy miyaed pii’ e athamgil miyead ayuweg e gidii’ ko fare tabinaew.

Fare bishof era fal’ag rogon e biney ni nge tay bee’ ni nge machib me ayuweg fare member nikan siyegnag fa kan chuweg fapi membership rok’ ko Galasia, ni fa’anra ba’adag facha’. Ki yeadra machib ngak boech e gathon fare tabinaew. Fapi gidii’ nikan siyegnag fapi member roraed e rayag ni ngar uned ko muruwel ko indexing (muguy ko 25.4.3).

Fa’anra chuw facha’ ko fare ward, fare bishof era yoeg ngak fare bishof nib be’ech me weliy ngak e tin ni kabay nib tu’uf u mm’on ni rayag ni ngan luuf fapi n’en nikan siyegnag ko membership ko Galasia. Fa’anra kan chuweg fare membership rok’ facha’ ko Galasia fa facha’ e ke taaleg fare memberhip rok’, fare bishof era rrin’ ni ta’ab rogon ni fa’anra facha’ e ke yoeg ni rayag ni nge pii’ fapi tiyugang’ ko Galasia e ayuw ngak.

32.16

Luuf Fapi N’en nikan Siyegnag nib Formal fa Sulweg Biyay ko Galasia

32.16.1

Fapi Membership Council ni ngan Luuf Fapi N’en nikan Siyegnag nib Formal fa Sulweg Biyay Facha’

Napanra sigyeg fa ni chuweg fapi mat’won e membership ulan fare membership council, ma kura tu’uf ni yira tay reb e mo’olung ni ngan puruy’ nag rogon ni ngan luuf fapi n’en nikan siyegnag fa sulweg biyay facha’ ko Galasia. Biney e mo’olung e susun ni bay e gidii’ riy ni bay mat’wonraed (fa ba tolang mat’wonraed) ko bin somm’on e mo’olung. Woed ni, fa’anra fare stake fa mission president e gagiyegnag fare mo’olung ko somm’on, ma fare stake fa mission president e kura gagiyegnag fare mo’olung ni ngan tafney nag rogon ni ngan luuf fapi n’en nikan siyegnag fa ni sulweg facha’ biyay.

fare bishof ko chiney fa stake president era tay fare mo’olung. Somm’on era yoeg nike kalngaen’ facha’ make fel’ rogon nike be’ech ni nge falfalaen’ ko fapi tawa’ath ko membership ko Galasia.

Pi’in nikan siyegnag fapi membership roraed ko Galasia nib formal e ke dag nike kalngaen’ nib riyul’ nike gamam reb e duw u mm’on ni yira tafney nag ni ngan luuf fapi n’en nikan siyegnag riy. Pi’in nikan chuweg fapi membership rok’ ko Galasia e baga’ ni gubin ngiyal’ ni ngar daged ni kar kalngaen’gaed nib riyul’ ulan ta’areb e duw u mm’on ni yira lemnagraed ni ngan sulweg raed biyay. Fare member ni’i moy reb e liiw rok’ ulan e Galasia ko ngiyal’ ni buch fare denen ni rib kireb, e bay nira n’uw napan ko biney (muguy ko 32.6.1.4).

Mo’olung ni yira tay ni ngan lemnag rogon ni ngan luuf fapi n’en nikan siyegnag fa ni sulweg biyay facha’ ko Galasia era rrin’ ni woed rogon kanawo’en e membership council. Fare stake president e thingari pii’ mat’won fare bishof u mm’on nira tay fare membership council. Ko mission, fare mission president e thingari pii’ mat’won fare branch fa district president.

Tin ba’aray rogon kanawo’en ni yira rrin’ u napan ni yibe tay fapi membership coucil ni yibe lemnag ni ngan chuweg fapi n’en ni ngan siyegnag e membership rok’ facha’ ko Galasia fa ni sulweg biyay facha’ ko Galasia. Gathi gubin kanawo’en e pin’ey era buch ko reb e pin’ey.

1. Review nag fare bin th’abni somm’on e membership council. Fare bishof fa stake president era review nag fare babyoren e Report ko Membership Counscil ko Galasia. Ra fith reb e kopi ko gin ni ba’aray ko LCR. Tomuren nikan mu’ i review nag fare babyor, rayag nira kol nag fare bishof fa stake president ko gin nitay fare bin somm’on e mo’olung riy nge nangfan ni rib tomilang rogon.

2. Interview nag facha’. Fare bishof fa stake president ere interview nag facha’ u fithik’ e gonop ni nge nag gelngin fare mich rok’ ngak Yesus Kristus nge gelngin nike kalngaen’. Ma kara duugliy ko facha’ e ke mada’nag e tin nib tu’ub ni nge rrin’ ni woed rogon nikan noeg ko napan fare ngiyal’ ni buch fare ngongol.

3. Duugliy mornga’agen fare criminal fa ngongol ko court nib civil. Bochingyal’ ma bay ni facha’ e ke rrin’ fake th’ab reb e motochiyel ni rib kireb. Bochingyal’ ma bay ni facha’ e kan pire’eg nike un ngareb e ngongol fa morowo’ fa ku boech e ngongol ni dani fel’. Fa’anra buch e tiney, fare tiyugang’ e bay ni dabi tay fare mo’olung nge mada’ ko ngiyal’ nike mu’nag facha’ e kaalbus, tin nib tu’uf ni nge rrin’, fa n’en nike tapufthin nag fapi tiyugang’ ko aam nibay matwon’raed. Tiney e bay nib mu’un e kaalbus ngay, fare probation, parole, pii’ pilwon fa pii’ pilwon fare n’en fa facha’ nikan rrin’ e kireb nagk. Fa’anra bay rogon nrayag ni ngan rrin’ nib thil ma thingari pii’ mat’won fare bin Somm’on e Presidency u mm’on ni yira tay fare membership council. Pin’ey nibay rogon nrayag ni ngan rrin’ e bay ni facha’ e ke mu’nag urngin e pin’en nib tu’uf ni nge rrin’ ko motochiyel ko aam make dag nike kalngaean u fithik’ e riyul’ machane kabay ko fare probation fa bay ba salpiy nib baga’ nira pii’.

4. Kol nag fare tiyugang ko priesthood ko facha’ nikan rrin’ e kireb ngak. Fare bishof fa stake president era kol nag fare bishof fa stake president rok’ fapi gidii’ nikan rrin’ e kireb ngoraed (muguy ko 32.10.2).

5. Mornga’agen fare Mo’olung. Ra yoeg ngak facha’ fare roffen, ngiyal’, nge gin ni yira tay fare mo’olung riy.

6. Gagiyegnag fare mo’olung. Ra gagiyegnag fapi mo’olung ni woed rogon nikan yoloey ko 32.10.3. Ra fith ngak facha’ ko mang e ke rrin’ nge kalngaen’. Ma kara fith ngak facha’ rogon e michmich rok’ ngak Yesus Kristus nge fare Galasia. Napan ni yira weliy e tin nibay nib tu’uf, ma yira yoeg ngak facha’ nge chuw ulan fare singgil. Mu’un fagli councelors rok’ ngay, ra meybil ni nge tafney nag ko mang e nge rrin’. Daalip ban’en ni rayag ni ngan duugliy riy:

   1. Ul’ul’nag fapi siyegnag fa chuweg e membership.

   2. Luuf fapi n’en nikan siyegnag min sulweg mat’won biyay.

   3. Fith ngak fare bin Somm’on e Presidency ni ngan luuf fapi n’en nikan siyegnag fa ni sulweg mat’won biyay (fa’anra ba tu’uf ni ngan “Uneg nike pii’ mat’won fare bin Somm’on e Presidency ngay” ba’aray u tanggin).

7. Weliy fare n’en nikan duugliy. Tomuren nikan duugliy e n’en ningan rrin’ ulan fare mo’olung’, facha’ nibe gagiyegnag fare mo’olung ere weliy e pin’ey ngak facha’. Fa’anra ke pii’ mat’won fare bin Somm’on e Presidency, mara weliy ni biney nikan duugliy e yira yoeg ngak fare bin Somm’on e Presidency.

8. Pii’ nge yaen fare report. Fare bishof fa stake president e nge pii’ fare babyoren e Report ko Membership Council ko Galasia ko gin ni ba’aray ko LCR. Bay nira fith ngak fare clerk ni nge ngongliy rogon ere report ney. Mara guy ni gubin babyoren nibay nge tin nib electronic riy e dabi par roraed. Ma kura guy ni gubin babyoren nikan fanay ni ngan ngongliy rogon fare report e yira gaathay.

9. Apply ko fare mat’won fare bin Somm’on e Presidency (fa’anra ba tu’uf). Tin ba’aray ban’en, fare mat’won fare bin Somm’on e Presidency e rib tu’uf ni nge luuf fapi n’en nikan siyegnag ko membership nib formal fa sulweg facha’ biyay ko Galasia. Biney ni ngan pii’ mat’won e rib tu’uf ni demuturug rogon ni fa’anra ke buch fare ngongol u tomuren nikan siyegnag fare membership ko Galasia fa kan chuweg.

   Fare stake president era pii’ fare application ngak fare bin Somm’on e Presidency nikemus ni fa’anra fith mat’won nib tu’uf (muguy ko 6.2.3).

   1. Mathang pogofan

   2. Ngongol ko qgalong ulan e tabinaew

   3. Gafgow ko galong ngak e bitir fa fal’yangren, ngongolen e wawoliy ko galon gngak e bitir fa fal’yangren, fa cham ko thin fa dumow ngak e bitir fa fal’yangren ni bee’ nib ilal fa reb e fel’yangren nib ilal boech.

   4. Mu’un ko pornography ko bitir napan nibay e motochiyel nikan gaathay

   5. Apostasy

   6. Reb e mabgol ni bo’or e gidii’ ngay

   7. Rrin’ e denen ni rib kireb ko ngiyal’ ni bay e liiw rom ulan e Galasia

   8. Transgender—fapi ngongol ninge thilyeg downgin facha’ ko bin e downgin nikan gargeleg riy (muguy ko 38.6.23)

   9. Moro’ro’ Salpiy ko Galasia fa chugum riy

10. Mornga’agen fare mo’olung nikan yoloey nga butt’. Fare bishof fa stake president era guy ni nge thapeg facha’ fare babyor ni bay mornga’agen e tiney riy ko n’en nikan duugliy nge n’en nira buch riy.

11. Tawfe nge thapeg e thothup. Fa’anra kan chuweg fare membership rok’ facha’ ko Galasia ulan fare bin somm’on e mo’olung, ma facha’ e thingari tawfe me thapeg fare thothup biyay. Fa’anra ba tu’uf mat’won fare bin Somm’on e Presidency, ma tiney e gam’ing e thingari rrin’ u tomuren nikan thapeg fare mat’won ni rayag. Fare Certificate ko Tawfe nge Thapeg e Thothup e dawrin fal’ag rogon (muguy ko 32.14.4).

32.16.2

Kan Sulweg Biyay u tomuren nikan Taalag fare Membership ko Galasia

Fa’anra facha’ e ir rok’ e taalag fare membership ko Galasia, ma facha’ era tu’uf ni nge tawfe me thapeg fare thothup ni ngeyag ni ngan sulweg biyay ko Galasia. Fan ngak e pil’al’, sulweg ni yima tay e baga’ nima buch u tomuren ta’areb e duw nikan taalag fare membership.

Napanra fith facha’ ni ngan sulweg biyay, fare bishof fa stake president e nge fek bang fare kopi ko fare babyoren e Report ko Administration Action nib mu’un fare babyoren ngay ni ngan fith ni ngan sulweg biyay. Rayag ni nge thapeg e biney ko gin ni ba’aray ko LCR.

Fare bishof fa stake president era interview nag facha’ u fithik’ e gonop. Ra fith fan e tin ni somm’on ban’en nikan duugliy nge fan ni nge sul biyay. U dakean fare thothup ko t’ufeg, ma kura fith ngak facha’ ko bay reb e denen nike rrin’ u mm’on fa u tomuren nikan taaleg fare membership. Fare tiyugang’ e dabi ul’ul ni ngan sulweg biyay nge mada’ ko ngiyal’ nike fel’ u wean’ nike kalngaen’ facha’ make fel’ rogon ni nge falfalaen ko fapi tawa’ath ko membership ko Galasia.

Rogon kanawo’en ni ngan sulweg biyay u tomuren nikan taaleg:

• Yira tay fare membership council ni fa’anra fare membership rok’ facha’ e kan siyegnag nib formal ko ngiyal’ ni taalag.

• Yira tay fare membership council ni fa’anra facha’ e ke rrin’ reb e denen ni rib kireb, nib mu’un e apostasy ngay, u mm’on ni ngan taalag fare membership.

Boech nib thil rogon, dabin tay fare membership council makemus ni fa’anra duugliy fare bishof fa stake president ni rib tu’uf.

Ngiyal’ nira tu’uf e membership council e ngiyal’ ni facha’ e ke thapeg fare temple endowment, fare stake president era tay e biney e mo’olung. Ngiyal’ nira tu’uf e membership council ni facha’ e dawrin endow nag, fare bishof era tay e biney e mo’olung, nike pii’ fare stake president mat’won ni nge rrin’ e biney.

Fa’anra ke un facha’ nga reb e pi ngongol ney 32.16.1, number 9, ni demuturug ko mm’on riy fa tomuren nikan taaleg fare membership ko Galasia, fare mat’won fare bin Somm’on e Presidency e rib tu’uf ni nge yag ni ngan sulweg biyay. Fa’anra ke un facha’ nga reb e pi ngongol ney 32.14.5, number 1, ni demuturug ko u mm’on riy fa tomuren nikan taaleg fare membership, yira tay fare annotation ko fare membership record.

Facha’ nike fith ningan sulweg biyay e thingari rrin’ e tin nib tu’uf ni woed e pi’in nikan tawfe nagraed. Napanra fal’ u wean’ fare bishof fa stake president ni facha’ e bay nib be’ech ma be yul’yul’ ni ba’dag ni ngan sulweg biyay, ma rayag ni yira tawfe nag facha’ me thapaeg e thothup. Fare Certificate ko Tawfe nge Thapeg e Thothup e dawrin fal’ag rogon (muguy ko 32.14.4).

32.17

Activity ko Galasia, Yibliynag, nge Fulweg fapi Tawa’ath u Tomuren nikan Sulweg Biyay

32.17.1

Acvtivity ko Galasia nge Yibliynag

Bin ba’aray e chart e bay e activity riy ko Galasia nifan ngak facha’ nikan sulweg biyay ko tawfe nge thapeg e thothup.

	Dawrin Endow Nag	Kan Endow Nag
Ki’i Moey fare Priesthood Rok’	Dawrin Endow Nag Chingiyal’nem u tomuren e tawfe nge thapeg e thothup, e rayag ni yira ordain nag raed ko fare office ko priesthood ni’i moey roraed u mm’on nin chuweg fa ni taaleg e membership roraed ko Galasia. Danra uned ko fare sustain. Bay ni yira pii’ ngak fare recommend ko temple nifan e tawfe ko gidii’ nike yim’ nge fapi thapeg nag e thothup.	Kan Endow Nag Bay ni dabin ordain nag ko reb fapi priesthood office. Napan ni yaedra thapeg fare priesthood nge fapi tawa’ath ko temple nikan fulweg biyay ngoraed, ma fare priesthood office roraed e ki yira fulweg biyay ni woed rogon ko 32.17.2. Bay ni dabiyag ni ngar uned ko fapi gam’ing nge mada’ ko ngiyal’ nem. Bay ni rayag nira un ko fare activity ko Galasia nikan pii’ mat’won nifan e member ni dawri endow ni dariy fare priesthood rok’. Bay ni dabi chuw nga maadan e garment ko temple fa thapeg e recommend ko temple nge mada’ ko ngiyal’ nikan fulweg fapi tawa’ath ngoraed.
Boech e pi Member	Dawrin Endow Nag Bay ni rayag ni ngar uned ko activity ko Galasia ni woed bee’ nib be’ech ko Galasia. Bay ni yira pii’ ngak fare recommend ko temple nifan e tawfe ko gidii’ nike yim’ nge fapi thapeg nag e thothup.	Kan Endow Nag Bay ni rayag nira un ko fare activity ko Galasia nikan pii’ mat’won nifan e member ni dawri endow ni dariy fare priesthood rok’. Bay ni dabiyag ni nge chuw nga maadam e garmemt ko temple fa thapeg reb e recommend ko temple nga mada’ ko ngiyal’ nikan fulweg fapi tawa’ath ngoraed (muguy ko 32.17.2).

32.17.2

Fulweg fapi Tawa’ath

Facha’ nike mu’ i thapeg fare endowment ko temple makan sulweg biyay u dakean fare tawfe nge thapeg e thothup e rayag ni ngar thapegned fare priesthood roraed nge fapi tawa’ath ko temple nikemus nira buch u dakean fare gam’ing ko fulweg fapi tawa’ath (muguy ko Doctrine and Covenants 109:21). Dani ordain nagraed ko fare office ko priesthood fa ni endow nagraed biyay. Tiney e tawa’ath i yima fulweg u dakean fare gam’ing. Fapi brethren e yira fulweg ko fare office ko priesthood ni’i moey rok’, makemus ni dabiyag ko fare office ko Medlipi Ragag, bishof, fa patriark.

Kemus ni fare bin Somm’on e Presidency e rayag nira pii’ mat’won fare gam’ing ko fulweg fapi tawa’ath. Dabra fanayed fare application nifan e biney e gam’ing ni fa’anra dawri gaman reb fare duw ngay u tomuren nikan sulweg biyay facha’ u dakean e tawfe’ nge thathpeg e thothup.

Fare bishof nge stake president e yowra interview nag facha’ ni ngeyag ni ngan duugliy ko ke fel’ rogon fa dawoy. Napanra thamiy fare stake president nike fal’ rogon facha’, ma arram nira apply ko fapi fulweg yarmen fapi tawa’ath ni ba’aray ko LCR. Muguy ko 6.2.3 mornga’agen fare muruwel rok’ fare stake president napan nibe pii’ fapi application ngak fare bin Somm’on e Presidency.

Fa’anra ke pii’ fare bin Somm’on e Presidency mat’won fapi fulweg yarmen fapi tawa’ath, ma yaedra pii’ reb e General Authority fa fare stake president ni nge interview nag facha’. Fa’anra be’ech facha’, ma fare tiyugang’ era rrin’ e biney e gam’ing ni nge fulweg fapi taw’ath rok’ facha’.

Ko mornga’agen fapi record ko membership nge fapi tawa’at ko fulweg yarmen, muguy ko 32.14.4.