“32. Ukweļo̧k im Ro Uwaan Ko̧o̧njeļ ro an Kabun̄ in,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“32. Ukweļo̧k im Ro Uwaan Ko̧o̧njeļ ro an Kabun̄ in,” Bok in Bōk Meļeļe Eļap.
32.
Ukweļo̧k im Ko̧o̧njel ko an Ro Uwaan an Kabun̄ in
32.0
Kadkad In
Enan̄in aolep ukweļo̧k rej bōk jikier ikōtaan juon armej, Anij, im ro me armej eo ekar kōm̧m̧an bōd ak jerawiwi ņae. Ijoke, jet iien juon bisop ak stake būreejtōn ej aikuj jipan̄ ro uwaan Kabun̄ in ilo kijejeto ko aer n̄an ukweļo̧k.
N̄e ej itok n̄an jipan̄ membōr ro ikkijeen ukweļo̧k, bisop ro im stake būreejtōn ro rej aikuj kwaļo̧k aer iakwe im kea. Rej ļoor waanjon̄o̧k eo an Rilo̧mo̧o̧r, eo ekar ļōn̄aj lōn̄ļo̧k kajjojo armej im ekar jipan̄ er eļļo̧k jān jerawiwi im oktakļo̧k n̄an Anij (lale Matu 9:10–13; Jon 8:3–11).
Āinwōt an elaajrak ijin ilaļ, jebta in kar ejaake im karōke n̄an tōl ritōl ro kōn kii n̄an kāālet im jerbal ko remenin aikuj n̄an jipan̄ juon eo ej ukweļo̧k jān jerawiwi ko reļļap im n̄an jipan̄ kōjparok ro jet.
-
Jerbal eo an Kabun̄ in ilo an Jipan̄ juon Armej Ukweļo̧k. Jekjen 32.1–32.4 ej kōmeļeļeik bwe katak eo an Irooj kōn ukweļo̧k im jeorļo̧k bōd. Jekjōn kein rej barāinwōt kōmeļeļeik jilu wūn ko kōn mo̧ ko ak bukweļo̧k juon eo uwaan Kabun̄ in. Meļeļe ko jet, rej kōmeļeļeik jerbal eo an bisop ro im stake būreejtōn ro ilo aer jipan̄ ikkijeen ukweļo̧k.
-
Kālet Jekjek eo n̄an Jipan̄ juon Armej Ukweļo̧k. Jekjōn ko 32.5–32.7 ej letok laajrak in tōl ko n̄an kāālet eļan̄n̄e juon ko̧o̧njeļ in kajim̧we ak naan in kōkapilōklōk ippān juon armej ej jekjek eo ekkar n̄an jipan̄ juon armej ukweļo̧k.
-
Kōm̧m̧ani Ko̧o̧njeļ in Kajim̧we an Juon Make Tōl Naan in Kōkapilōklōk Ippān Juon Armej.Jekjōn ko 32.8 ej bōktok laajrak in tōl ko n̄an kōkapilōklōk juon armej jān ippān bisop eo ak stake būreejtōn eo. Ej barāinwōt kōmeļeļeik ilo jouj mo̧ ko jet n̄an ro uwaan Kabun̄ in.
-
Kōm̧m̧ani Ko̧o̧njeļ in kajim̧we ko an Kabun̄ in. Tōl Ko̧o̧njeļ in Kajim̧we ko an Ro Uwaan Kabun̄ in.Jekjōn ko 32.9–32.14 ej kōmeļeļeik wōn eo ej eddoik ko̧o̧njeļ in kajim̧we ko an Kabun̄ in, ewi wāween n̄an tōli, im kāālet ko rekkar im remaron̄ bōk jikier. Tōprak ko kōn kāālet ko em̧ōj bar kōmeļeļeiki.
-
Kōro̧o̧l Eddo ko an juon Membōr ilo Kabun̄ in. Jekjōn ko 32.15–32.17 ej kōmeļeļeik wāween an juon armej maron̄ bar ro̧o̧l eddo ko an ālkin ukweļo̧k.
M̧ae ebar wōr oktak naaj kalikkar, meļeļe ko n̄an stake būreejtōn ro ej barāinwōt jerbal n̄an mijen būreejtōn ro. Meļeļe ko n̄an bisop ro rej barāinwōt n̄an branch būreejtōn ro.
Būreejtōnji eo Kein Kajuon rej kwaļo̧k kakien ko im wāween ukweļo̧k jen jerawiwi ko reļļap. Būreejtōnji eo Kein Kajuon ej rie jen Church’s Confidential Records Office. Stake būreejtōn eo ak bisop eo emaron̄ kūrļo̧k opiij eo tello̧kin ak kajjitōk in kakien ko. Opiij in emaron̄ bar kwaļo̧k kōmeļeļe ko kilen jilkinļo̧k kajjitōk ko n̄an Opiij eo an Būreejtōnji eo Kein Kajuon. M̧eļeļe ko n̄an kūrļo̧k rej waļo̧k ijin ilaļ:
Talboon: 1-801-240-2053 or 1-800-453-3860, extension 2-2053
Toll free (GSD phone): 855-537-4357
JERBAL EO AN KABUN̄ IN ILO AN JIPAN̄ JUON ARMEJ UKWEĻO̧K
32.1
Ukweļo̧k im Jeorļo̧k Bōd
Irooj ekar ba bwe “ejjeļo̧k juon men ettoon emaron̄ jolōte aelōn̄ in lan̄” (Alma 11:37; lale barāinwōt 3 Nipai 27:19). Jerawiwi ko ad rej kōm̧m̧an bwe jen ettoon—jab erreo n̄an deļon̄e aelōn̄ eo an Jemedwōj Ilan̄. Emaron̄ barāinwōt kōm̧m̧an bwe jen metak ak en̄taan ilo mour in.
Kien jim̧we an Anij emenin aikuj bwe en wōr leen n̄e jej jerawiwi (lale Alma 42:14, 17–18). Ijoke, karōk in tūriam̧o eo An eļap “emaron̄ kōttōprak akweļap ko an kien eo, im atbo̧kwōje [kōj] ilo pein kōjparok” (Alma 34:16; lale barāinwōt Mosaia 15:9).
N̄an kakūrm̧ool karōk in tūriam̧o eo An, Jemedwōj Ilan̄ ekar jilkintok Nejin Emake Wōt, Jisōs Kraist, n̄an pinmuur kōn jerawiwi ko ad (lale Alma 42:15). Jisōs ekar en̄taan n̄an kōļļā wōņeen jerawiwi me kien jim̧we eo ej aikuji n̄an jerawiwi ko ad (lale Katak im Bujen Ko 19:15–19; lale barāinwōt Alma 42:24–25). Kōn katok in, jim̧or Jemād im Eo Nejin rekar kwaļo̧k iakwe eo Aer ejjelo̧k jem̧ļo̧kin n̄an kōj (lale Jon 3:16).
N̄e jej kōmouruuri “tōmak n̄an ukeļo̧k,” Jemedwōj Ilan̄ ej jeorļo̧k ad bōd, ej kwaļo̧k an tūriam̧o kōn Pinmuur eo an Jisōs Kraist (Alma 34:15; lale barāinwōt Alma 42:13). N̄e jej erreo jān jerawiwi im em̧ōj jeorļo̧k ad bōd, āliktata jemaron̄ jolete aelōn̄ in Anij (lale Aiseia 1:18; Katak im Bujen Ko 58:42).
Ukweļo̧k eļapļo̧k jān ukōt wōt mour ko ad. Ej eļļo̧k jān jerawiwi im oktakļo̧k n̄an Jemedwōj Ilan̄ im Jisōs Kraist. Ej tōl n̄an juon oktak ilo bōro im ilo ļōmņak (lale Mosaia 5:2; Alma 5:12–14; Hilamōn 15:7). Kōn ukweļo̧k, jej erom̧ armej ro rekāāl, erom̧ juon wōt ippān Anij (lale 2 Korint 5:17–18; Mosaia 27:25–26).
Iien em̧m̧an n̄an ukweļo̧k ej juon iaan kōjeraam̧m̧an ko reļļap Jemedwōj Ilan̄ ekar letok n̄an kōj kōn menin letok eo an Eo Nejin.
32.2
Wūn ko kōn Mo̧ ko ak Bukweļo̧k n̄an Juon eo Uwaan Kabun̄ in
N̄e juon armej ej peptaij, e ej erom̧ “baam̧le Anij” (Epesōs 2:19). Bujen eo an peptaij ej kobaik juon kallim̧ur n̄an kajjieon̄ n̄an mour ekkar n̄an katak ko an Kraist im kien ko. N̄e juon armej ej wōtlo̧k ak bun̄, ej kōmouruuri tōmak eo an ilo Jisōs Kraist im ej ukweļo̧k, pedped wōt ioon tūriam̧o eo An n̄an kōkajoorļo̧k im jeorļo̧k bōd.
Eļan̄n̄e juon membōr ej kōm̧m̧an juon jerawiwi eļap, bisop eo ak stake būreejtōn eo ej jipan̄ e ukweļo̧k. Āinwōt m̧ōttanļo̧k jerbal in, emaron̄ aikuj kamo̧ik jet iaan eddo ko an juon eo uwaan Kabun̄ in ium̧win juon tōre. Ilo jekjek ko jet, emaron̄ aikuj bukweļo̧k etan membōr eo ilo ium̧win juon tōre.
Kamo̧ik ak bukweļo̧k juon armej eo uwaan Kabun̄ in ejjab kōttōpar eo ņe n̄an kaje. Ijjeļo̧kin, kōm̧m̧an kein rej jet iien menin aikuj n̄an jipan̄ juon armej ukweļo̧k im en̄jake juon oktak in buruōn. Rej barāinwōt leļo̧k an armej eo iien n̄an kōppopo ilo jetōb n̄an kōkāāl im kōjparok bujen ko an bar juon alen.
Bisop eo im stake būreejtōn eo rej loloorjake mo̧ ko ak bukweļo̧k eo an juon eo uwaan Kabun̄ in āinwōt an ellaajrak ilo 32.5–32.14. Kōm̧m̧an kein rej m̧ōttanļo̧k jekjek ko ikkijeen ukweļo̧k. Āinwōt an armej eo m̧ool ilo an ukweļo̧k, emaron̄ bar kōm̧m̧ani eddo ko an āinwōt juon eo uwaan Kabun̄ in.
N̄e mo̧ ko ak bukweļo̧k eo an juon eo uwaan kabun̄ in ekkar, bisop eo ak stake būreejtōn eo ej ļoor tōl eo an Jetōb Kwojarjar im kōmeļeļe ko ilo jebta in. Ej jerbal kōn jetōbōn iakwe (lale 32.3).
Mo̧ ko n̄an eo ej uwaan Kabun̄ in rej an Kabun̄ in, ejjab an kien ak kakkure kien. Rejelōt wōt jekjek eo an armej eo ilo Kabun̄ in. (Lale Katak im Bujen Ko 134:10.)
Wūn ko jilu in mo̧ ko ak bukweļo̧k eo an juon eo ej uwaan Kabun̄ in rej āinwōt in ej elaajrak.
32.2.1
Jipan̄ Kōjparok ro Jet
Wūn eo m̧oktata ej n̄an jipan̄ kōjparok ro jet. Jet iien juon armej ej kwaļo̧k ko̧kkure ilo mour in kanniōk ak jetōb. M̧wilin riko̧kkure ro, kōmetak ko an ānbwin, ko̧kkure an m̧ōm̧ in kanniōk, ko̧o̧t, im bun̄ jān tōmak rej jet iaan wāween ko remaron̄ waļo̧k. Kōn im̧we, juon bisop ak stake būreejtōn eo ej jerbal n̄an kōjparok ro jet n̄e juon armej ej kaamijak ilo wāween kein ak wāween ko jet reļļap (lale Alma 5:59–60).
32.2.2
Jipan̄ juon Armej Bōk Kajoor in Pinmuur eo an Jisōs Kraist kōn Ukweļo̧k
Wūn eo kein karuo ej n̄an jipan̄ juon armej bōk kajoor in pinmuur eo an Jisōs Kraist kōn ukweļo̧k. Ilo wāween in, emaron̄ bar erreo im wāppen n̄an bōk aolep kōjeraam̧m̧an ko an Anij.
Rilo̧mo̧o̧r ekar katakin bwe “bōro e rup im jetōb ettā” rej kaarmejete eo E ej aikuji n̄an jeorļok bōd an jerawiwi (3 Nipai 9:20). Menin ekitbuuj m̧ool in ukweļok jān jerawiwi ko im kaje ko aer (lale 2 Korint 7:9–10).
N̄e armej eo ej kōm̧m̧ane juon jerawiwi eļap, mo ko im joļok jān membōr emaron̄ in jipan̄ kōjparok juon bōro erup im jetōb ettā aikuji n̄an ukweļo̧k, m̧ool in meļokļok jeraiwiw eo, im meļeļe kaje ko an jerawiwi. Meļeļe in emaron̄ jipan̄ armej ro kaorōk bujen ko aer ippān Anij em̧wilaļļo̧k im ikdeelel eo n̄an kōjparok bujen ko ilo ilju im jekļaj.
32.2.3
Kōjparok M̧ool eo an Kabun̄ in
Wūn eo kein kajilu ej n̄an kōjparok m̧ool eo an Kabun̄ in. Kamo̧ik ak bukweļo̧k etan juon membōr in Kabun̄ in emaron̄ ekkar n̄e armej eo ekar lukkuun ko̧kkure etan Kabun̄ in (lale Alma 39:11). M̧ool eo an Kabun̄ in ejjab pād ilo kōjparok ilo aer ņoje ak kadikļo̧k jerawiwi ko reļļap—ak ilo aer kwaļo̧ki.
32.3
Jerbal eo an Riekajet ro ilo Israel
Bisop ro im stake būreejtōn ro kar kūr im kōjeņolo̧k er n̄an erom̧ riekajet ro ilo Israel (lale Katak im Bujen Ko 107:72–74). Rej kabwijer kii ko n̄an bōk jikin Irooj ilo aer jipan̄ ro uwaan Kabun̄ in ukweļo̧k (lale Katak im Bujen Ko 13:1; 107:16–18).
Ekkā an bisop ro im stake būreejtōn ro jipan̄ ilo ukweļo̧k ilo aer kapilōk kajjojo armej. Jipan̄ in emaron̄ kobatok kamo̧ik jet eddo ko an juon membōr ilo juon tōre. (Lale 32.8.)
N̄an jet jerawiwi ko reļļap, ritōl ro rej jipan̄ kōn ukweļo̧k ilo aer kōm̧m̧ane juon ko̧o̧njeļ in kajim̧we (lale 32.6 im 32.9–32.14). Jipan̄ in emaron̄ koba kamo̧ ko rekkar n̄an jet iaan eddo ko an membōr in Kabun̄ in ak bukweļo̧ke etan juon membōr ilo juon tōre (lale 32.11.3 im 32.11.4).
Bisop ro im stake būreejtōn ro rej jipan̄ eo uwaan Kabun̄ in meļeļe bwe Anij ej iakwe ajri ro Nejin. Kōnke E ekōņaan bwe ren m̧ōņōņō im bōk kōjeraam̧m̧an ko, E ej barāinwōt kea eļap kōn aer pokake im ukweļo̧k.
Bisop ro im stake būreejtōn ro rej iakwe im kea ilo aer jipan̄ membōr ro ukweļo̧k. Jem̧jerā eo an Rilo̧mo̧o̧r ippān kōrā eo me ekar kakkure kien erreo ej juon waanjon̄o̧k (lale Jon 8:3–11). Men̄e E ekar jab ba jerawiwi ko an em̧ōj jeorļo̧ki, Ekar jab kajeiki. Ijjeļo̧kin, Ekar ba “jab bar jero̧wiwi”—n̄an ukweļo̧k im ukōt mour eo an.
Ritōl rein rej katakin bwe ewōr “lan̄lōn̄… i lan̄ kōn juon ri jero̧wiwi eo ej ukeļo̧k” (Luk 15:7). Rej kijenmej, rie, im m̧ōņōņō. Rej im̧we kōjatdikdik. Rej katakin im kam̧ool bwe kōnke katok in pinmuur eo an Rilo̧mo̧o̧r, aolep remaron̄ ukweļo̧k im erreo.
Bisop ro im stake būreejtōn ro rej kappukot tōl jān Jetōb n̄an jeļā wāween n̄an jipan̄ kajjojo armej ukweļo̧k. N̄an wōt jerawiwi ko reļļap me Kabun̄ in ewōr juon an jon̄ak em̧ōj karōke n̄an ta ko ritōl ro rej aikuj kōm̧m̧ani (lale 32.6 im 32.11). Ejjeļo̧k ruo jekjek rej jon̄an wōt juon. Kapilōk ko me ritōl ro rej letok im jerbal in ukweļo̧k rej kōm̧m̧ane rej aikuj im̧we im bōlen enej oktak n̄an kajjojo armej.
Irooj ejeļā kōn jekjek ko kajjojo armej repād ie, maron̄, im rūtto kōļmenļo̧kjeņ ilo jetōb. Jetōb Kwojarjar enaaj jipan̄ ritōl ro jeļā wāween n̄an jipan̄ membōr ro kōm̧m̧ane oktak ko rekkar bwe jen maron̄ bōk kōmour im anjo̧ ioon kapo ko bwe jen jab bar āliji jerawiwi eo.
Jipan̄ juon armej bwe en ukweļo̧k, oktakļo̧k n̄an Anij, im bōk kōmour kōn Pinmuur eo an Jisōs Kraist ej juon iaan en̄jake ko rekam̧ōņōņō me juon armej emaron̄ en̄jake. Katak im Bujen Ko 18:10–13 ej kōmeļeļeik:
“Keememej bwe aorōk in jetōb ko ekanooj ļap ilo mejān Anij;
“Bwe, lo, Irooj ami Ripinmuur eaar en̄taan kōn mej ilo kanniōk; kōn menin Eaar en̄taan kōn metak an aolep armej, bwe aolep armej ren maron̄ ukeļo̧k im itok n̄an E.
“Im Eaar bar jerkak jān ro remej, bwe En maron̄ bōktok aolep armej n̄an E, ilo errā ko an ukeļo̧k.
“Im ewi jon̄an m̧ōņōņō eo An ilo armej eo ej ukeļo̧k!”
32.4
Kwaļo̧k Ruōm̧, Dāpij ilo Ittino, Riboot n̄an Ritōl ro an Kien eo
32.4.1
Kwaļo̧k Ruōm̧
Ukweļo̧k ej aikuj bwe aolep jerawiwi ko ren kwaļo̧ki n̄an Jemedwōj Ilan̄. Jisōs Kraist ekar ba, “Jān men in kom̧ maron̄ jeļā eļan̄n̄e juon armej ej ukeļo̧k jān jero̧wiwi ko an—lo, enaaj kwaļo̧ki im eļļo̧k jāni” (Katak im Bujen Ko 58:43; barāinwōt lale Mosaia 26:29).
N̄e ro uwaan Kabun̄ in rej kōm̧m̧ani jerawiwi ko reļļap, aer ukweļo̧k ej barāinwōt koba kwaļo̧k ruōer n̄an bisop ro ak stake būreejtōn ro. Innem ej kiiō maron̄ kōjerbal kii ko an gospel in ukweļo̧k ilo etāer (lale Katak im Bujen Ko 13:1; 84:26–27; 107:18, 20). Menin ej jipan̄ er kōmour im jepļaak n̄an iaļan gospel eo kōn kajoor in Pinmuur eo an Rilo̧mo̧o̧r.
Wūn in kwaļo̧k ruōer ej n̄an kōketak membōr ro n̄an kōmerāik eddo ko aer make bwe ren maron̄ lukkuun kappukot jipan̄ eo an Irooj ilo aer oktak im bōk kōmour. Ejaake juon “bōro erup im jetōb ettā” ej jipan̄ ilo aer kwaļo̧k ruōer (2 Nipai 2:7). Make kwaļo̧k ruōn ej kwaļo̧k bwe armej eo ej ikdeleel n̄an ukweļo̧k.
N̄e juon membōr ej kwaļo̧k ruōn, bisop ak stake būreejtōn eo ej ļoor laajrak in tōl ikkijeen kapilōk ilo 32.8. E ej lukkuun jar ilo an kappukot tōl kōn jekjek eo ekkar n̄an jipan̄ membōr eo ukweļo̧k (lale 32.5). E ej ļōmņak n̄e juon ko̧o̧njeļ in kajim̧we enaaj lukkuun jipan̄. Eļan̄n̄e kakien ko an Kabun̄ in ej aikuj ko̧o̧njeļ in kajim̧we an juon eo ej uwaan Kabun̄ in, e ej kōmeļeļeik menin (lale 32.6 im 32.10).
Jet iien juon membōr ej bōd ņae eo pāleen ak bar juon rūtto. Āinwōt m̧ōttanļo̧k ukweļo̧k, e ekkā an aikuj kwaļo̧k ruōn n̄an armej eņ im kappukot jeorļo̧k bōd. Juon jodikdik eo ej kōm̧m̧ane juon jerawiwi kileplep ekkā rojan̄ e bwe en kapilōk ippān ro jinen im jemān.
32.4.2
Jerawiwi ko Reļļap Me Rejjab Kwaļo̧ki ak Rej Kōjekdo̧o̧ni
Juon bisop ak stake būreejtōn ej jeļā kōn juon jerawiwi eļap kōn aer kwaļo̧k rūōer ak ron̄ jān bar juon armej. Emaron̄ barāinwōt bōk unoojdikdik jān Jetōb Kwojarjar kōn juon jerawiwi eļap me rej kōtmene. Eļan̄n̄e ej bōk im̧we jān Jetōb kōn juon armej eo ej apan̄ kōn jerawiwi, emaron̄ jikejuuļi n̄an juon iien intōrpiu. Ilo iien intōrpiu eo, ej kwaļo̧k an ļōmņak ilo juon wāween ejouj im eļap an kautiej. Ej kōjekdo̧o̧n jabdewōt tōņ in ņa ruōn armej eo.
Eļan̄n̄e juon membōr ej kaarmejete ke ekar kōm̧m̧an juon jerawiwi eļap eo me bisop im stake būreejtōn eo ewōr aer meļeļe n̄an rie, juon ko̧o̧njeļ in kajim̧we emaron̄ wōnm̧aanļo̧k wōt im kōm̧m̧an. Ijoke, juon im̧we an jetōb make ejjab bwe n̄an kōm̧m̧ane juon ko̧o̧njeļ eo (lale Katak im Bujen Ko 10:37). Ritōl eo emaron̄ aiini meļeļe ko jet eļan̄n̄e emenin aikuj. Ej ļoor laajrak in tōl ilo 32.4.3 im 32.10.2.
32.4.3
Aiini Meļeļe ko
M̧okta jān kōm̧m̧ane juon ko̧o̧njeļ in kajim̧we an eo ej uwaan Kabun̄ in, bisop ak stake būreejtōn eo ej aiintok jon̄an meļeļe ko ej aikuji. Meļeļe ko jān an juon membōr kwaļo̧k ruōn ekkā wōt an bwe. Jet meļeļe emaron̄ in itok jān juon uwaan baam̧le eo, bar juon ritōl an Kabun̄ in, juon eo kar kakkure, ak juon eo ej bōk koņaan ilo jerawiwi eo.
N̄e jej aiini meļeļe ko, bisop eo ak stake būreejtōn eo ej aikuj wōt kōjerbal wāween ko me rekkar n̄an juon ritōl ilo priesthood. Ejjab aikuj wajeļo̧k m̧ōn armej eo ak rekoote ta ko ej kōm̧m̧ani ilo an armej eo jab uwaak ak kōmālim. Ejjab bar aikuj kōjerbal jabdewōt kōm̧m̧an ak imminene ko me rej jum̧ae kien eo.
Riab kōn ruōn armej ejeja an waļo̧k ak emaron̄ waļo̧k. Ritōl ro an priesthood rej aikuj lukkuun kōkm̧anm̧an n̄e elōn̄ jon̄an meļeļe ko ijjeļo̧kin naan ko an armej eo. N̄an waanjon̄o̧k, juon membōr eo em̧ōj ņa ruōn kōn kakkure kien erreo emaron̄ kariab bōd eo an. Jeje ko rekwojarjar rej kōmeļeļeik bwe “naan otemjeļo̧k naaj jutak ņae ļeo ak lio jān ruo rikam̧ool an kabun̄ in” (Katak im Bujen Ko 42:80). “Ruo rikam̧ool” ej meļeļein ruo kein jipan̄ ko rejeņoļo̧k kōn meļeļe. Menin emaron̄ koba jeļāļo̧kjeņ an armej eo im rijipan̄ ro jet me maron̄ kōjatdikdik kake er. Ilo jet iien juon ritōl an priesthood emaron̄ aikuj kōttar m̧ae iien meļeļe ko repojak.
N̄e juon ritōl ilo Kabun̄ in ej kobaik meļeļe ko n̄an juon ko̧o̧njeļ in kajim̧we an eo ej uwaan Kabun̄ in, ej aikuj kajju bōjrak eļan̄n̄e ej loe bwe kakien eo an kien eo ej jerbale ilo aer etale membōr eo. Menin ej kōm̧m̧an n̄an kōjekdo̧o̧n naan in ņa ruōn ke ritōl eo ekar bōlen no̧je jim̧we eo. N̄an kapilōk jān kien kōn jekjek kein ilo United States im Canada, stake būreejtōn eo ej kepaake Opiij in Bōk Kapilōk eo Eļap an Kabun̄ in.:
1-800-453-3860, extension 2-6301
1-801-240-6301
Ilikin United States im Canada, stake būreejtōn eo ej kepaak opiij eo ilo jikin eo n̄an bōk kapilōk ko jān kien eo.
Ekkā an juon ko̧o̧njeļ in kajim̧we an eo ej uwaan Kabun̄ in jab bōk jikin n̄an ļōmņak in kōm̧m̧ani tōl in kajim̧we ko jān kien eo ak jikin ekajet eo m̧ae jikin ekajet eo ej tōpar jem̧ļo̧k eo. Ilo jet kāin ko emaron̄ bar ekkar n̄an karum̧wijiļo̧k juon ko̧o̧njeļ in kajim̧we m̧ae ejem̧ļo̧k kitien abōņōņō eo ak em̧ōj joļo̧k abōņōņō eo.
32.4.4
Ittiņo̧
Bisop ro, stake būreejtōn ro, im rikakpilōklōk ro aer ewōr juon aer eddo eo eļap n̄an dāpij meļeļe ko ilo ittiņo̧ ko rej kwaļo̧ki n̄an er. Meļeļe in emaron̄ in itok ilo iien itōrpiu, iien kapilōk, im iien kwaļo̧k ruōn. Ejja wāween dāpij ittiņo̧ ej jerbal n̄an aolep ro rej bōk koņaer ilo ko̧o̧njeļ in kajim̧we ko an ro rej uwaan Kabun̄ in. Dāpij ilo ittiņo̧ emenin aikuj kōnke membōr ro remaron̄ jab kwaļo̧k jerawiwi ko aer ak kappukot tōl eļan̄n̄e ta ko rej kwaļo̧ki reban dāpij ilo ittiņo̧. Kwaļo̧k men ko rettiņo̧ ej kakkure lōke an membōr ro im kōm̧m̧an bwe ren jako lōke eo aer ilo ritōl ro.
Emakijkij ilo eddo ko aer n̄an dāpij ilo ittiņo̧, juon bisop, stake būreejtōn, ak rikakpilōklōk ro aer remaron̄ kwaļo̧k kain meļeļe rōt in āinwōt an ellaajrak:
-
Rej aikuj ekōnono kake ippān stake būreejtōn, mijen būreejtōn, ak bisop eo an membōr eo n̄an kōm̧m̧ane juon ko̧o̧njeļ in kajim̧we an eo ej uwaan Kabun̄ in ak men ko jet me rej iookļo̧k jekjek in. Stake būreejtōn eo emaron̄ barāinwōt ekōnono kake ippān Eria Jiljilimijuonn̄oul eo em̧ōj jitōn̄e. Eļan̄n̄e emenin aikuj, Eria Jiljilimjuonn̄oul eo ej leļo̧k stake būreejtōn eo n̄an Eria Būreejtōnji eo. Būreetjōn eo wōt an stake ej kāālet eļan̄n̄e juon ko̧o̧njeļ in kajim̧we ej kōm̧m̧an ak jem̧ļo̧k eo an.
-
Armej eo ej em̧m̧akūt n̄an juon ward kāāl (ak ritōl eo an priesthood em̧ōj kōtļo̧ke) ilo an jerbal in kajim̧we ak abōņōņō ko jet reļļap rej pād wōt ilo kōttar. Ilo jekjek kein, ritōl eo ej kōjjeļāiki bisop eo ekāāl ak stake būreejtōn eo kōn abōņōņō ko ak kōm̧m̧an ko me rej pād wōt ilo kōttar (lale 32.14.7). Ej barāinwōt kwaļo̧k n̄an ritōl eo eļan̄n̄e membōr eo emaron̄ juon menin kaamijak n̄an ro jet.
-
Juon bisop ak stake būreejtōn ejeļā bwe juon membōr in Kabun̄ in eo ej jokwe ilikin ward eo ak stake eo emaron̄ bar pād ilo kain jerawiwi in eļap. Ilo waanjon̄ak in, ej kepaake bisop eo an membōr eo ilo ittiņo̧.
-
Ej juon men ekkar n̄an kwaļo̧k meļeļe ko ilo juon iien ko̧o̧njeļ in kajim̧we an juon eo ej uwaan Kabun̄ in. Aolep meļeļe ko kar aiini im kwaļo̧ki āinwōt m̧ōttan ko̧o̧njeļ in kajim̧we eo an eo ej uwaan Kabun̄ in rej pād ilo ittiņo̧.
-
Juon membōr ej kāālet n̄an leļo̧k mālim n̄an ritōl eo n̄an kwaļo̧k meļeļe eo ippān armej ro ej ba. Men kein emaron̄ koba jinen im jemān ajri ro, ritōl ro an Kabun̄ in, ak ro jet me remaron̄ letok jipan̄. Ritōl ro rejjab kwaļo̧k meļeļe ko n̄e membōr eo ejjab leļo̧k mālim.
-
Emaron̄ ekkar n̄an kwaļo̧k meļeļe ko elōn̄ jon̄āer kōn kāālet eo n̄an ko̧o̧njel in kajim̧we eo an eo ej uwaan Kabun̄ in (lale 32.12.2).
Ilo aolep jekjek ko, ritōl eo ej aikuj bōk meļeļe ilo 32.4.5. Jekjek kein ekoba n̄e kien eo emaron̄ aikuj bwe juon jorrāān, āinwōt ko̧kkure ņae ajri, en liaakļo̧k n̄an rikien ro an kien eo.
N̄an jipan̄ ritōl ro kōjparok ro jet im jerbal ekkar n̄an kien eo, Kabun̄ in ej letok jipan̄ jān ro retijem̧ļo̧k. N̄an bōk tōl in, ritōl ro rej im̧we n̄an ko̧o̧leabuse help line eo an Kabun̄ in ijo ewōr ie (lale 32.4.5 im 38.6.2.1). Ijo ejjeļo̧k ie, stake būreejtōn eo ej kepaake opiij eo an legal ko̧o̧njeļ ilo eria opiij eo.
Ilo jekjek eo wōt ej aikuj juon bisop ak stake būreejtōn n̄an kwaļo̧k meļeļe ko rettiņo̧ ilo an jab m̧oktata kappukot tōl rōt kein. Men in ej n̄e kwaļo̧k m̧ool ekkar n̄an bōbrae mour an armej eo jān jorrāān im kaamijak ak jorrāān ko reļļap im ejjeļo̧k iien n̄an kappukot tōl. Ilo jekjek rōt in, jerbal eo n̄an kōjparok ro jet eļapļo̧k an aorōk jān jerbal in kattiņo̧. Ritōl ro rej aikuj kepaak ro ilo kien eo ilo iien eo em̧ōkajtata.
Eļan̄n̄e ritōl ro rej kōjparok rekoot ko ak kōnono ippān doon ilo electronic, rej bōbrae an ro jet deļon̄ meļeļe in. Rej barāinwōt joļo̧k ak kakkure meļeļe ko n̄e rejjab bar aikuji. Rejjab kwaļo̧k meļeļe ko raorōk an juon armej ilo ejjeļo̧k tokjen.
Rikien ro remaron̄ kajjitōk men ko rettiņo̧ me remenin aikuj jān ritōl an priesthood. Eļan̄n̄e menin ej waļo̧k ilo United States im Canada, stake būreejtōn eo ej kappukot kapilōk an kien jān Opij in Bōk Kapilōk eo Eļap an Kabun̄ in:
1-800-453-3860, extension 2-6301
1-801-240-6301
Ilikin United States im Canada, stake būreejtōn eo ej kepaak opiij eo an legan ko̧o̧njeļ ilo eria opiij eo.
32.4.5
Riboot n̄an Rikien ro an Kien eo
Jet armej ro rej ukweļo̧k rekar kakkure kien ko an kien ak kien ko n̄an jerbal in m̧ōrō. Ilo jet jekjek ko, rutiej ro an kien rejjab jeļā kōn menin. Bisop ro ak stake būreejtōn ro rej kōketak membōr ro n̄an ļoor kien eo im riboote jekjek rōt in n̄e ekkar. Ritōl ro rej barāinwōt kapilōk membōr ro n̄an bōk kapilōk jān kien eo n̄e rej riboot. Kakien eo an Kabun̄ in ej n̄an pokake kakien eo.
Ilo elōn̄ jikin ko, ritōl ro an priesthood remenin aikuj jān kien eo n̄an riboote jet iaan m̧wil ko rejekkar me rejeļā kaki. N̄an waajon̄ak, jet jikin im laļ ko remenin aikuj bwe ko̧kkure ņae ajri ro ren ribooti ļo̧k n̄an būliijmāān ro.
Ilo jet laļ, Kabun̄ in ekar ejaake juon jikin n̄an ko̧o̧le n̄an kappukot jipan̄ eo ettiņo̧ n̄an jipan̄ bisop ro im stake būreejtōn ro. Ritōl rein rej aikuj im̧we n̄an kooļe help line kōn jabdewōt jekjek ko ilo an armej eo maron̄ kar lukkuun m̧ōj ko̧kkure e—ak ej pād ilo kauwōtata in ko̧kkure(lale 38.6.2.1). Ej peļļo̧k ium̧win 24 awa juon raan, 7 raan ilo juon wiik.
Ilo laļ ko reļļap im ejjeļo̧k juon aer ļain jipan̄, juon bisop eo im ej ekatak kōn jool ej aikuj in kūrļo̧k būreejtōn in stake eo an, eo im enaaj kabukōt tōl jān area legal counsel eo.
N̄an meļeļe ko reļļapļo̧k kōn riboot ko̧kkure, lale 38.6.2.1 im 38.6.2.7.
LŌME JEKJEK EO N̄AN JIPAN̄ JUON ARMEJ UKWEĻOK
32.5
Jekjek ko n̄an Jipan̄ juon Armej Ukweļo̧k
Ālkin am̧ jeļā bwe juon membōr ekar kōm̧m̧ane juon jerawiwi eļap, juon bisop ak stake būreejtōn eo ej bōk bun̄tōn ko n̄an kōjparok ro jet. E ej barāinwōt kappukot tōl eo an Jetōb Kwojarjar ilo aer lōm̧e jekjek eo n̄an jipan̄ juon armej ukweļo̧k im epaakeļo̧k Rilo̧mo̧o̧r.
32.5.1
Meļeļe ko kōn Jekjek ko
Wāween kōlaajrak in ijin ilaļ ej kōlaajrake jilu jekjek ko n̄an jipan̄ juon armej ukweļo̧k. Ej barāinwōt kōkaduik jet iaan ļōmņak ko an ritōl ro n̄e rej kāālet jekjek ta eo rej kōjerbale.
Jekjek ko n̄an Jipan̄ juon Armej Ukweļo̧k
|
Jekjek eo |
Jet Ļōmņak ko (barāinwōt lale 32.7) |
|---|---|
Jekjek eo Ko̧o̧njeļ in kajim̧we an Stake | Jet Ļōmņak ko (barāinwōt lale 32.7) |
Jekjek eo Ko̧o̧njeļ in kajim̧we an Ward eo | Jet Ļōmņak ko (barāinwōt lale 32.7)
|
Jekjek eo Kapilōk an Armej eo Make (lale 32.8) | Jet Ļōmņak ko (barāinwōt lale 32.7)
|
Kapilōk an armej eo make im mo̧ ko jet jān bisop ak stake būreejtōn eo jet iien rejjab bwe n̄an jipan̄ armej eo ukweļo̧k jān jerawiwi ko reļļap. Irooj ekar letok ko̧o̧njeļ in kajim̧we ko n̄an jipan̄ juon riekajet ilo Israel ilo jekjek kein. (Lale Exodus 18:12–27; Mosaia 26:29–36; Katak im Bujen Ko 42:80–83; 102.) N̄an jet jerawiwi ko reļļap, juon ko̧o̧njeļ emenin aikuj kōn kakien ko an Kabun̄ in (lale 32.6.1). Kakkure bujen ko an tampeļ ej kōļapļo̧k im aikuj ko̧o̧njeļ in kajim̧we eo me ekkar (lale 32.7.4).
Ilo juon ward, rikakpilōklōk ro an bisop eo rej jipan̄ ilo ko̧o̧njeļ in kajim̧we ko. Ilo juon stake, rikakpilōklōk ro an stake būreejtōn eo rej jipan̄. Ilo jet ko̧o̧njeļ in kajim̧we ko an stake, ko̧o̧njeļ eo eutiej ej barāinwōt bōk koņaan (lale 32.9.2). Ilo juon ko̧o̧njeļ in kajim̧we, bisoprik eo ak stake būreejtōnji eo rej kweilo̧k ippān doon ilo juon jetōbōn iakwe.
32.5.2
Kāālet Jekjek eo im Iien eo
N̄e kāālet ewi wōt jekjek kein rem̧m̧antata n̄an jipan̄ juon armej ukweļo̧k, ritōl ro rej kappukot tōl eo an Jetōb Kwojarjar. Rej barāinwōt ļōmņake wāween kein rej ellaajrak:
-
Jekjek in jerawiwi eo im kakien eo an Kabun̄ in kōn eļan̄n̄e juon ko̧o̧njeļ in kajim̧we eo emenin aikuj (lale 32.6)
-
Jekjek ko an armej eo (lale 32.7)
Juon bisop ej bōk kapilōk ippān stake būreejtōn eo kōn jekjek ko ralikkar. Ej aikuj bōk mālim jān stake būreejtōn eo m̧okta jān an kōm̧m̧an juon ko̧o̧njeļ in kajim̧we.
Ilo jekjek ko reppen, stake būreejtōn eo emaron̄ kappukot kapilōk jān Eria Jiljilimjuonn̄oul eo em̧ōj kappeiki. Stake būreejtōn eo ej aikuj bōk kapilōk ippān Eria Būreejtōnji eo kōn jekjek ko reaorōk emōj kalikkari ilo 32.6.3. Ijoke, stake būreejtōn eo ej kāālet eļan̄n̄e juon ko̧o̧njeļ ej aikuj kōm̧m̧an n̄an kwaļo̧k m̧wil eo. Eļan̄n̄e juon ko̧o̧njeļ ej bōk jikin, stake būreejtōn eo ak bisop eo ej kāālet jem̧ļo̧k eo.
Eļan̄n̄e juon bisop ak stake būreejtōn ej kāālet bwe kapilōk an armej eo make ebwe, ej ļoor laajrak in tōl in ilo 32.8. Eļan̄n̄e ej kāālet bwe juon ko̧o̧njeļ in kajim̧we emenin aikuj, ak eļan̄n̄e kakien an Kabun̄ in ej aikuj juon ko̧o̧njeļ, armej eo ej tōl ej ļoor wāween in ilo 32.9–32.14.
M̧okta jān kōm̧m̧ane juon ko̧o̧njeļ eo, bisop eo ak stake būreejtōn eo emaron̄ kāālet mo̧ ko jet n̄an membōr eo me enaaj em̧m̧antata n̄an ium̧win juon tōre. E ej kōm̧m̧an ko̧o̧njeļ eo n̄e em̧m̧an n̄an kōketak membōr eo n̄an ukweļo̧k ilo m̧ool. Ijoke, ej aikuj jab karūm̧ūjļo̧k juon ko̧o̧njeļ eļan̄n̄e emenin aikuj n̄an kōjparok ro jet.
32.6
Jekjek in Jerawiwi eo im Kakien eo an Kabun̄ in
Jekjek in juon jerawiwi ej juon ļōmņak eaorōk n̄an kāālet jekjek eo me enaaj (1) jipan̄ kōjparok ro jet im (2) jipan̄ juon armej ukweļo̧k. Irooj ekar ba bwe E “[ejjab] maron̄ kalimejek jabdewōt jero̧wiwi n̄an jidik” (Katak im Bujen Ko 1:31; barāinwōt lale Mosaia 26:29). Rikarejar ro An rejjab aikuj kōjekdo̧o̧n kam̧ool ko an jerawiwi eo eļap.
Jerawiwi ko reļļap rej aikuj kōm̧m̧an ilo jejjet im jerbal ņae kien ko an Anij. Waanjon̄ak in jerbal ko rej ellaajrak ijin ilaļ:
Jekjen ko rej ellajrak rej kōmeļeļeik n̄e juon ko̧o̧njeļ an eo ej uwaan Kabun̄ in emenin aikuj, n̄e emaron̄ ekkar, im n̄e ejjab ekkar.
32.6.1
N̄e Ko̧o̧njeļ in Kajim̧we eo Ej Menin Aikuj
Bisop eo ak stake būreejtōn eo ej aikuj kōm̧m̧ane ko̧o̧njeļ in kajim̧we eo n̄e meļeļe ko rej kwaļo̧k bwe juon membōr emaron̄ m̧ōj an kōm̧m̧ani jabdewōt jerawiwi ko me rej kōmeļeļeik ilo jekjōn in. N̄an jerawiwi kein, juon ko̧o̧njeļ emenin aikuj jekdo̧o̧n eo jon̄an jeļā eo aer ilo men ko an jetōb im jeļā eo kōn gospel eo.
Lale 32.11 n̄an tōprak ko remaron̄ waļok an ko̧o̧njeļ ko me em̧ōj karōki n̄an jerawiwi ko rej elaajrak ilo jekjōn in. Mo ko jet n̄an membōr eo rejjab juon jokāālet n̄an ko̧o̧njeļ kein.
32.6.1.1
Jerbal in Ko̧kkure ak Ko̧kkure
M̧ōrō. Ko̧o̧njeļ in kajim̧we emenin aikuj eļan̄n̄e juon armej ej m̧ōrōik bar juon armej. Āinwōt kar kōjerbale ijin, m̧ōrō ej kōm̧m̧ane ilo kōņaan im bōd in bōk mour an armej. Bukweļo̧k etan juon uwaan Kabun̄ in emenin aikuj.
Mōrō ejjab aikuj koba jerbal in bwiļijmāān ak ritariņae ilo karōk in eddo eo. M̧an lo̧je ejjab watōke āinwōt m̧ōrō n̄an jekjek in. Eļan̄n̄e mej ekar kōm̧m̧an ilo jab kōtmene ak kōn jojomar an juon make ak ro jet, bōk mour an juon armej ilo wāween kein rejjab watōki āinwōt m̧ōrō. Menin emaron̄ barāinwōt m̧ool ilo jekjek ko jet, āinwōt n̄e juon armej ewōr nan̄inmej ilo kōļmenļo̧kjeņ.
Ļatipn̄ōl. Juon ko̧o̧njeļ in kajim̧we eo emenin aikuj n̄an jerbal in latipn̄ōl. Āinwōt kōjerbal ijin, latipn̄ōl ej kipele mour in kanniōk ippān juon ak ippān juon eo ejjab maron̄ kōm̧m̧an kāālet n̄an e make kōn nan̄inmej ilo kōmālij ak m̧ōjņo̧ ilo ānbwin. Āinwōt an jerbal ijin, rape ejjab koba mour in kanniōk kōm̧m̧ane ilo kōņaan ikōtaan ruo ajri ro eitōn jon̄an iiō ko aer wōt juon.
Ņa Ruōn ikkijeen Ko̧kkure ilo Mōm an Kanniōk Juon ko̧o̧njeļ in kajim̧we emenin aikuj eļan̄n̄e em̧ōj kōm̧m̧ane kālet eo ilo court bwe membōr eo ekar ko̧kkure juon armej ilo kanniōk.
Ko̧kkure ņae Ajri ak Jodikdik Juon Ko̧o̧njeļ in Kakjim̧we emenin aikuj eļan̄n̄e juon armej ej ko̧kkure juon ajri ak jo̧dikdik āinwōt kōmeļeļeiki ilo 38.6.2.3.
Ko̧kkure ņae juon Ripālele ak Bar juon Rūtto. Ewōr juon jon̄o̧k in jon̄an m̧wil in ko̧kkure. Lale 38.6.2.4 n̄an n̄e juon ko̧o̧njeļ eo an membōr emenin aikuj n̄an ko̧kkure an juon ripāleleen ak bar juon rūtto.
Mwil in Ko̧kkure ko Renana. Juon ko̧o̧njeļ in kajim̧we emenin aikuj eļan̄n̄e juon rūtto ej āliji an kōmetak armej ilo kanniōk kōn m̧wil in ko̧kkure ko im ej juon menin kaamijak n̄an ro jet.
32.6.1.2
M̧ōm̧ ilo Kanniōk
Kōpa. Juon ko̧o̧jneļ in kajim̧we ej aikuj bōk jikin kōn kōpa āinwōt an kōmeļeļeik ilo 38.6.10. Bukweļo̧k etan juon eo uwaan Kabun̄ in ej emenin aikuj eiten aolep iien.
Pija Nana Ko an Ajri. Juon ko̧o̧njeļ in kajim̧we emenin aikuj eļan̄n̄e juon armej ej bōk koņaan ilo kōm̧m̧an pija ko renana an ajri āinwōt an elaajrak ilo 38.6.6.
Pālele Elōn̄ļo̧k Jān Juon. Juon ko̧o̧njeļ in kajim̧we emenin aikuj eļan̄n̄e juon armej ejeļā ilo an m̧areik elōn̄ļo̧k jān juon. Mare elōn̄ļo̧k jān juon jet iien ej kōm̧man ilo ittiņo̧, ilo an eo pāleen jab jeļā kōn ro jet pāleen eo me ej lukkuun pāleen . Bukweļo̧k etan armej eo jān Kabun̄ in emenin aikuj eļan̄n̄e armej eo ejeļā ke ej m̧are elōn̄ļo̧k jān juon pāleen.
Mwil in Ko̧kkure ilo Kanniōk. Juon ko̧o̧njeļ in kajim̧we emenin aikuj eļan̄n̄e juon rūtto ej ālliji an kōmetak armej ilo m̧ōm̧ in kanniōk im ej menin kaamijak n̄an ro jet.
32.6.1.3
Jerbal in Ko̧o̧t Jāān
Mwil in Ko̧kkure ilo Jāān. Juon ko̧o̧njeļ in kajim̧we emenin aikuj eļan̄n̄e juon rūtto ewōr juon rekoot in an āliji im kōņaan ko̧kkure armej ilo jāān im ej juon menin kamijak n̄an ro jet (lale 38.6.2.4). Menin ekoba ko̧o̧t jāān im m̧akūtkūt ko rej eirļo̧k wōt. Jako in jāān ko ilo ejjeļo̧k karōk kōn jekjek ko ilo economy eo rejjab ļōmņaki āinwōt ko̧o̧t. Eļan̄n̄e kien eo ej bōk jikin, ritōl ro an priesthood remaron̄ kālet n̄an kōttar m̧ae em̧ōj kōm̧m̧ane kālet eo āliktata. Lale 32.6.3.3 n̄e membōr eo ekar bōk kuņaan ilo koot jāān an Kabun̄ in ak men ko m̧weien.
32.6.1.4
Ko̧kkure Lōke
Jerawiwi Eo Eļap ilo An Kabwijer juon Jerbal eo Eutiej an Kabun̄ in Juon ko̧o̧njeļ in kajim̧we emenin aikuj eļan̄n̄e juon membōr ej kōm̧m̧ane juon jerawiwi eļap ilo an kabwijer juon jerbal eutiej an Kabun̄ in. Menin kein ekoba juon Ritōl Eutiej an Kabun̄ in, Opija ro Reutiejj an Kabun̄ in, Eria Jiljilimjuonn̄oul, tampeļ būreejtōn ak rijerbal in tampeļ, mijen būreejtōn ak eo m̧ōttan, stake būreejtōn, petriak, ak bisop. Menin ejjab jerbal n̄an branch bureejtōn ro. Bōtaab, eddo ko an juon branch būreejtōn an Kabun̄ in maron̄ bar kōmoik ak juļo̧k āinwōt n̄an bar membōr ro jet.
32.6.1.5
Makūtkūt ko Jet
Liakeļok in Ko̧kkure. Juon ko̧o̧njeļ in kajim̧we menin aikuj ilo eitōn aolep jekjek ko n̄e juon armej em̧ōj liakeļo̧k kōn juon ko̧kkure ekar kōm̧m̧ane.
32.6.2
N̄e juon Doulul in Jerbal in Kajim̧we Emaron̄ In Aikuj
Juon ko̧o̧njeļ in kajim̧we emaron̄ aikuji ilo waanjon̄ak kein rej ellaajrak.
32.6.2.1
Jerbal in Ko̧kkure ak Ko̧kkure
Irooj eaar kakien, “Kwon jab … uror, ak kōm̧m̧an jabdewōt āinwōt e” (Katak im Bujen Ko 59:6; italics added). Jerbal in ko̧kkure ko im ko̧kkure emenin aikuj bwe ko̧o̧njeļ in kajim̧we en bōk jikin (ak ejjeļo̧k jon̄aer n̄an) kein rej elaajrak ijin ilaļ.
Kōm̧m̧an Jerbal in Mōrō. Kajjieon̄ in kamej juon armej.
Ko̧kkure ilo Mōm̧ an Kanniōk, Ekoba Ire im Ko̧kkure. Ko̧kkure ilo m̧ōm̧ an kanniōk epinej juon jerbal edepakpak in m̧akūtkūt ko (lale 38.6.18). Ko̧o̧njeļ in kajim̧we emaron̄ menin aikuj n̄an juon armej eo me em̧ōj ko̧kkure ak m̧an e n̄an kōm̧m̧ani m̧ōm̧ ko an kanniōk. Juon ko̧o̧ņjeļ āinwōt eļap wōt an menin aikuj n̄an jipan̄ juon membōr ukweļo̧k elan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo ekar bar kōm̧m̧an. Lale 32.6.18.3 n̄e juon ko̧o̧njeļ ej aikuj kōm̧m̧an.
Ko̧kkure juon eo Pāleen ak Bar juon Rūtto. Ewōr juon jon̄o̧k in jon̄e juon m̧wil in ko̧kkure (lale 38.6.2.4). Juon ko̧o̧njeļ in kajim̧we emaron̄ aikuji n̄e juon armej eo pāleen ej ko̧kkure ak bar juon rūtto. Juon ko̧o̧ņjeļ āinwōt eļap wōt an menin aikuj n̄an jipan̄ juon membōr ukweļo̧k elan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo ekar bar kōm̧m̧an. Lale 38.6.2.4 n̄e juon ko̧o̧njeļ aikuj kōm̧m̧an.
32.6.2.2
M̧ōm̧ ilo Kanniōk
Kien erreo eo an Irooj ej n̄an bōjrak jān jemjerā ko an m̧ōm̧ an kanniōk itulikin juon m̧are kōmālim ikōtaan juon em̧m̧aan im juon kōrā (lale Exodus 20:14; Katak im Bujen Ko 63:16). Juon ko̧o̧ņjeļ in uwaan emaron̄ in menin aikuj n̄an jerawiwi an m̧ōm̧ an kanniōk āinwōt kar kōmeļeļeik ilo 38.6.5. Ilo jekjek kein, juon ko̧o̧njeļ emaron̄ ļap wōt an menin aikuj n̄an jipan̄ juon membōr ukweļo̧k eļan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo kar bar kōm̧mane. Lale 32.6.1.2 n̄e juon ko̧o̧njeļ aikuj kōm̧m̧an.
32.6.2.3
Jerbal in Ko̧o̧t Jāān
Kien ko Jon̄oul rej katakin, “Kwōn jab ko̧o̧t” ak “kōnnaan naan in riab ņae ri turum̧” (Exodus 20:15–16). Juon ko̧o̧njeļ in kajim̧we an ro uwaan emaron̄ menin aikuj n̄an kōm̧m̧an āinwōt juon rikoot, rikakkure, jerbal in ko̧o̧t. Ilo jekjek kein, juon ko̧o̧njeļ emaron̄ ļap wōt an menin aikuj n̄an jipan̄ juon membōr ukweļo̧k eļan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo kar bar kōm̧mane.
Lale 32.6.1.3 n̄e juon ko̧o̧njeļ ej aikuj n̄an kōm̧m̧an n̄an jerbal in ko̧o̧t jāān. Lale 32.6.3.3 n̄e membōr eo ekar bōk kuņaan ilo koot jāān an Kabun̄ in ak men ko m̧weien. Lale 38.8.2 n̄an jerbal in ko̧o̧t
32.6.2.4
Ko̧kkure Lōke
Juon ko̧o̧njel in kajim̧we emaron̄ aikuji n̄e juon membōr:
-
Kōm̧m̧ane juon bōd eo eļap ilo iien kabwijōr juon kūr ak lōke ilo Kabun̄ in ak kabujuknen eo.
-
Kōm̧m̧āne juon jerawiwi eļap me eļap jeļā kake.
Ilo jekjek kein, juon ko̧o̧njeļ emaron̄ ļap wōt an menin aikuj n̄an jipan̄ juon membōr ukweļo̧k eļan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo kar bar kōm̧mane.
Lale 32.6.1.4 n̄e juon ko̧o̧njeļ ej aikuj kōm̧m̧an. Lale 32.6.3.3 n̄e membōr eo ekar bōk kuņaan ilo koot jāān an Kabun̄ in ak men ko m̧weien.
32.6.2.5
Makūtkūt ko Jet
King Benjamin ekar katakin, “Ij jab maron̄ ba n̄an kom̧ aole men ko kom̧ maron̄ jero̧wiwi ie; bwe ewōr iaļ ko im wāween ko, em̧ool āindein elōn̄ bwe ij jab maron̄ bwini” (Mosaia 4:29). Juon ko̧o̧njeļ emaron̄ aikuji n̄en juon armej:
-
Kwaļo̧k juon jon̄an in kōm̧m̧an jerawiwi ko reļļap (lale Katak im Bujen Ko 82:7).
-
Kōjo̧o̧le eddo ko an baam̧le kōn kōņaan, ekoba jab kōļļāik jāān in jipan̄ juon ajri ālkin jepel im jāān in jipan̄ n̄an eo pāleen ālkin jepel.
-
Kōm̧m̧an kamijak n̄an ko̧kkure, men̄e ilo likieo in armej ak ilo online (lale 32.2.1).
-
Wia kake uno ko rekajoor im rejjab mālim.
-
Kōm̧m̧ane jerbal in ko̧kkure ko jet reļļap.
Ilo jekjek kein, juon ko̧o̧njeļ emaron̄ ļap wōt an menin aikuj n̄an jipan̄ juon membōr ukweļo̧k eļan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo kar bar kōm̧mane.
Juon ko̧o̧njel in kajim̧we emaron̄ aikuji n̄e juon membōr ej errā n̄an, kōm̧m̧ane, karōke, kōļļāiki, ak errā ilo m̧an lo̧je. Lale 38.6.1 n̄an unin tōl ko.
N̄e juon Doulul in Jerbal in Kajim̧we Aikuj Kōm̧m̧an ak Emaron̄ In Aikuj
|
Wāween ko in Jerawiwi |
Ko̧o̧njeļ in kajim̧we Emenin Aikuj (lale 32.6.1) |
Ko̧o̧njeļ in kajim̧we Emaron̄ Aikuj (lale 32.6.2) |
|---|---|---|
Wāween ko in Jerawiwi Jerbal in Ko̧kkure ak Ko̧kkure | Ko̧o̧njeļ in kajim̧we Emenin Aikuj (lale 32.6.1)
| Ko̧o̧njeļ in kajim̧we Emaron̄ Aikuj (lale 32.6.2) |
Wāween ko in Jerawiwi M̧ōm̧ ilo Kanniōk | Ko̧o̧njeļ in kajim̧we Emenin Aikuj (lale 32.6.1)
| Ko̧o̧njeļ in kajim̧we Emaron̄ Aikuj (lale 32.6.2)
|
Wāween ko in Jerawiwi Jerbal in Ko̧o̧t Jāān | Ko̧o̧njeļ in kajim̧we Emenin Aikuj (lale 32.6.1)
| Ko̧o̧njeļ in kajim̧we Emaron̄ Aikuj (lale 32.6.2)
|
Wāween ko in Jerawiwi Ko̧kkure Lōke | Ko̧o̧njeļ in kajim̧we Emenin Aikuj (lale 32.6.1)
| Ko̧o̧njeļ in kajim̧we Emaron̄ Aikuj (lale 32.6.2)
|
Wāween ko in Jerawiwi Makūtkūt ko Jet | Ko̧o̧njeļ in kajim̧we Emenin Aikuj (lale 32.6.1)
| Ko̧o̧njeļ in kajim̧we Emaron̄ Aikuj (lale 32.6.2)
|
32.6.3
N̄e Stake Būreejtōn ej Kapilōk ippān Eria Būreejtōnji eo kōn Eļan̄n̄e juon Ko̧o̧njeļ in kajim̧we ak Jerbal ko Rekkar ak Remenin Aikuj
Jet jekjek ko rej aikuj kōļapļo̧k kōkm̧anm̧an im tōl. N̄an jeļā wāween eo em̧m̧antata n̄an jipan̄, stake būreejtōn eo ej aikuj kapilōk ippān Eria Būreejtōnji eo kōn jekjek ko ilo jekjōn in. Ijoke, stake būreejtōn eo ej kāālet eļan̄n̄e juon ko̧o̧njeļ ej aikuj kōm̧m̧an n̄an kwaļo̧k m̧wil eo. Eļan̄n̄e juon ko̧o̧njeļ ej bōk jikin, stake būreejtōn eo ak bisop eo ej kāālet jem̧ļo̧k eo.
Eļan̄n̄e juon ko̧o̧njeļ in kajim̧we ej kōm̧m̧an ak juon iaan jekjek ko rej elaajrak ilo jekjōn in, kāālet eo ikkijeen ko̧o̧njeļ eo ej aikuj pād wōt ilo “dāpdep ilo em̧m̧an eo an,” “mo̧ ko an juon eo ej uwaan Kabun̄ in,” ak “bukweļo̧k etan eo ej uwaan Kabun̄ in.” Mālim eo jān Būreejtōnji eo Kein Kajuon emenin aikuj n̄an joļo̧k mo ko ak bar kadeļo̧n̄ tok armej eo n̄an Kabun̄ in (lale 32.16.1, nōm̧ba 9).
32.6.3.1
Jerbal ko Jet
Eļan̄n̄e juon ko̧o̧njeļ in kajim̧we ejjab kōm̧m̧an, jerbal ko jet remaron̄ koba:
-
Mo̧ ko an juon membōr (lale 32.8.3).
-
Kōkaļļe eo ilo rekoot eo an juon membōr (lale 32.14.5).
-
Mo̧ ko ikkijeen kain̄i ko, eo ej kamoik juon armej jān an bōk ak kōjerbal priesthood eo ak bōk ak kōjerbal juon mālim n̄an deļon̄e tampeļ.
Juon stake būreejtōn ej kapilōk ippān Eria Būreejtōnji eo m̧okta jān an juon iaan jerbal kein bōk jikin.
32.6.3.2
Bun̄ jān tōmak
Jorrāān ko an juon eo ej bun̄ jān tōmak ekkā an jelōt ilōn̄ļo̧k ward ak stake. Rej aikuj bwe ren kwaļo̧k ilo iien eo em̧ōkajtata n̄an kōjparok ro jet.
Bisop eo ej bōk kapilōk ippān stake būreejtōn eo eļan̄n̄e ej en̄jake bwe jerbal eo an membōr eo emaron̄ m̧ōttanļo̧k bun̄ jān tōmak. Bisop ak stake būreejtōn eo emaron̄ likūt kamo ko ilo rekoot an membōr eo (lale 32.8.3). Innām stake būreejtōnj eo m̧okaj im bōk kapilōk ippān Eria Būreejtōnji eo. Ijoke, stake būreejtōn eo wōt ej kāālet eļan̄n̄e juon ko̧o̧njeļ in kajim̧we ak jerbal ko jet rekkar im remenin aikuj.
Āinwōt kōjerbale ijin, bun̄ jān tōmak ej n̄an juon membōr eo ej kobaļo̧k ilo jabdewōt men ko ilo laajrak in:
-
Ālijlij aer kōm̧m̧an ilo alikkar, peļļo̧k, im lukkuun ilo lo̧bwilej jum̧ae n̄an Kabun̄ in, katak ko an, kakien ko an, ak ritōl ro an.
-
Wōnm̧aanļo̧k ilo katakin āinwōt meļeļe in katak an Kabun̄ me ejjab katak eo an Kabun̄ ālikin aer kar kajim̧we er jān ippān bisop eo ak stake būreejtōn.
-
Kwaļo̧k juon jon̄o̧k in m̧ool in jerbal n̄an kam̧ōjņoikļo̧k tōmak im m̧akūtkūt ko an membōr ro ilo Kabun̄ in
-
Wōnm̧aanļo̧k in ļoore katak ko an kabun̄ ko rebun̄ jān tōmak ālkin kar kajim̧we er jān ippān bisop eo ak stake būreejtōn
-
Kabaļo̧k ippān bar juon kabun̄ im rejtake katak ko ie (Lukkuun in jāniknik ilo Kabun̄ in ak pād ilo bar juon kabun̄ me ejjab m̧ōttanļo̧k bun̄ jān tōmak. Ijoke, eļan̄n̄e membōr eo ej kobaļo̧k ilo bar juon kabun̄ im ej rie katak ko ie, joļo̧k etan jān kabun̄ in emaron̄ ekkar bwe en kōm̧m̧an.)
Rilo̧mo̧o̧r ekar katakin Rinipai ro bwe rej aikuj wōnm̧aanļo̧k wōt n̄an jerbal in karejar n̄an juon armej eo me ekar jerawiwi. “A eļan̄n̄e e ej jab ukeļo̧k en jab naaj bōnbōn ilubwiljin armej ro Aō, bwe en jab maron̄ ko̧kkure armej ro Aō” (3 Nipai 18:31).
32.6.3.3
Bōd in Kōjerbal Jāān ko an Kabun̄ in
Eļan̄n̄e membōr eo ejjab m̧ool ilo an kōjerbal jāān ko an Kabun̄ in ak ko̧o̧te men ko raorōk m̧weien Kabun̄ in, stake būreejtōn eo ej kapilōk ippān Eria Būreejtōnji eo eļan̄n̄e emenin aikuj bwe juon ko̧o̧njeļ in kajim̧we ak m̧akūtkūt ko jet ren bōk jikier. Ritōl ro rej ļōmņake:
-
Jon̄an eo kar ko̧o̧te
-
Men̄e koot eo ekar kōm̧m̧an juon wōt alen ak elōn̄ļo̧k jen juon.
-
Men̄e em̧ōj kar kōro̧o̧lļo̧k.
-
Jon̄an an armej eo ajeļo̧k.
-
Jerbal eo kabwijer jen membōr eo (lale 32.6.1.4 n̄an membōr ro rej kabwijer jerbal ko ilo Kabun̄ in).
Stake būreejtōnji eo ej riboote juon iaan men kein ilaļ ilo Leaders and Clerk Resources:
-
Uwaak ko ilo juon rekoot in ko̧o̧njeļ
-
Ej kōnono ippān Eria Būreejtōnji eo im lale n̄e rekoot in ko̧o̧njeļ eo ejjab ekkar.
N̄e Ra in Jikin Bōnbōn eo an Kabun̄ in ej kile bwe ritōl eo ak rijerbal eo an Kabun̄ in ekar bōd in kōjerbal jāān ko an Kabun̄ in ak men ko m̧weien, Būreejtōnji eo Kein Kajuon ekkā an kwaļo̧k bwe rekoot eo an membōr eo eaikuj wōr ennan ie. “Ritōl” kōmeļeļeeik āinwōt juon armej eo ej kabwijer juon jerbal ilo Kabun̄ in, barāinwōt rikakpilōklōk ro, kūlōk ro, im branch būreejtōnji ro. N̄e ukweļo̧k ededeļo̧k, juon stake būreejtōn emaron̄ kajjitōk n̄an joļo̧k ennaan ko ie (lale 32.14.5 im 34.7.5). Ennaan ko ejjab meļeļe juon rekoot in ko̧o̧njeļ ak jerbal ko jet rekar kōm̧m̧an.
32.6.3.4
Armej ro Im Kile Er Āinwōt Transgender
Bisop ro im stake būreejtōn ro rej jerbal ippān doon ippān armej ro me rej kile er āinwōt ro em̧ōj aer ukōt m̧ōrāer n̄an kōrā ak em̧m̧aa rej aikuj ļoor unin tōl in ilo 38.6.23.
32.6.4
N̄e juon Doulul in Jerbal in Kajim̧we Ejjab Menin Aikuj
Juon doulul in kajim̧we ekkā an jab aikuj ilo iien ko reidin̄ rej ellaajrak.
32.6.4.1
Likjab n̄an Pokake Jet Jon̄ak ko an Kabun̄
Juon ko̧o̧njeļ in kajim̧we ejjab kōm̧m̧ane kōn jerbal kein rej elaajrak ilaļ. Ijoke, kile oktak ko ilo kar aitōm̧ eo ļo̧k.
-
Jāniknik ilo Kabun̄ in
-
Jab kakūrm̧oole eddo ko an Kabun̄ in
-
Jab kōļļā juon m̧ōttan jon̄oul
-
Jerawiwi ko jān likjab in jerbal
-
Bōd
-
Ejjab mour kōn kien Naan in Mālōtlōt.
-
Kōjerbal pija ko renana, ijjeļo̧kin pija ko renana an Ajri (āinwōt an laajrak ilo 38.6.6) ak ļap im ikutkut in kōjerbal pija ko renana me ekar kōm̧m̧an jorrāān n̄an juon m̧are an membōr ak baam̧le. (āinwōt an laajrak ilo 38.6.13).
32.6.4.2
Likjab ko an Pijnej ak Jab kōļļā in M̧uri ko
Ritōl ro rej aikuj kōjerbal ko̧o̧njeļ in kajim̧we ko an membōr n̄an kajim̧weik ļōkapokpok ko an pejnej ko. Likjab ko an pejnej ak jab kōļļā in m̧uri ko rej jab wūn ko n̄an kūr tok juon doulul in kajim̧we. Ijoke, juon ko̧o̧njeļ in kajim̧we aikuj kōm̧m̧an n̄an m̧akūtkūt in ko̧o̧t ko reļļap ak m̧akūtkūt in kabwebwe ko ikijāān jāān (lale 32.6.1.3).
32.6.4.3
Ņotan ko an Armej
Ko̧o̧njeļ in kajjim̧we ko rejjab bōk jikier n̄an kajjim̧weik ņotan ko an armej (lale Katak im Bujen Ko 134:11).
32.7
Jekjek ko Armej Repād Ie
Irooj ekar ba, “Pein tūriam̧o eo Aō ej erļo̧kwaj n̄an kom̧, im jabdewōt eo enaaj itok, e Inaaj bōk, im em̧ōņōņō ro rej itok n̄an Eō.” (3 Nipai 9:14). Jekjek ko an juon armej rej aurōk n̄an ļōmņaki ilo kōm̧m̧ani kālet ko:
-
Jekjek eo ekkar n̄an jipan̄e e ukweļo̧k jān jerawiwi ko reļļap (lale 32.5 im 32.6).
-
Kālet ko kar kōm̧m̧ani ilo ko̧o̧njeļ in kajim̧we an juon make ak ko̧o̧njel in kajim̧we ko (lale 32.8 im 32.11).
Bisop ro im stake būreejtōn ro rej kappukot ļōmņak eo im ankilaan Irooj n̄an kajjojo iaan jekjek kein. Rej ļōmņake wāween kein n̄an kālet jekjek ta eo n̄an kōjerbale im ta eo enaaj waļo̧k. Wāween kein rejjab kālet juon kālet eo. Bōtaab, rej tōl n̄an juon kālet me ritōl ro rej aikuj kōm̧m̧ane ilo aer jar kake im bōk tōl jān Jetōb.
32.7.1
Jon̄an ļap in jerawiwi eo
Jon̄an jorrāān in juon jerawiwi ej jon̄ake jān jon̄an ļap in. Menin emaron̄ koba nōm̧ba eo im ikutkut in an kōm̧m̧ane jerawiwi ko, jon̄an jorrāān eo ekar waļo̧k jān er, im nōm̧ba in armej ro rekar jorrāān jān er.
32.7.2
Ikdeelel ko an eo Kar Jorrāān
Ritōl ro rej ļōmņak kōn ikdeelel ko an armej ro rekar jelōt er im ro jet. Men kein emaron̄ koba eo pāleen armej eo im ro jet uwaan baam̧le eo. Ritōl ro rej barāinwōt ļōmņak kōn jon̄an ļap in jorrāān eo.
32.7.3
Menin kam̧ool in Ukweļo̧k
Tōl an Jetōb ej menin aikuj n̄an kile eļan̄n̄e juon armej ej m̧ool ilo an ukweļo̧k. Ukweļo̧k eo em̧ool ej kwaļo̧k eļapļo̧k lōke ilo kōm̧m̧an ko rejim̧we ium̧in juon tōre in iien jān ilo būrom̧ōj eļap ilo juon intōrpiu make. Wāween ko n̄an ļōmņak in kobaik:
-
Kajoor in tōmak ilo Jisōs Kraist.
-
Paaktokin juon armej n̄e ej kwaļo̧k make ruōn.
-
Mwilaļ in būrom̧ōj kōn jerawiwi eo.
-
Kajim̧we bōd eo ippān armej ro rejorrāān.
-
Ļoor wāween jerbal ko an kien.
-
Tōprak ilo wōnm̧aanļo̧k jān jerawiwi eo.
-
Tiljek ilo pokake kien ko jān iien eo ekar kōm̧m̧ane jerawiwi eo.
-
Mool ippān ritōl ro an Kabun̄ in im ippān ro jet.
-
Kōņaan ļoor kapilōk an ritōl ro an Kabun̄ in.
32.7.4
Ko̧kkure Bujen ko an Tampeļ
Irooj ekar ba, “Bwe jān e eo n̄an e eļap kar leļo̧k eļap aikuji” (Katak im Bujen Ko 82:3). Juon armej eo em̧ōj an bōk menin letok kwojarjar an tampeļ em̧ōj an kōm̧m̧ane bujen ko n̄an mour juon mour erreo im utiej. Ko̧kkure bujen kein ej kōļapļo̧k ļap eo an jerawiwi eo. Ej kōļapļo̧k un eo n̄an kōm̧m̧ane juon ko̧o̧njeļ in kajim̧we.
32.7.5
Jerbal in Lōke ak Mālim
Jon̄an jorrāān in jerawiwi eo ej jon̄ake eļan̄n̄e juon armej ekar kōm̧m̧ane ilo an wōr lōke ak mālim, āinwōt juon pāāren, ritōl, ak rūkaki.
32.7.6
Bar Āliji
Juon jon̄ak in jerawiwi eo eļap im rej āliji kōm̧m̧āne emaron̄ kile bwe ej juon m̧wil eto an pād ak an̄ūrlep me ej karūm̧wijļo̧k ak bōbrae wōnm̧aanļok n̄an m̧olin ukweļo̧k. N̄an kakkobaba n̄an mo̧ ko an ro rej uwaan Kabun̄ in me remaron̄ aikuji, būrookūraam̧ in mour jān an̄urlep im kapilōk ippān ro retijem̧ļo̧k emaron̄ bar jipan̄ (lale 32.8.2).
32.7.7
Iiō, Rūtto ilo Jeļāļo̧kjen, im En̄jake
Ritōl ro rej ļōmņak kōn iiō, rūtto ilo jeļāļo̧kjen, im en̄ajke n̄e rej kapilōk ippān juon membōr ak kālet kōm̧m̧an eo jān juon ko̧o̧njeļ in kajim̧we. Jerbal in kōmera ej aolep iien em̧m̧an n̄an ro me edik aer jeļāļo̧kjen ilo gospel eo. N̄an waanjon̄o̧k, jerbal in kōmera ebar em̧m̧an n̄an ro uwaan reddik me rekar bōk koņaer ilo juon jerawiwi kōn m̧ool eļan̄n̄e rej kaarmejjete jerawiwi eo im kōļapļo̧k lukkuun ukweļo̧k. Ijoke, m̧akūtkūt ko reļļapļo̧k maron̄ aikuj kōm̧m̧ani eļan̄n̄e rej wōnm̧aanļo̧k ilo jekjek eo rej kōm̧m̧ane.
32.7.8
Apan̄ ko ilo Kōļmenlokjeņ
Nan̄inmej ilo kōļmenlokjeņ, an̄ūrlep, ak jabwe jeļā ilo kōļmenlokjeņ ejjab kōtļo̧k juon armej eo ekar kōm̧m̧ane juon jerawiwi eļap. Ijoke, ewōr jekjek ko n̄an ļōmņaki. Āinwōt m̧ōttanļo̧k jipan̄ juon armej ej ukweļo̧k, ritōl ro rej kappukot tōl an Irooj kōn meļeļe eo an armej eo kōn katak ko an gospel in im jon̄an jeļā eo an n̄an bōk eddo.
32.7.9
Make Kwaļo̧k Bōro Kōn Bōd
Kwaļo̧k bōro kōn ruwōn make im būrom̧ōj ilo jetōb kōn kōm̧m̧an ko an juon armej ej kwaļo̧k ikdeelel n̄an ukweļo̧k.
32.7.10
Iien ikōtaan Jerawiwi im Kwaļo̧k Ruwōn
Kwaļo̧k ruwōn make ej m̧ōttan ukweļo̧k im ejjab aikuj karūm̧wiji. Jet iien juon jerawiwi emaron̄ ļoor juon iien aitok kitien in jeorļo̧k bōd ippān eo kwar bōd ņae im tiljek ilo mour. Eļan̄n̄e juon membōr ej kwaļo̧k jerawiwi eo im ejjan̄in bar kōm̧m̧ane, menin emaron̄ kwaļo̧k bwe e em̧ōj an ilo̧k jān e. Ilo iien in, kwaļo̧k ruwe emaron̄ kadedeļo̧k ijello̧kin jino jerbal eo an ukweļo̧k.
32.7.11
Jerawiwi ko Ekitbuuj Membōr ro Rej Jokwe ilo Ward ko im Stake ko jet
Jet iien membōr ro rekar kōm̧m̧ane juon jerawiwi eļap ippān doon rej jokwe ilo ward ko ak stake ko jet. Ilo jekjek in, stake būreejtōn ro rej kōnono ippān doon kōn aikuj eo n̄an leļo̧k mo ko ilo rekoot ko an membōr ak ko̧o̧njel ko. Rej bar kōnono n̄e ewōr mo ko ak kālet ko an ko̧o̧njeļ eo ilo iien eo ak n̄e ebar wōr jabdewōt jekjek me ej kwaļo̧k juon jerbal eo eoktak.
LEĻOK KOONJEĻ IN KAUWE AN JUON MAKE
32.8
Ko̧o̧njeļ in kajim̧we an juon make im Mo̧ ko Repidodo an ro rej Uwaan Kabun̄ in
Ko̧o̧njeļ in kajim̧we an juon make ekutkut an bwe n̄an jipan̄ kōjparok ro jet im jipan̄ juon armej deļo̧n̄e kajoor in Pinmuur eo an Jisōs Kraist kōn ukweļo̧k. Ko̧o̧njeļ in kajim̧we rōt in emaron̄ jipan̄ membōr ro kōjparok er jān elōn̄ļo̧k jerawiwi ko reļļap. Ilo iien ko̧o̧njeļ an juon make, ritōl ro remaron̄ leļo̧k mo̧ ko repidodo n̄an jipan̄ juon membōr ukweļo̧k jān jet jerawiwi ko reļļap (lale 32.8.3).
Jerawiwi ko reļļap rejjab aikuj kōmerāik jerbali (lale Katak im Bujen Ko 1:31). Ko̧kkure bujen ko kar kōm̧m̧ane lo tampeļ ej kōļapļo̧k un eo n̄an aikuj kōm̧m̧ane juon ko̧o̧njeļ in kajim̧we. (lale 32.7.4).
Unin tōl ko n̄an jipan̄ ritōl ro jeļā n̄āāt eo kapilōk im mo̧ ko repidodo remaron̄ aikuji rej ellaajrak ijin ilaļ (lale barāinwōt 32.7):
-
Juon armej ejjan̄in kar kōm̧m̧ane juon jerawiwi me aikuji juon ko̧o̧njeļ in kajim̧we (lale 32.6.1).
-
Juon armej ekar kwaļo̧k make ruwōn im ej m̧ool in ukweļo̧k.
-
Juon armej ej ukweļo̧k jān juon jerawiwi eļap me ejjan̄in kar kōm̧m̧ane m̧oktaļo̧k.
-
Juon jerawiwi an juon armej ejjan̄in kar ko̧kkure bujen ko an tampeļ.
-
Juon armej eo ej kalbuuj ilo juon tōre ekadu.
32.8.1
Ko̧o̧njeļ in Kajim̧we an Juon Make
Unin tōl kein ijin rej jerbal n̄e juon bisop ak ritōl ak stake būreejtōn ej kapilōke juon membōr n̄an jipan̄ e ukweļo̧k.
-
Kajjitōk jo̧n̄an meļeļe ko rebwe n̄an kālet (1) m̧wil eo m̧wilin membōr eo kōn m̧wilin jerawiwiw eo im (2) paaktokin, ikutkut in, im aetok in m̧wil eo. Jab kajjitōk meļeļe ko ilōn̄ in ļo̧k ta eo ekkar n̄an meļeļe kake jekjek eo. Jab kajjitōk kajjitōk ko me rej itok jān kōņaan jeļā eo am̧.
-
Kajjitōk wāween an wāween eo kar kōm̧m̧ane jelōt ro jet.
-
Pedped ioon jekjek ko rem̧m̧an n̄an ej kam̧wilaļļo̧k tōmak eo an im an tiljek n̄an Irooj. Rojan̄ membōr eo n̄an bōk bun̄ton ko kar lilo̧k n̄an boktok oktak eo an m̧wilin im ukot buruōn n̄an ukwelo̧k. Karuwaineneik e n̄an kepaakeļo̧k Rilo̧mo̧o̧r eo, kappukot kajoor eo An im en̄jake iakwe eo An.
-
Rojan̄ m̧akūtkūt ko rej kōketak ko āinwōt jar, ekkatak jān jeje ko rekwojarjar, im etal n̄an kweilo̧k ko an Kabun̄ in. Katakin bwe menmenbwij an baam̧le im jerbal in tam̧peļ emaron̄ kadilo̧k kareel an rijum̧ae. Rojan̄ jerbal n̄an ro jet im kwaļo̧k kōn gospel eo.
-
Rojan̄ n̄an kōkm̧anm̧an kōta ko ippān ro rekar kōmetak er kōn jerawiwi ko im kajjitōk n̄an jeorļo̧k bwōd.
-
Rojan̄ n̄an eļļo̧k jān armej ak men ro rej kaboik er. Jipan̄ membōr ro bōk m̧akūtkūt in bōbrae ko n̄an jum̧ae kapo ko.
-
Kile bwe kwoj juon ritōl in kabun̄, ejjab juon eo rikapilōk eo etijem̧ļo̧k. Ilo kakobaba n̄an jipan̄ kapilōk eo kwar leļo̧k, jet membōr remaron̄ jeram̧m̧an jān ko̧o̧njeļ in m̧wil. Jet rej en̄taan jān nan̄inmej ilo kōļmenļo̧kijeņ. N̄e emenin aikuj, ro uwaan ko̧o̧njeļ eo rej pukot jipan̄ jān taktō ro retijem̧ļo̧k im rekkar ikkijeen nan̄inmej in kōmālij. (lale 31.3.6).
-
Niknik in jar iien otemjej im kappukot tōl jān Jetōb m̧okta jān leļo̧k mo̧ ko repidodo an juon eo ej uwaan Kabun̄ in. Jet membōr ro remaron̄ jeraam̧m̧an jān aer kōm̧m̧ani eddo ko ro uwaan Kabun̄ in jān aer kamoik jān er.
-
Bar lale ejet an pād n̄an leļo̧k naan in rojan̄, kōļapļo̧k kajoor ilo jetōb, im lale jon̄an an wōnm̧aanļo̧k.
Ālikin an juon membōr kwaļo̧k ruōn n̄an juon bisop ak stake būreejtōn, ko̧o̧njeļ in bar lale emaron̄ kōm̧mān ilo elōn̄ wāween ko. Ritōl eo make emaron̄ kōm̧m̧ane. Ak, ippān mālim eo an membōr eo, emaron̄ kappeik juon iaan rikakpilōklōk ro an n̄an kōm̧m̧ane.
Ippān mālim eo an membōr eo, juon bisop ak stake būreejtōn emaron̄ kappeik ro uwaan doulul eo an elder ro ak Doulul eo an Kōrā ro n̄an jipan̄ ilo jekjek ko karōki. N̄an jodikdik ro, emaron̄ kappeik būreejtōnji eo an Doulul eo an Jiron̄ ro ak rikakpilōklōk ro an doulul eo an Priesthood an Aron. Ro me em̧ōj kappeik er n̄an jipan̄ ewōr ippāer maron̄ eo n̄an bōk im̧we n̄an kakūrm̧ool jerbal eo (lale 4.2.6).
N̄e rej kappeik juon armej n̄an jipan̄ ilo ko̧o̧njeļ in laleļo̧k arme eo, ritōl eo ej leļo̧k wōt meļeļe ko rebwe n̄an jipan̄ membōr eo. Armej eo kar kappeik aikuj dāpij ittiņo̧ in meļeļe ko. Ej aikuj bar kōjjeļāik bisop eo kōn wōnm̧aanļo̧k ko membōr eo ej kōm̧m̧ane im aikuj ko an.
32.8.2
Jipan̄ Armej eo Ņa Mejļan An̄ūrlep ko im Alooj Pija ko Renana
Ko̧o̧njeļ in kajim̧we an juon make jet iien ekoba jipan̄ membōr ro ukweļo̧k jān jerawiwi ko rej ieokļo̧k ak kar waļo̧k jān an̄ūrlep ko. An̄ūrlep kein remaron̄ koba men ko rekajoor ak m̧wil ko rellōn̄. An̄ūrlep ko rej kōjorrāān kajjojo armej, m̧are ko, im baam̧le ko.
Bisop ro remaron̄ ko̧o̧njeļe membōr ro n̄an pukot jipan̄ jān Kabun̄ in Healing through the Savior: The Addiction Recovery Program im jān taktō ro retijem̧ļo̧k im rekkar ikkijeen nan̄inmej in kōmālij. Būrookraam̧ ko wōt an Kabun̄ in rej aikuj in bōk eddoiki ak kōm̧m̧ane ilo im̧ōnjar ko an Kabun̄ in.
Kōjerbal pija nana ko ej ļapļo̧k kōjerbale. Men̄e ekanooj ļap kōjebale ak ejjab aolep iien, ekakkure. Ej kadiwōjļo̧k Jetōb eo. Ej kam̧ōjņo̧ik maron̄ eo n̄an bōk kajoor me ej itok jān kōparok bujen ko. Ej barāinwōt kōjorrāān jemjerā ko reaurōk.
Ko̧o̧njeļ in kajim̧we an juon make im mo ko reddik an ro rej uwaan Kabun̄ rej eiten aolep iien bwe n̄an jipan̄ juon armej ukweļo̧k jān kōjerbal pija nana ko. Ko̧o̧njeļ in kajim̧we ejjab kijon̄ kōm̧m̧an. N̄an ukooktak ko, lale 38.6.6 im 38.6.13 Kapilōk jān ro retijem̧ļo̧k emaron̄ lukkuun jipan̄.
stake būreejtōn ro im bisop ro rej jipan̄ ro uwaan baam̧le eo jon̄an eo rej aikuji. Maron̄ kakobaik jinen im jemān ajri ro n̄e rej kapilōk ippān jodikdik eo kōn kōjerbal pija nana ko. Eo pāleen maron̄ bar kakobaiki n̄e rej kapilōk ippān juon eo em̧ōj an m̧are.
N̄an meļele ko reļļapļo̧k kōn kapilōk ippān membōr ro rej kōjerbal pija ko renana, lale 38.6.11
32.8.3
Mo ko Reddik N̄an ro rej Uwaan Kabun̄ in
N̄an kakkobaba n̄an kōketak m̧akūtkūt ko rem̧m̧an n̄e rej kapilōk, juon bisop ak stake būreejtōn emaron̄ kamoik jet eddo ko an juon eo ej Uwaan Kabun̄ in ium̧win juon iien. Jerbal in karejar ilo mālōtlōt, mo kein remaron̄ jipan̄ ippān ukweļo̧k im eddōkļo̧k ilo jetōb. Rej watōki informal kōnke rejjab no̧o̧te juon rekoot an juon membōr.
Mo ko remaron̄ n̄an jejjo wiik ko, jet allōn̄, ak aitokļo̧k eļan̄n̄e emenin aikuj n̄an armej eo n̄an kadedeļo̧k an ukweļo̧k. Edikļo̧k jān juon iiō in an membōr in Kabun̄ in.
Ritōl ro rej pukōt tōl eo an Jetōb n̄an jeļā eo iaan mo ko enaaj jejjōt n̄an jipan̄ juon armej ukweļo̧k. Men kein remaron̄ koba kabōjrak eddo eo n̄an jerbal ilo juon kūr an Kabun̄ in, kōjerbal priesthood eo, ak deļo̧n̄e juon tam̧peļ. Ritōl eo emaron̄ kamoik armej eo jān an ekōnono im̧aan, kōm̧m̧an katak, ak jar ilo jikin kweilo̧k ko an Kabun̄. Eļan̄n̄e ritōl eo ej kabwōjrak jim̧we eo n̄an dreļo̧n̄e juon tam̧peļ, ej kāānjeļ e peba in mālim eo n̄an deļo̧n̄e tampeļ eo ilo Leader and Clerk Resources (LCR).
Bōk m̧ōttan kwojkwoj eo ej juon m̧ōttan aorōk in ukweļo̧k. Ejjab aikuj mo eo jinountata kar leļo̧k n̄an juon eo ej ukweļo̧k kōn bōro rūb im jetōb ettā. Ijoke, eļan̄n̄e juon armej ej kōm̧m̧ane jerawiwi ko reļļap, juon ritōl emaron̄ kabwōjrak eddo in ium̧win juon iien.
Ritōl rej rejjab ba n̄an jabdewōt armej kōn mo ko ijjeļo̧kin wōt n̄e ewōr unin n̄an jeļā (lale 32.12.2).
Bisop eo ak stake būreejtōn eo remaron̄ joļo̧k mo ko āinwōt tōl jān Jetōb eo n̄e armej eo ej kōm̧m̧an wōnm̧aanļo̧k in m̧ool ilo ukweļo̧k. Eļan̄n̄e membōr eo ej wōnm̧aanļo̧k ilo jerawiwi eo, emaron̄ ļap an jipan̄ ak menin aikuj n̄an kōm̧m̧ane juon ko̧o̧njeļ in kajim̧we.
Kōm̧m̧ani Ko̧o̧njeļ in kajim̧we ko an Kabun̄ in
Ko̧o̧njeļ in kajim̧we an Kabun̄ in rej kōm̧m̧ani n̄e bisop eo ak stake būreejtōn eo rej kālet bwe enij lap aer jipan̄ ak n̄e rej menin aikuj jān kakien ko an Kabun̄ in.(lale 32.6). Rej kōm̧m̧an juon ward eo, stake, branch, districk, ak ļābōļ in mijen. Jekjōn ein ej letok meļeļe ko kōn wāween jerbal in karejar n̄an er.
32.9
Bōk Koņaad im Eddo ko
Tebōļ in kwaļo̧k ijin ilaļ ej kwaļo̧k wōn eo ekkā an pād ilo iien ko̧o̧njeļ in kajim̧we ko.
|
Kobaļo̧k ilo Ko̧o̧njeļ in kajim̧we ko | |
|---|---|
|
Ko̧o̧njeļ in Kajim̧we an Ward | Kobaļo̧k ilo Ko̧o̧njeļ in kajim̧we ko
|
|
Ko̧o̧njeļ in Kajim̧we an Stake | Kobaļo̧k ilo Ko̧o̧njeļ in kajim̧we ko
|
32.9.1
Stake būreejtōn
Stake būreejtōn eo:
-
Ewōr an mālim ioon ko̧o̧njeļ in kajim̧we ko ilo stake; ijoke, eiten aolepān ko̧o̧njeļ kein rej kōm̧m̧an jān bisop ro.
-
Ej aikuj leļo̧k mālim n̄an juon bisop m̧okta jān an kōm̧m̧ane juon iien ko̧o̧njeļ in kajim̧we.
-
Kōm̧m̧ane juon ko̧o̧njeļ in kajim̧we an stake eļan̄n̄e juon em̧m̧aan ak kōrā em̧ōj an bōk menin kwojarjar an tam̧peļ enaaj bukwelo̧k etan jān Kabun̄ in.
-
Emaron̄ kōm̧m̧ane juon ko̧o̧njeļ in kajim̧we eļan̄n̄e juon membōr eo ekōņaan bwe juon ko̧o̧njeļ an ward eņ kōm̧m̧an ilo iien eo em̧ōkajtata.
-
Aikuj leļo̧k mālim m̧okta jān juon ko̧o̧njeļ in kajim̧we an ward eo kōm̧m̧ane juon kālet n̄an ļōmņake in bukweļo̧k etan membōr eo.
32.9.2
Doulul in Ko̧o̧njeļ eo Eutiej
Membōr ro ilo ko̧o̧njeļ eo eutiej rejjab kijon̄ kobaļo̧k ilo ko̧o̧njeļ in kajim̧we ko an stake. Stake būreejtōnji eo ej kūr 12 pris ro reutiej n̄an ejaake ko̧o̧njeļ eo eutiej an stake (lale Katak im Bujen Ko 102:2). Stake būreejtōn eo ej tōl ko̧o̧njeļ eo eutiej im stake ko̧o̧njeļ.
-
Ewōr men ko rem̧ool n̄an ļōmņaki.
-
Renaaj kar leļo̧k aorōk im jokūn wōt juon.
-
Membōr eo ej kajjitōk aer kobaļo̧k.
-
Juon membōr in stake būreejtōnji ak baam̧le eo an rej bōk koņaer (lale 32.9.7).
32.9.3
Bisop (ak Branch Būreejtōn ilo juon Stake)
Bisop eo:
-
Ewōr an mālim ko̧o̧njeļ ko an ward eo.
-
Kōnono ippān stake būreejtōn im bōk mālim eo an m̧okta jān an kūr tok juon doulul in kajim̧we.
-
Emaron̄ jab kōm̧m̧ane juon ko̧o̧njeļ eļan̄n̄e juon em̧m̧aan ak kōrā em̧ōj an kar bōk menin kwojarjar eo an tampeļ emaron̄ bukweļo̧k membership eo an ilo Kabun̄ in. Juon ko̧o̧njeļ in kajim̧we an stake rej aikuj kōm̧m̧an ilo jekjek rōt in.
-
Emaron̄ kūr e n̄an pād ilo juon ko̧o̧njeļ in kajim̧we an stake n̄an juon membōr an ward eo rej etale membership eo an. An kobaļo̧k ej aikuj kōtļo̧k jān stake būreejtōn eo ak armej eo.
Juon ko̧o̧njeļ in kajim̧we an juon ward ak branch emaron̄ kwaļok ļōmņak eo n̄an bukweļo̧k etan juon armej jān Kabun̄ in eļan̄n̄e ejjan̄in kar bōk menin kwojarjar ilo tam̧peļ. Ijoke, kōmālim eo an stake būreejtōn eo ej mein aikuj m̧okta jān kōm̧m̧ane kālet eo āliktata.
Jet iien juon ko̧o̧njeļ in kajim̧we an ward eo e kōm̧m̧an n̄an juon membōr eo em̧ōj an bōk menin kwojarjar an tampeļ im wōnm̧aanļo̧k eo ej kwaļo̧k bwe membōr eo enaaj bukweļo̧k e. Ilo jekjek kein, bisop eo ejleļo̧k er n̄an stake būreejtōn eo.
32.9.4
Mijen Būreejtōn
Mijen būreejtōn eo:
-
Ewōr an mālim ioon ko̧o̧njeļ in kajim̧we ko ilo mijen branch ko im district ko.
-
Ej aikuj leļo̧k mālim m̧okta jān juon būreejtōn an district ak branch maron̄ kōm̧m̧ane juon ko̧o̧njeļ in kajim̧we.
-
Kōm̧m̧ane juon ko̧o̧njeļ in kajim̧we an eļan̄n̄e juon em̧m̧aan ak kōrā em̧ōj an bōk menin kwojarjar an tam̧peļ enaaj bukwelo̧k membership eo an ilo Kabun̄ in. Eļan̄n̄e iien ak ettoļo̧k in jikin ej kaben men in, emaron̄ jitōn̄ juon iaan rikakpilōklōk ro ej tōl ilo ko̧o̧njel eo. Ej kile ruo ro rej kabjōr Melkisedek priesthood n̄an bōk kuņaer.
-
Ijo ekkar, kōm̧m̧āne ko̧o̧njeļ in kajim̧we ko n̄an ro rejjan̄in bōk menin kwojarjar an tam̧peļ. Eļan̄n̄e iien ak ettoļo̧k in jikin ej bōbrae men in, emaron̄ kōmālim jilu Rikabwijer Priesthood eo an Melkisedek ro rej preside ilo ko̧o̧njel eo. Ilo wāween in, būreejtōn eo an membōr eo ilo district ak branch būreejtōn ekkā aer kōjejeiki ko̧o̧njeļ eo.
-
Emaron̄ kōm̧m̧ane juon ko̧o̧njeļ in kajim̧we eļan̄n̄e juon membōr eo ekōņaan bwe juon ko̧o̧njeļ an ward eņ kōm̧m̧an ilo iien eo em̧ōkajtata.
-
Ippān mālim eo jān juon Ritōl Eutiej jān Missionary Department eo, ej kōm̧m̧ane juon ko̧o̧njeļ in kajim̧we eļan̄n̄e juon mijinede ekar kōm̧m̧ane juon jerawiwi eļap ilo mijen eo an (lale 32.9.8). Ej barāinwōt etale wāween eo ippān juon eo ej uwaan Eria Būreejtōnji eo im kapilōk ippān stake būreejtōn eo an mijinede eo ilo stake eo an ilo ijo jikin.
-
AikAikuj leļo̧k mālim m̧okta jān juon ko̧o̧njeļ in kajim̧we an branch ak district eo kōm̧m̧ane juon kālet n̄an ļōmņake in bukweļo̧k etan membōr eo.
Eļan̄n̄e juon mijinede ej kwaļo̧k ruwōn kōn juon jerawiwi eļap ekar kōm̧m̧ane m̧okta jān an kar etal n̄an mijen eo an, mijen būreejtōn eo ej enaanļo̧k ippān field representative eo an ilo Missionary Department eo n̄an tōl.
N̄e juon mijen būreejtōn ej kōm̧m̧ane ko̧o̧njeļ in kajim̧we, ej kappeik ruo rikabwijer Priesthood eo an Melkesidek n̄an jipan̄ e. Ilo wōt jekjek ko ejjab ekkā aer waļo̧k ej aikuj kile mijenede ro reddik n̄an jipan̄ e. Ej ļoor ejja wāween m̧akūtkūt eo āinwōt ilo ko̧o̧njeļ in kajim̧we an stake (lale 32.10). Ijoke, juon ko̧o̧njeļ eo eutiej ak district ko̧o̧njeļ rejjab kobaļo̧k.
32.9.5
District ak Branch Būreejtōn ilo juon Mijen
Juon district ak branck būreejtōn ilo juon mijen emaron̄ kōm̧m̧ane juon ko̧o̧njeļ in kajim̧we n̄e em̧ōj kōmālim jān mijen būreejtōn. Ko̧o̧njeļ eo an district eo ejjab bōk koņaan.
Juon ko̧o̧njel in kajim̧we an district ak branch emaron̄ kajjitōk bukweļo̧k etan armej eo jān Kabun̄ in eļan̄n̄e armej eo ejjan̄in bōk menin letok kwojarjar an tampeļ eo. Ijoke, mālim eo an mijen būreejtōn eo emenin aikuj m̧okta jān kapene kāālet eo.
32.9.6
Stake im Ward Kūļōk
Stake im ward kūļōk:
-
Kōjparok ņoot ko em̧ōj jei an ko̧o̧njeļ eo wōt toon wōt an aikuji n̄an leļo̧k boom̧ in Reboot in Ko̧o̧njeļ in kajim̧we an Ro uwaan Kabun̄ in.
-
Kōpooj pepa eo eļan̄n̄e
-
Ejjab kobaļo̧k ilo kōmeļeļe eo ak kālet ilo ko̧o̧njeļ.
32.9.7
Kobaļo̧k ilo Jekjek ko Ejjab Ekkā Aer Waļo̧k
Eļan̄n̄e juon rikakpilōklōk ilo bisoprik ej jab maron̄ bōk koņaan, bisop eo emaron̄ kajjitōk ippān juon pris eutiej ilo ward eo n̄an bōk jikin rikakpilōklōk eo. Eļan̄n̄e stake būreejtōn ej jab maron̄ bōk koņaan, Būreejtōnji eo Kein Kajuon emaron̄ kōmālim juon iaan rikakpilōklōk ro n̄an bōk eddo ilo jikin.
Eļan̄n̄e juon rikakpilōklōk ilo bisoprik ej jab maron̄ bōk koņaan, bisop eo emaron̄ kajjitōk ippān juon pris eutiej ilo ward eo n̄an bōk jikin rikakpilōklōk eo. Eļan̄n̄e bisop eo ej jab maron̄ bōk koņaan, ej leļo̧k kāij eo n̄an stake būreejtōn, eo ej kūr tok juon doulul in kajim̧we an stake. Bisop eo emaron̄ jab jitōn̄ juon rikakpilōklōk n̄an kūr tok ak bōk eddo ioon juon doulul in kajim̧we.
Eļan̄n̄e juon ko̧o̧neļ in kajim̧we ej kōm̧m̧an n̄an juon uwaan baam̧le eo an bisop eo ak juon iaan rikakpilōklōk ro an, ej kōm̧m̧an ilo ļābōļ eo an stake. Eļan̄n̄e juon rikakpilōklōk ilo stake būreejtōnji ej jab maron̄ in bōk koņaan, stake būreejtōn ej kālet bar juon priest eutiej n̄an bōk jikin rikakpilōklōk eo. Eļan̄n̄e ko̧o̧njeļ eo ej kōm̧man n̄an juon uwaan baam̧le eo an stake būreejtōn eo, ej kapilōk ippān Opiij eo an Būreejtōnji eo Kein Kajuon.
Eļan̄n̄e juon membōr ejjab errā bwe bisop eo ak rikakpilōklōk ro an ren pād, ko̧o̧njeļ in kajim̧we eo ej kōm̧m̧an ilo ļābōļ eo an stake. Eļan̄n̄e juon membōr ejjab errā bwe juon iaan rikakpilōklōk ro an stake būreejtōn eo re pād, stake būreejtōn eo ej kālet bar juon priest eutiej n̄an bōk jikin rikakpilōklōk eo. Eļan̄n̄e juon membōr ejjab errā bwe stake būreejtōn eo en pād, ak eļan̄n̄e stake būreejtōn eo ej en̄jake bwe aikuj pād, ej kōnono ippān Opiij eo an Būreejtōnji eo Kein Kajuon.
32.9.8
Ļōmņake Wōn Iaan Ritōl ro Ej Kōm̧m̧ane juon Ko̧o̧njeļ ilo Jekjek ko Reaorōk
Ko̧o̧njeļ in kajim̧we ko rej eiten aolep iien rej kōm̧m̧an ilo unit ko an Kabun̄ in ilo epād rekoot in membership eo an membōr eo.
Jet iien juon ko̧o̧njeļ in kajim̧we ej menin aikuj n̄an juon armej eo ej em̧m̧akūt. Eļan̄n̄e em̧m̧akūt eo ej pād wōt ilowaan stake eo, stake būreejtōn eo ej kapilōk ippān bisop ro ilo jim̧or ward ko im kālet ia eo aikuj kōm̧m̧ane ie.
Eļan̄n̄e juon membōr ej em̧m̧akūt itulikin stake eo, stake būreejtōn ro an jim̧ōr stake ko rej kapilōk im kālet ia eo ko̧o̧njeļ eo ej aikuj bōk jikin ie. Eļan̄n̄e rej kālet bwe ej aikuj kōm̧m̧an ilo ward eo m̧okta an armej eo ak stake, rekoot in membership an membōr eo rej dāpij wōt ilo ward eo m̧ae ededeļo̧k ko̧o̧njeļ eo, e ej dāpij rekoot an ro uwaan m̧ae iien jerbal eo ej bōk jikin. N̄e ejjab, rekoot eo enaaj bokļo̧k n̄an ward eo ekāāl. Bisop ak stake būreejtōn eo ej kōjjeļāik bisop eo ekāāl ilo ittiņo̧ ak stake būreejtōn eo kōn etke juon ko̧o̧njeļ ej aikuj kōm̧m̧an.
Jet iien juon ko̧o̧njeļ in kajim̧we ej menin aikuj n̄an jon membōr eo ej jokwe ettoļo̧k jān m̧weo ium̧win jidik iien. N̄an waanjon̄ak, juon ko̧o̧njeļ emaron̄ aikuji n̄an juon rijikuuļ ak juon membōr in military. Bisop eo ijo eban aitok an membōr eo jokwe ie emaron̄ leļo̧k kapilōk im jipan̄ Ijoke, ejjab aikuj kōm̧m̧ane juon ko̧o̧njeļ in kajim̧we ijjeļo̧kin wōt n̄e rekoot ko an membōr eo ej pād ilo unit eo an im em̧ōj an kapilōk ippān bisop eo ilo ward eo likun m̧weeo im̧on armej eo ej pād ie.
Jet iien juon mijinede ej kōm̧m̧ane juon jerawiwi eļap ilo mijen eo an me ejjab waļo̧k m̧ae iien ejem̧ļo̧k mijen eo an. Bisop eo im stake būreejtōn eo rej kapilōk kōn eo iaaer ej aikuj kōm̧m̧ane ko̧o̧njeļ in kajim̧we eo. Juon iaer ej leļo̧k ippān kar mijen būreejtōn eo kar m̧oktaļo̧k m̧okta jān jibwe.
32.10
Em̧m̧akūt ko an Ko̧o̧njeļ in kajim̧we ko
32.10.1
Leļo̧k Kōjjeļļā im Maanjabpopo n̄an Ko̧o̧njeļ in Kajim̧we eo
Bisop eo ak stake būreejtōn eo ej leļo̧k juon kōjjeļā kar jeiki kōn ko̧o̧njeļ in kajim̧we eo me enaaj bōk jikin bōk jikin ilo etan. Ej jain e leta eo. Ekoba meļeļe kein ilaļ:
“[Bisoprik eo ak stake būreejtōn eo] ej kōm̧mane juon ko̧o̧njeļ in kajim̧we ilo etam̧. “Doulul in kajim̧we eo enaaj bōk jikin ilo [raan im awa] ilo [jikin].”
“Ko̧o̧njeļ in enaaj ļōmņake [kōmeļeļeik ilo tukadu in bōd eo ilo jekjek ko iminene kaki, bōtaab ejjab leļo̧k tibdikin meļeļe ko ak menin kam̧ool ko].
“Kwoj ruwainene n̄an pād ilo ko̧o̧njeļ eo n̄an leļo̧k uwaak eo am̧. Komaron̄ leļo̧k naan in kam̧ool ko kar jeiki jān armej ro remaron̄ kwaļo̧k meļeļe ko rejim̧we Kwomaron̄ kūr armej ro n̄an ekōnono ilo ko̧o̧njeļ in ilo etam̧ eļan̄n̄e kar kōtļo̧k m̧oktaļo̧k jān stake būreejtōn eo ak bisop eo. stake būreejtōn im bisop eo. Kwomaron̄ kūr [būreejtōn eo an Doulul eo an Kōrā ro ak doulul eo an elder ro ilo ward eo] n̄an pād im leļo̧k jipan̄.
“Jabdewōt eo ej kobaļo̧k aikuj jipan̄ im erre ilo ko̧o̧njeļ eo, ekoba m̧akūtkūt ko ie im dāpij ittiņo̧ in meļeļe ko ie. Kapilōk jān ro retijem̧ļo̧k im ro rej jutak likier ilōn̄inļok rein kar ba ilōn̄ rejjab maron̄ pād.”
Bārokūraap eo āliktata emaron̄ koba juon en̄jake in iakwe, kōjatdikdik, im kea.
Unin tōl ko kōn wōn eo armej eo emaron̄ kūrtok n̄an ekōnono ilo iien ko̧o̧njeļ eo rej pād ilo 32.10.3, nōm̧ba 4.
Eļan̄n̄e leta eo ejjab maron̄ in bōkļo̧k ilo armej, emaron̄ in jilkinļo̧k ilo māiļ eo em̧ōj kadeļo̧n̄e ak kōmālimi ilo kien, ippān juon roolļo̧k in rijjiit eo kajjitōke.
Bisop eo ak stake būreejtōn eo ej jikejuuļ e ko̧o̧njeļ in kajim̧we eo ilo iien eo me em̧m̧an n̄an armej eo. Ej barāinwōt likkuun lale be ewōr iien n̄an bōk naan in kam̧ool ko jān ro bōd eo ekar jelōt er eļan̄n̄e rekōņaan leļo̧ki (lale 32.10.2).
Bisop eo ak stake būreejtōn eo ej kōpooj membōr eo n̄an iien ko̧o̧njeļ eo ilo an kōmeļeļeik unin ko̧o̧njeļ eo im m̧akūtkūt ko renij kōm̧m̧an ie. Ej bar kōmeļeļeik kālet ko ko̧o̧njeļ eo emaron̄ tōpari im tōpar ko aer. Eļan̄n̄e eo uwaan ekar kwaļo̧k ruwōn, ritōl eo ej kōmeļeļeik bwe iien kwaļo̧k ruwe eo enaaj aikuj kōjerbale ilo ko̧o̧njeļ in kajim̧we eo.
32.10.2
Bōk Naan in Kam̧ool ko jān Ro Kar Ko̧kkure er
N̄e ewōr juon membōr ej en̄taan jān jorrāān (āinwōt n̄an kōpa kōtaan ruo ro rej nuki doon, ko̧kkure nae ajri, ak ko̧kkure nae eo pāleen), opiija eo ej bōk eddo an doulul in kajim̧we eo ej itok ej kōnono ļo̧k ippān bisop eo ak stake būreejtōn an armej eo en̄taan jān jorrāān. Ritōl rein rej kālet eļan̄n̄e enaaj menin jipan̄ n̄an leļo̧k juon iien em̧m̧an n̄an eo kar ko̧kkure n̄an jeļo̧k juon naan in kam̧ool kōn bōd eo im ta ko rekar waļok jān e. Naan in kam̧ool kein remaron̄ riiti ilo juon iien ko̧o̧njeļ in kajim̧we an ro rej uwaan Kabun̄ in. (lale 32.10.3, nōm̧ba 3). Riōl ro an Kabun̄ in ejjeļo̧k aer mālim n̄an ioon ro kar ko̧kkure er im rejjab uwaan Kabun̄ in.
Jabdewōt ekkōnono ippān juon riļanootot n̄an un in ej kōm̧m̧an jān bisop eo ak stake būreejtōn eo an ļeo ak lio kiiō. Eļan̄n̄e juon eo kar ko̧kkure ej kwaļo̧k juon naan in kam̧ool, ritōl eo ej leļo̧k n̄an bisop eo ak staKe būreejtōn eo ej bōk eddoin ko̧o̧njeļ in kajim̧we eo. Ritōl ro rej aikuj lukkuun mejmej karuo n̄an jab kōm̧m̧an eļapļo̧k jorrāān. Lale 32.4.3 n̄an kakkōl ko jet.
Aolep kajjitōk ko kōn juon eo kar jelōt e eo ej pād ium̧win 18 iiō ej kōm̧m̧an ippān pāāren ro an ajri eo ak ro rej lale, ijjelo̧kin n̄e kōm̧m̧ane wāween in enaaj likūt ajri eo ilo kauwōtata.
N̄an meļeļe ko kōn a bisop ro im stake ro bōk tōl ilo jekjek ko an ko̧kkure (abuse), lale 32.4.5 im 38.6.2.1.
32.10.3
Tōl Ko̧o̧njeļ eo
Iien en wōt m̧okta jān an ko̧o̧njeļ eo ijjino, bisop eo ak stake būreejtōn eo ej ba n̄an ro rej pād wōn ko̧o̧njeļ eo ej n̄an im riboot in bōd ta eo. Eļan̄n̄e aikuj, ej kōmeļeļeik m̧akūtkūt ko an iien ko̧o̧njeļ eo.
Armej eo, eļan̄n̄e epād, ej ruwainene n̄an pād ilo ruum̧ eo. Eļan̄n̄e em̧ōj kūrtok bisop eo n̄an pād ilo juon iien ko̧o̧njeļ in kajim̧we an stake, e ej barāinwōt ruwainene n̄an pād ilo ruum̧ eo ilo iien in. Eļan̄n̄e armej eo ekar kūr tok būreejtōn eo an Doulul eo an Kōrā ro ak būreejtōn eo an doulul eo an elder ro n̄an pād im kwaļo̧k jipan̄, e ej barāinwōt ruwainene n̄an ruum̧ eo.
Bisop eo ak stake būreejtōn eo ej tōl juon ko̧o̧njeļ ilo juon jetōbōn iakwe, āinwōt an elaajrak ijin ilaļ:
-
Ej karuwaineneik juon armej n̄an kōpeļļo̧k kōn jar.
-
Ej kwaļo̧k bōd in jerbal eo. Ej leļo̧k n̄an armej eo (eļan̄n̄e epād) juon iien em̧m̧an n̄an kwaļo̧k m̧ool, kariab, ak kalikkar naan in eļap.
-
Eļan̄n̄e membōr eo ej kwaļo̧k m̧ool kōn nana, bisop eo ak stake būreejtōn eo rej ālōkļo̧k n̄an peij 5 ijin ilaļ. Eļan̄n̄e membōr eo ej kariab e, bisop eo ak stake būreejtōn eo rej kwaļo̧k meļeļe ko. Menin ekoba pepa in kam̧ool ko rem̧m̧an im riit ilo am̧ kōļapļo̧k ainkiem ilo am̧ riiti naan ko jān eo ejorrāān (lale 32.10.2). Eļan̄n̄e ej riit juon naan eļap, ej kōjparok kadkadin armej eo ej pād ilo jorrāān.
-
Eļan̄n̄e membōr eo ej kariab m̧wil eo an enana, maron̄ kwaļo̧k meļeļe ko n̄an ko̧o̧njeļ eo. Menin remaron̄ jeiki. Ak membōr eo emaron̄ kajjitōk ippān armej ro n̄e remaron̄ letok meļeļe ko raorōk n̄an kōnono n̄an ko̧o̧njeļ eo, juon kōttan ilo juon iien. Āinwōt jet armej ro rej aikuj membōr in Kabun̄ in m̧ae iien bisop eo ak stake būreejtōn eo rej kāālet kadede bwe armej eo ejjab membōr emaron̄ pād. Rej kōttar ilo juon ruum̧ ejenoļo̧k m̧ae rej kajjitōk n̄an kōnono kake. Kajjojo armej rej etal jān ruum̧ in ko̧o̧njeļ eo n̄e em̧ōj. Rej aikuj kōņaan ko̧kkure ilo wāween kautiej an juon ko̧o̧njeļ, ekoba jerbal ko an im ittino ko ie. Member ro remaron̄ jab kōm̧m̧an kapilōk ko an kien. Remaron̄ jab wōr are ri rejtak ilōn̄ļo̧k ro kar leļo̧k etaer n̄an ilo pārokūrāāp eo jinoin ilo jekjōn in.
-
Bisop eo ak stake būreejtōn eo emaron̄ kajjitōk kajjitōk ko kōn membōr eo ilo juon wāween ejouj im eļap kautiej ie. Emaron̄ barāinwōt kajjitōk kajjitōk ko kōn armej ro me membōr eo ekar kajjitōk n̄an bōktok meļeļe ko. Kōtļok bwe rikakpilōklōk ro ilo bisoprik eo ak stake būreejtōnji ren maron̄ kajjitōk kajjitōk ko. Jabdewōt kajjitōk ko rej aikuj kadu im wōr jon̄an n̄an m̧ool ko remenin aikuj.
-
Ālkin aolep meļeļe ko raorōk em̧ōj kwaļo̧ki, bisop eo ak stake būreejtōn eo emaron̄ etal jān ruum eo.he member from the room. Kūļōk eo ej barāinwōt etal, m̧ae iien high ko̧o̧njeļ eo ekar bōk koņaan ilo juon ko̧o̧njeļ in kajim̧we an stake. Eļan̄n̄e bisop eo an membōr eo ej pād n̄an juon ko̧o̧njeļ in kajim̧we, emaron̄ etal. Eļan̄n̄e būreejtōn eo an doulul eo an Kōrā ro ak būreejtōn eo an doulul eo an em̧m̧aan ro rej pād n̄an kwaļo̧k aer rie, emaron̄ etal.
-
Bisop ak stake būreejtōn eo ej kajjitōk kakkobaba ak ļōmņak ko jān rikakpilōklōk ro an. Eļan̄n̄e high ko̧o̧njeļ eo ekar bōk koņaan ilo juon ko̧o̧njeļ in kajim̧we, ej kajjitōk kōn kakkobaba im ļōmņak ko aer.
-
Ippān rikakpilōklōk ro an, bisop eo ak stake būreejtōn eo rej lukkuun jar im kappukot ankilaan Irooj kōn jekjek eo. Stake būreejtōn im rikakapilōklōk ro an wōt ak bisop eo im rikakpilōklōk ro an rej aikuj pād ilo ruum eo ilo tōre eo. Eļan̄n̄e juon ko̧o̧njeļ in kajim̧we ekoba high ko̧o̧njeļ eo, stake būreejtōnji eo ej ekkā an etal n̄an opij eo an ttake būreejtōn eo.
-
Bisop eo ak stake būreejtōn eo ej ba n̄an rikakpilōklōk ro an kōn kāālet eo an im kajjitōk ippāer n̄an rejtake. Eļan̄n̄e juon ko̧o̧njeļ in kajim̧we ekoba high ko̧onjeļ eo, stake būreejtōnji eo ej jepļaak n̄an ruum eo im kajjitōk ippān high ko̧o̧njeļ eo n̄an rejtake. Eļan̄n̄e juon rikakpilōklōk ak high ko̧o̧njeļ ewōr juon an ļōmņak eoktak, bisop ak stake būreejtōn eo ej ron̄jake im kappukot n̄an ņa mejļan oktak ko. Eddo eo n̄an kōm̧m̧ane kāālet eo ej pād ioon airan opija eo ej tōl.
-
Ej karuwaineneik armej eo ļo̧k n̄an lowaan ruum eo. Eļan̄n̄e kūļōk eo ej mālim n̄an etal jān kweilo̧k eo, ej barāinwōt ruwainene n̄an lowaan ruum eo. Eļan̄n̄e bisop eo an membōr eo ej pād ilo ko̧o̧njeļ in kajim̧we an stake, ej barāinwōt ruwainene n̄an deļon̄ ilo ruum eo. Eļan̄n̄e būreejtōn eo an Doulul eo an Kōrā ro ak būreejtōn eo an em̧m̧aan ro ej pād n̄an rie, rej bar karuwaineneik tok.
-
Bisop eo ak stake būreejtōn eo ej kwaļo̧k kāālet eo an ko̧o̧njeļ eo ilo juon jetōbōn iakwe. Eļan̄n̄e kāālet eo ej n̄an kamo̧ik eddo ko an membōr eo ak bukweļo̧k etan membōr eo, ej kōmeļeļeik jekjek ko (lale 32.11.3 im 32.11.4). Ej barāinwōt kōmeļeļeik wāween eļļā ioon mo̧ im leļo̧k kōmeļeļe im kapilōk ko jet. Juon bisop ak stake būreejtōn emaron̄ kabōjrake juon ko̧o̧njeļ ium̧win juon tōre n̄an kappukot jet tōl ko ak meļeļe ko m̧okta jān kōm̧m̧ane juon kāālet. Ilo jekjek in, ej kōmeļeļe menin.
-
Ej kōmeļeļeiki jim̧we ko an armej eo n̄an kajjitōk (lale 32.13).
-
Ej karuwaineneik juon armej n̄an kilōk kōn jar.
Men̄e armej eo ej pād ak jaab, bisop eo ak stake būreejtōn eo ej karon̄ e kōn kāālet eo āinwōt an kōmeļeļeiki ilo 32.12.1.
Ejjeļo̧k ej bōk koņaan ilo juon ko̧o̧njeļ in kajim̧we me je kōm̧m̧an ilo aer rekoot ainikein, bitio, ak rekoote meļeļe ko. Juon kūlōk emaron̄ bōk no̧o̧t ko kōn jabdewōt wūn ko n̄an kōpooj Riboot eo an Ko̧o̧njeļ in Kajim̧we an Kabun̄ in. Ijoke, je ko rejjab aikuj rekoot āinwōt juon laajrak in naan ak transcript. Ālkin juon an dedeļo̧k juon riboot, ej kajju kakkure jabdewōt jeje.
32.11
Kāālet ko jān Ko̧o̧njeļ in Kajim̧we ko
Kāālet ko rej jān ko̧o̧njeļ in kajim̧we ko rej aikuj kajju jān Jetōb eo. Rej aikuj kejakļo̧kjeņ kōn iakwe im kōjatdikdik me kar leļo̧k jān Rilo̧mo̧o̧r n̄an ro rej ukweļo̧k. Kāālet ko Rekkar rej kōmeļeļeik ijin ilaļ. N̄e kāālet ko rej kōm̧m̧an, ritōl ro rej ļōmņak kōn jekjek ko me rej elaajrak ilo 32.7.
Ālkin jabdewōt ko̧o̧njeļ in kajim̧we, bisop eo ak stake būreejtōn eo ej m̧ōkaj im jilkinļo̧k juon pepa in Riboot in Ko̧o̧njeļ in Kajim̧we eo ilo LCR lale 32.14.1).
Kāālet ko rekkar jān ko̧o̧njeļ in kajim̧we ko rej laajrak ilo jekjōn in ej elaajrak.
32.11.1
Pād Wōt ilo Mour Jim̧we
Ilo jet waanjon̄ak, juon armej emaron̄ jab jeļā jabdewōt men im ej pād wōt ilo mour jim̧we. Ilo jet waanjon̄o̧k, juon armej emaron̄ kar kōm̧m̧an juon jerawiwi, ukweļo̧k ilo m̧ool, im pād ilo mour jim̧we. Bisop ak stake būreejtōn eo emaron̄ aikuj leļo̧k kapilōk ak kakkōl kōn kōm̧m̧an im jerbal ko an ilju im jekļaj. Ālkin ko̧o̧njeļ eo, ej wōnm̧aanļo̧k wōt im leļo̧k jipan̄ n̄e emenin aikuj.
32.11.2
Kapilōk an Juon Make ippān Bisop eo ak Stake Būreejtōn eo
Ilo jet ko̧o̧njeļ in kajim̧we, ritōl ro ej kāālet bwe membōr eo ejjab mour jim̧we—ak bwe mo̧ ko an juon membōr Ilo waanjon̄o̧k kein, ko̧o̧njeļ eo emaron̄ kāālet bwe armej eo ej aikuj bōk kapilōk im kapilōk eo wōt im bisop eo ak stake būreejtōn eo. Kapilōk in emaron̄ koba mo̧ ko jet āinwōt an elaajrak ilo 32.8.3.
Kapilōk an juon armej im mo̧ ko jet an membōr eo rejjab juon kāālet n̄e juon ko̧o̧njeļ ej kōm̧m̧an n̄an jerawiwi ko rej elaajrak ilo 32.6.1.
32.11.3
Mo ko an juon Membōr
Ilo jet ko̧o̧njeļ in kajim̧we, ritōl ro remaron̄ kāālet bwe em̧m̧antata kamo̧ik eddo ko jān armej eo ej membōr in Kabun̄ in ilo juon tōre. Mo̧ ko remaron̄ bwe n̄an aolep ak eļaptata jerawiwi ko reļļap ak jekjek ko, eo me naaj bukweļo̧k etan membōr eo (lale 32.11.4).
Ro me kar kamo̧ik etaer rej membōr wōt in Kabun̄ in. Ijoke, eddo ko aer āinwōt juon membōr em̧ōj kamo̧ik ilo an elaajrak:
-
Remaron̄ jab deļon̄e juon tampeļ. Ijoke, remaron̄ wōnm̧aanļo̧k wōt im kanōk garment ko eļan̄n̄e em̧ōj kar aer bōk menin letok kwojarjar. Eļan̄n̄e membōr eo ewōr an mālim n̄an deļon̄e tampeļ, ritōl eo ej kāānjeļ e ilo LCR.
-
Remaron̄ jab kōjerbal priesthood eo.
-
Remaron̄ jab bōk kwojkwoj eo ak bōk koņaer ilo rejtak ko an opija ro an Kabun̄ in.
-
Remaron̄ jab kōnono, ak kōm̧m̧an katak, ak jar ilo m̧akūtkūt ko an Kabun̄ in ak tōl juon m̧akūtkūt ilo kabun̄ in. Remaron̄ jab kabwijer juon kūr an Kabun̄ in.
Rej kōketak er n̄an pād ilo kweilo̧k im m̧akūtkūt ko an Kabun̄ in eļan̄n̄e m̧wil ko aer rem̧m̧an. Rej kōketak er n̄an kōļļā juon m̧ōttan jon̄oul im menin joortak ko.
Bisop eo ak stake būreejtōn eo remaron̄ kobaik jekjek ko jet, āinwōt kattoļo̧k eok make jān pija ko renana im kareel ko jet renana. Ekkā an kobaik jekjek ko jet rem̧m̧an. Men kein remaron̄ koba pād ilo iien jar ko, jar aolep iien, im riiti jeje ko rekwojarjar im kein katak ko jet an Kabun̄ in.
Eļan̄n̄e eddo ko an membōr eo em̧ōj kamo̧iki, rej kōkaļļeiki ilo rekoot eo an membōr eo.
Aitok iien kamo̧ eo ekkā diktata juon iiō im emaron̄ aitokļo̧k. N̄e membōr eo ej wōnm̧aanļo̧k ilo an ukweļo̧k, bisop eo ak stake būreejtōn eo ej kōm̧m̧an bar juon ko̧o̧njeļ n̄an ļōmņak in joļo̧k mo̧ ko (lale 32.16.1). Eļan̄n̄e membōr eo ej wōnm̧aanļo̧k ilo jon̄ak in jerawiwi, ritōl eo emaron̄ kōm̧m̧ane bar juon ko̧o̧njeļ n̄an ļōmņak kōn jon̄ak ko jet.
32.11.4
Bukweļo̧k Etan Membōr Eo
Ilo ko̧o̧njeļ in kajim̧we ko jet, ritōl ro remaron̄ kāālet bwe em̧m̧an tata bukweļo̧k etan juon membōr ilo juon tōre (lale Mosaia 26:36; Alma 6:3; Moronai 6:7; Katak im Bujen Ko 20:83).
Bukweļo̧k etan armej eo jān Kabun̄ in emenin aikuj n̄e m̧ōrō (āinwōt kōmeļeļeik ilo 32.6.1.1) im m̧are elōn̄ļo̧k jān juon (āinwōt kōmeļeļeik ilo 32.6.1.2). Eiten aolep iien emenin aikuj n̄an kōpa āinwōt an kōmeļeļe ilo 32.6.1.2 and 38.6.10.
Āinwōt kar tōl jān Jetōb eo, bukweļo̧k etan juon membōr emaron̄ jab menin aikuj ilo an ļoor wāween kein:
-
N̄an ro me m̧wil ko aer rej kōm̧m̧an bwe ren lukkuun kamijak ippān ro jet.
-
N̄an ro me rekar kōm̧m̧ani bōd ko eļaptata jerawiwi ko reļļap.
-
N̄an ro me rejjab kwaļo̧k aer ukweļo̧k jān jerawiwi ko aer reļļap (lale ļōmņak ko ilo 32.7).
-
N̄an ro rej kōm̧m̧ani jerawiwi ko reļļap me ej kakkure etan Kabun̄ in.
Juon ko̧o̧njeļ in kajim̧we an ward, branch, ak district emaron̄ leļo̧k ļōmņak in n̄an bukweļo̧k etan armej eo jān Kabun̄ in jān armej eo me ejjan̄in kar bōk menin letok kwojarjar eo. Ijoke, mālim an stake ak mijen būreejtōn emenin aikuj m̧okta jān kāālet eo āliktata.
Ro me etaer ilo Kabun̄ in em̧ōj bukweļo̧k remaron̄ jab lan̄lōn̄ kōn jabdewōt eddo ko an juon membōr.
-
Remaron̄ jab deļon̄e juon tampeļ ak kanōk garmen ko an tampeļ. Eļan̄n̄e armej eo ewōr an mālim n̄an deļon̄e tampeļ, ritōl eo ej kāānjeļ e ilo LCR.
-
Remaron̄ jab kōjerbal priesthood eo.
-
Remaron̄ jab bōk kwojkwoj eo ak bōk koņaer ilo rejtak ko an opija ro an Kabun̄ in.
-
Remaron̄ jab kōnono, ak kōm̧m̧an katak, ak jar ilo m̧akūtkūt ko an Kabun̄ in ak tōl juon m̧akūtkūt ilo kabun̄ in. Remaron̄ jab kabwijer juon kūr an Kabun̄ in.
-
Remaron̄ jab kōļļā juon m̧ōttan jon̄oul im menin joortak ko.
Rej kōketak er n̄an pād ilo kweilo̧k im m̧akūtkūt ko an Kabun̄ in eļan̄n̄e m̧wil ko aer rem̧m̧an.
Ro me em̧ōj bukweļo̧k etaer remaron̄ bar deļon̄etok ak rooltok n̄an Kabun̄ in ilo aer peptaij im kapen. Ekkā, rej aikuj m̧oktata n̄an kwaļo̧k aer ukweļo̧k ium̧win diktata juon iiō. Stake būreejtōn eo ej kōm̧m̧ane bar juon ko̧o̧njeļ in kajim̧we n̄an ļōmņak in bar kadeļon̄etok n̄an kabun̄ in (lale 32.16.1).
Kālet ko an Ko̧o̧njeļ in kajim̧we im Tōprak ko.
|
Kāālet eo |
Tōprak ko |
|---|---|
Kāālet eo Pād Wōt ilo Mour Em̧m̧an (lale 32.11.1) | Tōprak ko
|
Kāālet eo Kapilōk eo ikōtaan armej eo ippān Bisop eo ak Stake Būreejtōn eo (lale 32.11.2) | Tōprak ko
|
Kāālet eo Mo̧ ko an Membōr eo (lale 32.11.3) | Tōprak ko
|
Kāālet eo Bukweļo̧k Etan Membōr eo (lale 32.11.4) | Tōprak ko
|
32.11.5
Kajjitōk ko kōn Kāālet Jekjek ko Reppen
Bisop ro rej kajju kajjitōk kōn laajrak in tōl ko an bok in bōk meļeļe n̄an ko̧o̧njeļ in kajim̧we ko n̄an stake būreejtōn eo.
Ilo jekjek ko reppen, stake būreejtōn eo emaron̄ kappukot kapilōk jān Eria Jiljilimjuonn̄oul me em̧ōj kappeiki. Stake būreejtōn eo ej bōk kapilōk ippān Eria Būreejtōn eo kōn jekjek ko me rej elaajrak ilo 32.6.3. Ijoke, stake būreejtōn eo ejjab aikuj kajjitōk mālim jān Eria Jiljilimjuonn̄oul ak Routiej an Kabun̄ in kōn wāween kāālet ilo jekjek ko reppen. Stake būreejtōn eo ej kāālet eļan̄n̄e juon ko̧o̧njeļ ej aikuj kōm̧m̧an n̄an kwaļo̧k m̧wil eo. Eļan̄n̄e juon ko̧o̧njeļ ej bōk jikin, stake būreejtōn eo ak bisop eo ej kāālet jem̧ļo̧k eo.
32.11.6
Mālim eo an Būreejtōnji eo Kein Kajuon
Būreejtōnji eo Kein Kajuon ewōr an mālim eo eļaptata ioon aolep mo̧ ak bukweļo̧k an juon membōr in Kabun̄ in.
32.12
Kōjjeļā Ko
Kāālet eo an juon ko̧o̧njeļ in kajim̧we ej etal n̄an armej eo—im n̄an ro jet n̄e ekkar—āinwōt kar kōmeļeļeiki ijin ilaļ.
32.12.1
Karon̄ juon Armej kōn Kāālet eo
Bisop eo ak stake būreejtōn eo ekkā an ba n̄an armej eo tōprak in ko̧o̧njeļ eo n̄e ej kōjem̧ļo̧ke. Ijoke, emaron̄ kōbōjrake juon ko̧o̧njeļ ium̧win juon tōre n̄an kappukot eļapļo̧k tōl ak meļeļe m̧okta jān kōm̧m̧ane juon kāālet.
Juon ko̧o̧njeļ in kajim̧we an ward, branch, ak district emaron̄ leļo̧k ļōmņak in n̄an bukweļo̧k etan armej eo jān Kabun̄ in jān armej eo me ejjan̄in kar bōk menin letok kwojarjar eo. Ijoke, mālim an stake ak mijen būreejtōn emenin aikuj m̧okta jān kāālet eo āliktata.
Bisop eo ak stake būreejtōn eo ej kōmeļeļeik tōprak in kāālet eo ilo an elaajrak ilo 32.11. Ekkā an barāinwōt leļo̧k kapilōk eo n̄an jekjek in ukweļo̧k ko bwe mo̧ ko ren maron̄ juļo̧k ak armej eo en maron̄ bar rooltok n̄an Kabun̄ in.
Bisop eo ak stake būreejtōn eo ej leļo̧k juon kōjjeļā eo em̧ōj je kōn kāālet eo im ta ko rej waļo̧k ilo iien eo em̧ōkaj tata. Kōjjeļļā in ej koba in juon ennaan eo eļap bwe kōm̧m̧an ko an rejjab jokkun wōt juon ak jum̧ae kien ko im kakien ko an Kabun̄ in. Emaron̄ bar koba kapilōk eo ikkijeen joļo̧k mo̧ ko an juon membōr ak bar karooltok armej eo n̄an Kabun̄ in. Ej aikuj karon̄ armej eo me ej kajjitōk kōn kāālet eo (lale 32.13).
Eļan̄n̄e armej eo ejjab pād ilo ko̧o̧njeļ eo, kōjjeļā eo em̧ōj je emaron̄ bwe n̄an karon̄ e kōn kāālet eo. Bisop ak stake būreejtōn eo remaron̄ bar kweilo̧k ippān armej eo.
Bisop eo ak stake būreejtōn eo rejjab leļo̧k kape in pepa in Riboot in Ko̧o̧njeļ in Kajim̧we oe an Kabun̄ in.
32.12.2
Karon̄ Ro Jet kōn juon Kāālet
Eļan̄n̄e juon bisop ak stake būreejtōn ej kamo̧ik eddo ko an juon membōr ilo iien kakpilōklōk eo an ippān armej eo, ejjab karon̄ jabdewōt (lale 32.8.3). Ijokwe, ritōl rein rej leļo̧k meļeļe eo n̄an doon kōn mo̧ ko ilo aer jipan̄ membōr ro.
Eļan̄n̄e eddo ko an armej eo ej uwaan kabun̄ in em̧ōj kamo̧iki ak bukweļo̧k ilo juon ko̧o̧njeļ in kajim̧we, bisop eo ak stake būreejtōn eo ej leļo̧k meļeļe in kōn kāālet eo n̄an ro wōt me rej aikuj jeļā. Laajrak in tōl kein rej elaajrak rej barāinwōt jerbal.
-
Ej ļōmņak kōn armej eo me ej pād ilo jorrāān ak nej bolen pād ilo jorrāān im en̄jake ko an baam̧le eo an armej eo.
-
Ejjab leļo̧k meļeļe kōn kāālet eo eļan̄n̄e armej eo ej kajjitōk kake. Ijoke, emaron̄ leļo̧k meļeļe in bwe em̧ōj kajjitōk eļan̄n̄e ej en̄jake bwe ekkar n̄an kōjparok armej ro me watōke er bwe rej ro rej pād ilo jorrāān eo. Emaron̄ barāinwōt leļo̧k meļeļe n̄an rie im kōmour armej eo ej pād ilo jorrāān (men̄e ejjab leļo̧k etan armej eo epād ilo jorrāān) ak n̄an kōjparok m̧ool eo an Kabun̄ in.
-
Āinwōt an menin aikuj, bisop eo ej leļo̧k meļeļe kōn kāālet eo ilo an dāpiji ilo ittino n̄an membōro ro ilo ko̧o̧njeļ eo an ward eo. Menin ej n̄an karon̄ ritōl ro me rej ļōmņak bwe armej eo en maron̄ pojak n̄an kūr ko, katakin katak ko, ak jar ak kwaļo̧k naan. Im ej barāinwōt n̄an kōketak ritōl ro n̄an kwaļo̧k aer kea im rie membōr eo im baam̧le eo an.
-
Kōn mālim jān stake būreejtōn eo, bisop eo emaron̄ kōm̧m̧an iaļan meļeļe kōn kāālet eo an doulul eo an em̧m̧aan ro ilo ward eo im kweilo̧k ko an doulul eo an kōrā ro eļan̄n̄e jekjek in ej bōk jikin:
-
Mwil in ko̧kkure ko remaron̄ kamijak ro jet.
-
Katak kōn katak ko reriab ak jekjek ko jet me ejelet bun̄ jān tōmak.
-
Jerawiwi ko reļļap ko āinwōt m̧are elōn̄ļo̧k jān juon kōttan ak kōjerbal katakin ko reriab n̄an kōm̧m̧ane men in ej ellajrak.
-
Kariab makūtkūt ko ak katak ko an riutiej ak ritōl ro an Kabun̄ in ilo ļo̧bwilej.
-
-
Ilo kain kāij ko jet, stake būreejtōn eo emaron̄ aikuj kōmālim iaļan meļeļe ko n̄an membōr ro ilo ward ko jet ilo stake eo.
-
Ilo jet kāij, bisop eo ak stake būreejtōn eo emaron̄ en̄jake bwe enaaj lukkuun jipan̄ n̄an karon̄ jet ak aolep ro ejelet er im baam̧le ko aer bwe juon ko̧o̧njeļ in kajim̧we em̧ōj kōm̧m̧an n̄an armej eo. Ej kōm̧m̧ane menin ippān bisop ro aer ak stake būreejtōn eo.
-
Eļan̄n̄e m̧wil in ko̧kkure ko an juon armej ej likūt armej ilo kauwōtata, bisop eo ak stake būreejtōn eo emaron̄ leļo̧k kakōl ko n̄an jipan̄ kōjparok ro jet. Ejjab kwaļo̧k meļeļe ko rej aikuj pād ilo ittino im meļeļe ko rejjab m̧ool.
-
Ilo kāij ko jet, bisop eo ak stake būreejtōn eo ej bōbrae jon̄an jabdewōt meļeļe ko rej diwōjļo̧k n̄an juon meļeļe eo etarjān jon̄an. Ej kwaļo̧k bwe eddo ko an armej eo me ej uwaan Kabun̄ in em̧ōj kamo̧iki ak bukweļo̧k kōn m̧wil ko me rejjab jokkun wōt juon ippān kakien ko im kakien ko an Kabun̄ in. Ej kajjitōk ippān ro rej pād bwe ren jab ekkōnono kake menin. E ejjab kajjitōk eļan̄n̄e rej rejtak ak jum̧ae jekjek eo.
-
Eļan̄n̄e juon membōr ej pād ilo juon wāween eo em̧m̧an juon ko̧o̧njeļ in kajim̧we (lale 32.11.1), bisop eo ak stake būreejtōn eo emaron̄ karon̄ menin n̄an kōbōjrak bwebwenato ko rej ajedeed.
32.12.3
Karon̄ kōn an Membōr eo Joļo̧k Etan jān Kabun̄ in
Ilo jet kāij, juon bisop emaron̄ aikuj karon̄ ke armej eo em̧ōj an joļo̧k etan jān Kabun̄ in (lale 32.14.9). Bisop eo ejjab leļo̧k jabdewōt meļeļe ko jet.
32.13
Kajjitōk kōn Kāālet eo
Juon membōr emaron̄ kajjitōk kōn kāālet eo an ko̧o̧njeļ in kajim̧we an ward eo n̄an stake būreejtōn eo ium̧win 30 raan ko. Stake būreejtōn eo ej tōl ko̧o̧njeļ in kajim̧we eo n̄an ļōmņak kōn kajjitōk eo. Emaron̄ barāinwōt kajjitōk ippān bisop eo n̄an bar kōm̧m̧an ko̧o̧njeļ eo im bar ļōmņake kāālet eo, eļaptata eļan̄n̄e ewōr meļeļe ko rekāāl.
Juon membōr emaron̄ kajjitōk kōn kāālet eo an stake ko̧o̧njeļ in kajim̧we ilo an je juon leta n̄an Būreejtōnji eo Kein Kajuon ium̧win 30 raan ko. Membōr eo ej leļo̧k leta eo n̄an stake būreejtōn eo n̄an jilkinļo̧k n̄an Būreejtōnji eo Kein Kajuon.
Ilo mijen eo, juon membōr emaron̄ kajjitōk n̄an kōm̧m̧an kāālet eo an juon ko̧o̧njeļ in kajim̧we an branch ak district eo n̄an mijen būreejtōn eo ium̧win 30 raan ko. Mijen būreejtōn ej kōm̧m̧ane juon ko̧o̧njeļ in kajim̧we n̄an bōklōn̄tak kajiitōk eo. Eļan̄n̄e iien ak jikin ko rettoļo̧k rej bōbrae e jān kōm̧m̧ane menin, ej ļoor kōmeļeļe ko ilo 32.9.4.
Eļan̄n̄e juon mijen būreejtōn ej tōl juon ko̧o̧njeļ, membōr eo emaron̄ kajjitōk n̄an kōm̧m̧ane kāālet eo ilo aer je juon leta n̄an Būreejtōn eo Kein Kajuon ium̧win 30 raan ko. Membōr eo ej leļo̧k leta eo n̄an mijen būreejtōn eo n̄an jilkinļo̧k n̄an Būreejtōn eo Kein Kajuon.
Juon armej eo ekar kajjitōk juon kāālet ej kalikkar ilo jeje bōd ko ak kalijōkļo̧k me kar kōm̧m̧an ilo aer jerbale ak kōm̧m̧ane kāālet eo.
Eļan̄n̄e juon ko̧o̧njeļ in kajim̧we ej kōm̧m̧an n̄an ļōmņake juon kajjitōk, juon ak ruo kajjitōk emaron̄:
-
Kōtļo̧k bwe kāālet eo am̧ jinoin en pen wōt.
-
Kōm̧m̧an oktak ilo kāālet eo am̧ jinoin.
Būreejtōnji eo Kein Kajuon rej āliktata im rejjab maron̄ bar kajjitōk.
32.14
Riboot ko im Rekoot ko an Membōr Ro
32.14.1
Riboot in Ko̧o̧njeļ in Kajim̧we eo
Ālkin jabdewōt ko̧o̧njeļ in kajim̧we, bisop eo ak stake būreejtōn eo ej m̧ōkaj in jilkinļo̧k juon pepa in Riboot in Ko̧o̧njeļ in Kajim̧we eo ilo LCR. Em̧m̧aron̄ bar kajitōk bwe kūļōk eo n̄an kōpooj riboot eo. Ej lukkuun lale bwe ejjeļo̧k kape pepa ak ilo digital ej pād wōt ilo jikin eo. Ej barāinwōt lukkuun lale bwe jabdewōt ņoot ko rej jerbal n̄an kōpooje riboot eo ren m̧ōkaj im ko̧kkuri ak katipdikdiki.
32.14.2
Mo̧ ko an juon eo uwaan Kabun̄ in
Mo̧ ko an Kabun̄ in kar je ilo rekoot eo an membōr eo. Headquarters eo an Kabun̄ in ej kōm̧m̧ane kōkaļļe ko ālkin bōk Riboot in Ko̧o̧njeļ in Kajim̧we an Kabun̄ in. N̄e juon membōr ej ukweļo̧k, ritōl eo ej aikuj bar kōm̧m̧ane juon ko̧o̧njeļ n̄an ļōmņak in joļo̧k mo̧ kein (lale 32.16.1).
32.14.3
Rekoot ko ālkin an juon Membōr in Kabun̄ in Bukweļo̧k
Eļan̄n̄e juon membōr in Kabun̄ in em̧ōj bukweļo̧k etan, headquarter eo an Kabun̄ in ej joļo̧k rekoot eo an membōr eo ālkin an bōk Riboot in Ko̧o̧njeļ in Kajim̧we an Kabun̄ in. Eļan̄n̄e armej ej kōņaan, ritōl eo ej jipan̄ e kōppopo n̄an bar rooltok n̄an Kabun̄ in ilo an peptaij im kapen (lale 32.16.1).
32.14.4
Rekoote ālkin bar Karo̧o̧ltok n̄an Kabun̄ in
Ālkin juon armej ej bar rooltok n̄an Kabun̄ in, bisop eo ej jilkinļo̧k juon peba in Riboot kōn Ko̧onjeļ in Kajim̧we an Kabun̄ in. Pepa in Peptaij im Kapen ejjab kōm̧m̧an. Ijjeļo̧kin, peptaij im kapen kar rekoote ilo pepa in Riboot in Ko̧o̧njeļ in Kajim̧we an Kabun̄ in.
Eļan̄n̄e membōr eo ekar jab bōk menin letok kwojarjar, headquarter eo an Kabun̄ in ej leļo̧k rekoot eo an membōr me ej kwaļo̧k raan in kar peptaij eo im kapen eo an jinointata im kain̄i ko jet. Rekoot eo ejjab kwaļo̧k kōn jako in rekoot eo an membōr eo ilo Kabun̄ in.
Eļan̄n̄e membōr eo eaar bōk menin letok kwojarjar, headquarter eo an Kabun̄ in ej update i rekoot eo an membōr eo n̄an kwaļo̧k raan in kar peptaij im kapen eo. Rekoot eo ej barāinwōt koba ennaan eo “Kōjeram̧m̧aan ko Remenin Aikuj rej Jepļaaktok.” Ālkin an kōjeraam̧m̧an ko an membōr eo bar jepļaatok (lale 32.17.2), rekoot eo an membōr eo ej kwaļo̧k lukkuun raan eo jinointata membōr eo eaar peptaij im kapen. Ejjab kwaļo̧k kōn jako in rekoot an membōr eo ilo Kabun̄ in.
32.14.5
Rekoot ko Membōr eo me Ewōr Kōkaļļe ko ie
Āinwōt kōmālimi jān Būreejtōn eo Kein Kajuon, headquater ko an Kabun̄ in ej kōkaļļe rekoote eo an membōr eo ilo jabdewōt jekjek ko rej elaajrak ijin ilaļ.
-
Bisop eo ak stake būreejtōn eo ej leļo̧k juon Riboot in Ko̧o̧njeļ in Kajim̧we an membōr ro ilo Kabun̄ in me ej kwaļo̧k bwe armej eo em̧ōj kamo̧iki ak bukweļo̧k ilo jabdewōt m̧wil ko rej elaajrak:
-
Kōpa
-
Ko̧kkure juon ajri ak jodikdik ilo m̧ōm̧ an kanniōk, kōm̧m̧an jāān kōn juon ajri ak jodikdik ilo m̧ōm̧ an kanniōk, ak ko̧kkure ilo ānbwin im en̄jake n̄an juon ajri ak jodikdik jān juon rūtto ak jān juon jodikdik eo me erūttoļo̧k jidik
-
Bōk koņaam ilo pija ko renana an ajri āinwōt an elaajrak ilo 38.6.6.
-
pālele ruo ak elōn̄ļo̧k jān juon
-
Mwil nana ko an rūtto ilo aer kakkure armej kōn m̧ōm in kanniōk
-
Kakkure jāān ko an Kabun̄ in ak koote men ko m̧weien Kabun̄ in (lale 32.6.3.3)
-
Menin jipan̄ an Kabun̄ in ikkijeen kakkure
-
Mwil in kaamijak (āinwōt ko̧kkure, jorrāān, ak jāān) ak m̧wil ko me rej kakkure Kabun̄ in.
-
-
Bisop eo im stake būreejtōn eo rej jilkinļo̧k juon kōjjeļā em̧ōj je n̄an armej eo:
-
Kar kadeļo̧n̄e n̄an juon iaan kōm̧m̧an kein rej ellaajrak ijin ilōn̄.
-
Kar loe ruwōn kōn kakkure juon kien eo ekitbuuj juon iaan kōm̧m̧an kein rej ellaajrak ijin ilōn̄.
-
Em̧ōj lo ruōn ilo jikin ekajet kōn ko̧o̧t jāān ak jerbal ko jet me rej kakkure kakien ekoba jorrāān ko me rej elaajrak itulōn̄.
-
-
Kōnke jet kain̄i ko an priesthood eo rej pedped ioon kadkad in armej rot (gender), bisop im stake būreejtōn eo rej jilkinļo̧k juon kajjitōk n̄an kōmeļeļe ilo rekoot eo an armej eo ekar ukōtļo̧k lukkuun nememein jān ke ekar ļotak tok (lale 38.6.23).
N̄e juon bisop ej bōk juon meļeļe ilo rekoot an membōr ro, ej aikuj lo̧o̧r meļeļe ko ilo kōkaļļe eo.
Būreejtōnji eo Kein Kajuon wōt emaron̄ juļo̧ki kōkaļļe eo jān rekoot ko an membōr eo. Eļan̄n̄e stake būreejtōnji eo ej rie joļo̧k naan ko ilo rekoot eo (annotation), e ej kōjerbal LCR (lale 6.2.3). Opiij eo an Būreejtōnji eo Kein Kajuon enaaj kōjjelāiki eļan̄n̄e kajjitōk eo em̧ōj kōmālimi ak jaab.
32.14.6
Riboote Riko̧o̧t Jāān an Kabun̄ in
Eļan̄n̄e juon membōr em̧ōj kamoiki ak bukweļo̧k kōn an ko̧kkure ak koote jāān ko an Kabun̄ in, bisop eo ak stake būreejtōn eo ej riboot e āinwōt an elaajrak ilo 34.7.5.
32.14.7
Kōm̧akūt Mo̧ ko ilo Rekoot ko an Membōr eo
Jet iien juon membōr an Kabun̄ in ej em̧akūt ilo an jerbal in kajim̧we ak abōņōņō ko jet reļļap rejjan̄in dedeļo̧k. Jet iien juon bisop ej aikuj kwaļo̧k meļeļe ko ippān bisop eo ekāāl m̧okta jān an kam̧akūt rekoot eo an membōr eo n̄an iunit eo ekāāl. Ilo jekjek kein, bisop eo (ak kūļōk eo eļan̄n̄e em̧ōj kōmālimi) emaron̄ likūt mo̧ ko n̄an rekoot eo an membōr eo. Rekoot in ej pād ilo iunit eo m̧ae iien bisop eo (ak kūļōk eo eļan̄n̄e em̧ōj kōmālimi) ej joļo̧k kamo̧ ko. Menin ej leļo̧k iien em̧m̧an n̄an bisop eo n̄an leto letak meļeļe ikkijeen abōņōņō ko im meļeļe in.
32.14.8
Rekoot ko an Ro Me Rej Kalbuuj ilo Mōn Kalbuuj ko
Jet iien membōr ro me em̧ōj lo ruōer kōn juon jorrāān rej kalbuuj. Bisop eo ak stake būreejtōn eo an iunit eo ijo armej eo ekar jokwe ie ke jorrāān eo ekar waļo̧k ej wōnm̧aanļo̧k wōt kōn jabdewōt jerbal ko rekkar n̄an mo̧ ko an membōr eo ak bukweļo̧k. Eļan̄n̄ eddo ko an membōr ro em̧ōj kamo̧iki, ritōl eo (ak kūļōk eo em̧ōj kōmālim) ej leļo̧k rekoot an membōr eo n̄an iunit eo me ej eddoik jikin eo ijo armej eo ej kalbuuj ie. Eļan̄n̄e em̧ōj bukweļo̧k etan armej eo jān Kabun̄ in, bisop eo ak stake būreejtōn eo ej kepaak ritōl eo an iunit eo. (Lale 32.15.)
32.14.9
Kajjitōk ko n̄an Joļo̧k Etan juon Membōr jān Kabun̄ in
Eļan̄n̄e juon membōr ej kajjitōk an joļo̧k etan jān Kabun̄ in, bisop eo ej kepaake n̄an lale n̄e emaron̄ kōņaan ekkōnono kōn abōņōņō ko im kajjieon̄ ņa mejļaer. Bisop eo im membōr eo emaron̄ bar bōk kapilōk ippān stake būreejtōn eo. Ritōl eo ej lukkuun lale bwe membōr eo meļeļe jem̧ļo̧k ko rej elaajrak ālkin an juon membōr joļo̧k etan jān Kabun̄ in:
-
Ej kōbōjrak aolep kain̄i ko.
-
Ej joļo̧k aolep eddo ko an membōr eo.
-
Bar rooltok ilo aer peptaij im kapen emaron̄ bōk jikin wōt ālkin juon intōrpiu alikkar im, ilo elōn̄ kāij ko, juon ko̧o̧njeļ in kajim̧we (lale 32.16.2).
-
Juon armej ekar bōk menin letok kwojarjar m̧oktaļo̧k emaron̄ bar bōk priesthood im kōjeraam̧m̧an ko an tampeļ wōt n̄e Būreejtōnji eo Kein Kajuon ej kōmālim im ālkin diktata juon iiō likio jān iien eo ekar bar rooltok (lale 32.17.2).
Eļan̄n̄e membōr ro rej kōņaan wōt bwe ren bar joļo̧k etaer jān Kabun̄ in, ej leļo̧k juon kajjitōk em̧ōj je im jaini. Bisop eo ej jilkinļo̧k kajjitōk eo n̄an stake būreejtōn eo ilo LCR. Stake būreejtōn eo ej etale im jilkinļo̧k kajjitōk in n̄an system eo. Ritōl ro rej aikuj jerbal ekkar n̄an kajjitōk ko ilo iien eo em̧ōkajtata.
Juon armej emaron̄ bar joļo̧k etan ilo an jilkinļo̧k juon an kajjitōk em̧ōj an jaini im jitaam̧we jān kien n̄an headquarters an Kabun̄ in.
Ajri ak jodikdik ro me rej kōņaan joļo̧k etaer jān Kabun̄ in rej ļoor ejja jekjek in wōt āinwōt juon rūtto, ijjeļo̧kin juon men: kajjitōk eo ej aikuj jain jān ajri ak jodikdik eo (eļan̄n̄e ej lōn̄ļo̧k 8 iiō) im jān ro jinen im jemān ak ro rej eddoiki ro ewōr aer maron̄ ioon ajri in ak jodikdik in.
Eļan̄n̄e membōr eo kar joļo̧k uwaan eo an ej kōm̧man jum̧ae (legal action) ņae Kabun̄ in ak ritōl ro an, stake būreejtōn eo ej ļoor naan in kōmeļeļe ko ilo 38.8.23.
Juon kajjitōk n̄an joļo̧k etan juon membōr ej aikuj kōm̧m̧an men̄e ritōl ro an priesthood rejeļā kōn aolep meļeļe kōn juon jerawiwi eļap. Jabdewōt meļeļe ko kōn jerawiwi ko kar jab ņa mejļaer ej kile n̄e kajjitōk ej jilkinļo̧k ilo LCR. Menin ej kōtļo̧k bwe ritōl ro an priesthood ren ņa mejļan jabdewōt jekjek ko ilo ilju im jekļaj eļan̄n̄e armej eo ej aikuj kajjitōk n̄an bar kadelo̧n̄etok etan n̄an Kabun̄ in (lale 32.16.2).
Juon ritōl an priesthood ejjab rōjan̄ er n̄an joļo̧k etaer jān Kabun̄ in n̄an men bwe en jab kōm̧m̧an ko̧o̧njeļ in kajim̧we eo.
Ritōl ro rej wōnm̧aanļo̧k wōt n̄an jerbal in karejar n̄an ro rej kajjitōk n̄an joļo̧k etaer jān kabun̄ in m̧ae iien rej kajjitōk bwe ren jab bar tōpar er.
KŌJEPĻAAK EDDO KO AN JUON MEMBŌR IN KABUN̄ IN
Eļan̄n̄e juon eddo an juon armej im ej membōr in Kabun̄ em̧ōj kamo̧iki ak bukweļo̧k, ritōl ro rej m̧ōttāik er, kapilōk, im rie armej eo ilo an kōmālim. Jekjōn ej kōmeļeļeik wāween an eddo ko maron̄ bar jepļaaktok.
32.15
Wōnm̧aanļo̧k wōt im Jerbal in Karejar
Eddo eo an bisop eo ak stake būreejtōn eo āinwōt juon riekajet ejjab pōjrak n̄e juon membōr ej bōk kamo̧ ko an juon membōr ak kar bukweļo̧k etan jān Kabun̄ in. Ej wōnm̧aanļo̧k wōt im jerbal in karejar, āinwōt an armej eo kōmālimi, kōn menin emaron̄ lan̄lōn̄ kōn kōjeraam̧m̧an ko an juon membōr in Kabun̄ in. Bisop eo emakijkij an etale armej eo im, eļan̄n̄e ekkar, ļeo ak lio pālele. Rilo̧mo̧o̧r ekar katakin Rinipai ro:
“Kom̧in jab joļo̧k e jān … im̧ōn kwelo̧k ko ami, ak jikin kabun̄-jar ko ami, bwe n̄an rein kom̧ naaj wōnm̧aanļo̧k wōt im jipan̄; bwe kom̧ij jab jeļā eļan̄n̄e ak ta renaaj ro̧o̧l im ukeļo̧k, im itok n̄an Eō kōn aolepān kōttōpar in bōro, im Inaaj kōmour er; im kom̧ naaj wāween eo n̄an bōktok lo̧mo̧o̧r n̄an e” (3 Nipai 18:32).
Iien eo wōt ālkin an juon membōr kar kamo̧iki ak bukweļo̧k epen im eaorōk n̄an baam̧le eo an. Ritōl ro rej aikuj kōkm̧anm̧an wōt n̄an aikuj kein im kōketa er im jipan̄ ro uwaan baam̧le eo.
Bisop eo en lale im jitōn̄ membōr ro rej kea n̄an jerbal in karejar n̄an juon armej eo em̧ōj kamo̧iki ak bukweļo̧k, āinwōt an armej eo kōmālimi. Rej barāinwōt jerbal in karejar n̄an ro jet ilo baam̧le ko jet. Kajjojo m̧o ko ilo rekoot ko an membōr remaron̄ in waļo̧k ilo indexting (lale 25.4.3.
Eļan̄n̄e armej eo em̧ōj an em̧akūt jān ward eo, bisop eo ej karon̄ bisop eo ekāāl im kōmeļeļeik ta eo ej aikuj bwe en bōk jikin m̧okta jān mo̧ ko an membōr eo maron̄ joļo̧ki. Eļan̄n̄e etan juon armej em̧ōj bukweļo̧k jān Kabun̄ in ak armej eo ekar joļo̧k etan jān kabun̄ in, bisop eo ej kōm̧m̧an ejja kain tōpar rōt in eļan̄n̄e armej eo kar leļo̧k mālim n̄an bōk jipan̄ jān ritōl ro an Kabun̄ in.
32.16
Bukweļo̧k Mo̧ ko ak Bar Kadeļon̄tok n̄an Kabun̄ in
32.16.1
Ko̧o̧njeļ in Kajim̧we ko n̄an Bukweļo̧k Mo̧ ko rekkar ak Bar Kadeļon̄etok Armej eo
N̄e eddo ko an juon membōr em̧ōj kam̧oiki ak bukweļo̧k ilo juon ko̧o̧njeļ in kajim̧we, bar juon ko̧o̧njeļ ej aikuj kōm̧m̧an n̄an ļōmņak in kajim̧we m̧o ko ak bar kadelōn̄tok armej eo n̄an Kabun̄ in. Ko̧o̧njeļ in ej aikuj bar wōr aer ejja lebōļ in mālim (ak lōn̄ļo̧k) āinwōt kar ko̧o̧njeļ eo jinoin. N̄an waanjon̄o̧k, eļan̄n̄e juon stake ak mijen būreejtōn ej tōl e ko̧o̧njeļ eo jinoin, juon stake ak mijen būreejtōn ej tōl ko̧o̧njeļ n̄an ļōmņak in joļo̧k m̧ok ko ak bar kadeļon̄etok armej eo.
Bisop eo ak stake būreejtōn eo ej kōm̧m̧ane ko̧o̧njeļ eo. Ej m̧oktata lukkuun lale bwe armej eo ej ukweļo̧k im ej pojak im erreo n̄an lan̄lōn̄ kōn kōjeraam̧m̧an ko an juon membōr in Kabun̄ in.
Ro me kar kam̧oik etaer ilo Kabun̄ in ekkā aer aikuj ukweļo̧k ium̧win diktata juon iiō m̧okta jān aer ļōmņak in jeorļo̧k mo̧ ko me ekar mour kaki. Ro me kar bukweļo̧k etaer jān Kabun̄ in eiten aolep iien rej aikuj ukweļo̧k eo ium̧win diktata juon iiō m̧okta jān aer maron̄ bar kadeļon̄etok etaer. N̄an juon membōr eo me ekar kabwijer juon kūr ilo Kabun̄ ilo iien eo ekar kōm̧m̧ane jerawiwi eo eļap, eto an kōm̧m̧ane (lale 32.6.1.4).
Juon ko̧o̧njeļ n̄an ļōmņak in jeorļo̧k mo̧ ko an membōr eo ak bar kadeļon̄etok etan armej eo n̄an Kabun̄ ilo an ļoor ejja laajrak in tōl ko āinwōt ko̧o̧njeļ in kajim̧we ko jet. Juon bisop ej aikuj mālim jān stake būreejtōn eo n̄an kōm̧m̧ane juon ko̧o̧njeļ in kajim̧we. Ilo juon mijen, juon branch ak district būreejtōn ej aikuj mālim jān mijen būreejtōn eo.
Laajrak in tōl ko rej elaajrak rej jerbal n̄e ko̧o̧njeļ in kajim̧we eo n̄an ļōmņak in jeorļo̧k m̧o ko an membōr eo im bar kadeļo̧n̄etok etan armej eo n̄an Kabun̄ in.n̄an Kabun̄ in. Ejjab aolep laajrak in tōl kein remaron̄ jerbal ilo kajjojo jekjek ko.
-
Etale ko̧o̧njeļ in kajim̧we eo m̧okta. Bisop eo ak stake būreejtōn eo ej etale pepa in Riboot in Ko̧o̧njeļ in Kajim̧we eo an Kabun̄ in. Ej kajjitōk kape eo jen LCR. Ālkin etale pepa eo, emaron̄ kepaake bisop eo ak stake būreejtōn eo ijo ko̧o̧njeļ eo jinoin ej kōm̧m̧an n̄an kappukot allikar eo.
-
Intōrpuik armej eo. Bisop eo ak stake būreejtōn eo ej intōrpiu armej eo bwe n̄an jeļā kajoor eo an im an tōmak ilo Jisōs Kraist im aitokan an ukweļo̧k. E ej barāinwōt kāālet men̄e armej eo ekar kōm̧m̧ani aolep men ko kar kōlaajraki n̄an kōm̧m̧ani ilo jinoin.
-
Ta jem̧ļo̧kin in jorrāān ak jem̧ļo̧kin ekajet eo ilo jikin ekajet. Jet iien juon armej ekar kwaļo̧k bōd eo an ak kar lo ruōn kōn juon jorrāān eļap ekar kōm̧m̧ane. Jet iien juon armej em̧ōj lo ruōn ilo juon jerbal in ko̧o̧t ak jerbal ko me rejjab mālim kōm̧m̧ani ilo kien eo. Ilo jekjek kein, ritōl eo ejjab kōm̧m̧ane juon ko̧o̧njeļ m̧ae armej eo ej kakūrm̧ool jekjek ko an jabdewōt bōd, liaakļo̧k, ak ekajet jān ro ilo kien eo. Jekjek in emaron̄ koba kalbuuj, diwōj jān kalbuuj ak ewōr mo̧ ko ej mour kaki, im ej aikuj kōļļā wōņeen jorrāān eo ekar kōm̧m̧an ak karroole ta eo kwar kōm̧m̧ane. Jabdewōt oktak ko eaikuj mālim eo an Būreejtōnji eo Kein Kajuon m̧okta jān aer kōm̧m̧ane juon ko̧o̧njeļ in kajim̧we. Oktak kein remaron̄ koba juon armej eo em̧ōj an kadedeikļo̧k men ko remenin aikuj n̄an kien im kar kwaļo̧k bwe em̧ōj an ukweļo̧k ak ej kalbuuj ak ej aikuj kōļļā wōņeen jorrāān eo.
-
Kepaake ritōl ro an priesthood kōn armej ro me rej jorrāān ak metak. Bisop eo ak stake būreejtōn eo ej kepaake bisop eo ak stake būreejtōn eo kōn jabdewōt armej ro rej jorrāān ak metak (lale 32.10.2).
-
Leļo̧k kōjeļļā in kōn ko̧o̧njeļ eo. E ej kōjjeļāik armej eo kōn raan eo, iien eo, im jikin ko̧o̧njeļ eo.
-
Tōl ko̧o̧njeļ eo. E ej tōl ko̧o̧njeļ eo ekkar n̄an laajrak in tōl ko ilo 32.10.3. E ej kajjitōk ippān armej eo ta eo ekar kōm̧m̧ane n̄an ukweļo̧k. E ej barāinwōt kajjitōk kōn an wūjlepļo̧k n̄an Jisōs Kraist im Kabun̄ in. N̄e aolep jekjek ko raorōk kar kwaļo̧ki, ej kōtļo̧k membōr eo. Kōn rikakpilōklōk ro an, ej jar n̄an ļōmņak kōn ta kōm̧m̧an eo ej aikuj bōk jikin. Jilu kāālet ko rekkar rej:
-
Wōnm̧aanļo̧k wōt kōn m̧o ko ikkijeen kajim̧we ak bukweļo̧k.
-
Joļo̧k M̧o ko ak kōmālim kadeļo̧n̄tok.
-
Kajjitōk ippān Būreejtōnji eo Kein Kajuon bwe m̧o ko ren jako ak bar kadeļo̧n̄tok en mālim (n̄e ekkar n̄an “Apply for First Presidency approval” ijin ilaļ).
-
-
Kwaļo̧k kāālet eo. Ālkin an ko̧o̧njeļ eo kōm̧m̧ane kāālet eo, opija eo ej tōl ej kwaļo̧k menin ippān armej eo. Eļan̄n̄e mālim jān Būreejtōn eo Kein Kajuon ekkar, ej kōmeļeļeik bwe kāālet eo ej juon kajjitōk n̄an Būreejtōnji eo Kein Kajuon.
-
Jilkinļo̧k juon riboot. Bisop eo ak stake būreejtōn eo ej etale pepa in Riboot in Ko̧o̧njeļ in Kajim̧we eo an Kabun̄ in. Em̧m̧aron̄ bar kajjitōk ippān kūļōk eo n̄an kōpooj riboot in. Ej lukkuun lale bwe ejjeļo̧k kape ak kape ilo electronic rej kōjparoki ilo jikin eo. Ej barāinwōt lukkuun lale bwe aolep jeje ko kar kōjerbali n̄an riboot rej m̧ōkaj im katipdikdiki im kakkuri.
-
Kajjitōk n̄an bōk mālim jān Būreejtōnji eo Kein Kajuon (n̄e ekkar). Ilo jekjek kein rej elaajrak, mālim eo an Būreejtōnji eo Kein Kajuon emenin aikuj n̄an bukweļo̧k m̧o eo an juon membōr ak bar kadeļo̧n̄etok etan armej eo n̄an Kabun̄ in. Mālim in emenin aikuj jekdo̧o̧n n̄e m̧wil ko rej waļo̧k ālkin kar m̧ōj kam̧oiki ak bukweļo̧k etan armej eo jān Kabun̄ in.
Stake būreejtōnji eo ej jilkinļo̧k juon abūļkejen n̄an Būreejtōnji eo Kein Kajuon eļan̄n̄e wōt ej rie mālim eo (lale 6.2.3).
-
M̧ōrō
-
Kōpa
-
Ko̧kkure juon ajri ak jodikdik ilo m̧ōm̧ an kanniōk, kōm̧m̧an jāān kōn juon ajri ak jodikdik ilo m̧ōm̧ an kanniōk, ak ko̧kkure ilo ānbwin im en̄jake n̄an juon ajri ak jodikdik jān juon rūtto ak jān juon jodikdik eo me erūttoļo̧k jidik
-
Bōk kōņaan ilo pija ko renana an ajri n̄e elōn̄ ruōer kake
-
Bun̄ Jān Tōmak (lale 32.6.3.2 n̄an ta eo ej kalikkar bun̄ jān tōmak)
-
pālele ruo ak elōn̄ļo̧k jān juon
-
Kōm̧m̧ane juon jerawiwi eļap ilo an kabwijer juon kūr eo eaorōk ilo Kabun̄ in
-
Ukōtļo̧k Nememe eo aer—jerbal ko n̄an oktakļo̧k jān nememe eo aer jān lukkuun nememe eo aer ke rekar ļotak tok kake (lale 38.6.23)
-
Bōd in kōjerbal jāān ko an Kabun̄ in ak men ko m̧weien
-
-
Leļo̧k kōjjeļā eo em̧ōj je kōn kāālet eo. Bisop eo im stake būreejtōn eo ej aikuj in lale bwe armej eo en bōk juon kōjjeļā eo em̧ōj je kōn kāālet eo im ta eo enaaj waļo̧k.
-
Peptaij im kapen. Eļan̄n̄e juon armej uwaan Kabun̄ in kar bukweļo̧k ilo ko̧o̧njeļ eo jinoin, ej aikuj bar peptaij im kapen. Eļan̄n̄e emenin aikuj mālim jān Būreejtōnji eo Kein Kajuon, kain̄i kein remaron̄ kōm̧m̧an wōt ālkin an m̧ōj bōk mālim in. Juon Pepa in Kam̧ool kōn Peptaij im Kapen ejjab kōm̧m̧an (lale 32.14.4).
32.16.2
Bar Deļon̄etok ālkin kar Bukweļo̧k Rekoot ko an Membōr eo ilo Kabun̄ in
Eļan̄n̄e juon armej ej bukweļo̧k rekoot ko an ilo Kabun̄ in, ej aikuj bar peptaij im kapen n̄an bar deļon̄etok Kabun̄ in.aaktok n̄an Kabun̄ eo. N̄an rūtto ro, bar kadeļon̄etok n̄an kabun̄ in ejjab juon men ekkā kōm̧m̧an m̧ae iien diktata juon iiō ālkin kar bukweļo̧k rekoot eo an membōr eo.
N̄e armej eo an bar bar deļon̄etok kabun̄ in, bisop eo ak stake būreejtōn eo ej bōk juon kape in pepa in Riboote Jerbal in Tōl eo me ej m̧ōttan ļo̧k kajjitōk eo n̄an joļo̧k etaer. Emaron̄ bōk e jen LCR.
Innem bisop eo ak stake būreejtōn eo ej lukkuun intōrpuik armej eo. Ej kajjitōk kōn unleplep ko n̄an kar juļok āt eo im ta kōņaan eo n̄an bar jepļaaktok. Ilo juon jetōbōn iakwe, ej kajjitōk kōn jerawiwi ko reļļap an armej eo me ekar bolen kōm̧m̧ani m̧okta ak ālkin kar joļo̧k etan membōr eo. Ritōl eo ejjjab kōm̧m̧an jerbal in karooltok n̄an kabun̄ in m̧ae ejuburuōn bwe armej eo em̧ōj an ukweļo̧k im ej pojak im erreo n̄an lan̄lōn̄ kōn kōjeraam̧m̧an an juon eo uwaan Kabun̄ in.
Laajrak in tōl n̄an bar kadeļon̄etok n̄an kabun̄ in ālkin kar bukweļo̧k rej āindein:
-
Juon ko̧o̧njeļ in kajim̧we ej kōm̧m̧an eļan̄n̄e rekoot ko an membōr eo kar kamoik ilo juon tōre kar bukweļo̧ke.
-
Juon ko̧o̧njeļ in kajim̧we ej kōm̧m̧an eļan̄n̄e juon armej ej kōm̧m̧an juon jerawiwi eļap, ekoba bun̄ jān tōmak, m̧okta jān kar bukweļo̧k m̧okta.
Ilo jekjek ko jet, juon ko̧o̧njeļ in kajim̧we ejjab kōm̧m̧an m̧ae iien bisop eo ak stake būreejtōn eo ej kāālet bwe en kōm̧m̧an n̄e emenin aikuj.
N̄e juon ko̧o̧njeļ in kajim̧we ekkar n̄an juon armej eo ekar bōk menin letok kwojarjar eo an tampeļ, stake būreejtōn eo ej kabwijer e. N̄e juon ko̧o̧njeļ ekkar n̄an juon armej eo ekar bōk menin letok kwojarjar, bisop eo ej kabwijer e, kōn mālim jān stake būreejtōn eo.
Eļan̄n̄e armej eo eaar kōm̧m̧an jabrewōt m̧wil ko kōnono kaki ilo 32.16. 1. nōm̧ba 9, jekdo̧o̧n m̧okta ak ālkin kar bukweļo̧k eo uwaan Kabun̄ in, mālim eo an Būreejtōnji eo Kein Kajuon emenin aikuj n̄an bar kadeļon̄etok n̄an kabun̄ in. Eļan̄n̄e armej eo ej bōk koņaan ilo jabdewōt m̧wil ko kōnono kaki ilo 32.14.5, nōm̧ba 1, jekdo̧o̧n m̧okta ak tokālik ak ālkin kar bukweļo̧ke, juon annotation enaaj kōm̧m̧an ilo rekoot eo an membōr eo.
Juon armej eo ej kajjitōk an bar deļon̄etok kabun̄ in ej aikuj ejja men kein wōt me remenin aikuj n̄e ro jet rej peptaij. N̄e bisop eo ej kile bwe armej eo ej erreo im lukkun kōņaan bar deļon̄etok kabun̄ in, armej eo emaron̄ bar peptaij im kapen. Juon pepa in kam̧ool (certificate) kōn Peptaij im Kapen rejjab kōm̧m̧an (lale 32.14.4).
32.17
Makūtkūt ko an Kabun̄ in, Ekkapit, im Kōjepļaakļo̧k Kōjeraam̧m̧an ko ālkin an Bar Deļon̄etok Kabun̄ in
32.17.1
Makūtkūt an Kabun̄ in im Kapen
Jaat eo ej elaajrak ej kwaļo̧k lābōļ eo ekkar kōn m̧akūtkūt ko an Kabun̄ in n̄an juon armej eo me em̧ōj bar kadeļon̄etok ilo an peptaij im kapen.
|
Ekar Jab Bōk Menin Letok Kwojarjar Moktaļo̧k |
Ekar Bōk Menin Letok Kwojarjar Moktaļo̧k | |
|---|---|---|
|
Rikabwijer Priesthood ro Moktaļo̧k | Ekar Jab Bōk Menin Letok Kwojarjar Moktaļo̧k
| Ekar Bōk Menin Letok Kwojarjar Moktaļo̧k
|
|
Membōr ro Jet | Ekar Jab Bōk Menin Letok Kwojarjar Moktaļo̧k
| Ekar Bōk Menin Letok Kwojarjar Moktaļo̧k
|
32.17.2
Jepļaaktok in Kōjeraam̧man ko
Armej ro me em̧ōj aer bōk menin letok kwojarjar an tampeļ im rekar bar deļon̄e tok ilo aer peptaij im kapen remaron̄ bōk priesthood im kōjeraam̧man ko an tampeļ kōn wōt kain̄in in kōjepļaaktok kōjeraam̧m̧an ko (lale Katak im Bujen Ko 109:21). Rejjab ekkapit n̄an opij ko an priesthood ak bar bōk menin letok kwojarjar. Kōjeraam̧m̧an kein rej jepļaaktok kōn kain̄i eo. Em̧m̧aan ro rej bar jepļaakļo̧k n̄an maron̄ kabwijer opij in priesthood eo aer m̧okta, ijjelokin wōt opij eo an Jijlimjuonn̄oul, bisop, ak petriak.
Būreejtōnji eo Kein Kajuon wōt emaron̄ kōmālim jerbal eo an kain̄i im jeram̧m̧an ko rej jepļaaktok. Reban ļōmņake juon abūļikāijeņ n̄an kain̄i in m̧ōkajļo̧k jān juon iiō ālkin an armej eo kwaļo̧k ruōn jān iien eo ekar peptaij im kapen.
Bisop eo im stake būreejtōn eo ej intōrpuik armej eo n̄an kōmlet erreo im pojak eo an ļeo ak lio. N̄e stake būreejtōn eo ej en̄jake bwe armej eo epojak, ej kanne peba n̄an kōjepļaaktok kōjeraam̧m̧an ko kōjerbal LCR. Lale 6.2.3 kōn eddo eo an stake būreejtōn eo n̄en jilkinļo̧k abūļkejen ko n̄an Būreejtōnji eo Kein Kajuon.
Eļan̄n̄e Būreejtōnji eo Kein Kajuon ej kōmālim n̄an kōjepļaakļo̧k kōjeraam̧man ko, rej jitōn̄ juon Rutiej an Kabun̄ in ak stake būreejtōn n̄an intōrpiuiki armej eo. Eļan̄n̄e armej eo ej erreo, ritōl in ej kōm̧m̧ane kain̄i eo n̄an kōjepļaakļo̧k kōjeraam̧m̧an ko n̄an armej eo.
N̄an meļeļe ko reļļapļo̧k kōn rekoot ko an ro uwaan kabun̄ in im jepļaaktok eo an kōjeraam̧man ko, lale 32.14.4.