33.

Rekoot ko im Riboot ko

33.0

Kadkad in

Ļōman jerbal ko ilo jepta in ekkā aer jerbal n̄an iunit ko me rej kōjerbal online record-keeping tool ko, ekoba Leader and Clerk Resources (LCR), Member Tools, im Ward Directory and Map eo. Iunit ko me rejjab kōjerbal kein jerbal kein aikuj in jerbal ippān Global Sevices Department eo ak eria opiij eo.

Kōjparok rekoot eļakkar wōt iien otemjej aorōk ilo Kabun̄ eo an Irooj. N̄an waanjon̄ok:

Adam ekar kōjparok “juon bok in keememej” (Moses 6:5).

Moronai ekar katakin bwe āt ko etan ro me raar peptaij n̄an Kabun̄ eo an Kriast raar rekooti bwe “keememej im naajdik er jān em̧m̧an eo an naan in Anij” (Moronai 6:4).

Josep Smith ekar kōmeļeļeik bwe juon rilale ļo̧o̧k aikuj in kūr ilo aolep ward n̄an “kōm̧m̧ane juon ļo̧o̧k in m̧ool eo im̧aan Irooj” (Katak im Bujen Ko 128:2).

33.1

Etale Rekoot ko an Kabun̄ in

Ļo̧o̧k ko an Kabun̄ in rej kwojarjar. Meļeļe eo ilo er ej aorōk im rej aikuj in tōlarke. System in rekoot ko an Kabun̄ in rej kōmālim lali meļeļe in uwaan eo pedped ioon kūr ko. Ro wōt me rej mālim aikuj in lelo̧k maron̄ lale eo. Rej aikuj kōjerbal meļeļe in wōt n̄an jibadbad ko eļap tata n̄an kūr ko aer (lale 33.8).

Ļo̧o̧k ko remaron̄ jipan̄ ritōl ro:

• Kile won emaron̄ aikuj kōjparok eo āinjuon.

• Kile ewi wōt kain̄i ko juon armej ekar bōk ak maron̄ aikuji.

• Pukōt membōr ro.

Rekoot rōt kein rej pād ilo iunit ko an Kabun̄:

• Riboot in bōk koņaan ko an membōr (lale 33.5).

• Ļo̧o̧k ko an uwaan (lale 33.6).

• Ļo̧o̧k ko an bwebwenato (lale 33.7).

• Ļo̧o̧k ko an jāān (lale jepta 34).

33.2

Aolep Kōmļeļe ko n̄an Kūļōk ro

Aolep kūļōk ro rej aikuj:

• Bōk juon peba in mālim an tampeļ kāāl.

• Erom rikōjparok rekoot ro retiljek.

• Erom rūkaki ro rekeke mo̧o̧j im ribōk eddo ro.

Kūļōk ro rej mejmejkaruo ļoor kakien ko rekāāl tata n̄an tōlarōk jāān ko an Kabun̄ in im kanooj lale bwe ļo̧o̧k ko an Kabun̄ in ren jim̧we. Kūļōk ro ilo iien eo em̧ōkaj tata kōjjeļāik ritōl ro an priesthood kōn jabdewōt jerbal ko rejjab jetjet. Eļan̄n̄e kapan̄pan̄ ko rej waļo̧k ilo ņa mejļan jerbal ko rejjab jetjet, kūļōk eo aikuj kepaak Confindential Records Office [Opiij eo an Ļo̧o̧k ko Reņojak] eo ilo opiij ko reļļap an Kabun̄ in. M̧eļeļe ko n̄an kūrļo̧k rej waļo̧k ijin ilaļ:

Talboon: 1-801-240-2053 or 1-800-453-3860, extension 2-2053

Toll free (GSD phone): 855-537-4357

Email: [e-mail]

Aitokan iien jerbal eo an kūļōk ro aikuj in bwe n̄an aer ekkatak jerbal ko aer im dāpij wōt wōnm̧aanļo̧k ilo jerbal eo aer (lale 30.5). Kōnke rej rejjab uwaan membōr in stake būreetjōnji ak bisoprik, rejjab aikuj in kōtlo̧k jān kūr ko aer n̄e juon stake būreejtōnji ak bisorik ej bar ejaak.

33.3

Rekoot ko im Riboot ko an Stake

33.3.1

Būreejtōnji eo an Stake

Stake būreejtōn eo ej lale rekoot ko an stake. E emaron̄ ajije eļap wōt iaan jerbal in n̄an rikakpilōklōk ro an im kūļōk ro.

33.3.2

Stake Kūļōk

Kajjojo stake ej aikuj wōr juon eo ekkar, stake kūļōk ej jerbal. E ej kūr im kōjenolo̧k jān juon membōr in stake būreejtōnji eo. Ej aikuj kabwijer Melkesidek Priesthood eo im wōr an peba in mālim an tampeļ ekāāl. E ej juon membōr in stake ko̧o̧njeļ eo. Ej pād ilo kweilo̧k ko an stake eo āinwōt kar kwaļo̧k ilo 29.3.

Kūļōk eo an stake ej katakin jān stake būreejtōnji eo im ej jerbal ium̧win tōl eo aer. Rijipan̄ kūļōk ro an stake maron̄ in kar kūr n̄an jipan̄ (lale 33.3.3).

33.3.2.1

Jerbal in Kōjparok Rekoot ko

Stake kūļōk eo, ak rijjipan̄ kūļōk eo kar kappeik, ewōr ippān eddo kein:

• Leļo̧k rejtak in tōl (administrative support) n̄an stake būreejtōnji eo.

• Kōjparok juon ļo̧o̧k in ijjitōn̄ ko im jokāālet ko kar kōm̧m̧ani ilo kweilo̧k ko an ritōl an stake.

• Kanooj lale bwe ļo̧o̧k ko im riboot ko rej jim̧we im m̧ōkaj.

Stake kūļōk eo ej aikuj tijem̧ļo̧k kōn record-keeping tool ko an Kabun̄ in (lale 33.0). E ej kōjerbal kein jerbal kein (tool) n̄an jipan̄ ritōl ro kile:

• Aikuj ko an membōr ro im doulul ko.

• An wōr kein jipan̄ ko, ekoba jāān ko.

• Eddōkļo̧k ko, kajoor ko, im m̧ōjņo̧ ko an stake eo.

Jerbal ko jet an kōjparok ļo̧o̧k me emaron̄ kitbuuj:

• Kanooj lale bwe ekkapit ko an Melkisedek Priesthood eo rej jetjet im m̧ōkaj ļo̧o̧ki.

• Bar kōm̧m̧an (activiate) bwe peba in mālim deļo̧n̄ tampeļ ko rej jerbal.

• Kōpooj Officers Sustained form im Stake Conference Report eo n̄an kweilo̧k eo eļap an stake eo.

• Meļeļe ko em̧ōj rekooti n̄an ko̧o̧njeļ in kajim̧we ko an membōr an stake (lale 32.9.6

• Kōjparok wōt ļo̧o̧k ko an jāān ko (lale 34.1.2).

• Karōk im kejeikiik jerbal in aiintok bwebwenato ko n̄an ra eo an menmenbwij. Juon specialist an stake eo ilo menmenwij emaron̄ bōk kūr n̄an jipan̄. (Lale 33.7.1.)

33.3.2.2

Etale Rekoot ko im Riboot ko an Ward

Stake kūļōk eo ej kweilo̧k ippān kajjojo ward kūļōk kāāl ro ālkin an kūr. E ej kweilo̧k ippān ward kūļōk ro emakijkij in wōt an menin aikuj, bōtaab dik tata ruo alen juon iiō. Kweiļo̧k in ej kōm̧m̧an n̄an lale bwe:

• Ļo̧o̧k ko an juon m̧ōttan jon̄oul im jāān ko jet rej rekooti ilo jetjet (lale 34.1.2 im 34.2.2).

• Ļo̧o̧k ko an uwaan rej bar kōkāāli ilo iien eo em̧ōj im ilo jetjet.

• Peba in kōjeraam̧m̧an ko, peptaij im kapene, im kain̄i ko an priesthood liļo̧k n̄an membōr ro an ward eo.

• Bōnbōn in rekoot in uwaan membōr ro(membership) iiō otemjej ej kōm̧m̧an im aolep bōnbōn ko rejenolo̧k (execption) rej kajim̧we ilo iien eo em̧ōkaj (lale 33.6.19).

• Clerk ro an ward rej kepooj im kōm̧m̧ane jerbal in aiintok aolep bwebwenato ko n̄an ra eo an menmenbwij. Eļan̄e specialist ro an menmenwij ilo ward rej kūr, rej jipan̄. (Lale 33.7.1.)

33.3.2.3

Bōnbōn ko

Lale 33.6.19 im 34.7).

33.3.2.4

Rekoot in Bwebwenato ko an Stake

Lale 33.7.

33.3.3

Rijeje in Rijipan̄ ro an Stake

Stake būreejtōn eo ak juōn rikakpilōklōk kar jitōn̄ e maron̄ in kūr im kōjenoļok juōn ak lōn̄lok kūļōk rijjipan̄ ro n̄e emenin aikuj. Em̧m̧aan rein rej aikuj in rikabwijer Melkisedek Priesthood eo ne rej kabwijer juon peba in māļim an tampeļ ekāāl. Rej jerbal ium̧win tōl eo an stake būreejtōnji eo im stake kūļōk eo.

Eļan̄n̄e emenin aikuj, juon rijjipan̄ kūļōk maron̄ kūr n̄an kajjojo jerbal kein:

• Rijjipan̄ stake kūļōk

• Rijjipan̄ stake kūļōk—(finance) jāān (lale 34.1.2)

• Rijjipan̄ stake kūļōk—(membership) uwaan (lale 33.5 im 33.6)

33.4

Rekoot ko m Riboot ko an Ward

33.4.1

Bisorpik

Bisop eo ej oņaake kōjparok e rekoot ko an ward. E emaron̄ ajije eļap wōt iaan jerbal in n̄an rikakpilōklōk ro an im kūļōk ro.

33.4.2

Kūļōk an Ward

Kajjojo ward eaikuj in wōr juon eo ejjejōt, kūļōk eo ej jerbal ilo ward. E ej leļo̧k etan jān bisoprik eo im kar kūr im kōjenolo̧k jān juon membōr in stake būreejtōnji eo ak juon aae ko̧o̧njeļ kar kappeik. Ej aikuj kabwijer Melkesidek Priesthood eo im wōr an peba in mālim an tampeļ ekāāl. E ej juon membōr in ward ko̧o̧njeļ eo. E ej pād ilo kweilo̧k ko an ward āinwōt an waļo̧k ilo 29.2.

Ward kūļōk ro rej jerbal ium̧win tōl eo an bisoprik eo. Kūļōk rijipan̄ ro an ward eo remaron̄ in kūr n̄an jipan̄ (lale 33.4.3

33.4.2.1

Jerbal in Kōjparok Rekoot ko

Ward kūļōk eo, ak rijjipan̄ kūļōk eo kar kappeik, ewōr ippān eddo kein:

• Leļo̧k rejtak in tōl (administrative support) n̄an bisoprik eo.

• Kōjparok juon ļo̧o̧k in ijjitōn̄ ko im jokāālet ko kar kōm̧m̧ani ilo kweilo̧k ko an ritōl an ward.

• Kanooj lale bwe ļo̧o̧k ko im riboot ko rej jim̧we im m̧ōkaj.

Ward kūļōk eo ej aikuj jeļā kōn kein jerbal (tool) ko an kōjparok rekoot (record-keeping) eo an kabun̄ in (lale 33.0). E ej kōjerbal kein jerbal kein (tool) n̄an jipan̄ ritōl ro kile:

• Aikuj ko an membōr ro im doulul ko.

• An wōr kein jipan̄ ko, ekoba jāān ko.

• Eddōkļo̧k ko, kajoor ko, im m̧ōjņo̧ ko an stake eo.

N̄e kobaik riboot ko kōn an membōr ro bōk koņaer, kūļōk ro rej jerbal ippān rijeje ro n̄an ņa mejļan jorrāān ko reddik.

Ward kūļōk ro rej kōketak membōr ro n̄an riboote jabdewōr bōd ko ilo meļeļe ko an uwaan (membership) eo aer.

Jerbal ko jet an kōjparok ļo̧o̧k me emaron̄ kitbuuj:

• Kanooj lale bwe kain̄i ko ren jim̧we im m̧ōkaj rekooti.

• Kōpooj Officers Sustained form n̄an kweilo̧k eo eļap an ward.

• Rekoote meļeļe ko n̄an ko̧o̧jeļ in kajim̧we an membōr an ward eo (lale 32.9.6).

• Kōjparok wōt ļo̧o̧k ko an jāān (lale 34.2.2).

33.4.2.2

Katakin Kūļōk ro im Rijeje ro

Ward kūļōk eo ej katakin rijjipan̄ ward kūļōk ro im rijeje ro an doulul im ra.

Kōmeļeļe in ej aorōk eļap tata n̄e:

• Rijipan̄ ward kūļōk ro im rijeje ro an doulul im ra rekāāl kar kūr.

• Juon kein jerbal (tool) an kōjparok rekoot an Kabun̄ in ej kwaļo̧k kadkad in ak kōkāāle.

• Ļo̧o̧k ko rejjab jetjet kadedeļo̧k.

33.4.2.3

Bwebwenato in Rekoot ko an Ward

Lale 33.7.

33.4.3

Kūļōk Rijipan̄ ro an Ward

Kūļōk rijipan̄ ro an ward maron̄ kūr n̄e aikuj. Kar kōmālim er jān bisoprik eo im kar kūr im kōjenoļok jān juon membōr in stake būreejtōnji eo ak juon ko̧o̧njel eo eutiej. Em̧m̧aan rein rej aikuj kabwijer Melkisedek ak Priesthood eo an Aron. Rej aikuj barāinwōt wōr juon aer peba in mālim an tampeļ ekāāl. Eļan̄n̄e juon kūļōk an ward ej ijjitōn̄ n̄an jāān, ej aikuj in kabjōr Melkisedek Priesthood. Kūļōk rijippan̄ ro an ward eo ej jerbal ium̧win karōk eo an bisoprik eo im kūļōk eo an ward.

Eļan̄n̄e emenin aikuj, juon rijjipan̄ kūļōk maron̄ kūri n̄an kajjojo jerbal kein:

• Rijjipan̄ ward kūļōk

• Rijjipan̄ ward kūļōk—(finance) jāān (lale 34.2.2)

• Rijjipan̄ stake kūļōk—(membership) uwaan (lale 33.5 im 33.6)

33.4.4

Ritōl ro an Priesthood im Doulul

Ritōl ro an doulul im ra rej bōk eddo in kōjparok rekoot ilo doulul ko aer. Rej maron̄ kappik rijeje ro n̄an kōm̧m̧an eļap wōt iaan jerbal in. Rej kanooj lale bwe rekoot ko im riboot ko ren jetjet im m̧ōkaj.

33.5

Riboot ko ilo an Membōr Bōk Koņaan

Riboot ko kōn membōr ro rej bōk koņaer ejipan̄ ritōl ro kalimjōk eddōkļo̧k eo im aikuj ko an membōr ro. N̄e emaron̄, riboot kein rej aikuj in etali ilo electornic ijello̧kin būrini. N̄e būrini reboot ko rej menin aikuj, rej aikuj in mejmejkaruo kōjerbali n̄an kautiej ņojak eo an membōr ro im n̄an ļoor kien kōjparok date ko an ijo jokwe ie.

33.5.1

Kain Riboot ko

33.5.1.1

Riboot in Oran Armej

Ro rej pād ilo kweilo̧k in kwojkwoj eo im kweilo̧k ko an priesthood im doulul ej rekoot ilo electronic kōjerbal LCR eo ak Member Tools eo.

Kweilo̧k in Kwojkwoj. Ro rej pād ilo kweilo̧k in kwojkwoj eo ej rekoot kajjojo wiik jān ward kūļōk eo ak juon rijjipan̄ ward kūļōk eo. Oran eo ej nōm̧ba in ro rej pād ilo kweilo̧k eo ilo kanem armej ak kōn stream, ekoba riloļo̧k ro. Membōr ro an ward eo ro me rejjab pād kōnke ewōr bar juon aer ijjitōn̄ ak rej pād ilo bar juon ward rej bōnbōn ilo ward eo rej etal n̄an e.

Kweilo̧k in Jabōt ko an Doulul im Ra. Ro rej pād ej rekoot kajjojo wiik jān rijeje ro an doulul in ra im rikapilōk ro. Ritōl ro an jodikdik ro remaron̄ barāinwōt jipan̄ ilo rekoote ro rej pād. Oran eo ej nōm̧ba in ro rej pād ilo kweilo̧k eo ilo kanem armej ak kōn stream, ekoba riloļo̧k ro. Membōr ro me rej jerbal ilo Būraimere ak āinwōt ritōl ro an jodikdik ro ilowaan wōt ward eo rej barāinwōt koba āinwōt ro rej pād. Membōr ro me rej pād ilo bar juon ward rej bōnbōn ilo ward eo rej pād ie.

Ward kūļōk eo emaron̄ rekoote ro rej pād ilo etan jabdewōt doulul.

33.5.1.2

Riboot in Intōrpiu in Jerbal in Karejar

Lale 21.7.

33.5.1.3

Quarterly Riboot

Aolep bōnbōn ilo juon riboot ej kwaļo̧k juon lukkuun armej eo me ewōr an aikuj ko rejej uwaer (lale Hilamōn 15:13. Ritōl ro rej pukōt tōl eo jān Irooj ilo aer ļōmņak kōn wōn eo emaron̄ aikuji jipan̄ eo aer.

Riboot eo an Kuwōt Otemjej epād ie meļeļe ko rejipan̄ me emaron̄ leļo̧k n̄an ritōl ro kōļmenļo̧kjeņ ko ilo aer pukōt im̧we kōn kijejeto ko an jerbal in karejar. Riboot eo ej pojak ilo Member Tools eo ak LCR eo.

Ritōl ro an stake im ward rej etal n̄an Riboot eo an Kuwōt Otemjej iien otemjej n̄an etale eddōkļo̧k eo an kajjojo armej. Riboot eo ekitbj meļeļe eo kōn :

• Jekjek eo an peba in mālim in delo̧n̄ tampeļ kōn membōr ro rekar bōk menin letok kwojarjar eo im kōn jodikdik ro.

• M̧aan ro dettaer 18-25 me rej jerbal ak kar jerbale juon mijen.

• Jekjek eo an intōrpiu an jerbal in karejar (lale 21.3).

• Ro kōtmene renaaj erom elder ro me rej aikuj jipan̄ ilo m̧aanjabpopo n̄an bōk Melkesidek Priesthood eo.

• Ro rej pād ilo kweilo̧k in Jabōt n̄an ajri ro, jodikdik ro, rūm̧m̧an ded ejjeļo̧k pāleer, im rūtto ro (lale 35.5.1.1).

• Eddōkļo̧k eo an membōr ro rekāāl me raar peptaij im kapene ilowaan 12 allōn̄ ko.

Aolep ro rej pād im intōrpiu ko an jerbal in karejar rej ļo̧o̧ki ilo Member Tools eo ak ilo LCR eo. Meļeļe in ej kajju make kadedeļo̧k m̧ōttan ko rekkar an Riboot eo an Kuwōt Otemjej.

Aolep ward ej kadedeļo̧k im jilkinļo̧k juon Riboot eo an Kuwōt Otemjej n̄an opiij ko reļļap an Kabun̄ in. Kūļōk eo ej etale riboot eo ippān bisop eo im jilkinļo̧k m̧okta jān 15th in allōn̄ eo ālkin jem̧ļo̧k in kajjojo kuwōta.

Stake būreejtōnji eo emaron̄ etale kajjojo an ward ko Riboot eo an Kuwōta Otemjej. Menin ej jipan̄ er lale eddōkļo̧k eo im jeļā ia eo n̄an leļo̧k rie ie im naan in kōmeļeļe. Ro uwaan stake ko̧o̧njeļ eo emaron̄ barāinwōt lale kajjojo Riboot eo an Kuwōta Otemjej.

33.5.2

Laajrak ko an Membōr ro

Kein jerbal ko (tools) an kōjparok rekoot an Kabun̄ in ej leļo̧k n̄an an ritōl ro bōk laajrak in uwaan (membership) ko. Laajrak kein remaron̄ jipan̄ ritōl ro kile:

• Ewi wōt membōr ro rejjan̄in de bōk kain̄i ko me rej maron̄ būki.

• Ewi wōt likao ro im jiron̄ ro rej ekkar n̄an (eligible) jerbale juon mijen.

• Ewi wōt jodikdik ro ejjeļo̧k aer juon peba in mālim deļo̧n̄ tampeļ ekāāl.

• Ewi wōt jodikdik ro rej aikuj in jikejuuļ n̄an kweilo̧k ko ippān juon membōr bisprik eo.

Ritōl ro an doulul im doulul ko rej aikuj in jeļā kōn laajrak ko an ro rej pād ilo kūmi ak doulul ko aer.

33.6

Rekoot in Membership ko an Membōr ro

Rekoot ko an uwaan ekoba āt ko etan membōr ro, meļeļe ko n̄an tōpare (contact), dipdik in kain̄i ko, im meļeļe ko jet raorōk. Ward eo aikuj in wōr juon rekoot in uwaan (membership) n̄an kajjojo membōr ej jokwe ilowaan jem̧ļo̧k in tōrerein (bountry) ko.

Rekoot ko an uwaan (membership) rej aikuj kōjparoki wōt ilo ward eo ijo membōr ro rej jokwe ie Ijello̧kin (execption) ko, ko me rej aikuj in jeja, aikuji in mālim eo an bisop ro im stake būreejtōn ro N̄an kajjitōk kōn juon kōtļo̧k (exceptioin), stake būreejōn eo ej kōjerbal LCR eo n̄an jilkinļo̧k kajjitōk eo n̄an Opiij eo an Būreejtōnji eo Kein Kajuon.

Rekoot in membership ko an membōr ro rej make wōt rekoot in kain̄i ko im m̧akūtkūr ko jet raorōk ilo rekoot ko retiljōk ilo Kabun̄ eo. Kōn menin, bisop eo ej kanooj lale bwe kūļōk ro en jim̧we aer kōm̧m̧an rekoot ko. E ej barāinwōt kanooj lale bwe kūļōk ro rej kōkāāl (update) meļeļe ko kōjerbal LCR eo. Ej aorōk n̄an kōm̧m̧ane men kein ilo iien eo em̧ōj tata:

• Rekoote meļeļe ko kōn kain̄i eo.

• Kōm̧akūt rekoot ko an membōr ro me rej delo̧n̄ waj n̄an ak diwōjļok jān ward eo.

• Ejaki rekoot ko n̄an membōr ro rekāāl im ajri ro rekāāl jinen im jemen rej membōr.

• Reko̧o̧te mej an juon membōr.

• Rekoote m̧are im meļeļe ko an rimweo (household).

Bisop eo ak stake būreejtōn en kanooj lale bwe juon rekoot an uwaan (membership) ej pād ilo ward eo ejetjet m̧okta jān an juon membōr intōrpiu n̄an bōk:

• Juon kūr an Kabun̄ in.

• Juon peba in mālim deļo̧n̄ tampeļ.

• Melkisedek Priesthood eo ak n̄an ekkapit n̄an juon opiij ilo priesthood jab eo.

E ej barāinwōt kanooj lale bwe rekoot eo en jab kobaik jabdewōt iaan men kein:

• Juon naan in kōmeļeļe (annotation)

• Juon ennaan kōn juon mo (restriction) in liāp ak kain̄i

• Mo ko an juon uwaan (membership)

Jet iien juon membōr ekar de wōt jab jokwe ilo ejja ward eo wōt ium̧win dik tata juon iiō. Ilo jekjek in, bisop eo ak rikakpilōklōk eo kar jitōn̄e ej kōnono ippān bisop eo kar m̧okta jān an kōm̧m̧ane juon intōrpiu n̄an leļo̧k juon peba in mālim an tampeļ ak n̄an leļo̧k etan n̄an kain̄i eo n̄an opiij eo an Melkesidek Priesthood eo. Jibadbad eo an kōnono in ej n̄an kajjitōk eļan̄n̄e ewōr jabdewōt jekjek ko rejelet erreo n̄an ļōmņak kaki. Eļan̄n̄e rikakpilōklōk ej jeļā bwe ewōr meļeļe ko reņojak, e ej kabōjrak iien bwebwenato eo. Ej karon̄ bisop eo an n̄an kōnono ippān bisop eo kar m̧okta jān an kōm̧m̧ane intōrpiu eo.

Jekdo̧o̧n ta jekjek ko remaron̄ in uwaan (membership) emaron̄ in leļo̧k ak kwaļo̧k n̄an jabdewōt ijello̧kin wōt bisop eo ak juon kūļōk.

Membōr ro remaron̄ lale meļeļe ko an uwaan (membership) kōn er make im n̄an ajri ro nejier rej lale er rej jokwe ilo m̧weo ilo Member Tools app eo. Rej maron̄ barāinwōt kajjitōk kōn kape ko būrini kōn Tu Kadu in Meļeļe ko An Kain̄i An Kajjojo (Individual Ordinance Summries) jān kūļōk eo. Eļan̄n̄e ewōr bōd kar ļoe, rijeje eo en lukkun lale bwe ren kajim̧we ilo rekoot ko an membōr ro.

Naan in kōmeļeļe ko kōn ekōjkan ejake juon rekoot in uwaan (membership) rej pād ilo LCR eo.

Kōn jekjek ko rejjab kōnono kaki ilo jekjōn in, ritōl ro rej aikuj kepaak Global Services Department eo ak eria opiij eo.

33.6.1

Āt ko kar kōjerbal ilo Rekoot ko an Kabun̄ in

Likio in etan juon armej, āinwōt kar kile jān kien ak manit eo ijo jokwe ie, aikuj kōjerblae ilo rekoot in uwaan (membership) ko im ilo peba in kam̧ool ko an kain̄i eo.

33.6.2

Rekoot an Membōr ro

Armej rein kajjoo rej membōr ro ilo rekoot im aikuj in wōr juon rekoot in uwaan (membership):

• Ro me raar peptaij im kapen

• Ro me repād ilaļ in 9 iiō dettaer me raar kōjeraam̧m̧an bōtaab kar jab peptaij.

• Ro me raar jab jeļā em̧m̧an im nana kōn utam̧we in kōļmenļo̧kjeņ ko, jekdo̧o̧n ta iiō

• Ajri ro raar jab kōjeraam̧m̧an ilaļ in 9 iiō n̄e men kein jim̧or rej jerbal:

  • Dik tata juon jien ak jemen ak juon būbū ak jim̧m̧a ej juon membōr in Kabun̄ in.

  • Jim̧or jinen ak jemen rej leļo̧k mālim n̄an an juon rekoot ejaak. (Eļan̄n̄e wōt juon jinen ak jemen ewōr an maron̄ (legal custody) ilo ajri eo, mālim eo an jinen ak jemen jab eo ebwe).

Juon armej eo 9 iiō dettan ak rūttoļo̧k me ewōr juon an rekoot in uwaan (membership) bōtaab ejjan̄in de kar peptaij im kapen ejjab juon rekoot in membōr (record member). Mekarta, ward eo me armej eo ej jokwe ie rekoot in membership ko an rej pād m̧ae iien armej eo ej 18. Ilo iien jab eo, eļan̄n̄e armej eo ej kāālet n̄an jab peptiaj, bisop eo ej kāānjeļe rekoot in uwaan (membership) eo. Mālim eo an stake būreejtōn eo ej menin aikuj.

Rekoot rejjab kāājōļ n̄an ro me rejjan̄in kar peptaij kōn wōt utam̧we ilo kōļmenļo̧kjeņ m̧ae armej eo ej kajjitōk ak ro rej lale, ekoba jinen ak jemān.

33.6.3

Rekoot ko an Membōr ro Rekāāl an Ward eo

Ward kūļōk eo ak juon rijjip0k an̄ ward kūļōk ej kepaak membōr ro rekāāl an ward eo ilo iien em̧ōj ālkin an rekoot in uwaan (membership) ko aer jikrōk n̄an etale Tu Kadu in Meļeļe ko An Kain̄i An Kajjojo (Individual Ordinance Summries).

Kōn naan in meļeļe ko kōn kwaļo̧k kadkadin membōr ro rekāāl ālkin an rekoot ko aer būki ak ālkin aer kar peptaij im kapene, lale 29.2.1.1.

33.6.4

Rekoot ko an Membōr ro Me ej Em̧m̧akūt ak Rej ilo Jidik iien Jako jān Kapijuknen

Ritōl ro an ward eo, jemjān jemtain m̧aan im kōrā ro an jerbal in karejar, im kūļōk ro rej bōk jikin jokwe (address) eo ekāāl an membōr ro ilo iien eo em̧ōkaj ilo aer jeļā bwe membōr ro rekāāl rej ļōmņak in em̧m̧akūt jān ward eo. Kūļōk eo ej kōm̧akūtļo̧k rekoot ko n̄an ward eo ekāāl n̄e membōr ro rej lukkuun in em̧m̧akūt. Kūļōk eo emaron̄ barāinwōt kajjitōk kōn rekoot ko an membōr ro rej em̧m̧akūtļo̧k n̄an ward eo aer n̄e rekoot ko rejjan̄in de kar jilkinļo̧k jān ward eo ļo̧k im̧aan.

Eļan̄n̄e juon kūļōk ejjab maron̄ lo ij eo membōr ro rekar em̧m̧akūt n̄an e, rekoot eo ej ilo̧k n̄an Pukōt Membōr Rekar Jako (Finding Lost Members) laajrak eo ilo LCR eo. Ritōl ro an doulul eo an elder ro im Doulul eo an Kōrā ro rej etale riboot in iien otemjej im kōjerbal kein jipan̄ ko repād n̄an pukōt membōr rein rekāāl. Ro jet uwaan ko̧o̧njeļ eo an ward eo ak mijenede ro remaron̄ jipan̄.

Eļan̄n̄e loe ijo jikin membōr eo, kūļōk eo ej kōm̧akūtļo̧k rekoot eo ekkar n̄an. Eļan̄n̄e ijo jikin membōr eo jab loe ālkin kōjerbal aolep kein jipan̄ kappok ko, kūļōk eo ej bōk mālim eo an bisop eo n̄an bar kōro̧o̧l rekoot eo n̄an opiij ko reļļap an Kabun̄ in.

Rekoot ko ilo ukōt Membōr Rekar Jako (Finding Lost Members) laajrak eo rekab de an ward eo, bōtaab rejjab waļo̧k ilo laajrak ko im riboot ko an membōr, im rejjab koba ilo bōnbōn ko an ward eo.

N̄e juon armej ej em̧m̧akūt jān juon ward elōn̄ļo̧k jān jilu allōn̄ ko, juon kūļōk ej kōm̧akūt rekoot in uwaan (membership) eo n̄an ward eo ekāāl ijello̧kin n̄e kōņaan eo an membōr eo n̄an an bar ro̧o̧l ālkin iļok ejjab aitok kitien ak jerbal ilo iien ko (seasonal employment) ak jikuuļ me emaron̄ in jab aitokļo̧k jān jilu allōn̄ ko.

N̄e juon armej ej emakūt jān ward eo edik lok jen jilu allōn̄ ko im karōk bwe en bar rooļtok, rekoot an uwaan (membership) eo ej pād wōt ilo ward eo.

N̄e ritōl ro rej jab kanooj jeļā ewi aitokan an juon armej naaj jako, rej dāpij wōt rekoot eo ilo ward eo me emaron̄ tōpar aikuj ko an membōr eo.

33.6.5

Out-of-Unit Membōr Rekoot ko

Rekoot in uwaan (membership) eo an juon armej maron̄ likūt wōt ilo juon ward ilo juon iien. Bisop eo wōt an ward jab eo maron̄ bōk eddo in kōkāāl (update) rekoot in uwaan (membership) eo; kōm̧m̧ani kain̄i ko, im kōm̧m̧ani intōrpiu ko n̄an membōr eo.

Jet jekjek ko rej aikuj bwe etan juon membōr im meļeļe in kepaak (contact) ko ren rekoot ilo ward eo kein karuo (lale 33.6.11 im 33.6.13 n̄an waanjon̄ak ko). Ilo jekjek kein, kūļōk eo ilo ward eo kein karuo ej ejake rekoot an membōr eo ejjab jān iunit eo. E ej kōjerbal LCR eo n̄an ejake rekoot in.

Membōr ro kōn rekoot eo ejjab jān iunit eo (out-of-unit) emaron̄ bōk juon kūr ilo ward jab eo. Rej kobaiki er ilo ward directory ko im pād ilubwiljin laajrak in et ko ilo ward eo.

33.6.6

Rekoot ko an Membōr ro rej Jerbal itulikin Ward eo Aer Ijo Jokwe ie (Geographic)

33.6.6.1

Rekoot ko an Membōr ro kōn Ijjitōn̄ ko Jet an Kabun̄ in

Eļan̄n̄e membōr ro ewōr aer ijjitōn̄ ko an Kabun̄ itulikin ward eo aer ijo jokwe ie (geographic), uwaan eo aer (membership) im rekoot in jāān ko rej dikūt wōt ilo ward eo ijo jokwe (geographic) ie. Eļan̄n̄e ijjitōn̄ ko rej aikuji an membōr ro em̧m̧akūt jān ward eo aer ijo jokwe (geographi) ie ium̧win jilu allōn̄ ko ak ļapļo̧k im eļan̄n̄e ajri ro nejier rej etale ippāerļo̧k, rekoot in uwaan (membership) ko aer rej em̧m̧akūtļo̧k n̄an ward kāāl eo. (Lale 33.6.4).

33.6.6.2

Rekoot ko an Mijenede ro rej Jerbal Aolep Raan

Lale 24.6.2.8

33.6.7

Rekoot ko an Rūm̧m̧an ded ro

Rūm̧m̧an ded ro ejjeļo̧k rejtaer ikōtaan iiō ko 18 im 35 remaron̄ kāālet n̄an erom̧ membōr in ward eo aer ak YSA eo ward eļan̄n̄e ewōr juon kar jitōn̄e n̄an ijoko rej jokwe ie. Rekoot in uwaan (membership) eo ej pād wōt ilo ward eo rej etal n̄an e.

Pedped in katak kein rej barāinwōt jerbal n̄an rūtto ro ejjeļo̧k pāleer ikōtaan iiō ko 36 im 45 me rej kāālet n̄an erom membōr ro an juon ward an rūm̧m̧an ded ro ejjeļo̧k pāleer.

Eļan̄n̄e juon rūm̧m̧an ded ej karōk n̄an pād ilo juon ward ejjab aitok kitien (n̄an waanjon̄ak, ilo an pād ilo jikuuļ), rekoot in membōr eo an ej pād ilo ward eo an ej etal n̄an e. Kōn mālim eo an membōr eo, kūļōk eo an ward eo ijo baam̧le eo an membōr eo rej jokwe ie emaron̄ kōm̧m̧ane n̄an e juon out-of-unit rekoot n̄an e (lale 33.6.5).

33.6.8

Rekoot ko an Membōr ro Rej Jokwe ilo Aujpito̧ļ ko ak Im̧ōn Lale Rūtto ro

Rekoot ko an membōr im rej jokwe ilo aujpitōļ ko ak im̧ōn lale rūtto ro aikuj in pād ilo ward eo me em̧m̧an tata laler er. Ilo enan̄in aolep jekjek ko, ej bw ward eo ijo aujpitōļ eo ak im̧ōn lale rūtto ej pād ie.

33.6.9

Rekoot ko an Membōr ro ilo Jikin Jerbal in Military

N̄e juon membōr ej deļo̧n̄e jarin tariņae n̄an kaminene, rekoot in uwaan (membership) eo ej pād wōt ilo ward eo ijo jokwe (geographic) ie m̧ae iien eo armej eo ej jitōn̄e n̄an juon jikin jerbal (duty station) enaaj to an pad ie. Ilo iien eo membōr eo ej aikuj kepaak ward eo ijo jokwe (geogrpahic) ie im leļo̧k etan im atreej eo an ward eo ekāāl.

33.6.10

Rekoot ko an Membōr ro Me Ewōr Nan̄inmej in Jipikpik

Armej eo ej 8 an iiō ak rūttoļo̧k eo ewōr an jorrāān in kōļmenļo̧kjeņ, jinen im jemen armej eo (ijo ewōr ie) im bisop eo rej kapilōk ippān doon n̄an kōmlet eļan̄n̄e armej eo ejeļā em̧m̧an im nana. Eļan̄n̄e armej eo ej kōmālet bwe ejjab jeļā em̧m̧an im nana, bisop eo ak juon kūļōk ej kalikkare “Ejjab Jeļā Em̧m̧an im Nana (Not Accountable)” ilo jekjōn eo an peptaij an membōrship rekoot eo an ilo LCR eo. Rekoot eo ejjab kāānjeļ. Kain̄i ko rejjab menin aikuj n̄an juon armej eo me rekoot eo ej kalikkar bwe armej eo ejjab jeļā em̧m̧an im nana.

Jet iien armej eo, jinen im jemen armej eo, im bisop eo rej tok ālik ko̧o̧njeļ ippān doon im kōmelet bwe juon armej eo ejeļā em̧m̧an im nana (accountable) ālkin an rekoot eo kar je āinwōt “Ejjab Jeļā Ta im Ta (Not Accountable).” Ilo jekjek jab eo, bisop e ak juon kūļōk (kōn mālim an bisop eo) maron̄ kōm̧akūtļo̧k “Ejjab Jeļā Ta im Ta (Not Accountable)” kōkaļļe eo. Kōn meļeļe ko rellōn̄ļo̧k, lale 38.2.4.

33.6.11

Rekoot ko an Membōr ro Me Rejaron̄ron̄ ak Epen an Ron̄ļo̧kjen

Membōr ro rej kōjerbal sign language, im membōr ro ilo lukkun baam̧le ko aer ak ro rej lale er, remaron̄ kāālet n̄an bōk membōr rekoot ko aer ilo Kabun̄ in ilo jabdewōt jikin ko me rej elaajrak:

• Ward eo aer ijo jokwe (geographic) ie

• Juon ward n̄an membōr ro me rejaron̄ron̄ im pen aer ron̄jake me rej jokwe ilowaan jem̧ļo̧k in tōrerein (bountries) ko an.

• Ward eo ej bōk eddo in juon kumi in membōr ro me rejaron̄ron̄ im pen aer ron̄jake me rej jokwe ilowaan juon eria kōjenolo̧ke jān stake būreejtōn eo ak Eria Būreejtōn eo.

Ilo jekjek in, rekoot ko an kajjojo armej ak baam̧le emaron̄ in pād ilo juon iunit, im rej maron̄ membōr ro an jab jān iunit eo ilo bar juon. (Lale 33.6.5).

Membōr ro rejaron̄ron̄ ak epen aer ron̄jake maron̄ kobaļo̧k ilo ward ko kōn intōrnet ak kumi ko kar ejaki n̄an ro me rejaron̄ron̄ ak pen aer ron̄jake itulikin eria eo ijo jokwe (geographic) ie an membōr ro.

33.6.12

Rekoot ko an Ajri ro Kar Kōkkaajririki

Rekoot ko an ajri ro kar kōkkaajririki ro remaron̄ in kar kōm̧m̧ani ak kajim̧weiki wōt ālikin an tōbrak peba in kōkkaajriri eo. Et eo ioon rekoot eo ej aikuj in jejjet n̄an jon̄ak in kōkkaajriri eo. Rekoot ko an ro jinen im jemen im rej kōkkaajririki juon ajri ak maron̄ kōkāāli eļan̄n̄e juon peba in kōkkaajriri ej tōbrak.

33.6.13

Rekoot ko an Ajri ro Jemāer im Jineer Em̧ōj Aer Jepel

Aolep rekoot ko an uwaan (membership) rej kōjerbal m̧ooļ (legal) in etan armej eo, āinwōt kar kile jān kakien an ijo jokwe ie ak m̧anit. Menin ekoba ro jinen im jemen ajri ro me raar jepel. M̧ool in āt eo ilo rekoot in uwaan (membership) eo aikuj barāinwōt kar rekoote ioon peba in kam̧ool ko an kōjeraam̧m̧an ko im kain̄i ko an priesthood.

Ajri ro me ejepel ro jineer im jemāer ekkā aer pād ilo iien jar ko an Kabun̄ in ilo ward ko an jim̧or jineer im jemeer. Ilo an juon wōt iunit maron̄ kōjparok im bar kōkāāl rekoot in uwaan (membership) eo an ajri eo, rekoot in membōr an jab jān iunit eo emaron̄ ejaak ilo bar juon ward armej eo ej etal n̄ane (lale 33.6.5). Menin ej kōtļo̧k bwe etan ajri eo im meļeļe ko kōn kepaak (contact) ren koba ilo laajrak ko an ward eo im laajrak in āt ko an kūlaaj eo.

Ajri ro me ewōr aer out-of-unit membōr rekoot ko maron̄ barāinwōt bōk juon kūr.

33.6.14

Rekoot ko ippān Kōmeļeļe ko

Lale 32.14.5.

33.6.15

Kōm̧akūt Mo ko ilo Rekoot ko an Membōr

Eļan̄n̄e juon membōr ej em̧m̧akūt ilo an uwaan (membership) eo wōr mo ko ie ak bar jet n̄ūrbōktak ko reļlap ej pād wōt, bisop eo ak kūļōk eo emālim maron̄ likūt juon kōm̧akūt mo (move restriction) ilo rekoot in uwaan (membership) eo ie. E ej kōjerbal LCR eo n̄an kōm̧mane menin.

Juon rekoot eo me ewōr ie juon kōm̧akūt mo (moved restriction) ejjab em̧m̧akūtļo̧k jun iunit kāāl m̧ae iien eo ritōl eo an priesthood eo ekar likūt mo eo ej kōmālimi n̄an an em̧m̧akūt.

33.6.16

Rekoot ko jān “Address Unknown” File

Juon membōr ej jet iien loe ālkin an rekoot eo an armej eo kar pād ilo “baeļ an atreej jab jeļā (address unknown file)” ilo opiij ko reļļap an Kabun̄ in. Rekoot eo enaaj koba juon ennaan kōketak bisoprik eo, ritōl ro an doulul eo, im ra eo n̄an loļo̧k armej eo ilo iien eo em̧ōkaj n̄e emaron̄ im n̄an leļo̧k jemjerā.

33.6.17

Meļeļe ko n̄an Rekoot im Kajim̧we Kain̄i eo

Lale jebta 18.

33.6.18

Rekoot im Kajim̧we Meļeļe ko

Lale 33.6.

33.6.19

Etale ko an Membership Rekoot ko

Ruo katten ilo kajjojo iiō stake kūļōk eo ak rijjipan̄ stake kūļōk eo ej kanooj lale bwe juon bōnbōn an rekoot ko an membōr ro(membership) ej kōm̧m̧an ilo kajjojo ward ko ilo an kōjerbal LCR eo. Būreejōn eo an stake emaron̄ in kūri ro jet im rekar iminene ilo kōjparoki membership rekoot ko an ro uwaan n̄an an jipan̄ kōn etale kein. Bōnbōn ko rej aikuj in kar dedeļo̧k ilo Juun 15 im Tijemba 15 in kajjojo iiō.

33.7

Rekoot in Bwebwenato ko

33.7.1

Bwebwenato ko an Ward im Stake

Irooj ekar kakie bwe “bwebwenato in aolep men ko reaorōk” jerbal ko ikkijien Kabun̄ eo An bwe ren jeje im kōjparoki (Katak im Bujen Ko 69:3; lale barāinwōt eoon 5; Alma 37:2).

Kajjojo iunit ilo Kabun̄ in ej aikuj je aolep men ko raorōk ikkijien iunit eo. Men kein ekoba ļo̧o̧k in bwebwenato ko jān ritōl ro an iunit eo.

Kōjparok juon bwebwenato ej juon jerbal an jetōb me enaaj kōkajoorļo̧k tōmak eo an ro rej je im riiti. Je bwebwenato ko ilo aolep iiō eo enaaj kōkm̧anm̧anļo̧k em̧m̧an eo an bwebwenato eo.

Priesthood ro an stake im ward im ritōl ro an doulul rej jipan̄ eleļo̧k bwebwenato ko ilo aer kōjerbal Unit History tool ilo ChurchofJesusChrist.org. Kūļōk ro an stake im ward ewōr juon aer eddo eļap n̄an karōk im kōtōbalbal kijejeto in. Stake būreejtōnji eo im bisoprik eo maron̄ kūr juon stake ak ward history specialist n̄an jipan̄. Naan in kōmeļeļe ko jet rej pād ilo tool eo Quick Start Guide.

Membōr ro remaron̄ kōjerbal Unit History tool eo n̄an lale bwebwenato ko me em̧ōj kar je jān ritōl ro an ward ak stake eo aer. Bwebwenato ko kar je rej make kakoņi jān Kabun̄ in.

33.7.2

Bwebwenato ko an Kabun̄ in

Church History Department eo rej aiin rekoot in bwebwenato ko, pija im jabdewōt rekoot in bwebwenato ko em̧ōj kāālet im rem̧m̧an “n̄an em̧m̧an eo an Kabun̄ eo, im n̄an epepen ko tokālik” (Katak im Bujen Ko 69:8). Kajjitōk ko kōn bwebwenato in an aorōk rekoot ko remaron̄ in kar kwaļo̧ki n̄an:

Church History Library

15 East North Tempel Street

Salt Lake City, UT 84150-1600

Taļboon: 1-801-240-5696

Email: [e-mail]

33.8

Rekoot ko Rettino

Rekoot ko an Kabun̄ in rej eņņojak, men̄e rej waļo̧k ilo peba ak digital. Men kein rekoba:

• Rekoot ko an uwaan (membership).

• Rekoot ko kōn jāān.

• Kakeememej ko jān kweilo̧k ko.

• Boom̧ ko im peba aorōk ko an Kabun̄ (ekoba rekoot ko an uwaan ko̧o̧njeļ ko).

Rtiōl ro im kūļōk ro rej kōjeparoki rekoot ko an Kabun̄ jān aer loloorjake, kakkoni, im karōki ilo juon wāween eo im ej kōjeparok ennojakin kajjojo armej. Ritōl ro rej kanooj lale bwe meļeļe eo me rej aini jān membōr ro ej:

• Wōr jon̄an n̄an a eo Kabun̄ in ej aikuji.

• Kōjerbal wōt n̄an jibabad ko kar kōmālim jān Kabun̄ in.

• Leļo̧k wōt n̄an ro me rej mālim n̄an kōjerbale.

Meļeļe eo me kakoņe ilo electronic aikuj in kakoņe im kōjparoke wōt ilo jetjet (lale 33.9.1). Ritōl ro rej kanooj lale kain ennaan (date) rōt in en jab jerbal n̄an jibadbad ko an juon make, politic, ak wia kake (commerical). Meļeļe eo jān rekoot ko an Kabun̄ in, ekoba meļeļe eo kōn bwebwenato in, maron̄ jab leļo̧k n̄an kajjojo armej ak agency ko rej kōm̧m̧an ekkatak ak survey ko (lal 38.8.37).

Ritōl ro im membōr ro rej aikuj ļoor unin tōl ko ilo 38.8.13 n̄an kōjparok elaajrak ko an stake im ward.

33.9

Lo̧lo̧o̧rjake Rekoot ko

Ritōl ro an Stake im ward rej aikuj in kajjejet aer jerbal juon m̧ōttan jōkjōk in kōjparok rekoot ko.

33.9.1

Kōjparoki

Aolep rekoot ko, riboot ko an Kabun̄ in, im ennaan (data) aikuj in kōjparoki ņae lali ilo ejjeļo̧k malim, ukōt, kakkure, ak kwaļo̧ki. Meļeļe in aikuj in likūti wōt ilo juon jikin eņojak (safe). Rekoot ko eļap aorōk, ekoba peba ko būrini, rej aikuj likit wōt ilo juon tūroor eļak ak kāpnet ilo opiij eo an ritōl eo n̄e rejjab kōjerbali.

Ijo emaron̄, kape ko ilo electronic an rekoot ko, riboot ko, im ennaan (data) aikuj in ukōti (encrypted) im ewōr password. Device ko ak storage media ko an Kabun̄ in kar jako ak ko̧o̧ti aikuj in ribooti ilo iien eo em̧ōkaj tata ilo incidents.ChurchofJesusChrist.org Meļeļe ko an Kabun̄ in bōd kōjerbali aikuj in barāinwōt ribooti.

33.9.1.1

Username ko im Password ko

Stake būreejtōn ro, bisop ro, im ritōl ro jet ej aikuj jabļo̧k wōt n̄an jidik kwaļo̧k username im password eo aer ilo Kabun̄ in ippān rikakpilōklōk ro an, kūļōk ro, rijeje ro reutiej, ak ro jet.

Ritōl ro rej lukkuun kōketak er n̄an kōm̧m̧ane ruo bun̄tōn in kam̧oole (barāinwōt jeļā kake āinwōt multifactor authentication) ilo akkaun eo aer an Kabun̄ in jabdewōt iien emaron̄.

33.9.1.2

Kamputōr ko im Date Storage eo Aolep Rej Kōjerbale

Ritōl ro im kūļōk ro rejjab aikuj kakoņ meļeļe ko kōn uwaan (membership) ak jāān ilo kamputōr ko me aolep rej kōjebale me maron̄ deļo̧n̄e jān ro jet me rejjab mālim n̄an bōk meļeļe in.

33.9.1.3

Eņņojak an Date

Elōn̄ laļ ko em̧ōj aer kar ejake kakien ko kōn kōjparok date me rej kōjparok kōm̧m̧ani date (personal date) ko an juon make. Menin ekoba meļeļe eo ilo rekoot ko an uwaan (membership) im rekoot ko jet an Kabun̄ in me rej kwaļo̧k kadkad kajjojo armej. Ritōl ro me ewōr aer kajjitōk ko kōn kajjitōk eo kōn kōjparok date (date protection) kakien ko n̄an eo ej lolorjake rekoot ko an Kabun̄ in ijo jokwe ie maron̄ kepaak Church date privacy opiij eo ilo [e-mail].

33.9.2

Jerbal in Dāpij

Rekoot ko rej aikuj in kar kōjparok toon wōt aer menin aikuj n̄an tōl, emālim, im ewōr unin bwebwenato ko ie. Rekoot in jāān ko rej aikuj in kar dāpiji n̄an jon̄an eo jilu iiō ko ekoba iiō eo kiin. Ritōl ro me ewōr kajjitōk ko kōn ewi aitokan n̄an dāpij rekoot ko aikuj kepaak Global Services Department ak eria opiij eo.

33.9.3

Kakkuri

Rekoot ko im ejem̧ļo̧k kitier ejem̧ļo̧k aer aikuji rej aikuj in kar kakuri ilo juon wāween eo im meļeļe ko ren jab bar maron̄ ālijliji ak bar kōm̧m̧ani.

Rekoot ko me ewōr aorōk in bwebwenato ie aikuj in jab kowaane, kakkure, ak likūti ilo ward resource center eo (ļaiprāre). Kajjitōk ko kōn aorōkin rekoot in bwebwenato ko remaron̄ in jab kar kwaļo̧ki n̄an Church History Library eo (lale meļeļe ko kōn kepaak er 33.7.2

33.10

Technology Specialist ro an Stake ak Ward

Stake būreejtōnji eo emaron̄ kūr juon ak elōn̄ ļo̧k membōr ro ilo stake n̄an jerbal āinwōt stake technology specialist ro. Bisoprik eo emaron̄ kūr juon ak elōn̄ ward membōr ro n̄an jerbal āinwōt technology specialist ro. Em̧m̧an ro, kōrā ro, im jodikdik ro remaron̄ kōm̧m̧ani kūr kein.

Stake technology specialist ro rej jerbal ium̧win tōl eo an stake kūļōk eo. Ward technology specialist ro rej jerbal ium̧win tōl eoa n ward kūļōk eo ak rijeje ro eutiej, āinwōt kar kōmlet jān bisop eo. Eddo kein emaron̄ koba laajrak in:

• Rijjipan̄ ritōl ro an stake eo ak ward eo kōn technical aikuj ko.

• Katakin membōr ro ekōjkan deļo̧n̄e im kōjerbal media, app ko, im kein jerbal (tools) ko jet an technology an Kabun̄ in,ekoba FamilySearch.org.

• Rie ritōl ro im rūkaki ro ro rej kōjerbal kein jerbal ko ikkijeen technology n̄an kōm̧m̧ani kūr ko aer.

• Lale me ko rej kōm̧m̧an ilo mejatoto ak kweilo̧k ko im kūlaaj ko n̄an ro rejjab maron̄ pād (lale 29.7).

Ilo kakkobabaļo̧k, stake technology specialist eo ewōr aer an eddo kein rej ellaajrak n̄an lali kamputōr ko an Kabun̄ ilo stake eo, ekoba ko ilo FamilySearch center ko:

• Kōjerbal tōl eo jān stake būreejtōnji eo kōn likūt, kwaļo̧k, bar kappeik, im jikejuuļi aolep kamputōr ko an stake eo.

• Lale juon bwōnbwōn eo ekāāl n̄an aolepen kam̧putōr ko, ippān serial nōm̧ba ko, matōļ ko, jōkjōk ko, im pukwōn ko.

• Kanooj lale bwe (1) kamputōr ko, softward, im meļeļe ko reņojak rej kōjparoki im (2) date baeļ ko rej kōm̧m̧an aer jortoklik iien otemjej.

• Jeļā kōn kakien ko n̄an aolep kamputōr ko an Kabun̄ in (lale 38.8.10).

N̄e aikuj, stake technology specialist ro rej kōtōbalbal jerbal eo an ward techonolgy specialist ro.