“37. Titeiki, Uoote, ao Mwaanga aika Onoti,” Aeniboki ni Kabuta: Te beku n Ana Ekaretia Iesu Kristo ibukiia Aika Itiaki ni Boong aika Kaitira (2024).
“37. Titeiki, Uoote, ao Mwaanga aika Onoti,” Aeniboki ni Kabuta.
37.
Titeiki, Uoote, ao Mwaanga aika Onoti
37.0
Moantaeka
Te beretitenti n te titeiki e na bubuti kateakin titeiki, uoote, ao mwaanga aika onoti ni buokiia membwa n aron ae kabwarabwaraaki n te mwakoro aei. Ibukin rongorongona riki tabeua iaon katean iunite aika onoti n te mition, taraa 36.3.
Te beretitenti n te titeiki e moana te bubuti ae boou n te Boundary and Leadership Proposals. Ngkana e aki kona ni kabongana te tititem iaonrain, e kona n taunroute boomwa n te beba man kotean te ringke. Ti te Moan Beretitentii ae kona ni kariaia te bubuti.
Ibukin te ibuobuoki n te United States ao Canada, tareboniia 1-801-240-1007. Itinanikun te United States ao Canada, tareboniia aobitin te aono.
37.1
Uoote ao Mwaanga n Taetae
Te beretitenti n te titeiki e na bubuti katean te uoote ke te mwaanga n taetae ibukiia kaain te titeiki (1) ae aki taetae n aia taetae kaain te tabo ke (2) ake a kabongana te taetae n te kanikina.
Te beretitenti n te titeiki e kona naba ni bubuti katean te uoote ke te mwaanga n taetae are e kaainaki irouia membwa man teuana ke e mwaiti riki titeiki aika irarikiia. Te beretitenti n te titeiki e na irekereke ma te babaire ao ni kanakoraoa te rekomenteition. Teuana mai ibuakon titeiki ake a iri e na katatabeaki ibukin te uoote ke te mwaanga.
Bwaai aika Kainnanoaki ni Katean te Uoote ke te Mwaanga n Taetae n te Titeiki
|
Uoote |
Mwaanga | |
|---|---|---|
|
Mwaitiia membwa (aika kakaonimaki ao n aki bati ni kakaonimaki) | Uoote 125 | Mwaanga Akea tiana mai inano |
|
Mwaitiia aika kakaonimaki, kaain te Nakoanibonga ae te Merekitereka aika kakaonimaki ni kakabwaka aia kabwianibwai ae bwanin ao ni konabwai n taui nakoa ni kairiiri | Uoote 15 | Mwaanga 4 |
Taian tia ibukin iunite n te taetae a na irii tiia ni mwaaken nako te uoote, mwaanga, ao titeiki.
Ataei ao kairake n te taetaen te iunite a na katiteuanai kiraati n are ni mwaaken nako te iunite ngkana e kainanoaki (taraa 29.2.8).
Taraa 36.3 ibukin taetae n te mition. Taraa 36.4.2 te kairi ibukin aranakin te uoote ao te mwaanga.
37.1.1
Kaainakin te Uoote ke te Mwaanga n Taetae
-
A riai membwa ni maeka ni mwaken te uoote ke te mwaanga n taetae.
-
A kona membwa n rineia bwa ana riki bwa kaain te iunite n te taetae ke n are ni mwaaken aia iunite.
-
Aia rekooti aomata n tatabemaniia nako e riai ni mena n te iunite are e kaea teuanne ke neienne.
37.1.2
Te Kairii n te Uoote ke te Mwaanga n Taetae
-
Ni bon arona, e weteaki te bitiobi ke te beretitenti n te mwaanga ao ana kauntira mai inanon tian te iunite n taetae. E kona ni karaoaki te kariaia ae okoro ibukiia taan kairiiri ake aki maeka inanon tian te iunite ngkana a maeka inanon te titeiki are e tabe ibukina.
-
Ana kariaia te moan Beretitentii e kainnanoaki imwain wetean te bitiobi.
-
Ni bon arona, taan kairiiri ao taan reirei ake tabeman a weteaki mai ibuakoia kaain te uoote ke te mwaanga.
37.2
Kairake n Ikawai ake a Tuai Iein n Aia Uoote ao Mwaanga ni Mwaaken te Titeiki
E na bubuti kateakin aia uoote ke aia mwaanga kairake n ikawai aika tuai iein te beretitenti n te titeiki (ibukiia membwa aika 18–30 aia ririki) ngkana e tau mwaitiia ana kairake n ikawai a tuai iein te titeiki aika a tangiria n iria. A riai n rinanoaki aikai:
-
Rotakin waakin aroia n rikirake ao rikiraken maiun tamneia ikawai aika tuai iein. E raonaki aio ma aia konabwai n irii ni kabane mwakoron Ana mwakuri te Atua ibukin te kamaiuaki ao te karietataaki (taraa 1.2).
-
Rotakin mwaaken nako te unite n te aro are kairake n ikawai aika a tuai iein a kona ni kairiia membwa.
-
Te tai n te mwananga ao kabane mane iaoia kairake ni ikawai aika tuai iein ao taan kairiiri.
Beretitenti n te titeiki e kona naba ni bubuti katean te uoote ke te mwaanga are iai inanona membwa man teuana ke e mwaiti riki titeiki ake irarikiia. Beretitenti n te titeiki e riai n iangoia bwa tao e tamaroa riki karaoan waaki ni kakukurei n titeiki aika mwaiti nakon katean uoote ke mwaanga. Teuana mai ibuakon titeiki ake a iri e na katabeaki ibukin te uoote ke te mwaanga.
Mwaaken te titeiki ma tiana ake a riaon tian aia titeiki kairake n ikawai aika a tuai iein a riai n akea oin aia iunite ibukiia ikawai ake a tuai iein.
Bwaai aika Kainnanoaki ni Katean aia Iunite Kairake n Ikawaki aika Tuai Iein
|
Uoote |
Mwaanga | |
|---|---|---|
|
Mwaitiia membwa aika kakaonimaki | Uoote 125 | Mwaanga 50 |
|
Mwaitiia aika kakaonimaki, kaain te Nakoanibonga ae te Merekitereka aika kakaonimaki ni kakabwaka aia kabwianibwai ae bwanin ao ni konabwai n taui nakoa ni kairiiri | Uoote 15 | Mwaanga 4 |
N aron ae bwainaki aia uoote kairake n ikawai aika tuai iein e riai n aki raka iaon 225 kaainaaika kakaonimaki.
Taraa 36.4.2 te kairi ibukin aranakin te uoote ao te mwaanga.
37.2.1
Membwatibu n te Uoote ibukiia Kairake n Ikawai ake a Tuai Iein ke te Mwaanga ni Mwaaken nako te Titeiki
-
A riai membwa bwa kairake n ikawai ake a tuai iein (ma aia ririki aika 18–30) aika a maeka inanon tian aia uoote ke aia mwaanga kairake n ikawai aika a tuai iein.
-
Kairake n ikawai aika a tuai iein a kona n rineia bwa ana riki bwa kaain te iunite n taetae ke n are ni mwaaken aia iunite.
-
Aia rekooti aomata n tatabemaniia nako e riai ni mena n te iunite are e kaea teuanne ke neienne.
-
Ngkana te beretitenti n te titeiki e namakinna bwa e na buoka te kairake n ikawai ae tuai iein ae aki bati ni kakaonimaki n ana titeiki, e kona n anga te kariaia ni bita ana rekooti te membwa man are ni mwaaken te iunite nakon aia iunite kairake n ikawai ake a tuai iein. Ngkana te membwa ae aki bati ni kakaonimaki e a moanna ni kakaonimaki, e kona teuanne ke neienne n rineia bwa e na ira aia iunite kairake n ikawai ake a tuai iein ke n are ni mwaaken te iunite.
-
Kairake n ikawai ake kaaro aika a tuai iein (aia ririki 18–30) aika iai natiia ni mweengaia a na tiku n are ni mwaaken te iunite. Kaaro aikai a kona n irii aia bootaki ni kakukurei kairake n ikawai ake a tuai iein n te iunite.
-
Ana aki nako membwa nakon aia iunite kairake n ikawai ake a tuai iein ngkana a tia n iein ke a koro aia ririki ae 31. Taraa 37.5 ibukiia membwa aika ikawai ake a tuai iein aika 31–45 aia ririki.
37.2.2
Te Kairiiri inanon aia Uoote ke Aia Mwaanga Kairake n Ikawai ake a Tuai Iein ni Mwaaken nako te Titeiki
-
E riai te bitiobi ke te beretitenti n te mwaanga bwa te mwaane ae a tia n iein ae a mwaane n ana babaire ao n atatai. Ana kariaia te moan Beretitentii e kainnanoaki imwain wetean te bitiobi. Ni bon arona, e maeka te bitiobi ke te beretitenti n te mwaanga inanon tian aia iunite kairake ni ikawai aika a tuai iein. E kona ni karaoaki te katikutiku ibukiia kairake aika a tuai iein aika a mwakuri n iuniwetiri ao kuura n reirei.
-
A kona membwa n te iunite n riki bwa ana kauntira te bitiobi. Ke mwaane ake akea buia ke ake a tia n iein aika a maeka inanon tian te iunite anne. A riai n riki bwa ibonga aika rietata. Ngkana te mwaane are e weteaki bwa te kauntira n te bitiobiriki tiaki te ibonga ae rietata, te beretitenti n te titeiki e na kakoaua bwa teuanne e na katabuaki bwa te ibonga ae rietata imwain ae e kaokoroaki.
-
Te beretitenti n te mwaanga ao ana kauntira a kona n ae ibonga aika rietaata ke unimwaane.
-
Taan kairiiri ao taan reirei riki tabeman a weteaki mai ibuakoia kairake n ikawai aika a tuai iein aika kaain te iunite.
37.3
Aia Titeiki Kairake n Ikawai aika a Tuai Iein ao Aia Uoote ao Mwaanga
Ngkana e korakora mwaitia kairake n ikawai aika a tuai iein ni maeka n teuana te aono, riki ni uakaan ma iuniwetiri ke kuura n reirei, e kona ni barongaaki teuana ke e raka riki aia titeiki kairake n ikawai aika a tuai n iein.
Bwaai aika kainnanoaki ni Katean aia Titeiki, Uoote, ke aia Mwaanga Kairake n Ikawaki aika a Tuai Iein
|
Aia titeiki kairake n ikawai aika a tuai iein |
|
|---|---|
|
Aia uoote kairake n ikawai aika a tuai iein inanon te titeiki ni kairake ni ikawai ake a tuai iein |
|
|
Aia mwaanga kairake n ikawai aika a tuai iein inanon aia titeiki kairake n ikawai ake a tuai iein |
|
Mwaaken te titeiki ma tiana ake a riaon tian aia titeiki kairake n ikawai aika a tuai iein a riai n akea oin aia iunite ibukiia ikawai ake a tuai iein.
Ana iunite te kairake n ikawai ae tuai iein are mena inanon mwaaken nako te titeiki e kona ni bitaki nakon aia titeiki kairake ni ikawai aika tuai iein ti ngkana:
-
Tiana a kaan ma aia titeiki kairake ni ikawai aika a tuai iein.
-
Beretitenti n titeiki aika uoua ana kariaia te bitaki.
Taraa 36.4.1 ao 36.4.2 ibukin te kairi n aranakin te titeiki ao te uoote.
37.3.1
Membwatibu n aia Titeiki ao aia Uoote ke aia Mwaanga Kairake n Ikawai Aika Tuai Iein
-
A riai membwa bwa kairake n ikawai a tuai iein (ma aia ririki aika 18–30) aika a maeka inanon tian aia uoote ke aia mwaanga kairake n ikawai aika tuai iein.
-
Ni kabane kairake n ikawai aika a tuai iein aika a kakaonimaki ao aika aki bati ni kakaonimaki inanon tian te titeiki aika aki maeka ni mweengaia ma aia karo bon kain te titeiki are ibukiia kairake n ikawai aika tuai iein ti ngkana a rineia bwa ana ira are ni mwaaken te iunite.
-
Kairake n ikawai aika a tuai iein aika a maeka ma aia karo ni mweengaia a kona n rineia bwa kaain aia iunite kairake n ikawai aika tuai iein ke n are ni mwaaken te iunite.
-
Aia rekooti aomata n tatabemaniia nako e riai ni mena n te iunite are e kaea teuanne ke neienne.
-
Kairake n ikawai ake kaaro aika a tuai iein (aia ririki 18–30) aika iai natiia ni mweengaia a na tiku n are ni mwaaken te iunite. Kaaro aikai a kona n irii aia bootaki ni kakukurei kairake n ikawai ake a tuai iein n te iunite.
-
Membwa aki kaea aia iunite kairake n ikawai ake a tuai iein ngkana a mare ke n roko n te ririki ae 31. Taraa 37.5 ibukiia membwa aika kairake aika tuai iein (aia ririki 31–45).
37.3.2
Te Kairiiri n Aia Titieki, ao n Aia Uoote ke aia Mwaanga Kairake n Ikawai aika a tuai Iein
-
Te beretitenti n te titeiki, te tamanuea n te titeiki, bitiobi, ao beretitenti ni mwaanga a riai bwa mwaane aika a tia ni mareaki ma aia moti ao aia atatai aika a bon tau. Ana kariaia te moan Beretitentii e kainnanoaki imwain wetean te bitiobi. A kona ni weteaki mai itinanikun tian te titeiki n aron are baireaki man te Beretitentii n te Aono. Naake a kanakoa te wewete aikanne ana reitaki moa ma ana beretitenti n te titeiki te aomata anne ni karekea te kariaia. Ibukin taian kaetieti, taraa mwakoro 30.
-
Ana kauntira te beretitenti n te titeiki, kauntira aika rietaata, aia kauntira bitiobiriki, ao kauntira n te beretitentii n te mwaanga a kona n ae mwaane aika akea buia ke mwaane aika a tia ni mare. Beretitenti n te Bootaki n Aine n te Titeiki ao kauntira a kona n ae akea buia ke aine aika iai buia. Beretitenti n te reirei n Taabati ma aia kauntira a kona n ae aika akea buia ke aika iai buia. A kona taan kairiiri aikai n ae membwa n te titeiki. Ke a kona ni weteaki mai itinanikun tian te titeiki n aron baireana man te Beretitentii n te Aono.
-
E riai ana kauntira te bitiobi bwa te ibonga ae rietaata. Ngkana te mwaane are e weteaki bwa te kauntira n te bitiobiriki tiaki te ibonga ae rietata, te beretitenti n te titeiki e na kakoaua bwa teuanne e na katabuaki bwa te ibonga ae rietata imwain ae e kaokoroaki. Te beretitenti n te mwaanga ao ana kauntira a kona n ae ibonga aika rietaata ke unimwaane.
-
E kainnanoaki ana kariaia te Kooram n te Tengaun ma Uoman imwain weteakin te tamanuea.
-
Inanon uoote ao mwaanga, taan kairiiri ao taan reirei ake tabeman a weteaki imarenaia kairake n ikawai ake kaain te iunite.
37.4
Aia Titeiki ao Uoote Ataein te Reirei Aika Tia N Iein
Aia titeiki ao Uoote Ataein te reirei aika tia n iein e kona ni kateaki ni buokiia ataein te reirei aika tia n iein aika maeka ni kaan nakon te iuniwetiri ke te kaoreti.
Bwaai Aika Kainnanoaki Ni Katean Te Titeiki ke Te Uoote Ibukiia Ataei Aika Tia N Iein
|
Aia titeiki ataein te reirei aika tia n iein |
|
|---|---|
|
Aia uoote ataein te reirei ake a tia n iein |
|
Taraa 36.4.1 ao 36.4.2 ibukin te kairi n aranakin te titeiki ao te uoote.
37.4.1
Kaainakin Titeiki ao Uoote Ibukiia Ataein te Reirei Aika Tia N Iein
-
A riai kaaina n ataein te reirei aika tia n iein aika maeka inanon tian aia uoote ataein te reirei ake a tia n iein.
-
Ataein te reirei ake a tia n iein a konana n rineia bwa ana riki bwa kaain aia uoote ataein te reirei ake a tia n iein ke n are ni mwaaken aia iunite.
-
Aia rekooti membwa a riai ni mena inanon ana iunite te utu ae a kaea.
37.4.2
Kairiiri n aia Titeiki ao aia Uoote Ataein te Reirei Ake A Tia N Iein
Taraa 37.3.2 ao kabongana te kairi naba anne.
37.5
Aia Uoote Ikawai Aika Tuai Iein
Ni bon arona, membwa aika ikawai aika tuai iein (ririki 31–45) a na buokaki raoi n are ni mwaaken te iunite. N aron are e ti kona ni karaoaki, te beretitenti n te titeiki e kona ni bubuti manga katean aia uoote ikawai aika tuia iein.
E kona naba te beretitenti n te titeiki ni bubuti katean te uoote ibukiia ikawa aika tuai iein ma membwa man teuana ke e raka riki titeiki aika a kaan irarikiia. Te beretitenti n te titeiki e na irekereke ma te babaire ao ni kanakoraoa te rekomenteition. Teuana man te titeiki are e iri e na tabeakina te uoote.
Bwaai Aika Kainnanoaki ni Katean Aia Uoote Ikawai aika Tuai Iein n te Titeiki
|
Mwaitiia membwa (aika kakaonimaki ao n aki bati ni kakaonimaki) |
125 |
|---|---|
|
Mwaitiia aika kakaonimaki, kaain te Nakoanibonga ae te Merekitereka aika kakaonimaki ni kakabwaka aia kabwianibwai ae bwanin ao ni konabwai n taui nakoa ni kairiiri |
15 |
Taraa 36.4.2 ibukin kairi n aranakin uoote.
37.5.1
Kaainakin Aia Uoote Ikawai aika Tuai Iein
-
A riai membwa bwa ikawai aika tuai iein (ririki 31–45) aika maeka inanon tian aia uoote ikawai aika tuai iein.
-
A kona ikawai aika tuai iein n rineia bwa kaain aia uoote ikawai aika tuai iein ke n are ni mwaaken aia iunite.
-
Aia rekooti aomata n tatabemaniia nako e riai ni mena n te iunite are e kaea teuanne ke neienne.
-
Kaaro aika ikawai aika tuai iein (aika 31–45 aia ririki) aika iai natiia ni mweengaia ana tiku n are ni mwaaken aia iunite. A kona karo n irii aia botaki ni kakukurei ikawai aika tuai iein n te uoote.
-
Aki kona membwa n ira aia uote aika a tuai iein ngkana a tia n iein ke ni koro aia ririki ae 46.
37.5.2
Kairiiri n Aia Uoote Ikawai Aika Tuai Iein
-
E riai te bitiobi bwa te ibonga ae rietata ae e a tia ni mare ma n tau n ana babaire ao n ana taneiai. Ana kariaia te Moan Beretitentii e kainnanoaki i mwain wetean te bitiobi.
-
A kona membwa n te iunite n riki bwa ana kauntira te bitiobi. Ke mwaane ake akea buia ke ake a tia n iein aika a maeka inanon tian te iunite anne. A riai n riki bwa ibonga aika rietata. Ngkana te mwaane are e weteaki bwa te kauntira n te bitiobiriki tiaki te ibonga ae rietata, te beretitenti n te titeiki e na kakoaua bwa teuanne e na katabuaki bwa te ibonga ae rietata imwain ae e kaokoroaki.
-
Taan kairiiri ake tabeman a weteaki mai ibuakoia ikawai aika a tuai iein aika kaain te uoote.
37.6
Uoote ao Mwaanga ibukiia Membwa n Aia Kaangaanga aika Onoti
Te beretitenti n te titeiki e kona ni bubuti katean uoote ke mwaanga ibukiia membwa n aia kaangaanga aika onoti, n aroia naake a mena inanon tienta n tararua, burokuraem ibukin bwainnaoraki, ke inanon karabuti.
Ni bon arona, taan kairiiri ake a weteaki ni beku n taian iunite aikai a riai ni maeka inanon te titeiki are e tabe ma te iunite.
Taraa 36.3 ibukin rongorongon mwaanga n aia mition kairake n ikawai aika a tuai iein ke ikawai aika a tuai iein; membwa aika aki taetae n taetaen te tabo; membwa aika a mena n te tienta n tararua, burokuraem ibukin bwainnaoraki, ke inanon karabuti, ke membwa n te taanga ni buaka ngkana e angaraoi.
Taraa 36.4.2 te kairi ibukin aranakin te uoote ao te mwaanga.
37.7
Kurubu inanon Titeiki, Mition, ao Aono
Kurubu bon bootakiia membwa ae kariaiakaki aika uarereke ao n tararuaaki iroun te bitiobi, beretitenti n te mwaanga, ke te beretitenti n te mition. Te titeiki ke te beretitenti n te mition e kona ni bubuti katean te kurubu n aron bukina aikai:
-
Te mwanaga ibukiia aia membwa aika a tauraoi ni kaitibo ma te uoote ke te mwaanga e bon kaangaanga.
-
Membwa aika a uarereke mwaitiia a taetae n te taetae are e kaorokoro mairouia ake n te uoote ke te mwaanga.
-
Membwa n te taanga ni buaka a buokaki riki ngkana a mena n te kurubu anne (taraa 38.9.4).
Ni bubuti katean te kurubu, te beretitenti n te titeiki ke te mition e na kanakoa te bubuti nakon te Beretitentii n te Aono. Ti te Beretitentii n te Aono ae kona ni kariaia te bubuti anne.
E riai te kurubu ni kaainaki irouia tao uoman. E riai temanna bwa te ibonga ae tau n te Nakoanibonga ae te Aaron ke are iai irouna te Nakoanibonga ae te Merekitereka.
Inanon titeiki, te beretitenti n te titeiki e na angan te bitiobi ke te beretitenti n te mwaanga bwa e na bairea ao n tararua te kurubu. Inanon mition, te beretitenti n te mition e na angan te beretitenti n te mwaanga bwa e na baireia ao n tararuaia.
Ni bon arona, e kona te kurubu ni kateaki bwa e na buokiia membwa aika a maeka inanon teuana ke e mwaiti riki iunite inanon te titeiki ke te mwakoro. Kaainakin te kurubu e tianaki nakoia naake a maeka inanon tian te iunite ke iunite aika a irekereke. Kurubu aki riaon tiaia titeiki ke mwakoro.
Te beretiteti n te titeiki, te beretitenti n te mition, te bitiobi, ke te beretitenti n te mwaanga e na wetea te tia kairiiri n te kurubu ao ni kaokoroa. Te tia kairiiri n te kurubu e bairei ao ni kairii bootakin te kurubu, are e raonaki ma tararuakin te toa.
Te tia kairiiri n te kurubu akea irouna kiingin te nakoanibonga, ao e aki kariaiakaki bwa e na:
-
Butimwaai kabwianibwai ao angabwai.
-
Marooro ma membwa iaon te bure ae kakaiaki.
-
Anga babaire aika a bebete ao aika a matoa ni kaineti ma te kairua anne.
-
Karaoi mwakuri riki tabeua are e kainnanoi kiingin te nakoanibonga.
Ni bon arona, kurubu ana kabongana te Moan Burokuraem n te Iunite (taraa 36.6).
Rekooti ibukiia membwa n te kurubu a kawakinaki n te uoote ke te mwaanga are e tararuaa te kurubu.
Ana etukuata te Ekaretia e aki anga nambwan te iunite nakoia kurubu.
Ngkana e a tau te kurubu, te beretitenti n te titeiki ke te mition e kona ni bubuti ibukina bwa e na riki bwa te mwaanga.
37.8
Ana Iunite te Ekaretia n ana Tabo te Taanga ni Buaka
Ibukin babaire iaon katean uoote, mwaanga, ao aia kurubu membwa n ibuobuoki ake a karaoaki n ana tabo te taanga ti ngkana e angaraoi, taraa 38.9. 4.