6.

Ritōl ilo Stake eo

6.1

Jibadbad ko an juon Stake

Irooj ej ejaake stake ko n̄an an armej ro An“kuktok ippān doon” im “n̄an jojomar, im … n̄an likōpejn̄ak” jān laļ (lale Aiseia 33:20; 54:2). Rainin Kabun̄ ej ejaak n̄an stake ko. Kajjojo stake ej ejaak in elōn̄ļo̧k ward ko im ej tōl jān juon stake būreejtōn.

Irooj ej ejaake stake ko n̄an an armej ro An“kuktok ippān doon” im “n̄an jojomar, im … n̄an likōpejn̄ak” jān laļ (Katak im Bujen Ko 115:6). Membōr ro im ritōl ro ilo juon stake rej jerbal ippān doon n̄an bōk koņaer ilo jerbal in lo̧mo̧o̧r eo an Anij im mour ijo eutiej tata (lale 1.2).

6.2

Stake Būreejtōnji

Stake Būreejtōn eo ej kabwijer priesthood ki ko n̄an tōl jerbal ko an Kabun̄ in ilowaan wōt stake eo (lale 3.4.1). E im rikakpilōklōk ro an rej ejaake juon stake būreejtōnji. Rej kea kōn membōr ro an stake eo kōn iakwe, jipan̄ er erom̧ rikaļoor ro rem̧ool an Jisōs Kraist.

Stake Būreejtōn eo ewōr an emān pedped in eddo ko:

• Būreejtōn eo an stake eo ej pris eo eutiej tata ej tōl ilo stake eo.

• E ej tōl jerbal in lo̧mo̧o̧r eo an Anij im mour ijo eutej tata.

• E ej juon riekajet.

• Ej etale rekoot ko, jāān ko, im men ko m̧weien Kabun̄ in.

Kōnke stake būreejtōn eo ej kabwijer priesthood ki ko, ewōr jet eddo ko rej an make. N̄e eban kōm̧m̧ani, juon rikakpilōklōk emaron̄ bōk jikin ilo an kōmeļeļe ilo bōk in bōk meļeļe in. Stake būreejtōn ak rikakpilōklōk eo an ej bōk kapilōk ippān Eria Būreetōnji eo n̄e elōn̄ an kajjitōk kake āinwōt rikakpilōklōk eo ej ribōk jikin stake būreejtōn eo.

Stake būreejtōn eo ej leļo̧k elōn̄ jerbal ko n̄an ro jet. Menin ekoba rikakpilōklōk ro an, high ko̧o̧njeļ ro, ritōl ro an stake, rijeje eo eutiej an stake, im stake kūļōk im rijipan̄ stake kūļōk ro.

6.21.1

Pris eo Eutiej ej Tōl

Stake būreejtōņ eo ej ritōl jetōb eo ilo stake eo. Ej kōm̧m̧ane juon waanjon̄ak n̄an stake eo ilo an kōm̧m̧ane jerbal ko an Irooj “kōn kwōjarjar in bōro” (Mosaia 18:12 Ej katakin im kōketak.

Juon stake būreejtōn ej juon rikaļoor etiljek an Jisōs Kraist. E ej m̧ool n̄an bujen ko an. E ej j m̧ool n̄an kōrā eo pāleen im baam̧le eo an. Ej kwaļo̧ki waanjon̄ak ko rejim̧we n̄an baam̧le eo an, stake eo, im jukjuk in pād eo. Rikakpilōklōk ro an rej em̧m̧aan ro ewōr ippāer ejja kain m̧wil rōt in wōt.

Stake būreejtōn eo ej leļo̧k tōl im kapilōk n̄an bisop ro im ritōl ro jet ilo stake.

6.2.1.1

Melkisedek Priesthood eo

Membōr ro ilo stake būreejtōnji eo ej tōl ro me rej kabwijer Melkisedek Priesthood eo ilo stake eo.

Doulul an pris ro routiej ilo stake Stake būreejtōn eo ej būreejtōn eo an pris ro routiej ilo stake eo. E im rikakpilōklōk ro an rej būreejtōnji eo an doulul eo. Doulul eo an pris ro reutiej ilo stake eo ej kobain pris ro routiej ijin ilaļ.

• Bisop ro im rikakpilōklōk ro an

• High ko̧o̧njeļ ro

• Petriak ro

Membōr ro an doulul eo an pris ro reutiej rej pād ilo kweilo̧k ko an elder ro ilo ward eo aer n̄e rejjan̄in kar ijjitōn̄ n̄an ijoko jabdewōt.

Doulul eo an Elder ro. Stake būreejtōnji eo ewōr aer eddo n̄an doulul eo an elder ro (lale 8.3.3.1).

Ekkapit ko an Melkisedek Priesthood eo. Stake būreejtōn eo ej lale ekkapit n̄an leļo̧k Melkisedek Priesthood eo. Ej barāinwōt lale ekkapit ko n̄an opiij ko an elder im pris eo eutiej (lale 18.10.4).

6.2.1.2

Bisoprik ro

Stake būreejtōn eo ej kweilo̧k ippān bisoprik eo ekāāl n̄an leļo̧k kaminene n̄an er ālkin wōt aer kūr. Ej wōnm̧aanļo̧k wōt im leļo̧k kaminene im rōjan̄ bisoprik ro ilo intōrpiu ko, kweilo̧k ko, im iien ko jet.

Membōr ro an stake būreejtōnji eo rej kōmeļeļeik bisoprik ro kōn eddo ko n̄an ro rej kabwijer Priesthood eo an Aron im doulul eo an jiron̄ ro.

6.2.1.3

Stake Petriak

Stake būreejtōn ej tōl jerbal eo an stake petriak eo. Ej kalōk juon jem̧jerā ippān. Kōn meļeļe ko reļļapļo̧k kōn kūr im wāween tōl stake petriak eo, lale 6.6.

6.2.1.4

Ko̧o̧njeļ, Kamiti ko, im Kweilo̧k ko

Stake būreejtōn eo ej tōl ko̧o̧njel eo eutije im stake ko̧o̧njeļ eo. E ej barāinwōt tōl kamiti eo an ritōl rūtto ro ilo stake eo (lale 29.3.8). E ej jitōn̄ rikakpilōklōk ro an n̄an lale rein ilaļ:

• Kamiti eo an ritōl ro an jodikdik ilo stake eo (lale 29.3.9).

• Kamiti eo an rūtto ro rejjan̄in m̧are ilo stake

• Kamiti eo an ro rūtto ro rejjan̄in m̧are ilo stake eo (n̄e ekar ejaake)

Kajjojo stake būreejtōn ej juon membōr in juon ko̧o̧njeļ in kōtōbalbal (lale 29.4).

Stake būreejtōnji eo ej karōk kweilo̧k ko an stake rej ellaajrak ilo 29.3. Stake būreejtōn eo ej tōl ilo kweiļok ko an stake ijjelo̧kin n̄e ewōr juon Eria Jiljilimjuonn̄oul ak Routiej an Kabun̄ in rej pād ilo kweilo̧k eo. Rikapilōklōk ro remaron̄ kōjekiik kweilo̧k kein. Remaron̄ bar tōl n̄e stake būreejtōn eo ejako.

6.2.1.5

Kūr ko im Kōtļo̧k ko

Eddo ko an stake būreejtōn eo kōn kūr ko im kōtļo̧k ko rej elaajrak ilo jepta 30. E emaron̄ kappeik rikakpilōklōk ro an im high ko̧o̧njeļ ro n̄an leļo̧k kūr ko im kōtļo̧k ko āinwōt an laajrak ilo 30.8. Stake būreejtōn eo ej make leļo̧k kūr kein. N̄an waanjon̄ak, ej aikuj m̧okta bōk mālim āinwōt kar je.

• Rikakpilōklōk ro ilo Stake Būreejtōnji eo. N̄e kūr juon stake būreejtōn, Ritōl eo Eutiej eo ej tōl ak Eria Jiljilimjuonn̄oul eo ej kūri im kōjeņolo̧ke rikakpilōklōk ro an, ro me kar kāālet in stake būreejtōn eo ekāāl. N̄e juon rikakpilōklōk ej aikuj kōtļo̧k ak kūri n̄an stake būreejtōnji eo, stake būreejtōn eo ej jilkinļo̧k juon elmakot ilo Leader and Clerk Resources (LCR). E emaron̄ intōrpiu, kūr, im kōjenolo̧k juon rikakpilōklōk—ak kōtļo̧k juon rikakpilōklōk—ālkin bōk mālim jān Būreejtōnji eo Kein Kajuon.

• Stake Petriak Stake būreejtōn eo emaron̄ intōrpiu, kūr, im kapit juon petriak ālkin bōk mālim ilo jeje jān Doulul eo an Jon̄oulruo Rijilōk ro. Lale 6.6.1.

• Bisop ro. Stake būreejtōnji eo emaron̄ leļo̧k etan em̧m̧aan eo ej lōm̧ņake n̄an kūri ak kōtļo̧ke āinwōt bisop ro. E ej bar kōmālim aer kōtļo̧k. E ej jilkinļo̧k mālim ko ilo LCR. E emaron̄ kūr, ekkapit, im kōjenolo̧k juon bisop—ak kōtļo̧k juon bisop—ālkin bōk mālim jān Būreejtōnji eo Kein Kajuon. E ej bar leļo̧k kii ko an priesthood ippānļo̧k kūr in. Lale 30.7.

• Būreejtōn ro an Doulul eo an Elder ro. Stake būreejtōn eo ej kūr im kōjenolo̧k būreejtōn ro an doulul eo an elder ro. Ej m̧okta kōnono ippān bisop ro. Ej bar leļo̧k kii ko an priesthood ippānļo̧k kūr in. Lale 8.3.3.1.

• Būreejtōnji an Doulul eo an Kōrā ro an Stake. Stake būreejtōn eo ej kūr im kōjenolo̧k juon kōrā n̄an jerbal āinwōt būreejtōn eo an Doulul eo an Kōrā ilo Stake.

Stake būreejtōn eo me ejjab maron̄ kōjerbal LCR eaikuj kūrļo̧k eria opiij eo n̄an kōm̧m̧ani mālim ko n̄e emein aikuj.

6.2.1.6

Doulul im Būrookram̧ ko an Stake

Stake būreejtōn eo ej oņaake Doulul eo an Kōrā ro ilo stake. Ej jitōn̄ rikakpilōklōk ro an n̄an eddoik Doulul eo an Likao ro ilo stake, Doulul eo an Jiron̄ ro, Būraimere, im doulul ko an Jabōt Jikuuļ.

Membōr ro an stake būreejtōnji eo emakijkij an kweilo̧k ippān būreejtōnji ko an doulul ko emōj jitōn̄ er n̄ani. Ilo kweilo̧k kein, rej:

• Lukkuun lale bwe būreejtōnji ko ren meļeļe eddo ko aer.

• Kapilōk doon kōn aikuj ko an ritōl ro ilo doulul ko.

N̄e juon doulul kāāl an stake būreejtōnji ej kūr, stake būreejtōnji eo ej kwaļo̧k ko̧o̧njeļ im visōn n̄an kajineet er ilo jerbal in jipan̄ eo aer.

Ilo United States im Canada, doulul in būreejtōn eo ekāāl emaron̄ bōk kajineet ko jān ko̧o̧njeļ in doulul eo eļap (lale 5.1.2). Ilo eria ko jet, būreejtōnji eo ekāāl emaron̄ barāinwōt bōk kajineet jān juon rikapilōk an eria doulul eo (lale 5.2.5.1). Kajineet in ej pād ium̧win tōl eo an stake būreejtōnji. Juon membōr in stake būreejtōnji eo ak juon high ko̧o̧njeļ kar jitōn̄e ej bōk koņaan.

Stake būreejtōn eo ej bar jitōn̄ rikakpilōklōk ro an n̄an lale būrookram̧ ko n̄e ekkar. Jekjek kein remaron̄ koba:

• Seminary im institute (lale chapter 15).

• Būrookraam̧ ko n̄an ro rūm̧m̧an ded im rūtto ro rejjan̄in wōr ruturier (lale 14.1.1).

• Makūtkūt ko an Stake (lale 20.3.2).

• Kōjan̄jan̄ ko (lale 19.5).

• Im̧ōn Kweilōk ko (lale 35.2.4).

Membōr ro an stake būreejtōnji eo emakijkij aer kweilo̧k ippān kamiti ko im rijipan̄ ro ilo būrookram̧ ko jet n̄an ijo emōj jitōn̄ er n̄ani.

6.2.1.7

Leto-letak Ennaan (Public Affairs)

Stake būreejtōnji eo ej tōl jerbal in kijejeto ko ikijeen leto letak meļeļe ilo stake eo. Membōr in stake būreejtōnji eo ewōr aer eddo n̄an em̧m̧an eo an Kabun̄ in ilo jukjukin pād ko. Rej lale n̄an kalōk jem̧jerā ko ippān kien im ritōl ro an jukjukin pād ko.

Stake būreejtōn eo jerbal āinwōt rikōnono eo eļap n̄an nuuj media ko kōn un ko me rej iookļo̧k stake eo. E emaron̄ leļo̧k eddo in n̄e ekkar.

Stake būreejtōn ak juon rikakpilōklōk em̧ōj ejaake im bōk eddo in juon ko̧o̧njeļ in leto letak meļeļe an stake. Ko̧o̧njeļ in ejipan̄ ritōl ro an Kabun̄ in kalōk jem̧jerā ko ippān kien im ritōl ro ilo jukjukin pād ko. Ej bar jipan̄ ritōl rein leto letak meļeļe ko rekarbab ippān membōr ro an Kabun̄ in im ilo jukjukin pād ko.

Ko̧o̧njeļ in leto letak meļeļe eo emaron̄ kobaik juon stake tōreektōr in leto letak meļeļe, rijpan̄ tōreektōr ro, im rijipan̄ ro n̄e ekkar. Rej kūr im kōjenolo̧k jān stake būreejtōn eo ak juon rikakpilōklōk eo kar jitōn̄e ak riko̧o̧njeļ eutiej.

Ebar wōr juon ko̧o̧njeļ in leto letak meļeļe ilo jon̄ak eo an ko̧o̧ņjeļ in kōtabōlbōl eo (lale 29.11). Ej tōl ium̧win tōl eo an juon Eria Jiljilimjuonn̄oul im ej tōl jān juon tōreektōr in leto letak meļeļe. Ko̧o̧njeļ in leto letak meļeļe in ejipan̄ jem̧jerā ko an coordinate eo, m̧akūtkūt ko, im menin kōnono ko me rejelet tōrere ko an stake eo. Tōreektōr eo an ko̧o̧njeļ in ej leļo̧k jipan̄ ko im kaminene ko n̄an ko̧o̧ņjeļ in leto letak meļeļe ko an stake eo.

Ko̧o̧njeļ in leto letak meļeļe in ej katakin Utah Eria. Eria Jiljilimjuonn̄oul ro ilo Utah Eria remaron̄ leļo̧k n̄an stake būreejtōn ro kōn meļeļe ko kōn katakin.

N̄an elōn̄ļo̧n̄ meļeļe ko kōn kūr ko an leto letak meļeļe, lale GCN.ChurchofJesusChrist.org .

6.2.2

Tōl Jerbal in Lo̧mo̧o̧r eo an Anij im Mour Ijo Eutiej Tata ilo Stake eo

Stake būreejtōn eo ej tōl jerbal in lo̧mo̧o̧r eo an Anij im mour ijo eutiej tata ilo stake eo (lale jebta 1). Ej katakin im rōjan̄ ritōl ro an stake im ward ko kōn jerbal in. Rikakpilōklōk ro an im ritōl ro jet remaron̄ jipan̄ e.

Ej jipan̄ membōr ro mour kake gospel eo im kōļapļo̧k mour in jetōb ko aer. Ej katakin er jar im ekkatak jeje ko rekwojarjar. Ej bar katakin er kōn bujen ko renaaj kōm̧m̧ani ilo aer būki kain̄i ko an ļomo̧o̧r im mour ilo aiboojoj eo eutiejtata. Ej rōjan̄ er n̄an kōjparok bujen ko aer.

Stake būreejtōn eo ej kōkajoorļo̧k baam̧le ko aer. Ej rōjan̄ er n̄an jar im ekkatak gospel in ippān doon, ekoba ilo nokon in jota. Ej katakin kōn naan im waanjon̄ak me kūr ko an Kabun̄ in remaron̄ kakūrm̧ooli ijjeļo̧kin kowaan eddo ko an baam̧le. Ej barāinwōt lale bwe m̧akūtkūt ko an Kabun̄ ren rie jān kijejeto ko an ro jinen im jemān n̄an karūttoļo̧k ajri ro ilo jim̧we.

Ilo kakkobaba n̄an jipan̄ membōr ro mour kōn gospel eo, stake būreejtōn eo ej bōk eddo in men ko jet an jerbal in lo̧mo̧o̧r eo an Anij im mour ijo eutiej tata ilo stake eo. N̄an waanjon̄ak, e ej:

• Jipan̄ likao ro kōppopo n̄an bōk Melkisedek Priesthood (lale 18.10.1).

• Tōl jerbal in kijejeto ko n̄an kea kōn ro rej pād ilo aikuj ilo stake eo (lale 22.9.1

• Ej bōk eddo in jerbal in mijenede ilo stake eo im rōjan̄ membōr ro n̄an jaketo jaketak gospel eo (lale 23.5).

• Bōk eddo in kijejeto ko n̄an kōkajoorļo̧k membōr ro rekāāl ilo stake eo (lale 23.5).

• Intōrpiuik ro rekkar n̄an jerbal in mijenede (lale 24.4.2).

• Lale tampeļ im jerbal in menmenbwij an baam̧le ilo stake eo (lale 25.3.1).

• Jipan̄ membōr kōppopo n̄an būki kain̄i ko an tmpeļ (lale 27.1).

• Ippān būreejtōnji eo Eutiej an Doulul an Kōrā ro an stake, ej kōmeļeļe im ej rie būreejtōnji ko an doulul eo an elder ro im Doulul an Kōrā ro an ward ilo eddo ko aer kōn jerbal in mijenede (lale 23.6.2) im tampeļ im jerbal in an menmenbwij an baam̧le (lale 25.2.2).

6.2.3

Riekajet

Stake būreejtōn eo ej riekajet ilo stake eo (lale Katak im Bujen Ko 107:71–74). E ej kabwijer kii ko an priesthood eo n̄an bōk im̧we im kōm̧m̧ani jokāālet ko ikkijien jeraam̧m̧an ilo jetōb in kanniōk an membōr ro an stake eo. Ilo eddo in, ewōr an eddo kein ilaļ:

• Kōm̧m̧ani intōrpiu ko kōn erreo āinwōt an ellaajrak ilo 31.2. Emaron̄ kōmālim rikakpilōklōk ro an n̄an tōl iien intōrpiu ko (lale 31.2.2).

• Kweilo̧k ippān stake membōr ro rej kappukot tōl an jetōb, ro rej eddo kōn inepata ko aer make, ak ro rekar kōm̧m̧ani jerawiwi ko reļļap. N̄an unin tōl ko, lale 31.1.

• Kōm̧m̧ani rekoot in ko̧o̧njeļ ko n̄e membōr ro rekar kōm̧m̧ani bōd ko reļļap (lale jepta 32

Ilo jerbal ko me rej aikuji mālim eo an Būreejtōnji eo Kein Kajuon, stake būreejtōn eo ej lukkuun ļōmņak in kajjitōk. Ej intōrpuik armej eo n̄an lale erreeo eo an.

Ālkin intōrpiu eo, stake būreejtōn eo ej jilkinļo̧k juon abūļkeijen n̄an Būreejtōnji eo Kein Kajuon wōt eļan̄n̄e emaron̄ rejtake n̄an kōmālim. Ej kōmeļeļeik un ko ilo riboot eo an.

Stake būreejtōn eo ej jilkinļo̧k abūļkeijen eo ilo Leader and Clerk Resources.

6.2.4

Rekoot ko, Jāān ko, im Men ko Mweien Kabun̄ in

Stake būreejtōn eo ej bōk eddo in rekoot ko, riboot ko, jāān ko, im men ko m̧weien Kabun̄ in ilo stake eo. Emaron̄ kappeik rikakpilōklōk ro an im kūļōk ro kōn eļap jerbal ikkijeen rekoot ko, reboot ko, im jāān ko. Ej jitōn̄ juon iaan ko̧o̧njeļ eutiej n̄an erom̧ eo ej pinej jenkwan stake n̄an lale im̧ōnjar ko im n̄an jipan̄ bōk eddoin men ko m̧weien Kabun̄ in.

Lale jebta in ilaļ n̄an eļapļo̧k meļeļe:

• Jepta 33 (rekoot ko)

• Jepta 34 (jāān ko)

• Jebta 35 (im̧ōnjar ko)

6.3

Oktak in mālim ko ikōtaan District Būreejtōn ro im Stake Būreejtōn ro

Ilo kajjojo membōr district, juon rikabwijer Melkisedek Priesthood eo ej kūr āinwōt district būreejtōn. Ej kabwijer priesthood kii ko rekkar n̄an tōl (lale 3.4.1.1). Ej jerbal āinwōt ļo̧k juon stake būreejtōn ak kōn wōt oktak kein ilaļ:

• Ekar kūr im kōjenolo̧k jān mijen būreejtōn eo, ālkin kōmālim jān Eria Būreejtōnji eo (lale 30.8.4). Juon stake būreejtōn ej kūr im kōjenolo̧k jān juon Ritōl Eutiej kar jitōn̄e ak Eria Jiljilimjuonn̄oul (lale 30.8.3).

• E emaron̄ in juon elder ak juon pris eo eutiej. Juon stake būreejtōn eaikuj in juon pris eo eutiej.

• Ejjab būreejtōn eo an juon doulul eo an pris ro routiej. Kain doulul ko rej ejaak wōt ilo stake ko.

• Juon District būreejtōn ej tōl aolep rikabwijer ro an priesthood eo ilo district eo. Ijoke, mijen būreejtōn eo ej ritōl pris eo eutiej.

• Kōn mālim eo an mijen būreejtōn eo, juon district būreejtōn emaron̄ intōrpiuik juon būratōr bwe en ekkapit juon elder. Mālim emaron̄ leļo̧k io kajjojo jekjek. Juon district būreejtōn ak juon eo ium̧win tōl eo an emaron̄ barāinwōt (1) kwaļo̧k etan juon būratōr n̄an rejetak im (2) kōm̧m̧ane ekkapit eo (lale 18.10.1.3, 18.10.3, im 18.10.4). Ijoke, juon district būreejtōn eban kapit petriak ro, pris ro routiej, ak bisop ro.

• Kōn mālim eo an mijen būreejtōn eo, juon district būreejtōn emaron̄ kōjenoļo̧k branch būreejtōnji ro (lale 18.11 Mālim in emaron̄ leļo̧k ilo kajjojo jekjek.

• E ejjab kōtļo̧k mijenede ro rej jerbal aolep raan. Ijoke, e emaron̄ bōk kuņaan ippān juon membōr in mijen būreejtōnji eo intōrpiu in kōtļo̧k eo. Eļan̄n̄e ito itak ak ejjab ļap iien ekōm̧m̧an an kanooj in pen n̄an an juon membōr mijen būreejtōnji eo kōtļo̧k juon mijenede, mijen būreejtōn eo emaron̄ kōmālim district būreejtōn eo n̄an kōm̧m̧ane āindein (lale 24.8.2).

• E ejjab kōm̧m̧an intōrpiu in peba in mālim n̄an deļo̧n̄e tampeļ eo ak jaini peba in mālim n̄an deļo̧n̄e tampeļ eo (lale 26.3.1).

• E ejjab kōm̧m̧ane juon ko̧o̧neļ an ro uwaan m̧ae emālim jān mijen būreejtōn eo (lale 32.9.5).

• E ejjab kijon̄ kajju jeje ak kōnono ippān Eria Būreejtōnji eo. Ijoke, e ej jerbal ippān mijen būreejtōnji eo.

Ilo iien ko rejidimkij, district būreejtōn eo emaron̄ bōk mālim n̄an kōmālim, kōjenolo̧k, im kōtļo̧k mijenede ro. E emaron̄ bar bōk mālim n̄an kōm̧m̧an intōrpiu n̄an peba in mālim n̄an deļo̧n̄e tampeļ im jaini peba ko. E emaron̄ barāinwōt kōmālim kōjenolo̧k eo an rikakpilōklōk ro an.

N̄e Eria Būreejtōnji eo rej lo ke district būreejtōn eo eaikuj leļo̧k mālim in, rej kōmālim e n̄an Būreejtōnji eo Kein Kajuon. N̄e em̧ōj kōmālimi, ekkar n̄an armej eo, ejjab jerbal eo. N̄e juon district būreejtōn ej kūr, mālim in kar leļo̧k ejjab etal n̄an e.

6.4

Rijeje eo Eutiej an Stake, Rijeje Rijipan̄ ro Eutiej an Stake, Stake Kūļōk, im Rijipan̄ Rijeje ro an Stake

6.4.1

Rijeje eo Eutiej an Stake im Rijeje Rijpan̄ ro Eutiej an Stake

Stake būreejtōn ak juon rikakpilōklōk eo kar jitōn̄ e n̄an kūr im kōjenolo̧k juon rijeje eutiej an stake. E ej aikuj kabwijer Melkesidek Priesthood eo im ewōr juon an peba in mālim an tampeļ ekāāl.

Rijeje eo aeutiej ewōr ippān eddo kein:

• Kweilo̧k ippān stake būreejtōnji ro im kōpooj peba in kweilo̧k eo n̄e kar jitōn̄e.

• Jerbal āinwōt uwaan stake ko̧o̧njeļ eo im ej pād ilo kweilo̧k ko an ko̧o̧njeļ eo eutiej. Āinwōt karōk jān stake būreejtōnji eo, ej etale jerbal ko kar kōm̧m̧an ilo kar kweilo̧k ko.

• Ej lo̧lo̧o̧rjake jerbal ko an stake ikōtaan stake būreejtōnji eo, ko̧o̧njeļ eo eutiej, im ritōl ro jet ilo stake.

• Ej barāinwōt karōk e iien ko n̄an stake būreejtōnji eo.

• Ej kapilōk stake būreejtōnji eo kōn membōr ro rej delo̧n̄e military ak ro rej pād ilo jerbal in military. Ium̧win karōk eo an stake būreejtōnji eo, emaron̄ in jipan̄ leļo̧k katak ko an Kabun̄ n̄an membōr ro ilo stake eo ro me rej deļo̧n̄e tariņae (lale 38.9.3).

• Katakin rijeje ro an ward ilo iien eo rej kūr. Leļo̧k kaminene ko n̄e aikuji.

• Ennaan ko būki jān rijerbal ro an Kabun̄ in im baļōntier ro n̄an stake im ward ritōl ro rekkar, āinwōt kar kōmeļeļeiki ān stake būreejtōn eo (lale 38.8.9).

Juon ak ruo rijipan̄ rijeje eutiej emaron̄ kūr n̄e menin aikuj. Rej kūr im kōjenolo̧k jān juon membōr in stake būreejtōnji eo. Em̧m̧aan rein ej aikuj wōr juon aer peba in mālim an tampeļ ekāāl.

6.4.2

Stake kūļōk im Rijipan̄ Stake kūļōk ro

Stake kūļōk eo ej kūr im kōjenolo̧k jān stake būreejtōn eo ak rikakpilōklōk eo em̧ōj jitōn̄e. E ej juon membōr in stake ko̧o̧njeļ eo. Rijipan̄ an stake kūļōk ro remaron̄ barāinwōt kūr er. Stake būreejtōn eo an rikakpilōklōk eo kar jitōn̄e ej kūr im kōjenolo̧k er. Eddo ko an stake kūļōk im Rijipan̄ Stake kūļōk ro rej kōmeļeļeiki ilo 33.3.2 im 33.3.3.

6.5

High Ko̧o̧njeļ

Stake būreejtōnji eo ej kūr 12 pris ro reutiej n̄an ejaakehigh ko̧o̧njeļ eo an stake (lale Katak im Bujen Ko 102:1; 124:131). Eļan̄n̄e juon elder ej kūr n̄an jerbal ilo ko̧o̧njeļ eo eutiej, ej aikuj in ekkapit n̄an juon pris eo eutiej mokta jān an kōjenolo̧k.

Ium̧win tōl eo an stake būreejtōnji eo, high ko̧o̧njeļ ro rej jipan̄ kōn jerbal in lo̧mo̧o̧r eo an Anij im mour ijo eutiej tata ilo stake eo. Pedped in tōl im jipan̄ ko rej kalikkari ilo laajrakin jekjōn kein ilaļ.

Juon ko̧o̧njel eo eutiej rejjab maron̄ kweļo̧k m̧ae juon membōr in stake būreejtōnji eo ej pād.

6.5.1

Ribōk jikin Stake Būreejtōnji eo

Stake būreejtōnji eo ej kappeik juon high ko̧o̧njeļ n̄an kajjojo ward ilo stake eo.

Stake būreejtōnji eo ej kappeik juon high ko̧o̧njeļ n̄an kajjojo doulul an elder ro ilo stake eo. Ilo jerbal in, high ko̧o̧njeļ ro rej jineete būreejtōnji eo ekāāl an doulul eo an elder ro. Menin ekoba leļo̧k naan in kōmeļeļe jān jepta ko 1–4 im 8 jān bok in bōk meļeļe in.

High ko̧o̧njeļro kar jitōn̄ er n̄an doulul eo an elder ro rej kweilo̧k emakijkij ippān ritōl ro an doulul in n̄an kōm̧m̧ani men kein:

• Jeļā aikuj ko aer.

• Leļo̧k jipan̄.

• Katakin er eddo ko aer, ekoba ko kōn jerbal in mijenede (lale 23.6.2) im tampeļ im jerbal in menmenbwij an baam̧le (lale 25.2.2).

• Bōk ennaan jān stake būreejtōnji eo.

• Kōnono elmen jipan̄ membōr ro an doulul eo ro rej aikuj bōk kain̄i eo juon. Meļeļe in ej pād n̄anritōl ro an doulul eo an elder ro ilo LCR.

N̄e emenin aikuj ak kūr, rej pād ilo kweilo̧k ko and doulul eo an elder ro im kweilo̧k ko an doulul eo an būreejtōnji. Ilo iien eo, doulul eo an būreejtōnji eo emaron̄ in kūrtok high ko̧o̧njeļ eo n̄an jipan̄ er ilo aer jerbal in karejar n̄an ward membōr ro.

N̄e kūr ak ijjitōn̄, high ko̧o̧njeļ ro rej pād ilo kweilo̧k ko an bisoprik eo im ward ko̧o̧njeļ eo.

Stake būreejtōnji eo maron̄ jitōn̄ high ko̧o̧njeļ ro n̄an kamineneik armej rein ilaļ kōn eddo ko aer kōn tampeļ im jerbal in menmenbwij an baam̧le im jerbal in mijenede.

• Būreejtōni ko an Doulul Elder ro

• Ritōl eo an mijen ilo ward eo

• Ritōl eo an Tampeļ im Menmenbwij an Baam̧le

Juon ak elōn̄ļo̧k high ko̧o̧njeļ ro maron̄ ijjitōn̄ n̄an tōl kijejeto kein ilo stake eo. Ijoke, high ko̧o̧njeļ ro ewōr aer eddo n̄an ward ko im doulul eo an elder ro me rej ijjitōn̄ n̄ani.

High ko̧o̧njel ro rej kapilōk kōn im rejetake ļōmņak ko an stake būreejtōnji eo n̄an kapit em̧m̧aan ro n̄an opiij ko an elder im pris eo eutiej. Stake būreejtōn eo maron̄ in kōmālim juon high ko̧o̧njeļ n̄an bōk jikin n̄e em̧m̧aan ro rej ekkapit n̄an opiij kein. High ko̧o̧njeļ rein rej lukkuun lale bwe kain̄i kein rej kōm̧m̧an ilo jejjet.

High ko̧o̧njeļ ro rej bar kōnono ippān stake būreejtōnji eo im rejtake kālet ko aer n̄an leļo̧k kūr ko n̄an membōr ro. Stake būreejtōn eo emaron̄ kōmālim high ko̧o̧njeļ ro n̄an leļo̧k jet iaan kūr ko, kwaļo̧k etan membōr ro n̄an rejetake er, im kōjenolo̧k jet membōr ro. (Lale 30.8.)

Stake būreejtōn eo ej jitōn̄ juon high ko̧o̧njeļ ro n̄an jerbal ippān Doulul eo an Jiron̄ ro im Būraimere ilo stake. N̄e juon membōr in stake būreejtōnji eo ej kweilo̧k ippān juon iaan būreejtōnji kein, high ko̧o̧njeļ eo ej bar pād. High ko̧o̧njeļ ro kar ijjitōn̄ er rej bar pād ilo kweilo̧k ko an ritōl ro an stake ilo doulul kein.

Stake būreejtōnji eo emaron̄ jitōn̄ high ko̧o̧njeļ ro n̄an jipan̄ ilo būrookram̧ kein rej ellaarak ilo 6.2.1.6. Rej maron̄ barāinwōt kappeik juon high ko̧o̧njeļ n̄an jipan̄ kōn aikuj ko an membōr ro ewōr aer nan̄inmej in ānbwin (lale 38.8.27).

Stake būreejtōnji eo emaron̄ jitōn̄ juon high ko̧o̧njeln̄an bōk jikier ilo kōnono ilo kweiļo̧k ko an kwojkwoj im kweilo̧k ko jet. Stake Būreejtōnji eo ej kwaļo̧k emakijki in ijjitōn̄in kōnono. Ejjab menin aikuj n̄an high ko̧o̧njeļ ro n̄an kōnono ilo kweilo̧k in kwojkwoj eo aolep allōn̄. Stake būreejtōnji eo emaron̄ barāinwōt jitōn̄ ro uwaan būreejtōnji doulul eo n̄an kōnono ilo jekjek kein (lale 6.7.1 im 6.7.2).

6.5.2

Jerbal ilo Stake Ko̧o̧njel koim Kamiti ko

Aolep high ko̧o̧njeļ ro rej jerbal ilo stake ko̧o̧njeļ eo.

N̄e jekjek ko rejabwe, high ko̧o̧njeļ ro rej pād ilo ko̧o̧njeļ ko an ritōl ilo stake (lale 32.9.2).

Stake būreejtōnji eo maron̄ jitōn juon high ko̧o̧njeļn̄an jerbal ilo kamiti ko jet. N̄an waanjon̄ak, high ko̧o̧njeļ ro me kar ijjitōn̄ n̄an jerbal ippān doulul eo an elder ro ilo kamiti eo an ritōl rūtto an stake (lale 29.3.8).

6.5.3

Jerbal āinwōt Ritōl ro an Doulul eo an Stake

Stake būreejtōnji eo ej kūr im kōjenolo̧k juon high ko̧o̧njeļ n̄an erom būreejtōn eo an Doulul eo an Likao ro ilo stake eo (lale 6.7.2). Rej kūri im kōjenolo̧k bar juon high ko̧o̧njeļ n̄an erom būreejtōnji an Jabōt Jikuuļ ilo stake eo (lale 6.7.1).

6.6

Stake Petriak

Juon petriak ej juon opiij ilo Melkisedek Priesthood eo. Petriak ro rekar kūr im kar ekkapit n̄an leļo̧k kōjeraam̧m̧an ko an petriak n̄an membōr ro an Kabun̄ in rereeo. Jekjōn in ej kōllaajrak eddo ko an stake būreejtōn eo n̄an stake petriak eo. N̄an meļeļe kōn kōjeraam̧m̧an ko an petriak, lale laajrakin kein jipan̄ kein:

• Jekjōn ko 18.17 im 32.2.10 ilo bok in bōk meļeļe in

• Meļeļe im Elmakot ko n̄an Petriak ro

• Kweilo̧k in Kaminene an Ritōl Aolepān Laļ in: Petriak eo

Lale Meļeļe im Elmakot ko n̄an Petriak ro meļeļe ko kōn:

• Petriak ro rej kōm̧m̧an jerbal.

• Petriak ro rej em̧m̧akūt n̄an bar juon stake.

6.6.1

Kūr, Rejetake, im Kapit juon Stake Petriak

Juon petriak eaikuj in juon rikabwijer Melkisedek Priesthood eo erreeo. E eaikuj in meļeļe gospel in im m̧weeier an jetōb. E eaikuj m̧ōj an bōk juon an make kōjeraam̧m̧an eo an petriak. Ekkā an aikuj in 55 iiō dettan ak rūttoļo̧k. Ej aikuj in m̧ōj an m̧are n̄e kūr e.

Doulul eo Jon̄oulruo Rijilōk ro ej leļok kūr eo an stake petriak ro (lale Katak im Bujen Ko 107:39). Stake būreejtōn eo emaron̄ kōmālim wōn eo ej kūr. E ej jilkinļo̧k mālim ko ilo LCR. Ilo kōm̧m̧ane kile in, stake būreejtōnj eo ej aikuj in jitlo̧k im jar bwe Jetōb en tōl e. Rikakpilōklōk ro an reaikuj errā kōn kōmālim in.

N̄e Doulul eo an Jon̄oulruo Rijilōk ro rej kōmālim mālim eo, stake būreejtōn eo emaron̄ bōk mālim n̄an intōrpiuik im kūr petriak eo. Innām ej kwaļo̧k etan petriak eo rejtak ilo m̧wen̄an eo eļap an kweilo̧k eo eļap tok juon an stake eo.

Stake būreejtōn eo ej kapit petriak eo. E eban leļo̧k eddo in n̄an juon rikakpilōklōk. Ejjeļo̧k bar ej jutak ippān ilo iien ekkapit eo. Juon petriak eo ekāāl eaikuj m̧okta ekkapit n̄an opiij eo innām kōjenoļo̧k n̄an jerbal ilo stake eo ekkar. Petriak eo em̧ōj an kar ekkapit m̧oktaļo̧k eo ej bar ro̧o̧ltok n̄an jerbal ejjab aikuj in bar ekkapit. Ijoke, ej kōjenolo̧k.

Ekkapit eo eaikuj in rekoot ilo LCR m̧okta jen an petriak eo maron̄ deļo̧n̄e online in jerbal ko n̄an petriak.

Juon petriak eo ej jerbal ej juon membōr an doulul in pris ro routiej an stake.

6.6.2

Kūr Stake Petriak eo Kein Karuo

Doulul eo an Jon̄oulruo ekkā an jab errā n̄an kūr juon kein karuo in petriak n̄an juon stake ijello̧kin wōt n̄e petriak eo m̧okta ejjab maron̄ jerbale im leļo̧k jon̄an kōjeraam̧m̧an ko kar kajjitōk kaki. Ak Doulul eo an Jon̄oulruo Rijilōk ro ekkā aer kōmālim elōn̄lōn̄ petriak kōnke stake eo:

• Peļaak eo ekilep ke.

• Ekoba membōr ro rejjab kōnono juon wōt kajin.

Eļan̄n̄e juon stake ekitbuuj membōr ro rej kōnono kajin ko jet, bisop ro im stake būreejtōnji ro remaron̄ kōmālim er n̄an etal n̄an juon bar petriak ej jokwe epaake stake eo emaron̄ leļo̧k kōjeraam̧m̧an eo ilo kajin eo make an membōr eo.

6.6.3

Katakin juon Stake Petriak eo Emōj Kūri

Stake būreejtōn eo ej katakin stake petriak eo em̧ōj kūri m̧okta jen an jino leļo̧k kōjeraam̧m̧an ko. Ej katakin petriak eo kōn kwojarjar eo, revelesōn eo ilo opiij eo an. Ej lukkuun etale ippān petriak eo naan in kōmeļeļe ko ilo kein jipan̄ kein:

• Meļeļe im Elmakot ko n̄an Petriak ro

• Kweilo̧k in Kaminene an Ritōl Aolepān Laļ in: Petriak eo

6.6.4

Lale im Tōl Jerbal eo an Stake Petriak

Stake būreejtōn eo ej bōk eddo in jerbal eo an petriak eo āinwōt kar kōllaajrake ilo Information and Suggestions for Patriarchs. Ej aikuj jab kōjekiik eddo in n̄an juon iaan rikakpilōklōk ro an. Juon petriak ej bōk jipan̄ jān juon jem̧jerā eo epaake stake būreejtōn eo an.

Stake būreejtōn eo ej tōpar petriak eo diktata ruo kōttan juon iiō. Rej kōnono kōnono kōn en̄jake eo an petriak eo kōn jerbal eo, ājmour im em̧m̧anļo̧k eo an baam̧le eo an, im jabdewōt men ko jet ko im aikuji n̄an rōjan̄ e kaki.

Diktata ruo alen ilo juon iiō, stake būreejtōn eo ej etale kōjeraam̧m̧an ko petriak eo ekar kōm̧m̧ani. N̄e emenin aikuj, emaron̄ kōm̧m̧an elmakot ko reļļap kōn kobban kōjeraam̧m̧an ko an petriak eo.

Stake būreejtōn eo ej lale bwe kape ko an kōjeraam̧m̧an ko rej lilo̧ki n̄an armej ro tollokier. Ej barāinwōt lukkuun lale bwe aolep kōjeraam̧m̧an ko ren dedeļo̧k im jilkinļo̧k n̄an Opij ko reļļap an Kabun̄ in. Kōjeraam̧m̧an ko rej aikuj dedeļo̧k im jilkinļo̧k ilo Patriarchal Blessings System ilo ChurchofJesusChrist.org. N̄e system eo ejjab jerbal, kōjeraam̧m̧an ko reaikuj in māel n̄an atōreej kein ilaļ diktata kajjojo jiljino allōn̄.

Ļāibāre in Jikin Bwebwenato ko an Kabun̄ in

N̄an: Kōjeraam̧m̧an ko an Petriak

15 East North Tempel Street

Salt Lake City, UT 84150-1600

6.6.5

Eņņojak eo an Kōjeraam̧m̧an ko an Petriak

Stake būreejtōn eo ej lukkuun lale bwe ālkin an petriak eo leļo̧k n̄an armej eo juon kape in kōjeraam̧m̧an eo an petriak im kar jilkinļo̧k n̄an headquarter eo an Kabun̄ in, aolep peba ko jet im kape ko reaikuji in kakkuri ak jeeri. Petriak eo eaikuj in lukkuun lale bwe kōjeraam̧m̧an ko kar jeeri jān kamputōr eo an eban bar waļo̧k.

6.6.6

Petriak ro im Em̧ōj Leļo̧k n̄an Er Bar Juon Kūr an Kabun̄ in

Juon petriak maron̄ jab kūri n̄an juon jerbal in tōl an Kabun̄ in ijello̧kin n̄e Doulul eo an Jon̄oulruo Rjilōk ro rej kōmālim m̧oktaļo̧k. Kain jerbal rōt in ekoba juon membōr in bisoprik eo; high ko̧o̧njel; ak būreejtōnji an stake, mijen, ak tampeļ. N̄e mālim eo kar leļo̧k, petriak eo ej bōk juon jekjek āinwōt kūr eo an ejjab jerbal.

Juon petriak emaron̄ in bar kūr n̄an jabdewōt kūr ijelo̧kin mālim jān Doulul eo an Jon̄oulruo ro. E emaron̄ bar jerbal āinwōt juon riliāp ak rijerbal in kain̄i an tampeļ.

6.6.7

Rijeje Kōjeraam̧m̧an ko an Petriak

Stake būreejtōn eo ak juon iaan rikakpilōklōk ro an remaron̄ kūr im kōjenoļo̧k juon eo erreeo, membōr eo ekapeel jān stake eo n̄an jeje kōjeraam̧m̧an ko an petriak, ijelo̧kin n̄e petriak eo emaron̄ make jeje im make kōm̧m̧ani. Elōn̄ jān juon rijeje maron̄ kūri n̄e ekkar.

Rijeje eo eaikuj in jeļā bwe aolep kōjeraam̧m̧an rekwojarjar im ren pād ilo ittino. Ejjeļo̧k kape in jabdewōt kōjeraam̧m̧an maron̄ waļo̧k jān rijeje eo ak petriak eo. (Lale 6.6.5.)

6.7

Doulul ko an Stake

Doulul eo an Kōrā ro, Doulul eo an Jiron̄ ro, Būraimere, Jabōt Jikuuļ, im Doulul ko an Likao ro rej aolep tōl jān juon būreejtōn. Būreejtōn rein rej jerbal ium̧win tōl eo an stake būreejtōnji.

Ilo stake ko reļļap, juon būreejtōn an doulul emaron̄ kōmālim juon ak ruo rikakpilōklōk ro im juon rijeje n̄an jerbal ippān. Stake būreejtōnji eo ej ļōmņak kōn elmakot kein.

Lukkuun eddo ko an ritōl rein rej n̄an jipan̄ stake būreejtōnji eo im n̄an katakin im jipan̄ būreejtōnji ko an doulul ko an ward. Rejjab aikuj in kōm̧m̧ani eddo ko me reaikuj in kar kōm̧m̧an ilo ward eo ak ļābōl an baam̧le. Rejjab bar ejaak elōn̄ļo̧k eddo ko n̄an būreejtōnji ko an doulul an ward eo.

6.7.1

Būreejtōn ro n̄an Doulul eo an Kōrā ro, Doulul eo an Jiron̄ Ro, Būraimere, im Jabōt Jikuuļ

Stake būreejtōn eo ej kūr im kōjenolo̧k juon kōrā n̄an jerbal āinwōt būreejtōn eo an Doulul eo an Kōrā ilo stake. E ak juon rikakpilōklōk eo kar jitōn̄e ej kūr im kōjenolo̧k sister ro n̄an erom̧ būreejtōn ro an Doulul eo an Jiron̄ ro im Būraimere. Eļan̄n̄e rikakpilōklōk ro im rijeje ro rej kūr er, juon membōr in stake būreejtōnji eo ak juon high ko̧o̧njel em̧ōj jitōn̄e ej kūr im kōjenolo̧k er.

Stake būreejtōn eo ej kūr im kōjenolo̧k juon ko̧onjeļ eo eutiej n̄an jerbal āinwōt būreejtōn n̄an Jabōt Jikuuļ.

Membōr in būreejtōnji ko ewōr ippāer laajrak in eddo kein:

• Jerbal ilo stake ko̧o̧njeļ (būreejtōn ro wōt). memberBōk koņaer ilo jerbal ko rem̧m̧an n̄an kalōk tōmak im kōkajoorļo̧k kajjojo armej im baam̧le ko ilo stake eo.

• Rej katakin būreejtōnji ro rekāāl an ward ilo radik ko. Menin ekoba leļo̧k naan in kōmeļeļe ko jān jepta 1–4 ilo bok in bōk meļeļe in im jepta eo n̄an doulul eo aer.

• Leļo̧k jipan̄ im katakin. Rej kōnono ippān būreejtōnji ko an doulul ko an ward aolep iien n̄an ekkatak kōn aikuj ko aer, kōnono kōn menin aikuj ko an membōr ro rej jerbal, im kōnono kōn meļeļe ko jān stake būreejtōnji eo. Karōk ippān ritōl ro an ward n̄an lali kweilo̧k ko aer im kūlaaj ko emakijkij.

• Katakin būreejtōnji ko an doulul eo an ward eo ilo iien kweilo̧k in kaminene an ritōl ro an stake (lale 29.3.4). Men kein rej kōm̧m̧an juon katten ilo juon iiō. Stake būreejtōnji eo emaron̄ kōmālim ruo katten kweilo̧k n̄e eban juon eddodo n̄an ro rej bōk kuņaer. Bisop ro remaron̄ in kajjitōk elōn̄ļo̧k kōmeļeļe ko n̄an būreejtōnji ro an doulul ko an ward.

• Kōnono emakijkij n̄an doon ilo kweilo̧k in būreejtōnji ko aer (n̄e rikakpilōklōk ro em̧ōj kar kūr). Kōnono emakijkij ippān membōr in stake būreejtōnji eo kōn eddo in jerbal eo aer.

• Pād ilo kweilo̧k ko an ko̧o̧njeļ in kōtōbalbal n̄e kūr jān Eria Jiljilimjuonn̄oul eo (lale 29.4).

• Kōnono ilo kweilo̧k in kwojkwoj eo im kweilo̧k ko jet n̄e kūr jān stake būreejtōnji eo.

• Ilo stake ko reļļap, jilkinļo̧k kajjitōk ko n̄an stake būreejtōnji eo kōn rikakpilōklōk ro im ro jet maron̄ kūr er n̄an jerbal ilo doulul ko aer n̄e ej menin aikuj. Kōn unin tōl ko, lale 30.1.1 im 30.1.5.

Doulul eo an Kōrā ro, Doulul eo an Jiron̄ ro, im būreejtōnji ro an Būraimere remaron̄ kobaik m̧akūtkūtkūt ko n̄an doulul ko aer. M̧akūtkūt kein remaron̄ aolep kōrā ro, jiron̄ ro, im leddik ro 8 im rūttoļo̧k.ilo stake eo. Kain m̧akūtkkūt rot in emaron̄ kōm̧m̧an ilo elōn̄ļo̧k stake ko. Būreejtōnji ro rej kōnono ippān doon n̄an kōmālim kobain m̧akūtkūt ko n̄an stake būreejtōnji eo (lale 20.3.1). Kain m̧akūtkūt rōt in emaron̄ in pād ilo juon iaan m̧akūtkūt ko an Doulul eo an Kōrā ro ilo stake (lale 6.7.1.1).

6.7.1.1

Kakkobaba in Eddo ko an Doulul eo an Kōrā ro ilo Stake

Būreejtōn eo an Doulul eo an Kōrā ro ewōr ippāer eddo kein rej ellaajrak.

• Jerbal ilo kamiti eo an ritōl rūtto ro an stake (lale 29.3.8). N̄e juon rijeje kar kūri, ej aikuj bar pād.

• Katakin būreejtōn ro an Doulul eo an Kōrā ro an ward kōn pedped in katak ko kōn jerbal in karejar im kea kōn ro rej pād ilo aikuj. Jipan̄ er meļeļe jerbal eo aer n̄an jipan̄ bisop ro kōn menin jipan̄ ko ilo āinwin im un̄n̄are peid make.

• Katakin būreejtōnji ko an Doulul eo an Kōrā ro an ward eo kōn eddo ko aer kōn jerbal in mijenede (lale 23.6.2) im tampeļ im jerbal in menmenbwij an baam̧le (lale 25.2.2).

• Kōkajoorļo̧k leddik ro rerūtto rejjan̄in m̧are ilo stake eo. Eļan̄n̄e stake eo ewōr an kamiti an ro rūm̧m̧an ded ro rejjan̄in m̧are, juon membōr in būreejtōnji eo ej jerbal ilo kamiti eo. Menin em̧ool n̄e stake eo ewōr kamiti an rūtto ro rejjan̄in m̧are. (Lale 14.1.1.2.)

• Ej barāinwōt kōjeikik kijejeto ko an Doulul eo an Kōrā ro an stake ilo iien idin̄ ko.

Būreejtōnji eo Doulul eo an Kōrā ilo stake emaron̄ karōk im kōm̧m̧ane juon ak ruo kweilo̧k ko kajjojo iiō n̄an aolep kōrā ro ilo Doulul eo an Kōrā ro ilo stake eo. Kweilo̧k kein rej kōm̧m̧an ium̧win tōl eo an stake būreejtōnji eo. Men kein remaron̄ koba jerbal in jipan̄, kūlaj ko, būroojāāk ko, kweilo̧k eļļap ko, ak iien ekkatak ko. Būreejtōnji eo an Doulul eo an Kōrā ro emaron̄ ejaake kamiti ko n̄an jipan̄ n̄e aikuj.

6.7.1.2

Kakkobaba in Eddo ko an Doulul eo an Jiron̄ ro ilo Stake

Būreejtōn eo an Doulul eo an Jiron̄ Ro ewōr ippān jerbal kein:

• Jerbal ilo kamiti eo an ritōl an jodikdik an stake (lale 29.3.9). N̄e juon rijeje kar kūri, ej aikuj bar pād.

• Ium̧win tōl eo an stake būreejtōnji eo, karōk im lolorjake m̧akūtkūt ko im kāām ko an Doulul eo an Jiron̄ ro ilo stake eo.

6.7.1.3

Kakkobaba in Eddo ko an Stake Būraimere Būreejtōnji eo

Stake Būraimere būreejtōnji eo emaron̄ jet iien karōk m̧akūtkūt an stake n̄an ajri ro 8 n̄an 11 iiō dettaer. Makūtkūt kein remaron̄ n̄an leddik ro, ļaddik ro, ak jim̧or. Rej ļoor unin tōl ko ilo 12.2.1.3.

6.7.1.4

Kakkobaba in Eddo ko an Būreejtōnji an Jabōt Jikuuļ an Stake.

Būreejtōn eo an Jabōt Jikuuļ ilo stake ewōr ippān jerbal kein:

• Rej jerbal āinwōt ņakņōk ro ilo kijejeto ko an stake n̄an kōkōm̧anm̧anļo̧k katak im katakin gospel eo.

• Jentōr ko an menin jipan̄ ko ilo stake n̄e ewōr ilo ijo (lale 13.7.2.

6.7.2

Būreejtōnji an Doulul an Likao ro an Stake

Stake būreejtōnji eo ej kūr im kōjenolo̧k juon ko̧onjeļ eutiej n̄an jerbal āinwōt būreejtōn eo an Doulul eo an Likao ro. Ro uwaan ko̧o̧njeļ eo eutiej kar jitōn̄ er n̄an Doulul eo an Jiron̄ ro im Būraimere remaron̄ jerbal āinwōt rikakpilōklōk ro an.

Ilo juon stake ekilep, juon ak ruo bar rikabwijer Melkisedek Priesthood ro jān stake maron̄ kūr er āinwōt rikakpilōklōk ro. Juon rikabwijer priesthood eo emaron̄ bar kūri āinwōt juon rijeje (lale 6.7.3). Stake būreejtōn eo an Doulul eo an Likao ro ej leļo̧k etan wōn ro n̄an kūr. Kōn unin tōl ko, lale 30.1.1 im 30.1.2. Rikakpilōklōk ro im rijeje ro rej kūr im kōjenolo̧k jān juon membōr in stake būreejtōnji ak juon high ko̧o̧njeļ eo em̧ōj jitōn̄e.

Būreejtōnji eo an Doulul an Likao ro ilo stake ewōr ippān jerbal kein:

• Jerbal ilo stake ko̧o̧njeļ (būreejtōn ro wōt, n̄e rikakpilōklōk ro an rej high ko̧o̧njeļ ro). memberBōk koņaer ilo jerbal ko rem̧m̧an n̄an kalōk tōmak im kōkajoorļo̧k kajjojo armej im baam̧le ko ilo stake eo.

• Jerbal āinwōt menin jipan̄ n̄an bisoprik ro ilo eddo ko aer n̄an em̧m̧aan ro ilo Priesthood eo an Aron. Menin ekoba jipan̄ er meļeļe eddo ko n̄an doulul ko an Priesthood eo an Aron, āinwōt kar tōl jān stake būreejtōn eo.

• Emakijkij kōnono ippān doon ilo kweilo̧k in būreejtōnji ko aer make. Kōnono emakijkij ippān membōr in stake būreejtōnji ro rej eddoik n̄an jerbal ko aer.

• Jerbal ilo kamiti eo an ritōl an jodikdik an stake (lale 29.3.9). N̄e juon rijeje kar kūri, ej aikuj bar pād.

• Ium̧win tōl eo an stake būreejtōnji eo, karōk im lolorjake m̧akūtkūt ko im kāām ko an Priesthood eo an Aron.

• Kōnono ilo kweilo̧k in kwojkwoj eo im kweilo̧k ko jet n̄e kūr jān stake būreejtōnji eo.

• Pād ilo kweilo̧k ko an ko̧o̧njeļ in kōtōbalbal n̄e kūr jān Eria Jiljilimjuonn̄oul eo (lale 29.4).

Būreejtōnji eo an Doulul eo an Likao ro ilo Stake ejjab kōm̧m̧ane juon kweilo̧k an ritōl ro an juon stake. Kōmeļeļe ko n̄an ro ewōr aer eddo n̄an doulul ko an Priesthood eo an Aron ej itok jān kweilo̧k ko an priesthood ritōl an stake (lale 29.3.3).

6.7.3

Rijeje ro an Doulul ko an Stake

Rijeje ro an doulul ko an stake ekkā aer kūr ilo stake ko reļļap/ Juon membōr in stake būreejtōnji eo ak juon high ko̧o̧njeļ emōj jitōn̄e maron̄ kūr im kōjenolo̧k er. Ium̧win tōl eo an būreejtōn ro an doulul ko ilo stake, remaron̄ bōk laajrak in jerbal kein:

• Rej kōpooj unin kōnono ko n̄an kweiļo̧k ko an būreejtōnji.

• Je no̧o̧t ko ilo kweilo̧k ko im lale ijjitōn̄ ko.

• Rej kabjōr rekoot ko jet im kōpooj riboot ko āinwōt an būreejtōnji eo kajjitōk.

• Jipan̄ būreejōnji eo pojak kōn juon iiō bajet n̄an doulul eo aer. Bōk eddo kōn wiakake ko an jāān.

• Rej leļo̧k kaminene n̄an rijeje ro an doulul ilo ward āinwōt kar ijjitōn̄. Menin emaron̄ kobaik kōmļeļe ko ilo rekoot im riboot in ro rej pād.

6.8

Ritijem̧ļo̧k ro an Stake

Stake būreejtōnji eo emaron̄ kūr im kōjenolo̧k rijipan̄ ro n̄e emenin aikuj kōn jibadbad ko āinwōt:

• Al (lale 19.5.3)

• Menin jipan̄ im un̄n̄are peid make (lale 22.9.4

• Eo ej bōk eddo in ukook (lale 29.9).