7.

Bisoprik eo

7.1

Bisop eo im Rikakapilōklōk ro An

Bisop eo ej kabwijer kii ko an priesthood eo n̄an tōl jerbal eo an Kabun̄ eo ilo ward eo (lale 3.4.1). E im rikakpilōklōk ro an rej ejake bisoprik eo. Rej bōk tōl jān stake būreejtōnji eo. Rej kea kōn membōr ro an ward eo kōn iakwe, jipan̄ er erom̧ rikaļoor ro rem̧ool an Jisōs Kraist (lale Moronai 7:48).

Bisop eo im rikakpilōklōk ro an rej pris ro reutiej. N̄e rejjab pris ro reutiej ilo iien eo rekar kūr, rej aikuj ekkapit n̄an pris ro reutiej m̧okta jen aer kōjenolo̧k er n̄an jerbal.

Bisop eo ewōr ļalem eddo ko reļļap an:

• E ej pris eo eutiej ej tōl ilo ward eo.

• E ej būreejtōn eo an Priesthood eo an Aron.

• E ej juon riekajet.

• E ej loloorjake jerbal in lo̧mo̧o̧r eo an Anij im mour ijo eutiej tata ilo ward eo, ekoba kea kōn ro rej pād ilo aikuj.

• Ej bōk eddo in rekoot ko, jāān ko, im kōjerbal im̧ōn kweilo̧k eo.

Kōnke bisop eo ej kabwijer priesthood kii ko, ewōr an jim̧we n̄an bōk revelesōn n̄an ward eo (lale Katak im Bujen Ko 128:11). Kōn menin, ewōr jet eddo ko me e wōt ej kōm̧m̧ani. Eddo kein rej kōmeļeļeik ilo jebta in.

Eddo eo an eļaptata an bisop eo ej n̄an kea kōn diktak in epepen eo ilo ward eo (ajri ro, jodikdik ro, im rūm̧m̧an ded ro). N̄an kōmaron̄ e n̄an pedped wōt ioon eddo in, e ej ajeji elōn̄ eijjitōn̄ ko (lale 4.2.5 E emaron̄ leļo̧k n̄an rikakpilōklōk ro an, kūļōk eo ak rijipan̄ kūļōk ro, rijeje eo eutiej, ritōl ro an doulul im ra ko, im ro jet.

Eļan̄n̄e bisop eo ejjab maron̄ kōm̧m̧ane eddo ko an, juon rikakpilōklōk emaron̄ bōk jikin ilo juon iien ekadu, ijello̧kin wōt ko em̧ōj kar je ilo bok in bōk meļeļe eo. Bisop eo ak rikakpilōklōk ro an rej bōk an doon ļōmņak ippān stake būreejtōn eo eļan̄n̄e ewōr an kajjitōk ko kōn rikakpilōklōk eo ej jerbal ilo etan bisop eo.

7.1.1

Pris Eo Eutiej ej Tōl

Bisop eo ej ritōl eo m̧oktata ilo jetōb ilo ward eo. Ej kōm̧m̧ane juon waanjon̄ak kōn jerbal “kōn kwōjarjar ilo bōro” (Mosaia 18:12). E ej katakin, ej ļōn̄aj, im ej im̧we (lale Matu 20:28). E ej ļoor pedped in katak in tōl ilo Katak im Bujen Ko 121:34–46.

Bisop eo ej juon rikaļoor etiljek an Jisōs Kraist. E ej m̧ool n̄an bujen ko an. E ej m̧ool n̄an kōrā eo pāleen im baam̧le eo. Ej kōm̧m̧ane juon waanjōn̄ak kōn jim̧we n̄an baam̧le eo an, ward eo, im jukjuk in pād eo. (Lale 1 Timote 3:2–7). Rikakpilōklōk ro an rej em̧m̧aan ro kōn ejja m̧wil rōt in wōt.

Bisop eo ej leļo̧k tōl im kōkapilōklōk n̄an ritōl ro jet ilo ward eo. E ej kōketak er ilo eddo ko aer.

7.1.1.1

Doulul ko an Ward eo im Doulul ko an Priesthood

Bisop eo ewōr an eddo ilo Doulul eo an Kōrā ro ilo ward eo im Doulul eo an Jiron̄ ro. E ej leļo̧k n̄an rikakpilōklōk ro eddo n̄an lale doulul ko an Jabōt Jikuuļ im Būraimere im būrookraam̧ ko jet ilo ward eo. (Lale 9.3.1, 11.3.1, 12.3.1, im 13.2.1.)

Eddo ko an bisop eo n̄an doulul ko an Priesthood eo an Aron rej ellaajrak ilo 7.1.2. Eddo ko an n̄an doulul eo an elder ro rej ellaajrak ilo 8.3.1

Bisop eo ej tōl barāinwōt būreejtōn ro an doulul eo an elder ro im Doulul eo an Kōrā ro ilo bōk eddo in jerbal in karejar eo. E ej kweilo̧k ippān būreejtōn rein ruo diktata kajjojo kuwata n̄an ņa mejļan aikuj ko an kajjojo armej im baam̧le ko (lale 21.2).

7.1.1.2

Kain̄i ko im Kōjeraam̧m̧an ko

Bisop eo ej bōk eddo in kōm̧m̧ane kain̄i kein im kōjeraam̧m̧an kein ilo ward eo.

• Kwojkwoj eo

• Leļo̧k āt im kōjeraam̧man an ajri ro

• Peptaij im kapen an ajri ro 8-iiō-dettāer repād ilo rekoot (n̄an ro ewōr aer utamwe ilo kōļmenļo̧kjeņ, lale 38.2.8.1; n̄an rioktak ro, lale 31.2.3.2)

• Leļo̧k Priesthood eo an Aron im ekkapit n̄an opiij ko an tikōn, rūkaki, im pris

N̄an meļeļe ko kōn kain̄i ko im kōjeraam̧m̧an ko, lale jebta 18.

7.1.1.3

Ko̧o̧njeļ ko im Kweilo̧k ko

Bisop eo ej tōl ward ko̧o̧njeļ eo im ward ko̧o̧njeļ eo an jodikdik (lale 29.2.5 im 29.2.6). E ej kōjerbal ko̧o̧njeļ kein n̄an jipan̄ loloorjakejerbal in lo̧mo̧o̧r eo an Anij im mour ijo eutiej tata ilo ward eo. E ej ajeji eļap wōt iaan jerbal in im etale ijjitōn̄ ko (lale 4.2.5).

Bisop eo ej kūr ritōl ro n̄an kapilōk ippān doon kōn ekōjkan kōļapļo̧k kajoor ilo jetōb im bōro kuk ilo ward eo. E ej kōketak aolep ro uwaan ko̧o̧njeļ eo n̄an kappukōt im̧we im bōk kuņaan ilo iien ekōnono ko. (Lale Katak im Bujen Ko 88:122; lale barāinwōt 7.6 ilo bok in bōk meļeļe in.)

Karōk ko an bisoprik kōn kweilo̧k in kwojkwoj eo im kweilo̧k ko jet rej elaajrak ilo jebta 29. Bisop eo ej tōl ilo kweilo̧k ko an ward eo m̧ae iien juon membōr in stake būreejtōnji eo, juon Eria Jiljilmjuonn̄oul ilo eria eo an, ak juon Ritōl Eutiej an Kabun̄ in ej pād. Rikapilōklōk ro remaron̄ kōjekiik kweilo̧k kein. Rej barāinwōt tōl eļan̄n̄e bisop eo ejako.

7.1.1.4

Kūr ko im Kōtļo̧k ko

Eddo ko an bisop eo n̄an kūr ko im kōtļo̧k ko rej ellaajrak ilo jebta 30. E emaron̄ jitōn̄ rikakpilōklōk ro an n̄an leļo̧k kūr ko im kōtļo̧k ko āinwōt kar kōllaajrak ilo 30.8.

7.1.2

Būreejtōn eo an Priesthood eo an Aron

“Bisoprik eo ej būreejtōnji eo priesthood eo an [Aron], im ej kabwijer kii ko ak maron̄ eo an ejja in wōt” (Katak im Bujen Ko 107:15; lale barāinwōt eoon 20). Bisop eo ewōr an eddo kein āinwōt būreejtōn eo an Priesthood eo an Aron ilo ward eo. Rikakpilōklōk ro an rej jipan̄ e.

• Rie m̧am̧a im baba ro ilo katakin jodikdik ro. Jipan̄ jodikdik ro jerbal ilo tiljek, kōm̧m̧an im kōjparok bujen ko rekwojarjar, im m̧aanjabpopo n̄an bōk kain̄i ko an tampeļ. Jipan̄ likao ro kōppopo n̄an ekkapit n̄an opij ko an priesthood eo im n̄an jerbal ilo full-time mijen ko. Eļan̄n̄e jiron̄ ro rej ikdeelel n̄an jerbali mijen ko relikio, jipan̄ er m̧aanjabpopo. Būrookraam̧ eo an Ajri ro im Jodikdik ro emaron̄ jipan̄ ilo kijejeto kein (lale ChildrenandYouth.ChurchofJesusChrist.org.

• Ej eddoiki doulul ko an Priesthood eo an Aron im kūlaaj ko an Doulul eo an Jiron̄ ro. Bisop eo ej būreejtōn eo an doulul eo an pris ro (lale Katak im Bujen Ko 107:87–88). Rikakpilōklōk eo an kein kajuon ej eddoiki doulul eo an rūkaki ro. Rikakpilōklōk eo an kein karuo ej eddoiki doulul eo an tikōn ro. N̄an meļeļe ko reļļapļo̧k kōn ritōl ro an doulul an Priesthood eo an Aron, lale 10.3, 10.4, im 10.5.

• Kapilōk ippān būreejtōn eo an Doulul eo an Jiron̄ ro ilo ward eo. Bisop eo ejjab leļo̧k ijjitōn̄ in n̄an juon rikakpilōklōk. E im rikakpilōklōk ro an rej barāinwōt bōk koņaer ilo kweilo̧k ko an Doulul eo an Jiron̄ ro, jerbal in jipan̄, im m̧akūtkūt ko. (Lale 11.3.1.)

• Kweilo̧k emakijkij ippān kajjojo jodikdik. N̄an unin tōl ko kōn kweilo̧k kein, lale 31.3.1.

• Rie baam̧le ko im ritōl ro an Būraimere im rūkaki ro ilo kijejeto ko aer n̄an jipan̄ ajri ro kōm̧m̧an im kōjparok bujen ko (lale Jepta 12

7.1.3

Riekajet

Bisop eo ej riekajet eo ilo ward eo (lale Katak im Bujen Ko 107: 71–74). E ej kajjieon̄ ļoor waanjon̄ak eo an Rilo̧mo̧o̧r āinwōt juon riekajet ewānōk (lale 3 Nipai 27:27). Ewōr ippān eddo kein rej ellaajrak:

• Jipan̄ jodikdik ro im rūm̧m̧ad ded ro karbōb n̄an im erom̧ erreo kōn juon peba in mālim n̄an deļon̄e tampeļ.

• Kōm̧m̧ani intōrpiu ko āinwōt an ellaajrak ilo 31.2. E emaron̄ kōmālim rikakpilōklōk ro an n̄an kōm̧m̧ane jet intōrpiu ko (lale 31.2.2). N̄an unin tōl ko, lale 31.1.

• Kweilo̧k ippān membōr ro ilo ward eo me rej kappukōt tōl ilo jetōb, ro rej eddo kōn būrabōļōm, ak ro raar kōm̧m̧ani jerawiwi ko reļļap, jipan̄ er pedped ioon kajoor in kōmour eo an Jisōs Kraist. Bisop eo emaron̄ kajjitōk ippān rikakpilōklōk ro an, būreejtōn ro an doulul eo an elder ro ak Doulul eo an Kōrā ro, im ro jet n̄an kweilo̧k ippān membōr ro an ward eo kōn jet men ko. Ijoke, bisop eo wōt ej kweilo̧k ippān membōr ro an ward eo kōn men ko rejelet mour erreo, kakkure, im kōmālim kōjerbal jāān in jortak in jitlo̧k ko. N̄an unin tōl ko, lale 31.1.

• Ium̧win tōl eo an stake būreejtōn eo, kōm̧m̧ane juon ko̧o̧njeļ in kajim̧we membōr eo n̄e ekkar. N̄an unin tōl ko, lale jepta 32.

7.1.4

Loloorjake Jerbal in Lo̧mo̧o̧r eo an Anij im Mour Ij Eutiej Tata ilo Ward eo

Bisop eo ejloloorjake jerbal in lo̧mo̧o̧r eo an Anij im mour ijo eutiej tata ilo ward eo (lale jepta 1). Rikakpilōklōk ro an im ritōl ro jet an ward eo rej jipan̄ e.

Bisop eo ej jipan̄ membōr ro mour kōn gospel eo. E ej jipan̄ kōkajoorļo̧k tōmak eo aer ilo Jemedwōj Ilan̄ im Jisōs Kraist im Pinmuur eo An (lale Katak im Bujen Ko 20:29). E ej katakin er n̄an jar im ekkatak jeje ko rekwojarjar. E ej kajjitōk ippāer n̄an kōm̧m̧ani bujen ko ilo aer bōk kain̄i ko an lo̧mo̧o̧r im mour ilo aiboojoj eo eutiejtata. E ej kōketak er n̄an kōjparok bujen ko aer.

Bisop eo ej kōkajoorļok membōr ro an Kabun̄ in. E ej kōketak baam̧le ko n̄an bōk kuņaer ilo jar an baam̧le iien otemjeļo̧k im ekkatak gospel eo ippān doon, ekoba ilo nokon in jota. E ej katakin er n̄an iakwe im jerbal n̄an doon. E ej katakin kōn naan im waanjon̄ak bwe kūr ko ilo Kabun̄ in ren maron̄ kūrm̧ool ilo an ejjeļo̧k kōllaburbur jān eddo ko an baam̧le. E ej lale bwe m̧akūtkūt ko an Kabun̄ in ren rie kijejeto ko an m̧am̧a im baba ro ilo jim̧we.

Ilo kakkobaba n̄an jipan̄ membōr ro mour kōn gospel eo, bisop eo ebar wōr jet an eddo ko ilo kōtōbalbal jerbal in lo̧mo̧o̧r eo an Anij im mour ijo ilōn̄tata ilo ward eo. N̄an waanjon̄ak, e:

• Ej jipan̄ em̧m̧aan ro kōppopo n̄an ekkapit n̄an opij ko an priesthood eo.

• Ej tōl kijejeto ko n̄an kea kōn ro rej pād ilo aikuj ilo ward eo (lale 7.1.4.1 im 22.2.1).

• Ej tōl būreejtōnji eo an doulul eo an elder ro im Doulul eo an Kōrā ro ilo aer tōl kijejeto ko an jerbal in karejar ilo ward eo (lale 21.2.1).

• Ej loloorjake jerbal eo an būreejtōnji eo an doulul eo an elder ro im Doulul eo an Kōrā ro ilo aer tōl kijejeto ko an ward eo n̄an kwaļo̧k gospel eo im kōkajoorļok membōr ro rekāāl im ro rej kab bar ro̧oltok (lale 23.1).

• Ej loloorjake kijejeto ko an būreejtōnji eo an doulul eo an elder ro im Doulul eo an Kōrā ro ilo aer tōl jerbal in tampeļ im menmenbwij an baam̧le ilo ward eo (lale 25.2).

• Ej jipan̄ membōr ro kōppopo n̄an bōk juon peba in mālim n̄an deļon̄e tampeļ im kain̄i ko an tampeļ (lale 27.1).

7.1.4.1

Tōl Kijejeto ko n̄an Kea kōn Ro ewōr Aikuj ko ilo Mour in Kanniōk

Bisop eo ewōr juon an eddo ekwojarjar n̄an pukōtļo̧k im kea kōn ro me ewōr aikuj ko ilo mour in kanniōk (lale Katak im Bujen Ko 84:112). E ej leļo̧k eļap wōt iaan jerbal in n̄an būreejtōnji ro an Doulul eo an Kōrā ro im doulul eo an elder ro.

Jet jerbal rej kōm̧m̧an wōt jān bisop eo. N̄an waanjon̄ak, e ej kōmlet jekjek rōt eo, jon̄an eo, im aitokan eo an jabdewōt jipan̄ ilo mour in kanniōk letok jān Kabun̄ in. N̄an kōm̧m̧ane menin, e emakijkij an kapilōk ippān būreejtōn ro an Doulul eo an Kōrā ro im doulul eo an elder ro. N̄an meļeļe ko reļļapļo̧k, lale 22.4 im 22.5.

Ro uwaan bisoprik eo rej katakin pedped in katak ko an kea kōn ro rej pād ilo aikuj im kōļapļo̧k un̄n̄are peid make (lale 22.1). Rej barāinwōt katakin kien jitlo̧k (lale 22.2.2). Rej eddoiki aiini jortak in jitlo̧k ko (lale 34.3.2).

Bisop eo ej kōmeļeļeik ritōl ro jet an ward eo kōn eddo ko aer n̄an kea kōn ro rej pād ilo aikuj. E ej barāinwōt tōl ward ko̧o̧njeļ eo ilo kijejeto kein.

N̄an meļeļe ko reļļapļo̧k kōn wāween an bisop eo kea kōn ro rej pād ilo aikuj, lale 22.6.1

7.1.5

Rekoot ko, Jāān ko, im Im̧ōn Jar ko

Bisop eo ej eddoiki rekoot ko an ward eo, jāān ko, im im̧ōn jar ko. Menin ekoba eddo eo an n̄an katakin juon m̧ōttan jon̄oul im kien jitlo̧k im n̄an kōm̧m̧ane kean̄ an juon m̧ōttan jon̄oul eo (lale 34.3.1.2; bar lale Katak im Bujen Ko 107:68).

Bisop eo emaron̄kappeik eļap wōt iaan jerbal eo kōn rekoot ko im jāān ko n̄an rikakpilōklōk ro im kūļōk ro an. E emaron̄ jitōn̄ juon iaan rikakpilōklōk ro an n̄an jerbal āinwōt ward building representative, ak e emaron̄ kūr bar juon membōr n̄an kōm̧m̧ane jerbal in.

N̄an meļeļe ko kōn rekoot ko, lale jebta 33 Kōn meļeļe eo kōn jāān ko, ekoba juon m̧ōttan jon̄oul eo, lale jeppta 34. N̄an meļeļe ko kōn im̧ōn jar ko, lale jebta 35

7.2

Oktak ko ikōtaan Branch Būreejtōn ro im Bisoprik ro

Ilo juon branch, juon rikabwijer Melkesidek Priesthood ej kūr āinwōt juon branch būreejtōn. E ej kabwijer priesthood kii ko aikuji n̄an tōl (lale 3.4.1.1). E im rikakpilōklōk ro an rej jerbal eiten āinwōt juon ippān bisoprik bōtaab kōn oktak kein:

• Juon branch būreejtōn emaron̄ juon elder ak juon pris eutiej. Juon bisop ej aikuj in juon pris eutiej.

• Juon branch būreejtōn rejjab kōjenolo̧k e āinwōt juon pris eutiej ej tōl. Ijo wōt ke, e ej tōl branch eo im ewōr an aolep eddo ko kar kōmeļeļeik ilo 7.1.1.

• Juon branch būreejtōnj ejjab aikuj in m̧are.

• Rikakpilōklōk ro ilo juon branch būreejtōnji remaron̄ jab elleļo̧k peba in mālim ko n̄an deļon̄e tampeļ (lale 26.3.1

7.3

Kūļōk eo an Ward eo im Rijjipan̄ Kūļōk ro an Ward eo im Rijeje Rijipan̄ ro an Ward eo

Bisoprik eo ej leļo̧k etan juon rikabwijer Melkisedek Priesthood eo n̄an jerbal āinwōt rijeje eo eutiej an ward. Rej leļo̧k et eo n̄an stake būreejtōnji eo. Executive rijeje eo ej aikuj wōr juon peba in mālim an tampeļ ekāāl. E ej kūr im kōjenolo̧k jān juon membōr in stake būreejtōnji ak juon high ko̧o̧njeļ me em̧ōj jitōn̄e.

Executive rijeje eo ej jerbal epaake bisop eo im rikakpilōklōk ro an, bōtaab e ejjab juon membōr in bisoprik eo. Ewōr ippān eddo kein rej ellaajrak:

• Ej kweilo̧k ippān bisoprik eo im kōpooj laajrak in kweilo̧k ko n̄e kappeik e.

• Ej jerbal āinwōt juon membōr in ward ko̧o̧njeļ eo im ej pād ilo kweilo̧k ko an ward ko̧o̧njeļ eo. Kōn kappe jān bisoprik eo, ej etale ijjitōn̄ ko kar kōm̧m̧ani ilo kweilo̧k kein.

• Jikejuuļi iien ko ippān bisoprik eo.

• Jikejuuļi intōrpiu ko n̄an jodikdik ro im rūtto ro me rej aikuj in kōkāāl peba in mālim ko n̄an deļo̧n̄e tampeļ eo ko aer.

• Eļan̄n̄e kappeik jān bisoprik eo, kōtōbalbal kijejeto ko an ward eo n̄an jipan̄ membōr ro n̄an bōk māākjin ko an Kabun̄ in (lale 38.8.7).

• Jipan̄ bisoprik eo kōn jerbal ko an jemenere im institute, eo āinwōt jipan̄ membōr ro an ward eo rejijtōr n̄an kūlaaj ko (lale jebta 15).

• Kōjparok juon laajrak kāāl in āt ko im atōreej ko an membōr in ward eo me rej pād ilo jarin tariņae. Kanooj lale bwe ritōl ro an ward eo ren jeļā kōn membōr rein (lale 38.9.2). Kōjjeļļāikļo̧k rijeje eo eutiej an stake n̄e membōr ro rej ļōmņak in deļo̧n̄e jarin tariņae.

• Ennaan ko kar litok kar būki jān rijerbal ro im baļintier ro an Kabun̄ in n̄an ritōl ro rekkar an ward eo, āinwōt kar kōmeļeļeik jān bisop eo (lale 38.8.9)

Juon ak elōn̄ļo̧k rijeje rijipan̄ ro me maron̄ kūr er n̄e emenin aikuj. Kar kōmālim er jān bisoprik eo im kar kūr im kōjenoļok jān juon membōr in stake būreejtōnji eo ak juon ko̧o̧njel eo eutiej. Em̧m̧aan rein raikuj bōk juon peba in mālim ekāāl n̄an deļon̄e tampeļ.

7.4

Ward Kūļōk im Rijjipan̄ Ward Kūļōk ro

Bisop eo ej leļo̧k etan juon rikabwijer Melkesedek Priesthood eo n̄an jerbal āinwōt juon kūļōk an ward eo. E ej leļo̧k āt n̄an stake būreejtōnji eo. Kūļōk eo ej aikuj bōk juon peba in mālim an tampeļ kāāl. E ej kūr im kōjenolo̧k jān juon membōr in stake būreejtōnji ak juon high ko̧o̧njeļ me em̧ōj jitōn̄e. E ej juon membōr in ward ko̧o̧njeļ eo.

Rijjipan̄ kūļōk ro an ward eo remaron̄ barāinwōt kūr (lale 33.4.3). Rej kūr er im kōjenolo̧k er jān juon membōr in stake būreejtōnji eo ak juon high ko̧o̧njeļ kar kappeik.

Kūļōk ro rej jerbal epaake bisop eo im rikakpilōklōk ro an, bōtaab rejjab membōr in bisoprik eo. Eddo ko an kūļōk eo an ward eo im rijjipan̄ kūļōk ro an ward eo rej ellaajrak ilo 33.4.2 im 33.4.3.