Vauci vua na iVakabula ena Veiyalayalati kei na Cakcaka Tabu Vakalotu

Na idusidusi ni veiliutaki e vakamacalataki ena soqoni ni veiliutaki ni koniferedi raraba ni Epereli 2021.

Na iTuvatuva ni Vuli ni Matabose ni iWasewase, Cokovata, Tabana ni Kaulotu, iTeki, Tabanalevu, kei na Tabana

Ena vuli oqo, o na raica ka rogoca na veika era sotava na luvena na Tamada Vakalomalagi ena veivanua duidui ena salatu mera vauci vua na iVakabula ena veiyalayalati kei na cakacaka tabu vakalotu. O na rogoca na ivakarau e vukei ira mera veilomani, veiwasei, ka veisureti mera toso eliu ena salatu ni veiyalayalati ena reki. O na raica na wasei kosipeli, cakacaka ni valetabu kei na tuvakawa, kei na veiqaravi vei ira era gadreva tu era veisemati kece. Ia na veika kece qo, o na raica na veika kece qo era “soqo[ni] vata … vei Karisito” (Efeso 1:10).

Vakatagedegede ni Bula 1: Gonelalai

Sarava na vidio nei Peresitedi Joy D. Jones kei ira na gonelalai, qai veivosakitaka na cava o na cakava mo vukei ira kina na gone mera vauci kina vua na iVakabula ena salatu ni veiyalayalati.

8:0

Na cava e vakavulica vei keda na Yalotabu ni da sarava na vidio oqo?
E vukei ira vakacava na gone na ivakavuvuli ni veilomani, veiwasei, kei na veisureti ni ra segata mera wasea na kosipeli?
E vukei ira vakacava na gone na veiqaravi mera tikoga ena salatu ni veiyalayalati ni oti nodra papitaiso?

e wili ivola tiko vei rau na nona itubutub o goneyalewa ena idabedabe

Vakatagedegede ni Bula 2: Tabagone

Sarava na vidio i Peresitedi Bonnie H. Cordon kei Peresitedi Stephen J. Lund kei ira na itabagone, ka veivosakitaka na cava o na laki cakava mo vukei ira kina na itabagone mera vauci ira vua na iVakabula ena salatu ni veiyalayalati.

7:59

E rawa vakacava nida vukei ira na tabagone me maroroya na nodra veiyalayalti ni papitaiso ka vakarautaki ira ena salatu ni veiyalayalati?
E vukei ira vakacava na itabagone na ivakavuvuli ni veilomani, veiwasei, kei na veisureti mera vakaitavi ena cakacaka ni valetabu kei na tuvakawa?
Eda na vukei ira beka vakacava na itabagone mera vakila na inuinui kei na veivakataukeitaki me yaco mera vauci vua na iVakabula?

iVakatagedegede ni Bula 3: iTabagone Qase Cake

Sarava na vidio i Peresitedi Mark L. Pace kei ira na itabagone qase cake qai veivosakitaka na cava o na cakava mo vukei ira kina na itabagone qase cake mera vauci ira vua na iVakabula ena salatu ni veiyalayalati.

9:2

Na cava eda vulica mai na veilomani, veiwasei, kei na veisureti era solia na tani vei keda?
Eda na vukei ira beka vakacava na itabagone qase cake mera vakila na inuinui kei na vakataukeitaki ni ra torocake ena bula rawati ira ka qaravi ira na tani? Eda na vukei ira beka vakacava mera kila ni gadrevi ira Lotu ni Turaga?
Cava na inaki ni itaviqaravi ni Lotu kei na iliuliu dau veivakauwaitaki ena nodra vakaduavatataki na tabagone qase cake vua na iVakabula?

iVakatagedegede ni Bula 4: iTabaqase

Sarava na vidio i Peresitedi Jean B. Bingham kei na itabaqaseka qai veivosakitaka na cava o na laki cakava mo vukei ira kina na itabaqase mera vauci ira vua na iVakabula ena salatu ni veiyalayalati.

10:20

E veivakabulai vakacava na noda veiyalayalati ka vukei keda vakacava me da tikoga ena salatu—ena veigauna dredre sara mada ga?
Na sala cava so eda sa kunea me da vukei ira na lewenilotu mera vauci ira kei ira na tani vua na iVakabula ena veiyalayalati?
E rawa vakacava ki na noda tara cake na bula rawati-koya vakayalo me vukei keda me da veilomani, veiwasei, ka veisureti?

iVurevure ni Matabose ni Wasewase, Cokovata, iTeki, Tabanalevu kei na Tabana

Na Gone kei na iTabagone

Raici Raraba ni Gone kei na iTabagone

Na parokaramu ni Gone kei na iTabagone e vakarautaki me vaqaqacotaka ira na tabatamata tubucake ena nodra vakabauti Jisu Karisito ka vukei ira na gone, itabagone, kei na nodra matavuvale mera na toso ena salatu ni veiyalayalati ni ra sotava tiko na veibolebole ni bula. E vukei ira na gonelalai kei na itabagone ena nodra sasaga mera vakaitavi ena vasokumuni i Isireli kei na cakacaka ni veivakabulai kei na bula vakacerecerei ena nodra bula e veisiga. E yavutaki ena vuvale ka tokoni mai na Lotu.

iNuinui ni Tabatamata Tubucake

Na Gone kei na Tabagone e vukea na itabatamata tubucake tiko me tubu ena vuqa na sala, oka kina na ivakatakila, galala ni digidigi, kei na veimaliwai. Era vulica na tamata yadua me ra ciqoma ka cakacakataka na nodra ivakatakila yadua ni ra vakayagataka na galala ni digidigi ka digia na madigi eso mera tubu vakataki ira. Oqo e dau yaco talega ni ra vulica na itabagone mera veiliutaki ena mataveiliutaki ni kuoramu kei na kalasi. Era taracake na veimaliwai kei na nodra matavuvale, nodra iliuliu, kei ira tale eso era itabavata ni ra cakacaka ka veiqaravi vata ka yaco mera kila ni ra sa taukeni ka gadrevi ena cakacaka ni Turaga.

Meda Tekivu iVei Nikua?

Eda sureti ira na gone, itabagone, kei ira nodra itubutubu kei na iliuliu mera yalataka se yalataka tale mera yaco me vakataka vakalevu cake na iVakabula ena Nona cakacaka. E sega ni dodonu me dredre na veisasaga oqo! Oqo eso na vanua rawarawa mo tekivu kina:

iTubutubu

Soqoni ira vata na nomu matavuvale me vulica na kosipeli. Na ivurevure niLako Mai, Mo Muri Au e rawa ni veivuke. O na rawa ni okata me veivosakitaki na ulutaga eso me vaka na veiyalayalati, ivakatakila, galala ni digidigi, kei na veivakalougatataki vakapeteriaki.
Tuvanaka e dua na itaviqaravi ni matavuvale. Ena rawa vakacava mo veiqaravi ena veimaroroi ena nomu yasa ni koro se itikotiko raraba? Ena vanua e tu kina, na JustServe ena rawa ni vukei iko mo kunea eso na vakasama.
Dabe yadua kei ira na luvemu tagane kei na luvemu yalewa. Veivosakitaka nodra gagadre eso ka veitalanoataka na sala era via tubucake kina. Vukei ka tokoni ira ena nodra vakatorocake yadua. Veivosakitaka me baleta na lalawa eso era tuvana tu se ra via cakacakataka.

iLiuliu ni Lalai

Mo kila vinaka na nodra ituvaki vakavuvale na gone, ka vakasaqara na ivakatakila mo vukei ira kina vakayadua.
Tekivu vakayaco soqoni ni Sigatabu kei na itaviqaravi ni Lalai ena matanavotu se ena tekinoloji (ni sa taqomaki ka vakadonui).
Kua ni leqataka me baleta na semati ni inaki yadua ki na itaviqaravi! Na nomu vakanamata sai koya na veisemati kei na vakalougatataki ni gone kei na nodra matavuvale—vakauasivi ni ra gadreva se kere veivuke.

iLiuliu qase ni tabagone

Tekivu vakayaco soqoni ni Sigatabu kei na itaviqaravi ni kuoramu kei na kalasi ena matanavotu se ena tekinoloji (ni sa taqomaki ka vakadonui). Vakayaloqaqataki ira na itabagone mera tekivuna na soqoni ena cavuqaqataki ni itoko vou ni Goneyalewa kei na kuoramu ni Matabete i Eroni.
Kaciva, vakatikora, ka vaqaqacotaka na mataveiliutaki ni kuoramu kei na kalasi. Vukei ira mera dau bose wasoma vaka mataveiliutaki ka mera tuvalaka ka liutaka na soqoni ni Sigatabu kei na itaviqaravi eso. Mera dabe na matabose ni itabagone ni tabanalevu, ka vakauqeta na vakaitavi ena matabose cokovata ni kaulotu kei na valetabu kei na tuvakawa. Veivakasalataki ka tokona na mataveiliutaki ke gadrevi kua ni liutaka. Vukea na mataveiliutaki me vulica na kila-vakaveiliutaki ni vakayagataki na ivurevure ni mataveiliutaki ni kuoramu kei na kalasi
Tuvalaka ka qarava na keba ni itabagone kei na koniferedi ni itabagone ena 2021, ni vakamuri tiko na idusidusi ni veitaqomaki.
Kua ni leqataka me baleta na semati ni inaki yadua ki na itaviqaravi! Vakabibitaka ga na veisemati kei ira na itabagone vakai ira. O na rawa talega ni vukea na mataveiliutaki ni kuoramu kei na kalasi me semata na itaviqaravi ki na gagadre ni itabagone.

Me baleta na ikuri ni ivakamacala, raica na ChildrenandYouth.ChurchofJesusChrist.org

Baleti Ira Na iTabaqase

Vanua ni Vakasoqoni iTabagone Qase

Na Mataveiliutaki Taumada e sa solia na veivakadonui mera tauyavutaka na vei vanua ni vakasoqoni eso me baleti ira na itabagone qase cake ka yavutaki ena gagadre ni iwasewase. Na vanua ni vakasoqoni sa ikoya e dua na vanua vakarautaki ena dua na vale (me vaka e dua na vale ni soqoni se vale ni inisitute) era rawa ni soqoni vata kina na itabagone qase cake kei na nodra itokani mera vakaitavi ena so se na veika kece oqo (vakatau ena gagadre kei na ivurevure e tu):

Vuli ni veika vakalotu kei na vulici ni kosipeli (oka kina na inisitute)
iTaviqaravi ni veiqaravi kei na veimaliwai
iTaviqaravi ni valetabu kei na tuva kawa
Madigi eso ni bula rawati-koya kei na vuli
iTaviqaravi ni kaulotu kei ena itikotiko
Na parokaramu ni Lotu tale eso

Na vanua ni vakasoqoni kece e dodonu me vakadonui mai na Mataveiliutaki ni iWasewase ka raici raraba mai na vei peresitedi ni iteki kei bisopi.

era veivosaki tiko vakai ira na itabagone

Veikacivi me baleti ira na iTabagone Qase Cake kei na iTabaqase Sega ni Vakawati

Na veisau ni lawatu kei na veivakamatatataki sa walia rawa na veilecayaki kei na itovo me baleta na yalani ni madigi vei ira na lewenilotu sega ni vakawati mera veiqaravi ena Lotu ni Turaga. Na veiveisau kei na vakamatatataki ni lawatu oqo, sa vakadonui mai na Mataveiliutaki Taumada kei na Kuoramu ni Le Tinikarua ka tu ena iVoladusidusi Raraba, e vakamacalataka ni rawa ni vakalougatataki na itabagone qase cake kei na itabaqase sega ni vakawati ka rawa ni ra vakalougatataki ira na tani ena vuqa na veikacivi, oka kina vaka iliuliu ni iteki kei na tabanalevu. Na lawatu oqori e sa vakayagataki tiko qo ena taba ni Lotu kece sara, oka kina na itabagone qase cake kei na itabaqase sega ni vakawati. Na vakatatabu vei ira na itabagone qase cake kei na itabaqase sega ni vakawati mera veiqaravi ena mataveiliutaki ni iteki, matabisopi, kei na mataveiliutaki ni Soqosoq ni Veivukei ni iteki ena tabanilotu ni itabagone qase cake kei na itabaqase sega ni vakawati era sa kau tani.

E rawa veiqaravi vakaveiliutaki o ira era sega ni vakawati oka kina na mataveiliutaki ni soqosoqo ena tabanalevu kei na iteki, mataveiliutaki ni kuoramu ni italatala qase, daunivakasala ena matabisopi, lewe ni matabose e cake, kei na daunivakasala ena mataveiliutaki ni iteki.

Na Gagadre kei na Kidavaki ni Tamata Kece—Veilomani, Veiwasei, kei na Veisureti

Ni ra saga na lewenilotu mera vakila ni ra ciqomi, ena so na gauna era dau tukuna na iliuliu kei na so tale na ka me kuria na nodra vakabauta na lewenilotu ni ra sega ni wili se vinakati.

Nanuma na dina oqo me baleta na loloma, wasea, kei na veisureti ena rawa ni veivuke ena nodra kidavaki na tamata kece ki na itaviqaravi, veitokani, kei na veivakataukenitaki ena Lotu i Jisu Karisito:

Na vei tamata yadua e sa dua na luvena lomani na Kalou ka tiko e dua na nona bula kei na icavacava vakalou. Me ikuri ni veivakalougatataki tawamudu sa yalataka o Koya vei ira na yalodina, ni vinakata o Koya me vakalougatataki ira na Luvena qo, nodra bula oqo.
Na luve ni Kalou yadua era gadrevi ena cakacaka ni taraicake ni Nona matanitu.
Me vukei e dua me vakila ni sa vakataukenitaki ka gadrevi o koya, tekivu ena loloma. Vakarorogo vakavinaka ka kila na kena ituvaki. Kakua ni nanuma ni ko sa kila vakavinaka tu.
E sega ni tu vei keda se ira na tani na isaunitaro kece ni veika eda sotava ena bula oqo. Kena ivakaraitaki, eda sega ni kila na vuna e sotava tiko edua na tamata na bolebole.
Dolava na yalomu kua vakalelewa. Kidavaka na tamata yadua, se evei ga na vanua e tu kina o koya ena nona ilakolako. Tu vakarau mo veivuke ka vakanamata ena dina ni gadrevi na tamata yadua ena Lotu.
Kevaka o kaya e dua na ka mosimosi sega ni nakiti, kakua ni taqomaki iko; vakatusa ka kerea na veivosoti ka mo torocake.

Me baleta na itukutuku ni nodra vukei na lewenilotu ena ituvaki vakatabakidua eso, raica na CounselingResources.ChurchofJesusChrist.org.

Rawa Vakacava Nona Saumaki e Dua me Dua na iLawalawa Veitacini

NaN:NaN

iVakavuvuli ni Loloma, Veiwasei, ka Veisureti

2:33

Na Veivakalougatataki Yalataki ni da Veilomani, Veiwasei, ka Veisureti

1:16