Kabaeaki nakon te Tia Kamaiu rinanon Berita aika Tabu ao Otenanti

Te kaetieti ibukin te waaki ni kairiiri aei e kabwarabwaraki n tain te maungatabu ni kabuta ibukin te waaki ni kairiiri n Eberi 2021.

Kamatata ni Kataneiai ibukin Aono, te Reitaki, Mition, Titeiki, Uoote, ao Kauntira n te Mwaanga

Inanon te kaetieti aei, kona noori ao n ongo bwaai ake a rinanona natin Tamara are i Karawa n tabo aika a kakaokoro ni kawai n riki ni kabaeaki nakon te Tia Kamaiu rinanon berita aika tabu ao otenanti. Kona ongora aroia n tangira, n tibwatibwa, ao ni kakao n tia ni buokiia n rikirake ni kawain te berita ae tabu ma te kimwareirei. Kona riai n ataia bwa e kangaa tibwakin te euangkerio, te mwakuri n te tembora ao rongorongon te utu, ao te tararua nakoia ake a kainnano ni bane n rin inanona. Ma iaon bwaai ni kabane, ko kona n ataia bwa e kangaa bwaai aikai ni kabane n “ikoti[ia] ni kabane … inanon Kristo” (I-Ebeto 1:10).

Mwaneka n te Maiu 1: Ataei

Mataku n te witeo ma Beretitenti Joy D. Jones ao ngkanne marooroakinna bwa tera ae ko na nako ni karaoi ni buokiia ataei ni kabaeia nakon te Tia Kamaiu ni kawain te berita ae tabu.

• Tera ae e reireinira te Tamnei ngkai ti mataku n te witeo aei?

• E kanga te reirei iaon te tangira, tibwatibwa, ao te kakao ni buokiia ataei ngkai a kataia n tibwa te euangkerio?

• E kanga te mwakuri n ibuobuoki ni buokiia ataei n tiku ni kawain te berita ae tabu imwiin te bwabetito?

Mwaneka n te Maiu 2: Kairake

Mataku n te witeo ma Beretitenti Bonnie H. Cordon ao Beretitenti Stephen J. Lund ao kairake, ao ngkanne maroroakinna bwa tera ae ko na nako ni karaoia ni buokiia kairake ni kabaeia nakon te Tia Kamaiu ni kawain te berita ae tabu.

• Tina kanga ni buokiia kairake ni kawakina aia berita n te bwabetito ao ni katauraoi ibukin te mwaneka are imwiina ni kawain te berita ae tabu?

• E kanga te reirei iaon te tangira, tibwatibwa, ao te kakao ni buokiia kairake n iri iwawaki inanon te tembora ao mwakuri n rongorongon te utu?

• Tina kanga ni buokiia kairake n namakina te kantaninga ao n riki bwa kaaina ngkai a riki ni kabaeaki nakon te Tia Kamaiu?

Mwaneka n te Maiu 3: Kairake n Ikawai

Mataku n te witeo ma Beretitenti Mark L. Pace ao kairake n ikawai, ao ngkanne maroroakina te bwai are ko na nako ni karaoia ao ni buokiia kairake n ikawai ni kabaeia nakon te Tia Kamaiu ni kawain te berita ae tabu.

• Tera ae ti reiakinna man aia tangira, tibwatibwa, ao aia kakao tabeman are a anganiira?

• Tina kanga ni buokiia kairake n ikawai n namakina te kantaninga ao n riki bwa kaaina ngkai a rikirake inanon te riki n toronibwai ao ni buokiia tabeman? Tina kanga ni buokiia bwa a na ataia bwa a kainnanoaki n ana Ekaretia te Uea?

• Tera taben te waaki ni kakukurei aika a bongana n te Ekaretia ao tabeia taan kairiiri aika mwamwannanno ae a karaoia ni kabaeakiia kairake n ikawai nakon te Tia Kamaiu?

Mwaneka n te Maiu 4: Ikawai

Mataku n te witeo ma Beretitenti Jean B. Bingham ao ikawai, ao ngkanne maroroakinna bwa tera are ko na nako ni karaoia ao ni buokiia ikawai ni kabaeia nakon te Tia Kamaiu ni kawain te berita ae tabu.

• E na kanga aron ara berita aika tabu ni uoti kamaiu ao ni buokiira n tiku iaon te kawai—riki inanon taai aika kangaanga?

• Tera kawai aika ti a tia ni kunei ni buokiia membwa ni kabaeia ao tabeman nakon te Tia Kamaiu rinanon berita aika a tabu ao otenanti?

• E na kanga aron karikirakean te riki n toronibwai n te maiu n tamnei ni buokiira n tangira, tibwatibwa, ao ni kakao?

Bwaai n ibuobuoki ibukin te Aono, te Reitaki, Mition, Titeiki, Uoote, ao Kauntira ni Mwaanga

Ibukiia Ataei ao Kairake

Kabwarabwara ae Uarereke ibukiia Ataei ao Kairake

Aia burokuraem Ataei ao Kairake e baireaki ibukin kakorakoraan aia onimaki te roro ae rikirake iroun Iesu Kristo ao ni buokiia ataei, te kairake, ao rikirakeia aia utu ni kawain te berita ae tabu ngkai a kaitara ma kangaanga n te maiu. E buokiia ataei ao kairake n aia kekeiaki n iri iwawaki n ikoikotaia Iteraera ao n te mwakuri ni kamaiu ao te karietataki inanon maiuia ni katoa bong. E kabotoaki n te mweenga man boutokaaki n te ekaretia.

Kantaninga ibukiia te Roro ae Tabe n Rikirake

Ataei ao Kairake e buokiia te roro ae tabe n rikirake n rikirake n aro aika a mwaiti, n raonaki ma rinanon kaotioti, inaomata n rinerine, ao aroaro n reitaki. Aomata nako a reiakinna karekean ao ni karaoi nanon kaotioti aika a kaineti nakoia ngkai a karaoi rinerine ao n rinei tibwanga n rikirake ibon irouia. Aio e riki naba ngkai kairake a reiakinna ni kairi inanon kooram ao beretitentii n te kiraati. A katei aron aia reitaki ma aia utu, aia taan kairiiri, ao tabeman ake bon roroia ngkai a kaai ni mwakukri ao a beku n ikotaki ao n ataia bwa ngaiia kaaina ao a kainnanoaki n ana mwakuri te Uea.

Iaa te Tabo ae Ti na Waaki mai Iai n te Bong Aei?

Ti kaoia ataei, kairake, ao aia karo ao taan kairiiri bwa a na motinnano ke ni manga motinnano n riki n ai aron te Tia Kamaiu man irii waakin Ana Mwakuri. Mwakuri aikai tiaki bwaai aika a na kangaanga! Aikai tabeua tabo ake ko kona ni waaki iai:

Kaaro

• Ikotiia ami utu ibukin kamatebwaian te euangkerio. Nakomai, Iriirai te boki n reirei ae e kona ni ibuobuoki. Ko kona n iangoa karekean te maroro iaon atuun maroro n aron berita, kaotioti, inaomata n rinerine, ao kakabwaia n tamanuea.

• Bairea te waaki ni kakuurei ibukin te utu. Kona kanga ni buoka temanna n te aro ae e na mano ae kain rarikim ke n am komiuniti? Te tabo are e tauraoi iai, JustServe e kona ni buokiko ni karekei iango.

• Maroro ni kakatemanna ma natim te mwane ao natim te aine. Maroroakina te bwai are a tatangiria ao maroroakina aroia are a tangiria n rikirake iai. Buokiia ao boutokaia n rikirakeia i bon irouia. Maroroakinna bwa tera aia kouru are a tia ni katei ao n tangiria ni mwakuri iaona.

Taan Kairiiri n te Moanrinan

• Atai aron mweengaia ataei, ao ukoukora te kaotioti ni buokiia n tatabemaniia.

• Waaki karaoi bootaki n te Tabati ao waaki ni kakukurei n te Moanrinan ke reirei iaon te kombiuta (ngkana e mano ao e kariaiakaki).

• Tai raraoma ni karekerekea ana kouru temanna nakon waaki ni kakukurei! Am taratara bon iaon reitakim ma ataei ma kakabwaiakiia ataei ao aia utu riki— ngkana a kainnanoaia ke a bubuti ibukin te ibuobuoki.

Taan Kairiiri aika Ikawai ibukiia Kairake

• Waaki karaoi bootaki n te Tabati ao kooram ao waaki ni kakukurei n te kiraati ni mena irarikiia ke iaon bwaai n angareirei n te kombiuta (ngkana e mano ao ngkana e kariaiakaki). Kaungaia te kairake bwa a na kamatenanoa ao ni waaki inanon te botoniango ae boou ibukia Ataeinnaine ao te kooram n te Nakoanibonga ae te Aaron.

• Wewete, kaokoroan temanna n nakoana, ao kakorakoran te kooram ao beretitentii n te kiraati. Buokiia bwa a na kakaraoi boowi ni beretitentii n tainako ao ni baire ao ni kairii bootaki n te Tabati ao waaki ni kakukurei. Karaoi kauntira n te uoote ibukiia kairake, ao kaunga te roroko n irirakin boowi iaon te mwakuri ni mitinare ao tembora ao n rongorongon te utu. Kairiia ao boutokaia beretitentii n aron are e kainnanoaki n aki anai tibwangaia. Buokiia beretitentii n reiakina te konabwai ni kairiiri ni kabonganaan bwaai n ibuobuoki ni kooram ao beretitentii n te kiraati.

• Bairei ao karaoi kaembwa ao maungatabu ibukiia kairake inanon 2021, n irii kainibaire ibukin kamanomano.

• Tai raraoma ni karekerekea ana kouru temanna nakon waaki ni kakukurei! Karina korakoram n reitiko ma kairake. Kona bae naba ni buoka te kooram ao te beretitentii n te kiraati n reiti waaki ni kakukurei nakon kainnanoia kairake.

Ibukin rongorongona riki, taraa ChildrenandYouth.ChurchofJesusChrist.org.

Ibukiia Ikawai

Tabo n Ikoikotaki ibukiia YSA

Te Moan Beretitentii e a tia n anga te kariaia nakoia aono ni katei tabo ni ikoikotaki ibukiia kairake n ikawai aika a tuai n iein ni boboto iaon kainnanon te aono. Tabo ni bobotaki bon te tabo are e a tia ni katauaki ni kateitei ake a kaman kateaki (n aron autinibootaki ke kateitei n te intitiute) are kairake n ikawai aika a tuai iein ma raraoia a kona n ikotaki n irii buakon tabeua iwawaki ke ni kabane waaki aikai (ake a kaineti iaon kainnanon te tabo ao tauraoin bwaai):

• Reirei taekan te aro ao reiakinan te euangkerio (n raonaki ma te intitute)

• Mwakuri n Ibuobuoki ao waaki ni kakukurei

• Mwakuri n te tembora ao rongorongon te Utu

• Te riki n toronibwai ao waaki aika a tauraoi ibukin te reirei

• Te waaki ni Mitinare ao mwakuri n ikarekebai ni buokan kainnano n te komiuniti

• Burokuraem tabeua n te Ekaretia

Taabo ni bobotaki ni kabane a riai ni kariaiakaki iroun te Beretitentii n te Aono ao n tararuaaki irouia taian beretitenti ao bitiobi.

Nakoa ibukiia Kairake n Ikawai ake a tuai iein ao Ikawai ake a Tuai Iein

Bitaki aika ngkai iaon te tua ao kabwarabwaraia a tia ni kanakoraoi aki ota aika a kona n reke ao katei aika a kairua iaon te tianaki iaon tibanga ibukiia membwa aika a tuai n iein ni beku n ana Ekaretia te Uea. Bitakin te tua ao kabwarabwara aikai, a kariaiakaki man te Moan Beretitentii ao Kooram n Abotoro n te Tengaun ma Uoman ao ni karinaki n te Aeniboki ni Kabuta, kabwarabwara bwa kairake n ikawai ake a tuai n iein ao ikawai ake a tuai n iein a kona ni kakabwaiaki ao ni kona ni kakabwaiaia tabeman inanon wewete aika a mwaiti, n aroia taan kairiiri n titeiki ao uoote. Tuua ae aron aikai a iraki nanoia n ana iunite ni kabane te Ekaretia, n raonaki ma aia iunite kairake n ikawai aika tuai n iein ao ikawai ake a tuai n iein. Te tianakin n aia beku kairake n ikawai aika tuai iein ao ikawai ake a tuai n iein ni beku n te beretitentii n te titeiki, bitiobiriki, ao beretitentii n te Bootaki n Aine n aia iunite kairake n ikawai aika tuai n iein ao ikawai ake a tuai n iein a tia ni kamaunaaki.

Membwa ake a tuai n iein a kona ni beku n nakoa ni kairiiri n raonaki ma beretitentii ni bootaki n te uoote ao n te titeiki, beretitentii n aia kooram unimwaane, kauntira n te bitiobiriki, kauntira aika a rietata, ao kauntira n te beretitentii n te titeiki .

Kainnanoaia ao Butimwaeaia ni kabane—Tangira, Tibwatibwa ao ni Kakao

Ngkana membwa a kekeiaki ni kan namakina ae ngaiia bon kaaina, n tabetai taan kairiiri ao tabeman n ae bon tiaki nanoia a taekin bwaai are a na kamatoai aia koaua membwa aikai are aki tau inanona ke aki kainnanoia.

Uringakin koaua aikai iaon te tangira, tibwatibwa, ao te kakao e kona ni ibuobuoki ni butimwaiia ni kabane nakon waaki ni kakukurei, iraorao, ao n namakina ae a kaaina ana Ekaretia Iesu Kristo:

• Ni kabane aomata bon natin te Atua aika tangiraki ma rikiia ae mai iroun te Atua ao tokin kawaia. N reitaki ma te kakabwaia ae akea tokina E berita nakoia ake a kakaonimaki, E tangiria ni kakabwaiaia Natina ngkai, inanon te maiu aei.

• Natin te Atua n tatabemaniia a kainnanoaki n te mwakuri ibukin katean Abanueana.

• Ni buoka temanna n namakinna bwa teuanne ke neienne bon kaaina ao e kainnanoaki, moanna ma te tangira. Ongora bwa kona ota n te bwai are e rinanona teuanne ke neienne. Tai taku bwa ko a kaman ataia ke ni mataata iai.

• Bon akea iroura kaekaan ni kabane titiraki ake ngaira ke tabeman a kaitara ma ngaai n te maiu aei. Ibukin te katooto, ti aki ataia bwa bukin tera te aomata e kaitara ma te kangaanga teuana.

• Tatauraoi ni butimwaai ao aki momotikitaeka. Butimwaeia aomata n tatabemaniia, n tabo nako are e mena inanona n ana mwananga teuanne ke neienne. Anga te ibuobuoki,ao kabotoa am iango iaon te koaua bwa aomata n tatabemaniia a bon kainnanoaki n te Ekaretia.

• Ngkana ko tibanako n taekina te bwai ae kammaraka ana namakin temanna, tai kataia ni kataniko, kabwarabure ao imwiina ukoukora kabwaraan am bure ao kanakoaraoia riki.

Ibukin rongorongo iaon buokaia membwa n aro aika a onoti, taraa, Counseling Resources.

Ibuobuoki n Taekinna

• Kaaraki! Ko kainnanoaki ao ko tangiraki. Ko rabwa ibukin rokom ikai.

• Karakina te bwai ae ko rinanona. Tera ae ko tangiria bwa N na oota iai?

• Ti butimwaai ngkami ao ti kainnanoi ngkami n tabo nako ake kam mena iai ni mwangami. Ti na kangaa n ibuobuoki? Ko na kanga ni buokiira?

• E tangiria te Atua bwa kam na kukurei ngkai. Ana euangkerio e katauraoa te kantaninga ao te kukurei ibukiia ni kabane Natina.

E na Kanga Temanna ae Rairaki n Rikirake inanoia Taari aika a Reitaki

Reirein te Tangira, Tibwatibwa, ao Kakao

Beritanakin Kakabwaia ngkana Ti Tangira, Tibwatibwa, ao Kakao