Maibegkes iti Mangisalakan babaen kadagiti Katulagan
Training outline para iti Area, Coordinating, Mission, Stake, Ward, ken Branch Councils
Kabayatan daytoy a pangiturong, makita ken mangngeganyonto dagiti padas dagiti annak ti Nailangitan nga Amatayo iti nadumaduma a lugar iti dana ti panagbalin a naibegkes iti Mangisalakan babaen kadagiti katulagan ken ordinansa. Mangngeganyonto no kasano a nakatulong kadakuada ti panagayat, panangibinglay, ken panangawis iti panagdur-asda iti dana ti katulagan nga addaan iti rag-o. Mabalinyo a bigbigen no kasano nga agakem amin iti maysa a paset ti panangibinglay iti ebanghelio, ti aramid iti templo ken family history, ken ti panangaywan kadagiti agkasapulan. Ngem kangrunaan iti amin, mabalin a madlawyo no kasano amin dagitoy a banag ket “mapagkaykaysa … ken Cristo”(Taga Efeso 1:10).
Life Stage 1: Dagiti Ubbing
Buyaen ti video kadua da Presidente Joy D. Jones ken dagiti ubbing, ket kalpasanna ilawlawag no ania ti papanan ken aramidenyonto a mangtulong kadagiti ubbing a mangibegkes iti bagbagida iti Mangisalakan iti dana ti katulagan.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fe2%2F97%2Fe297c9df48d32d4a924eb2e6a50938c3ffa17abb%2Fe297c9df48d32d4a924eb2e6a50938c3ffa17abb.jpeg/full/!250,/0/default)
-
Ania ti insuro ti Espiritu kadatayo bayat ti panangbuyatayo iti daytoy a video?
-
Kasano a mangtulong kadagiti ubbing dagiti pagbatayan ti agayat, agibinglay, ken agawis bayat ti panagkagumaanda a mangibinglay iti ebanghelio?
-
Kasano a mangtulong ti serbisio kadagiti ubbing nga agtalinaed iti dana ti katulagan kalpasan ti panagbuniag?
Life Stage 2: Dagiti Agtutubo
Buyaen ti video kadua da Presidente Bonnie H. Cordon ken Presidente Stephen J. Lund ken dagiti agtutubo, ket kalpasanna paglilinnawagan no ania ti papanan ken aramidenyonto a mangtulong kadagiti agtutubo a mangibegkes iti bagbagida iti Mangisalakan iti dana ti katulagan.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F38%2F84%2F388438a9073e277374092e9814d77757147d6e06%2F388438a9073e277374092e9814d77757147d6e06.jpeg/full/!250,/0/default)
-
Kasano a makatulongtayo kadagiti agtutubo nga agtungpal kadagiti katulaganda iti panagbuniag ken agsagana para iti sumaruno nga addang iti dana iti katulagan?
-
Kasano a mangtulong kadagiti agtutubo dagiti pagbatayan ti agayat, agibinglay, ken agawis iti aramid iti templo ken family history?
-
Kasano a matulongantayo dagiti agtutubo a makarikna iti namnama ken pannakaibilang bayat ti pannakaibegkesda iti Mangisalakan?
Life Stage 3: Young Adult
Buyaen ti video kadua da Presidente Mark L. Pace ken dagiti young adult, ket kalpasanna paglilinnawagan no ania ti papanan ken aramidenyonto a mangtulong kadagiti young adult a mangibegkes iti bagbagida iti Mangilasalakan iti dana ti katulagan.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F36%2Ff9%2F36f922a26dbf8589fbe7e52a935db490c8946b55%2F36f922a26dbf8589fbe7e52a935db490c8946b55.jpeg/full/!250,/0/default)
-
Ania ti masursurotayo manipud iti panagayat, panangibinglay, ken panangawis nga idiaya dagiti dadduma kadatayo?
-
Kasano a matulongantayo dagiti young adult a makarikna iti namnama ken pannakaibilang bayat ti panagdur-asda iti panagpannuray iti bagi ken agserbi iti dadduma? Kasano a makatulongtayo kadakuada a mangammo a kasapulan ida iti Simbaan ti Apo?
-
Ania ti papel nga akmen dagiti napateg nga aktibidad iti Simbaan ken dagiti manangipateg a lider iti panangibegkes kadagiti young adult iti Mangisalakan?
Life Stage 4: Dagiti Nataengan
Buyaen ti video kadua da Presidente Jean B. Bingham ken dagiti nataengan, ket kalpasanna paglilinnawagan no ania ti papanan ken aramidenyonto a mangtulong kadagiti nataengan a mangibegkes iti bagbagida iti Mangilasalakan iti dana ti katulagan.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F28%2Fad%2F28ad3f75e25c3f0f8b4002a1d5f5b15bef1a9002%2F28ad3f75e25c3f0f8b4002a1d5f5b15bef1a9002.jpeg/full/!250,/0/default)
-
Kasano a mangisangbay dagiti katulagantayo iti pannakapaimbag ken mangtulong kadatayo nga agtalinaed iti dana—uray pay kadagiti narigat a panawen?
-
Ania dagiti wagas a nasarakantayo a mangtulong kadagiti miembro a mangibegkes iti bagbagida ken dagiti dadduma iti Mangisalakan babaen kadagiti katulagan ken ordinansa?
-
Kasano a matulongannatayo nga agayat, agibingay, ken agawis ti panangpadur-as iti naespirituan a panagpapannuray iti bagi?
Dagiti Resources para iti Area, Coordinating, Mission, Stake, Ward, ken Branch Councils
Para kadagiti Ubbing ken Agtutubo
Pakagupgopan para kadagiti Ubbing ken Agtutubo
Nairanta ti programa dagiti Ubbing ken Agtutubo tapno mangpapigsa iti pammati ken ni Jesucristo ti tumantanor a kaputotan ken mangtulong kadagiti ubbing, agtutubo, ken pamiliada a dumur-as iti dana ti katulagan bayat ti panakaipasangoda kadagiti karit ti biag. Daytoy ti mangtulong kadagiti ubbing ken agtutubo kadagiti panagkagumaanda a makiraman iti panangummong iti Israel ken iti aramid ti pannakaisalakan ken pannakaitan-ok iti inaldaw a biagda. Naipamaysa daytoy iti pagtaengan ken suportado ti simbaan.
Dagiti Namnama para iti Tumantanor a Kaputotan
Tumulong ti programa dagiti Ubbing ken Agtutubo iti panagdur-as ti tumantanor a kaputotan iti adu a wagas, agraman babaen ti paltiing, karbengan nga agpili, ken dagiti pagnanaigan. Masursuro ti tunggal maysa ti umawat ken agtignay iti personal a paltiing bayat ti panangaramatda iti karbengan nga agpili ken panangpilida kadagiti gundaway a dumur-as para iti bagbagida. Mapasamak pay daytoy bayat ti panagsursuro dagiti agtutubo a mangidaulo kadagiti panguluen ti korum ken klase. Mangparnuayda kadagiti pagnanaigan kadagiti pamiliada, liderda, ken dadduma pay iti bukodda nga edad bayat ti panagtrabaho ken panagserbida a sangkamaysa ken panangammoda a maibilangda ken kasapulan ida iti aramid ti Apo.
Sadino ti Nasken a Pangrugiantayo Ita?
Awisentayo dagiti ubbing, agtutubo, ken dagiti nagannak ken liderda tapno agkumit wenno ulitenda ti agkumit nga agbalin nga ad-adda a kas iti Mangisalakan babaen ti pannakiraman iti aramidna. Saan a nasken nga agbalin a narigat dagitoy a panagkagumaan! Dagitoy ti sumagmamano a simple a lugar a pangrugian:
Nagannak
-
Ummongenyo ti pamiliayo para iti panagadal iti ebanghelio. Makatulong tiUmaykayo, Sumurot Kaniak a resources. Mabalinmo nga ibilang ti kaadda dagiti panaglilinnawag maipapan kadagiti topiko kas kadagiti katulagan, paltiing, karbengan nga agpili, ken patriarchal blessing.
-
Agplano iti maysa nga aktibidad ti pamilia. Kasano a sitatalged a makapagserbikayo iti maysa a tao iti sangakaarrubaan wenno komunidadyo? No adda a magun-od, matulongannakayo ti JustServe a mangsapul kadagiti kapanunotan.
-
Makipagkitakayo iti tunggal anak a lalaki ken anak a babai. Paglinnawagan dagiti pagesmanda ken pagsaritaan no kasano ti kayatda a pakadur-asan. Tulongan ken suportaranyo ida iti bukodda a panagdur-as. Pagsaritaan maipapan no ania dagiti panggep a tun-oyen nga intudingda wenno kayatda nga itrabaho.
Dagiti lider iti Primary
-
Ammuen dagiti kasasaad iti pagtaengan dagiti ubbing, ken agkalikagum a maaddaan iti paltiing a mangtulong kadakuada kas tao.
-
Mangrugi iti panangangay kadagiti miting iti Domingo ken aktibidad iti Primary iti personal wenno virtual (no natalged ken awtorisado).
-
Saan a madanagan maipapan iti panangikonekta kadagiti panggep a tun-oyen ti tunggal tao kadagiti aktibidad! Ti pokusyo ket panangikonekta ken panangbendision kadagiti ubbing ken pamiliada—nangnangruna no kasapulanda wenno dumawatda iti tulong.
Dagiti nataengan a lider dagiti agtutubo.
-
Mangrugi iti panangangay kadagiti miting iti Domingo ken aktibidad iti korum ken klase iti personal wenno virtual (no natalged ken awtorisado). Allukoyenyo dagiti agtutubo a mangyulo ken mangirugi kadagiti miting nga usarenda dagiti baro a tema ti Young Women ken Aaronic Priesthood quorum.
-
Awagan, i-set apart, ken pabilgenyo dagiti panguluen ti korum ken klase. Tulonganyo ida a mangangay kadagiti regular a miting ti panguluen ken mangplano ken mangidaulo kadagiti miting iti Domingo ken aktibidad. Angayenyo dagiti youth councils iti ward, ken yallukoy ti pannakiraman kadagiti coordination meeting iti missionary ken temple ken family history. Isuro ken suportaranyo dagiti panguluen kas kasapulan a saanyo a suksukatan. Tulonganyo dagiti panguluen nga agsursuro kadagiti paglaingan iti panangidaulo nga us-usaren dagiti resources iti panguluen ti korum ken klase.
-
Planuen ken angayenyo dagiti youth camp ken youth conference iti 2021, a mangsursurot kadagiti pangiwanwan iti panagtalged.
-
Saan a madanagan maipapan iti panangikonekta kadagiti panggep a tun-oyen ti tunggal tao kadagiti aktibidad! Ipakatyo ti pigsayo iti panangikonekta kadagiti mismo nga agtutubo. Mabalin pay a tulonganyo dagiti panguluen ti korum ken klase a maikonekta dagiti aktibidad kadagiti kasapulan dagiti agtutubo.
Para iti ad-adu pay nga impormasion, kitaen iti ChildrenandYouth.ChurchofJesusChrist.org.
Para kadagiti Nataengan
Dagiti Lugar a Paguummongan ti YSA
Nangted ti Umuna a Panguluen iti pananganamong kadagiti area a mangipasdek kadagiti paguummongan a lugar para kadagiti young single adult a maibatay kadagiti kasapulan ti area. Ti maysa a paguummongan a lugar ti naituding a lokasion iti maysa a sidadaan a pasilidad (kas iti meetinghouse wenno pasdek para iti institute) a mabalin a paguummongan dagiti young single adult ken dagiti gagayyemda tapno makiraman iti sumagmamano wenno amin kadagiti sumaganad (maibatay kadagiti kasapulan ken resources):
-
Edukasion mainaig iti relihion ken panagsursuro iti ebanghelio (agraman iti institute)
-
Serbisio ken dagiti aktibidad iti pannakilangen
-
Dagiti aktibidad iti templo ken family history
-
Panangpannuray iti bukod a kabaelan ken dagiti gundaway a mainaig iti edukasion
-
Dagiti aktibidad iti missionary ken tulong iti komunidad
-
Dadduma pay a programa iti Simbaan
Nasken nga anamongan ti Panguluen ti Area ti amin a paguummongan a lugar ken asikasuen dagiti stake president ken bishop.
Dagiti Takem [Calling] dagiti Young Single Adult ken Single Adult
Dagiti kallabes a panagbalbaliw iti annuroten ken pannakalawlawag ket nangikeddeng kadagiti mabalin a saan a panagkikinnaawatan ken tradision maipapan iti limitasion kadagiti gundaway para kadagiti awan asawana a miembro nga agserbi iti Simbaan ti Apo. Dagitoy a panagbalbaliw iti annuroten ken pannakalawlawag, nga inanamongan ti Umuna a Panguluen ken ti Korum dagiti Sangapulo-ket-dua nga Apostol ken nairaman iti Sapasap a Hanbuk, ket mangilawlawag a mabalin dagiti young single adult ken single adult a mabendisionan ken makabendision iti dadduma iti adu a takem [calling], agraman kas dagiti lider iti stake ken ward. Maipatpatungpal itan dagita met la nga annuroten iti amin a yunit ti Simbaan, agraman kadagiti yunit ti young single adult ken single adult. Naikkaten dagiti restriksion a maisupiat kadagiti young single adult ken single adult nga agserserbi kadagiti panguluen ti stake, bishopric, panguluen ti Relief Society iti stake kadagiti yunit ti young single adult ken single adult.
Mabalin nga agserbi dagiti miembro a saan pay a naasawaan kadagiti saad [position] iti panangidaulo agraman dagiti panguluen ti organisasion iti ward ken stake, dagiti panguluen ti elders quorum, dagiti mammagbaga iti bishopric, dagiti high councilor, ken dagiti mammagbaga iti panguluen iti stake.
Pannakasapul ken Panangpasangbay iti Amin—Agayat, Agibinglay, ken Agawis
No ikarigatan dagiti miembro ti makarikna iti pannakaibilang, no dadduma saan nga igagara dagiti lider ken dadduma pay a mangisao kadagiti banag a mangpatibker iti pammati dagitoy a miembro a saanda a maibagay wenno saanda kasapulan.
Iti pananglagip kadagitoy a kinapudno maipapan iti agayat, agibinglay, ken agawis ket mabalin a makatulong iti panangpasangbay iti amin iti aktibidad, pannakisinninged, ken pannakaibilang iti Simbaan ni Jesucristo:
-
Tunggal tao ket maipatpateg nga anak ti Dios nga addaan iti nadiosan a kababalin ken pagtungpalan. Kas mainayon kadagiti agnanayon a bendision nga ikarina kadagiti napudno, kayatna a bendisionan dagiti annakna itan, kabayatan daytoy a biag.
-
Kasapulan ti tunggal anak ti Dios iti aramid ti panangbangon iti pagarianna.
-
Tapno matulongan ti maysa a tao a makarikna a maibilang ken kasapulan isuna, mangrugi iti ayat. Dumngeg tapno maawatan dagiti padasna. Saanyo nga ipapan nga ammoyon wenno maawatanyo.
-
Awan kadatayo dagiti sungbat iti amin a saludsod a sanguentayo wenno sanguen dagiti dadduma ditoy a biag. Kas pagarigan, ditayo ammo dagiti gapu ti mabalin a pakaipaspasanguan ti maysa a tao iti naipangpangruna a karit.
-
Agbalin a nakasagana ken saan a managhusga. Pasangbayenyo ti tunggal tao, sadino man ti panagdaliasat dayta a tao. Idiaya ti tulong, ken agpokus iti kinapudno a ti tunggal tao ket kasapulan iti Simbaan.
-
No naliwayanyo nga insao ti maysa a banag a makapasakit, saankayo koma a depensibo; dumawatkayo iti dispensar ken kalpasanna agkiddawkayo iti pannakapakawan ken pannakapasayaat.
Para iti impormasion maipapan iti panangtulong kadagiti miembro iti naipangruna a kasasaad, kitaen iti Counseling Resources.
No Kasano a Dimmur-as ti Kumbersion ti Maysa iti Bunggoy dagiti Agkakabsat a Lallaki
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd2%2F44%2Fd244bc49d5a6cb261bfe24769e32cde2502d0e0d%2Fd244bc49d5a6cb261bfe24769e32cde2502d0e0d.jpeg/full/!250,/0/default)
Dagiti Pagbatayan ti Agayat, Agibinglay, ken Agawis
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F3e%2Ff0%2F3ef0b05f415e20f45b275e3be54dcda09d297a66%2F3ef0b05f415e20f45b275e3be54dcda09d297a66.jpeg/full/!250,/0/default)
Dagiti Naikari a Bendision no Agayat, Agibinglay, ken Agawistayo
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F7f%2Fba%2F7fba7eba027455ab4dce8da1be86612e5b48f3ef%2F7fba7eba027455ab4dce8da1be86612e5b48f3ef.jpeg/full/!250,/0/default)