Pija

scenes of people participating in ordinances

Kepaakļo̧k Rilo̧mo̧o̧r eo kōn Bujen im Kain̄i ko

Kōmeļeļe ko an ritōl kar kwaļo̧k kadkadier ilo iien kweilo̧k eo eļap an ritōl ilo Eproļ 2021.

Kaminene eo kōllaajrake n̄an ko̧o̧njeļ ko an eria, karōk[coordinating], Mijen, Stake, Ward im Branch ko.

Ilo iien kōmeļeļe in, kwonaaj loe im ron̄jake en̄jake ko an ajri ro nejin Jemedwōj Ilan̄ ilo jikin ko rokkotaktak ilo iaļ eo aer n̄an liāp n̄an Rilo̧mo̧o̧r eo kōn bujen ko im kain̄i ko. Kwonaaj ron̄jake wāween an iakwe, kwaļo̧k, im karuwainene kar jipan̄ er eddōkļo̧k ilo iaļan bujen in kōn lan̄lōn̄. Komaron̄ kile wāween kwaļo̧k gospel eo, jerbal in tampeļ im menmenbwij an baam̧le, im kea kōn ro rej pād ilo aikuj, aolep men kein eļap tokjāer im raorōk. Ak ilōn̄inļo̧k aolep men kein, komaron̄ kile wāween an aolep men kein “kobaik men ko otemjej … ilo Kraist” (Epesōs 1:10).

Life Stage 1: Ajri ro

Alooje pija in alooj eo kōn Būreejtōn Joy D. Jones im ajri ro, innām ekōnono kōn ta eo kwonaaj etal im kōm̧m̧ane n̄an jipan̄ ajri ro liāpe er make n̄an Rilo̧mo̧o̧r eo ilo iaļ in bujen eo.

Ta eo Jetōb ekar katakin kōj ilo ad kar alooje pija in alooj in?
Ewi wāween an pedped in katak eo kōn iakwe, kwaļo̧k, im karuwainene jipan̄ ajri ro ilo aer kajjieon̄ kwaļo̧k kōn gospel eo?
Ewi wāween an jerbal in jipan̄ jipan̄ ajri ro pād wōt ilo iaļan bujen in ālkin aer peptaij?

Pija

leddik ej riit n̄an jinen im jemān ilo jea eo

Life Stage 2: Jodikdik ro

Alooje pija in alooj eo ippān Būreejtōn Bonnie H. Cordon im Būreejtōn Stephen J. Lund im jodikdik ro, innām ekōnono kōn ta eo kwonaaj etal im kōm̧m̧ane n̄an jipan̄ jodikdik liāpe er make n̄an Rilo̧mo̧o̧r eo ilo iaļ in bujen eo.

Ewi wāween ad jipan̄ jodikdik ro kōjparok bujen ko aer me rekar kōm̧m̧an ilo iien peptaij im kōpooj er n̄an bun̄tōn eo tok juon ilo iaļan bujen in?
Ewi wāween an pedped in katak ko kōn iakwe, kwaļo̧k, im karuwainene jipan̄ jodikdik ro bōk koņaer ilo jerbal an tampeļ im menmenbwij an baam̧le?
Ewi wāween ad jipan̄ jodikdik ro en̄jake kōjatdikdik im aorōk ilo aer liāp n̄an Rilo̧mo̧o̧r eo?

Life Stage 3: Rūm̧m̧an Ded ro

Alooje pija in alooj ippān Būreejtōn Mark L. Pace im rūm̧m̧an ded ro, innām ekōnono kōn ta eo kom̧ naaj etal im kōm̧m̧ane n̄an jipan̄ rūm̧m̧an ded ro liāp n̄an Rilo̧mo̧o̧r eo ilo iaļ in bujen eo.

Ta eo jej ekkatak jān iakwe, kwaļo̧k, im karuwainene me ro jet rej letok n̄an kōj?
Ewi wāween ad jipan̄ rūm̧m̧an ded ro en̄jake kōjatdikdik im aorōk ilo aer kōļapļo̧k jerbal in un̄n̄are peid make im jipan̄ ro jet? Ewi wāween ad jipan̄ er jeļā ta eo rej aikuji ilo Kabun̄ in an Irooj?
Ta jerbal eo an m̧akūtkūt ko an Kabun̄ in me eļap tokjān im kea kōn ritōl ro ilo an liāpe rūm̧m̧an ded ro n̄an Rilo̧mo̧o̧r?

Life Stage 4: Rūtto ro

Alooje pija in alooj eo ippān Būreejtōn Jean B. Bingham im rūtto ro im innām ekōnono kōn ta eo kom̧ naaj etal im kōm̧m̧ane n̄an jipan̄ rūtto ro liāpe er make n̄an Rilo̧mo̧o̧r eo ilo iaļ in bujen eo.

Ewi wāween an bujen ko bōktok kōmour im jipan̄ er pād wōt ilo iaļ in—em̧ool ilo iien ko reppen?
Ta wāween ko em̧ōj ad loi n̄an jipan̄ membōr ro liāpe er make im ro jet n̄an Rilo̧mo̧o̧r eo kōn bujen ko im kain̄i ko?
Ewi wāween an eddōkļo̧k ilo un̄n̄are peid make ilo jetōb jipan̄ kōj iakwe, kwaļo̧k, im karuwainene?

Kein jipan ko n̄an eria, Karōk [coordinating], Mijen, Stake, Ward im Branch Ko̧o̧njeļ ko

N̄an Ajri ro im Jodikdik ro

Tukadu in Meļeļe eo kōn Būrookraam̧ eo an Ajir ro im Jodikdik ro

Būrookraam̧ an Ajri ro im Jodikdik ro kar ļōme n̄an kōkajoorļo̧k tōmak eo an diktak in epepen eo ilo Jisōs Kraist im jipan̄ ajri ro, jodikdik ro, im baam̧le ko aer eddōkļo̧k ilo iaļ in bujen eo ilo aer jelm̧ae idajon̄jon̄ ko an mour in. Ej jipan̄ ajri ro im jodikdik ilo kijejeto ko aer n̄an bōk koņaer ilo aiintok Israel im jerbal in lo̧mo̧o̧r eo im mour eo eutiejtata ilo mour ko aer kajjojo raan. Ej pedped wōt ilo m̧ōko im Kabun̄ in ej rie.

Pija

baam̧le tallōn̄ toļ

Kōjatdikdik ko n̄an Diktak in Epepen eo.

Ajri ro im Jodikdik ro rej jipan̄ diktak in epepen eo ilo aer eddōkļo̧k ilo elōn̄ wāween ko, ekoba eddōkļo̧k kōn revelesōn, anemkwoj in kālet, im jem̧jerā ko. Kajjojo armej rej ekkatak n̄an bōk im jerbal ekkar n̄an revelesōn ko aer make ilo aer kōjerbal anemkwoj in kālet eo aer im kālet iien ko rem̧m̧an n̄an aer make eddōkļo̧k. Menin ej barāinwōt bōk jikin ilo an jodikdik ro ekkatak n̄an tōl ilo būreejtōn eo an doulul eo im kūlaaj eo. Rej kalōk jem̧jerā ko ippān baam̧le ko aer, ritōl ro aer, im ro jet ilo iiō ko aer make ilo aer jerbal im jipan̄ doon im jeļā bwe raorōk im eļap aikuji er ilo jerbal in an Irooj.

Ia Eo Jej Aikuj Ijjino Ie Rainin?

Jej karuwaineneik ajri ro, jodikdik ro, im ro jineer im jemāer im ritōl ro aer n̄an wūjlepļo̧k im bar wūjlepļo̧k n̄an erom̧ āinwōt Rilo̧mo̧o̧r ilo aer bōk koņaer il Kijejeto kein rejjab aikuj bwe ren pen! Enrrein rej jet iaan jikin ko reļam waan n̄an jino:

Jinen im Jemān Ajri ro

Kobaik baam̧le eo ami n̄an ekkatak kōn gospel eo. Itok, Ļoor Eō kein jipan̄ ko remaron̄ jipan̄. Komaron̄ ļōmņak in kōmeļeļe kōn unin kōnono ko kōn bujen, revelesōn, anemkwoj in kālet, im kōjeraam̧m̧an ko an petriak.
Ļōmņake juon m̧akūtkūt an baam̧le. Ewi wāween ami maron̄ jerbal n̄an juon rūturimi ak jukjuk in pād eo? Ijo ewōr ie, JustServe emaron̄ jipan̄ kom̧ lo ļōmņak.
Kweilo̧k ippān kajjojo ļaddik im leddik ro nejimi. Ekōnono kōn itok limo ko aer im kōnono kōn wāween aer kōņaan eddōkļo̧k. Jipan̄ im rie er ilo eddōkļo̧k eo aer make. Kōnono kōn ta kōttōpar ko ilo aer kajet im kōņaan bwe ren jerbale.

Ritōl ro an Būraimere

Jeļā jekjek ko an ajri ro ilo m̧ōko, im kappukot revelesōn, im kappukot revelesōn n̄an jipan̄ er āinwōt kajjojo ajri.
Jino kōm̧m̧an iien kweilo̧k ko an Jabōt im m̧akūtkūt ko an Būraimere ilo nememein armej ak ilo intōnet (n̄e em̧m̧an im kar kōmālim).
Jab inepata kōn kobaik kōttōpar ko an kajjojo n̄an m̧akūtkūt ko! Kwoj aikuj lolorjake am kakobaik ippān im kōjeraam̧m̧an ajri ro im baam̧le ko aer—eļaptata n̄e rej aikuj im kajjitōk jipan̄.

Ritōl ro rerūtto an jodikdik ro

Jino kōm̧m̧ane kweilo̧k ko ilo Jabōt im m̧akūtkūt ko an doulul eo an kūlaaj eo ilo ad lukkuun jelm̧ae doon ak ilo mejatoto (n̄e em̧m̧an im em̧ōj kōmālimi). Kapilōk jodikdik ro n̄an kakilōklōk im jino kweilo̧k ko kōn unin tōl eo an Doulul eo an Jiron̄ ro im Doulul eo an Priesthood eo an Aron.
Kūr, kōjenolo̧k, im kōkajoorļo̧k būreejtōnji eo an doulul ak kūlaaj eo. Jipan̄ er n̄an kōm̧m̧ane iien kweilo̧k ko an būreejtōnji aolep iien im n̄an karōk im tōl kweilo̧k im m̧akūtkūt ko an Jabōt. Kōm̧m̧ane ko̧o̧njeļ ko an jodikdik ro ilo ward eo, im kapilōk er n̄an bōk koņaer ilo kweilo̧k in kōjeikiik ko an mijenede im tampeļ im menmenbwij. Jipan̄ im rie būreejtōnji ro n̄e emenin aikuj ilo ami jab tōl ioer. Jipan̄ būreejtōnji eo ekkatak kapāāl in tōl ko ilo ami kōjerbal bok in kein jipan̄ ko an būreejtōnji eo an doulul im kūlaaj eo
Karōk im kōm̧m̧an kāām an jodikdik ro im kweilo̧k ko reļļap an jodikdik ro ilo 2021, ļoor unin tōl ko n̄an kōjparok.
Jab inepata kōn kobaik kōttōpar ko an kajjojo n̄an m̧akūtkūt ko! Likūt am̧ kajoor n̄an kakobaik jodikdik ippāer make. Komaron̄ bar jipan̄ būreejtōnji eo an doulul eo im kūlaaj eo kakobaik m̧akūtkūt ko n̄an aikuj ko an jodikdik ro.

N̄an meļeļe ko reļļapļo̧k, lale ChildrenandYouth.ChurchofJesusChrist.org

N̄an Rūtto ro

Jikin Aiintok Doon ko an Rūm̧m̧ad Ded ro

Būreejtōnji eo Kein Kajuon ekar leļo̧k mālim n̄an eria ko n̄an kajutak jikin aiintok doon ko n̄an rūm̧m̧an ded ro pedped ioon aikuj ko an eria eo. Juon jikin aiintok doon ej juon jikin em̧ōj ļōme ilo juon jikin epojak (āinwōt juon m̧ōnjar ak institute building) ijo rūm̧m̧an ded ro im ro m̧ōttaer remaron̄ aiintok doon n̄an bōk koņaer ilo jet iaan ak aolepān laajrak kein (pedped ioon aikuj ko ilo jikin eo im kein jipan̄ ko):

Jikin bōk jeļāļo̧kjeņ ikkijeen Kabun̄ im ekkatak gospel (ekoba institute)
Jerbal in Jipan̄ im m̧akūtkūt in iiaio ko
M̧akūtkūt ko an tampeļ im menmenbwij an baam̧le
Un̄n̄are peid make im iien ko rem̧m̧an kōn jeļāļo̧kjeņ
M̧akūtkūt in iien loļo̧k ko an mijenede im jukjuk in pād
Būrookraam̧ ko jet an Kabun̄ in

Aolep jikin aiintok doon ko rej aikuj kōmālimi jān Būreejtōnji eo an Eria im eddoiki jān stake būreejtōn eo im bisop ro.

Pija

rūm̧m̧an ded ro rej kōnono n̄an doon

Kūr ko an Rūm̧m̧an Ded ro Ejjeļo̧k Pāleer im Rūtto ro Ejjeļo̧k Pāleer

Oktak ikkijen kakien ko rekāāl tata im kalikkarļo̧k ko em̧ōj kajim̧wi likjab in meļeļe im iminene in m̧anit ko rebōd kōn jon̄an iien em̧m̧an n̄an kajjojo membōr ro n̄an jerbal ilo Im̧onjar eo an Irooj. Kakien kein roktak im kam̧ool kein, kar kōmālim jān Būreejtōnji eo Kein Kajuon im Doulul eo an Jon̄oulruo Rijilōk ro im ekoba Bōk in Bōk Meļeļe Eļap, ej kōmeļeļeik bwe rūm̧m̧an ded ro ejjeļo̧k pāleer im rūtto ro ejjeļo̧k pāleer remaron̄ jeraam̧m̧an jān im remaron̄ kōjeraam̧m̧an ro jet ilo elōn̄ kūr ko, ekoba ritōl ro an stake im ward ko. Ejja kakien kein rej kiiō jerbal ilo aolep jikin jar ko an Kabun̄ in, ekoba jikin jar ko an rūm̧m̧an ded ro ejjeļo̧k pāleer im rūtto ro. M̧o ko ņae rūm̧m̧an ded ro ejjeļo̧k pāleer im rūtto ro rej jerbal ilo būreetōnji eo an stake, bisoprik, im būreejtōnji eo an doulul eo an kōrā ro ilo jikin jar ko an rūm̧m̧an ded ro ejjeļo̧k pāleer im rūtto ro ejjeļo̧k pāleer em̧ōj juļo̧ki.

Membōr ro ejjeļo̧k pāleer remaron̄ jerbal ilo kūr ko an ritōl ekoba doulul ko an ward im stake būreejtōnji, būreetōnji eo an doulul eo an em̧m̧aan ro, rikakpilōklōk ro an bisoprik, high ko̧o̧njeļ, im rikakpilōklōk ro an stake būreejtōnji eo.

Aikuj eo im Karuwaineneik eo n̄an Aolep—Iakwe, Kwaļo̧k, im Karuwainene

N̄e membōr ro rej apan̄ n̄an en̄jake juon en̄jake in uwaan, jet iien ritōl im ro jet m̧oktaļo̧k rej ba men ko me renaaj kōkajoor membōr ro n̄an tōmak bwe rej jab ekkar im rej jab aikuji er.

Pija

rūm̧m̧an ded ro rej kōnono n̄an doon

Keememej m̧ool kein kōn iakwe, kwaļo̧k, im karuwainene remaron̄ jipan̄ ilo karuwaineneik aolep n̄an m̧akūtkūt, m̧ōttāik ro jet, im en̄jake aer aorōk ilo Kabun̄ eo an Jisōs Kraist.

Aolep armej rej ajri ro rejitōn bōro nejin Anij kōn kadkadier im aer mejān kajjik eo aer ekwojarjar. N̄an kakobaikļo̧k n̄an kōjeraam̧m̧an ko an mour indeeo E ej kallim̧uri kōj n̄an mour jim̧we, E ekōņaan bwe jen kōjeraam̧m̧an ajri ro Nejin kiiō, ilo mour in.
Kajjojo ajri nejin Anij remenin aikuj ilo jerbal in kalōk aelōn̄ in kiin̄ eo An.
N̄an jipan̄ juon armej en̄jake e eaorōk im eļap aikuji, ej jino kōn iakwe. Ron̄jake n̄an meļeļe en̄jake ko aer kajjojo. Jab ļōmņak bwe em̧ōj am̧ jeļā`ak meļeļe kadede.
Ejjeļo̧k uwaak ko ippād n̄an aolep kajjitōk ko me kōj ak ro jet jej iooni ilo mour in. N̄an waanjon̄ak, jejjab jeļa un ko juon armej emaron̄ jelm̧ae juon idajon̄jon̄ āinjuon.
Kwaļo̧k būruōm̧ ilo jouj im jab ekajete ro jet. Karuwaineneik kajjojo armej, ijoko jabdewōt me armej ej pād ie ilo iaļ eo an make. Kōtļo̧k n̄an jipan̄, im mije m̧ool eo me kajjojo armej eļap aikuji ilo Kabun̄ in.
Eļan̄n̄e kwoj jiriļo̧k am̧ ba juon men me ekōmetak bar juon armej, jab kajjieon̄ kapen būruōm̧ make; joļo̧k am̧ bōd im kappukot jeorļo̧k bōd im kōkm̧anm̧anļo̧k wāween am̧ kōnono.

Kōn meļeļe ko reļļapļo̧k ikkijeen jipan̄ membōr ro ilo jekejk ko kajjojo, lale Counseling Resources.

Elmen an Juon Oktak Eddōkļo̧k n̄an juon Band of Brothers

Katak kōn Iakwe, Kwaļo̧k, im Karuwainene

Kōjeraam̧m̧an ko kar Kallim̧ur Kaki ilo ad Iakwe, Kwaļo̧k, im Karuwainene