Përdorimi i Këtij Libri

Figurat artistike në këtë libër janë organizuar në gjashtë pjesë: Dhiata e Vjetër, Dhiata e Re, Libri i Mormonit, Historia e Kishës, Ungjilli në Veprim dhe Profetë të Ditëve të Mëvonshme. Ju mund t’i përdorni këto figura për të mësuar vetë dhe për mësimdhënie në shtëpi ose në kishë. Lista e mëposhtme jep një titull përshkrues për secilën figurë si dhe referenca për shkrimet e shenjta dhe burime të tjera që mund të përdoren për të mësuar mbi këto figura dhe për t’i diskutuar ato. Shqyrtimi i këtyre shkrimeve të shenjta dhe burimeve shoqëruese do të thellojë kuptimin tuaj të ngjarjeve dhe parimeve të ungjillit të përshkruara. Merrni parasysh idetë e mëposhtme për përdorimin e figurave dhe referencave:

Ftoni individët të shqyrtojnë shkrimet e shenjta ose burime të tjera që shoqërojnë një figurë të veçantë. Kërkojuni atyre të lexojnë ose përmbledhin këtë material gjatë një diskutimi të figurës.
Kërkojuni pjesëtarëve të familjes apo të klasës të përshkruajnë atë që shohin në figurë ose si i bën të ndiehen figura. Cilat parime të ungjillit mëson figura? Çfarë zbatimesh mund të bëhen në jetën tonë sot?
Ftojini individët t’i shohin figurat në mënyrë të pavarur. Ata mund të zgjedhin dy figura që t’i krahasojnë dhe të gjejnë dallimet. Vëzhgimet dhe pyetjet e tyre për atë që shohin mund të çojnë në bashkëbisedime mbi shkrimet e shenjta dhe mbi parimet e ungjillit.