Olsem Wanem blong Yusum Buk Ia

Ol pikja insaed long buk ia oli putum gud olgeta long sikis pat: OlTesteman, Niu Testeman, Buk blong Momon, Jos Histri, Gospel long Aksen, mo Ol Lata-dei Profet. Yu save yusum ol pikja ia blong lanem mo tij long hom o long jos. Lis ia i tekem wan taetol we i tokbaot gud wanwan pikja mo tu, i givim ol skripja refrens mo ol narafala tul we oli save yusum blong lanem abaot topik long pikja o blong toktok raon long pikja. Taem bae yufala i luklukgud long ol skripja mo ol tul we oli go wetem ol pikja ia, bae mi save mekem se yufala i gat moa andastaning abaot ol samting we i bin hapen mo ol gospel prinsipol we oli soem ia. Traem yusum ol tingting ia wetem ol pikja mo ol refrens we oli stap long olgeta:

Invaetem wanwan blong lukaotem ol skripja o narafala tul we oli go wetem wan spesel pikja. Askem olgeta blong ridim mo talem i sot wanem i stap long hem long taem we yufala i toktok raon long pikja ia.
Askem famle o ol memba blong klas blong tokbaot wanem nao oli luk long wan pikja mo olsem wanem pikja ia i bin mekem olgeta oli bin filim. Wanem gospel prinsipol nao pikja ia i tijim? Olsem wanem nao yumi save yusum long laef blong yumi tedei?
Invaetem wanwan blong lukluk tru long ol pikja blong olgetawan. Ating bae oli save pikimap tu pikja blong komperem mo faenem samting we i defren long tufala. Wanem oli lukluk mo ol kwestin blong olgeta bae i save mekem oli tokbaot ol skripja mo ol gospel prinsipol.