Vakayagataki ni iVola Oqo

Na veiyaloyalo era tiko ena ivola oqo e ono na kena wase: Veiyalayalati Makawa, Veiyalayalati Vou, iVola i Momani, iTukutuku Makawa ni Lotu, Bulataki ni Kosipeli, kei ira na Parofita Edaidai Sa rawa me vakayagataki na veiyaloyalo oqo me vulici ka vakavulici e vale se ena lotu. Na veika sa volai toka oqo sa iulutaga ni iyaloyalo yadua ka vakakina na veitiki ni ivolanikalou kei na ivurevure tale eso e rawa ni vakayagataki me vulici ka veivosakitaki kina na iyaloyalo. Na kena vulici na ivolanikalou e semati tiko kina kei na ivurevure ena vakatitobutaka na nomu kila na veika sa yaco kei na ivakavuvuli ni kosipeli e tukuni tiko. Vakasamataka mada na vakasama oqo ni vakayagataki na iyaloyalo kei na veitikina:

• Sureta eso mera vakasaqara na ivolanikalou kei na ivurevure tale eso e salavata kei na kena iyaloyalo. Kerei ira mera wilika se vakalekalekataka na itukutuku oqo ni veivosakitaki e dua na iyaloyalo.

• Kerea na matavuvale se lewe ni kalasi mera vakamacalataka na veika era raica ena dua na iyaloyalo se a veivakauqeti vakacava vei ira na iyaloyalo. Na ivakavuvuli vakosipeli cava e vakavulica tiko na iyaloyalo? Na veika cava e rawa ni da bulataka ki na noda bula nikua?

• Sureta eso mera vakadikeva mada vakai ira na iyaloyalo. Sa rawa mera veidutaitaka e dua se rua na iyaloyalo. Na nodra vakadidike kei na vakatataro me baleta na veika era sa raica, sa rawa mera veivosakitaka kina na ivolanikalou kei na ivakavuvuli ni kosipeli.

Na iyaloyalo vakosipeli tale eso, kei na vakasama ni kena vakayagataki na ivola oqo, e rawa ni laurai ena LDS.org.