Kev Siv Phau Ntawv No

Cov duab hauv phau ntawv no muaj nyob rau hauv rau kem: Phau Qub, Phau Tshiab, Phau Ntawv Maumoos, lub Koom Txoos zaj Keeb Kwm, Kev Ua Raws Li Txoj Moo Zoo, thiab cov Yaj Saub hauv lub Caij Nyoog Kawg. Nej siv tau cov duab no kawm thiab qhia hauv tsev los yog nyob hauv lub tsev koom txoos. Cov duab tej npe nram qab no piav txog txhua daim duab thiab qhia txog tej nqe vaj lug kub thiab lwm yam ntawv uas yus siv tau kom kawm txog thiab sib tham txog cov duab no. Qhov uas koj xav txog tej nqe vaj lug kub thiab lwm yam ntawv no yuav pab koj to taub zoo dua txog tej yam xwm thiab tej ntsiab cai uas cov duab piav txog. Cia li xav txog tej tswm yim siv cov duab thiab tej ntawv nram qab no:

Caw cov neeg ib txhia nrhiav tej nqe vaj lug kub los sis lwm yam ntawv uas hais txog ib daim duab. Hais kom lawv nyeem los yog piav txog tej yam no thaum nej sib tham txog daim duab ntawd.
Hais kom yus tsev neeg los yog cov hauv yus chav kawm piav hais tias lawv pom dab tsi nyob hauv ib daim duab los yog piav txog qhov uas daim duab ntawd ua rau lawv xav dab tsi hauv lawv tej siab. Daim duab qhia txog txoj moo zoo tej ntsiab cai twg? Niaj hnub nim no, peb yuav nruab tau li cas rau peb lub neej?
Caw cov neeg ib txhia kom lawv saib tej daim duab no ntawm lawv tus kheej. Tej zaus lawv xaiv tau ob daim duab thiab muab ib daim piv rau ib daim. Qhov uas lawv qhia thiab nug tej yam txog tej daim duab ntawd tej zaum yuav ua rau lawv xav sib tham txog vaj lug kub thiab cov ntsiab cai txog txoj moo zoo.