Video me a Siasing
Babier er a Zunga er a Osischakl

A Usbechel Tiang el Babier

A zunga el ngar tia el babier a blii el mo elolem el bliongel: Chuodel Renged, Beches el Renged, Babier er a Mormon, Reksi er a Ikelesia, Osischakl el Mekedmokl, me a reProfet er a Uriul-klebesei. Ng sebechem el ousbech ikang el siasing el olisechakl er a blai malechub eng ikelesia. A dai er a siasing el llechukl el obengkel a bades er a chedaol llechukl me a bebil er a tekoi el sebechel usbechall er a omesubel me a omesodel ngii el siasing. Sel bo mungil omes a ikang el siasing e mchuiu a ikei el cheldecheduch el obengkel eng mo dmolech a klemedengei er kau er a dilubech el teletael me a suobel er a osischakl el locholt a siasing. Mutab a ikang el beldukl el teletael er a usbechel a ikang el siasing me a omsodel:

  • Molengit er a dertang el chad mel sal mo ungil mes a ikang el siasing el chuiu a omsodel. Molengit er tir me louchais er a cherrengelel a suobel el ngara siasing.

  • Molengit er a rechedal a telungalk me louchais a loues er a ikang el siasing me a tekoi el lomelchesiu er a rengrir. Ngerang el suobel er a osischakl a sebechel mosischakl er a osengel a siasing? Ngerang el suobel a sebeched el otaut er a klechad er kid er elechang?

  • Molengit er a dertang er tir me dil tir el omes ngii el siasing. Te locha ngmilt a erung er ngii e mengaisisiu el omes a losisiu er ngii me a le kakerous er ngii. A ultebengir me a kerrir er a ikei el loues a sebechel mekdubech a dmolech el omsodel a suobel er a osischakl.