Edikasyon
1: Edikasyon Enpòtan

“1: Edikasyon Enpòtan,” Ede Pitit Ou yo Gen Siksè nan Lekòl: Gid pou Paran (2021)

“1: Edkasyon Enpòtan,” Ede Pitit Ou yo Gen Siksè nan Lekòl: Gid pou Paran

1

Edikasyon Enpòtan

Kesyon pou Diskite

  1. Gade foto sa yo. Kisa ou wè?

  2. Kòman fanmi yo ap aprann ansanm?

  3. Poukisa edikasyon enpòtan?

yon fanmi k ap etidye ansanm
granmè ak pitit-pitit k ap etidye nan yon tablèt

Aprann

paran k ap anseye timoun piti

Edikasyon fè pati plan Bondye a. Nan ekriti yo, yo di nou “Chèche pawòl sajès nan pi bon liv yo; chèche konesans, menm nan etid epi avèk lafwa” (Doktrin ak Alyans 88:118 Pandan n ap aprann ak pwogrese, nou pral aprann plis sou plan Bondye a pou nou.

Jezikri se yon egzanp sou moun ki aprann anpil. Ekriti yo anseye nou ke Jezi te “grandi nan sajès” (Lik 2:52). Pè Selès ap beni ou epi L ap ede w aprann. L ap beni pitit ou yo pandan y ap aprann ak suiv egzanp Jezi.

Prezidan Gordon B. Hinckley te anseye ke “edikasyon se kle ki ap ouvri pòt opòtinite” (“Kite Vèti Gani Panse Ou Tout Tan,” Lyawona, Me 2007, 116). Sa vle di ke edikasyon ka ede oumenm avèk pitit ou yo aprann nouvo talan. Li ka ede w anseye lòt moun ak pran swen fanmi ou.

Panse epi Priye

Panse epi priye sou sa w aprann yo. Ekri nenpòt panse w genyen oubyen ide ki soti nan Sentespri a. Kisa w panse Senyè a vle pou w fè?

Aktivite

Gade foto ki anba yo. Panse epi diskite sou sa moun yo ap fè nan chak foto. Kijan w panse aprantisaj ak edikasyon ede moun ki nan foto sa yo?

Yon fi k ap trese pay
yon gason k ap etidye sou konpitè
yon fi k ap li papye
Yon fi k ap pran mezi
Yon gason k ap konstwi
yon gason ak yon timoun
Yon fi k ap itilize yon kès

Pale avèk Fanmi ou

Pale avèk fanmi w sou sa w aprann. Diskite kesyon ki anba yo. Mande manm nan fanmi w pou yo pataje ide yo epi pou yonn koute lòt.

  • Kijan suiv egzanp Jezi ka ede w nan lekòl?

  • Kijan edikasyon ka ede w nan lavi ou?

  • Kisa nou ka fè kòm fanmi pou youn ede lòt aprann ak pwogrese?

Yon jènfi k ap desine avèk fanmi li