“2: Fesoasoani i Lau Fanau ia Aoao,” Fesoasoani i Lau Fanau ia Manuia i le Aoga: Taiala mo Matua (2021)
“2: Fesoasoani i Lau Fanau ia Aoao,” Fesoasoani i Lau Fanau ia Manuia i le Aoga: Taiala mo Matua
2
Fesoasoani i Lau Fanau ia Aoao
Fesili e Talanoa i ai
-
Vaavaai i ata nei. O a mea ua e vaaia?
-
O faapefea ona aoao e tina a latou fanau i nei ata?
-
O le a se mea se tasi e te faia e aoao ai lau fanau?
Aoao
E tele auala e tausia ai e matua a latou fanau. E te faamanuiaina lau fanau i aso uma e ala i le fesoasoani ia i latou e aoao. A aoao tamaiti, latou te maua lagona lelei e uiga ia i latou lava ma mananao e aoao atili.
O isi tagata e mafai ona fesoasoani i lau fanau e aoao, ae o matua o ni faiaoga muamua ma sili ona lelei o tamaiti. E mafai ona e fesoasoani i lau fanau ia iloa e avea atili i latou e faapei o lo tatou Tama Faalelagi ma Lona Alo, o Iesu Keriso, a o latou aoao.
E vaai lau fanau i mea e te faia. A latou vaai e te faaavanoaina se taimi e aoao ai, o le a latou iloa e taua le a‘otauina. E tele auala e mafai ona e faaauau ai ona aoaoina.
-
Suesue i tusitusiga paia.
-
Faitau tusi.
-
Talanoa ma tagata e uiga i talafou o siomia ai oe ma i le lalolagi.
-
Ia maua nisi aoaoga e fai lelei atili ai lau galuega.
-
Ia maua ni aoaoga aloaia sili atu.
-
Aoao ni tomai fou.
Mafaufau ma Tatalo
Mafaufau i mea na e aoaoina. Tusi i lalo soo se manatu o ia te oe po o manatu e sau mai le Agaga Paia. O le a sou manatu i le mea e finagalo le Alii e te faia? E mafai faapefea ona e faia se faataitaiga mo lau fanau e ala i le faaauau pea ona aoao?
Gaoioiga
E mafai faapefea ona e fesoasoani i tagata taitoatasi o lou aiga e aoao? Fesili i tagata o lou aiga po o a mea latou te mananao e aoao ma pe mafai faapefea ona e fesoasoani ia i latou. Tusi i lalo a latou tali.
|
Tagata o le Aiga |
O a Ni Mea e Manaomia ona Latou Aoaoina? |
E Mafai Faapefea Ona E Fesoasoani ia i Latou? |
|---|---|---|
Tagata o le Aiga Faataitaiga Derek (atalii) | O a Ni Mea e Manaomia ona Latou Aoaoina? -Pasi le suega ina ia mafai ai ona alu i le aoga maualuga -Aoao lelei atili le Igilisi | E Mafai Faapefea Ona E Fesoasoani ia i Latou? -Aoao aso o le suega -Iloilo meaaoga i le fale -Tautala FaaPeretania i lo matou fale |
Talanoa ma Lou Aiga
Talanoa ma lou aiga e uiga i mea ua e aoaoina. Talanoaina fesili nei. Fai i tagata o lou aiga e faasoa mai o latou manatu ma faalogo i le tasi ma le isi.
-
E faapefea ona fesoasoani le aoaoina ia i tatou e avea atili ai pei o lo tatou Tama Faalelagi?
-
E mafai faapefea ona tatou fesoasoani i tagata uma o le aiga ia aoao ma faaauau i a latou aoaoga?