3

Nou Se Pitit Bondye

Kesyon pou Diskite

1. Gade foto sa yo. Kisa ou wè?

2. Kisa w ka fè pou ede pitit ou yo konnen yo se pitit Bondye?

3. Kòman lè yo konnen yo se pitit Bondye sa ka ede pitit ou yo gen siksè nan lekòl?

Aprann

Anseye pitit ou yo ke nou se pitit Bondye. Nou tout ka vin tankou Li pandan n ap aprann ak pwogrese. Ede pitit ou yo konprann ke yo ka gen siksè nan lekòl paske yo se pitit Bondye. Ide ki anba yo ap ede pitit ou yo gen siksè nan lekòl:

Konsantre sou lekòl

Ede pitit ou yo ale lekòl pou yo rive alè. Yo ta dwe eseye ale lekòl chak jou epi prepare pou egzamen ki enpòtan yo.

Eseye Fè Tout Efò Ou

Anseye pitit ou yo pou yo fè tout efò yo epi pou yo pa dekouraje lè sa difisil.

Ou Dwe Obeyisan

Anseye pitit ou yo pou yo obeyi kòmandman yo, paran yo, ak règ lekòl yo. Y ap resevwa benediksyon paske yo obeyisan.

Mande Èd

Anseye pitit ou yo pou yo mande èd ak pou yo aprann nan men lòt moun. Priye avèk yo lè yo pa konprann kijan pou yo fè yon bagay.

Pale Ansanm

Pale avèk pitit ou yo, epi fè yo konnen yo ka vin kote w pou yo jwenn èd. Mande yo kisa ki difisil pou yo. Travay ansanm pou rezoud pwoblèm yo.

Kwè nan tèt Ou

Ede pitit ou yo kwè nan tèt yo ak panse bon bagay. Lè timoun panse bon bagay apwopo tèt yo, yo santi yo ka gen siksè.

Panse epi Priye

Panse sou sa w aprann yo. Ekri nenpòt panse ou genyen oubyen ide ki soti nan Sentespri a. Kisa w panse Senyè a vle w fè? Kisa w ka fè pou ede pitit ou yo gen siksè nan lekòl?

Aktivite

Nou se Pitit Bondye, epi Li renmen nou. Li renmen oumenm ak fanmi ou. Panse sou fason Bondye wè chak manm nan fanmi w yo. Nan espas ki anba a, ekri kèk mo oubyen desine foto pou montre yonn oubyen de bon bagay konsènan chak moun nan fanmi ou. Pataje bagay sa yo avèk fanmi ou.

Egzanp

Kofi:

Priscilla janti.

Fehi kontan.

Sione travay anpil.

Desine foto epi ekri mo pa w nan espas ki anba la a:

Pale avèk Fanmi Ou

Pale avèk fanmi w sou sa w aprann. Diskite kesyon ki anba yo. Mande manm fanmi ou pou yo pataje ide yo epi pou yonn koute lòt.

• Ki fason lè nou konn kijan Bondye wè ak renmen pitit Li yo, sa ka ede nou nan lavi nou?

• Kijan lè w konnen ou se pitit Bondye, sa ka ede w gen siksè nan lekòl?