3

O i Tatou o Fanau a le Atua

Fesili e Talanoa i ai

1. Vaavaai i ata nei. O a mea ua e vaaia?

2. O le a se mea e mafai ona e faia e fesoasoani ai i lau fanau ia iloa o i latou o fanau a le Atua?

3. E mafai faapefea e le iloaina o i latou o fanau a le Atua ona fesoasoani i lau fanau ia manuia i le aoga?

Aoao

Aoao lau fanau o i tatou o fanau a le Atua. E mafai ona avea i tatou uma e faapei o Ia a o tatou aoao ma tuputupu ae. Fesoasoani i lau fanau ia malamalama e mafai ona latou manuia i le aoga aua o i latou o fanau a le Atua. O le a fesoasoani manatu o loo i lalo i lau fanau ia manuia i le aoga:

Taulai i le Aoga

Fesoasoani i lau fanau e o i le aoga ma ia taunuu i le taimi sa’o. E tatau ona latou taumafai e o i le aoga i aso uma ma saunia mo suega taua.

Fai le Mea Sili E te Mafaia

Aoao lau fanau e taumafai i le mea sili latou te mafaia ma aua le fiu pe a oo ina faigata mea.

Ia Usiusitai

Aoao lau fanau ia usitai i poloaiga, i o latou matua, ma tulafono a le aoga. O le a faamanuiaina i latou ona latou te usiusitai.

Fesili mo se Fesoasoani

Aoao lau fanau e fesili atu mo se fesoasoani ma aoao mai isi. Tatalo faatasi ma i latou pe a latou le malamalama pe faapefea ona fai se mea.

Talanoa Faatasi

Talanoa ma lau fanau, ma faailoa atu ia i latou e mafai ona latou o mai ia te oe mo se fesoasoani. Fesili atu ia i latou e uiga i mea e faigata mo i latou. Galulue faatasi e foia faafitauli.

Talitonu ia te Oe Lava Ia

Fesoasoani i lau fanau ia talitonu ia i latou lava ma mafaufau i ni mafaufauga lelei. A mafaufau tamaiti i mafaufauga lelei e uiga ia i latou lava, latou te lagona e mafai ona faamanuiaina i latou.

Mafaufau ma Tatalo

Mafaufau i mea na e aoaoina. Tusi i lalo soo se manatu o ia te oe po o manatu e sau mai le Agaga Paia. O le a sou manatu i le mea e finagalo le Alii e te faia? O le a se mea e mafai ona e faia e fesoasoani ai i lau fanau ia manuia i le aoga?

Gaoioiga

O i tatou o fanau a le Atua, ma e alofa o Ia ia i tatou. E alofa o Ia ia te oe ma lou aiga. Mafaufau i le ala e silasila ai le Atua i tagata uma o lou aiga. I le avanoa o i lalo, tusi ai ni nai upu pe tusi ni ata e faaali mai ai se mea lelei se tasi pe lua e uiga i tagata taitasi o lou aiga. Faasoa atu nei mea i lou aiga.

Faataitaiga

Kofi:

E agalelei Pisila.

E fiafia Fehi.

O Sione o se tagata galue malosi.

Tusi au ata ma tusi au upu i le avanoa o i lalo:

Talanoa ma Lou Aiga

Talanoa ma lou aiga e uiga i mea ua e aoaoina. Talanoaina fesili nei. Fai i tagata o lou aiga e faasoa mai o latou manatu ma faalogo i le tasi ma le isi.

• E faapefea ona fesoasoani ia i tatou i o tatou olaga le iloaina o le ala e silasila ai ma alofa le Atua i Ana fanau?

• E mafai faapefea e le iloaina o oe o se atalii/afafine o le Atua ona fesoasoani ia te oe ia manuia ai i le aoga?