5

Aprann Ansanm Lakay

Kesyon pou diskite

1. Gade foto sa yo. Kisa ou wè?

2. Kijan timoun yo aprann nan travay ak jwe ansanm?

3. Kisa w fè avèk pitit ou yo anplis lekòl ki ede yo aprann?

Aprann

Fanmi yo ka fè fwaye yo tounen plas kote Sentespri a ka ede yo aprann. Yo ka pale konsènan Jezikri ak sou eseye pou vin plis tankou Li? Ou ka fè anpil bagay pou envite Sentespri a andedan fwaye ou epi kenbe fanmi w solid. Ou ka priye ak li ekriti yo an fanmi chak jou, viv levanjil la, ak sèvi lòt moun.

Lè Sentespri a prezan nan fwaye ou, fanmi w ap trete youn lòt avèk jantiyès ak lanmou. Lè pitit ou yo santi ke w renmen yo, y ap santi sipò yo bezwen pou yo ka reyisi a.

Bagay sa yo ap ede fwaye w vin yon plas pou lanmou ak aprantisaj:

• Ou dwe pasyan.

• Eseye pa fè kòlè.

• Pase tan ansanm.

• Amize ou.

• Koute avèk atansyon.

• Felisite timoun yo pandan y ap eseye aprann.

• Itilize mo janti.

Panse epi Priye

Panse sou sa w aprann yo. Ekri tout ide ou genyen oswa ide ki soti nan Sentespri a. Kisa w panse Senyè a vle w fè? Ki bagay ou ka fè pou w genyen oswa montre plis lanmou nan fwaye ou?

Aktivite

Reflechi sou bagay ki ede lakay ou ranpli ak lanmou. Ekri de oswa twa ide sou bagay nou wè, tande, ak santi si fwaye nou ranpli avèk lanmou.

Kisa w wè lè w gade tout andedan lakay ou?

• Egzanp: Moun ka p ede youn lòt.

Kisa w tande manm fanmi yo di youn ak lòt?

• Egzanp: Pawòl janti.

Kisa manm fanmi yo santi lè yo lakay yo?

• Egzanp: Yo santi ke nou renmen yo.

Ede pitit ou yo lè bagay yo difisil pou yo. Men yon egzanp sou fason w ka montre lanmou si pitit fi ou ap travèse yon moman difisil:

pitit fi la w te pase yon gwo egzamen. Li te travay di anpil. Men li resevwa yon move nòt epi li tris. Kouneya li pral gen pou l pran egzamen an ankò nan sis mwa. Ou pral gen pou w peye frè egzamen an ankò tou.

Sa se yon bagay difisil. Oumenm ak pitit fi w la santi nou tris. Men kèk bagay ou ka di li pou montre l lanmou ou:

• Mwen renmen ou. Mwen konnen ou te travay di anpil. Mwen la pou ou.

• Mwen tris paske w pa t gen yon pi gwo nòt nan egzamen an. Mwen konnen ou santi w tris. Kisa m ka fè pou ede ou?

Pale Avèk Fanmi Ou

Pale avèk fanmi ou sou sa w aprann. Diskite kesyon ki pi ba la yo. Mande manm fanmi w pou yo pataje ide yo epi pou youn koute lòt.

• Kisa nou ka fè antanke fanmi pou nou ka gen Sentespri a nan fwaye nou plis?

• Kijan nou ka montre plis lanmou ak respè youn pou lòt?

• Kijan lanmou nan fwaye nou ede nou tout aprann?