6

Itilize tan w avèk sajès

Kesyon pou diskite

1. Gade foto sa yo. Kisa ou wè?

2. Ki bagay nan lavi ou ki pi enpòtan?

3. Kijan w ka itilize plis tan ap fè bagay ki enpòtan pou ou ak fanmi ou?

Aprann

Tan se yon kado Papa nou ki nan syèl la ba nou. Nou ta dwe reflechi avèk atansyon sou fason nou itilize tan nou. Gen anpil fason pou nou itilize tan nou chak jou. Nou travay, nou jwe, nou fè manje, nou priye, nou al achte, nou etidye, epi nou fè anpil lòt bagay. Nou ta dwe chwazi pi bon fason pou itilize tan nou.

Fè yon plan pou ede w itilize tan w byen. Reflechi sou sa w gen pou w fè chak jou. Ki bagay ki pi enpòtan? Ki bagay ki pa tèlman enpòtan? Planifye pou fè bagay ki pi enpòtan yo dabò. Pase mwens tan sou bagay ki pa enpòtan yo e ki pa ede oumenm ak fanmi w atenn objektif nou yo.

Oumenm ak fanmi ou ka pale ansanm souvan sou sa ki enpòtan. Ou ka fè yon plan pou youn ede lòt itilize tan yo avèk sajès.

Panse epi Priye

Panse sou sa w aprann yo. Ekri tout ide ou genyen oswa ide ki soti nan Sentespri a. Kisa ki pi enpòtan nan lavi ou? Ki youn nan fason ou ka itilize plis tan pou w fè bagay ki pi enpòtan nan lavi ou?

Aktivite

Gen anpil fason pou nou itilize tan nou. Men kèk bagay ou gendwa fè chak jou:

• Li ekriti yo

• Gade televizyon

• Ale nan makèt

• Ranpli apèl ou nan legliz la

• Priye

• Rete nan telefòn

• Netwaye kay la

• Jwe

• Ede pitit ou yo aprann

• Fè manje

• Travay

• Etidye

Ou fè lòt bagay chak jou tou. Panse a tout bagay ou fè yo.

Ki de ou twa bagay ou vle itilize plis tan sou yo?

Ki de ou twa bagay ou vle itilize mwens tan sou yo?

Pale Avèk Fanmi Ou

Pale avèk fanmi w sou sa w aprann. Diskite kesyon ki pi ba yo. Mande manm fanmi ou pou yo pataje ide yo epi pou youn koute lòt.

• Ki bagay ki pi enpòtan pou fanmi nou?

• Kisa nou ka fè antanke fanmi pou n pi byen itilize tan nou nan fè bagay ki enpòtan pou nou?

• Kijan nou youn ka ede lòt itilize tan nou byen?