6

Faaaoga Tatau Le Taimi

Fesili e Talanoa i ai

1. Vaavaai i ata nei. O a mea ua e vaaia?

2. O a mea i lou olaga e sili ona taua?

3. E mafai faapefea ona e faaaogaina le tele o le taimi e faia ai mea e taua ia te oe ma lou aiga?

Aoao

O le taimi o se meaalofa mai le Tama Faalelagi. E tatau ona tatou mafaufau totoa i le auala tatou te faaaoga ai o tatou taimi. E tele auala e faaaoga ai le taimi i aso taitasi. Tatou te galulue, taaalo, fai meaai, tatalo, fai feau, suesue, ma faia isi mea e tele. E tatau ona tatou filifilia auala e sili ona lelei e faaaoga ai o tatou taimi.

Fai se fuafuaga e fesoasoani ia te oe e faaaoga lelei ai lou taimi. Mafaufau i mea e tatau ona e faia i aso taitasi. O a mea e sili ona taua? O a mea e le taua tele? Fuafua e fai muamua mea e sili ona taua. Faaaoga le itiiti o le taimi i mea e le taua ma e le fesoasoani ia te oe ma lou aiga ia ausia a outou sini.

E mafai e oe ma lou aiga ona talanoa soo faatasi e uiga i le mea e taua. E mafai ona e faia se fuafuaga e fesoasoani ai i le tasi ma le isi ia faaaoga tatau lou taimi.

Mafaufau ma Tatalo

Mafaufau i mea na e aoaoina. Tusi i lalo soo se manatu o ia te oe po o manatu e sau mai le Agaga Paia. O le a le mea e sili ona taua i lou olaga? O le a se auala se tasi e mafai ona e faaaogaina atili ai le taimi e fai ai mea e sili ona taua i lou olaga?

Gaoioiga

E tele auala e mafai ona faaaoga ai lo tatou taimi. O nisi nei o mea atonu e te faia i aso taitasi:

• Faitau tusitusiga paia.

• Matamata i le TV

• Alu i le maketi

• Faataunuuina lou valaauga i le Ekalesia

• Tatalo

• Alu i luga o lau telefoni

• Tapena le fale

• Taalo

• Fesoasoani i lau fanau e aoao

• Fai ni meaai

• Galue

• Suesue

E te faia foi isi mea i aso taitasi. Mafaufau i mea uma e te faia.

O a ni mea se lua pe tolu e te manao e faaaoga atili ai le taimi ?

O a ni mea se lua pe tolu e te manao e itiiti le taimi e alu ai ?

Talanoa ma Lou Aiga

Talanoa ma lou aiga e uiga i mea ua e aoaoina. Talanoaina fesili nei. Fai i tagata o lou aiga e faasoa mai o latou manatu ma faalogo i le tasi ma le isi.

• O a mea e sili ona taua i lo tatou aiga?

• O le a se mea e mafai ona tatou faia o se aiga e faaaoga lelei ai o tatou taimi e fai ai mea e taua ia i tatou?

• E mafai faapefea ona tatou fesoasoani le tasi i le isi e faaaoga tatau lo tatou taimi?