8

Ede Timoun yo Avèk Devwa Lekòl nan Fwaye a

Kesyon pou diskite

1. Gade foto sa yo. Kisa ou wè?

2. Kijan w ka ede timoun yo avèk devwa lekòl yo nan fwaye a?

3. Kiyès ki ka ede si devwa lekòl timoun yo twò difisil pou w ede yo?

Aprann

Pafwa sa pitit ou yo aprann nan lekòl la difisil pou w konprann ak pou pèmèt ou ede yo. Sa OK si w pa konn tout bagay. Toujou gen anpil bagay ou ka fè pou ede pitit ou yo nan lekòl yo.

Devwa lekòl

Anseye pitit ou yo pou yo travay sou devwa lekòl yo chak jou. Si yo gen devwa lekòl ke yo oblije fini lakay yo, ede yo travay sou li. Ou ka ede pitit ou yo fè yon plan pou fini devwa lekòl yo alè? Sa ka ede si timoun yo gen yon tan ak yon kote trankil pou yo etidye nan fwaye a. Ou ka ede pitit ou yo mande yon pwofesè, yon zanmi, oswa yon lòt adilt èd si devwa lekòl yo a twò difisil.

Egzamen

Mande pitit ou yo si yo konprann sa y ap aprann yo. Mande yo kisa yo bezwen konnen pou egzamen yo. Si yo bezwen èd, ou ka pale avèk pwofesè yo oubyen fè yo mande pwofesè yo èd.

Ou ka ede pitit ou yo etidye pou egzamen nan fè yo reponn kesyon egzamen pase yo. Ou ka priye ansanm avèk yo pou èd tou. Eseye bay pitit ou yo manje ak dlo avan yo fè egzamen yo pou yo ka panse pi byen epi pou yo pa grangou. Di yo ke w kwè nan yo epi ou renmen yo menmsi yo pa fè egzamen yo byen.

Panse epi Priye

Panse sou sa w aprann. Ekri tout ide ou genyen oswa ide ki soti nan Sentespri a. Kijan w ka ede pitit ou yo avèk devwa lekòl yo nan fwaye a ak pou yo etidye pou egzamen yo?

Aktivite

Gade lis ki pi ba la a. Desinen yon mak pou tcheke (✓) nan kazye akote bagay ou ta renmen fè avèk pitit ou yo.

Devwa lekòl nan fwaye a

• Mande pitit ou yo kisa y ap aprann.

• Ede yo avèk devwa lekòl yo.

• Eseye jwenn yon tan ak yon kote pou pitit ou yo etidye.

• Mande yo kilè yo dwe remèt devwa lekòl yo bay pwofesè yo.

• Si yo bezwen èd, fè timoun yo mande yon zanmi oswa yon pwofesè èd.

• Priye pou w konn kijan pou ede pitit ou yo.

Preparasyon pou egzamen

• Mande timoun ou yo si yo konprann sa y ap aprann yo.

• Mande yo kisa yo bezwen konnen pou egzamen yo.

• Fè yo etidye kesyon egzamen pase yo.

• Bay pitit ou yo manje ak dlo avan yo pran yon egzamen.

• Di pitit ou yo ou renmen yo menmsi yo pa reyisi byen nan egzamen yo.

Pale Avèk Fanmi Ou

Pale avèk fanmi w sou sa w aprann. Diskite kesyon ki pi ba la yo. Mande manm fanmi w pou yo pataje ide yo epi pou youn koute lòt.

• Kijan nou ka ede manm fanmi yo avèk devwa lekòl yo?

• Kisa nou ka fè pou ede manm fanmi yo etidye pou egzamen yo?

• Ki kote manm fanmi yo ka etidye nan fwaye a?