Manampy ny mpikambana vaovao hijanona eo amin’ny lalan’ny fanekempihavanana

Alohan’ny batisa

• Efa nanorina finamanana tamin’ny mpikambana ve izy ireo?

• Efa nozarain’izy ireo tamin’ny mpikambana ve ny zavatra ilainy? Efa nanatrika kilasy momba ny fizakan-tena ve izy ireo raha toa ka ilaina izany?

• Moa ve mianatra sy mivavaka momba ny filazantsaran’i Jesoa Kristy izy ireo?

• Efa nianatra momba ny tempoly sy ny fianakaviana mandrakizay ary nanomboka nanao ny tantaram-pianakaviana ve izy ireo?

• Efa nametraka daty hanaovana batisa ireo razambeny efa maty ve izy ireo?

• Moa ve mahafeno ireo fepetra takiana amin’ny batisa izy ireo?

• Moa ve manatrika tsy tapaka ny fivoriana fanasan’ny Tompo izy ireo?

Fotoana fohy aorian’ny batisa

• Moa ve mahatsapa ho voaray tsara ao amin’ilay paroasy izy ireo?

• Efa nanomboka nikarakara azy ireo ve ny rahalahy sy rahavavy mpanompo azy ireo?

• Moa ve manatrika tsy tapaka ny fivoriana fanasan’ny Tompo izy ireo?

• Moa ve efa nandray ny Fisoronana Aharôna ireo mpikambana lehilahy?

• Efa nahazo fahazoan-dalana hidirana ny tempoly hanaovana batisa sy fandraisana ho mpikambana isoloana tena ve izy ireo sy nandray anjara tamina batisa ho an’ireo razambeny efa maty?

• Moa ve manohy mivavaka sy mandalina ny filazantsaran’i Jesoa Kristy miaraka amin’ny fanampian’ireo mpikambana sy misiônera izy ireo?

• Moa ve manana andraikitra ao amin’ny Fiangonana sy manana andraikitra amin’ny maha-rahalahy na rahavavy mpanompo izy ireo?

• Efa nandray anjara tamin’ny kilasy momba ny fizakan-tena ve izy ireo raha toa ka ilaina izany?

Ao anatin’ny taona voalohany

• Efa nampitombo finamanana maharitra miaraka amin’ny mpikambana ao amin’ny paroasy ve izy ireo?

• Efa nampatanjaka ny finoan’izy ireo an’i Jesoa Kristy amin’ny alalan’ny vavaka sy ny fandalinana tsy tapaka ny filazantsara ve izy ireo?

• Moa ve ireo mpikambana lehilahy efa nandray ny Fisoronana Melkizedeka?

• Moa voa manao asa fanompoana ho an’ireo sahirana izy ireo? Manana antso ao amin’ny Fiangonana ve izy ireo?

• Efa nametraka daty mba handraisana ny ôrdônansin’ny tempoly ho azy ireo manokana ve izy ireo? Moa ve izy ireo manohy manao ny asan’ny tempoly sy ny tantaram-pianakaviana?