Pagtulong sa mga Bagong Miyembro na Manatili sa Landas ng Tipan

Bago ang Binyag

• May mga kaibigan na ba silang mga miyembro?

• Naibahagi na ba nila ang kanilang mga pangangailangan sa mga miyembro? Nakibahagi na ba sila sa isang self-reliance class kung kinakailangan?

• Pinag-aaralan at ipinagdarasal ba nila ang tungkol sa ebanghelyo ni Jesucristo?

• Natutuhan na ba nila ang tungkol sa mga templo at walang hanggang pamilya at nagsimula nang gumawa ng family history?

• Nagtakda na ba sila ng petsa para magsagawa ng mga binyag para sa kanilang mga yumaong ninuno?

• Nasusunod ba nila ang mga kwalipikasyon para sa binyag?

• Palagi ba silang dumadalo sa sacrament meeting?

Pagkatapos ng Binyag

• Nararamdaman ba nila na tanggap sila ng ward?

• Pinangangalagaan na ba sila ng kanilang mga ministering brother o sister?

• Regular ba silang dumadalo sa sacrament meeting?

• Natanggap na ba ng mga lalaking miyembro ang Aaronic Priesthood?

• Nakatanggap na ba sila ng temple recommend para sa mga proxy baptism at kumpirmasyon at nakibahagi sa mga pagbibinyag para sa kanilang mga yumaong ninuno?

• Patuloy ba silang nananalangin at nag-aaral ng ebanghelyo ni Jesucristo sa tulong ng mga miyembro at missionary?

• May tungkulin ba sila sa Simbahan o ministering assignment?

• Nakibahagi na ba sila sa isang klase ng self-reliance kung kinakailangan?

Sa Loob ng Unang Taon

• Nagkaroon ba sila ng malapit na mga kaibigan sa mga miyembro ng ward?

• Napalakas ba nila ang kanilang pananampalataya kay Jesucristo sa pamamagitan ng panalangin at palagiang pag-aaral ng ebanghelyo?

• Natanggap ba ng mga lalaking miyembro ang Melchizedek Priesthood?

• Naglilingkod ba sila sa mga nangangailangan? May tungkulin ba sila sa Simbahan?

• Nagtakda na ba sila ng petsa para matanggap ang mga ordenansa sa templo para sa kanilang sarili? Patuloy ba silang gumagawa ng gawain sa templo at family history?