Pagbansay sa Sukaranan nga Kurso [Cornerstone]
WELCOME
Welcome sa pagtudlo og Sukaranan nga mga kurso sa institute! Salamat sa pagdawat sa oportunidad sa pagtabang sa imong mga estudyante nga mas mapalawman ang ilang pagkakabig ngadto ni Jesukristo ug sa Iyang gipahiuli nga ebanghelyo.
SA DILI PA MOTUDLO
Sa dili pa motudlo, gusto nimo nga:
-
Moribyo sa “Giya sa Dali nga Pagsugod” sa pagtudlo sa Sukaranan nga mga kurso.
-
Sa mabinantayong paagi magtuon sa pasiuna nga materyal sa magtutudlo.
-
Magtakda og panahon uban sa imong koordinitor o direktor sa institute aron maghisgot sa imong buluhaton, sa mga estudyante, sa kurso, ug sa bisan unsang mga pangutana nga ikaw aduna.
-
Mag-ampo alang sa giya aron sa pagtabang sa imong mga estudyante nga moduol ngadto kang Kristo ug mahimong mas sama Kaniya.
MGA KATUYOAN SA INSERVICE TRAINING
Adunay daghang mga baroganan ug mga kahanas nga mga importante alang sa epektibo nga pagtudlo. Makapadayon ka sa pagtuon sa mga baroganan ug sa pagpraktis sa mga kahanas nga gitudlo diha sa tamdanan nga mga basahon sa seminary ug institute. Alang sa mga katuyoan niini nga inservice training, pipila ka importante kaayo nga mga kahanas kalabot sa pagtudlo sa Sukaranan nga mga kurso sa institute ang ipasabot, ipakita, ug ipraktis aron sa pagtabang kanimo nga mahimong sinati sa kurso ug sa kurikulom. Kini nga mga kahanas makatabang kanimo sa paghatag sa makapalig-on ug makapakabig nga kasinatian alang sa mga estudyante samtang ikaw naningkamot sa pagtabang kanila sa pag-andam, pagpaapil, ug sa paglihok aron sila mahimong sama sa Manluluwas nga si Jesukristo.
-
Pag-andam: Ipalambo ang pagpangandam sa estudyante pinaagi sa pagdapit.
-
Pagpaapil: Paapila ang mga estudyante pinaagi sa paggamit sa ilang pagpangandam.
-
Paglihok: Paghatag og gibug-aton sa paggamit.
KAHANAS: PAGPALAMBO SA PAGPANGANDAM SA ESTUDYANTE PINAAGI SA PAGDAPIT
Unsaon nimo pagpalambo ang pagpangandam sa imong mga estudyante aron mamaayo ang ilang kasinatian sa klase?
Basaha dinhi niini nga mga seksyon ug sunda ang mga direksyon.
PAGPASABOT
Diha sa Sukaranan nga mga kurso, ang materyal sa pagpangandam sa klase gituyo aron tun-an nimo ug sa imong mga estudyante agi og pagpangandam alang sa klase. Ang materyal sa pagpangandam naglangkob og mga pagdapit nga makapalambo sa pagpangandam sa estudyante ug sa magtutudlo pinaagi sa mga pangutana ug mga kalihokan nga gituyo aron mapalawman ang pagkat-on sa sulod ug sa gawas sa klase. Ang matag usa niini nga mga pagdapit giubanan sa mga icon aron sa pagtabang kanimo nga makita kon unsaon ug kanus-a kini nga mga pagdapit gamiton ug unsaon kaha nimo paggamit niini diha sa klase.
PAGPAKITA
Aniay pipila ka mga ehemplo niining pagpangandam sa mga pagdapit nga imong makita gikan sa kurikulom:
Pamalandong agi og Pagpangandam alang sa Klase
Pananglitan: “Unsa nga mga kasinatian ang nakatabang kanimo nga makahibalo nga ang Basahon ni Mormon mao ang pulong sa Dios?”
Pagtuon agi og Pagpangandam alang sa Klase
Pananglitan: “Gitudloan ni propeta Alma ang katawhan mahitungod sa Pag-ula sa Manluluwas. Basaha ang Alma 7:11–13.”
Irekord ang Inyong mga Hunahuna
Pananglitan: “Sa inyong journal o sa luna nga giandam, pagsulat og pipila ka mga kamatuoran nga importante nganha kanimo gikan sa mga tudling sa kasulatan ug mga pagtulun-an dinhi niini nga seksyon ingon man usab sa bisan unsa nga ubang mga hunahuna ug mga pangutana nga ikaw aduna. Moabot sa klase nga andam nga mopakigbahin sa mga kamatuoran nga inyong nakita ug sa bisan unsa nga mga panabot.”
Paghisgot agi og Pagpangandam alang sa Klase
Pananglitan: “Uban sa tabang sa usa ka sakop sa pamilya o higala, pag-ila og pipila ka bag-o nga mga paggamit sa mga baroganan nga imong nadiskobrehan gikan niini nga mga bersikulo. Tambong sa klase nga andam nga mopakigbahin sa unsay imong nakat-onan.”
Lihoka Unsa ang Imong Nakat-onan
Pananglitan: “Unsa ang imong buhaton sa umaabot nga mga adlaw ug mga semana sa pagserbisyo sa uban sama ni Jesukristo?”
Karon nga imo nang nakita kon giunsa sa kurikulom pagpalambo ang pagpangandam sa estudyante pinaagi sa pagdapit, pagpraktis sa pagpangita ug paggamit niini nga mga pagdapit diha sa kurikulom.
PRAKTIS
Kompletoha ang mosunod nga mga lakang aron sa pagpraktis sa pagpangita ug sa paggamit niini nga mga pagdapit aron mapalambo ang pagpangandam sa estudyante.
-
Adto sa usa ka leksiyon diha sa materyal sa pagpangandam alang sa kurso nga imong itudlo, ug padayona ang pagtan-aw sa pagpangandam sa mga pagdapit nga gipresentar.
-
Pagpili og usa niini nga mga pagdapit.
-
Hunahunaa kon sama sa unsa ang pagbuhat niini nga kalihokan diha sa pagpangandam sa estudyante. Paghunahuna mahitungod sa epekto sa paggamit niini nga pagpangandam sa pagdapit diha sa kasinatian sa estudyante sa wala pa ug sa panahon sa klase. Paghunahuna mahitungod kon unsaon kaha nimo sa pagdapit ang mga estudyante sa pagpangandam alang sa sunod nga klase pinaagi sa pagtabang sa mga estudyante sa pag-ila niini nga pagpangandam sa mga pagdapit.
-
Pag-ila og laing pagpangandam sa pagdapit, ug balika kini sa pagpraktis.
Ang pagkahimong masination ug epektibo sa paggamit sa pagpangandam sa mga pagdapit makatabang kanimo sa pagpunting diha sa mga estudyante ug makapalambo sa ilang pagpangandam nga makabaton og mas lawom nga kasinatian sa pagkat-on.
PAGLAKIP
Samtang ikaw nagbuhat sa pagpalambo sa pagpangandam sa estudyante pinaagi sa pagdapit, ikonsiderar ang mosunod nga mga pangutana:
-
Unsaon nimo sa paglakip kon unsa ang imong nakat-onan gikan niini nga mga pagpraktis samtang ikaw nagtudlo?
-
Unsa ang imong mabuhat sa pagpadayon sa pagpraktis niini nga kahanas aron ikaw molambo isip usa ka magtutudlo?
PANAGHISGOT
I-rekord kon unsa ang imong nakat-onan gikan niini nga kasinatian.
KAHANAS: PAGPAAPIL SA MGA ESTUDYANTE PINAAGI SA PAGGAMIT SA ILANG PAGPANGANDAM
Unsaon nimo pagpaapil sa imong mga estudyante pinaagi sa paggamit sa unsay ilang gitun-an, gikat-onan, ug gibati sa panahon sa ilang pagpangandam alang sa klase?
Basaha dinhi niini nga mga seksyon ug sunda ang mga direksyon.
PAGPASABOT
Sa tibuok Sukaranan nga kurso, ang kurikulom makatabang kanimo sa pagsalig ug sa paggamit diha sa pagpangandam sa estudyante. Ang materyal sa magtutudlo naglakip og daghang mga pag-aghat sa pagdapit sa mga estudyante sa pagrebyo, paghinumdom, pakiglabot, pakigbahin gikan sa ilang pagpangandam, ug uban pa sa pagpahinumdom ug pag-awhag kanimo sa paggamit sa pagsabot ug pagpangandam sa estudyante aron sa paggiya sa kasinatian sa klasehanan.
PAGPAKITA
Aniay pipila ka mga ehemplo niining mga pag-aghat nga imong makita diha sa kurikulom:
-
“Dapita ang mga estudyante sa pag-istorya gikan sa ilang pagpangandam sa klase kon unsa ang ilang nahinumdoman mahitungod niini nga sitwasyon.”
-
“Pahinumdomi ang mga estudyante nga diha sa materyal sa pagpangandam, sila gidapit sa pagmarka sa mga kamatuoran nga importante nganha kanila. Hatagi ang mga estudyante og panahon sa pagrebyo sa mga tudling sa kasulatan ug sa propetikanhong mga pagtulun-an nga ilang gimarkahan niini nga seksyon. Himoa nga sila mopakigbahin ngadto sa klase sa unsay ilang nakat-onan.”
-
“Tugoti ang mga estudyante sa paghisgot sulod sa pipila ka minuto sa ginagmay nga mga grupo kon unsaon nila paggamit ang unsay ilang nakat-onan sa ilang pagpangandam aron sa pagtabang sa ilang higala.”
Karon nga nakita na nimo kon sa unsa nga paagi ang kurikulom nagtabang kanimo diha sa paggamit sa pagpangandam sa estudyante, pagpraktis sa pagpangita alang niining mga pag-aghat diha sa kurikulom.
PRAKTIS
Kompletoha ang mosunod nga mga lakang aron pagpraktis sa pagpangita ug sa paggamit niini nga mga matang sa pag-aghat aron magamit sa pagpangandam sa estudyante.
-
Adto sa usa ka leksiyon diha sa materyal sa magtutudlo alang sa kurso nga imong itudlo, ug padayona ang pagtan-aw sa mga pag-aghat nga gipresentar.
-
Pagpili og usa niini nga mga pag-aghat.
-
Hunahunaa kon sama sa unsa ang pagbuhat niini nga kalihokan diha sa klasehanan. Paghunahuna mahitungod sa epekto sa paggamit niini nga pag-aghat diha sa kasinatian sa estudyante.
-
Pag-ila og laing pag-aghat, ug balika kini sa pagpraktis.
Ang pagkahimong masination ug epektibo sa paggamit sa mga pag-aghat makatabang kanimo sa pagpunting diha sa mga estudyante ug mopaapil kanila sa usa ka mas lawom nga kasinatian sa pagkat-on.
PAGLAKIP
Samtang ikaw nagbuhat sa pagdugang og pagpaapil sa klasehanan pinaagi sa paggamit sa pagpangandam sa mga estudyante, ikonsiderar ang mosunod nga mga pangutana:
-
Unsaon nimo sa paglakip kon unsa ang imong nakat-onan gikan niini nga mga pagpraktis samtang ikaw nagtudlo?
-
Unsa ang imong mabuhat sa pagpadayon sa pagpraktis niini nga kahanas aron ikaw molambo isip usa ka magtutudlo?
PANAGHISGOT
I-rekord kon unsa ang imong nakat-onan gikan niini nga kasinatian.
KAHANAS: PAGHATAG OG GIBUG-ATON SA PAGGAMIT [APPLICATION]
Unsaon nimo paghatag og gibug-aton ang paggamit diha sa imong klase? Unsa ang imong buhaton sa pagdasig sa imong mga estudyante sa paglihok kon unsay ilang nakat-onan?
Basaha dinhi niini nga mga seksyon ug sunda ang mga direksyon.
PAGPASABOT
Ang epektibo nga pagpangandam sa mga estudyante ug sa mga magtutudlo sa dili pa magklase makahatag og daghan pa nga panahon diha sa klase sa pagtabang sa mga estudyante sa pagtino og mga paagi sa pagpuyo pinaagi sa mga kamatuoran nga ilang maila diha sa leksiyon. Ang materyal sa magtutudlo gidesinyo sa pagsugod sa pagpangandam sa estudyante ug sa pagtabang nga madugangan ang gahom ug kapasidad sa mga estudyante sa paglihok sa paagi nga motabang kanila nga mahimong mas sama sa Langitnong Amahan ug ni Jesukristo.
PAGPAKITA
Aniay pipila ka mga ehemplo sa paggamit-pinasikad sa mga panaghisgotan ug mga pagdapit nga imong makita diha sa kurikulom sa Sukaranan:
-
“Pangutan-a ang mga estudyante sa mosunod nga mga pangutana: Unsa ang pipila ka mga paagi nga kamo ug ang inyong pamilya nakaapil sa family history ug sa serbisyo sa templo? Unsa nga mga panalangin ang inyong nasinati sa pagbuhat sa mao? Mahimo nimong dapiton ang mga estudyante sa paghunahuna og usa ka tawo nga ilang mahangyo sa pagtudlo kanila sa paghimo og family history. Kon ang pipila ka mga estudyante hanas na sa paghimo sa family history, dapita sila sa pagtudlo sa ilang kauban diha sa klase.”
-
“Hatagi ang mga estudyante og pipila ka panahon sa paghunahuna ug sa pagrekord sa ilang mga hunahuna mahitungod sa mosunod nga pangutana: Sa unsa nga mga paagi ako makahimo nga mas maaktibo diha sa Simbahan ug diha sa pagtabang nga matuman ang mga katuyoan niini?”
-
“Ipakita ang mosunod nga pangutana: Unsa ang akong buhaton sa pagdapit sa gahom ni Jesukristo sa mas hingpit nga paagi nganhi sa akong kinabuhi? Hatagi og panahon ang mga estudyante nga magmainampoong mamalandong niini nga pangutana ug magsulat og tubag diha sa ilang mga journal o mga notebook. Samtang sila namalandong, hunahunaa ang pagpakita og kutlo gikan sa usa ka propeta sa ulahing mga adlaw sa pag-awhag kanila sa piho nga mga paagi sa pagdapit sa gahom sa Manluluwas diha sa ilang mga kinabuhi.”
Karon nga nakita na nimo kon sa unsa nga paagi ang kurikulom nagtabang kanimo sa paghatag og gibug-aton sa paggamit sa estudyante [student application], padayon sa pagpraktis sa mga kalihokan sa pagtudlo diha sa kurikulom.
PRAKTIS
Kompletoha ang mosunod nga mga lakang sa pagpraktis sa pagpangita ug sa paggamit sa mga kalihokan sa pagtudlo aron sa paghatag og gibug-aton sa paggamit sa estudyante [student application].
-
Adto sa usa ka leksiyon diha sa materyal sa magtutudlo alang sa kurso nga imong itudlo, ug padayona ang pagtan-aw sa mga kalihokan sa pagtudlo nga gipresentar.
-
Pagpili og usa niini nga mga kalihokan sa pagtudlo, ug basaha sa mas mabinantayong paagi ang kalihokan ug mga pangutana kalabot sa paggamit.
-
Hunahunaa ang mahimong epekto niini nga kalihokan sa pagtudlo o ang mga gipangutana diha sa kasinatian sa estudyante.
-
Balika kini nga pagpraktis pinaagi sa pagpili og lahi nga leksiyon diha sa materyal sa magtutudlo, ug sa pag-ila og mga kalihokan sa pagtudlo nga nagtabang sa paghatag og gibug-aton sa paggamit.
Ang pagkahimong masination ug epektibo nga paggamit sa pinasikad nga mga panaghisgotan [application-based discussions] magtabang kanimo sa pagpunting diha sa mga estudyante ug makatabang kanila nga mahimong mas sama sa Langitnong Amahan ug ni Jesukristo.
PAGLAKIP
Samtang ikaw nagbuhat sa pagdasig sa mga estudyante ug naghatag og gibug-aton sa paggamit, ikonsiderar ang mosunod nga mga pangutana.
-
Unsaon nimo sa paglakip kon unsa ang imong nakat-onan gikan niini nga mga pagpraktis samtang ikaw nagtudlo?
-
Unsa ang imong mabuhat sa pagpadayon sa pagpraktis niini nga kahanas aron ikaw molambo isip usa ka magtutudlo?
PANAGHISGOT
I-rekord kon unsa ang imong nakat-onan gikan niini nga kasinatian.
SUMADA
Salamat pag-usab sa pagdawat sa oportunidad sa pagtabang sa imong mga estudyante nga mas mapalawman ang ilang pagkakabig ngadto ni Jesukristo ug sa Iyang gipahiuli nga ebanghelyo.
Hinumdomi:
-
Ang Ginoo mogiya kanimo samtang ikaw maningkamot sa pagtabang sa imong mga estudyante sa pagduol ngadto ni Kristo ug mahimong mas sama Kaniya.
-
Ang imong koordinitor o direktor sa institute makatabang kanimo sa bisan unsa nga pangutana o mga kabalaka nga ikaw aduna.
-
Ang mga kahanas nga gipasabot, gipakita, ug gipraktis niini nga pagbansay makatabang kanimo nga mahimong mas epektibo sa paggamit sa kurikulom aron sa pagpanalangin sa imong mga estudyante. Kini nga mga kahanas makatabang kanimo sa paghatag og makapalig-on ug makapakabig nga kasinatian alang sa mga estudyante samtang ikaw naningkamot sa pagtabang kanila sa pag-andam, pagpaapil, ug sa paglihok aron sila mahimong sama sa Manluluwas nga si Jesukristo.