Aoaoga o le Maatulimanu

FAAFEILOAI

Maliu mai i le aoaoina atu o kosi o le Maatulimanu o le inisitituti! Faafetai atu mo le taliaina o le avanoa e fesoasoani ai i au tagata aoga e faaloloto lo tatou liua ia Iesu Keriso ma Lana talalelei toefuataiina.

A O LE’I AOAO ATU

A o le’i aoao atu, o le a e manao e:

• Toe faamanatu le “Taiala o le Amata-Vave” i le aoaoina atu o Kosi o le Maatulimanu.

• Suesue ma le faaeteete le faatomuaga i anomea a le faiaoga.

• Seti se taimi ma lou taitai faamaopoopo po o le faatonu o le inisitituti e talanoa i lau tofiga, o tagata aoga, le kosi, ma soo sau fesili.

• Tatalo mo le taitaiga e fesoasoani i au tagata aoga e o mai ia Keriso ma ia avea atili e pei o Ia.

FAAMOEMOEGA O AOAOGA FAAMASANI MO FAIAOGA

E tele ni mataupu faavae ma tomai e taua mo le lelei o le aoao atu. E mafai ona faaauau ona e suesue i mataupu faavae ma ia faataitai tomai na aoao atu i tusitaulima a le seminare ma le inisitituti. Mo faamoemoega o lenei aoaoga faamasani mo faiaoga, o ni nai tomai autu e faatatau i le aoaoina atu o kosi Maatulimanu o le inisitituti o le a faamatalatalaina, faataitaia, ma faataitaiina e fesoasoani e faamasani ai oe i le kosi ma le mataupu aoaoina. E mafai ona fesoasoani nei tomai e te tuu atu ai se aafiaga faagaeetia ma liua ai mo tagata aoga ao e saili e fesoasoani ia i latou e saunia, auai, ma galue e fesoasoani ia i latou ia avea e faapei o le Faaola o Iesu Keriso.

• Saunia: Faalautele le sauniuniga a le tagata a’oa’o e ala i le valaaulia.

• Faaauai: Faaauai tagata a’oa’o e ala i le utuvai mai a latou sauniuniga.

• Galue: Faamamafa le faaaogaaga.

TOMAI: FAALAUTELE SAUNIUNIGA A LE TAGATA A’OA’O E ALA I LE VALAAULIA

O le a faapefea ona e faalautele atili sauniuniga a au tamaiti aoga e faaleleia atili ai o latou aafiaga i le vasega?

Faitau i vaega nei ma mulimuli i faatonuga.

FAAMATALATALA

I kosi o le Maatulimanu, o Anomea mo Sauniuniga mo le Vasega ua fuafuaina ina ia e suesueina ma au tamaiti aoga e sauniuni ai mo le vasega. O anomea mo sauniuniga o loo i ai ni valaaulia e faaleleia atili ai sauniuniga a tamaiti aoga ma le faiaoga e ala i fesili ma gaoioiga na fuafuaina ia fesoasoani e faaloloto ai le aoaoina i totonu ma fafo o le vasega. O nei valaaulia taitasi ua avatu faatasi ai ma aikona e fesoasoani e te iloa ai le ala ma le taimi e faaaoga ai nei valaaulia, ma le ala atonu e te utuvai mai ai i nei mea i le vasega.

FAATAITAIGA

O ni nai faataitaiga nei o nei valaaulia e sauniuni e te ono mauaina i le mataupu aoaoina:

Mafaufau Loloto i Sauniuniga mo le Vasega

Faataitaiga: “O a ni aafiaga ua fesoasoani e te iloa ai o le Tusi a Mamona o le afioga a le Atua?”

Suesue e Sauniuni ai mo le Vasega

Faataitaiga: “Sa aoao e le perofeta o Alema ia tagata e uiga i le Togiola a le Faaola. Faitau le Alema 7:11–13.”

Faamaumau Ou Manatu

Faataitaiga: “I lau api talaaga po o le avanoa ua tuuina atu, tusi ai ni nai upumoni e tumatila ia te oe mai fuaitau o mau ma aoaoga o loo i le vaega lenei, faapea foi ma soo sou manatu ma fesili o i ai. Sau sauni i le vasega e faasoa mai ni upumoni na e tau i ai ma soo se malamalamaaga loloto.”

Talanoa e Sauniuni ai mo le Vasega

Faataitaiga: “Faatasi ai ma le fesoasoani a se tagata o le aiga po o se uo, faailoa mai nisi o faaaogaaga o i ai nei o mataupu faavae na e tau i ai mai nei fuaiupu. Sau sauni i le vasega e faasoa mai mea sa e aoaoina.”

Faatino Mea Ua E Aoaoina

Faataitaiga: “O a ni mea o le a e faia i aso ma vaiaso a sau e auauna atu ai i isi e pei o Iesu Keriso?”

O lea la ua e vaai i le ala e faalautele atili ai e le mataupu aoaoina ia sauniuniga a tamaiti aoga e ala i le valaaulia, faataitai ona vaavaai mo, ma faaaoga nei valaaulia o loo i le mataupu aoaoina.

FAATINO

Faamae’a laasaga nei e faataitai ai le vaavaai mo, ma faaaoga nei valaaulia e faalautele atili ai sauniuniga a tamaiti aoga.

1. Alu i se lesona i anomea mo sauniuniga mo le vasega mo le kosi o loo e, po o le a e aoaoina atu, ma vaavaai ai i valaaulia mo sauniuniga o loo tuuina atu ai.

2. Filifili se tasi o nei valaaulia.

3. Mafaufau pe o le a faapeī foliga o le faia e lenei gaoioiga i sauniuniga a tamaiti aoga. Mafaufau i le aafiaga o le a faia e le faaaogaina o lenei valaaulia mo sauniuniga i le aafiaga o le tamaitiiti aoga a’o lei faia ma i le taimi o le vasega. Mafaufau pe ono faapefea ona e valaaulia tamaiti aoga e sauniuni mo le vasega o le a sosoo ai e ala i le fesoasoani i tamaiti aoga ia iloa nei valaaulia mo sauniuniga.

4. Su’e se isi valaaulia mo sauniuniga, ma toe fai lenei faataitaiga.

O le masani ma le lelei o le faaaogaina o valaaulia mo sauniuniga, o le a fesoasoani e te taulai ai i tamaiti aoga ma faalautele atili a latou sauniuniga ina ia maua se aafiaga loloto atu o le aoaoina.

FAAAOGA

Ao e galue e faalautele atili sauniuniga a tamaiti aoga e ala i le valaaulia, ia mafaufau i fesili nei:

• O le a faapefea ona e faaaoga mea ua e aoaoina mai nei faataitaiga ao e aoao atu?

• O a ni mea e mafai ona e faia e faaauau ai le faataitaiga o lenei tomai ina ia mafai ona e faalelei atili ai o se faiaoga?

TALANOA

Tusifaamaumau mea ua e aoaoina mai lenei aafiaga.

TOMAI: FAAAUAI TAMAITI AOGA E ALA I LE UTUVAI MAI A LATOU SAUNIUNIGA.

O le a faapefea ona e faaauai au tamaiti aoga e ala i le utuvai mai i mea na latou suesueina, aoaoina, ma lagonaina i le taimi o a latou sauniuniga mo le vasega?

Faitau i vaega nei ma mulimuli i faatonuga.

FAAMATALATALA

I le taimi atoa o le kosi o le Maatulimanu, e mafai ona fesoasoani le mataupu aoaoina ia te oe ia e talitonuina ma utuvai mai i sauniuniga a tamaiti aoga. O anomea a le faiaoga ua aofia ai le tele o uunaiga o mea e fai e valaaulia ai tamaiti aoga ia iloilo, manatua, faamatala, faasoa atu mai a latou sauniuniga, ma isi mea e toe faamanatu ma uunaia ai oe e faaaoga le malamalama ma sauniuniga a tamaiti aoga e taiala ai le aafiaga i le potuaoga.

FAATAITAIGA

O ni nai faataitaiga nei o nei uunaiga e te ono maua mai le mataupu aoaoina:

• “Valaaulia tamaiti aoga e toe faamatala mai i a latou sauniuniga mo le vasega mea na latou manatua e uiga i lenei tulaga.”

• “Faamanatu atu i tamaiti aoga, i anomea mo sauniuniga, sa valaaulia ai i latou e faailoga ni upumoni na tumatila ia i latou. Tuu atu i tamaiti aoga se taimi e toe faamanatu ai fuaitau o mau ma aoaoga faaperofeta na latou faailogaina i le vaega lenei. Tuu atu ia i latou e faasoa mai i le vasega mea na latou aoaoina.”

• Faataga tamaiti aoga e talanoa mo ni nai minute i vaega toalaiti ia auala o le a latou faaaoga ai mea ua latou aoaoina i a latou sauniuniga e fesoasoani ai i le latou uo.”

O lea la ua e vaai i auala e fesoasoani ai le mataupu aoaoina ia te oe e utuvai mai i sauniuniga a tamaiti aoga, faataitai ona vaavaai mo nei uunaiga o mea e fai i le mataupu aoaoina.

FAATINO

Faamae’a laasaga nei e faataitai ai ona vaavaai mo, ma faaaoga nei ituaiga o uunaiga o mea e fai e utuvai ai i sauniuniga a tamaiti aoga.

1. Alu i se lesona i anomea a le faiaoga mo le kosi o loo e, pe o le a e aoao atu, ma vaai ai i uunaiga o mea e fai o loo tuuina mai ai.

2. Filifili se tasi o nei uunaiga.

3. Mafaufau pe o le a faapeī foliga o le faia o lenei gaoioiga i totonu o le potuaoga. Mafaufau i le aafiaga o le a faia e le faaaogaina o lenei uunaiga o mea e fai i le aafiaga o le tamaitiiti aoga.

4. Su’e se isi uunaiga o mea e fai, ma toe fai lenei faataitaiga.

O le masani ma le lelei o le faaaogaina o uunaiga o mea e fai, o le a fesoasoani e te taulai ai i tamaiti aoga ma faaauai i latou i se aafiaga loloto atu o le aoaoina.

FAAAOGA

Ao e galue e faateleina le auai i le potuaoga e ala i le utuvai mai i sauniuniga a tamaiti aoga, ia mafaufau i fesili nei:

• O le a faapefea ona e faaaoga mea ua e aoaoina mai nei faataitaiga ao e aoao atu?

• O a ni mea e mafai ona e faia e faaauau ai le faataitaiga o lenei tomai ina ia mafai ona e faalelei atili ai o se faiaoga?

TALANOA

Tusifaamaumau mea ua e aoaoina mai lenei aafiaga.

TOMAI: FAAMAMAFA LE FAAAOGAAGA

O le a faapefea ona faamamafa atu le faaaogaaga i lau vasega? O le a se mea o le a e faia e faamalosiau ai au tamaiti aoga ia faatino mea ua latou aoaoina?

Faitau i vaega nei ma mulimuli i faatonuga.

FAAMATALATALA

O sauniuniga sili ona aoga a tamaiti aoga ma faiaoga ao lei faia le vasega e mafai ona maua ai ni taimi e tele atu i le vasega e fesoasoani ai i tamaiti aoga ia iloa tonu auala e ola ai i upumoni latou te tau i ai i le lesona. O anomea a le faiaoga ua fuafuaina e atinae ai i luga sauniuniga a tamaiti aoga ma fesoasoani e faatele ai le malosi ma le gafatia o tamaiti aoga e galulue i se ala o le a fesoasoani ia i latou ia avea atili ai e pei o le Tama Faalelagi ma Iesu Keriso.

FAATAITAIGA

O ni nai faataitaiga nei o talanoaga e faavae i le faaaogaaga ma valaaulia e te ono maua mai mataupu aoaoina o le Maatulimanu:

• Fai atu i tamaiti aoga fesili nei: O a nisi o auala ua tou auai ai ma lou aiga i talafaasolopito o aiga ma auaunaga i le malumalu? O a ni faamanuiaga ua e mauaina mo le faia o na mea? Atonu e te valaaulia ni tamaiti aoga e mafaufau i se tasi e mafai ona latou fai i ai e avea ma faufautua ia i latou i le faia o talafaasolopito o aiga. Afai ua i ai nisi o tamaiti ua i ai tomai i le faiga o talafaasolopito o aiga, valaaulia i latou e avea ma se faufautua i se isi tagata o le vasega.”

• “Tuu atu i tamaiti aoga se taimi e tomanatu ai ma tusifaamaumau o latou mafaufauga e uiga i le fesili lenei: O a ni auala e mafai ona faateleina ai lo’u toaga i le Ekalesia ma i le fesoasoani ai ia ausia ona faamoemoega?”

• “Faaali atu le fesili lenei: O le a se mea o le a ou faia e valaaulia atoatoa atili ai le mana o Iesu Keriso i lo’u olaga? Tuu atu se taimi mo tamaiti aoga e mafaufau loloto ai ma le agaga tatalo i lenei fesili ma tusi se tali i a latou apitalaaga po o tamaiapi. Ao latou mafaufau loloto, mafaufau e faaali atu se upusii mai se perofeta o aso e gata ai e faamalosiau ai ia i latou i ni auala faapitoa e valaaulia le mana o le Faaola i o latou olaga.”

O lea la ua e vaai i auala e fesoasoani ai le mataupu aoaoina ia te oe e faamamafa atu le faaaogaaga e tamaiti aoga, faataitai ona o i gaoioiga faafaiaoga o loo i le mataupu aoaoina.

FAATINO

Faamae’a laasaga nei e faataitai ai ona sue ma faaaoga ia gaoioiga faafaiaoga e faamamafa atu ai le faaaogaga e tamaiti aoga.

1. Alu i se lesona i anomea a le faiaoga mo le kosi o loo e aoaoina pe o le a e aoaoina, ma vaai ai i gaoioiga faafaiaoga o loo tuuina atu ai.

2. Filifili se tasi o nei gaoioiga faafaiaoga, ma faitau ma le toto’a i ai i le gaoioiga ma fesili e faatatau i le faaaogaaga.

3. Mafaufau i le aafiaga atonu o le a faia e lenei gaoioiga faafaiaoga pe o fesili o loo fesili ai i le aafiaga o tamaiti aoga.

4. Toe fai le faataitaiga lenei e ala i le filifili o se lesona ese o loo i anomea a le faiaoga, ma faailoa ni gaoioiga faafaiaoga e fesoasoani e faamamafa atu ai le faaaogaaga.

O le faamasani i le ma le faaaogaina lelei i talanoaga e faavae i le faaaogaga o le a fesoasoani e te taulai atu ai i tamaiti aoga ma mafai ona e fesoasoani atu ia i latou ia avea atili e pei o le Tama Faalelagi ma Iesu Keriso.

FAAAOGA

Ao e galue e faamalosiau tamaiti aoga ma faamamafa le faaaogaaga, mafaufau i fesili nei.

• O le a faapefea ona e faaaoga mea ua e aoaoina mai nei faataitaiga ao e aoao atu?

• O a ni mea e mafai ona e faia e faaauau ai le faataitaiga o lenei tomai ina ia mafai ona e faalelei atili ai o se faiaoga?

TALANOA

Tusifaamaumau mea ua e aoaoina mai lenei aafiaga.

AOTELEGA

E toe faafetai atu mo le taliaina o le avanoa e fesoasoani ai i au tamaiti aoga e faalolotoina lo tatou liua ia Iesu Keriso ma Lana talalelei toefuataiina.

Manatua:

• O le a taiala oe e le Alii ao e saili e fesoasoani i au tagata aooga e o mai ia Keriso ma ia avea atili e pei o Ia.

• E mafai ona fesoasoani atu lou taitai faamaopoopo po o le faatonu o le inisitituti ia te oe i soo sau fesili po o atugaluga o i ai.

• O tomai na faamatalatalaina atu, faataitaiga, ma faataitai i lenei aoaoga faamasani e mafai ona fesoasoani ia e lelei atili i le faaaogaina o le mataupu aoaoina e faamanuia ai au tamaiti aoga. E mafai ona fesoasoani nei tomai e te tuu atu ai se aafiaga faagaeetia ma liua ai mo tagata aoga ao e saili e fesoasoani ia i latou ia saunia, auai, ma galue ia avea e faapei o le Faaola o Iesu Keriso.