Kaetieti ibukin Tain te Anene ao Karaoan te Bootaki n Toa irouia Ataei

Nakoia Beretitentii n te Moanrinan ao Taan Kairiiri n te Anene,

Kuuna n te Moanrinan bon bwaai ni mwakuri aika korakora ni buokiia ataei n reiakin taekan ana babaire Tamara are i Karawa ao aan koaua ibukin ana euangkerio Iesu Kristo. Ngkai ataei a anenea taekan reirein te euangkerio, te Tamnei ae Raoiroi e na kaoti koauaia. Taekana ma te katangitang a na tiku n aia iango ao inanoia ataei inanon maiuia ae bwanin.

Ukera ana ibuobuoki te Tamnei ngkai kam katauraoi n reireia te euangkerio rinanon te katangitang. Tibwaua ami kakoaua ibukin koaua ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mwengaia ao n taian kiraati n te Moanrinan. Ataei ma aia utu a na kakabwaiaki man am botumwaaka ni buokiia ataei n reiakin anene n taromauri.

Ti tangiri ngkami ao ni karababaa ara kakaitau ibukin ami mwakuri n ibuobuoki are kam anga ni kamanoia man kawakiniia natira aika a kakawaki.

Beretitentii ni Kabuta n te Moanrinan

Kaetieti ibukin Tain te Anene

5 te miniti (beretitentii n te moanrinan): Kaukuki n tataro, te kibu ke taekan te onimaki, ao teuana te taetae

20 te miniti (te tia kairiiri n te katangitang): tain te Anene

Te beretitentii n te Moanrinan ao te tia kairiiri n te katangitang a rinei kuuna ni katoa namwakaina ni boutokai reirei ake a reiakin ataei inanon aia kiraati ao ni mwengaia. Rinanin anene ake a kamatoai reirei aikai a karinaki inanon te kairi aei. Kuuna aikai kaungaaki naba n Nakomai, Iriirai—Ibukin te Moanrinan ao Nakomai, Iriirai—Ibukiia Aomata n Tatabemaniia ao Utu.

Ngkai kam reireiniia ataei te anene, kaoiia bwa a na tibwauai baike a tia n reiakin n taian karaki ao aan taian reirei ake a reiakinaki n te anene. Kam na bae n tangiria ni manga rinanoa Nakomai, Iriirai—Ibukin te Moanrinan te kabwarabwara are ataei a kamatebwai inanon aia kiraati. Aei e na buoki ngkami n atai taian karaki ao reirei ake a reiakin bwa kam aonga n iangoia bwa kam na kanga ni boutoka aia kamatebwai ma te katangitang.

N tain te anene, kam kona naba n rinanoi anene ake a tia n reiakin ataei mai imwaina ao anene ake a ana kukurei iai n anenei. Ngkai kam kaokibwai, kaoiia ataei bwa a na tibwauai aia iango ao aia namakin n taian koaua ake a kuneaki inanon te anene.

Aia Boki n Anene Ataei bon te moan buoka ibukin te katangitang n te Moanrinan. Anene n taromauri ma te boki n anene ao kuuna man te Rao ke Riaona a tamaroa naba. N taai tabetai ataei a na kona n anenei kunan te aba ke boong ni motirawa ake a tau ibukin te Taabati ao ibukin aia ririki ataei. Kabonganan katangtang riki tabeua n te moanrinan a riai ni kariaiakaki mairoun te Bitiobiriki (taraa Aeniboki ni Kabuta: Te Beku n Ana Ekareta Iesu Kristo ibukiia Aika Itiaki ni Boong aika Kaitira, 12.3.4, ChurchofJesusChrist.org).

Taraan waakin te Moanrinan

Ni katoa wiiki, Moanrinan e na iai:

Tain te Anene:25 te miniti

Mwaing man te tabo teuana nakon te tabo teuana:5 te miniti

Taian Kiraati:20 te miniti

Taan kairiiri ibukin Moanrinan aika a bubura a kona ni bwenauai nakon uoua kurubu ao ni karekea teuana te kurubu bwa a na rinanon moa tain te kiraati n te Moanrinan ao te kurubu are teuana a rinanon moa tain te anene. Ngkanne kurubu aika uoua a na kaibibiti n te bwai are a karaoia. N aron waaki aikai, taan kairiiri n te Moanrinan a na kainnanoia ni bitii taai aika oti ieta ni kaitarai aia kaangaanga.

Katangitang ae baireaki ibukin Tain te Anene

Tianuare

• “Come, Follow Me,” Anene n taromauri, nambwa. 116

• “A Child’s Prayer,” Aia Boki n Anene Ataei, 12–13

• “Jesus Once Was a Little Child,” Aia Boki n Anene Ataei, 55

Beberuare

• “Baptism,” Aia Boki n Anene Ataei, 100–101

• “I Will Follow God’s Plan,” Aia Boki n Anene Ataei, 164–65

• “He Sent His Son,” Aia Boki n Anene Ataei, 34–35

Maati

• “I’m Trying to Be like Jesus,” Aia Boki n Anene Ataei, 78–79

• “Ko Kauti Nakon te Ingabong,” Anene n Taromauri, nambwa. 140

• “Tell Me the Stories of Jesus,” Aia Boki n Anene Ataei, 57

Eberi

• “Faith,” Aia Boki n Anene Ataei, 96–97

• “I Feel My Savior’s Love,” Aia Boki n Anene Ataei, 74–75

• “Jesus Has Risen,” Aia Boki n Anene Ataei, 70

Meei

• “Keep the Commandments,” Aia Boki n Anene Ataei, 146–47

• “Families Can Be Together Forever,” Aia Boki n Anene Ataei, 188

• “Ngai natin te Atua,” Aia Boki n Anene Ataei, 2–3

Tuun

• “Love One Another,” Aia Boki n Anene Ataei, 136–37

• “Behold the Great Redeemer Die,” Anene n Taromauri, nambwa. 191

• “Did Jesus Really Live Again?,” Aia Boki n Anene Ataei, 64

Turai

• “Stand for the Right,” Aia Boki n Anene Ataei, 159

• “I’ll Walk with You,” Aia Boki n Anene Ataei, 140–41

• “I Know My Father Lives,” Aia Boki n Anene Ataei, 5

Aokati

• “When I Am Baptized,” Aia Boki n Anene Ataei, 103

• “The Holy Ghost,” Aia Boki n Anene Ataei, 105

• “The Lord Gave Me a Temple,” Aia Boki n Anene Ataei, 153

Tebetembwa

• “When We’re Helping,” Aia Boki n Anene Ataei, 198

• “A Child’s Prayer,” Aia Boki n Anene Ataei, 12–13

• “I Know That My Redeemer Lives,” Anene n Taromauri, nambwa. 136

Okitobwa

• “When He Comes Again,” Aia Boki n Anene Ataei, 82–83

• “The Church of Jesus Christ,” Aia Boki n Anene Ataei, 77

• “I Love to See the Temple,” Aia Boki n Anene Ataei, 95

Nobembwa

• “Search, Ponder, and Pray,” Aia Boki n Anene Ataei, 109

• “Tell Me, Dear Lord,” Aia Boki n Anene Ataei, 176

• “Kindness Begins with Me,” Aia Boki n Anene Ataei, 145

Ritembwa

• “My Heavenly Father Loves Me,” Aia Boki n Anene Ataei, 228–29

• “Choose the Right Way,” Aia Boki n Anene Ataei, 160–61

• “When I Am Baptized,” Aia Boki n Anene Ataei, 103

Kabongana te Katangitang n Reiakina te Reirei

Te tai n anene e baireaki ibukin buokai antaei n namakina mwaakan te Tamnei ae Raoiroi ngkai a reiakin koaua n te euangkerio. Iango aikai a kona n ibuobuoki.

Kanoai taian Bwangabwanga. Korea kibun te anene iaon te burakibooti ma tabeua oin taeka ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkae a kanoai bwangabwanga, kaoiia ataei bwa a na tibwauai reirein te euangkerio are a reiakinna man taeka ake a bua.

Kabonganai Taeka mairouia Taan Kairiiri n te Ekaretia. Kaoiia ataei bwa a na ongora n ana taeka te mataniwi n te Ekaretia are titebo ma are e taekinaki n reirein te euangkerio n aron anenen te Moanrinan. Tuangiia bwa a na kateibaia ngkana iai te bwai ae a ongo are e buokiia ni kamatataia n taekan te koaua are a aneneia. Tuangiia bwa a na tibwaua te bwai are a ongo.

Kakoaua. Kaota ami koaua ae uarereke nakoia ataei iaon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwauaia bwa tera rekereken taian tamnei ma te anene ao tera ae reiakinaki man te anene. Te katooto, ngkana ko reiakina te anene ae “I Will Follow God’s Plan” (Aia Boki n Anene Ataei, 164–65), Ko kona ni kateki tamnei n umwanreirei are kaotii taeka aika kakawaki (n aron bwaintangira, karawa, mweenga, aonnaaba, ao bungiaki). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwaa te bwai teuana. Ko kona ni kabongana te bwai are irekereke ma te anene. Te katooto, te kuna ae “Faith” (Aia Boki n Anene Ataei, 96–97), e taekina te ati ae uarereke. Ko kona ni kaota te ati nakoia ataei ni kaotia bwa te onimaki ae uarereke iroun Iesu Kristo e kona n rikirake inanon te tai.

Reita te anene ma oin rongorongom. Buokiia ataei n tomai reirei ake a reiakinaki n te anene ma baike a rinanona ma reirei akanne. N aron te katoto, imwain te anene “I Love to See the Temple(Aia Boki n Anene Ataei,, 95), ko kona n tuangiia ataei bwa a na katei baia ngkana a tia n noora te tembora. Kaoiia bwa a na iangoia ngkai a anene bwa tera aia namakin ngkai a noora te tembora.

Anga titiraki. A mwaiti titiraki aika ko kona n anga ngkai ko anenei kuuna. Te katooto, ko kona n titirakiniia ataei tera ae a reikainna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna.

Kakauongo nakon kaeka. Tuangiia ataei bwa a na ongora n reken taian titiraki n aron “antai?” “tera?” “iara?” “nningai?” ke “bukin tera?” Te katooto, n te kuna ae “Baptism” (Aia Boki n Anene Ataei, 100–101), a kona n ongora bwa antai ae e bwabetitooa Iesu ao Iaa, ningai, n te aro raa, ao bukin tera E bwabetitoaki. Kam kona naba n tuangiia ataei bwa a na ongora n oin taeka ke ni wareki tabonibaia iraua mwaitin te tai are a anenea iai te taeka ae onoti.

Buokakia ataei n Reirei ao n Uring Anenen te Moanrinan ao Anene n Taromauri

Ataei a reiakina te anene man ongoraia ke n aneneia ni kaokiokia. Anenei n taainako taekan kuuna aika boou nakoia ataei—tai tii wareki ke ni kamatenanoi. Aei e na buokiia ataei n tomaa een te anene ma taekana. Imwin reiakinan te anene, manga rinanoia ni kawai aika a kakaokoro ma ni kaunga ni kabanea te ririki. Inano bon tabeua iango ni buokaia ataei n reiakin ao ni manga rinanon kuuna.

Karaoi boutita. Katei taian boutita ma taekan taian kibu ke tamnei are a tei ibukin tenaan taeka. Ngkai a anene ataei, rabun tabeua taeka ke tamnei ni karokoa are a kona n anene ni kabwanina kibuna n akea te boutita. Kam kona naba ni kaoiia ataei bwa a na buokii ngkami ni karaoi taian boutita.

Kamataataan toon te anene. Ni buokiia ataei n reiakina een te anene, kaaki baimi ni kaetii imoa, ao ngkana kam anenea taekana, karieta riki baimi ni kaota keeraken toon te anene, ao karuaaka baimi ni kaota keerikakin toon te anene.

Eekoo. Kaoiia ataei bwa a na riki bwa te ekoo ni kaokioka are kam aneneia. Anenea te kibu ae uarereke nakoia ataei ke teuana te rain, ao tuangiia bwa a na manga aneneia nakoim.

Kabonganai anga aika a kakaokoro. N anenean taian kuna ni kawai aika a kakaokoro, n aron te wirikiriki, te aam, ubouboan tangin te anene, ke anene ngkai ko tekateka ke n teirake.

Anene inanon te kurubu. Anganiia kaain te kiraati ke te aomata teuana te kibu bwa e na aneneia ngke e tabe n tei, ao ngkanne kaibibiti kiibu ni karokoa are e reke aia tai kaain te kiraati n tatabeua ke te aomata n anenei kiibu n tatabeua.

Kabongana katean te bai. Kaoiia ataei bwa a na iangoa aron kamwakuran baai aika a bebete bwa e na buokiia n uringa taekan ao rongorongon te anene. Te katooto, ngkana ko anenea “Reverently, Quietly” (Aia Boki n Anene Ataei, 26), Ko kona ni kaoiia ataei bwa a na booti baia, ni kabaraaki atuuia, ao n taua bwabwaia ngkana anenei mwanewen te kuna aei.

A anene ataeinaine, a anene ataeinimwaane. Korea tamnein te ataeinimwaane ao tamnein te ataeinaine, ao kuruunna ke kanimwa te tamnei iaon taian kai ni kakaokoroi. Inanon rinanoakin te anene, tabeka ieta teuana te tamnei ni kaotia bwa antai ae e na anenea mwakoron te anene anne.

Katoatoai tamnei ma kibuntaeka. Korea rainin te anene iaon te mwakoro ni beeba ae kaokoro, ao kakaea te tamnei are e tei ibukin te rain n tatabeua. Kaaki taian tamnei n iteran te ruu ao beeba n iterana are teuana. Anenea te anene, ao tuangiia ataei bwa a katoatoai tamnei ma taian taeka.

Kainibaire ibukin Aia Anga Reirei Ataei n te Bootaki n Toa

Iaan ana kairiiri te bitiobi, aia anga reirei ataei ni bootakin te toa irouia ataei e taneiai ni kakaraoaki n te kaua ni kuata n te ririki. Ngkai beretitentii n te Moanrinan ao te tia kairiiri n te katangitang, a bairea aia tai ni boowi ni moan te ririki ma te kauntira n te bitiobiriki are e tararua te Moanrinan ni moana maroroakinan taian babaire ibukin aia marooro ataei. Ngkana kam a tia n rinanoi taian babaire, karekea ana kariaia ibukiia.

Te kabwarabwara e na kariaia ataei bwa a na kaoti baike a reiakin ma aia utu man te Nu Tetemanti ni mwengaia ao n te Moanrinan n raonaki ma anenen te Moanrinan ake a tia n anenei inanon te ririki. Tataromwaaka n iangoia raoi bwa tera reirein te euangkerio ao anene ake a na boutokai baike a tia n reiakin. Ni kabwanina te ririki, korei mwin aia marooro ataei ao aia taneiai aika a onoti ibukin riain kabonganaan te tai ni kabwarabwara. Kaoiia ataei bwa a na tibwauai booki aika tabu, karaki, ao aia koaua n tain aia kabwarabwara. Ngkai ko bairea te kabwarabwara, iango kawai are a na kona ni buokiia kaain te taromauri ni katurui aia iango iaon te Tama are i Karawa ao te Tia Kamaiu ao Aia reirei.

Iunite ma karakon mwaitiia ataei e bae n iangoi kawai ike kaain te utu a na kona ni waaki iai ma natiia. Kaain te bitiobiriki a kona ni kainna te boowi n aia marooro ae uarereke.

Ngkana kam katauraoa karaoakin ami reirei, ururingi kainibaire akana imwina:

• Karaoan te kataneiai e ria n aki anaa te tai man taian kiraati n te Moanrinan.

• Tamnei, kunnikai ni kaotioti, ao bwaai ni katangitang aki katauaki ni kamanenaaki n te bootaki n toa.

Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.2.1.2, ChurchofJesusChrist.org.