Kōmeļeļe ko n̄an Iien Al im Būrookraam̧ eo an Ajri ro ilo Kweilo̧k in Kwojkwoj eo

Būreejtōnji ro im Ritōl Al ro an Būraimere Rejitōnbōro,

Al ko an Būraimere rej juon kein jerbal ekajoor n̄an jipan̄ ajri ro ekkatak kōn karōk in m̧ōņōņō eo an Jemedwōj Ilan̄ im m̧ool ko raorōk an gospel eo an Jisōs Kraist. Ilo an ajri ro al kōn pedped in katak ko an gospel eo, Jetōb Kwojarjar eo enaaj kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

pukōt jipan̄ eo an Jetōb ilo am̧ kōppopo n̄an katakin gospel eo kōn al. Kwaļo̧k naan in kam̧ool eo am̧ kōn m̧ool ko kom̧ij al kaki. Jipan̄ ajri ro loe elmen an al ko iookļo̧k ta eo rej ekkatak kake im en̄jake ilo m̧weo im ilo kūlaaj ko an Būraimere. Ajri ro im baam̧le ko aer renaaj jeraam̧m̧an kōn kijejeto ko am̧ n̄an jipan̄ ajri ro al al ko rekwojarjar.

Kōmij iakwe kom̧ im lewaj am kam̧m̧oolol kōn jerbal in wūjlepļo̧k eo kom̧ij leļo̧k n̄an kōkajoor im kōjparok ajri ro nejid raorōk.

Būreejtōnji eo Eutiej an Būraimere

Naan in kōmeļeļe ko n̄an Sharing Time eo

5 minit (Būraimere būreejtōnji eo): Jar in kōpeļļo̧k, eoon ak laajrak in tōmak, im juon ekōnono

20 minit (ritōl al eo): Iien al

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kapen pedped in katak ko ajri ro rej ekkatak ilo kūlaj ko aer im ilo m̧weo. Juon laajrak in al ko me rej kapen pedped in katak kein ekoba ilo unin tōl in. Al kein rej waļo̧k ilo laajrak ko ilo Itok, Ļoor Eō—N̄an Būraimere im Itok, Ļoor Eō—N̄an Kajjojo Armej im Baam̧le Ko.

Ilo am̧ katakin al ko n̄an ajri ro, karuwaineneik er n̄an kwaļo̧k ta eo em̧ōj kadede aer kar ekkatak kōn bwebwenato ko im pedped in katak ko me rej pād ilo al ko kwoj katakin. Kwomaron̄ bar kōņaan bar etale Itok, Ļoor Eō—n̄an Būraimere laajrak ko me ajri ro rej ekkatak ilo kūlaaj ko aer. Menin enaaj jipan̄ eok jeļā kōn bwebwenato ko im pedped in katak ko rej ekkatak bwe kwon maron̄ ļōmņak elmen n̄an jipan̄ ilo aer ekkatak kōjerbal al.

Ilo iien al, komaron̄ barāinwōt bar etale al ko ajri ro raar ekkatak im al ko rej m̧ōņōņō in al kaki. Ilo am̧ etale, karuwaineneik ajri ro n̄an kwaļo̧k ļōmņak im en̄jake ko aer kōn m̧ool ko repād ilo al ko.

Ilo Children’s Songbook ej juon kein jipan̄ eo m̧oktata n̄an al ko ilo Būraimere. Al ko jān bok in al eo im al ko jān Jera ak Liaona rebarāinwōt ekkar. Jet iien ajri ro remaron̄ al al ko al in kautiej ak iien ko raorōk me rem̧m̧an n̄an Jabōt im n̄an iiō ko an ajri ro. Kōjerbal al ko jabddwōt ilo Būraimere reaikuj in kar kōmālim jān bisoprik eo (lale Bok in Bōk Meļeļe: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.3.4, ChurchofJesusChrist.org).

Juon Etale an Būraimere

Kajjojo wiik, ilo Būraimere ekoba:

Iien al:25 minit

Iien jānij:5 minit

Kūlaaj ko:20 minit

Ritōl ro an Būraimere ko reļļap remaron̄ ajije ajri ro n̄an ruo kurub ko im kōm̧m̧an bwe juon kurub ilo kūlaaj ko an Būraimere ilo an kurub eo juon ej pād ilo iien al eo. Innem kurub ko ruo remaron̄ ukōt jikier. Ilo kain jekjek in, ritōl ro an Būraimere remaron̄ in ukukōt awa ko rej waļo̧k ilōn̄ n̄an kōkkare n̄an jekjek ko aer.

Al Elmakote n̄an Iien Al eo

Jānwōde

• Come, Follow Me,” Hymns, no. 116

• A Child’s Prayer,” Children’s Songbook,12–13

• Jesus Once Was a Little Child,” Children’s Songbook,, 55

Pāpode

• “Baptism,” Children’s Songbook,, 100–101

• “I Will Follow God’s Plan,” Children’s Songbook,, 164–65

• “He Sent His Son,” Children’s Songbook,, 34–35

M̧aaj

• “I’m Trying to Be like Jesus,” Children’s Songbook,78–79

• “Did You Think to Pray?,” Hymns, no. 140

• “Tell Me the Stories of Jesus,” Children’s Songbook,57

Eprōļ

• “Faith,” Children’s Songbook, 96–97

• “I Feel My Savior’s Love,” Children’s Songbook, 74–75

• “Jesus Has Risen,” Children’s Songbook, 70

Māe

• “Keep the Commandments,” Children’s Songbook, 146–47

• “Families Can Be Together Forever,” Children’s Songbook, 188

• N̄a Nejin Anij,” Al ko Al in Ajri, 44

Juun

• Love One Another,” Children’s Songbook,136–37

• Behold the Great Redeemer Die,” Hymns,, no. 191

• “Did Jesus Really Live Again?,” Children’s Songbook, 64

Juļae

• Stand for the Right,” Children’s Songbook,, 59

• “I’ll Walk with You,” Children’s Songbook, 140–41

• I Know My Father Lives,” Children’s Songbook,,5

O̧kwōj

• “When I Am Baptized,” Children’s Songbook, 103

• “The Holy Ghost,” Children’s Songbook, 105

• “The Lord Gave Me a Temple,” Children’s Songbook, 153

Jeptōm̧ba

• “When We’re Helping,” Children’s Songbook, 198

• “A Child’s Prayer,” Children’s Songbook, 12–13

• Ij Jela Bwe Aō Dri Pinmuur Ej Mour,” Al ko Al in Ajri,, nō. 28

Oktoba

• “When He Comes Again,” Children’s Songbook, 82–83

• “The Church of Jesus Christ,” Children’s Songbook, 77

• “I Love to See the Temple,” Children’s Songbook, 95

Nobōm̧ba

• “Search, Ponder, im Pray,” Children’s Songbook, 109

• “Tell Me, Dear Lord,” Children’s Songbook, 176

• “Kindness Begins with Me,” Children’s Songbook, 145

Tijem̧ba

• “My Heavenly Father Loves Me,” Children’s Songbook, 228–29

• “Choose the Right Way,” Children’s Songbook, 160–61

• “When I Am Baptized,” Children’s Songbook, 103

Kōjerbal Al ko n̄an Katakin Katak eo

Singing time ej n̄an jipan̄ ajri ro en̄jake im̧we eo an Jetōb Kwojarjar ilo aer ekkatak m̧ool ko an gospel in. Ļōmņak kein ilaļ remaron̄ jipan̄.

Kanne ļain eo ejjeļo̧k kobban. Je juon eoon jān al eo ioon boot eo kōn jet naan ko raorōk rejako. Innām kajjitōk ippān ajri ro n̄an al al eo, ron̄jake naan ko me rekkar n̄an ļain ko ejjeļo̧k kobbaer. Ilo aer kanne kajjojo ļain ejjelo̧k kobban, kōnono kōn ta pedped in katak ko kwoj ekkatak jān naan ko rejako.

Kōjerbal kout ko jān ritōl ro an Kabun̄ in. Karuwaineneik ajri ro n̄an ron̄jake juon kout jān juon ritōl an Kabun̄ in me ej katakin kōn ejja pedped in katak ko an gospel eo ejja āinwōt al eo an Būraimere. Kajjitōk ippāer n̄an kajutak peier n̄e rej ron̄ jet men ko me ejipan̄ er meļeļe m̧ool eo rej al kake. Kajjitōk ippāer n̄an kwaļo̧k ta eo rekar ron̄jake.

Kam̧ool. Kwaļo̧k naan in kam̧ool eo am̧ ilo tukadu in n̄an ajri ro kōn m̧ool ko an gospel eo loe ilo al eo an Būraimere. Jipan̄ ajri ro meļeļe bwe al ej juon wāween eo remaron̄ in kwaļo̧k naan in kam̧ool n̄an en̄jake Jetōb eo.

Kōjerbal pija ko. Kajjitōk ippān ajri n̄an jipan̄ eok pukote ak ejaaki pija ko me rekkar n̄an naan ko raorōk ilo al eo. Karuwaineneik ajri ro n̄an kwaļo̧k pija ko reiookļo̧k al eo im ta eo al eo ej katakin. N̄an waanjon̄ok, eļan̄n̄e kwoj katakin al eo “I Will Follow God’s Plan” (Children’s Songbook, 164–65), komaron̄ likūt pija ko ilo ipeļaakin ruum̧ eo rej jutak kōn naan ko raorōk jān al eo (ko āinwōt menin letok, lan̄, m̧weo,, laļ in,, im ļotak). Kajjitōk ippān ajri ro n̄an aiin pija ko im kotaki ilo aer kōllaajraki ilo jim̧we ilo ami al al eo ippān doon.

Kwaļo̧k juon kein katak: Kwomaron̄ kōjerbal juon menin ekkatak me eiokļo̧k al eo. N̄an waanjon̄ok, al eo “Faith” (Children’s Songbook,, 96–97) ej kōņono kōn juon ine edik. Kwomaron̄ kwaļo̧k n̄an ajri ro juon ine n̄an jipan̄ er meļeļe bwe jidik tōmak ilo Jisōs Kraist emaron̄ eddōkļo̧k.

Ekkejeli al eo ippān en̄jake ko an juon make. Jipan̄ ajri ro dāpij pedped in katak ko kar katakin ilo al eo ippān en̄jake ko rekar en̄jaki kōn pedped in katak ko. N̄an waanjon̄ok, m̧okta jān al “I Love to See the Temple” (Children’s Songbook, 95), komaron̄ kajjitōk ippān ajri ro n̄an kotak peir eļan̄n̄e em̧ōj aer lo juon tampeļ. kajjitōk ippāer n̄an ļōmņak ilo aer al kake elmen aer en̄jake n̄e rej loe juon tampeļ.

Kajjitōk kajjitōk ko. Ekanooj lōn̄ kajjitōk ko komaron̄ kajjitōk ilo ami al. N̄an waanjon̄ok, komaron̄ kajjitōk ippān ajri ro ta eo raar ekkatak jān kajjojo eoon ko ilo al eo. Kwomaron̄ bar kajjitōk ippāer n̄an ļōmņak kōn kajjitōk ko me al eo ej uwaaki.

Ron̄jake uwaak ko. Kajjitōk ippān ajri ro n̄an ron̄jake uwaak ko n̄an kajjitōk ko āinwōt “wōn?” “ta?” “ia?” “n̄āāt?” ak “etke?” N̄an waanjon̄ok, ilo al eo “Baptism” (Children’s Songbook, 100–101), komaron̄ ron̄jake wōn eo eaar peptaiji Jisōs im ia, n̄āāt, elmen, im etke Eaar peptaij. Komaron̄ barāinwōt kajjitōk ippān ajri ro n̄an ron̄jake naan ko raorōk ak naan ko ilo juon eoon ak n̄an būne ilo addin peier jete kōttan aer al jet naan.

Jipan̄ Ajri ro Ekkatak im Keememej Al ko an Būraimere im Al in Jar ko

Ajri ro rej ekkatak juon al ilo aer ron̄jake im al kake im bar al kake. Aolep iien al naan ko ilo juon al kāāl n̄an ajri ro—jab baj riiti wōt n̄an er. Menin ejipan̄ ajri ro koneeke tōn eo n̄an naan ko. Ālkin katakin juon al, etale ilo elōn̄ wāween ko rekaitoktok limo ilo aolepān iiō eo. Itulaļ rej jet iaan itia ko n̄an jipan̄ ajri ro ekkatak im etali al ko:

Ejaake peba kileplep ko. Kwaļo̧k peba kileplep ko ippān kajjojo eoon ak pija ko me rej bōk jikin naan eo. Ilo an ajri ro al, pinej jet iaan naan ko ak pija ko m̧ae iien remaron̄ al aolepen eoon eo kōn jab lale peba kileplep eo. Kwomaron̄ bar kajjitōk ippān ajri ro n̄an jipan̄ eok ejaake peba kileplep ko.

Kwaļo̧k tōn eo. N̄an jipan̄ ajri ro ekkatak tōn eo an juon al, likūt peim ilo jekjek in juon lain ejejjet, im ilo am̧ al naan ko, kotak pein lōn̄ļo̧k im laļtak.

Āliji. Kajjitōk ippān ajri ro bwe ren āliji ta eo kwoj al kake. Al n̄an ajri ro juon eoon ekadu ak juon ļain, innām kōm̧m̧an bwe ren al waj.

Kōjerbal Oktak ko. Al al ko ilo wāween ko reoktak, āinwōt unoojdikdik, in̄n̄ūrn̄ūr, kabokbok, okoktak in al, ak al ilo iien jijet jutak.

Al ilo kurup ko. Leļo̧k n̄an kajjojo kūlaaj ak kajjojo ajri juon naan n̄an al kake ilo aer jutak, innām bwe ren jāniji naan ko m̧ae kajjojo kūlaaj ak kajjojo ajri em̧ōj aer kajjojo al kajjojo naan eo.

Kōm̧m̧ani M̧akūtkūt in Pāā ko. Kajjitōk ippān ajri ro n̄an ļōmņake m̧akūtkūt in pā ko repidodo n̄an jipan̄ er keememej naan ko im ennaan ko ilo al eo. N̄an waanjon̄ok, al eo kwoj al kake “Reverently, Quietly” (Children’s Songbook,, 26), komaron̄ bar karuwaineneik ajri ro n̄an bokpā, badikdik, im jibwe ubweer n̄e rej al al eo.

Leddik ro rej al, ļaddik ro rej al. Jin̄aik juon pija in juon ļaddik im juon pija in juon leddik, im kūļukii ak tepe pija ko ioon jet aļaļ. N̄an etale al eo, kotak juon iaan pija ko n̄an kwaļo̧k wōn eo eaikuj in al me ej m̧ōttan al eo.

Kakkar juon pija n̄an juon eoon. Je kajjojo ļain in al eo ioon juon bar peba, im pukōt pija eo ej juak kōn kajjojo ļain ko. Likūt pija ko ilo tūrājet in ruum̧ eo im peba ko ilo tūrājet eo juon. Al al eo, im kajjitōk ippān ajri ro n̄an māāje pija ko n̄an naan ko.

Laajrak n̄an Būrookraam̧ eo an Ajri ro ilo Kweilo̧k in Kwojkwoj eo

Ium̧win tōl eo an bisop eo, būrookraam̧ eo an ajri ro n̄an kweiļo̧k in kwojkwoj eo ekkā an kōm̧m̧an ilo kuwōta eo kein kemen ilo kajjojo iiō. Āinwōt Būraimere būreejtōnji im ritōl al eo, karōke n̄an kweilo̧k ilo jinoin iiō ippān rikakpilōklōk eo ilo bisoprik eo ej lale Būraimere n̄an jino ekōnono kōn karōk ko an būrookraam̧ eo. N̄e ededeļo̧k ami karōk pepe ko, bōk an mālim n̄an er.

Būrookram̧ eo eaikuj in kōm̧m̧an bwe ajri ro ren kwaļo̧k ta eo er im baam̧le ko aer raar ekkatak jān Kallim̧ur Ekāāl ilo kapijuknen im ilo Būraimere, ekoba al ko an Būraimere raar al kake ilo iiō eo. Lukkuun jar im ļōmņak kōn ewi wōt pedped in katak ko an gospel eo im al ko me rej rejtake ta eo raar ekkatak. Ilo aolepān iiō eo, je kakeememej ko kōn ekōnono ko an ajri ro im en̄jake ko an kajjojo n̄an maron̄ kōjerbali ilo Karuwaineneik ajri ro n̄an riiti jeje ko rekwojarjar, bwebwenato ko, im naan in kam̧ool ko aer ilo būrookram̧ eo. Ilo am̧ karōk būrookram̧ eo, ļōmņake wāween ko emaron̄ in jipan̄ jarlepju eo mije wōt Jemedwōj Ilan̄ im Rilo̧mo̧o̧r im katak ko Aer.

Iunit ko me edik uwaan ajri ro ie remaron̄ in ļōmņake wāween ko me baam̧le ko remaron̄ bōk koņaer ippān ajri ro nejier. Juon uwaan bisoprik eo emaron̄ kōjem̧ļo̧k kweilo̧k eo kōn jet naan ko rōkaddu.

Ilo am̧ kōpooj būrookram̧ eo, keememej laajrak in karōk kein:

• Iien kaminene ko ejjab aikuj in bōk eļap iien jān kūlaaj ko an Būraimere ak baam̧le ko.

• Būrookraam̧ ko me rej kōjerbal pija ko, costume ko, ak pijaan alooj ko rejjab ekkar n̄an kweilo̧k in kwojkwoj eo.

Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan ko Āliktata, 12.2.1.2, ChurchofJesusChrist.org.