Magpaila-ila og mga Higala ngadto sa mga Misyonaryo
Ang pagdapit og mga higala nga makighimamat sa mga misyonaryo usa ka gamhanan nga paagi sa pagpakigbahin sa ebanghelyo ni Jesukristo. Ang Langitnong Amahan hingpit nga nakaila ug nahigugma sa inyong mga higala ug motabang ninyo nga makahibalo kon kanus-a ug unsaon paghatag og pagdapit ngadto kanila aron makighimamat sa mga misyonaryo.
Sa dili pa ninyo ipaila-ila ang inyong mga higala sa mga misyonaryo, seguroha nga sila komportable niana nga lakang ug tabangi sila nga makahibalo unsa ang malaoman.
Unsa ang Malaoman Kon Makighimamat sa mga Misyonaryo
Sa higayon nga inyong i-refer ang inyong mga higala ngadto sa mga misyonaryo, pakighinabi sa mga misyonaryo aron matabangan sila nga makasabot sa mga panginahanglan, mga interes, ug mga pangutana sa inyong mga higala. Apil sa mga panaghisgotan sa ebanghelyo ug sa mga leksiyon sa mga misyonaryo kauban sa imong mga higala sa personal o online. Ang inyong pag-apil maghatag og positibo nga epekto sa kasinatian sa pagkat-on sa inyong mga higala mahitungod ni Jesukristo ug sa Iyang ebanghelyo.