Stap Gohed blong Muv Fored

Bae yu kasem sapot long ol hadwok blong yu blong stap folem Kraes taem bae yu stap groap long ol fofala eria ia tru long: fasin blong lanem gospel, givim seves mo tekpat long ol aktiviti, mo fasin blong stap divelopem yuwan.

Stap Lanem Gospel

Blong stap lanem gospel long hom mo long jos, i givim yu wan fandesen long saed blong spirit long saed blong evri samting insaed long laef blong yu. Taem yu stap praktisim wanem we yu stap stadi long hem, maet bae yu save faenemaot ol wei we yu save folem Jisas Kraes yuwan, wetem famli blong yu, o wetem kworom blong yu, o wetem klas blong yu.

Seves mo Ol Aktiviti

Taem yu stap tekpat long seves mo ol aktiviti, yu save gat gudtaem wetem famli blong yu, ol fren, mo ol lida, mo semtaem, lanem ol skil blong yu, gat ol niu eksperiens, mo givim seves long ol narawan. Yu save givim seves tu, taem yu tekpat long ol tabu odinens. Seves mo ol aktiviti, oli stanap long wanem i stap long Luke 2:52 mo i tekem tu, ol aktiviti blong dei blong wik, mo tu, ol maltidei aktiviti blong ol yut, olsem ol kamp, ol tempol trip, mo ol konfrens, “Blong Ol Yut Oli Kam Strong (BYS) mo ol yut konfrens.

Divelopmen blong Yuwan

Yu save folem Jisas Kraes long divelopmen blong yuwan taem yu stap lukaotem revelesen long olsem wanem yu save gro long evri eria blong laef blong yu. Yu jusum wanem yu wok long hem, mo yu save askem help long famli blong yu, ol fren mo ol lida blong yu.